بداية الرواية

رواية غلطه وبندفع ثمنها السنين -15

رواية غلطه وبندفع ثمنها السنين - غرام

رواية غلطه وبندفع ثمنها السنين -15

في غرفة ام ناصر
ام نـــــاصر: ذلحين روحتك السعوديه مالها داعي...روحي بعد عرس فهد؟؟
ناديه وانا ماطقيت الامن عرس فهد:انا ذلحين بروح وقبل عرس فهد برد الكويت ان شاء الله..
ام ناصر: براحتك سوي اللي يريحك.. ...من اللي بيوديك؟؟
ناديه: عمي راشد قال حق محمد بيوصلني عند المراكز واهناك عبد الله ودارين ينتظروني؟؟
ام ناصر:تروحين مع محمد ابروحك؟؟
ناديه تبتسم: لا بتروح وحده من خواته معه....محرم...
في بيت ابراهيــــــــــــــــــم
ابراهيم: نفسي ادش البيت واحصلج قدامي تنطريني....كله برا البيت مو حاله هذي؟؟
مرام: حبيبي مو بيدي
ابراهيم معصب من الوضع اللي هو عايشه :ليه ماتعرفين تقولين لا عندي زرج وبيت؟
مرام: مااقدر اقول حق امي ..لا
ابراهيم: انا احذرج اخر مره ..تعدلي يامرام .لا تخلين امج تخرب بيتج!!
مرام مو عاجبه اسلوب ابراهيم معاها : تحذرني انت ..انا اللي احذرك اذا ماعدلت اسلوبك معي ..شنو شايفني قدامك حشره علشان تكلمني بهذا الاسلوب؟؟
صحى انا بنت عبد الرحمن لا ترفع صوتك علي فاهم هل مره بعديها بمزاجي؟؟
ابراهيم لعت جبده من هذي العائله شايفه نفسه علشان جم دينار تمتلك: منو اللي يتكلم عن الاسلوب طلعي اسلوبج في مره تحجي زوجها بهذا الاسلوب وتهدده ....معاش من يهددني . ويرفع صوته علي ؟؟
مرام: انتم ياارياجيل ماتجون غير بلعين الحمره.. واسلوباتهديد هو سلاح المراء بهذا الزمن؟؟
ابراهيم بسخريه: شنو راح تسوين؟؟
مرام: اخلعك؟
ابراهيــــــــم:لا وش دعوه .تروحين المحاكم..وتلتهين ...اريحج من روحت المحاكم ووجع الراس..
انتي طــــــــــــــالق
طالق ...طالق
مرام انفجعت ماتوقعت ابراهيم يسويها

الجـــــــــــــــــــــزء23

في بيت احمـــــــــــــــد
مي: البسي هذا حق عرس فهد.
منى: لا حبيبتي انا بشتري فستان يديد حق عرس فهد...بطلع احلى من العروس..
مي:انتي عادج تفكرين في فهد...خلاص الرجال اعرس خذا اللي يبيها ويحبها.....اصلا هو مافكر فيج...
منى بحسره: انا استاهل .ليه ماقلت حق فهد عن مشاعري اتجاهه ..يمكن يغير الاتجاه ويتزوجني.
مي: هذا اللي ناقص تقولين له احبــــك....
اموت واعرف على شنو تحبينه؟؟
مي تمسك طرف خشمها وتقول
افيه افيه ابدوي خايس وماتشدد ..مافيه شي ينحب...يمكن افلوسه هي اللي رازته؟؟
منى: رزته وهيبته وثقله ومنطوقه ونظرته وكشخته .كل هذا مو شيفتهم ؟؟.....على اقل احسن من اللي يعجبونج
اشعورهم ناقزه والبنطلون اسكني..ياشينها عليهم!!
والبلوزه ضيقه ماادري اشلون يتنفسون من كثر ماهي ضيقه..
كل شي يهون اذا جاو يمشون
الله يخليج اشوي وبيطحون من المياعه اللي فيهم...
كنه هيكل يمشي بريموت
مافيهم ذرة رجوووووووووله
الرجوله معدومه منهـــــــــــــــــــم
مي:ذولاء اللي ييمصخرين عليهم هم اهل الموضه والاستــايل ..عارفين الحياء صح
منى:مشكلتج يااختي انج اكبر مني سن ..بس تفكيرج معدووووووم يبيله صيانه..
مي: يظهر اني عطيتج ويه؟؟
..............................
في بيت ام ناصر
العمـــــــــال جايبين اثاث غرفة فهد..
فهد رفض يسكن الدور اثالث مايبي يمر من عند جناح البنات....وفي الحقيقه مايبي ناديه تشوفه مع شوق؟؟
.................................
في السعوديه....بعد مرور ثلاث اسابيع
في غرفة دارين
دارين:انتي مصره انك ماتحضرين عرس فهد؟؟
ناديه: ايه ماابي احضر العرس.
دارين:بتزعل عليك امك نوره؟
ناديه: بقولها جوازي انتهاء مايمديني اصلح ؟
دارين: انت مو غشيمه بجدتك ..مراح تمشي عليها اسالفة..
ناديه: ماعليك دبرها عندي ..بقنعها بطريقتي الخاصه..
..............
مرت الايام تطوي
فهد ماكنه معرس تارك كل شي علىراشد هو الي يحجز ويضبط كل شي يخصوص العرس.
وشوق تعد الايام الي راح يسكر باب عليهم سوا..
................
في بيت ام سعود
دارين جاها خطاب من اقاربهم يخطبها
سعود: ي الي متى ترفض العرسان؟
ام سعود: ماتبي تعرس ذلحين اغصبها
سعود معصب عل دارين من رفضها دون سبب قال:لا احنا بغصبينها ..كل اللي جواها رياجيل ماينعافون..
فواز: خلوها علي انا بكلمها وبشوف وش بخاطرها ؟
ناديه وساره يطالعون بعض
ناديه تعرف دارين ليه ترفض العرسان
ساره شاكه في الموضوع ليه دارين ترفض العرسان شاكه انها تبي راشد بس مو متاكدهـ..سالفة حادث راشد هي اللي بينت ان دارين تبيه..
..............
دارين كانت تتسبح
جاتها ناديه طيران مسرعه وتطق باب الحمام..قالت
اطلعي بسرعه عندي لك خبر مصيري..
دارين اصلا هي كانت خالصه فحت الباب قالت: خير وش فيك؟
ناديه علمتها بسالفه
دارين: يعني وش بيقولي؟؟
ناديه:انا خايفه اخوانك يفهونك غلط ..انتي ماشتي اشلون سعود ..لي ترفض العرسان
يقولها طريقة شك ..انك في بالك احد
دارين: قولي لي وش اسوي انصحيني؟؟
نادي: اممممممممممم لحظه؟
خذت تلفون دقت على رقم راشد
راشد كان بوقتها في غرفت فهد مع العمال يعلمهم شنو يسون ويعدلون؟؟
شاف رقم ناديه ابتسم قال.
هلاااااااااا وغلااااااااااااااا
ناديه: هلابك زود ....اخبارك
راشد: بخير اشلونج وشلون عمتي وعيالها
ناديه : طيبين ماعليهم.
راشد بمزح: ليكون انتي في المراكز تبيني اخذج
ناديه: ههههههههههه ليه خايف من الطريق؟
راشد: لا اخاف اشوف الي معج واختبص.
ناديه بستعباط: من لي معي عبد الله؟؟
راشد: اخبرج فطينه؟
ناديه هذاك اول.
راشد:يالخبله في احد غيرها لا شفتها اختبص
ناديه وصلت الي تبيه: يظهر ياعمي مالك نصيب فيه
راشد حس الدنيا تنهد فوق راسه: شنو قصدج؟
ناديه: انا كلمتك علشان قولك دارين بتطير منك ...دارين جاها عريس واخوانها موافقين عليه بس هي ماوافقت ..عاد اخوانها يقلون لي متى وهي ترفض العرسان ...عاد تعرف تفكيرهم.....وشكلهم بيزوجونها غصب عنها..عاد انا قلت لك ..اذا انت تبيها صدق ترك ولا تخلي دارين ي موقف لا يحس عليه .. وبعدين كملت بخبث مقصود....اذا انت كنت تلعب بمشاعرهاا الله يسامحك ياعمي دمرت مستقبل البنيه
راشد : انت شنو تقولين انا الدمر حياتها...ليه خبرتي احد يدمر حياته بيده..دارين هي حاتي مستحيل تعرف احد غيري...
ناديه تبيه يتحرك ويخلص دارين من الموقف الي فيه قالت: الكلام ماينفع ...
راشد: صدقتي الكلام ماينفع ..انا اليوم جايكم؟؟
....................

الجــــــــــزء 24

في غرفة ام ناصر
ام ناصر: انا وعدتك بعد العيد ..وصارلك اللي صار واجلت الموضوع ..
راشد:عاد حنا فيها خلينا نروح نخطبها اليوم؟؟
ام ناصر: ليه مستعجل البنيه مو طايرهـ ..بعد عرس فهد نخطبها لك؟؟
راشد: لا يايمه اليوم نروح؟؟
ام ناصر:ابي افهم انت ليه مستعجل؟؟
راشد يحب راس امه:تكفين يايمه خلينا نروح اليوم؟؟
ام ناصر ماتقدر ترد طلب حق لده اخر العنقود: دق على اخوانك خل واحد منهم يروح معنا؟؟
راشد يبتسم: ابشري ذلحين بكلمهم..
.................
في غرفة فواز
ساره: لا تضغط على اختك...هي ادرا في مصلحتها؟؟
فواز: لو تعرف مصلحتها كان ماردت هزاع وطلال وفيصل.. رياجيل ماينعفون..
ساره: مالهم نصيب فيها..
فواز: انا بصراحه الفار بدا يلعب في مخي ..في احد بحياة دارين وترد العرسان علشانه؟؟
ساره: وش هذا الكلام دارين اكبر مما انت تفكر؟؟
فواز: عجل فسري لي رفضها الخطاطيب؟؟
ساره: ماجاها راعي النصيب........ساره تغير الموضوع قالت
بمزح.: شوف انا اخطبوني الناس وااااااااااااجد وماصار نصيب الأ عندك؟؟
فواز يبتسم: امك دعيتلك؟؟
....................
في سياره ناصر
راشد: ليه ماخليت امي تروح معنا تخطب؟؟
ناصر: حنا بنخطب اول واذا وافقوا عليك بنخلي امي تروح لهم وتتفق معاهم ؟؟
.................
في السعوديه
مجلس سعود
سعود سوا عشاء حق ناصر وراشد وعزم القاربهم على العشاء
بعد العشاء
تعشوا القاربهم وراحو
ناصر: انعم الله عليكم وكثر خيركم
سعود: بالعافيه..هذا موب حقكم..
ناصر:ماني غريب ولد خالك؟؟
سعود:ولد خالنا ومانشوفك الأ في سنه مره؟؟
ناصر: اشغال لاهتني عنكم؟؟
فواز: افاااااااا اشغال تلاهيك عن عرسي
ناصر: يوم عرسك كنت استعد اللسفر.
سعود: لالا هذا مو عذر.....ردها له يافواز لا تحضر عرس فهد؟؟
فواز: لا فهد مايستاهل ...بردها في عرسك ياناصر
ناصر: ابشرك منت برادهااااااااا؟؟؟
الكل: هههههههههههههههههههههههه
راشد: والله امسكوك اعيال عمتي...هههه...عندكم اياه؟؟
سعود: ام انت رايتك بيضه؟؟
ناصر: افااااااا يعني انا اردي؟؟
سعود: راشد يجي ويكلم ويسئل احسن منك...ماكن عمتك لها حق عليك؟؟
ناصر:اعترف اني مقصر مع عمتي..
فواز جاه اتصال وطلع..
ناصر يبتسم:تعال يامعود لا تروح ابعيد...ههههه شكلها المدام؟؟
سعود: ههههههههههه اعقبال مانشوف راشد يفز من المجلس جايه اتصال من مرته؟؟
ناصر كان ينطر الفرصه او مجال علشان يفتح الموضوع
ناصر: على يدك ياسعود؟؟
سعود:يستاهل راشدمن يزوجه......بعدين كمل بغشمره...مافي زواج مافي زواج لين تكبر البنيه يعني بعد عشر سنوات
راشد يضحك: الله الله عشر سنوات ..ماعد ابيه خلها عندك؟؟
ناصر : هذي تصريفه؟؟
سعود:ههههههههههه هذي بنتي ماعندي غيرها..ازوجها راشد بس علشان معزتكم عندي ؟؟
راشد: بنت مو رايحه اللكويت بتروح الامارات
(علمهم بموقف حمدان ورنيم)
الكل: ههههههههههههههههههههههه
فواز وهو داش المجلس سمع كلامهم قال
والله مو هينه بنت اخوي جابت راسه..
سعود: عجل هوناااااا ماحنا بمزوجينك ياراشد ..بزوج بنتي حمدان يحبها ويبيهاااااا؟؟
ناصر:الله يخليها لك ويستر عليها
سعود: جزاك الله خير..
ناصر: حنا طمعنين القرب منك ....جيتنا اليوم علشان نخطب حق والدنا راشد اختكم دارين؟؟
سعود: يامرحبا ومسهلا جيتكم على العين وراس..بس دارين متكلمين فيها ال فلان حق ولدهم فيصل؟؟
ناصر بحكمه: رديتوا عليهم
سعود: لا .مابعد
ناصر:خلاص خيرو البنيه بين راشد وفيصل...وحنا شارين دارين ونبيها حق ولدنا ..وللي تبونه حنا تحت مركم ..
.....................
وهذي عيدتي الكـــــــــــــــــــــــــــــــم
وكل عام وانتم بخيـــــــــــــــــــــــــــر

الجـــــــــــــــــــــــزء 25

في بيت مشعل
ايمان راده من الدوام بدري
ودشت البيت حصلت ام مشعل جالسه بصاله
ايمان وهي تنزل النقاب: السلام عليكم
ام مشعل تشوف الساعه: وعليكم السلام....شنوعندج طالعه بدري
ايمان: حسيت اني تعبانه
ام مشعل: اسم الله عليج شنو فيج؟؟
ايمان:مدري احس جسمي فيه خمول ..الي نفس اكل..جبدي لايعه علي..كاره نفسي حييييل
ام مشعل ابتسمت : مافي غير العافيه يام عبد العزيز؟؟
ايمان استغربت منها اول مره تقولها ام عبد العزيز
..................
في اليوم الثاني
في غرفة مشعل
ايمان ماداومت لانهاتعبانه ومالها خلق؟؟
مشعل واقف عند المرايايلبس غترته بيروح الدوام
مشعل يطالع ايمان من المرايا اللي عاكسه عليها قال::
ها حبيبتي منت رايحه اليوم
ايمان وهي منسدحه على السرير:لا مالي خلق اداوم..تعبانه؟؟
مشعل: قلت لج يابنت الحلال اوديج المستشفى قلت لاء؟
ايمان: حبيبي ما يحتاج اروح فتره وبتعدي؟؟
مشعل قرب من ايمان ولمس جبهتها قال: مافيج حراره
ايمان تنزل يد مشعل من جبهتها وتقربها من شفايفها وتقبلها بحراره قالت: لا تشيل هم حبيبي مافيني شي؟؟
مشعل قرب من وجها حيل وطبع قبله على خدها وهمس في اذانها قال: لا حسيتي انج تبين المستشفى دقي علي لا ترددين؟؟
......................
مازلنا في بيت ام مشعل
الساعه11 ظهرا
انزلت ايمان تحت عند ام مشعل حصلتها تقهوى صبحتها بالخير وتقهوة معاها...
ام مشعل: انا أبي اروح مشوار تروحين معي؟؟
ايمان: والله ودي اروح معج .. بس تعبانه!!
ام مشعل: ماراح نطول اشوي ونرد البيت؟؟
ايمان ماحبت تكسر بخاطر ام مشعل ..اول مره تطلب منها تروح معا ها قالت::ان شاء الله من عيوني انتي تامرين ماتطلبين؟؟
ام مشعل : تسلم اعيونج..
...................
وقفت السياره ام مشعل عند المستشفى
ايمان افتحت اعيونها على الاخر
ايمان: منو اللي منو في المستشفى
ام مشعل: محد ..يلا انزلي
ايمان: عمتي اهلي فيهم شي...امي صار لها شي؟؟
ام مشعل: مو انتي قبل ماتطلعين من البيت ماكلمتي امج.... انا جبتج اهني احابه اتاكد من شغه؟؟؟ يلا انزلي؟؟
ايان مستغربه من تصرفات عمتها
وانزلوا المستشفى
اطلبت ام مشعل من الممرضه تسوي فحص حق ايمان
راحت ايمان مع الممرضه...هي مو داريه شنو تبي توصله عمتها؟؟
بعد كذا اطلبت الممرضه من ايمان تنطره في غرفة الانتظار..
اطلعت ايمان وحصلت عمتها في غرفةالانتظار
جات وجلست جنب عمتها وساسرته قالت:
انا مو فاهمه شنو يصير؟؟
ام مشعل:انا شاكه انج حامل ..وجبتج اهني علشان اتاكد؟؟
ايمان: لا مو حامل
ام مشعل: شنو دراج
ايمان: اشهر اللي فات انا فحصت ومافي حمل؟؟
ام مشعل: هل مره غير احساسي يقول جذي.... اعراض اللي انتي تحسين فيها اعراض حمل؟؟
ايمان ماحبت تعطي عمرها امل وبعين يظهر نتيجة التحليل ..سلبيه فااكتفت بالابتسامه..
بعد عشر دقايق
في غرفة الدكتوره
الدكتوره: جم صارلج وانتي متزوجة؟؟
ايمان: سنتين وجم شهر؟
الدكتوره: من منو العيب فيج ولا في ريلج؟؟
ايمان:لا كلنا سلمين مافينا شي..
الدكتوره:ماحاولتي تروحين ند حريم ولا عند دكاتره يعالجونج؟؟
ايمان: في بداية الامر رحت عند ناس وايد ..بعدين تعبت من اكل العلج والتفكير وفي كل مره يظهر نتيجة سلبيه تعكس على نفسيتي...فابطلت اروح المستشفيات وكلت امري لله؟؟
الدكتوره:جم صارلج وانتي ماتتعالجين؟؟
ايمان: 9 شهور؟
الدكتوره تبتسم: سبحان الله ..الصبر مفتاح الفرج..انتي صبرتي والله عوضج خير؟؟
ايمان مو مستوعبه::اشلون يعني ..مافهمت عليج؟
الدكتوره: مبروك انتي حامل وفي نهاي الشهر اول؟؟
ايمان وقفت قدام الدكتوره بحركه سريعه:: صج انا حامل ..ودمعة عينها..
الدكتوره: علي مهلج لا تسين انتي حامل الحركه السريعه موزين لج؟.....الدكتورها صارت تاكدلها حملها وتعلمها شنو راح تسوي بشهور القامه..
...........................

الجـــــــــــــــــــــزء 26

ايمان اطلعت عند ام مشعل في الانتظاروهي تبكي ..وعلمتها احضنتها ام مشعل وصارت تبكي معاها من الفرحه..
...................
في بيت ام مشعل
مشعل رد من الدوام الساعه 1 ظهرا ما حصل امه ولا ايمان سئل الشغاله قالت اطلعوا صارلهم ساعتين..
دق مشعل على امه حصل تفلون امه مسكر دق عل تلفون ايمان ماترد عليه
جلس في الصاله يحتيهم لعب الشيطان في عقله
ليكون ايمان صار لها شي.... او رحت عند امها وراحت امي معاها؟؟...
مشعل رفع السماعة التلفوت يكلم بيت ام ناصر ..
اشوي دشت ام مشعل وايمان
مشعل: هلاااا وغلا وينكم ؟؟
ام مشعل: هلا بيك..
مشعل شاف عينهم حمره من البكاء
مشعل بقلق: شنو فيكم؟؟
ام مشعل اسئل مرتك......... راحت ام مشعل المطبخ تشوف الغداء..
ايمان جالسه وتبكي بصمت...قرب منها مشعل ومسك يدها قال
ايمان شنو السالفه؟؟
ايمان بكت بصوت مسموع
انشلع قلب مشعل
مشعل حضنهاااااا وقال: طيحتي قلبي قولي شنو فيج؟؟
ايمان : ا ا انا ااا حاامل...
مشعل يطلعها بنظرات استفسار؟؟
ايمان شافته مو مستوعب قالت: الله عوض صبرنا....انا حامل..
مشعل سجد على الارض سجود الشكر وطلب من ايمان تسجد معه .....
بعد كذا مشعل صار يضحك بصوت عالي وينادي امه ....طاير من الفرحه
جات امه وحضنته وبكت
قال مشعل: جاء عبد العزيز يايمه؟؟
ام مشعل: الله يديمها فرحه عليك ..ويثبت حمل ايمان..
ام مشعل ومشعل يوصون ايمانتدير بالها على نفسها ..لا تخبر احد لين تعدا ثلاث الشهور بس امها ..
ايان قالت: اسمحولي مافيني اخبي فرحتي على اهلي ..ابيهم يفرحون معي
ام مشعل: علميهم ووصيهم لا يخبرون احد
...............
بعد عدة ايام
ام ناصر: هذا الشهر المبارك ايمان احملت وفهد بيعرس ورشد بيتملك...
هيونه: ليه ماتملك اسبو هذا
راشد: تحليل يطول اسبوع او اسبوعين
ام ناصر: بعد عرس فهد تملك.؟؟
راشد: شورج وهديت الله...
............
بعد عدة اسابيع
باقي يوم واحد على عرس فهد
في بيت سعــــــــــد
ام شوق: انتي ليه خايفه
شوق: خايفه لا يعرف فهد؟
ام شوق: يعني يعقلج امه راح تزوج ولدها من غير ماتقوله ...اكيد راح تقوله..وبعدين هو يحبج!!
شوق: مو هذا اللي ذابحني؟؟
ا م شوق: نامي بكره وراج قومه من الصبح ....نمي ولا تفكرين بشي..وكلي امرج لله...
.................
في غرفة سعــــــــد
ام شوق: شوق خايف
سعد: هذي نتيجة غلطها تحملها... وتحمدربها ان فهد اللي تزوجها مو احد ثاني كان افضحتنا؟؟
...............
في غرفة فهــــــــــــد
فهد: الي متى وهي جالسه ند خوالها؟؟
راشد: وانت شنو يخصك فيها..لو تجلس سنه بحالها مالك كلمه عليها؟؟
فهد: ليه مالي كلمه عليها مو بنت عمي وسمعتها من سمعتي والي يوجعها يوجعني ...جلستها عند خوالها مالها غير معنى واحد؟؟
راشد: بنت رايحه عند خواها تغير جو تنبسط ...انا اشوف جلستها عند خوالها شي طبيع
فهد: راح تتطول بجلستها بالسعوديه.ودليل بكره العرس وماجات ولا لها نيه تجي؟؟
راشد:تقول جوازها منتهى ...ونست لا تصلحه!!
فهد: حبيبي بمكانها تصلح جوازها في ساعه وحده
راشد يبتسم : ليه توجع راسك بالحكي وفر بكره العروسك؟؟
فهد: ياحظك ياراشد اخذت اللي تبيها؟؟
راشد:فديتها ناديه هي اللي خبرتن ولا كانت بتروح مني دارين....اشهدني بموت؟؟؟
وعلمه بسالفة ناديه
فهد: الله يسامحج يايمه حرمتيني من ناديه؟؟
...............

الجـــــــــــــزء 27

في غرفة داريـــــــن
ناديه: الله ماكتب لي احضر العرس؟؟
ايمان: ياشينج ياالبايخه انتي ماحضرتي وشيخه ماراح تحضر ..تقول عمها (ابو زوجها) تعبان ومنوم في المستشفى؟؟
ناديه: البركه فيك انتي نجمة العرس
ايمان: مو رايحه مشعل مانعني من العرس ..يقول بتحركين وايد والحركه مو زينه لي .. وانا توني في الاشهور الاول؟؟
ناديه:
وهو صادق ..ارتاحي بالبيت واليوم الثاني احضري الضعنه؟؟<<<تحواله
ساره تكلم م ورا ناديه
نورت الكويت فواز جاكم
ايمان اسمعتها:: ههههه منوره ياقلبي بمشعل قبل لا يجي فواز
دارين اسحبة التلفون من ناديه
قالت: استريحي انت وياها منوره بام سعود
ايمان: ام سعود ولا راشد
دارين:هههههههه يعني ذلحين احرجتيني انت وجهك...الاثنين منورين؟؟
ساره: استحي مابعد تملكتي.؟
ناديه: شوفوا من الي يتكلم؟؟
ساره: هههههههه استري علي
الكل: ههههههههههه
..............
يوم العرس
بعرس الرياجيل
فهد كاشخ (كشخة معرس) ولابس بشت اسود طالع كانه واد اشيوخ ..اغلي المعازيم موظفين الشركه فهد..
راشد يساسر فهد قال:
ابتسم ماكنك معرس ماد بوزك شبرين؟؟
فهد: مو بيدي..
راشد: والله اني ودي الرقص وارزف من الفرحه؟
فهد: كل هذا علشاني معرس؟؟
راشد يضحك: لا ..علشاني بتملك اسبوع الجاي؟؟
فهد: الله يتو ليم الفرحه...
...........
في عرس الحريـــــــــم
اطلعت العروس بصاله وجلست على الكوشه
فهد رفض يجلس بالكوشه
كانت العروس مكلفه على نفسها وايد في الفستان والمكياج
بشكل العام طالعه حلوووووووه؟؟
العرس ااصلا عرس خواله هم اللي متكلفين بالعرس..
وعماته مالهم أي دور كل وحده معاها عذر ...اللي اقدرو عليه جابوا هديه على القيمه...
...................
في السعوديه
بغرفة داريــــــــن
ناديه اليوم مكتئبه مالها خلق لاحد....خذتها دارين وطلعتها من البيت تفك عن نفسها اشوي ..وراحو السوق يغيرون جو ....بعد جم ساعه رد البيت
دارين: انتي ذابحه عمرك وهو ولا درابك؟؟
ناديه:من اللي قالك اني ذابحه عمري علشانه؟
دارين: محد قالي ..انا اشوف بعيوني من يوم قمتي الصباح وانتي حالك منقلب؟؟
ناديه ساكته وعيونه على الارض ماتبي دارين تشوف الدموعها؟؟؟؟
.............
في الفندق بغرفة المعاريـــــــس
فهد وشوق جالسين على القنفه( الكنب)
شوق مستحيه ومرتبكه ...تبي هواء
فهد يتمنى بهاي لحظه ناديه تجلس مكان شوق
بعد فتره صمت طلب فهد العشاء وقالها تعشي انا بروح انام صارلي كم يوم مانمت
تصبحيـــــــــن على خيــــــــر
راح فهد بصاله ونام على القنفه؟؟
شوق ارتاحت يوم راح فهد تنفست براحه..
الحمد الله مافتح معي الموضوع ؟؟؟؟
.............
فواز وام سعود بعد العرس مباشره ردو السعوديه
الساعه 4 ونصف الفجر اوصلوا البيت
كانت دارين وناديه
ينتظرونهم علشان ياخذون اخبار العرس ؟؟
اجلست ام سعود بصاله مع البنات وفواز راح الغرفته تعبان من الطريق ؟؟؟
دارين: الحمد الله على السلامه....اخبار اللي جيتي منهم؟؟
ام سعود: فاتكم عرس يجنن ولا العروس ما شاء الله عليها تقولين كنها البدر؟؟
ناديه: حلوه؟
ام سعود: ان شهد انها حلوه؟؟
دارين: يمه لا تبالغين ايمان تقول عاديه؟؟
ام سعود: انا شفتها وهي عروس صايره حلوه؟؟ اذا المكياج مغيرها!!
دارين:والمعرس مبسوط؟؟
ام سعود: ما شفته
ناديه: ليه مادخل مع العروس؟؟
ام سعود: لا عيا مايبي يدش على النسوان؟؟
...............
في يـــــــوم جديـــــــد
الساعه 11 الظهرا
في الفندق
شوق اقعدت من النوم بدري ..وبدلت والبست بدله عباره عن فستان قصير ناعم
راحت تشوف فهد وينه حصلته بصاله نايم وقعدته من نومه؟؟
فهد من امس مانام يتقلب على القنفه لين اذن الفجر صلى ونام
طلب فهد فطور ..افطروا
وقت العصر جات كوفيره عند شوق بالفندق
تعدل شوق وتزينها علشان عند ام ناصر ضعنه ( مسويه عزيمه كبيره للشوق؟؟
فهد ينطرها لين تخلص
..................
في بيت ام ناصر
وقت الضعنه
بغرفة شوق
عباره عن غرفة نوم وصاله صغيره ومطبخ تحضيري وحمام<<وانتم بكرامه
وامها عندها بالغرفه
ام شوق: هاه شنو صار؟
شوق: ماصار شي!!
ام شوق صارت تسحب منها الكلام...!!
في الدوانيه
راشد: اخبارك يامعرس؟؟
فهد: اخباري مثل امس ولي بعده ماشي جديد؟؟
راشد: حط عينك بعيني؟
فهد: راشد وخر عني انت وسوالفك؟؟

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -