رواية ورود غرقت من دماء الشياطين -4
قامت نوف بتذمر جلست على الكرسيرغد:هلا زوجه اخوي اخبارك
نوف:بخير وانتي
رغد:بخير ريوض ابي كتب
رياض:ماطلبتي متى
رغد:اليوم
رياض:اتعشا ونروح نجيبها
رغد:كولللللللل
رياض:نوف تبين شي من المكتبة
نوف بعدم اهتمام:أي مكتبة
رياض:العبيكان
نوف بهدوء:بجي معكم
رياض:اوكي حياك
رغد:وشلون رهف تقبلتها
رياض:ماوديتها
رغد:ليش
رياض:بوديها بكرا
رغد:اوكي اجل
رياض:نوف حطي لي عشاء
عرفت نوف انه امر قامت تبي تحط له بس سحبت ام رياض الصحن
ام رياض:وش تبي احط لك
رياض بصدمة:امي
ام رياض وهي تحط له الصحن قدامه:تفضل بالعافية
كانت نوف تبي تضحك بس كتمت الضحكة
رغد:يمة وش فيك
رياض:يالله رغد
نوف بصدمة من اكله:بس كذا
رغد:هو كذا ياكل لقمتين ويقوم
نوف:بكيفك مب مشكلتي
رغد:ياالله نوف
طلعت نوف وركبت وراء
رياض:ياشيخة ليش راكبه ورا
نوف ببرود:اختك اكبر
رياض:بس
رغد:نوف روحي قدام
نوف:لأا حبيبتي روحي انتي قدام
رغد:ليش
نوف:روحي مافيني اقوم
رياض:افففف
رغد:طيب تحرك
رياض:افف طيب
في المكتبة كانت نوف معجبة في رياض في تصرفاته مع اخته جالس يتشاور معها في كتب كانت تناظر من بعيد وهو يشاور اخته وتتشاور معه بفرح حط الكتب عند المحاسب
رياض:وش تبين
نوف بهدوء:ولا شي مشكور
رياض:لازم تأخذين شي
سحبت نوف كتاب ماتدري وش هو:مصر خذ
ناظر الكتاب:اوه كيف تتصرف مع مولودك الاول ناوية تجيبين لي طفل
سحبت الكتاب وهي مصبوغه بالحمر ورمته:بالغلط
تفشلت من ضحكته هو واخته ومن المحاسب اللي كتمها
نوف بعصبية:انا في السيارة
طلعت السيارة وهي معصبة وطاقه
ركب رياض بهدوء ورغد تسولف له عن الجامعه
رياض:حبي ياحبي انا افهمك هي
رغد:معقد الانجليزي معقد
رياض:اوكي خلينا نشوفها
رغد:على اختبار بكرا
رياض:خلاص نرجع وادرس معك
رغد:تسلم
رياض:بس ها اخر مره تدرسين قبل الاختبارات بساعات
رغد:اسفة
رياض:اوكي صار خير
نزلوا
قامت الصباح تصحي رياض
رياض لما طلع من الحمام:افتحي الكيس فيه هدية
فتحته لقت مجموعه روايات رومانسية وكتابين طبخ :ابيك تطبخين لي
نوف وهي ترمي الكتب:اسفة مااحب اطبخ الا ونفسي مفتوحة وانا من جيت هذا البيت نفسي مسدودة
رياض............:خذي الروايات اقري في وقت الفراغ.............ماعندك مدرسة
نوف:مالي نفس اروح وحتى لو رحت يبيلي عذر مقبول ومب رايقة
رياض....................:مع السلامة
^^^^^^^^^^^^
سارة بصوت عالي:ماجد قوم انقلع
ماجد:طيب بقوم بس لحظة
سارة وهي تنقز فوق السرير:قوممممممممممم ابي انجن والله لانجن قوممممممممممممم
ضمها ماجد:بسم الله عليك قمت والله قمت
حست سارة بشعور غريب بعدته بسرعة:لو سمحت قوم جابل شغلك مب رايقة لك انا
ماجد:طيب جهزتي لي الثوب
سارة:ليش شايفني خدامتك
ماجد..............:اسف
سارة:ولو سمحت ابي خدامة البيت مقلوب فوق تحت يالخدامة ياروحي عند اهلي وهذا اخر قرار مب حاله هذي افففففف وابيها تعرف تطبخ
ماجد.......................: اشوفك على خير حياتي
^^^^^^^^^^^^^^
فاتن:اسفة نايف ماركزت
نايف:حبي وينك فيه
فاتن:الحين بدخل الجامعه تبي شي لازم اصك
نايف:لا ابد باي حبيبتي
فاتن:باي
نايف:لحظة حبي
فاتن:هلا
نايف:احبك
فاتن:مااصدقك باي
صكت وهي تحس بنصر وهو مقهور ليش ليش ماتصدقني
^^^^^^^^^^
رنا:نعم نعم والله لا ماتروح
ياسر:ليش خالتي عازمتني تبين تجين تعالي
رنا:ماابي بيطردني رياض اعرفه مايحبنا ثم ماتروح في بيت فيه نوف
ياسر:يمكن اشوفها ويرجع حبها لي وارجع اتزوجها
رنا بقهر:ياسرررررررر
ياسر:لاتصارخين انا بجنبك وش تبين
رنا:لا تروح حرام عليك والله حرام
ياسر:من حارمه بيت خالتي وبكيفي
رنا:متى بتروح
ياسر:بكرا بروح اتغدا عندهم
رنا:بجي
ياسر:محد ماسكك
^^^^^^^^^^^^^^^
كان ناصر جالس يضحك:نايف تعال
نايف:وش تبي
ناصر:اليوم فيه حفلة اعزم حبيبتك
نايف:ماابي اعزمها ماابي احضر اصلا مع السلامة
ناصر:وش فيه ذا
^^^^^^^^^^^^^^^
نوف:مرحبا
رهف بصدمة:من
نوف وهي تجلس:اخبارك
رهف:انتي انتي
نوف:انا نوف وانتي رهف قالوا لي عنك كثير اخبارك
انصدمت رهف من نفسها ماخافت ارتاحت لها :بخير وانتي
نوف بفرح:انا اكيد بخير دامك بخير
رهف:تسلمين تدرين انك اول وحده اتقبل وجودها معي غير اخوي رياض
نوف:ههههه يمكن عشاني زوجته
رهف:يمكن وشلونك معه
نوف:الحمدالله
رهف:حلو اكيد معيشك في جنة اخوي خطير
نوف واضح:ايه تونا في البداية
رهف:خاطري اشوف الغرفة اللي اخترتوها
تذكرت نوف الموقف
&&&
رياض:نوف ابيك تختارين غرفة نوم لنا
رمت على وجهه الكتلوج:مابي اختار اطلع برا
سحب الكتلوج من الارض وطلع برا بكل هدوء
&&&
رهف:وين رحتي
نوف ببتسامة:معك اوكي تعالي معي ارويك هي
رهف:لأا مااقدر
نوف:دقايق وجايه
طلعت نوف وصكت ستاير الغرفة حقتها ورجعت
رهف:وين رحتي
نوف:رهف الله معك تشجعي
رهف بصدمة:وش تبين تسوين
نوف:لو كنتي تحبين طلال تذكري انه مايبيك تعيشين كذا ولا خذي
رهف وهي تناظر في الطرحة:وش اسوي فيها
نوف:اربطيها في عيونك
رهف:ليش
نوف:ابطيها
ربطتها رهف بخوف:وبعدين
نوف:اوقفي
رهف:لا اخاف
نوف:ياالله امسكي ايدي بسرعة
رهف وهي تمشي بخوف وهي ماسكه نوف:وين توديني
نوف : الان ارويك
مشيت نوف معها بفرح
كان رياض طالع هو ورغد
رياض بصدمة:رهف
رغد:نوف بلا جنان
نوف:وصلنا
فتحت لها الشال
نوف:حلوه غرفتنا
فتحت رهف عيونها بهدوء:ايه
نوف وهي تفتح النور:وشلون تشوفينها في الظلام
رياض بصراخ:لااااااااااااااااااااااا
غمضت رهف عيونها وهي تبكي:طفيه مااقدر
نوف بتشجيع:من قال الدكتور متى قال لك كذا ماقال صح انتي اللي بنيتي الأوهام والحواجز يارهف تقدرين افتحيهم شوفي العالم الله امرك بالصبر ياروحي مب بالخوف والبعد عنه وين الصبر وين رهف وين دفنتيها مع طلال عشان ولد يارهف افتحيها طلال مايبي يشوفك كذا انتي تعذبينه مع كل دمعه تنزل عشانه تعذبينه مع كل عذاب تتعذبينه انتي المفروض تتصدقين له مب تبكين انا مااقول لك لاتتذكرينه بس ادعي له هو محتاج الدعاء والصدقة مب البكى والحزن
فتحت رهف عيونها
رياض بعد صمت طويل وبفرح:رهف
ضمته وهي تبكي وكانها قامت من واقع:راح يارياض وتوني اعرف انه حزين ماسويت له شي يسره ولا شي ولا شي
رياض:لا يارهف
^^^^^^^^^^^^^^
سارة:تو الناس
دخل ماجد:تفضلي
ناظرت الخدامة اللي واره:بدري
ماجد:خذيها علميها كل شي انا طالع وخليها تطبخ برجع بعد نص ساعة ابي احط شي في فمي ميت جوع لا فطور ولا عشا امس ولا غدا اليوم مصيبة
............................
البارت الثالث
^^^^^^^^
نوف بتأنيب ضمير:اسفه يارياض اقتلني لو تبي
ضمها رياض بقوة:صار على موت طلال سنتين وكم شهر ومحد قدر يطلع رهف من حالتها الا انتي مشكورة مشكورة مكشورة يانوف ماادري وشلون اشكرك سويتي فيني جميل مااعرف ارده اختي صارت تجلس معنا وتضحك مشكورة
نوف وهب تبعده:لا تضمني مابيك تمسكني ولو سويت شي مب لك عشاني ولو سمحت مااحب احد يمسكني بدون اذني
رياض بهدوء:اسف وخذي كنت ابي اعطيك ايها قبل وقت بس ماقدرت هذي اجازة لمدة اسبوعين ودامومي بوصلك الصباح وبشوف لك باص او سواق يرجعك انا مااحب الغياب
طلع بهدوء فتحت الدرج تبي تحط العذر شافت كتب سحبتها
الاول (كيف تسعد زوجتك)
الثاني (كيف تجعل من يكرهك يحبك)
الثالث ( لما لا تشعر بالانسجام مع زوجتك )
انصدمت من الكتب متى شراها ووش يبي فيها اكيد متزوج علي اكيد متزوج علي حطت الكتب سحبت العذر فتحته وهي تبي تعرف وشلون جابه انصدمت
الدكتور::رياض ال###
قعدت تضحك بصدمة
نوف:هههه صار لي متزوجته كم شهر ولا اعرف وش يشتغل فله والله دكتور وانا اقول وش ذا الشغل اللي يطول ههههه
فتحت واحد من الكتب طاحت منه ورقة
جفني جفا نوم الليالي
متصوب والقلبممحون
يضويني طيفه في خيالي
واسري مع الاشواق مطعون
كلماضوى ليلي طرالي
غر جميل وباهي اللون
ياللي هدبعينه ظلالي
ينزع فؤادي بحد مسنون
ناعم عوده ومياسي
هايف وانا بالخصرمفتون
دوم يتغلى وهو غالي
وارخص لعينهكلمزيون
بصبر ولو بي الصبر طالي
وكل صعب لزينه يهون
يلومني لي بالهوىخالي
مذاق قلبه هم وشجون
مادرى باشواقي وحالي
بالشوق ياما تتعب عيون
مشتاقله والشوق قتالي
خلي غلاته مثل العيون
نوف:من هي هذي اللي يحبها وانا ليش مهتمه اكيد زوجته وانا وش دخلني فيها تولي لااااااااااااا ابي اعرف مافي حتى لو مااحبه ومايحبني مايخون مايخون كلهم كذا كلهم كذاااااااا
دخل رياض ناظر فيها ساكت
نوف بهدوء تحط الكتب في الدرج
وقفت تبي تطلع بس مسك ايدها
نوف وهي تصفقه كف بكل قوتها:اترك ايدي
رياض..................................:
سحبت نوف ايدها جت تبي تطلع من الغرفة بس
رياض:مب طريقة كل ماجيت اسلم او اسولف مع زوجتي صفقتني كف حتى كرامتي اختفت منك ماتلحظين انك زودتيها انا وش سويت لك تكرهيني انا انسان من لحم ودم اذا سكت لك الحين بالعن شكلك بعدين مب كل شي تسوينه ينسكت عليه امي ورفعتي صوتك عليها وزوجك ورفعتي ايدك عليه رضاي يانوف وين راح انا الان اهم من رضى امك وابوك انا زوجك وراضاي اهم منهم كلهم والله يانوف لو ماتعقلتي وكبرتي بتندمين انا مب طفل تأدبيني لاني مسكت ايدك ولا شاب عابر جا يتغزل وضربتيه اصحي انا زوجك مب لعبة عندك اذا انا وش شايف نفسي انتي وش تكونين
طلعت نوف من الغرفة وهي نازله الدرج كانت تبي تشرب شي تحس انها من زمان مادخلت شي في فمها
سحبت كاس ماي وشربته بسرعة جاها صوت مرح
رهف:هلا زوجة اخوي
نوف بصدمة:كح كح كح كح
رهف:اسفة مب قصدي
نوف بدمعه نزلت من عيونها:لا عادي اخبارك
رهف:بخير وانتي
نوف:بخير
رهف وهي تجلس:ميته فرح ماادري ليش بس فرحانة مشكورة نوف
نوف:ههه العفوا لاتشكريني سويت هذا الشي عشاني
رهف:ليش
نوف:لان يزهقانه وماني مثل رغد مثقفة اصلا ماافتح الكتب الا غالبا وانتي قريبه من عمري قلت اسولف معك
رهف:هههه تعالي شكلك صغير على اخوي كم عمرك
نوف:عمري 17 سنة
رهف:نعم نعم بينك وبين اخوي همممممممممم 12 سنة واو كثير
نوف بتفكير:توني ادري ان عمره 29 وااو كبير
رهف:هههه شوف ذي ولاتعرف كم عمر زوجها
نوف:هههههه شفتي وشلون
رهف:هههه حبي انتي تدرسين
نوف:ايه ليش
رهف:ماادري بس سؤال
نوف:حنا ليش جالسين في المطبخ تعالي نطلع
رهف:لا خلينا ابي اسوي كيك
نوف:تعرفين
رهف:هههههه اكيد اعرف بس ابيك انتي تسوين
نوف:والله ودي بس مااعرف اسوي الا كوب القهوة
رهف وهي تناظر رياض اللي دخل:يووو شوف زوجتك فاشلة من الدرجة الاولى
رياض وهو يفتح الثلاجة:ادري
رهف:يومين ويوريك عاد اخوي مايحب الا اكل البيت
رياض وهو يفتح الببسي:لا عادي فيه امي واخواتي
نوف...............:الله يخليهم لك
رياض وهو يناظر في الببسي:امين
رهف:وش فيك متهاوشين
نوف:لا مافينا شي
ريااض:رهف وش تسوين
رهف:ابي اسوي كيك
رياض :تبين تأكلين
رهف:ههه ايه بجرب
رياض.....................:اوكي انا رايح تبون شي
نوف:وين تبي تروح
رياض:مهتمه؟
نوف:لا بس ابي اروح عند امي اليوم
رياض...........:قومي اوديك معي
نوف في السيارة....................................:وين تبي تروح
رياض:ليش
نوف:بس سؤال
رياض................:اوكي مب شغلك
نوف بعصبية:اسفة
رياض:ليتك تتأسفين على خطئك الحقيقي
نوف:ماسويت خطا اتأسف عشانه
رياض:واضح
نوف:انت لما رجعت تغديت
رياض:لا بروح اتعشى الان
دق جواله
رياض:هلا دلال
دلال:هلا عيوني اخبارك
رياض:انا بخير وانتي
دلال:الحمدالله وينك فيه
رياض:في السيارة
دلال:اهااا طيب قريب من المستشفى
رياض:لا مب قريب
دلال :من معك
رياض:هه بلا لقافة وش تبين بالضبط
دلال:بصراحة نبي نروح مطعم ونبيك معنا
رياض:والله ماادري متى
دلال:بكرا يعني متى الان
رياض:أي مطعم
دلال:ستيك هاوس هاتجي
رياض:ماقول لا انطروني
دلال:يالله نتقابل هناك
رياض:بودي قريبة لي بيت ابوها ومسافة الطريق واكون عندكم
دلال:اوكي باي
رياض:في امان الله
صك رياض ونوف انصدمت عيني عينك يتواعد مع بنت
نوف:مشكور
رياض:متى تبيني اوصلك
نوف :مشكور بخلي نواف
رياض:والله لو مادقيتي علي بتندمين
نوف:صار
نزلت نوف وهي معصبة
^^^^^^^^^
ياسر:وش تبين غثيتيني
رنا:ليش مارحت
ياسر:بكيفي هونت اجلتها بعد اسبوع انتي وش سألفتك
رنا:احبك هذي سالفتي
ياسر:والله مشكلتك مب مشكلتي
رنا:لين متى بتصير تحبها وتعيش على حبها
ياسر:لين مااطفش مب شغلك
رنا:طيب لما تتعدل قول لي وتعيش مثل الاوادم انا حامل ياياسر بس مب مستعده اعيش ولدي في عذاب انا احبك وقلت اقدر اكسب قلبك بس مستحيل لان قلبك بعته لها وشوفها تزوجت وخلتك اصحى انا زوجتك مب هي ولو صحيت وحسيت انك تقدر تعيش معي على اني زوجتك قولي لي قلبي مفتوح لك بس لو تبي تعيش على ذكرها قول لي بعتذر من ابوي وعمي واقول انك بريء وانا الكذابة والحقيرة
^^^^^^^^^^^^
كان ماجد يسولف مع اصدقاءه لما دق جواله نقز من مكانه
سلمان:هههه وش فيك
ماجد بتوتر وهو يبعد عن الشباب :هلا حبيبتي
سارة بعصبية:وينك فيه ياكلب
ماجد:انا انا عند اصدقاي
سارة:ارجع بسرررررررررررررررعة ابي اروح السوق
ماجد:بس حبيبتي انا ما
سارة:ماابي اعذار وجيب معك خمس الاف ابي اتمتع تفهم
ماجد...................:ايه
سارة:بسرعة
^^^^^^^^^^
نواف:ها
نوف:مايرد
نواف:طيب قومي انا اوديك
نوف:اوكي
نواف:شكلك مترددة
نوف:لا عادي قوم
ركبت وهي مقهورة يتمتع مع اخوياه وانا الحمارة اللي ادق عليه وخايفة وش ابي فيه بكيفك يولي
وصلت البيت
نوف:مشكور
نواف:العفوا مع السلامة
نوف:على فكرة افرح رهف رجعت
نواف بعدم تصديق:امانه
نوف:ههه والله
نزلت نوف وشافت ام رياض جالسة تكلم بالتلفون وتضحك
ام رياض:وين ولدي
نوف:عند اصدقاه
طلعت غرفتها ناظرت فيها وهي ساكته انسدحت فوق السرير وهي تبكي
نوف:عيني عينك خيانة وش سويت له اااااااه ياربي
نامت وهي ميته بكى قامت اليوم الثاني شافت نفسها متغطيه والعباه مب عليها والكعب في الارض والربطه مب على شعرها ناظرت بجنبها لقت رياض نايم شافت الساعة
نوف بصدمة:رياض رياض قوم الدوام
رياض:ماعندي دوام تركيني في حالي
نوف:من متى عندك اجازة يوم الثلاثاء
رياض بنوم:من اول مااشتغلت ياجاهله
نوف بعصبية:توني ادري
رياض:لانك ماتدرين ان عندك زوج تهتمين فيه
نوف:لاتزهقني نام وانت ساكت
رياض:بنام واسف على اني طفشتك
نوف:ناااااااااااااااام
رياض:الحمدالله والشكر الله يكملك بالعقل
نوف وهي تسحب الغطى:اذا ماعندك دوام انا بنام
قام رياض وناظر فيها وهو ساكت
نوف بخوف:وشو
رياض:ولا شي تخافي مني يانوف
نوف:اكيد لا
رياض:انا من في حياتك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك