رواية ليتها من جفاها تستفيد -21
غصبا عنهارهف: خلونا نمشي
زياد: يالله مشينا
اتجهوا للمطار والبنات كلهم ركبوا مع زياد في الطريق كانوا يطالعون مكان مكان ويذكرون كل الي سوه
وزياد استغل الفرصه وجالس يطالع شوق
رهف حست فيه وابتسمت اغلى شخصين في حياتها راح يكونون لبعض
شوق حست في زياد بانه يطالعها وحطت راسها على كتف رهف
زياد ابتسم لها وردت له الابتسامه
وصلوا المطار واقلعت الطائره متجه لسعوديه
رهف: والله اشتقت للرياض
سلامه: انا بعد اشتقت له واشتقت لربعي وجيرانا
شوق: انا بعد اشتقت لسريري
سميه: وانا بعد كمان اشتقت لمي وليون
سلمى: انا بعد اشتقت لندى
*** الجزء الثلاثين ***
احبـــك حب صعب اوصف شعوره
عن التعبير يعجز بي لساني
احبك صدق قلبي هــــــو يقولــــــه
ولاجيت اخفيه بعيوني يباني
........ ...
يعلن المطار عن وصول طائره من لندن الى السعوديه
كان في المطار يستقبل ابطالنا
عبدالله وفهد زوج هند وسلمان زوج ندى وذياب
وعمر زوج مي
عبدالله: ماوصلوا
عمر: الحين بيوصلون
نزلو ابطالنا من الطائره
محمد: هالوووووووووووووو سعودي ماي وطني
شوق: ههههههههههه حمود اسكت لاتفشلنا
رهف: واااااااااااااااو وصلنا
ذوق: ههههههههه بلدي الحبيب
سميه: ممكن تمشون لانكم معطلين الي وراكم
رهف: حاضر يافندم
نزلوا الكل من الطائره وشافوا
محمد: عبوووووووووووووووووود
فهد: الظاهر اخوك قاط الماينه بينكم
عبدالله: حمووووووود يالدب استح على وجهك اخوك الكبير تسميني عبود
وسلم عليه
محمد: اخبارك؟؟
عبدالله: بخير .... انت اخبارك؟؟
محمد: بخير بس حمود ومروانوه الحمير خلوني ارجع لحالي وهم بقوا
عبدالله: ماجوا
محمد: لا عشان راح يدرسون هناك
فهد: اخبارك محمد؟
محمد: هلا فهد بخير انت اخبارك؟
فهد: بخير
راح الكل يسلم على الباقي
ذياب: هلا يمه
ام ذياب: هلا ولدي كيفك؟؟
ذياب: بخير يمه انتوا كيفكم ؟
ام ذياب: بخير يايمه
ذياب: زيووووووووود
زياد: هلاااااااااااااا بذياب
ذياب: الحمد لله على السلامه
زياد: الله يسلمك
عبدالله: يالله خلونا نمشي
الكل راح بيته
رهف: اقول يمه ماشتقتي لحمود
عبدالرحمن: اكيد اشتاقت وراح تكلمه الحين
ام عبدالرحمن: اكيد فديته اشتقت له والله ماكان ودي اخليه يكمل دراسه هناك
رهف: يمه خليه راح يجيك رافع روسنا لاتخافين عليه حمود رجال
ام عبدالرحمن: الله يسمع منك يابنتي
رهف: يالله عن اذنكم بروح ارتاح
ام عبدالرحمن: اذنك معك
رهف: يمه انتي بعد روحي ارتاحي
عبدالرحمن: الشايب اول ماوصل راح يرتاح روحي يمه عند شايبك ارتاحي
ام عبدالرحمن: عن اذنكم بروح ارتاح
عبدالرحمن: اذنك معك يالغاليه
رهف: وانت ؟
عبدالرحمن: بروح ارتاح اكيد
........
رغد: بلاسخافه فارس
فارس: ههههههههههههه وليد اهل زوجتك وصلوا
وليد: عارف بكره بروح لهم ........ انتي وش فيك؟؟
رغد: اخوك السخيف يقولي راح ازوجك راعي الدكان
وليد: هههههه لا يكون راجوا
فارس: هو ماغيره
رغد: يمه تعالي شوفي عيالك
ام وليد: وش فيكم على بنتي
رغد: يمه شوفيهم يقولون راح نزوجك راعي الدكان راجوا
وليد: هههههههههه شوف حفظة اسمه
فارس: يمه هي موافقه وانتي ماعندك مانع صح
ريم: من هي الي راح تتزوج
وليد: هذي اخوه نزوجها اياه
ريم: وش فيكم ؟؟
فارس: انتي ورغد راح نزوجكم اخوان
ريم:من هم؟؟
وليد: يعني تبغين تتزوجين
ريم: اذا كان رجال والنعم فيه ليه ماوافق
رغد : بس انا مو موافقه
ريم: بكيفها انا موافقه
رغد: خلاص قول لراجوا خطيبتك ماوافقت بس اخوك زوجته وافقت
ريم: من راجوا
رغد: العريس
ريم: عريس في عينكم خلوه لكم قالوا وش اخو راجوا بعدين من يطلع هذا؟؟
وليد: راعي الدكان
ريم: ايه راعي الدكان اجل قولوا له لا انت ولا اخوك
ام وليد: تعالي ريم حنا بكره بنروح لاهل زوجة اخوك تروحي معنا
ريم: ايه مامي بروح معكم
........
المغرب بعد ماصحت سلمى من نومها
دخلت الحمام ( وانتوا بكرامه )تتروش بعد ماخلصت من الدش
نزلت الصاله شافت خواتها مع اخوها ماجد
سلمى: ندوووووووش
ندى: هلا باختي
سلمى راحت تضم اختها : كيفك يادبه
ندى: انا بخير
ام ماجد: سلمى شوي شوي على اختك
سلمى: يمه من زمان ماشفتها
هند: ماما قصدها ان ندى حامل
سلمى: كذابه
ندى: وش كذابه اصغر عيالك نكذب عليك
سلمى: يعني صدق واااااااااااااو بكون خاله
ماجد: هذا الي هامك
سلمى: اف كورس
ماجد: ماانتي من زمان خاله
سلمى: ايه صح نسيت
هند: اقول سلوم وش فيهم عيالي مو عاجبينك
سلمى: نسيت والله نسيت خلاص فديت حمود انا
هند: ايه خليك كذا
سلمى: افا ياام حمد انا انسى حمود الغالي افا بس افا
ماجد: اقول لا يكثر انتي معها وجهزي القهوه رجالكم بجون بعد شوي
سلمى: احم قال رجالكم سمعتوا يعني قوموا انتوا جهزوا
ام ماجد: قومي هند صلحي القهوه للرجال
هند: ان شاء الله يمه سلمى قومي معي
سلمى: طيب
.......
سميه: لين تعالي
لين: بروح لخالي ياسر
سميه: تعالي خالك ياسر يع
لين: لا خالي ياسر حلو
سميه: خلاص انا ماعاد احبك بس احب سامي
لين: سامي يع
سميه: سامي حلو
مي: سميه لاتخليها تكره اخوها من الحين
سميه: هههههههه مابعد يطلع وتكرهه
لين: ماما متى يطلع هذا .. وتاشر على بطن امها
مي: ماما هذا اخوك يحبك انتي لازم تحبينه
لين: لازم احبه ليه ؟؟
سميه: لانه اخوك
لين: انا ماكلمتك كلمت ماما
مي:لانه اخوك ويحبك هو انتي بعد تحبينه صح
لين: اذا كان حلو زيي حبيته اذا كان مو حلو لا ماراح احبه
سميه: ههههههههههههههههههه
ياسر: هااااااااااااااااي صبايا
لين: خالي ياسر
ياسر: حبيبة خالي.. تعالي
لين: خالي ماما تقول لا زم احب سامي
ياسر: لا مولازم تحبينه
لين: شفتي خالي يقول لا مو لازم
مي: ياسر انا لي ساعه اعلمها وانت تخربها
ياسر: لين حبيبتي اسمعي كلامي سامي يع لا تحبينه
مي: ياسر يالدب
ياسر: انا دب انتي الدبه مع هالبطن تقولي درام
مي: انا درام يالسخيف
ياسر: ايه
لين: هههههههههههههه مي وسامي درام
مي: لين........ وانت ياسخيف اشوف زوجتك اذا حملت كيف بتكون
ياسر: فديت حرمتي انا بتكون اجمل وحده
لين: ايه رهف احسن وحده
ياسر: وانتي من قالك ان زوجتي رهف
لين: خالي انت قلت تبغى تكون زوجتك رهف
ياسر: لا حبيبتي انا مابغى رهف زوجتي
لين: اجل من؟؟؟
ياسر: انتي تبغين من؟
لين: سلمى صديقة خالتي سميه هي طيبه وانا احبها
ياسر: خلاص راح اتزوجها
مي: ياسر لا تحطها في راسها وتفشلنا تقول لها خالي راح يزوجك
ياسر: ومن قال اني ماراح اتزوجها هي الي راح تكون زوجتي
سميه: تتكلم من جدك؟
ياسر: ايه اتكلم من جد من الحفل هوانا جالس افكر في الموضوع وانا الصراحه اشكر رهف على هالفكره الي خلتني اعرف بنات عمي
سميه: لا شكر على واجب
ياسر: انا قلت رهف مو سميه
سميه: طيب عن اذنكم بروح غرفتي
ياسر ومي: اذنك معك
.....
ود: تعالي قولي وش سويتوا في لندن
رهف: الله كلها
ود: كل مغامراتكم علميني عنها
عبدالرحمن: يبغى لها يومين على ماتحكيلك كل اللي سووه
رهف: قول ماشاء الله
عبدالرحمن: خربوا زوجتي والا هي مسكينه هاديه
ود: ماحد يجلس مع هالخبلان يكون عاقل
رن جوال رهف وكانت سميه
رهف: هلا سميه
عبدالرحمن: اقول مافي طلعه تراكم في السعوديه مو لندن
سميه: ههههههههههه وش يقول اخوك
رهف: ماعليك منه
سميه: رهوف عندي لك خبر
رهف: قولي
سميه: ياسر راح يخطب
رهف: من هي؟؟؟
سميه: سلمى وقال اشكر رهف الي خططت للحفله
رهف: تمزحين
سميه: والله ماامزح
رهف: وناااااااااااااااااااااااسه ماراحت خطتنا على الافاضي
سميه: لااااااااااااااااااا انا مستانسه
رهف: انا بعد مستانسه ياحليلها سلوم اخيرا تحقق الي تبغاه
سميه: وانتي يارهف وش صار على ذياب
رهف: ها
سميه: الظاهر ان على الحال
رهف: ماراح اكلمه وهو اذا كان يبغاني كان تحرك
سميه: رهف انتي تدرين انه جاك وانتي منعتيه بانه يكلمك
رهف: عارفه........ سميه عن اذنك ود تبغاني
سميه: طيب باي
رهف: باي
رهف: اف يعني انا الحين الي غلطانه اف
ود: وش فيك تاففين
رهف: سلامتك يالله خلينا نروح الصاله
ود: رهف صاير لك شي؟؟
رهف: لا من قال؟؟
ود: انا اقول
رهف: لا مافي شي انتي تتوهمين
ود: لا ذياب ليه رجع قبلكم
رهف: ذياب...... ايه عنده شغل
ود: لوعنده شغل كان رجع معه زياد
رهف: انا وش دراني هذا هو الي قاله
ود: طيب خلاص يالله نروح عند امي
رهف: يالله
......
شوق: ملل اف
عبدالله: نعم ملل توك جايه من لندن
شوق: ايه ملل
ذووق: ههههههههههههه الله يعينكم عليها
شوق: بل عليها رهيف بكره ملكة صديقتها
ذوق: ايه صح ماباركنا لها
عبدالله: انتوا تعرفونها
شوق: ايه نعرفها كم مره شفناها عند رهف
محمد: ايه منتوا اربع وعشرين ساعه هناك
شوق: هذا بيتي الثاني
محمد: وذوق بيت رجلها
عبدالله: وانا بيت اهل حرمتي
محمد: وينها ود
عبدالله: بيت اهلها
جوري: روح جبها مليت انا
عبدالله: قالت لي بعد شوي أروح اجيبها
شوق: بروح معك نجيبها مليت من البيت
عبدالله: لا تحلمين مافي روحه
شوق: اف
محمد: اقول ذوق متى ملكتكم
ذوق: بعد اسبوع
جوري: وانا عرسي بعد شهر
محمد: ما حد سألك
جوري: حبيت ا ذكركم بس
شوق: اف اف اف
عبدالله: وش فيك ؟؟
شوق: مليت
جوري: روحي نامي
شوق: حد ينام هالوقت ولا تدرون بروح انام احسن لي
.......
مرت الايام وملكة مروة كانت ملكه بسيطه بس مروة كانت جميله
اليوم هي اجمل ايام عبدالرحمن وذوق اليوم ملكتهم
رهف: دحووووووووم يالله ودني
عبدالرحمن: روحي مع السواق
رهف: سخيف ...العنود تروحي معي
العنود:ايه
ام عبدالرحمن: وين رايحين؟؟
رهف: الصالون يمه
ام عبدالرحمن: اوكي انتبهوا لنفسكم
رهف: ان شاء الله يمه يالله مع السلامه
ام عبدالرحمن: مع السلامه
........ ........
المغرب الكل راح بيت العم عبدالعزيز
رهف: ذوقوه طالعه جنان
ذوق: مشكوره
سميه: ههههههه وهذا وحده من العصابه ملكت
شوق: ان شاء الله عقبالي وعقبالكم كلكم
سلمى: وانا عندي لكم خبر
رهف: وش؟؟
سميه:انا راح اقول..... ياسر خطب سلمى ووافقت
رهف: وااااااااااااااااو مبرووووووووووك..... تعالي ليه ماقلتي
سلمى: الله يبارك فيك بعدين قلت اخليها في ملكة ذوق عشان تكون الفرحه فرحتين
البنات: مبرووووووووووووووك
سلمى: الله يبارك فيكم عقبالكم
شوق: امين
سلامه: انا اتوقع رهف راح تنخطب بعدين شوقوه
سميه: ايه ذياب وزياد راح يتفقون اكيد ويخلون خطبتهم نفس الاسبوع
رهف: سخيفين
سميه: خلاص لاتعكرون مزاج البنت
جوري: بنات يالله راح تنزل ذوق
رهف: كل المعازيم جو
جوري: ايه ورغد من زمان تدورك
رهف: رغوده هنا
جوري: ايه
رهف: عن اذنكم بااااااااااي
سلمي: رهف وش رايك تقولي لرغد تخطبك لاخوها فارس
رهف: مشكلته خاطب ولا كان قلت لها
شوق: من جدك تتكلمين
رهف: امزح .
........
نزلت جوري على ميوزك مصري
الكل صلى على النبي
جلست ذوق والكل راح يبارك لها
وشغلوا الدي جي والبنات رقص ووناسه عندهم
دخل عبدالرحمن مع اخوان العروس محمد وعبدالله
وابوها وعمامها وخوالها
الكل بارك لعبدالرحمن جا وقت تلبس الدبل
عبدالرحمن لبس ذوق وحب ايدها
والبنات صفقوا ام عبدالله الدموع نزلت بنتها الثانيه اليوم ملكتها
ذوق لبست عبدالرحمن الدبله
طلعوا العروسين لمجلس لحالهم
عبدالرحمن: مبرووووووووووك يالغاليه واخيرا
ذوق: الله يبارك فيك
عبدالرحمن: ذوق انا احبك وراح اخليك طول حياتك سعيده ... طيب قولي شي خليني اسمع صوتك
ذوق: ماعندي شي اقوله
عبدالرحمن: لا عندك قولي لي اني احبك
ذوق: ها....
عبدالرحمن: شوفي ماراح اطلع من هنا الا وانا سامعها
ذوق: في التلفون اقولها
عبدالرحمن: لا هنا
ذوق: بس..
عبدالرحمن: كيفك انا جالس
ذوق: طيب بقولها...... انا احبك
عبدالرحمن: ماسمعت
ذوق: احبك
عبدالرحمن: ماسمعت عيدي
ذوق: خلاص قلتها مرتين
عبدالرحمن: انا ماسمعت
ذوق: مو لا زم
عبدالرحمن: ههههههههه خلاص لاتعصبين وانا احبك ياغناتي
.......
مرت الايام على ابطالنا
جوري تزوجت وسافرت امريكا
ود حامل وهي بالشهر الثاني
الخاله ريم ولدت وجابت ملاك والكل فرح لها
مي في شهرها الاخير
ذياب ورهف مافي شي جديد
سميه خطبها ناصر صديق اخوها ياسر
ندى في شهرها الخامس
عبدالرحمن وذوق حبهم كل يوم يزيد
احمد ومروان يدرسون في لندن
الخال سعود خطبوله رغد صديقة رهف وملكوا وبعد اسبوع عرسهم
مروة صديقة رهف تزوجت وراحت مع سيف لفرنسا
......
زياد: تحرك تراك مللتنا يا اخي
ذياب: قلت لامي واليوم بتروح تخطبها لي
زياد: صدق
ذياب: ايه يارب توافق وماتعاند
زياد: لا ماعليك ان شاء الله توافق
.......
ام ذياب: والله ياام عبدالرحمن انا اليوم جايتك اخطب بنتك رهف لولدي ذياب
ام عبدالرحمن: هذي الساعه المباركه وذياب ولدنا بس انتي تدرين لازم اشاور البنت وابوها
ام ذياب: ايه يااختي من حقها رهف
ام عبدالرحمن: خلاص راح اشاور البنت وارد لك خبر
ام ذياب: خليها تاخذ راحتها
....
ام عبدالرحمن : رهف تعالي
رهف: هلا يمه
ام عبدالرحمن: رهف اليوم خالتك جتنا
رهف: عارفه
ام عبدالرحمن: اسمعي خالتك اخطبتك لولدها ذياب
رهف: هـــــا.....
ام عبدالرحمن: وش فيك اقولك خالتك اخطبتك لذياب وش رايك
رهف: يمه هذا زواج خليني افكر
ام عبدالرحمن: خذي راحتك
رهف: طيب يمه عن اذنك
راحت رهف حجرتها ذياب خطبني
.......
مرت ثلاث ايام وذياب جالس على اعصابه خايف رهف ترفضه
وتكون زعلانه منه
ذياب: يمه ماعطوك الرد
ام ذياب: لا اماتصلت خالتك
ذياب: يمه دقي عليها وشوفي
ام ذياب: ليه مستعجل
ذياب: انتي ماتدرين بشي
ام ذياب: وش اللي مدري عنه
ذياب: ها..... ولاشي
رن التلفون
ذياب : يمه التلفون التلفون يرن يايمه
ام ذياب: طيب ....... الو هلا ...ايه الحمدلله........ انتي اخبارك.... بخير الله يسلمك... مع السلامه
ذياب: ها يمه وش قالت
ام ذياب: ذياب
ذياب: يمه
ام ذياب: ذياب انت تدري ان الزواج قسمه ونصيب ياولدي
ذياب: يمه وش قصدك؟؟؟
ام ذياب: رهف ارفضت
ذياب: ها وش تقولين امي انتي تقولين الصدق ولا تمزحين معي يمه قولي انك تمزحين
ام ذياب: وهذا فيه مزح
ذياب: يمه مستحيل كيف ترفض انتي متاكده
ام ذياب: هذا الي قالته خالتك لي
ذياب :يمه مستحيل مستحيل وطلع من البيت
........
رهف في هالوقت جالسه في غرفتها
رن جوالها وكان المتصل ذياب ماردت عليه وسكرت جوالها
دق مر ثانيه وشاف جوالها مسكر
ذياب ليه يارهف ليه؟؟؟
عند رهف :اسفه ياذياب بس انت الي وصلتنا لهل مرحله
ونزلت عند اهلها
....
مرت ايام ع ابطالنا
سميه تزوجت من ناصر صديق اخوها وسافرت لشهر العسل
والخال سعود تزوج وسافر مع رغد لشعر العسل
وملك ياسر على سلمى
...
شوق: اف الكل تزوج الا انا ماتزوجت
ذوق: هههههههههههه
سلامه : انا بعد متى يرجع حمود اف
رهف: ههههه مساكين
شوق: رهف انتي حماره صح
رهف: نعم؟؟
شوق: ذياب جا يخطبك وانتي رفضتيه ولا تتحلمين يجي مره ثانيه
رهف: ومن قال اني ابغاه يجي
سلامه: والله متكبره
رهف: الي ماتدرون عنه انتي معها ان فيصل صديق عبدالرحمن جا خطبني وانا وافقت
اشهقوا البنات
ذوق: تمزحين
رهف: وليه امزح مو مصدقين روحوا اسالو ود
شوق: انتي ماتحسين ماعندك قلب
رهف: شوق انتي يوم خانك مروان ماحد كلمك لان عارفين لو صار لنا نفس الشي سوينا مثلك وهذا كان يكلمها
كيف لو كان طالع معها وجالس معها في مكان عام وماسك ايدها
ذوق: قالك هي صديقته وهي تحبه وهي الي مسكت يده مو هو
رهف: مشكلته مو مشكلتي ولو سمحتوا سكروا السالفه
.......
انتشرت خطبت فيصل من رهف
ذياب يوم درى قوم الدنيا وراح عند عمه
ذياب: عمي كيف توافق على الغريب كيف
بو عبدالرحمن: ياولدي البنت نصيبها معه مو معك
ذياب: هي ماتعرف مصلحتها وين
بو عبدالرحمن: ذياب حنا عطينا للجماعه رد
ذياب راح بدون مايقول أي شي
...
بعد اسبوعين تحددت ملكت رهف على فيصل
وذياب كانت توصله الاخبار
وواثق بان رهف تحبه وماسوت هالشي الا انها تبغا تقهره
زياد: ذياب خلاص ملكتها بكره
ذياب وهو يبكي: آآآآآآآآآه يازياد ليه انا بالذات ليه
زياد: ذياب وش هالكلام الزواج قسمه ونصيب بكره تنسا وبتتزوج وتنسى رهف
ذياب: انت صاحي كيف انساها كيف انا احبها مو من يوم او يومين
سنين يازياد اسنين وهي داخل قلبي كيف انساها ومن قالك اني راح اتزوج من قال
زياد: ذياب هد عمرك
ذياب: مقهور يازياد مقهور ليه توافق ليه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك