بداية

رواية وفاء لقلبه -18

رواية وفاء لقلبه - غرام

رواية وفاء لقلبه -18

احمد وهو في دنيا ثانيه وعالم صافي رايق وهادي
..هلا والله بهالصوت
هند باابتسامه..اهلين
احمد..كيفك
هند..تمام
احمد..دوم ان شاء الله وكيف الاهل
هند..الحمد لله انت كيفك
احمد..بخير من سمعت صوتك
مكالمه رائعه هي بدايه لحياة جميله نقيه تنتظر الامل والسعاده لتتوج الحلم الجميل
دلال ..اقول ريم وشفيك
ريم مرتبكه..دلال اكلمك بعدين
دلال.زطيب يالله باي
قفلت والتفت لاخوها الي كان مبتسم..خير وشفيك
فهد..كنتي تكلمين ريم صح
دلال.صح بس وش سر هالابتسامه
فهد ..كلمت فارس
دلال بحماس..احلف وش قال
فهد ويضحك..وش يقول بعد اكيد ماعنده مانع ويقول بيسال ريم
دلال..اها عشان كذا كانت مرتبكه والله انها خبله
فهد..والله مالخبل الا انتي
دلال وهي طالعه..من الحين
فهد ويضحك..خلينا نتعلم شوي بس من زوجك الي اشغلنا
ضحكت دلال وطلع محمد لفارس الي توه واصل
في احد المقاهي كان عبدالله سرحان ويفكر وقطع عليه تفكيره وصول بدر
عبدالله..وينك
بدر..بالشغل
عبدالله..يااخي محتار
بدر ويطلب له قهوه..خير من ايش
عبدالله..ودي اسافر
بدر..شسالفة هالسفر معك كل اسبوع والثاني قلت بسافر
عبدالله..طفشت مليت ابي اغير
بدر..اصبر كلها اسابيع وتبدا الاجازه ونسافر مع الاهل
عبدالله..بسافر برا ماابي المملكه
بدر ويبتسم..اقترح عليك اقتراح
عبدالله سمعنا
بدر..روح هالاسبوع لمكه انت وخالي وخالتي
عبدالله والله مو شينه صار
بدر..طيب الحين روق وخلنا نطلع للعيال عند فهد مجتمعين
عبدالله ..يالله
في بيت فهد كان المجلس كله ضحك وسوالف بدأ بفارس وفهد الي من عرف
فهد بطلب ابو ثامر وهو قالب الموضوع تريقه على فارس
فهد..ههههههههههه فارس بالله وش بيكون موقفك اذا تزوجت ثنتين
فارس ..بنتحر انا وحده واحس بموت فمابالك بثنتين
فهد..والله بيكون فيه اكشن بحياتك
فارس..يكفينا اكشن الشغل
دخل راكان وكان معه تركي الي خجل من فهد وفارس بااعتبارهم رؤسائه
بالشغل بس سلام فهد وحفاوته خلته يحس انه انسان مرحب فيه
راكان..شطاري اليوم مبسوطين
فارس..يحسدون الميت على موتت الجمعه
فهد..اقول تركي كيف الامور ان شاء الله كل شئ اوكي
تركي..تمام
احمد وصل..السلام عليكم
الكل ..وعليكم السلام
فهد..حيا الله المعرس
احمد ويبتسم..ههههههههه والله مابتخسر اعرس يافهد
فهد التفت على فارس وضحك
راكان..وش عندكم
فهد بسم الله انت مايفوتك شئ
احمد..هلا ابو تروك شلونك
تركي..تمام
احمد..بالله هذي اشكال رؤساء شركات
فارس..اعنبوا والرؤساء مو اوادم المهم الاختيبارات بتبدا الاسبوع الجاي بعد
اسبوعين بنطلع اسبوع للمزرعه
احمد ويصفق ..والله انت كذا يافارس
فارس ويبتسم..تصدق نسيت ان خطيبتك بتصير هناك
فهد..لا مافيه ليه بس هو ومحمد ينبسطون
فارس..بيجيك الدور لاتزعل
دخل بندر وهو مو مروق..سلام
الكل..وعليكم
جلس بندر من غير مايقول ولاكلمه..
فهد..خير يالاخو وشفيك
بندر من غير نفس..ولاشي
فارس..يعني معصب كذا
بندر ويتنهد..بطلع
تبعه راكان ومسكه عند الباب..يااخي ماصارت خلاص
بندر..انت تعرف هي شو بالنسبه لي فلما تعرف ان اسمها ينقال عند الشباب
شئ يقهر
راكان وعصب..انت الي تقهر الشباب ماقالوا نوره بنت محمد بنت محترمه
ماقالوا ان اخوها ادبهم وضحكوا على موقفهم السخيف
بندر..حتى ولو شئ يقهر
راكان ويضحك.....ولو تدري ان دانا ي المرشحه لي يعني انا وانت نفس الشئ بس مااهتميت لانها ماغلطت بالعكس كان كلامهم فيه اهانه للشباب مو للبنات
بندر..اف منك بروح باي
راح بندر وضحك راكان لانه ماتوقع ان ولد خاله يحب ابدا توقعه كذا بس اعجاب
او ارتباط اسمه بااسمها من الصغر خلاه يتعلق فيها ..

بدت الاختبارات والكل جلس ببيته بس القلوب كان لها كلام كثير ينقال

راكان..انا حاليا مشغول بااختباراتي خصوصا اني خلاص اخر سنه صح من
فتره لفتره تجي دانا على بالي بس اطنش واقول خلي كل شئ بوقته .
.وبصراحه اخاف اوافق تحت ضغط امي وبالاخير اندم واخسر حياتي واخس
ر البنت معي ..

ساره..حاليا انا اختبر بس مو مهتمه كثير عادي يعني مايهمني اخذ امتياز
او مقبول المهم انجح

بدر..اما انا فحياتي ممله وقررت اتزوج بس مابعد فاتحت امي بالموضوع

اما في بيت ام فهد

فهد..انا بصراحه فرحان ومو مصدق اني بكون بعد فتره بسيطه انسان
متزوج وافق ريم وبعد الاختبارات بتكون الملكه ومشغول جدا بالشغل


دلال..اما انا التجهيز هدني لان زواجي بااول اسبوع من ااجازه


دانا..انا بصراحه شاطره وكل وقتي اذاكر ولازم اخذ امتياز


في بيت ام سامي..


سامي..مازال الفراغ الي احس فيه مسيطر علي احس اني احبطت بعد
مافقدت الامل بزواجي من عهد


غاده..تمت خطبتي لناصر ولد عمي وانا اعيش احلا ايام عمري وندمت على
الايام الي مرت من غيره


ديما..انا بصراحه مو فارقه الحياة معي ابدا اعيش اليوم مثل ماهو حزين حزين
جميل جميلل مااشيل هم بكرا ابدا


جود..انا الشخصيه المضلومه بهالعائله مالي حضور معهم لان اغلب وقتي ببيت
عمان ي لان عنده بنات بعمري

في بيت ابو محمد..


محمد..انا مشغول بتجهيز شقتي وبحياتي الحلوه مع دلال


عبدالله..انا بصراحه تجيني من فتره لفتره احساس بالاختناق وودي اسافر
واطلع اغير جو كل مايجيني هالاحساس اسافر واغير جو..


بندر..انا مشغول بااختباراتي وقررت اخطب نوره اول مااخلص ونسيت
موضوع الشباب بس عصبت بوقته ..


هند..انا اسعد انسانه بهالدنيا مع احمد


مها..اننا حاله غريبه احس فيه وللاسف ماني قادره اصارح حتى هند اختي
اخاف اكتشف احساسي وانصدم من نفسي

في بيت ام فارس ..


نوره..انا مشغوله بالاختبارات بس مبسوطه لان اختي ملكتها بعد الاختبارات


ريم..رغم انشغالي بكتابي لاغلى ملك الا اني مريت بالاسبوع الي فات بااصعب
موقف تمر فيه أي بنت لما وصل فهد لبيتنا حتى يشوفني شوفة السنه وقتها
وقفت عند الباب عشر دقايق وبالاخير قررت ادخل كنت لابسه تنوره جينز
وقميص ابيض بسماوي وشعري تاركته ولاحطيت مكياج رفضت وطلبت ادخل
على طبيعتي
ريم بخوف وارتباك واضح تفتح باب المجلس وتدخل..السلام عليكم
فهد ويوقف..وعليكم السلام
فارس ويبتسم..ارتاحي الريم
فهد وعينه عليها..شلونك ريم
ريم وترفع راسها لثواني..الحمد لله
فهد..وكيف الكتابه ان شا ء الله كل شئ اوكي
ريم بصوت واطي ..تمام
ثواني وقامت ريم وقام فهد بيطلع واشر لفارس مايقول ولاكلمه ضحك فارس
وترك فهد على راحته..
وحالينا انا مشغولة اجهز لملكتي


احمد..انا اعيش اجمل لحظات عمر مع هند


غاليه..اما انا فبصراحه ماصرت اطلع من غرفتي كثير اغلب الوقت بغرفتي
اول كنت اجلس الظهر تحت اما الحين لا اذاقرب موعد رجعت فارس اطلع
غرفتي ونفس الشئ بالليل يعني ماصرت اشوفه الا صدفه وبكل صدق اشتقت له




فارس..انا حسيت بفراغ كبير خصوصا بعد ماانشغلت ريم وفهد وحتى
غاليه ماعدت اشوفها وبصراحه فقدتها لاني تعودت اشوفها وخصوصا
بالفتره الاخير واسولف معها بس تغيرت كثير حتى سلامها فيه كثير من
الرسميه الي ماتعودتها منها


في بيت ابو ثامر كانت عهد تعاني من موضوع خطبتها لفارس قالوا لها انه
خطبك ماقالوا لها انهم هم الي عرضوها عليه احتارت وغاليه الي كان واضح
انها تحب ولد عمها ليه يتزوج عليها من قبل حتى مايتم زواجهم قالوا مايحبها
بس هي ماصدقت وقررت تتخذ موقف صعب بيحرجها مع غاليه وامها وابو ثامر
وحتى فارس بس قررت تعمله مهما كانت النتائج ..


كانت الساعه تسع ونص بالليل وكنت تعبان طلعت غرفتي وتمددت عالكنبه
بالمكتب عااساس اني بريح وبعدها بقوم اكل ل ي شئ وانا بس غيرت
رائي وقمت وشغلت الكمبيوتر


اما انا ريم كنت عالعاده بغرفتي اكتي في امان الله


اما انا نوره كنت تحت مع احمد بالمطبخ باكل لي شئ خفيف وارجع اذاكر
وامي كانت بالصاله


اما انا غاليه كنت بغرفتي متمدده على سريري وعلي بجامه وشعري تاركته
على اكتافي فجأه دق جوالي شفت رقم غريب ترددت ارد او لا بس بالاخير رديت


غاليه..الو
بنت..السلام عليكم
غاليه وتجلس عالسرير..وعليكم السلام
البنت..غاليه كيف الحال
غاليه..من معي
البنت ..انا عهد بنت ابو ثامر
غاليه بااستغراب..ياهلا والله كيفك
عهد..الحمد لله اتمنى مااكون ازعجتك
غاليه..لامافيها ازعاج
عهد بتردد..غاليه انا ترددت كثير قبل هالمكالمه بس عندي موضوع ودي اكلمك فيه
غاليه..تفضلي
عهد..بصراحه الموضوع يتعلق فيك انتي ولد عمك فارس
غاليه وشدها اسم فارس..خير وش فيه
عهد بخوف..انتي تحبين ولد عمك
غاليه وعصبت..اعتقد هالشئ يخصني
عهد..غاليه افهميني
غاليه وانقهرت..عهد اذا عندك شئ قوليه بطريقه مباشره
عهد..بقول واتمنى ماتزعلين مني انا وصلني خبر انك تزوجتي ولد عمك انت
وهو مغصوبين وبصراحه هو خطبني فاانا بتاكد اذا فعلا ماتحبون بعض
وراح تتطلقون
غاليه وكانه بركان ثار بداخلها ..حلال عليك اشبعي فيه
قفلت غاليه الخط ومن غير احساس فتحت باب غرفتها طلعت بالبجامه
وبنفس شكلها وتوجهة لغرفة فارس وفتحت باب المكتب بقوه خوفت فارس
ووقفت قباله وهو وقف ..شصاير
غاليه وبقوه ومن غير أي دمعه..طلقني والحين
صدمه جديده لغاليه هل سيكون حلها سهل ....


الجزء 21 والاخير


غاليه طلقني الحين
فارس وقف وناظرها من فوق لتحت له فتره ماشافها وصدمه شكلها بكل هالبراءه
والتلقائيه
فارس وهو رافع حاجبه..شلون طلعتي من غرفتك كذا انتي ماتعرفين ان احمد موجود
غاليه وبصوت عالي..مايهمني طلقني
فارس وعصب وتقدم لها ..وش الي مايهمك غاليه انهبلتي
غاليه وبدت دموعها تنزل ..كيفي ان شاء الله اطلع بالشارع كذا انت مالك دخل
فارس وبصوت عالي سمعه كل من في البيت ..غاليه بس عدلي اسلوبك لااعدله
لك الحين
غاليه وبتمرد وقوه..وش بتسوي بتطلقني هذا عز الطلب بتضربني عادي مايهمني
فارس وتقدم اكثر لها والغريب انه ماخافت ..وش الموضوع الحين
غاليه..ماابيك طلقني
فارس..شي الي صار وغير رائيك
غاليه ...اكتشفت انه فيه احسن منك بكثير
كف علم على خد غاليه من فارس وهالكف ماندم عليه فارس بالعكس زاد قوه
ورفع صوته..غاليه والله لو ماعدلتي اسلوبك لااعلمك منهو فارس الحقيقي
لايغرك احترامي لك انا احترمك اذا انتي تحترمين نفسك لكن طالما حقرتي نفسك
مالك الا كف يعدلك
غاليه ويدها على خدها ودموعها تنزل..مايهمني طلقني ماابيك ماابيك
فارس وبعصبيه ..لاحول ولاقوة الا بالله غاليه وجع تكلمي شصاير
انفتح الباب ودخلت ام فارس الي كانت مصدومه من وجود غاليه بغرفة فارس
بالبجامه ومصدومه من كلام فارس الاخير الي سمعته
ام فارس وبصعوبه تمشي..وش فيكم فضحتونا
فارس..انا ماابي أفقدأ عصابي واطلق ياغاليه
ام فارس..هو وش طلاقه
غاليه ..الا خليه يطلقني ماابيه
ام فارس وتمسك غاليه وتجلسها جنبها..ليه تبين تطلقين
هنا انهارت غاليه بحضن ام فارس وبدت تقول كلام مو واضح هالكلام خلا فارس
يعطف عليها

ام فارس ورحمت غاليه..تكلمي يابنتي ولاحد بياخذ حقك من فارس غيري بس
قولي لي وشصار


غاليه ومن بين دموعها بدت تحكي وقالت كل شئ ..انت قلت ماتبي تتزوج لكذا انا
وافقت اني اتزوجك بدون أي عواطف منك بس ماقلت لي انك ماتبيني انا تحديدا
خلاص كيفك تزوج بس طلقني انا مااقدر مابتحمل تعبت


ام فارس واستغربت الموضوع كله..صدق يافارس انت خطبت بنت ابو ثامر..؟؟


فارس ويجلس بتعب عالكنب..لا انا ماخطبتها هو اللي عرض علي الموضوع
ام فارس وبسرعه..طيب انت وش قلت له رفضت
فارس..لا سكتت اصلاً انصدمت من الموضوع بس كان واضح اني رافض
غاليه ..بس هي تقول اننا بنتطلق وانك مغصوب
فارس بصوت حاد..قلت لك قبل انامافيه احد يجبرني افهمي
ام فارس ..بس خلاص انت وياها الحين يابنتي بسال فارس قبالك انت تبي
تتزوج بنت ابو ثامر
فارس وبعصبيه واضحه..لا
ام فارس..وبنت عمك بتتمم زواجك منها
فارس..قلت قبل اني بتمم الزواج ماله داعي هالي صار
غاليه وتمسح دموعها ..بس انا احس انها تبي تتزوجك
فارس وعصب..غاليه لاترفعين ضغطي زياده انا تعبان ولالي خلق مشاكل
قلت لك زواج مابتزوجها فكيني
قامت غاليه وطلعت من الغرفه اما فارس تسند وكان واضح عليه التعب
وجلست جنبه امه..ماعليه ياوليدي انت الرجال والكبير وهي بنت تحمل
مايخالف بعد هالعهد مالقت الا غاليه تقول لها الله يهديها
فارس وبتعب واضح عليه ..يمه تعبت
ام فارس وكسر خاطرها ولدها..الله بيفرح قلبك ان شاء الله انت نام وارتاح
ويصير خير
فارس..ان شاء الله


طلعت ام فارس من غرفة فارس وقابلتها نوره تبي تعرف وش صار بس
طنشتها امها ورجعت تكمل دروسها اما احمد سمع صوت فارس وكل الي قدر
عليه كلمه قالها بخاطره الله يهديكم اما ريم حبت تترك غاليه لحالها ودخلت
غرفتها وبدت تتصفح اوراق حافتها بملفها


بعدها بيومين جمعت الصدفه غاليه وفارس بالصاله وكان لقاء اول بعد التوتر
الي صار
غاليه وهي ماشيه ..السلام عليكم
فارس ويحط يده عالباب حتى يمنعها تطلع..وعليكم السلام
غاليه وتناظر الارض..ممكن امر
فارس يبتسم..لا اجلسي بكلمك
جلست غاليه وهي حاسه بخوف وخجل من فارس ومن الشي صار..زعلانه مني
سكتت غاليه ولاردت ولارفعت راسها
فارس بهدوء..غاليه انا تعودت اكون صريح يمكن انتي زعلانه ان يدي امتدت
عليك لكن انا بقول لك شئ انتي بنت عمي وزوجتي مابرضى انك تذ لين نفسك
او تحقرينها حتى لو بتقهريني انتي اكبر من كل شئ انتي غاليه افهمي اسمك
غاليه بااسمك واهلك غاليه بطهرك وعفافك فلما تقولين انك حصلتي احسن مني
هذا فيه اهانه لك بااعتبار انك انسانه متزوجه وعيب انا يمكن تسرعت بس هدفي
كان اوقفك واصحيك حتى تنتبهين
سكت فارس لما حس بدموع غاليه ..تكلمي
غاليه وتمسح دموعها ..فارس تحملت كثير مااقدر جرحتني كثير تتوقع بقدر
اتحمل اكثر يكفيني اني اشوف رفضك لي بعيونك
فارس ويبتسم..اسمحي لي اقول لك انك ماتفهمين بالعيون والا كان شفتي رغبتي
بااني اتمم زواجنا وانك تكونين زوجتي غاليه جروحك بداويها بأذن الله بس
انتي ساعديني افهمك وارجوك غاليه انا اذا عصبت افقد سيطرتي بليز حاولي
تكونين اكثر تحكم بنفسك عالاقل لحد مايتزوج احمد ويطلع
غاليه مستغربه..وش معنى
فارس يبتسم..عشان ماتفقدين اعصابك وتتطلعين ببجامتك
استحت غاليه وسكتت وضحك فارس وقام..انا بطلع واتمنى تسامحيني والله
يقدرني واعوضك
طلع فارس وترك غاليه تضحك على نفسها كثير لانها من فارس بالذات ترضى
لو بكلمه فمابالك لو كانت الكلمه مع ابتسامه هنا غاليه تنسى حتى اسمها
وهذا تفسيره واحد غاليه تحب وتحب بعنف ..

اول اسبوع من الاجازه وصل وكان موعد زواج دلال ومحمد كان مثل زواجات
اهل الرياض بدا عالساعه عشره بالليل ووصلوا المعازيم وكانت معهم عهد
وامها وبكل ثقه سلمت غاليه حست انها انتصرت على عهد رغم ان البنت مالها
أي ذنب باللي صار ..
عالساعه 12 انطفت الانوار ونزلت دلال وكانت نعومه وهادي شكلها وصلت
للكوشه وبدت الاغاني والرقص لحد ماجاء موعد دخول المعرس وهنا وقف
قلب دلال ومعها ريم لانها بتشوف فهد الي صار يحتل مساحه كبيره من تفكيرها
بالفتره الاخيره ..وصلوا وسلموا على دلال وكان فهد تحت المجهر عند ريم الي
ماسلمت من تعليق اختها نوره بس قدرت ريم تطنشها لحد ماتركتها بتأملها لحالها ..


اما دانا فكانت حاضنها امه وتصيح فقدان الاخت الغاليه والام تبكي فرحتها ببنتها ..


انتهى الزواج وطلعت وانتشرت القرارات الجديده عبدالله مازال يعاني
من الملل وقرر انه يسافر لمدة شهر اما المعاريس سافروا ماليزيا شهر العسل


اسبوع وعادت الفرحه بس هالمره في بيت ام فارس وهو موعد ملكة ريم وفهد
الي بهاليوم اضطرت غاليه تكلم فارس وتضحك معه وتسولف بعد


عند المطبخ كانت غاليه لابسه تنوره جينز وقميص ابيض وعليها شالها
وشعرها كالعاده رافعته دخل فارس وابتسم لها ..كيف الامور
غاليه ترد الابتسامه..تمام
فارس وباابتسامه وراها شئ..تبين تعملين شبكه مثلهم
غاليه وتضحك..اممممممم لا
فارس مستغرب ..ليه توقعت بيفرحك هالشئ
غاليه وتجلس عالكرسي..مايصلح مابستحي منك
فارس ..هههههههههههههههاي انتي ياغاليه غريبه يعني خلاص ماتستحين
مني ابد
غاليه واستحت فعلاً..لا مو قصدي بس يعني مااعرف شلون اوصلها
فارس وهو بيطلع..المشكله انك مستحيه الحين
سكتت غاليه وكمل فارس..خلي الخدامه تجيب لي الدخون بالمجلس
غاليه..انا بجيبه
فارس يلتفت لها..عندي فهد
غاليه..عادي اطلع وخذه مني
فارس وبنظره غريبه ..شغالتنا حرمه كبيره تغارين منها
انصبغ وجه غاليه احمر ودخلت الطبخ وضحك فارس على نفسه كيف ينسى
كل قناعاته اذا شافها او سولف معها كيف فعلا بهالبساطه يتحول الى انسان
يضحك ويسولف معها


اجتمع الكل ووصلوا الضيوف في بيت ام فارس وتمت الملكه بوسط دموع
الكل لانهم يعرفون شكثر تعب فارس وعانى بتربية خواته واليوم كانه ابو لريم
مو اخوها رفض يدخل وبعد محاولات دخلو هو واحمد ولاول مره تتمنى غاليه
انها تقدر تكلم فارس عن احساسه فيه كلمه وحده كانت حابه تقولها له .
.انا فخوره فيك
اما احمد فكان مبسوط وغيرالجو على ريم وفهد وهند كانت متيمه فيه وسرحانه ..
بالمجلس جلست ريم وفهد الي حاول انه يجرءها من اول لقاء يس فشل
فهد يبتسم..حلو الاحمر عليك مالت على فارس يقولو تشبهني لو يشبهك
كان سوقه ماشي
ابتسمت ريم اما فهد فكا مبسوط عالاخر..بصراحه انا مابطلع ابي اشوفك
ارفعي راسك
ماقدرت ريم ودخل فارس عليهم وهو يضحك
فهد..جاء هادم اللذات وشتبي
فارس هههههه اثقل عيب
فهد..ماابي اثقل ابي اعيش حياتي


يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -