بارت مقترح

رواية وفاء لقلبه -12

رواية وفاء لقلبه -2

رواية وفاء لقلبه -12

سامي وتحمس للحوار مع فارس ..معنى كلامك انه مانقدر نحب
فارس..بالعكس انت ممكن تحط لك صفات بالبنت الي تتمنى تحبها واهلك يشوفون
الي تناسبك ويخطبونها ومن تبدا ملكتك راح تبدأ تحبها
سامي..حب اجباري
فارس..لا هذا الشيطان يصور لك انه حب اجباري هذا حب حقيقي لكنه يأخذ وقته
بالتدريج لحتى يصل للحب
احمد ويبتسم ..اقول انا بروح لامي اقول لها بتزوج مالقيتوا الا الحب حرام عليكم
سامي..ههههههههه فارس رائيك حلو بس ليه انت رافض الزواج
فارس ويبتسم ..لاني ماابي اتزوج
سامي..من غير سبب
فارس..فكرة الزواج ماتستهويني
احمد..عشانك محروم
فارس..ههههههههه راضي بهالحرمان
سامي..بصراحه انت غريب
فارس..لاني ماابي اتزوج صدقني المرأه بالنسبه لي ام واخت
سامي..الله يعينك حياتك مافيها شئ جميل بجمال حضور المرأه
فارس..يكفيني امي واخواتي
احمد..بس الزوجه غير
فارس..من وجهة نظركم بس انا لا
سامي ..اقول انا بروح تأخرت وشكلي بفكر بكلامك
فارس..عقبال مانسمع بخبر خطوبتك
احمد..وانا معه بعد
فارس..الله يوفقكم

مرت الايام مممله عند البعض وحلوه عند البعض الاخر اما دلال فكانت حالتها
شوي حزينه
دانا..انتي الي اخترتي الرفض
دلال وهي مكتئبه ,,يعني اذا انا الي اخترت ماازعل
دانا..ليه زعلانه
دلال..لاني كنت فرحانه اني بتزوج لاني خصلت برمجت نفسي على ان محمد
الي بتزوجه بس فجأه كل شئ تغير وبشكل غريب وغير كذا محمد صدمني
بشخصيته
دانا..احنا مانعرف عيال خالي صح نطلع مع بعض ونسمع سوالفهم بس مستحيل
نتعرف على شخصياتهم
دلال..ليه احمد وفارس نعرفهم
دانا..لان نوره وريم غير عن مها وهند نوره وريم دائما يتكلمون عن اخوانهم
لو يذمونهم
دلال..خساره عشت ايام حلوه
دانا زعلت على اختها..الله بيعوضك ان شاء الله
دلال..بكرا الجمعه في بيت خالتي ام فارس اكيد بتروحين
دانا..طبعا
دلال..ياليت ريم توافق وتجي تنام عندي
دانا..حاولي معها بس وغاليه
دلال..تجي معها
دانا..مااعتقد بس انتي حاولي
دلال ..يصير خير


في بيت ام بدر كانت فيه حالة حزن مسيطره عليها بسبب غير الزواج


ساره..يمه خلاص بيطلعه فهد
ام بدر..لو بيطلعه طلعه
ساره..بعد راكان يعرف ان قطع الاشاره توقيف 24 ساعه ليه يقطع
ام بدر..من الصبح وهو بالتوقيف
دق التيلفون وردت ام بدر
فهد..السلام عليكم خالتي
ام بدر..وعليكم السلام
فهد.. خالتي راكان بيطلع بعد ساعه ابشري بس تأخير طلعته هو السبب مو انا
يقولو فيه موضوع عجبه وجلس يعمل عليه بحث
ام بدر وتضحك..انا احترق وهو يعمل بحث


بالوقت في التوقيف كان راكان يسولف مع الشباب الموقفين وطبعا كلهم مخالفات
مروريه الي سرعه والي قطع اشاره وتجاوز وهذا المكان مخصص لهم


........يااخي خلاص يأخذون غرامه ليه يوقفونا
راكان ويضحك ..عشان نتأدب
......ليتهم يخلون الي مايبي يتوقف يدفع دبل الغرامه
من بعيد شاب حزين ..مو كل شئ فلوس
......وش قصدك
الشاب الثاني..قصدي انك مانحرقت من موت غالي بسبب قطع اشاره
سكت الاول اماراكان راح عند الشاب الثاني
راكان..ممكن اسولف معك
الشاب..تفضل
راكان..معك راكان
..وانا تركي
راكان..انت ليه هنا
تركي..يقول قطع اشاره والله الشاهد اني ماعمري قطعتها بس حسبي الله ونعم
الوكيل
راكان..وسع صدرك يااخوي كلها كم ساعه وتطلع
تركي..معك حق
راكان..طمنت الوالده
تركي..الله يرحمها
راكان حزن عالشاب..امين ويرحم ابوي
تركي..وابوي وجميع المسلمين
حزن راكان لان الشاب يتيم الاب والام..طيب عند احد طمنته
تركي..انا ابي اتطمن عليهم عندي خواتي
راكان..مايكون الا الخير انت وين تدرس
تركي ويتنهد..ادرس دفنت هالحلم من وقت ماراح ابوي ضحية طيش شاب
راكان..كيف
تركي..ابوي رجل على قد حاله موظف بيوم صدمته سياره للاسف مااحد تعرف
عليه الا انه شاب صغير كانت كلمات ابو قبل موته
راكان..وشقال
تركي بحزن..جلس اربع ساعات قبل مايموت لما شفته قال لي ياولدي هالشاب
بيحرمني منكم انتبه لاتحرم ابو من عياله وتوفى
راكان..الله يرحمه طيب ليه ماكملت
تركي..لان عندي خواتي وبيت ايجار ولازم اشتغل
راكان..وتشتغل
تركي..اشتغل بالعثيم من الساعه 7الصبح الى 4 العصر وحاليا ادور على شغل ثاني
راكان..ليه تتعب نفسك
تركي..لان الراتب مايكفي مضطر ادور شغل
راكان..ابشر بسعدك
تركي ابتسم ..تسلم
راكان..انا اتكلم جد تعرف فارس محمد وفهد ناصر
تركي..ايع الي عندهم شركة مقاولات
راكان..ايه هم عيال خالاتي وبصراحه فارس يقدر الانسان الي يعتمد على نفسه
لانه بدايته كانت تشبه بدايتك فصدقني بيوظفك عنده
تركي بااحساس الامل..والله تكون عملت لي معروف مابنساه طول عمري
راكان..اسمع هذا رقمي تكلمني بكرا ضروري بعد المغرب ونتفق اوكي لاني
بطلع الحين
تركي..مشكور راكان
راكان..العفو يالله توصي على شئ
تركي..سلامتك
راكان..فمان الله
تركي..الله معك
راكان يلتفت عالشباب..يالله شباب مع السلامه نشوفكم في يوم اخر
ضحكوا الشباب وطلع راكان وهو سرحان بقصة تركي


وصل للبيت وحصل امه باانتظاره وتوقع يحصلها تصيح او تأخذه بحضنه لكنه
ضحك اول مافتحت الباب


وقفت ام بدر..وعليكم السلام انت متى بتعقل ماتقول عندي ام تخاف علي الى متى
انت متهور خاف الله بنفسك وبأرواح المسلمين قاطع اشاره
راكان..ههههههههههههه شفيك يمه قولي عالاقل الحمد الله عالسلامه
ام بدر وتحاول ماتضحك..الله لايسلم العدو
راكان..يمه تعباااان
ام بدر وحن قلبها ..رح لغرفتك تحمم وانزل تعشاء
راكان..ام بدر انت سيدة نساء عالمي
ام بدر تبتسم..بياع كلام
راكان وهو طالع..لازم مو مشروع مذيع
قابلته ساره وهو عالدرج
ساره,,الحمد الله عالسلامه
راكان..الله يسلمك
ساره..كيف السجن
راكان مكشر..مو سجن توقيف
ساره وهي نازله..المهم غرفه ومسكر عليكم يعني سجن
راكان..عادي المهم اسمه التوقبف
ساره..الله يخلف عليك
راكان..وعليك يااختاه


نزلت ساره لامها وحصلتها مع بدر الي وصل وهو معصب على اخوه لكن
كالعاده راكان تعود يمتص غضبه اهله باابتسامه ..


اما ريم كانت حريصه على تفريغ نفسهاهالفتره للكتابه وحاولت تعطي نفسها
الوقت الكافي من التفكير والكتابه مسكت القلم وسرحت بعيد وكتبت العنوان


(( فهد وفلسطين ))


ارتبط اسمك ايها الاب بهذه القضيه ولم تتأخر عن دعمها ابداً بل دعمتها سياسيا
بكل المحافل الدوليه قبل العربيه ودعمتها ماديا ..


ولن ينسى التاريخ مواقفك السياسي فكل تجمع دولي او مؤتمر نجد السعوديه
ممثله بحاكمها فهد بن عبدالعزيز تذكر فلسطين وحقها المسلوب وكل خطابتك
تشهد على ذلك فقد كنت قلب لاينسى فلسطين مهما كانتالظروف ..


اما دعمك المادي فلااحد ينكره فقد التزمت بمبلغ 50 مليون جنيه استرليني من
مجموع 135 مليون جنيه استرليني تقرر دفعه من الدول العربيه لدعم فلسطين ..


ولااحد ينكر انه بعهدك يدفع شهريا ستة ملايين دولار شهرياً لدعم الانتفاضه
الفلسطينه


ولن ينسى التاريخ قرارك
وفي عام 1982م، أصدر خادم الحرمين الشريفين الملك فهد بن عبدالعزيز
أمرا يقضي بمعاملة أبناء الفلسطينيين المقيمين في المملكة كالسعوديين بالنسبة
للمدارس والجامعات. وأمر أيضا بأن تتحمل المملكة نفقات دراسة مائة طالب
فلسطيني داخل المملكة وخارجها من غير المقيمين في المملكة




ولن ننسى افعال فهد بن عبدالعزيز مع المسجد الاقصى فقد خدم الحرمين
الشرفين ولقب بخادم لها وياله من شرف عظيم ولكن طموحه كان ان يخدم
اولى القبلتين وثالث الحرمين فقد :


وفي عام 1407هـ أرسل الملك فهد بن عبدالعزيز خادم الحرمين الشريفين
هدية قيّمة عبارة عن سجاد فاخر لفرش كل مساحة المسجد الأقصى


وكان أبلغ عمل قام به الملك فهد بن عبدالعزيز في هذا الشأن هو أمره بترميم
الحرم القدسي الشريف وملحقاته مثل بيوت المؤذنين فيه، وترميم مسجد عمر
بن الخطاب بجوار كنيسة القيامة ومسجد عبدالملك بن مروان، واهتم كذلك
بترميم مسجد قبة الصخرة،وشملت عملية قبة الصخرة عدة جوانب منها:


1- كسوة قبة المسجد بالنحاس المذهب.


2- كسوة الأروقة بالرصاص وعلى أساس إزالة هيكل الألومنيوم واستبداله
بهيكل خشبي، أي كما كان قبل عملية الترميم الأخيرة عام 1962م التي لم تنجح
في هدفها منذ ذلك الحين.


3- تجديد الكسوة الرخامية الخارجية لجدران المسجد.


4- إقامة شبكة إنذار وإطفاء للحرائق.


5- الترميمات الداخلية للرخام والزخارف والأخشاب والفسيفساء، على أن تكون
الأولوية لكسوة القبة والأروقة ولشبكة الإنذار والإطفاء من الحريق تحسبا لأية
جرائم متعمدة أو حوادث لأسباب أخرى.


وقد وجدت هذه المبادرة لها صدى كبيرا على المستويين الشعبي والرسمي
الفلسطيني وكذلك على المستويين العربي والإسلامي


بل وجدت صدى بقلوبنا جميعاً فقد خدمة الاسلام والمسلمين بكل مكان رحمك
الله يافهد بن عبدالعزيز وجزاك الله عنا كل الجزاء ..


ظلت ريم تتأمل كتابتها وحست انها مقصره رغم كل الي تكتبه فهد بن
عبدالعزيز الكلام اقل مما نكتبه لك الاعتذار فاانت اسطوره صعب الكتابه عنها ..




وصل فارس متأخر وحصل غاليه بالصاله الي بالدور الثاني وواضح انها
كانت تصيح حاول يطنش ويدخل غرفته لكنه ماقدر وراح لها


فارس..السلام عليكم
غاليه وتصد للجهه الثانيه وتمسح دموعها ..وعليكم السلام
فارس ..ممكن اجلس
غاليه بتوتر..تفضل
جلس فارس..شفيك
غاليه ..ولاشي كنت اتفرج عالمسلسل وكنت بدخل انام
فارس..وشفيك تصيحين
غاليه وتلف عالجهه الثانيه..مافيني شئ
فارس..احد مضايقك هنا
قامت غاليه وعطته ظهرها ..لا ماقصروا معي
فارس ويأخذ راحته بالجلسه لانه قرر مايتركها الا اذا عرف ..احيانا نحتاج
نتكلم مع احد حتى نرتاح
غاليه..بس انا مو محتاجه
فارس..يمكن تكونين مو محتاجه تتكلمين معي بس محتاجه تتكلمين مع احد
انتي ماعندك صديقات
غاليه وتجلس قباله وتحط شالها على كتفها وكانت لابسه جلابيه ..كان عندي
تركتهم بعد ماتعب ابوي
فارس..انتي حاسه بفراغ
غاليه وتتنهد..فراغ مو بالوقت فراغ باعقل والقلب زمان كنت افكر باابوي كان
قلبي مليان حب له نزلت دموعها غصب عنها ..فارس سامح ابوي خله يرتاح
بقبره والله ابوي طيب بس انت ماعرفته
ظل فارس يناظرها مأخوذ بهالانسانه الغريبه بكل شئ تلقائيه بكلامها وتصرفاتها
وهو ساكت وكملت..يمكن انت تحس انه اناني او قاسي بس هو ابوي مااحب احد
يكرهه صدقني صدمتي اكبر منكم كلكم انا انصدمت باابوي صاحت غاليه ولاقدرت
تكمل
فارس بهدوء..غاليه عمي الله يرحمه ويغفر الله وانا مسامحه ومحلله والله يتجاوز
عنهه وكل الي نقدر نعمله هو الدعاء غاليه حبك لابوك حب راقي وعاطفه جميله
كلنا نحس بها
غاليه وتمسح دموعها..فارس انا ماابي وسكتت
فارس ..ماتبين ايش
غاليه وتمسح دموعها ومنزله راسها ..مااقدر اكون قويه
فارس بصوت ثابت ..لازم تكونين قويه
غاليه وترفع راسه وتحاول ماتحط عينها بعينه ..ليه لازم انا بنت تعودت الحمايه
بعد الله من ابوي تعودت اني الاقي رجل بحياتي يكون سند لي ويكون مصدر قوتي
فارس..وليه ماتكوني انتي مصدر القوه
غاليه..لان الله خلقني كذا انثى
فارس..بس مو كل انثى ضعيفه لازم تكونين قويه حتى تحمين نفسك من الشخص
الي تعتقدين انه سند لك
غاليه..بس السند يكون قريب مستحيل يأذيني
فارس..غاليه الضعف يخليك فاقده جزء كبير من ذاتك
غاليه وعجبها الموضوع..بالعكس الضعف يخليني اكون ذاتي يخليني احس
بأنووثتي يخليني احس اني بنت ولااشوف انه ينقص مني
فارس ويتعدل بجلسه ..غاليه ايش مفهوم الضعف عندك ..؟؟
غاليه استغربت السؤال..انا انسانه اثق بالي حولي دائما اوافق على ارئهم
احب ارتاح ولاقي ناس تحميني من كل شئ حتى نفسي
فارس..بس هذي سلبيه
غاليه..يمكن بس انا كذا ودي اصير قويه وحاولت بس فشلت
فارس استغرب كيف..
غاليه وتبع ريقها..الاسهم
فارس وتعدل وخاف ..خسرتي
غاليه..لابالعكس كسبت وكسبت مبلغ جدا كبير بس ماابي بوقف احس اني مو
غاليه اعصابي مشدوه ونفسيتي مو اوكي كل شئ فيني تغير وانا ماابي اتغير
ابي اكون غاليه الي تعودت دائما تلاقي احد يشيل همها صح الحين ابوي توفى
لكن مبدئيا المبلغ الي معي يكفيني وبعدها اشوف لي وظيفه ماتفقدني احساسي
بنفسي ماتفقدني غاليه انا ماابي اصير قويه ولاقاسيه
فارس..منطقك غريب لكن بنفس الوقت حلو انك قادره تحددين قدراتك وهذا شئ
جيد ويحسب لك
غاليه بخيبة امل ..بس احس اني خذلت غاليه لما تخليت عن رسم جديد كنت ناويه
امشي عليه بحياتي
فارس ويأشر بيده ..أي رسم من غير قناعه راح يفشل كوني غاليه احسن شئ
ولاتحاولين تغيرين نفسك من غير قناعه
غاليه وتناظر الساعه ..اسفه فارس شكلي عطلتك
فارس ويناظر الساعه ..باقي ساعه عالصلاة مابنان اذا بتنامين تفضلي
غاليه بنفسها تقول مستحيل افوت هالفرصه ...لابنتظر الصلاة
سكت فارس وسرح بعيد اما غاليه ظلت ساكته كل تحس بخوف من وجودها
بالصمت مع فارس .. ماهي قادره تحدد ماهية هالاحساس هل لانها معه لحالها
او لانها تكلمت معه عن نفسها او لانه ولد عمها وزوجها الي بدت تتعلق فيه
كل الي قدرة تعرفه انها رغم الخوف مبسوطه بجلستها معه


فارس..غاليه كيف كانت حياتك قبل مرض عمي
غاليه تبتسم ..كنت مثل أي بنت عايشه حياتها ماهمها من هالحياة الا الفرح
فارس..وخوالك
غاليه بلمحة حزن..كانت حياتي حلوه معهم كنت احبهم رغم كل عيوبهم يظلون
اهلي الي ماعرفت غيرهم
فارس وبتردد..وسلطان
غاليه..اسوا انسان عرفته بحياتي كانت شوفته تسبب لي رعب
فارس ومستغرب ..ليه
غاليه..لانه يشرب ويرجع البيت بهالحاله وشفته مره وماصدقت بس كرهته
من كل قلبي
فارس وتغير وجهه..ليه كرهتيه صار منه شئ لك
غاليه بسرعه..لا بس شكله خلاني اكره واحتقره لان الرجوله بالنسبه لي
التزام واحترام
ابتسم فارس..تصدقين غاليه انتي مختلفه عن عمي اكيد تشبهين امك
غاليه وتبتسم..لا انا اشبه ابوي
فارس..لا مو شكل اقصد روح وفكر
غاليه..رباني ابوي يافارس
فارس وفهم قصدها..الله يرحمه
غاليه وتجرأت..فارس انت ليه ماتزوجت..؟؟
انصدم فارس لكن ابتسم من شفافية هالبنت هذي ثاني مره تصدمه اول مره
لما قالت له انها بدت تتعلق فيه والحين تسأل سؤال حساس وصعب
غاليه وندمت ..اسفه عالسؤال بس فعلا محتاره
فارس وعجبه الموضوع..وليه محتاره
غاليه بطفوله..ماادري بس انت مو صغير وكل المؤهلات متوفره فيك ليه ماتتزوج
فارس وعقد حواجبه ..قصدك اني شيبت ؟؟
غاليه باابتسامه..يعني
فارس من اول ماجلس اول مره يضحك..ههههههههه لاني ماابي اتزوج
غاليه..ادري بس ليه
فارس ويتسند عالكنب ..من غير سبب
غاليه..انت غريب بصراحه يعني كان باامكانك تتزوج احلى بنت بالرياض
فارس..بس انا مايهمني الحلا لان الزواج مايهمني
غاليه وبتلقائيه جدا ووبسلطه قالت ..تصدق كثير بينصدمون انك تزوجت وحده
مثلي لو عالورق مو زواج حقيقي
فارس وتعدل وهو رافع حاجبه..وانتي وش ناقصك عشان بينصدمون الناس
غاليه وتحسفت على كلامها وسكتت
فارس ومركز على وحس انها ارتبكت ..تكلمي انتي وش ناقصك حتى تقولي
عن نفسك كذا
غاليه وماتعرف شلون جاتها القوه وحطت عينها بعينه..انا عاديه بكل شئ
بشكلي وتعليمي و
قاطعه فارس..غاليه اذن قومي نصلي وننام وانتبهي اسمعك مره ثانيه تقولين
انك عاديه
غاليه ..بس
فارس..لا بناتنا عمرهم ماكانوا عاديات وانتي اولهم لاشكل ولاتعليم تسمعين
غاليه وحبت تستفزه ..طيب بس
فارس ووقف..يالله غاليه لاتخليني اقول كلام اندم عليه
غاليه عجبها انها تستفز فارس..قول عادي
فارس وهوواقف وحاس انه يكلم طفله..غاليه وشفيك
غاليه وتضحك..ماادري انبسطت بجلستي معك
فارس. وفعلا ارتبك من هالكلمات البسيطه رغم قوته ...تصبحين على خير
ضحكت غاليه لانها حست فارس ولاول مره من عرفته مرتبك وحاب ينسحب
من النقاش الي ضيعه ماعر ف شو يرد عليه لكنها انبسطت بجلستها معه كثير


الجزء الرابع عشر ..



صلى فارس الفجر ونام من غير مايفكر لانه مو محتاج لهالتفكير الي
ممكن يصدمه ببداية تغير فكر كان مقتنع فيه فيه نام حتى ينسى هالسهره
الغريبه والحلوه بنفس الوقت مع بنت عمه ..


اما غاليه كانت مبسوطه لانها تكلمت مع فارس بسرعه تكيفت معهم يمكن
لانها سلبيه هالشئ ساعدها انها ترضى بقررهارغم انها اعترفت لنفسها
انها ماتحب فارس لكن ماقدرت ماتعترف انها تتمنى تظل زوجته..


راح احمد لسامي الي كان مشغول بتجهيز نفسه لسفر للكويت حتى يخلص
الموضوع الي وعد فيه فارس
احمد..سامي وقف خلينا نصلي
سامي..يالله
صلوا الشباب لكن صار شئ بالمسجد خلى احمد يرجع للبيت من غير احساس
لانه يحمل خبر راح يهز فارس ..




في احد مقاهي الرياض كان محمد مع فارس


فارس..محمد انت استسلمت
محمد بخيبة امل ...ماتوقعت فهد بيرفضني
فارس..والله مارفضك هي الي ماوافقت
محمد..بصراحه انا اتمنى دلال ومازلت
فارس باابتسامه,,الظاهر تحب
محمد يرد ابتسامه..الا اكيد مو الظاهر ماتتخيل فرحتي لما رضت وماتتخيل
صدمتي لما رفضت
فارس..حاول مره ثانيه طيب
محمد....انا قررت وراح احاول لكن مثل ماانهنت عند الكل لازم ارد كرامتي
عند الكل
فارس..مااحد اهانك يامحمد خالتي من حقها تقول رائيها وخصوصا انها من
النوع الي تحب تأخذ قرارتها بنفسها
محمد..خلي الي بالقلب بالقلب
فارس مستغرب..زعلان من خالتي
محمد...اخر وحده ازعل منها ام بدر بس الوضع كله ماعجبني لكن الي صار صار
فارس..اهم شئ ماتخلى عن انسانه تحبها
محمد..فهد وين
فارس..بدوامه
محمد ويبتسم ..ياهو قاهرني بس يشوف
فارس..هههههههههه يالله مشينا بروح لابو ثامر تخاويني
محمد..من زمان ماشفته يالله مشينا




فهد..يقولون بكرا الجمعه في بيتنا
ام فهد..اخوي كلمني وقالي قلت حياكم الله
فهد ويناظر دلال ..ومحمد بيجي ..؟؟
تغير وجه دلال
ام فهد..ان شاء الله
فهد..ههههههههههه مازلتي تستحين اذا قلنا اسمه ليه رفضتيه
سكتت دلال ولاردت

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -