بارت مقترح

رواية اكرهك واحبك ولا ابيك وابيك -4

رواية اكرهك واحبك ولا ابيك وابيك - غرام

رواية اكرهك واحبك ولا ابيك وابيك -4

الجزء التاسع
مسكت جوالي بدق على ديومه ياقلبي جد والله اشتقت لها
ديما : الوووو غنادر
غنادر : هلا ديووم السلاااام
ديما : وعليكم السلام وحشتيييييييييني يابت
غنادر : والله انتي اكثررر , الحين يا النذله تبيني انا اللي ادق ليش موب انتي؟؟ فوق راسك ريششه يعني..؟
ديما : هههههههههه لا والله ريشتين ههههه لا والله عن جد جوالي مافيه الا هللات يا الله ارسلت
غنادر : اهاا يعني مطفررره
ديما : مررره هههههههههه
غنادر : هههههههه
ديما : وش صااااار على الزوج الحنون ههههههه
غنادر : اقوول طسسسي ماعندك سالفه لا انتي ولا اللي عندي واللي يكلمكم غلطان
ديما : اعصابك اعصابك وش فيك ؟؟ لا جد متى زواجك؟
غنادر : يقول بعد شهر مايلحق قوولي آمين
ديما : اوووه لا حرام عليك
غنادر "بحقد" : حرمت عليه عيشته ما اطيقه
ديما : ههههه ماينفع معاك يلا اكلمك بعدين خليك على اتصال
غنادر : ان شاء الله مع السلامه
ديما : مع السلامه
سكرت من ديومه صح انها تنضم لشذى وحركاتها الا اني احبهم فديتهم
سمعت طق على الباب
غنادر : ادخل
دخلت دانه وشذى بأكياس
شذى : شوفي شوفي وش جبنا لك رووووووووعه شوفي ذي التنوره باللهي مو لووك نايس؟؟
غنادر "بصدمه" : هذي وشووو احسن لي ما البس شي ماتستر شي
شذى : يوووووه يا القرويه هذي تنوره لنص الفخذ حنا ماقلنا البسي عندنا عند رجلك عادي
غنادر "بعصبيه" : اقوووووووول على تبن انا مالبست عندكم تبيني البس عنده كذا عشان يقول فاسخه الحيا
دانه "بصدمه" : هييييييييي انتي .. انتي مجنونه هذا زوجك يعني عادي
شذى "بحماس" : اييييييييييييييييه صادقه دانه حتى يشوفك وانتي مالبستي شي يعني عادي
غنادر "بعصبيه" : وووووجع شذىىى ماتستحين انقلعي انتي وياها
دانه : هههههههههههههه بنروح بس اخذيلك نظره على ملابسك عشان ماتندمين هههه
وطلعو
صدق فاسخات حيا من الافعال الى الكلام وجع يوجع العدو وماراح اشوف شي يطسون هم ويا الملابس
صارت عاده كل يوم يطلعون يتسوقون ويتمتعون وانا اللي آكلها غرفتي امتلت شفت دانه ووعد داخلات ومعاهم ملابس
غنادر : وين وين
وعد : وين يعني بنحطها بالكبت
غنادر "دزيتهم" : اقوول برا برا غرفتي ماعاد تكفي , بكرا بتنفجر الغرفه من الملابس وجع
نوف من ورا الباب انفرطت : هههههههههههههههه
دانه : خلاص بس شنطتك لازم تكون كبيره عشان تكفي
غنادر "هين اصلا قابليني لا اخذتها" : من عيووني يادانه انتي تامرين
دانه بابتسامه ادري انها تطنز بس اوريك ياغنادر : تسلم عيونك
غنادر : يلا حبيبتي انتي وياها ماعليكم امر
وعد تغمز لي بعينها : بتكلمين حبيب القلب
غنادر دزيتها لما طلعت : ايه اشتقت له
نوف : اخسسسسسسس من الحين من قدك غساااااانوووه
وعد بدلع بتقهر غنادر : غنادر يلا كوكلي دقي على غسونك اكيد على نار
غنادر بنظرات قهر : ياحلووك ياوعد وانتي منطمه تهبلين
نوف : ههههههههههههههههههههه
وعد : هذي جزاتي هين ياغندوره ههههههههه
ياحليلهم والله اني احبهم بس يقهرون بقووه
مرت هالاسابيع من دون احداث بس يجيبون ملابس ومصدقين اني بلبسهم عاد شكلي وانا كل يوم اتكشخ لوجه النحااااسه
ماتصدقون لو اقول لكم اليوم زواجي ياربي الايام تركض بسررررعه
جتني شذى تصحيني
شذى : غناااااااااااااااااااااااااااااااادر قومي
غنادر بطفش : اووووووف وجعيييييه كم الساعه؟؟
شذى : ماتصدقين لو اقولك 4 العصر
غنادر نطيت : اووووووف كل ذا نوم
شذى : عساك ماحلمتي بغسان هههههههههههههه
غنادر ضربتها على كتفها : من اليوم وانا احلم فيه
شذى : هههههههههه بلا طنازه عجلي الكوافيره بالطريق
طلعت لبست بنطلون جينز وبلوزه تركواز بس كذا مو كشخه عاديه شفت الكوافيره بوجهي سلمت عليها هذي سولاف >_<
سولاف : ماني مصدئه انو اليوم عرسك ياغنادر
غنادر "احسن" بابتسامه مجامله مالي خلقها : لا صدقي ههه
سولاف : مبروك حبيبتي بتستاهلي
غنادر : يبارك فيك
سكتت وفكتنا من لسانها احسن شي قعدت تزيني وهي ساكته بعد ماخصلت عطتني المرآيآ
سولاف : شوووفي شكلك يخزي العين ماشاء الله بتعئدي
غنادر "ااووووف مكثره الميك اب" : لييييييش كل هالميك اب ماله داعي
سولاف : شوو اللي مالو داعي الا الو ونص كمان حبيبتي هاد زواجك اانتي مش بنت عمك ولا احد من اهلك يلا انا بستأزن مع السلامه
غنادر "ياطوول لسانها بالعه راديو" : مع السلامه
شذى : بالعكسسس موب كثير حلو ورايق
غنادر : ايه انتي دايم كذا لا انا مو عاجبني الله ياخذها من كوافيره هين اوريها لو الوقت ماراح كان مسحته وخليتها تخففه
شذى : استانسي ياغنادر اليوم ليلة العمر
غنادر قمت بعصبيه : الله يقصر من عمره
شذى : حرااااام عليك قلبك من ايش؟؟؟
انتهى الجزء التاسع
توقعاتكم .. غسان & غنادر بداية الحرب العالميه الثالثه هع ..؟


عـــوآآفي ع آلردود إلهـي لآ يحرمني :)

الجزء العاشر

غنادر : خلاااااص شذى لا تطفشيني تراني خلقه طفشانه وضايق صدري
شذى ضمتني بحنان : والله رااااااااااح اشتااق لك ولعنادك
غنادر ضميتها اكثر : وه بس مع رجتك الا اني احببببببببك موووت
شذى بمزحه طقتني على كتفي : بكره هالكلام يكون لغسان وحنا لنا الله
غنادر : محد يجي ظفركم والله لا غسان ولا عشره من امثاله
دخلت علينا وعد : وااااااااااو واااااااو ياغنااااادر طالعه قمر عن جد انا انهبلت شلون عاد غسان الله يعينه
نوف بضحكه : عن جد قمممممممممممر هههههههههه اقول غنادر شكلك بتحملين من اول يوووووم
وعد وشذى ودانه : هههههههههههههههههههههههههههههههههههههههههههههههههه ههههههههه
غنادر باحراج : نوفوه وجع والله انك قليلة حيا
نوف : هههههههه جد وش اسووي انا اللي بنت رحت فيها شلون عاد هو؟؟
غنادر : اسكتي بس , الا وين جدتي
دانه : ههههههه ياحلوك ياغنادر وانتي منحرجه ,,,,,
شذى بتزيد من احراجي : والله تهبلين لا انحرجتي بكل حالاتك حلوه الله يعينك اليوم سهررررره ههههههههه
غنادر : بتنطمون ولا شلون؟؟
وعد برجه : شلوووون؟
غنادر : لا والله جد وين جدتي؟؟
وعد : دقايق اناديها
غنادر : ايه الله يعافيك قبل لا تبدأ الحفله ثمن تروحون وتتركوني
شذى : لا والله انا بجلس عندك لما يزفونك بعدين بروح لاحقه على الرقص اهم ماعندي انتي
غنادر ضميتها : فدييييييتك بس
فجأه دخلت ديما : غنـــــــدوووورتي ركضت وضمتني
غنادر : ياعمررري ديووومه تو مانور المكااان
ديما : مبروووووك ياقلبي الف مبروووك
غنادر : عقبااالك
ديما : اسكتي لا تحرجيني
شذى وغنادر ودانه ونوف : ههههههههههههههههههههه
دانه : ديما اثآريك مو مثل صاحبتك ماتعرف للخجل ههههه
شذى تبي بس تحرجني : لالالالالا انا مو معك يا دانه ماشفتيها تو يا ديما وخدودها حمرا , البنت تنحرج وبقوووه بعد بس حنا اللي ماندري الله وين قاطنا
ديما : هههههههه غنادر طالعه قمر ياقلبي
غنادر باحراج : تسسسلمين
شذى : اوووووووووووه شفتيها وقعدت تصفر مرجوجه شذووي
ديما : هههههههههههه ادري ادري سم الله عليهااا بنوته رقيقه والبنت طبعها الخجل
غنادر بقهر شذى اففففففف ما تسكت : الحيا من الايمان
شذى : هههههه ادري ياقلبي مايحتاج تقولين
جت وعد ومعها جدتي
الجده بدموع : مبرووووك ياحبيبتي الف مبرووك
ضميت جدتي وحطيت راسي بحضنها : الله يبااااارك بعمرك يا اطيب قلب
الجده : لا اووصيك على روحك
غنادر : من عيوووني وبتردد قلت : جدوده امي ماجت؟
الجده باحراج : دقيت عليها وللحين ماجت
غنادري ادري ماراح تجي مو شي جديد : اهم شي انتي
شذى : خلالالالالالاص لا تقلبونها عزا
وعد : يلا يلا بدو الناس يجون يلا ياجده يلا دانه ونوف وشذى وديما
شذى : انا بجلس عند غنادر
وعد : كيفك
طلعو كلهم وجلست شذوي عندي
شذى : كيف شعورك بهاللحظه ؟؟
غنادر : عادي بس ما ابي افارقكم
شذى : الفراق لابد منه
غنادر : اكشششخ ياشذى اللي لابد منه
شذى : ههههههههههههه لا والله اتكلم جد كلنا مصرنا بهالطريق
وقعدت اسولف مع شذى بسوالفها اللي تنسيني كل شي بس مو طول الوقت جالسه لا تطلع وترجع وتطول يمكن تاخذ نص ساعه وكذا ...
شذى : الساعه تشير الى الواحده والنصف وجت وقت الززفه ههههههههههه خايفه مو؟؟
غنادر احس بخوف اكيد بس ماحاولت ابين : لا عاااااااااااااااااااادي
شذى "تطير عيونها فيني" : قولي والله؟؟
غنادر :ياذا الووورطه" : جد ما احس بخوووف ابد
شذى : انتي غريبه عجيبه
غنادر : احسسن شي
دخلت دانه ومسكتني بإيدي
دانه بابتسامه : يلا حبيبتي
قمت معها ودخلت مع باب ذهبي وكانت اغنية الزفه
الزيــن نهديهــا فرحــة ليــاليهــا
اسم على مسمــى ربــي يخليهـــا
في عيــدها الثــاني جينــا نهنيهــا
عسـى العمــر كله والسعــد يضوريهــا
الزيــن محلاهــا محــلا محياهـا
بيــن البشــر وردة سبحـــان بــاريهـــا
لو عالقمــر تقبــل من نورهـــا يخجــل
وإذا اطلبــت ينــزل ينــزل إلى إيديهــا
بنــت الوفــى كله وشموسه وظلــه
طيب العــرب كله من طيب أهليهـــا
من حـب والدهــا يلبس قلايدهــا
والزيــن زايدهــا وطيبــة عن ابيهـــا
حــلوة وأمــورة مثــل أمهـــا صــورة
والزيــن معــذوره لو البــدر يغليهـــا
رقتهــا فيهــا وطيبــة معاليهــا
يــاربي تحفظهــا لعيــون غاليهـــا
آلفنآن : حسين آلجسمي
رآبط آلآغنــيه :/
اغاني حسين الجسمي حلوة وأمورة
كانو بنتين يمشون قدامي ومعهم ورود وحده عن يميني والثانيه عن شمالي وانا بالوسط وكل العيون علي ودي الارض تنشق وتبلعني ماتعدوت ان الناس يناظروني كذا متعوده ادخل الاعراس ارقص واتفرج على العروس يووووه الله يعينهم موقفهم صعب واخيرا شفت الكرسي وجلست عليه وانا اقول بنفسي "الحمدلله مابغينا"
جو ناس يباركون لي ما اعرفهم وبعد 15 دقيقه جت دانه وقالت غسان بيدخل والحريم تغطو قلت جعله يطيح على وجهه افففف الله يعيني عليه
دخل على موسيقى حلووه ورايقه وعلى يمينه اتوقع ابوه تصدقون ما اعرف شكل ابوه وعلى يساره فوااز وفهودي وراهم ياحلاتتتتتتتتتته كان شكله رزه ماحسيت الا بدانه تقول : قومي اوقفي شفيك تنحتي
غنادر سمعت كلامها ووقفت ماحسيت الا بأنفاس حاره على جبهتي رفعت راسي شفته
غسان بابتسامه : مبروك
غنادر انقرفت من بوسته وععع الظاهر بان على وجهي سكت ومارديت عليه جاني فواز وسلم علي وبعده ابوه جد هنا انحرجت
ابو غسان : مبروك يابنتي
غنادر باحراج : الله يبارك فيك
انتهى الجزء العاشر
توقع‘ـــآآتكم!!
منورين آلح‘ـــته :/

الجزء الحادي عشر

طلعو فواز وابو غسان مافيه الا انا وهو وجدتي بجنبي اما دانه وشذى ووعد ونوف ماشفتهم من اول مادخل غسان سمعت جدتي تكلم غسان بس كان صوت الطقاقه مغطي على صوتها ماسمعت شي شفته يبتسم ويشر لعيونه جعل عيونه للفقع جتني جدتي وسلمت علي
الجده بحنان : يلا ياوليدي خذ مرتك وتوكل على الله بس دقيقه بنادي دانه تجيب عباية غنادر
نادت جدتي دانه وجابت عبايتي وسلمت علي
دانه بهمس : لا تطفرين الرجال من اول يوم خليك عاقله سامعه
غنادر ماحبيت اناقشها لا المكان مكان سوالف ولا الوقت : خلاص جيبي العبايه
عطتني اياها لبستها التفت ادوره مالقيته شكله طلع شفت فواز جاي عندي
فواز : يلا غسان ينتظرك
غنادر : طيب خلاص
طلعت وركبت قدام بجنبه وش اسوي مضطره فواز يشوفني وادري به بيعصب لو ركبت ورا قطع علي افكاري صوته
غسان : بتمين ساكته؟
غنادر "وش يبيني اقول؟" : وش اقول ؟؟
غسان بتنهيده : لا بس يعني عيب لما قلت لك مبروك قدام ابوي وفوازولا رديتي ؟؟
غنادر : والله انا بكيفي ارد على اللي ابي واللي ما ابي
سكت ومارد علي احسن اصلا مايصلح من هالاشكال الا كذا
غسان : انزلي
نزلت واتبعته دخل شقه شكلها ذوووق اكيد موب ذوقه هو ووجهه اتوقع ذوق فواز دخلت غرفة النوم ماعليها حلوه الحمام عزكم الله بجنبها دخلت المطبخ مو وسيع مره عادي مافيه الا غرفه وحده !!!!!!!!! ؟؟؟؟؟ يبيني انام معه ؟؟؟ يخسي والله شفته جالس بالصاله ورحت له
غنادر : مافيه الا غرفه؟؟؟
غسان باستغراب : اجل كم تبين؟
غنادر بعصبيه : لا والله تستهبل انت ؟؟ انا وين انام؟؟
غسان "فهمت قصدها افففف الله يعيني ويصبرني" : انتي تنامين بالغرفه
غنادر : وانت؟؟؟؟؟؟؟
غسان بتنهيده : بنام هنا بالصاله
غنادر اشوى على بالي بيقول بالغرفه رحت للغرفه دخلت الحمام عزكم الله تروشت لبست بيجاما حرير
وطلعت فكيت شعري من البف واتجهت للسرير احس النوووم غالبني انسدحت وتلحفت ورحت بسبات عميق
صحيت الساعه 9 رحت للحمام عزكم الله اخذت شور لبست بنطلون جينز وتيشيرت اصفر طلعت اشتري لنا فطور من مطعم بجنب الشقه ورجعت حوالي الساعه 10 الا ... حطيته على الطاوله وحطيت الكابتشينو اللي جبته معي
واتجهت للغرفه فتحتها شفتها نايمه قربت منها بصحيها بس اغرني شكلها وهي نايمه والله اللي يشوفها كذا مايقول لها لسان اطول من العالم بشرتها بيضا خدودها ورديه رموشها طويله خشمها صغير شفايفها تذذذبخ ورديه ممتليه شعرها الاسود مديت ايدي على رموشها احركها تجذب بكل مافيها من عيوب هالبنت نزلت لخشمها ولشفايفها آآآآآه حسيت فيها تتحرك بعدت عنها وسوت حالي اصحيها
غسان : غنادر غنادر
تحركت شوي
غسان حركت كتفها : غنادر
طمرت
غنادر بخرعه : بععععد ايدك وش تبي؟؟؟؟
غسان خرعتني : ما ابي شي اصحيك جبت الفطور
غنادر اففففف خوفني حسبالي بيقرب مني يسويها رجعت انسدح وقلت : اطفح انت انا مالي نفس
غسان "صبر ايوب" : كيفك
وطلعت اطفح على قولتها ورحت لصاحبي بالشوبنق
صحيت الساعه 2 استغربت ماقومني اووووه الا قومني وعصبت عليه ههههههههههه احسن .. الا هو وينه؟؟
قمت اخذت شور وصليت وبدلت ملابسي لبست بنطلون اسود وبلوزه للركبه ازرق باصفر ربطت شعري ذيل حصان طلعت للصاله دورته ماشفته دخلت المطبخ هم موفيه والحمام عزكم الله توني طالعه منه وينه ؟؟ احسن خله يطس رجعت للمطبخ لاني شفت فيها فطور وكابتشينو ؟؟ اكيد جايبه فطرت ما مداني غسلت ايديني وماحسيت الا الباب يفتح شفته داخل
غسان : فطرتي ؟؟
غنادر بدون بنفس : ايه
غسان : سويتي غدا ؟؟؟ تراني جوعان

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -