بداية الرواية

رواية جيتك امانة انقذيني -7

رواية جيتك امانة انقذيني - غرام

رواية جيتك امانة انقذيني -7

طلال..التفت على امه:مـاما!!تحركي سوي شي،نادي خالي،الرزان رزونه حياتي قومي
ضربها خفيف على وجهها..لكن ماقامت..لاحظ انها تتنفس بصعوبة..
امه دخلت داخل بلاهدف!!..شالها هو بسرعة ودخلها للصالة وحطها عالكنبة..
نادى خالد اللي صحى بسرعة.. ظلوا نص ساعة يحاولون يصحونها ماصحت..ركض خالد ونادى على ريما..
ريما..كانت بالحمام"الله يكرمكم" ولما سمعته يصارخ ويناديها طلعت وهي تشوف أماني وهنادي صحوا من الصراخ ركضت هي واماني يطلون عليه من فوق:خــير وش صاير؟!!
خالد:جيبي عباية للرزان بسرعة تحركي..وصرخ..بسرعة
ريما ظلت جامدة من الخرعة ماتحركت..اماني هي اللي تحركت بسرعة وركضت تجيب عباية الرزان وشيلتها ونزلت ركض واخترعت لما شافتها على الكنبة ماتتحرك!! وماانتبهت لوجود طلال اللي معطيها ظهره..
اماني..مدت له العباية:اشـ،اشفيها!!اشفيها الرزان!!
خالد..اخذ العباية:اغمى عليها،انتي ناسية عمرج يـلا فارقي!!
اماني استوعبت وجود طلال وركضت لفوق..وهو ماالتفت ولا تحرك..
لبسوها العباية بسرعة ولفوا الشيلة وغطوها..نزلوا في ذيك اللحظة البنات لابسين عبايتهم..
ريما:خلينا نروح معاكم عمي واللي يعافيك
خالد..شال الرزان:بسرعة حركوا
طلال طلع ركض..تقاجأ بوجود عبدالله وفارس!!..
عبدالله:خير طلال صاير شي؟؟
طلال..مستعجل:بعدين بعدين،الرزان اغمى عليها
وركض شغل سيارته..طلع وراه خالد والبنات..فارس شاف هنادي >>لانها تكشف<< ووقفها..
هنادي:فارس ابي اروح معاهم مو وقتك
فارس:تعالي معاي طيب
هنادي:طيب بسرعة
ولحقوهم..على اقرب مستشفى وعالطوارىء..ركبوا لها مغذي وجهاز قياس نبضات القلب وقعدوا يحوسون..والكل برا على اعصابه..
الدكتور..طلع من عندها:السـلام عليكم،مين منكم ابوها ولا اخوها؟؟
الكل رد السلام..ونط لها طلال وخالد..
خالد:انا خالها وهذا اخوها طمنا؟
الدكتور:الحمدلله ماعليها شر ان شاءالله اخوي،بس هبوط في الضغط وضيق تنفس،بس رجولها احترقت من ايش؟؟
طلال:انكب عليها حليب حار الظاهر
الدكتور:اهـا،الحمدلله حتى الحروق مو خطيرة مع العلاج تخف ويروح اثرها بعد
خالد:مشكور دكتور يعطيك العافية
الدكتور:هذا الواجب اخوي
راح وتركهم الدكتور وهم ينتفسون بارتياح..طلوا عليها خالد وطلال والبنات يشوفونها..وراحوا خالد وطلال جلسوا مع فارس..
طلال..تذكر شي:خالد ليش كنت موجود بالبيت اليوم؟؟
خالد..طلع منديل من جيبه وهو يعطس:انفلونزا جاية بالطريق
فارس..ابتسم:مدامك بالمستشفى قوم تلاحق على عمرك،لاتصير انفلونزا جامدة
خالد..قام وهو يعطس:أي والله وانت صادق،انا بروح وبرجع طلول لاتروح مني مناك
طلال..ضحك:يعني وين بروح واحنا بالمستشفى والطوارىء بعد!!
فارس..ضحك وياه:يجوز تقوم تغازل الممرضات
طلال:هالفلبن!!،لا ناوي على عمري انا عشان ما اخلص من نق نق نق حقتهم
خالد..ضحك:اركد،وانا مطمن عليك مع فارس
فارس..ضحك:ايوا صرنا المربية من الحين!!
طلال:اذا كانت المربية انت ابد مابي مربيات،بس اذا مزيونه مافي مشاكل ابد
خالد..عطس بقوة :الحمدلله
طلال وفارس:يرحمكم الله
خالد..من قلب:يهديكم الله ويصلح بالكم
طلال..ضحك:حاقد الأخ!!،روح توكل ماني متحرك خطوة
بعد ثلاث ساعات..12 الظهر..رجع طلال من الصلاة وجلس على كرسيه جنب السرير..فتحت عيونها بألم وهي مكشرة..
طلال:يامساء الخيـر والسرور
الرزان حاولت تتكلم بس من الألم اللي تحس فيه ماقدرت..تحس النفس تاخذه بصعوبة مو قادرة..
اشرت على حلقها وهي تحس بكتمة فجأة..طلال قام بسرعة ونادى الممرضة اللي جات ركض..
الرزان تحاول تتنفس بين شهقاتها ماقدرت..حطت لها الممرضة قناع الأكسجين..
فبعد ثواني اخذت انفاسها ترجع لطبيعتها..
طلال:وش صاير يالرزان!!ليش مكتومة!!
الرزان ضاقت بها الدنيا بهاللحظة ودمعت عيونها وانهالت الدموع على وجهها بألم وحزن..جا الدكتور وشافها مرة ثانية..
ورجح ان الكتمة بسبب حساسية الصدر اللي عندها وانه ممكن من التوتر والضغط احياناً الواحد يعاني اضطراب في التنفس..
طول اليوم ماقدرت تتكلم وظلت مع الدموع..وطلال معاها ماسك ايدها بينما خالد جا وطل عليها من بعيد عشان مايعديها..
وجاوا نورة ونوف و غادة وسديم واصيل وهنادي وريما واماني ووعد ورغد وخواتها..وامها تنزلت وطلت عليها وخالاتها وخوالها بعد طلوا عليها شوي..
قالوا بيخلونها يومين ثلاثة بالمستشفى لين ماتشد حيلها شوي..اقترح طلال ينام معاها بس ممنوع..
وتوهقوا خصوصاً ان خواتها مايقدرون يتركون بيوتهم عشانها..زي ما امها ماراح تتنزل وتجي تنام معاها..
ريما كان بودها بس ابوها مارضى ونفس الحالة الباقي..لكن الأقوى بالأقناع هنادي اصرت على امها وكلمت فارس يقنعها وبالأخير وافقت امها وهي مو راضية انها تنام يومين ورا بعض برا البيت ولحالها >>وش تقول الناس!!<<..
جاب طلال اغراض الرزان من البيت..وفارس جاب اغراض لهنادي..
طلال:فارس!!،انا بشوفك كل يوم يعني ماكفاني مقابل خشتك اربع وعشرين ساعة بلندن
فارس..ابتسم:يقال يعني انا ميت عليك وياهالخشة!!
طلال:ودك انت بس بخشتي
فارس:صج ماعندك سالفة،دق الباب فكنا لا ادق راسك الحين
طلال دق الباب..ولما سمع تفضل دخل..
طلال:السـلام عليكم
هنادي:وعليكم السلام،أخيراً يـلا ياحلوة بنبدل لج هالمصخرة اللي ملبسينك اياها..الرزان استسلمت لها ومسكت يدها..التفتت هنادي على طلال..مساعـدة يالأخو!!
طلال ضحك وسند الرزان عشان تقوم من السرير ووصلها للحمام "الله يكرمكم"وبعدين طلع من الغرفة وتركهم..الرزان سندتها هنادي داخل الحمام "الله يكرمكم" وهي تغسل وجهها..
رجعتها للسرير بعد مالبستها الروب الدافي حقها ومابدلت لها قميص المستشفى لانه اريح لها بالحركة..
وطلبت الممرضة وقالت لها تجيب لها اكل..دخل طلال مرة ثانية..
هنادي:تعال شوف حضرة جنابها،ماتبي تاكل قال!!
طلال:الرزان،ماتبي تطلعين بسرعة وتفتكين من المستشفى؟
الرزان..بصوت رايح ومبحوح:اليوم قبل بكرا
طلال:اجل اكلي والا اخليهم يقعدونك اكثر ماعندي مشاكل ترا
هنادي:الحين يجي الأكل وتاكلين بدون اعتراض مفهوم؟
الرزان هزت راسها باستسلام..تكره المستشفيات وريحتها وشكلها..تعقدت منها من بعد اللي صار لما جابوها المستشفى ومابقى تحليل ماسووها لها عشان يكتشفون مين الجناة!!حست وقتها بألم فظيع يكبر بداخلها وهم يسوون التحليل بدون مايحسون بشعورها والذل والمهانة اللي هي فيها والضياع اللي تحسه..
بعد كل التحليل اكتشفوا من الحمض النووي الجناة واطلعت هي سليمة نوعاً ما!!..مازالت تذكر الضياع اللي عاشته وهي تسمع سليمة نوعاً ما!!،
يعني ضعت وضاع كل اللي املكه بهالدنيا شرفي!!
،..الرزان كانت بعالم ثاني بعيد عن هنادي وطلال بعالم الذكريات..
هنادي:ماشفت فارس!!انتظره يجيب لي اغراضي؟؟
طلال:الا كان برا بس لما دخلت ورجعت طلعت اختفى،انا طالع اشوفه،الرزان!!الرزان!!الرزااان!
الرزان رفعت راسها وبعيونها تسأله "خـير؟"
طلال:سـلامات وين سرحانة!!،يـلا بلا دلع ترا احنا بأجازة لاتخربينها علينا عاد
وطلع..

هنادي:مزعجك شي؟؟،تبين شي؟؟،اخليهم يجيبون لك مسكن عشان الحلوة!!لأن شكلها خابصة عليك الدنيا!!
الرزان..هزت راسها بألم وبصوتها المبحوح:مصيبة الواحد يطيح وهو عنده الحلوة
هنادي..ابتسمت:عشان كذا دختي بسرعة؟!
الرزان:لا انا اتعب فيها صح لكن مو لهالدرجة!!
هنادي..بابتسامة:بس اكيد لها اثر،احمدي ربك الدكتور مافشلك وقال قدام خالك واخوك
الرزان..ابتسمت غضباً عنها:اشدعوى مايدرون،صدقيني هم مقابليني قبل اربع وعشرين ساعة وحافظين نفسيتي كيف لما تجيني وكم عدد ايامي بعد
هنادي..ضحكت:الله الله!!،وانتي عادي عندج!!
الرزان اشرتها بيدها "مايهمني"..قاطعت كلام هنادي اللي بتقوله الممرضة وهي داخلة بصينية الأكل ووراها طلال..
طلال:فارس شوي وجاي،تحجبي عدل يالتعبانة
هنادي:من بيطالع فيها وهي زي الأشباح!!
طلال..قرب من الرزان وقرص خدها:اشباح!!،وهالخدود الحمر وشو!!
الرزان ابتسمت وهي فاهمة التلميح..
هنادي:صج!!وجهج غريب مصفر بس فيه خيال احمر على خدودك..ضحكت..حالتج صعبة..حطت طاولة الأكل قدام الرزان وجلست فوق السرير قبالها وبدت تأكلها..يـلا بسم الله ياحلوة
طلال..ضحك:طـفـلـة!!
هنادي:روح بعيد بس وخلها تاكل
طلال:لا ما بفوت فرصة اني اتفرج على الرزان وهي تجبر عالأكل
الرزان تذكرت كيف كان ابوها يغصبها على الأكل بعد ماصارالحادث الأول..كان يجيها بالصينية للغرفة ويغصبها تاكل..بس بعد الحادث الثاني هو طاح تعبان وماعاد احد يهتم فيها..الا خالد..
:ياسلام عالدلع ياسلام!!،احنا مايحصلنا لامرضنا كل هذا!!
هنادي..التفتت على فارس وهي تضحك:نسينا ماكلينا!!،ياناكر المعروف امي كانت تسهر عشانك لجاتك انفلونزا ورايحة جاية بالشوربات
طلال..ضحك وطالع الباقة اللي بايده:كشخات فارس هاذي لي!!
فارس..ابتسم:يكون حضرتك المريض وانا مادري!!
طلال..بابتسامة:لابس قلت يمكن اشتقت لي لما فارقتك فرحت تجيب لي ورد
فارس..ابتسم وغمزله:من ناحية اشتقت لك فانا كل ثانية تغيب عن عيني اشتاق لك فيها
هنادي:الله يقطع عدوينكم صجيتونا خلوا البنت تاكل برواقة
طلال..ابتسم:بعد رواقــة!!
فارس..حط الباقة على جنب وشنطة هنادي عالأرض:الحمدلله عالسلامة يالتعبانة،ماامداج توج جايه السعودية وطحتي علينا،يكون كل هذا من شوقج للسعودية!!
طلال..ضحك واتمصخر:بالضبط ماشالتها رجولها من كثر الشوق!!
فارس:ليش يعني السعودية مو بلادها وطنها لازم تشتاق لها
الرزان خلصت اكل..وهي بدنيا غير الدنيا وعالم بعيد عن هالعالم،
انا مااحتاج مستشفيات حالياَ.. انا عارفة وش احتاج بالضبط..مافي الا هالحل اذا بغيتي تصيرين سعيدة نسبياً حتى..الدكتور النفسي هو الحل..باكلم خالي بكرا ان شاء الله عشان يشوف لي احد
،شافت اللي حولها لاهين بالسوالف..وهي فيها النوم وماتقدر تقاوم..غمضت عيونها وحاولت تمسك نفسها وماتنام الحين..
هنادي..التفتت عليها شافتها تقاوم النوم فابتسمت:يـلا فارقونا نبي ننام لو تكرمتوا
فارس..ابتسم:طردة عيني عينك،بس يـلا تصبحون على خير،ماتشوفين شر الرزان
ضحكوا لما هزت راسها وهي عين مفتحة وعين مغمضة..بس وصلوا طلال وفارس للباب الا وهي منسدحة ونايمة...
الساعة 9 الصباح..فتحت عيونها وهي تاخذ نفسها بصعوبة..قامت بشويش..شافت هنادي نايمة على سرير جنبها فابتسمت،
الله لايحرمني منج..والله اكثر من اخت..ماتوقعتج تتعبين نفسج عشاني وعلاقتنا مو ذاك الزود!!..بس طلعتي اصيلة وعن عشر رجال بعد ماشاء الله
،نزلت من السرير بهدوء و خفة..جرت المغذي معاها للحمام "الله يكرمكم"..كانت الشمس مشرقة بقوة تبعث السرور في النفس..
بس الرزان ماحست ببهجتها ودخلت الحمام"الله يكرمكم" تغسل وجهها.. وطالعت بالمرايا تشوف وجهها الأصفر الشاحب والمورد بنفس الوقت!!،
ماكنت امرض ابداَ بهالطريقة..كنت اظل ايام وايام بدون اكل ولا اتضرر ولا يغمى عليّ ولا اطيح هالطيحة!!..فجأة صايرة اتعب بسرعة!!..يعني ذاك اليوم لما ضعت اغمى عليّ لثاني مرة في حياتي كلها..وهاذي الثانية!!مرتين بالسنة!!..شي غريب وماعمره صار!!..على كثر ماتجيني انفلونزا واتعب منها كثير بس ماوصلت لدرجة اني اتنوم بالمستشفى او احتاج طوارئ!!..لاتصيرين ضعيفة لهالدرجة يارزون قوي عمرج اكثر تحملي التعب تحملي..يعني طول عمرج تتحملين ليش الحين بديتي تفقدين السيطرة!!
،انزعجت اكثر من نفسها والهشاشة اللي صارت عليها والضعف!!..هزت راسها تنفض هالأفكار عنها وطلعت من الحمام "الله يكرمكم"..راحت عند النافذة..
و تفاجأت بأربع باقات ورد كبار!!..عرفت وحدة اللي جابها فارس امس بس البقية..مدت يدها لـ أكبر وحدة فيهم تلمس ورودها..
كانت روز وردي غامق ومايل للفوشي ومعاه روز افوايت واطرافه وردية..عجبتها كثيروقربت منها وشمتها وهي ترتجف ويالله تاخذ النفس..
كان في عصا بالوسط فيها الكرت اخذت الكرت {يـامنى الروح..وشذى عطري..ولحن عودي..شـدي حيلك..ترا لك عاشق..ببحر عيونك غارق..وبهواك صادق..بعيد الشر عنك..يالغلا} عرفت الخط على طول،
مين هذا!!..وش يبي وراي وراي!!بلندن وبالسعودية!!..مين يكون ياربي!!..والله هالأنسان غريب!!وتقريباً مو صاحي!!
،رجعت الكرت مكانه..
:من العاشق الغارق اللي بهواك صادق؟!،من ورانا يارزون
الرزان..التفتت مبتسمة نادراً يدلعهاأحد بهالأسم بس هي تنادي عمرها كذا:ابداً والله ولا اعرفه، صباح الخير
هنادي:صباح الخيرات والليرات ياحلو،اشوف..اخذت الكرت..تصدقين كأن هالخط مألوف!!
الرزان..استغربت وتحمست بنفس الوقت تعرف مين:والله!!خط مين طيب!!
هنادي..فكرت وفكرت بس ماوصلت لجواب:والله مادري،بس مية بالمية قريت مثل هالخط في مكان
الرزان..شكت:يكون وحدة من البنات تسوي فيني مقلب!!
هنادي..ابتسمت:يكون ليش لا!!،هـا اطلب الفطور؟
الرزان:اطلبـي براحتج
هنادي..ابتسمت وهي تهدد:ترا انتي اللي بتاكلينه مو انا
الرزان هزت راسها باستسلام..راحت عنها هنادي للحمام "الله يكرمكم"..ورجعت هي للورد اخذت الكرت من الثانية..
كانت ورود كبيرة بيضا و روز برتقالي واصفر..تعطي حيوية وبهجة ..
ابتسمت لما قرت الكرت { ماتشوفين شر ياقلب خالد..زين كذا طاح قلبي من مكانه!!..ياويلك تطيحينه مرة ثانية..انتبهي على قلبي ترا انا ماقدر اعيش بدونه!!..سـلامتك الف سـلامة ياقلب خالد}،
ماتبطل حركاتك ياخالي!!..يارب توفقه بحياته ويلقى بنت الحلال..اللي تستاهل انها تكون قلب خالد
،رجعت الكرت..وقربت من الباقة الكبيرة "بس مو اكبر من ذيك"المحطوطة بفازا واللي جذبتها وشدتها لها..
روز بنفسجي فاتح و معاه روز ابيض وملفوفة بورق "نبات" اخضر وطويل..شمتها من قلب وبصعوبة بعد..
واخذت الكرت اللي محطوط جنبها {فــي العدوين ولا فيــك يالغـلا..ماعليـك شـر ان شـاءالله..اختك..نوفـي..و..خالتك..إيمان..وبنت خالك..ريمـووو}،
يسلمكم من الشر ربي..ثلاث في وحدة!!..يـلا منكم كل شي حلو..واهـم شي افتـكرتوا
،أخيراً استلمت اللي من فارس..بعلبة شفافة مستطيلة وطويلة..الورد اللي فيها ابيض وطويل واكثر من وردة بالغصن الواحد "ماعرفت اسم هالنوع!!" وفيه اوراق منثورة حولها من الروز الوردي الغامق المايل للفوشي
..والعلبة مربوطة بشريطة عريضة بنفس اللون الوردي ومثبت تحتها بطاقة شالتها ..
عليها صورة كاريكتيرية واحد منسدح بالسرير ومتلحف بقوة بالغطا وفي فمه مقياس الحرارة وعليها تعليق..ضحكت عليها ورجعتها مكانها..
رجعت سريرها بشويش..طلعت هنادي من الحمام "الله يكرمكم"..
هنادي:هـا ماجا الفطور؟؟
الرزان..وهي سرحانة:هـا!!،لا لا
هنادي..ابتسمت وجلست قدامها عالسرير:في ايش وشو سرحانة؟؟
الرزان..التفتت لها:بروح دكتور نفسي
هنادي..ابتسمت وهي تمد يدها لها:اذا ماتقدرين تحلين المشكلة اللي انتي فيها هذا افضل حل
الرزان..ترددت ومسكت يدها:ماتبين تعرفين ليش!!
هنادي..بابتسامة:لا طبعاً،لو تبين تقولينها براحتج،بس انا مالي حق اتدخل
الرزان ارتاحت لأسلوب هنادي..تلقائيتها..وطيبتها..خلتها تفضل تصارحها..بمشكلتها الأولى..
وهي الآثار اللي تركتها حوادث التحرش الجنسي في حياتها..ومشكلتها الثانية..وهي امها..
ومشكلتها الثالثة..وهي عدم قدرتها على التواصل مع الناس بشكل طبيعي!!..
هنادي لما سمعت انصدمت وماحبت تبين لـلرزان مشاعرها وردة فعلها..
لانها تأكدت انها ماراح تتقبل منها شفقة ولا راح تتقبل الصدمة والمبالغة في التعاطف والمشاعر عموماً..
مسكت نفسها ودعمتها بهدوء وطمنتها ان احسن حل هو الدكتور النفسي..ومضى اليوم مابين الزيارات..
الساعة 09:10 جا خالد..
هنادي:عن اذنكم،انا بروح اكلم امي
الرزان:جلسي بس انتي تدرين،مالها داعي هالحركات..وطالعتها..لاتخليني ازعل منج
هنادي..ابتسمت:لا لا،كله ولا زعلج..رجعت قعدت..وهاذي قعدة
خالد..ابتسم:خير!،وش الشي الخطير اللي وراكم!!
الرزان:انا قررت،ابي اروح لدكتور نفسي
خالد..انصدم لكن استانس:متأكدة!!
الرزان..هزت راسها:مية بالمية،انا اشوف ان الموضوع لو طول اكثر راح يتعقد اكثر
خالد..ابتسم:الحمدلله،ولايهمج من بكرا راح اسأل عن دكتور كويس،ولا ليش بكرا من اليوم ان شاء الله
الرزان:بس مابي احد يعرف،مو لشي بس تعرف انا وامي...
خالد..فهمها:ولا يهمج انا بتصرف بهالموضوع..طالع ساعته 9:15..يـلا انا استأذن الشباب عازميني على العشا
الرزان:أي شباب؟!
خالد..ابتسم لها:قلتي شي ماما!!
الرزان..ابتسمت:أي شباب؟!
خالد..ضحك:اخوها فارس..هز كتوفه..عزمني انا وطلال وعادل واحمد وعبدالكريم وعبدالله وفيصل
الرزان:لحظة لحظة،أي عبدالله؟؟
خالد:عبدالله ولد اخوي يعني مين عبدالله!!
الرزان:عندنا اكثر من عبدالله في العايلة،هنوده وش عنده اخوج مسوي فيها حاتم الطائي!!،قوليله ترا مو كل الناس يثمر فيهم
هنادي..ضحكت:مالج خص انتي،خليه يعزمهم،مانتي مسؤولة عنهم!!ولا مسؤولة عنه!!
الرزان:انا اقول بس في ناس ماتستحق
خالد:هاي هاي،استريحي بس عشان هالعبدالله ماتطيقينه صرنا كلنا ناس ماتستحق!
الرزان:ماقلت كلكم،يـلا روح مع السلامة
خالد..سلم عليها وهمس بأذنها:لاتحطين في خاطرج على الخلق اكثر
وابتسم لها وطلع..الرزان حست بضيقه..تكره هالعبدلله ماتطيقه..
هنادي: اشفيج على ولد خالج؟!
الرزان:ماحبه اكرهه،صدقيني كذا من ربي مااحبه،احسه انسان خبيث،ماحب قربه من طلال،واستانس لان خالد يختلف معاه كثير وماهو قريب منه
هنادي:اف اف،لهالدرجة!!وش مسويلك الرجال؟!
الرزان:دائماً كان يطالعني بنظرات!!،كأنه يستحقرني!!يشمئز مني!!،انا طيب وش مسويتله!!
هنادي:غريــب!!،ولاتفكرين فيه ولا يهمك،يـلا بس نامي
كل وحدة منهم انسدحت في سريرها..الرزان ماقدرت تغمض عيونها حتى..وهنادي نفس الحالة..
هنادي:الرزان فيج النوم؟؟
الرزان:لا
هنادي:حتى انا،خلينا نسولف
الرزان:لا،مالي خلق سوالف
هنادي:طيب نلعب!!
الرزان:اوكي
وقعدوا يلعبون "لعبة الأغاني"وحدة تقول مقطع من اغنية والثانية تقول مقطع يبدا بنفس الحرف الأخير من مقطع اللي قبلها..
خالد في مطعم "جنـدولا" مع طلال وعادل واحمد اخوان الرزان وعبدالكريم ولد اخوه "عبدالرحمن" وعبدالله وفيصل عيال اخوه "احمد-الله يرحمه" وطبعاً فارس اللي عازمهم ومعاهم اثنين من ربعه سعد عبدالعزيز الـ.... (صديقه من ايام الدراسة..32 سنة) و عبدالملك خالد الـ....(ولد عمه وصديقه الأقرب..31 سنة..طيار في القوات المسلحة"رتبة ملازم أول".. زي خـالد)..
قاعدين ينتظرون العشا على الطاولة اربعة من كل جهة واثنين على الطرفين عادل وعبدالكريم ..خالد بين فارس وطلال ومعاهم سعد..
خالد..التفت على طلال وبصوت واطي:اقولك تعرف دكتور نفسي كويس؟؟
طلال..استغرب والتفت عليه:لا، تبي اسألك الربع؟؟
خالد:تسوي خير..التفت على فارس وبنفس الصوت الواطي..اقولك فارس
فارس..التفت عليه:آمـر؟!
خالد:مايامر عليك عدو،بسألك ماتعرف دكتور نفسي كويس؟؟
فارس..ابتسم:افا عليك،سعد هو المطلوب
خالد..ابتسم:سبحان الله صدف،خويك دكتور نفسي!!
فارس..ضحك:واشطر دكتور نفسي بعد،شفت شلون رب صدفة خير من الف ميعاد!!..خالد ضحك..اسمع اذا ضروري تقدر تكلمه الحين،واذا مستحي اقدر اسأله لك
خالد..ابتسم:لا وش مستحي،بس اخاف نضايق الرجال وهو ماصدق يفتك من الشغل!!
فارس..ضحك:سعد مايصدق يفتك من الشغل!!،لا ماعليك هذا يموت بالشغل ويركض له ركض..كان سعد جنب طلال ويسولف معاه ومع عادل..هـابو فارس شالأخبار؟؟
سعد..ضحك:الا غصب اسمي ولدي عليك!!ياخي مااحب اسمك وماني مسمي عليك زين!!
ضحكوا..
فارس..ضحك:استريح بس،انت تزوج وجيب هالولد وماكون فارس ان ماسميته عليّ
عبدالملك..سوى نفسه معصب:علي الطلاق ماتكون صديقي لو سميته على هالخكري
فارس..سوى نفسه معصب اكثر:انا خكري!!،عيب عليك تقول عن ولد عمك وصديقك خكري،والله انك ماتستحي،وبعدين تطلق بنت الناس وانت مابعد تتزوجها اصلاً لهالدرجة بايعها!!
عبدالملك..ضحك:انثبر مكانك بس،صدق فلسفة
فارس..ضحك عليه:ماعلينا،وش أخبار الشغل بو فارس؟؟
سعد..ضحك:لا اله الا الله مصر بعد!!،الحمدلله يسلمون عليك المرضى
فارس..ضحك:بـالله!!،الله يسلمهم من كل شر،آخر القضايا؟؟
سعد..طالع بنظرة:كم مرة اقول ممنوع اتكلم عن مرضاي!
فارس..ابتسم:ماقلنا شي،سألت بس عن القضايا الجديدة
طلال..ضحك:فارس لاتتحرش بالرجال!!قالك ممنوع يعني ممنوع،بس ماعرفنا وش تخصصك ياسعد؟؟
سعد..ابتسم:الصحة النفسية والعقلية
فيصل..ضحك:يعني دكتور المجانين كما يعرف
خالد:الله يفشلك،وش دكتور مجانين!!،فيصل بأي عصر انت!!احنا في 2008 ترا ومقبلين على
2009
فيصل..ضحك:حشى مايسوى عليّ كلمة قلتها،خلاص آسفين
عبدالملك..اللي كان جنبه طقه خفيف على راسه:مشكلة البزارين مايثمنون الكلام اللي يطلع منهم
فيصل:والله احسن من العجايز،اللي مايدرون وش يقولون اصلاً
عبدالملك:عجوز مين يابابا!!،استريح
فيصل:كل واحد عدى الخمس وعشرين يعتبر عجوز
فارس:اقول لااطردك الحين برا المطعم وتتعشى مع القطاوة،اصلاً الرجل لايتعبر رجل بمعنى الكلمة الا لما يدخل الثلاثين
احمد:نعم!!،ليه مو مالين عينك مو رجال احنا!!
فارس:لسه بزارين ارتاحوا مكانكم..ضحك..لاتصدقون امزح معاكم،خلاص فضوها سيرة
فيصل:قالك بيكحلها قام عماها!!،وين العشا ياعالم انا بطني قام يطلع اصوااات
طلال:تستاهل من كثر الهذرة،الا خالد مو كنت تسأل قبل شوي عن دكتور!! شوف الصدف!
خالد..طالع فيه بنظرة "ماتسكت!":الا والله صدف
فيصل..ضحك:سلامات عمي من اللي خلاك تتعقد،انا متأكد انها الخبلة رازنو...
هاجموه..عادل واحمد وطلال:هـــاي انت!!
خالد..عطاه نظرة:اقول فيصل تراك مصختها اليوم،اسكت لا الحين يجيك شي ماشفته
فيصل..مد بوزه:حشى ماحد يمزح معاكم!!
طلال:احياناً مزحك يصير ثقيـــل،فماله داعي تمصخها
وظلوا ساكتين لثواني..
احمد:صج خالي حق شنو تسأل عن دكتور نفسي؟؟
خالد..(يوه منك ياطلال الحين وش يفكني من اسألتهم!!):شي شخصي ومايخصكم،ولاتطولونها
سعد..ابتسم:أي شي تحتاجه انا حاضر..طلع بطاقته ومدها لها..تفضل،بأي وقت كلمني
خالد..ابتسم له:تسلم والله،ماتقصر..كان بيقول شي بس تراجع..بيني وبينك شي مستعجل فياليت اليوم اذا مافيها ازعاج
سعد:لا ولايهمك،اذا خلصنا نروح بعيد عن هالحوش وناخذ راحتنا
عبدالملك:حوش!!،احنا ياسعود حوش!!الله يسامحك
سعد..ضحك:وانا صادق،مادري وش مشكلتكم في الحياة!!بس يبيلكم جلسة معالجة
فارس..ضحك:تبي تطبق علينا!!،لا الله يخليك
قاطعهم القرصون بالعشا..انشغلوا بالعشا..الساعة 11:30 كانوا رايحين لسياراتهم..
سعد:هـا خالد خلينا نروح عند سيارتك شوي!!
خالد:يـلا
وبعدوا عن الكل.. ووقفوا عند سيارة خالد..
سعد:آمـر وش اقدر اخدمك فيه؟؟
خالد:مايامر عليك عدو،الصراحة انا مااعرفك قبل اليوم بس ارتحت لك وفارس بعد ماقصر ومدح فيك،عشان كذا بقولك السالفة ومافيها
سعد:اسمح لي قبل لاتكمل كلامك،اذا تبي باعطيك اسم اكثرمن دكتور كويسين تقدر تسأل عنهم وتختار الأفضل لك والأريح
خالد..ابتسم:انا متأكد انك ثقة وقدها،وزي ماقلت من قبل انا مستعجل ماعندي وقت كثير اسأل وادور
سعد:بس الأفضل لك تسأل وتدور،انصحك خذ لك يومين أو يوم عالأقل اسأل فيهم عن كم دكتور عشان ترتاح لما تحط ثقتك بواحد منهم..كان خالد بيقول شي..بدون لاتقول أي شي انا اصر،ماراح اسمع منك أي شي قبل لاتسوي اللي قلت لك عليه
خالد..ابتسم:خلاص امري لله
سعد عطاه اسماء دكاترة وارقامهم وقاله عن سمعتهم..
خالد:ماقصرت ياخوي،تسلم
سعد..ابتسم:هذا الواجب ياخوي،بالتوفيق،وانتظر اتصالك عشان تقولي من اخترت
تبادلوا ارقامهم وسلموا على بعض وافترقوا...هنادي نامت مع الوقت اما الرزان فاخيراً استسلمت للنوم وهي تبتسم!!..


>> خريطة عائلة الرزان <<
عائلة الـ....
محمد (الأب) متوفـي
نهلة (الأم) 49 سنة
عادل 29 سنة
منال..زوجة عادل..27 سنة
محمد..ولد عادل..7 سنوات
علياء 27 سنة
نواف..زوج علياء..31 سنة
فهد..ولد علياء..10 سنوات
غرام..ينت علياء..8 سنوات
فارس..ولد علياء..6 سنوات
أحمد 25 سنة
فاطمة..زوجة أحمد..22 سنة
سارة..بنت احمد..5 سنوات
سلطان..ولد احمد..سنة
نوف 23 سنة
عبدالله..زوج نوف..25 سنة
يارا..بنت نوف..4 سنوات
طلال 21 سنة
>> الرزان 19 سنة<<


عائلة الـ...
عبدالله (الأب) متوفـي>>جده ابو امها<<
لطيفة (الأم) 75 سنة>>جدتها ام امها<<
إبراهيم 59 سنة
سامي 56 سنة
عبدالرحمن 52 سنة
نهلة 49 سنة
أحمد 45 سنة(متوفي)
هند 42 سنة
مبارك 39 سنة
هيفاء 37 سنة
خالد 33 سنة
إيمان 28 سنة


عائلة إبراهيم الـ....>>خالها الكبير<<
فايزة (زوجته)متوفية
عبدالله 32 سنة
سهى..زوجة عبدالله.. 25 سنة
ضاري..ولد عبدالله..7 سنوات
ملاك..بنت عبدالله..سنتين
فؤاد 28 سنة
مها..زوجة فؤاد..25 سنة
إبراهيم..ولد فؤاد..5 سنوات
عدنان 25 سنة
أحمد 20 سنة


عائلة سامي الـ...>>خالها<<
شريفة (زوجته) 53 سنة
سارة 34 سنة
ماجد..زوج سارة..40 سنة
حـلا..بنت سارة..16 سنة
سامر..ولد سارة..10 سنوات
زيد..ولد سارة..6 سنوات
أسماء 29 سنة
عبدالله 26 سنة
أشواق..زوجة عبدالله..22 سنة
سامي..ولد عبدالله..3 سنوات
رانيا 24 سنة
فوزي..زوج رانيا..30 سنة
رامي..ولد رانيا..5 سنوات
>> اماني 21 سنة<<


عائلة عبدالرحمن الـ....>>خالها<<
خديجـة(زوجته) 49 سنة
عبدالكريم 31 سنة
سلمى..زوجة عبدالكريم..27 سنة
خديجة..بنت عبدالكريم..5 سنوات
أمـل 28سنة
فكري..زوج أمل..35 سنة
ميساء..بنت امل..11 سنة
عبدالرحمن..ولد أمل..6 سنوات
غاليـة 25 سنة
>> ريما 20 سنة <<
هلا 15 سنة

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -