رواية خنت عقلي ومشيت بدرب قلبي -3
ريناد:انقلعي مكانك مابي اصورتركي بلعانه: بس انا ابي ويللا بنسوي الي قالت عليه
ريناد:لا يعني لا
تركي:ماتقدرين تمنعيني قدام عمي والناس
وقام ومسكه من خصره وصار ظهره ملاصق صدره وهي متنرفزه وتتوعد بل مصوره وصورتهم وطلبت كم حركه وتركي مستانس ينفذ كل الي تقوله وقهرتني لمن قالت حط خدك على خده ومسك خصره بدينك الثنتين وسوه الي قال وانا ساكته لان قدام الناس
بعده لبسني الشبكه و لبسني الدبله ولبسته الدبله وقصينا الكيكه الي مكونه من 6 طبقات واكلني واكلته وقهرتني المصوره لمن قالت شربوه من نفس الكأس مع بعض ودي رفسته على بطنه
اما عند سمر كانت منقهره حتى لمن جات تسلم قالت ليه مكياجك كذا ليه كذا ليه كذا
حسيت من نظرته شر
جلسنا شوي بعدين قمنا يوصلني تركي لبيتنا وانا امشي على الجسر كان في ماي وجيت بطيحه بس تركي على طول مسكني وصرت في حظنه والأحراج قدام الناس اكيد عرفتوا مين الي حط ماي سمر
انقهرت سمر زود لمن بطيح ومسكني تركي
ورجعنا بيتنا ودخلت اخذ لي شوار وطلعت وشفت جوالي رساله فتحته وكان تركي
"رضيت باقداري ونصيبي ...
صرت محبوب الحبايب ....
وصار كل عاشق حبيبي ...
الليلة غيــــــر.....
شعوري غير أشواقي غير ....
حتى الأغاني غير ...
صدري سما واحساسي طير....
بس طيفك ماتركني ....
ظل ساكن تحت جفني.....
كان وافي ....
كان يذكر وانت جافي ....
انت ويـــــنك ؟....
كان هذا الفرق مابيني و بينك ...
جيتني تشكي الزمن ....
وجيتك أبي أدفى ....
لقيت في قلبي وطن ...
ولقيت بك منفى من حبيبك ...."
ريناد"والله وصدق نفسه يقول من حبيبك هين"
ونمت وماجلست الا العصر
رن جوالي شفت مين تروك يتصل بك
تركته مارديت وضل يتصل مره ومرتين لحد ماطفشت ورديت
ريناد:الو
تركي :لا لكان رديتي
ريناد :اخلص شنوا تبقي
تركي رنيم وجع تكلمي عدل
ريناد: شكلك راعي طويله تكلم لا سكر في خشتك
تركي :لتخليني اقدم الزواج وخليه بعد شهر
ريناد:سوه وتشوف
تركي:يعني مأدبتي من المرة الأولى صبر
ريناد خافت:لا لا ـــــــــــــــــــ سكر في وجهي اللحين شسوي افففف انا الي جبته لنفسي
اتصل تركي بي ابوه قاله ان يبقى الزواج خلال شهر وحجزو القاعه وقال لعمه
وقال بو خالد لي ريناد حاولت تغير رايه لكن قال انهم حجزو القاعه
راحت غرفته واتصل تركي على ريناد
ريناد:ليه سويت كذا
تركي:والله قلت لك لا تطولين لسانك
ريناد:اففففففف
تركي:كم مره اقولك لا تتأسفين
ريناد:اللحين مافي شي تهددني به
تركي:لا فيه سمعي شركتنا فتحت فرع جديد في الدمام وانا الي اديره يعني بنروح نسكن بدمام وكل خميس وجمعه ننزل الأحساء
ريناد:لا والله اقلب وجهك أن بضل عند اهلي وانا انزل كل خميس وجمعه واذا نزلت انا جيت لبيتكم
تركي:ريناد لا تحديني ماننزل الا كل شهر
ريناد:ودرستي
تركي:انتي تدرسين منازل يعني ايام الأختبارات ظلي بل حساؤ
ريما :اففففففففففففففففففففففف
تركي افين بعد
ريناد:خلاص انت خططت وسويت شباقي بعد خلاص يللا باي
تركي:لحظه ـــــــــــــــــــــــ صبر ماتبين تتكلمين معي انا وريك
مر الأسبوع والجمعه راح تكون بيت بوخالد
غرفة ريناد كانوا شذى وندى
ندى:متى راح تبدين تجهزين لزواجك
ريناد:افففففففففففففف لا تذكروني
شذى:ريناد انتي مغصوبه على اخوي
ندى:أي صحيح احنا مانشوفك فرحانه مثل أي عروس
قالت ريناد ندى وشذى كل شي
ندى:والله اخوي طيب
ريناد:أي طيب والي يرحم والديك شوفي كل يعاند
شذى:انتي كسبيه
ندى:وبعدين لو اهو مايحبك كان مأثر عليك وقال يبقيك حتى وانتي لمن قلتي له انك ماتلقينه
ريناد:سكرو الموضوع والي يرحم والديكم
شذى:ههه
ندى وريناد:شفيك تضحكين
شذى:شتسوين لجى يدخل عليك ليلة الزواج
ريناد وجه احمر:شب ولا كلمه صج قليلة ادب وبعدين مين قالكم اني راح اخليه يقرب مني
ندى :حرام تبين الملائكه تلعنك
شذى:وبعدين انتي ماتقدرين تمنعينه
ريناد :سكروا على الموضوع
ندى طيب متى راح تبدين تجهزين للزواج مابقي غير 3 اسابيع
ريناد:مادري
شذى: خلاص من بكره نروح السوق
ريناد:اوكي
اليوم الي بعده رحنا السوق وشرينا الأكسوارات وشوية قمصان وبناطلين وطول الأسبوع نروح وفي يوم رحنا وصار هذا الموقف
شذى:يللا ندخل محل نعومي
ريناد:وليه ان شاالله
ندى:وليه بعد كل عروس تشتري قمصان نوم وتلبسهم لزوجه
ريناد:الا انا ملابسهم لتروك
شذى:هذا افقع مخه قولولي شسوي فيه
ندى خذت شذى على جنب بعدين رجعوا
ريناد:وش كنتو تتكلمون عن
ندى: اخت واخته بنت العم شدخله
وصار كل يوم نروح اسواق
وحجزنا كل شي الفستان والمشغل وخلصنا كل شي وطبعا كله بمساعدة بنات عمي الي من دونهم مادري شسويت ومابقى غير اسبوع على الزواج
:::::::: ::::
في بيت بوتركي
دق التلفون
شذى:الو
....
شذى وعليكم السلام
...
شذى :ايه لحظه
شذى : يمه تلفون
جات ام تركي وخذت التلفون
ام تركي:الو
......
ام تركي:وعليكم السلام
...
ام تركي:هلا والله شخبارك وشخبار مشاري وسلوى
...... ...
ام تركي:هذي الساعه المباركه
...... ......
ام تركي: بس تدرين لازم ناخذ راي ابوه والبنت
...... ...
ام خالد:على خير ان شاالله مع سلامه
سكرت التلفون
شذى بلقافه:وش تبقى ام مشاري
ام خالد:بل لقافه
شذى:شكله تخطب
ام تركي:صج ملقوفه قومي هناك
شذى:افففففففففففففف ولا كأني وحده من البيت
دخل بو تركي وقامت ام تركي معه لغرفتهم
علشان تكلمه بالموضوع
بوتركي:ايه بس بصراحه يوم العزومه عجبني اخلاق ودين
ام تركي:أي قالت يبقون الرد في زواج ريناد وتركي
بو تركي:اخذي راي البنت اولى
اليوم الي بعده راحت ام تركي غرفة ندى
ام تركي:شخبار بنتي
ندى بخير يمه لكان جيتي كان طلبتيني وجيت
ام تركي:لا يمه بكلمك بموضوع
ندى :خير يمه
ام تركي:انتي كبرتي وصرتي عروس ومشاري ولد خالة ريناد متقدم لك
ندى قلب وجه احمر:....
ام تركي:شرايك انتي استخيري وردي علي
وطلعت وخلت ندى متفائلة
:::::::: :::::
أما عن تركي رتب جناحه في بيت بو تركي علشان اذا جاو من الدمام يقدون فيه وحط غرفة نوم فخمه لونه عنابي محروق وفي زاوية السرير اعمدة وفي الدمام اخذ له شقه مكونه من غرفتين نوم وصاله ومطبخ مؤثثه بأثاث فخم
:::::::: ::::
اليوم الي بعده استخارات ندى ورتاحت وقالت لمه انه موافقه
:::::::: ::::
يو الحنا كنت لبسه جلابيه فخمه لونه احمر وكنا كلنا مجتمعين في المزرعه حتى خالتي جاو علشان زواجي
:::::::: :::
الليلة موعد زواج تركي وريناد وكان في افخم الصالات
ريناد وصلت القاعة مع ندى وشذى لانها هي الي راحت المشغل معاها
الجزء السادس
ندى كانت لابسه فستان احمر خمري لانه اللون المفضل لريناد
وهي بعد وكان موديله فخم مطرز بالخرز والكريستال عند الصدر والخصر
ونافش شوي وذيل طويل من ورى اما شعرها كانت تسريحتها
تسريحة غجرية ومزينا بشرايط حمرا
اما شذى فستانها وردي ناعم مرة ومسوية تسريحة الكريزي
لان شعرها قصير
اما العروس كانت في قمة الحلا والجمال بفستانها الأبيض كان موديل
الصدرية مثل الفساتين الغجرية على شكل مشد واسكته الشرائط
أما التنورة فكانت مموجة بالقماش ومطرزة بالخرز الاحمر
شعرها شنيون ولابسة تاج ملكي مع الطرحة ومكياجها ناعم وفخم بنفس الوقت وخلت قذله له من الجنب علشان تغطي على العين
حان موعد الزفة اول شئ انزف تركي مع اخوه وابوه وجلسوا وارقصوا اشوي بعدها طلعوا
ودخلوا بنات خالاتها الصغار بنتين وقفوا فوق الجسر وبنتين عند بداية الجسر
الي فوق الجسر وحدة ماسكة مبخر على اليمين والثانية مرش عند اليسار
اما الي عند بداية الجسر الاولى ماسكة المرش على اليمين والثانية المبخر على
اليسار وكانوا يمشون على موسيقى كلاسيكية وبعدها دخلو الاولاد الصغار
لابسين الشماغ والدقلة السودا وماسكين سيوف واقفين عند درج المسرح
وبدت اغنية عبدالمجيد مرتاح ودخلوا خوان ريناد وابوها كان في المقدمة
ابوها وبعده خالد ووليد
وشت ولمن وصلت للدرج قام تركي ومسك يده وراحمعه للكوشه وفتح الطرحه وانبهر بجماله
وبعده قام خالد ووليد يرقصون وقومو ريناد ترقص معهم ورقصت بس ضايقه فستانه
وجلسو وقصو الكيكه طبعا هالمره المصورة ما قالت سوو حركات لان ريناد متوعدة فيه
وراحو الفندق لان بوتركي حجز لهم يومين بل فندق ولي وصلهم خالد ومعه وليد وره ريناد وتركي
لمن وصوا الفندق نزلت ريناد وساعده على النزول تركي
وهم داخلين الفندق شاف خالد وره يمشي مع وليد
تركي وقف :خير انت ومعه
خالد:سلامتك بس بوصل اختي
تركي:انقلع عن وجهي
وليد:نبقى نشوف السويت اللي حجزته اختي اذا يناسب اختي ولا لا
وراحو ودخلو الجناح
تركي:شفتوا يللا بره
خالد جلس وحط رجل على رجل:لا بس بنجلس شوي
وليد:طلبوا لنا عشا
خالد:أي والله انا جوعان حدي
تركي:طلعوا برى
وليد:ريناد تبقيني نطلع برى
ريناد بسرعه:لا لا خلك انا ابغاكم
خالد:شفت العروس تبقانه
تركي:طلعو احسن لكم
ضحكو عليه وطلعو وسكر الباب
بس سكره دق الباب فتح الباب
تركي:نعم
خالد:لا بس بنشوف شسويت بختي
تركي فور منهم:يعني امداني اسوي شي
خالد:هههههه
وسكر الباب ودق مره ثانيه
فتح الباب:نعم في شي بعد ماتخلون احد ياخذ راحته
وليد:لا بس بنقول لا تاخذ راحتك من اول ليله ترى اختي تستحي وطفت الأنوار
تركي:اقلبو وجيهكم
وسكر الباب وراح وجلس جنب ريناد
تركي:مبروك قلبي
ريناد منزله راسه:.....
قرب شوي تركي:لا تستحين
ريناد:لا تقرب اكثر مابيك
راح تركي ورفع راسه بيده :بس انا زوجك
ريناد:انا مابيك يأخي افهم
تركي:عصب وانا مابيك بس انا اوريك لا تفكرين لا قلت مابيك يعني مابقى حقوقي الشرعيه لا بس بتركك لان انا مالي مزاج
ريناد:راحت على طول غرفه وسكرت على روحه وفتحت الدولاب طبعا كانو مرتبين ملابسه ندى وشذى وشافت ملابس ومن ضمنهم قمصان نوم استغربت من وين وشافت رساله
مكتوب(اكيد اللحين انتي تقرين الرساله لمن رحنا السوق وقلنا نشتري لك وانتي مارضيتي رحنا في الليل أنا وشذى وشرينا لك ليله سعيده
ندى وشذى) حسبي الله عليكم من بنات وراحت وغيرت ملابسه وخذت شوار ونامت
:::::::: ::::::::
عند تركي"ان ماخليتك تحبينى تتعلقين فيني يا ريناد ماكون تركي والله لو اني احبك ولا كان اخذت الي ابقى غصب بس تركت لحد ما تميلين لي وتحبني"
ونام المسكين على الكنب
:::::::: :::::::: ::
اليوم الي بعده جلست ريناد وضلت بل غرفه لحد مادق الباب
ريناد:مين
تركي:يعني مين انا مافي احد غيري انا وانتي
ريناد:ستبقى
تركي:ريناد فتحي ابقى ابدل ملابسي مايصير كذا
ريناد فتحت الباب وراحت بعيد
تركي:صباح الخير
رينا:....
تركي:شدعوه ردي علي
ريناد:....
تركي:طيب قومي فطري
ريناد:مابقى
تركي بحنان:قلبي ريناد لا تخافين قومي والله ماراح اسوي شي من دون رضاك
ريناد:مو مشتهيه
تركي:طيب قومي بس قعدي جنبي وشربي عصير
قامت اهي ميته جوع بس مو مشتهيه تكابر
شربت عصير على العصر وصله المشغل
وعلى المغرب خلصت واتصلت على خالد
خالد:هلا بالعروس
ريناد:اهلين ممكن تجيني المشغل
خالد:وتركي وينه
ريناد توهقت :تركي في بيتهم ومشغول
خالد:معرس ومشغول
ريناد:يللا عاد
جى خالد ووصل ريناد لبيت عمه
اول ماوصلت استقبلته امه بل احضان
وبعده راحت غرفة شذى تفصخ العبايه وكانت لابسه
كانت لابسة فستان اخضر عشبي حرير علاق عند الرقبة ومطرز بالخرز حوالين الصدر والخصر
من قدام قصير لعند الركب وذيل طويل من ورى ولابسة صندل ربط اما شعرها مسيح ومرول
من تحت بس وحاطه كحل عربي مع شدو اخضر بتدرجاته ومدخل عليه اللون الاصفر والاسود
والروج لونه احمر فاقع مبرز بياض ريناد
شذى:يعني اكيد تركي ماقدر يترك هل جمال
ريناد عطته طاف
دق جوال ريناد وكان تركي
ريناد:هلا
تركي :هلا يللا نزلي انا عند المشغل
ريناد:بس انا جيت البيت
تركي عصب:ومع مين رجعتي
ريناد :مع خالد
تركي بعصبيه:وانا ليه ماتصلتي علي
ريناد:اقول اخلص انا وجيت البيت باي
وسكرت وتركت تركي مفور منه بس تحكم باعصابه وقال اهي متعقد مني وسبب ذيك السالفه ماعليه
:::::::: :::::::: ::::::
رجع تركي البيت ودخل مجلس الرجال
:::::::: :::::::: ::::
لمن راحو الضيوف دخل تركي وسلم على امه ولا شاف ريناد لان اهي بس سمعت انه بيدخل راحت على طول غرفة ندى تستحي تجلس جنبه كذا
:::::::: :::::::: ::::::
اتصل تركي على ريناد وقاله تضطلع علشان يرجعون الفندق ولبست عباتها وطلعت لمن وصلو الفندق دخلت ريناد على طول الغرفه
ودخل تركي وراه
ريناد:اطلع بره
تركي:ليه
ريناد:بفصخ عباتي
تركي :عادي فصختيه
ريناد:بس انا مابيك تشوفني كذا
تركي بخبث: ليه وش لبسه
ريناد:مالك شغل اطلع ببدل
تركي: ماني طالع ليه خايفه
ريناد:لا مو خايف وفصخت العباه
تركي خق على شكله وجماله "ياناس كل هالجمال لي انا لوحدي مو قادر اصدق"
ريناد:طالعني كذا
تركي:وانتي ان شاء الله جلست جنب الحريم كذا
ريناد باستغراب:ايه ليه في سي
تركي:ايه الفستان عاري
ريناد افففففففففففف:لا مو عراي كل الناس تلبس كذا
تركي :ليه وانتي رحتي عروس انتي الله يهداك حابسه روح بل بيت
ريناد تجمعت الدموع بعيونه:انت السبب بكل الي انا فيه وطلعت للصاله وتركته
:::::::: :::::::
تركي"صج اني غبي الحين ابيك تحبني اقوم اقوله هل كلام اففففففففففففففففففففف شسوي"
راح وشاف ريناد جالسه تصيح وحاظنه المخده
حط يده على راسه ومسح عليه :حبيبتي انا اسف
ريناد:رح عني مابيك اكرهك
تركي:والله مو قصدي
ريناد وهي تشهق من الصياح:اصلا انا مابيك بس وافقت علشان ابوي كل منك انت السبب اكرهك
حاول تركي يهديه بس ما هدت دخل الغرفه وبعد ساعه طلع وشافها نايمه مثل الملاك
راح شاله وحطه على السرير وغطاه عن لا تبرد وهو راح نام على كنب الموجود بل غرفه
ونام
:::::::: :::::
اليوم الي بعده حست ريناد بشي مضايقه فتحت عيونه وشافت نفسه بل سرير "مين حطني على السرير انا كنت نايمه على الكنب وانتبهت انه نامت بالفستان"قامت اخذت شور ولبست برمودا وبدي وطلعت الصاله وشافت تركي
تركي ببتسامه:مافي صباح الخير
ريناد من دون نفس:صباح الخير
تركي:صباح النور
تركي :طلبت فطور لي ولك ولا تقولين انك مو مشتهيه انتي من امس ماكلت شي
وصل الفطور وفطرنا اذن الظهر وقمنا نصلي بعد صلاة
تركي:ريناد جهزي حالك بنرجع للبيت
ريناد من دون ماترد راحت وجهزت حاله وهي تجهز حاله دخل تركي
تركي:ريناد حبيبتي والله ماكان قصدي
ريناد ترتب اغراضه من دون ما تطالعه
تركي:والله اسف
ريناد:بسامحك بس لانك ولد عمي لااكثر ولا اقل
تركي ببتسامه:اوكي بس ريناد مايصير نروح قدام اهلي وانتي مو طايقتني
ريناد:والمطلوب
تركي:يعني نكون مثل أي زوجين سعيدين لحد ماانتى تقبليني
ريناد:ومين قال اني بتقبلك احنا بس قدام الناس ولا انا وانت كل واحد بجه
تركي بتنهيد :اوكي وشي ثاني انا بصراحه بنام على السرير
ريناد تخصرت:خير وليه ان شاالله
تركي:بصراحه ظهري تكسر من الكنب وبنام على السرير
ريناد:وان شاءالله تبيني انام على الكنب
تركي :والله بكيفك انا حتى اذا نمتي جنبي ماراح اقرب جنبك االا برضاك
ريناد:نشوف
وراجو بيت بو تركي فتغدوا معهم وبعدين ريناد جلست مع ندى وشذى وتركي مع بوتركي
:::::::: :::::::
عند ريناد
شذى:وش سويتي اول ليله
ريناد:ماخليته يقرب جنبي ابد
ندى :ماقرب
ريناد:لا والله
شذى:والليله الي بعده
ريناد: هم بعد ماقرب
ندى:قريبه ليه شسويتي
ريناد:قلت له انا مابيك ولا تقرب جنبي قال اللي مايبيني ماابيه
ندى : بس تركي مايتركك
ريناد:نشوف يا انا ياهو
:::::::: ::::::::
على العشا
بوتركي:راح نروح المزرعه ونبات يومين مسوي عزيمه بمناسبة زواج تركي
ندى :متى راح نروح يبه
بوتركي:بعد مايجي مشاري ويشوفك النظره الشرعيه
ندى خجلت
شذى:يعيني على الي يستحون
ام تركي:شتوي تركي عنك ندى بحاله
::::::::
بالليل رحنا لجناحنا انبهرت بجماله
تركي :انا بنام على السرير
ريناد:اسمع لا تقرب جنبي
تركي:يابنت الحلال ماراح اقرب جنبك
راحت ريناد ونامت على حافة السرير
تركيا:بعد بعدي شوي ترى في مساحه
ريناد:تطنز
تركي:انا ادري الي يقول باكلك
وناموا تركي سوا نفسه نايم لحد مانامت ريناد بعده جلس يتامل ملامحها الناعمه"الله يصبرني كل هالزين ولا تبقيني اقرب يا ليتك بس تحسين فيني وبحبي لك "وباس جبينه بنعومه ونام
:::::::: :
استمر هالحال بعد يومين مشاري يشوف ندى
ندى كانت لبسه تنوره فيه كسرات طويله وقميص اخضر زيتي ورافعه شعره ذيل حصان وكانت خايفه ومرتبكه ودخلت على مشاري
ندى بارتباك/سـ سلام
مشاري:وعليكم السلام شخبارك ندى
ندى بهمس: بخير
تركي:ندى تكلمي بصوتك لا يقول الرجال ان فيك بلى
ندى عطت تركي نظره معناته انطم
مشاري انبهر بجمال ندى
ندى عن اذنكم
وطلعت ومشاري عينه على الباب الي طلعت منه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك