رواية غلطه وبندفع ثمنها السنين -13
حطوا الفطور وجهزوا السفره.ونسوا يحطون الفيمتو.
واطلعت ناديه وهيونه من المطبخ
وريم تسوي الفيمتو
راشد دزمحمد يجيب الفيمتو من داخل.
محمد وهو واقف عند باب المطبخ يقول اشغاله وين الفيمتو..؟؟
اشغاله: صبر شوي مافي يخلص ريم
محمد سمع صوت ريم تقول اشغاله تعالي شيلي الفيمتوو وديه المقلط.
محمد يرفع صوته اشوي : مرحبا ياريم وشلونج مبروك عليج الشهر.
ريم اسمعت صوته ارتبكت.
ريم من وراء الباب: هلا مرحبا اخبارك ..كل عام وانت بخير
محمد: وانتي بصحه وسلامه
محمد اخذ الفيمتو وراح المقلط.
...............
ريم راحت تفطر مع البنات وام ناصر وهي تبتسم
هيونه: حووووووووووو شنو عندج
ريم: حرام ابتسم.
ناديه: عساه دووووم
.................
بعد الفطور دشوا العيال عند ام ناصر
ناصر واحمد وابراهيم ومحمد وفهد وراشد.
ام ناصر: وين مرتك ماجبتها لنا تسلم علينا ولا حنا مو قد المقام.
ابراهيم: ان شاء الله راح تجيكم عن قريب.
ناصر يكلم فهد وراشد:يالله شدو حيلكم الدور جايكم.
راشد يبتسم: احد عطانا وجه وقلنا لا يالله زوجووووووووووووووني.
ام ناصر: اصبر تركد بعد العيد بنخطب لك.
راشد نط وحب راس امه
راشد ابتسامه عريضه: صحيح بعد العيد تخطبي لي دارين.
ام ناصر: ان شاء الله اذا الله كتب لنا عمر بعد العيد.
احمد يكلم فهد: وانت متى ناوي على العرس.
ناصر: فهد امرته عندي.
فهد انصدم من ابوه ..من لي في باله ..انا ابي اتخلص من امي يطلع لى ابوي..
راشد حس بفهد:من هي امرته تخبي علينا انت واولدك.
ناصر: ايه اخبي عليك .
محمد: ياخبر بفلوس بكره ببلاش.
اجلسوا يسولفون وبعدين راحوا يصلون صلاة التراويح
....................
بعد صلاة التراويح رد ناصر وراشد عند ام ناصر واحمد ومحمد راحوا البيت وابراهيم راح الدوانيه عبد الرحمن.
في بيت ام ناصر.
ناصر:يمه وشفيج شكلج موعاجبني.
ام ناصر: تعبانه اشوي من الصيام.
ناصر: ماتشوفين شر.
ام ناصر. الشر مايجيك.
راشد: من هي اللى بتخطبها فهد.
ناصر: والله ياراشد انا ابي فهد ياخذ ناديه..ماابي ناديه تطلع برا العائله.
ام ناصر:وانا بعد ودي فهد ياخذ ناديه.....بس امه تبيه ياخذ بنت سعد.
ناصر: بنت سعد ماعليها اقصور.....انا ابيه ياخذها هو اولا من الغريب.
راشد: ناديه مو طالعه من العائله... انا اشوف فهد العريس المناسب للناديه.
ناصر:خليني اشوف فهد يمكن له راي ثاني.
راشد:اخذ الخبر من عندي فهد يبي ناديه.
ام ناصر: يوم يابيها ليش ماخطبها.
راشد: يقول علشان امه مصره تزوجه بنت سعد ....وهو مايبي يكسر بخاطرها....بيخليها لين تنسى سالفه الخطبه.
ناصر:دام اسلفه جذي فهد ماله غير ناديه.
ام ناصر: وامه.
ناصر: سمعت شنو يقول راشد فهد مايبيها .. بس يبي يدور رضا امه.... انتي تعرفين فهد يحب امه ويعزها ويخاف على زعلهااا..
راشد:حرام فهد ياخذ وحده من خواله وبنت عمه موجوده..
ام ناصر:ابرك يوم لاخذا فهد ناديه..
..................
الغبقه..(السحور)
كل يوم عند ناس ....يعني دوري بين الاقارب..
فهد وراشد راجعين من الغبقه
في سيارت راشد.
فهد يبتسم: تعجبني يا عمي ...بس انتم مااخذتوا رايها.
راشد: ليه خطبتها انت رسمي.....ابوك هو اللى قال يبيها لك ...لو عليك ماتحركت ..
فهد:فديت ابوي ..حاس فيني..
راشد: هههههههههه...وش رايك اخلي عرسي مع عرسك.
فهد بخبث: لا ماابي عرسي مع عرسك.
راشد:افا ليه انت ووجهك..
فهد:ابي افرح ابروحي مابيك معي ..ابي الناس تقول اليوم عرس فهد مو عرس فهد وراشد .تكون الليله ليلتي انا وبس..
راشد:ههههههههه ابوك ياالولد تخطط من وراي...
فهد: اخطط شنو ...؟؟
راشد: بالعانيه تاخذها ابروحك
فهد: ههههههههههههههههههههههههه ...الحمد لله ماني محتاج العانيه..اذا جاتني اخذها تستاهلها.
راشد: انت كله تخطط بس ماتنفذ.....سارع في التنفيذ.
.................
في اليوم الثاني
بعد صلاة التراويح
ريم وناديه و ام ناصر رادين من المسجد..
ام ناصر: روحوا السوق اليوم وخلصوا اغراضكم حق العيد.
ناديه: ان شاء الله احاول اخلص قبل لا ندش عشر الاواخر
ردوا البيت وجلسوا اشوي يتقهوون وشغلوا التلفزيون على مكه
ناديه: يالله صوت يخشع
ريم: سديس احلى.
ناديه: سديس حلو بس ماهر غير...احس صوته يدش قلبي ويحرك شي بداخله...
جاتهم هيونه مسرعه
هيونه: يالله قوموا فهد ينطرنا برا..
ناديه: ليه وين السواق.
هيونه:السواق موجود....بس فهد يبي يودينا يقول مايبينا نروح مع السايق في الزحمه..
ريم: يالله قومي البسي ...ايمان بتجينا اهناك بالسوق..
راحو البنات السوق
..................
في سيارة فهد
ريم راكبه قدام وهيونه وناديه ورا
فهد متضايق من الزحمه
ناديه تكلم هيونه بصوت خفيف
ناديه: قول حق فهد يمر الصراف..
هيونه قالت حق فهد
فهد: مايصير اذا رجعنا ...اذا مرينا الصراف راح تتاخرون على السوق ..شوفوا الزحمه..
فهد نزلهم السوق وقال اذا خلصتوا دقوا علي..
...................
حصلوا ايمان ..ولفوا المجمع لف..
صارت الساعه وحده ونص وهم ماردوا.
ام ناصر دقت عليهم و قالت ارجعوا وبكره كملوا ا تسوق..
دقت ريم على فهد ياخذهم..وايمان جاء مشعل وخذاها..
...............
فهد يوقف السياره عند الصراف.
جات ناديه تدق الرقم السري
قال فهد: غمضوا اعيونكم لا تشوفون رقمها تسو يلكم سالفه..
البنات : اضحكوا يحسبون فهد يمزح
ناديه حز بخاطرها فهد ماخذ عنها فكره انها تخاف احد يحسدها على فلوسها ...انا لازم اتكلم معه.
.................
اوصلوا البيت
ريم وهيونه انزلوا بسرعه علشان يلحقون على المسلسل لا ينتهي..
ناديه اجلست اخر وحده متعمده علشان تكلم فهد
ناديه اخذت اكياس وانزلت وفهد يقفل السيار .صاروا مقابلين بعض..
فهد شا ف ناديه محتاره ومحتاسه: فيج شي.
ناديه: اممممممممم..ليه تعاملني كذا
فهد ابستعباط: انا اعاملج مثل مااعامل خواتي.
ناديه: كان زين لو تعامليني مثل ماتعامل خواتك....انت قاسي في تعاملك معي ..
فهد انبسط لأنها افتحت موضوع معه: شنو سويت لج علشان تقولين اني قاسي معج..
ناديه:سالفة حسابات الشركه ..وذلحين تقول حق خواتك غمضوا عيونكم لا تشوفون رقم السري تسويلكم سالفه.
فهد: ليه اوجعتج الكلمه. يوم اقول حق خواتي غمضو اعيونكم ..اذا هي اوجعتج .انتي ذبحتين قضيتي علي يوم تقولين اسرق ابوج على حياته ..
هذا جزاتي اشيل الشركه على راسي واخرتها تقولين لى جذي.
انا تشبهيني ببراهيم اللى حاول يعتدي عليج
وانا اللي كنت اداريج وخايف عليج تشبهيني بواحد ماعنده نخوه .ناديه: لما قالت لي ايمان انك شريت الهديه بفلوسي و انك انت تقول ناديه ماتدري وين ربي حاطها....وقتها ما تحملت انك تستغفليني...
انا كنت مصورتك الرجل المثالي اللى يخاف على عرضه وشرفه..الرجل الطموح الرجل مايقبل الخضوع ما في العالم اثنين مثلك..
اطلب منك السموحه على الكلام اللى صدر مني.
(فهد كان مبسوط وهو يسمع ناديه توصفه وتمدح ..فهد كانت يتاملها وهي تبرر موقفها ..يشوف يدها اللى تحركها عيونها متجمع فيها الدموع بس ماانزلت ولا صوتها اللى بدا يختنق من العبره.
فهد: ليه حطيتي عماد مدير الحسابات لأنج ماتثقين فيني.
ناديه: لا موكذا السالفه ابو عماد دق علي يبيني اوظف فيصل..وانا ماحصلت فرصه اكلمك فيها ..ولما جيتني وفتحت معي موضوع الشركه حصلتها فرصه.
فهد مات يوم عرف ابو عماد يكلمها.
فهد يفتن :ابو عماد ليش يدق عليج.
ناديه:ابو عماد رجال كبير بسن ..وهو حسبة ابوي
فهد: اليوم ابو عماد بكره عماد اللى بعده فيصل يالله خلي العائله الكريمة يكلمونج..ويتغزلون فيج وانتي اسمعي كل كلمه يقولونها .
ناديه : الشرهه مو عليك على اللى يسويلك قدرو حشيمه ويعتذر منك.
جات بتلف اتروح فهد مسكها من لذراعها ولفها على جهته.
فهد:انا مابعد خلصت كلامي.
ناديه فكت يدها منه
ناديه: وانا ماابي اسمع كلامك.
فهد:انتي شايفه نفسج ورافعه خشمج على شنو..من جمالج ولا كشختج....ايه صح الشركه هي اللي مسويتلج قدر عند ابو عماد واعياله.....ولا انتي ماتسووين فلس..
ناديه انصدمت من هجومه وانقلب عليها فجأة.
راحت على طول داخل من غير ماتلف عليه
..................
في الدوانيه
راشد: ليه قلت لها جذي؟؟
فهد: ماتحملت ان ابو عماد يكلمها انجنيت ..تخيلت ان عمادوفيصل يكلمونها ويتغزلون فيها ... قلت خليني اوقفها عند حدها.
راشد: البنيه تعتذر منك وانت خربت الدعوه.
فهد: لما سمعتها تعتذر مني ..قلت هانت.
راشد: شكلك ماتعرف تتعامل مع الجنس الناعم.
متعود تتعامل مع الموظفين وتهزء فيهم ويقو لوا لك ان شاء الله . طال عمرك...لكن ناديه مو موظفه عندك علشان تهزء فيها وتبيها تقولك ان شاء الله..
...................
في غرفة ناديه
تبكي بحرقه
انا الغلطانه اللى سمحت للنفسي افكر فيك يافهد وابني احلامي معك ..انا يشك فيني اكلم ابو عماد واعياله بنيه اشينه.
انا استاهل اللى اعتذرت منه....مايستاهل احد ينزل دمعه علشانه....
....................
الجزء 20
مرت يومين
الاوضاع كما هي عليه.
14 من رمضان
يوم القرقيعــــــــــــــــــان
ريم وناديه وهيونه وايمان ..لا بسات دراريع بمناسب القرقعان. وناديه لابسه كف على يدها. ودراعتها حمرافيها شوار فسكي . ومكحله اعيونها وحاطه الروج احمر مخملي.
يسمعون البزران يقرقعون.
اطلعوا برا يشوفونهم.
وقفوا عند الباب ناديه متغطيه بطرف شيلتها على خشمها وفمها ماسكتها من اطراف اصابعها.
جاوا البزران عندهم.
هيونه: ماشاء الله واااااايد
ايمان: نادي امي خليها تعطيهم القرقيعان.
هيونه راحت تنادي ام ناصر.
مع البزارين البنيه تهبل عمرها 3 سنوات دبدوبه وبيضه ولابسه مخنق ومعلقه كيس القرقيعان على عنقها ..تشوفون راسها مدنقه .. الكس مليان وهي مو قادره ترفع راسها..
ناديه: ياربي يسلم مااحلاها
ناديه تبوس البنيه وتحضنها
ناديه: الله يحفظك حق ا هلك .
...............
راشد فهد بدوانيه اسمعوا صوت البزران اطلعوا.
راشد وفهد جاوا عند ام ناصر والبنات
ام ناصر توزع عليهم القرقيعان
راشد
قرقع قرقع قرقع
قرقيعان عيد اضحيه وارمضان
يامكه يامعموره
يام السلاسل والذهب
يانوووووووووووره
صوم صوم ياصيام
عليكم سبعة ايام
(فهد اعيونه على ناديه اللى تبوس في البنيه
ليتني ماسمعت كلام راشد وطلعت معه...
اذبحتني كل يوم يزيدزينها...والله محد ياخذج غيري)
ناديه انتبهة حق فهد يطالعها ..اتركت البنيه
فهد مسك البنيه كانت ماره من جنبه
فهد يعطي قبله البنيه نفس المكان اللى باستها ناديه.
يبغى اثار من شفايف ناديه على خد البنيه
فهد عطاها قبله عميقه وهو مغمض عيونه ...تخيل لو انها ناديه.
بعدين انتبه على نفسه وترك البنيه.
ماكان احد منتبه له غير ناديه
ماعرفت اشلون تفسر حركته.
راشد : قولوا امين
البزارين.اميـــــــــــــــــــــــن
راشد:السنه الجايه اولدي وولد فهد معاكم يقرقعون.
الكل: امين
ام ناصر: امين يارب تلحقني ذاك اليوم.
فهد: قولوا امين
البزران : امين
فهد:السنه الجايه ولدي ماسك يد بنت ايمان ويقرقع معاكم.
الكل: اميــــــــــــــــــــــــــــن
ايمان تطالع في فهد
يعني مو انا وبس اللى ادعي ربي يرزقني بذريه الصالحه حتى اهلي حاسين فيني...
راشد: وش معنى اولدك يمسك يد بنت ايمان واولدي لا ..
فهد: خايف عليها تضيع اولدك ازهله موب ضايع
الكل: هههههههههههههههههههههههه
هيونه: قولوا امين
البزران: اميــــــــــــــــــــــــــــن
هيونه: جعلني اعرس
الكل: هههههههههههههههههههه
فهد يمثل انه معصب:: وانا ابو ناصر تطرين العرس قدامي.
ريم: هههههههه احمد ربك ماقالت من اللى تبي.
فهد عطى هيونه نظره ارعبتها
هيونه خافت من فهد:قسم قسمات اتغشمر.
راشد : جعلج تعرسين وتاخذين اللى في بالج.
ناديه تمزح: بس هيونه اللى تدعيلها وحنا لا .
راشد يبتسم: قولوا امين
ريم وناديه هيونه وايمان وام ناصر .
اميــــــــــــــــــــــــــــــــن
راشد: وين البزارين
ايمان: دبلت جبدهم راحوا يقرقعون.
ناديه: كمل دعوتك.
راشد: جعلج تاخذين اللي في بالي.
فهديبتسم ابتسامه عريضه:
اميـــــــــــــــــــــــــــــــــــــــــــــــ ــــــــــــــــــــــــــــــــــــن
ناديه: دام هو دش في بالك ماابيه
ام ناصر: جعل ربي يكبر احضوضكم ويوفقكم..
...................
15 من رمضـــــــــــــــــــــــــــــان
باقي على اذان المغرب ربع ساعه.
ام ناصر : راشد وين راح.
ايمان:انا يوم نزلت من سياره مشعل هو كان طالع من البيت سلم علي وعلى مشعل وقال عنده شغل مراح يطول.
ام ناصر: انا قلبي ناغزني ..الله يستر.
ايمان تهدي امها: اذكري الله لا يوسوس فيج الشيطان..
اذان المغرب
وراشد مارد
(ام ناصر من كثر ماهي خايفه على راشد مصارت تشتهي الفطور..
اجبرتها ناديه تاكل رطبه وتشرب ماء ..مايصير هي صايمه ومعها سكر..
ام ناصر: جواله مسكر.
ريم: يمكنه معزوم عند احد من ربعه.
ام ناصر: لا كان قالي .
انا بروح اشوفه في الدوانيه.
وراحت ام ناصر الدونيه ماحصلت احد والفطور زي ماهو
محد اكل منه.
ام ناصر تسئل مازن. وين فهد.
مازن: جاء اتصال وكري يركض .
ام ناصر تاكدت ان راشد فيه شي
ردت عند البنات الى جالسين حول السفر بس محد لا نفس ياكل وهم مو عارفين راشد وينه.. وهي تبكي
ايمان:يمه شنو فيج.
ام ناصر: فهد موب اهناك يقول مازن جاه اتصال وطلع مسرع..
ايمان تبكي من بكاء امها..
ناديه تكلم ريم
ناديه: دقي على فهد شوفي وش فيه؟
ريم تدق على تلفون فهد: مايرد .
ناديه : يمه قومي صلي وادعيله يرده لك سالم ..ولا يفجعنا بغالي..
...............
في المستشفى
فهد: انا ولد اخوه. اشلون صار الحادث.
الضابط:: واحد قاطع الاشار وادعمه وهو واقف .الى ادعمه ياهل انكسرت رجله لاضه في كتفه ووجهه..بس ولدكم هو الى كلاها .انا يوم جيت موقع الحادث حصلت الاسعفات مغطينه قلت هذا ميت...لو تشوف شكله كله دم مو امبين منه شي..
فهد يحط يده على راسه وهو مدنق:: انا لله وانا ليه راجعون.
الضابط:: الله يخليه لكم ويطول في عمره ويقومه سلاااااامه
راح الضابط وترك فهد بحزنه وخوافه على رفيق دربه وحبيبه وكاتم السرار..
فهد: اشلون اوصل الخبر حق امي نوره...فهد خذا اتلفون ودق على ابوه.
...................
ناصر::سكر اتلفون
انا لله وانا ليه راجعون
هند:: عسى خير من الي يكلمك.
ناصر:علمها بسالفه
هند:: الله يقومه بسلامه ويطول بعمره ويخليه لكم..
ناصر في قمة حزنه على اخوه الصغير :: اشلون اقول حق امي...والله اخايف عليه لا يصير لها شي..
هند تطبطب على كتف ناصر ::خلينا نروح لها اهناك بنشوف اشلون نقول لها....
ناصر::اذا انا انصدمت وماتحملت الخبر اشلون امي..
هند::امك طول عمره قويه وتؤمن بالله..
ناصر::ليه انتي ماشفتيها يوم مات خالد كانت بتروح منا بس الله ستر..
...................
في بيت ام ناصر
ام ناصر بغرفتها نزل معها السكر
والبنات بصاله ينطرون خبر من راشد يطمنهم عليه..
فتح الباب البيت ودش ناصر وهند
اهني اعرفو اعرفو البنات صاير شي؟؟
ناصر وهند::السلام عليكم
الكل::وعليكم السلام
ناصر::امي وينها..
ايمان:: امي تحاتي راشد طلع من العصر ولا ذلحين مارد ونزل معها السكر
ناصر يطالع هند شوفتي ماتحملت .يقولها بنظرت العيون..
ناصر::هذا الي كنت خايف منه..
ناديه::راشد صارله شي..
ناصر::انتم مؤمنين بالله تعرفون انا الموت حق؟
هيونه اشهقت: راشد مـــــــــــــــــــــــــــات..
هند ::لالالا مامات ..بس ادعوله ان الله يقومه بسلامه..
البنات صارو يسئلون كيف صار له الحادث واشلون يخبرون ام ناصر؟؟
................
ام ناصر اسمعت صوت ناصر قامت من السرير علشان تسئل ناصر اذا شاف راشد او فهد؟؟
اوصلت عند باب الغرفه واسمعت كلام ناصر والبنات
ام ناصر صارت تذكر الله بقلبها وهي تلبس عبيتها تبي تروح وتشوفه بعينها كيف صاير واشلونه؟؟
قوم ودني اشوفه
التفتو كلهم على مصدر الصوت
ام ناصر لا بسه عبايتها وهي تبكي
راحت ايمان وناديه يعنز ون لها لا تطيح
ناصر يقرب من امه عرف انها اسمعت كلامهم:: وين اوديج انتي تعبانه اذا صحى ان شاء الله بوديج..
ام ناصر::اذا ماتبي توديني بخلي اسواق يوديني.
هند تساسر ناصر:: ودها حرام عليك ..خله تشوفه وتتطمن عليه
ناصر::شنو تطمن عليه انتي ماتدرين انه بالعنايه المركزه..
ناصر يمسك امه بيوديها تركب السياره.
قالت ايمان بروح معكم
ناصر::انت وش يوديج ..
ايمان::مايصير اخلي امي ابروحها..
البنات يبون يروحون بس ناصر رفض واصر انهم يجلسون وهو بيطمنهم على راشد وطلب من هند تجلس عندهم؟؟؟
......................
المستشفى
فهد جالس على الكرسي ومدنق راسه ينطر احد يطلع له ويطمنه على راشد..
شاف ام ناصر وابوه وايمان جايين صوابه
ناصر::بشر في خبر عنه
فهد يهز راسه بنفي لا
من يوم ادخلو الغرفه محد طلع منهم؟
ام ناصر::يالله يار بي لا تفجعني بولدي ..
ايمان جلست امها على الكرسي؟؟
.........................
بعد مرور اربع ساعات
طلع الدكتور.
فهد:: طمنا يادكتور.
الدكتور:: حنا سوينا الى علينا الباقي على الله.. ادعوله..
ام ناصر::هو وش فيه وش الي صابه..
الدكتور::كسر برجل والقفص الصدري وضربه براس والتنفس بدا عنده يقل..حالته خطييييره ادعوله....وراح يكون بالعنايه لين تتحسن حالته..
ام ناصر صارت تبكي وتتطلب من الدكتور يدخله على راشد بس الكتور رفض لانه ممنوع تدش عليه بالعنايه المركزه؟؟
فهد طاحت منه دمعه حزن وحسره على راشد
ايمان جايه مع امها تبي تهديه صارت هي من يبي يهديها..
ناصر راح مع اللدكتور يسوي اجرات الازمه حق راشد...
...................
صار اربع ايام وراشد بالمستشفى
راشد على حاله مافي أي تطورات.
دارين بعد مااعرفت بالخبر انهارت ..بس العنود وساره ماخلوها ابروحها وقفو معاها لين ارجعت طبيعتها..
دارين تدعي حق راشد في كل صلاته مايئست من رحمه الله..
ام سعود يوم اسمعت الخبر طارت الكويت..
ناديه ماتعرف النوم باليل تهجد وتدعي اراشد يقوم بسلامه
وفي النهار تروح عند راشد تقراء عليه قران ...اسمحولها تدش بس كل واحد ابروحه محد يدش مجموعات..
واذا ردت البيت تجلس تستقبل الضيف يتطمنون على راشد
طبعا شيخه وايمان معها يساعدونه..
..................
في يوم جديد
في المستشفى
ناديه كل عاده تقراء على راشد واذا اخلصت تنفخ بهواء عليه راشد
راشد حرك الصبعه
ناديه شافته بس ماصدقت لانها كل يوم ترقب يده تحرك قالت اتوهم
بس حركها مره ثانيه
ناديه تمسك يد راشد:: اراشد انت تسمعني .
وطلعت ناديه تنادي النيرسه وهي مسرعه من الفرحه .
فهد شاف ناديه طالعه من الغرفه راشد وهي شبه تركض قال اكيد راشد حالة زادت.
فهد راح عند ناديه بسرعه وسئلها بلهفه هو خايف من ردها لا تقله راشد زاددت خطورته.
فهد::راشد فيه شي.
ناديه::ابشرك راشد حرك يده..
فهد شاف الدكتور والممرضه دشو الغرفة راشد
فهد::الله يبشرج بالخير..
ناديه طلعت جوالها تبي تكلم
فهد::تكلمين منو
ناديه بفرحه::امي نوره ابي ابشرها واطمن قلبها عليه..
فهد::صبر مو ذلحين خلينا نشوف الدكتور قبل شنو يقول..
ناديه ردت الجوال في شنطتها تنطر الدكتور يطلع من الغرفه...
.......................
في بيت ابراهيــــــــــــــــــــــم
ابراهيم:: انا كل ما قلت لج بوديج بيت جدتي ..تحججين في امج .امي عندها عزيمه..امي تبيني اروح معاها السوق..امي وامي ..
مرام:: قرب العيييييد....مــرهــ.. وحـدهـ.. آسـلم عليهـم ...عمكــ.. طلع من آلمستـشـفى...؟؟؟
ابراهيم::ايه طلع ...وانتي راح ارمضان ماجيتيهم ..
مرام ::بروح معك بس ماابي اطول عندهم.. انا وامي عندنا موعد عند الكوفيره..
ابراهيم::هو في يوم مر عليج ماطلعتي فيه.
مرام:: اشوفك مو عاجبك العيشه معاي... احمد ربك اني وافقة اتزوجك..انا الكل يتمناني..
ابراهيم يقول في قلبه :: من جمالج االلزايد والله علشان افلوسج ياالخبل.
ابراهيم::يالله قومي تاخرنا على الناس..
.......................
في بيت ام ناصر
في غرفة الضيوف
مرام لابسه فستان اصفر وابيض قصير فوق الركبه ولا بس اللكنز عليه. وصندل ابو اخيوط لونه ابيض وشنطه ابيض..
البنات وام ناصر جالسين يسولفون مع مرام انبسطوا عليها.
مرام تاشر على ناديه:: انتي عمة ابراهيم.
ناديه تبتسم:لا انا بنت عمه ...تاشر على شيخه وايمان.. هذولا عماته..
مرام تاشر على هيونه وريم من غير ماتكلم
ام ناصر بنات عمه ناصر
مرام ::يعني انتم خوات
ريم::لا ناديه بنت عمي خالد
مرام :اها سبحان الله تشبهون بعض؟؟
هيونه::الله انا اشبه ناديه
ناديه تضحك::ماعليك زود..
مرام تكلم ناديه::انتي كلامج غير عنهم
ايمان: ناديه سعوديه
مرام تبتسم:: تشرفنا.............اشلون راشد ذلحين طيب؟
ام ناصر::طيب وبخير مافيه غير العافيه بس المستشفى خرعونا وقالوا حالته خطير ؟
شيخه::ايه الله لا يوفقهم خرعونا..
......................
في سيارة ابراهيم
ابراهيم::اشوفج طولتي بالجلسه عندهم اعجبوج؟؟
مرام::والله ناس ينحبون ..وبعدين جدتك انشبت في حلقي لازم اتقهوه..
ابراهيم يقصد ابوها::حنا جذي يالبدو مايطلع منا الضيف غير راضي و شبعااااااااااااااااااااااان
مرام::شنو تقصد وضح كلامك...
ابراهيم::ابد سلامتج مااقصد شي..
....................
في غرفة راشد
(حاطين له غرفه تحت بدور اول..الي شيخة تنفست فيها..)
فهد:: مدري اشلون الرجال يمشي مع زوجته وهي سفور مافيه غيره على اهله ماعنده احميه مايخاف الله .
راشد::الرجاجيل مو سوا؟؟
فهد:: بس ابراهيم من عائله بدويه ومحافظه.
راشد::كل حبا يطلع على بذر..ابراهيم طالع على ابوه..ليه انت ناسي احمد اشلون قبل مايعرس .يقول انا المره ماتمشي كلمتها علي.بااخليها على صراط المستقيم.ماتشيخ علي اذا ارفعت صوتها على اخذ عليها وحده فوقها تاديب لها...
فهد::اذكر وحنا اصغار كان يدعينا ويقول اذا اعرستوا لاتتدلعون نسوانكم..
راشد::الله يخليك من الشهر اول وهو طاخ الحبيب .اطلعت سوالفه اخرطي..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك