بداية الرواية

رواية غلطه وبندفع ثمنها السنين -17

رواية غلطه وبندفع ثمنها السنين - غرام

رواية غلطه وبندفع ثمنها السنين -17

الجـــــــــــــزء 32
بعد اسبوع
في جناح راشد
فهد يلقي نظره حول جناح راشد قال. شغل عدل تنسيق في الوان ذوق في اختيار الاثاث..
راشد: البكره في ناديه؟؟
فهد: ادري انه ذوق ناديه علشان جذي مدحته..ولا ان معدوم ذوقك؟؟
شوق: لالالا انا مو معك يافهد ذوق راشد لا يعلا عليه ...ذوق ناديه لك عليه؟؟
هيونه: علشان هو اللي اختار اثاث جناحج؟؟
شوق بجرائه: انا ماهمني الاثاث لو اسكن في خيمه ماهمني كل همي اعيش مع فهد وين ماكان؟؟
ريم : ياعيني على الحــــــب
راشد يبتسم: من قدك في ناس مستعدين يسكنون في خيمه عشانك؟؟
(فهد هذي حتى راشد ماتستحي منه تغزل فيني قدامه)
ايمان: تستاهل بنت عبد الله من يأثث لا الجناح بفخامه
شوق: عسى بس تستاهل وتقدر تعب راشد؟
ناديه كانت تعتصم الصمت من يوم دش فهد وشوق قالت:
حنا يابنات السطان اذا تزوجت وحده منا واسكنت مع اهل زوجها تحطهم فوق راسها ..وداريهم وتمشي معاهم وين ماراحوا وتاكل من صحن اللي ياكلون منه.. وتصير لهم ستر وغطاءلهم..معاهم على الحلوه والمره وتقدرهم وتحترمهم فمابالك بقطعة اثاث ..
فهديطالع ناديه وهي منفعله كان مبسوط وهي يتأملها؟؟
قال وهو يبتسم: كفوا يابنات السلطان...بس انتي مو من بنات السلطان؟؟
ايمان:افا يعني ناديه مو كفو بس بنات السلطان
فهد: اشدعوه عمتي لا تفسري على هواج؟؟
ناديه تسوا بنات السلطان كلهم ...بس هي حنا يابنات السلطان عدة عمرها من بنات السلطان؟؟؟
ناديه: خوالي وانا اعد وحده منهم ...كملت تبتسم. ماخذه مكان امي
راشد يبتسم:الحقوق محفوظه انتي بنت الراهي!!
ايمان تبتسم: حنا يابنات الراهي اللكل يتمنى نظره منــــــــــا
هيونه: هههههههههه
راشد يطالع فهد: وحنا ياعيال الراهي اذا حبينا صرنا نقط خيط وخيط
فهد فهم قصده:ههههههههههههه انت خلقه تقط خيط وخيط اشلون لو حبيت؟؟
الكل: هههههههههههههههههههههههههه
ريم تكلم شوق: وانتم يابنات ال مشعل شنو صفاتكم المميزه؟؟
شوق: حنا نخلي الرياجيل خاتم باصبعنا يمشون ورانا مثل الكلاب
راشد: امحق سالفه
.........................
في اصــــــــاله
ايمان: خربتها شوق اليوم؟
هيونه: شفتي اشلون فهد يطالعها ؟؟
ريم: نظراته تخوف..الله يعينها على فهد اذا عصب
ايمان:انا مااحس فهد مبسوط معاها...
؟؟
ريم: انا اشوف شوق متخبله على فهد
ايمان: يجوز نظرتي خاطئه
.........................
في غرفة فهد
فهد معصب:انتي ماتحاسبين في كلامج قبل لا تنطقينها
شوق ببرود: شنو قلت شي غلط؟؟
فهد: ليه مانتي بعارفه شنو غلطتي فيه؟؟
شوق تقرب منه حيل وتلف يدها حول عنقه قالت: وانا صادقه الو اسكن خيمه ماهمني انت اللي تهمني
فهد فك يدهابغرف: لا مو ذي اسالفه؟
حنا يابنات ال مشعل نخلي الرياجيل يمشون ورانا مثل الكلاب؟؟
شوق : زلت السان ..لا تكبر اسالفه
فهد: انتي تقطين الكلام الواحد مايستحمله ... هل مره بطوفها لج اصحي مره ثانيه تغلطين؟؟
شوق ترجع وتلف يدها حول عنقه وقالت بهمست: توبه اخر مره
فهد فك يدها وبتعد عنها مايبي يتهور معاها قال : بطلي هاي الحركات
وجاء بيطلع وقفه صوت شوق التفت عليها
انت مجبور على زواج مني
.
.
.
طاحت على الوتر الحساس
فهد قرب منها ومسك اذراعها
قال: مو انا أي يجبروني على زواج
شق: عيل شنو تسمي حيانا...صار لنا شهرين عايشين مع بعض ......... احيانا اقول حق نفس انت مو رجال
فهد بحركه سريعه عطاها كف على وجها قال: انا رجال غصب عنج مو بشرط اثبتلج لان النفس عايفتج ....تركها وطلع
شوق وهي طايحه على الارض من قوة الضربه
(كله مني انا اللي ضيعته ...و يحبني ودليل محد جاجبره على
زواج مني هو يحبني بس لما عرف بسر عافني
انا اللي ضيعتك من يدي يافهد لازم اردك لي
قامت وامسحت الدموعها ..وفي راسها موال)
.....................
في اصاله
ايمان: شنو اخبار احمد
ام ناصر: اليوم كلمته الصبح طيب؟؟
ناديه: الحمد الله على سلامته جاته حراره مو طبيعيه هدت حيله؟؟
ريم: هيونه انتي كلمتي عمي تطمنين عليه
هيونه: لا
ام ناصر: قومي كلمي عمك موب زين القطاعيه
هيونه: لا مو قطاعيه بس مافضيت؟؟ذلحين بكلمه!!
قامت هيونه دقت على بيت عمهااحمد
.
.
ابراهيم: لو
هيونه: السلام عليكم
ابراهيم عرف صوتها: وعليكم السلام
هيونه:ممكن عمي احمد
ابراهيم يضحك على كلمةممكن قال: ممكن ليه الاخت متصله على الوزاره؟؟
هيونه يتمصخر علي ..حبت تنهي الكالمه بسرعه:اذا هو عندك عطنياه ؟؟
ابراهيم يبي ياخذ ويعطي معها :واذا ماعطيتج اياه شنو راح تسوين؟؟
هيونه: بسيطه....وتسكر التلفون في وجهه
ابراهيم: بل ماتغشمر...هين انا تسكرين في وجهي؟؟
.
.
هيونه
امبيه شنو سويت
ودق تلفون البيت
هيونه شافت الكاشف عرفت هذا رقم عمها احمد
هيونه: الو
ابراهيم: عطيني امي نوره
هيونه: شو تبي فيها؟؟
ابراهيم:ابي اقولها عن بنت ولدها المتربيه
هيونه خافت ابراهيم يسويها من اللي بيفكها من اللسان ام ناصر
قالت: الله يخليك يابراهيم ماتخبر امي نوره؟؟
انا اسف مابعيدا
ابراهيم مبسوط وهو يسمعها تترجاه قال:
واذا كررتيها
هيونه:مابدق على بيت عمي توبه؟؟
ابراهيم:لالالا دقي علشان اسمع صوتج الحلو؟؟
هيونه سكرت التلفون في وجهه
قليل ادب
.
.
ابراهيم يضحك بصوت عالي
مي داشه اصاله قالت
خير ضحكنا معك
...........................

الجـــــــــــــــــزء 33

في بيت ام مشعـــــــل
في اصاله
مشعـــــــــل: تدرين ان وليد عارض سيارته اللبيع
ام مشعل: اللي يحمل على ظهره الديون فوق طاقته ..اكيد راح يبيع اللي وراه ودونه
مشعل: الله يفرج همه؟؟
ام مشعل: انا ابيك تشتري سيارته؟
مشعل:يمه شنو يدور في راسج؟؟
ام مشعل: مايهون علي اشوف ولدي يتبهذل؟؟
بس اناابي اعطيه درس علشان مره ثانيه قبل لا يقدم على خطوه يراجع حسباته الف مرهـ...
مشعل: طيب شريت السياره وبعدين؟؟
ام مشعل: هو اكيد راح يجيني يشتكي الحال؟..............مرتك بتنام عند اهلها؟
مشعل: لا ذلحين بروح اجيبها
ام مشعل: والله البيت من غيرها مو شي؟؟
ابتسم مشعل ابتسامه عريضه
.......................
في غرفة فهـــد
فهد رد من الدوانيه دش الغرفه توقع شوق ازعلت وراحت البيت اهلها
حصل شوق تنطره بكامل زينتها
قربت منه وهي تبتسم ولفت يدها حول عنقه قربت من خده وطبعة قبله حاره وهمست في اذنه
قالت : انا اسف على كل شي..
الاغرب في الموضوع فهد لف يده عل خصر شوق قال:
انتي اللي حدتيني امد يدي عليج عمري ماسويتها مع خواتي.
شوق(مسك خصري ...انتبهة على صوت فهد)
تصبحين على خير
ودش غرفة النوم
شوق طيب يافهد مسوي فيها ثقيل هين..
دشت الغرفة نوم حصلت فهد منزل ملابسه اللي عليه ولبس سروال بيجامه من غير الفلينه ..ومنسدح على السرير ومشغل الابجوره
اجلست على سرير وقربت منه ولصقة بظهره وطبعة قبله في عنقه وقالت بصوت همس: ماتبي عشاء
فهد حاول يكبت مشاعر الرغبه خذ الحاف وتلحف قال وهو تحت الحاف: مابي شي خليني انام؟؟
شوق تبتسم: برحتك حبيبي..
....................
مرت الاسابيع على خير
واليوم زواج راشد ودارين
العنود: يلا ذلحين تبدا الزفه؟؟
دارين: مقدر اوقف ...قلبي يدق بسرعه
ناديه تقراء عليها وانسكت يدها قالت: سمي برحمن
دارين: شكلي عدل؟؟
ساره: تهبليــــــــــــــن
.
.
.
اطلعت دارين اللناس
كان شكلها بقمة النعومه
وجلست على الكوشه
اشوي دش المعرس وجلس معاها على الكوشه
راشد حن على شيخه لين طلع من صالة العرس
....................
في غرفة ساره وفواز
فواز: ما شاء الله غطيتي على اختي دارين؟؟
ساره: وين اغطي وهذا سابقني..تأشر على بطنها ..
فواز:تراك واجد مصختيها الناس اللي معك اولدو واخلصوا
ساره:لا تبالغ ...بعدين كملت.. هانت كلها ايام واولد..وتعرف اول حمل لي اطول على مااولد؟؟
فواز يطبع قبله على خدها قال: اهم شي انك تقومين بسلامه
ساره: دعواتك
...................
في غرفة العرســــــــان
راشد ودارين جالسين على القنفه(الكنب)
راشد يمسك يد دارين ويحرك خاتمها قال:
مبروك عليج انا
دارين بصوت همس: الله يبارك لك.
راشد:تدرين ان الحساسي عمره ماخاب ضني ..كنت اقول دارين لي انا وبس؟؟
دارين تحاول تخلص يدها من يد راشد
راشد يبتسم وشد على يدها : اعقلي....قومي خلينا نصلي؟
دارين ماتقدر تصلي بفستانها راحت غرفة التبديل
راشد: طولت وهي تبدل خليني اروح اشوفها؟؟
دارين مستحيه تطلع قدام راشد بقميص نوم
لونه ابيض وبارز صدرها ونصف ظهرها طالع
راشد شافها بلع ريقه قال:
شكلي ماني مصلي
دارين بحركه سريعه البست عبايتها
( يعني خلينا نصلي)
راشد: هههههههههههههههه
خلصوا صلاه وطلب راشد عشاء
راشد: اكلي لا تستحين مني؟؟
دارين: مومشتهيه
راشد بخبث: حتى انا مو مشتهي اكل...قومي خلينا انام؟؟
دارين ارتبكت: خلاص روح نام ..اشتهيت اشرب العصير؟؟
راشد يبتسم: حتى انا اشتهيت اشوفج تشربين العصير؟؟
..................

الجـــــــــــــــــزء 34

في بيت ابو ناديه
عائلة احمد وعائلة ناصر
وام ناصر وبناتها وناديه
كلهم نايمين ماعدا هيونه ومنى
في الحديقه المنزل جالسين يسولفون.
منى: سنه هذي راح تنور؟
هيونه: هههههههه واااي مابغينا نتخرج من الثانويه؟؟
منى: أي قسم راح تسجلين؟
هيونه: قسم الحقوق ....وانتي
منى:قسم هندسه؟؟
هيونه: والله كشخه بنات الراهي...وحده مهندسه والثانيه محاميه
منى: تدرين منو اللي حمسني ادش قسم الهندسه
هيونه:منو؟؟
منى: مرام
هيونه: مرام مرت ابراهيـــــــــــم
منى:ايه؟
هيونه: غريبه ...اللي تطلق من زواجها خلاص تقطع العلاقه في زوجها واهله
منى: لالالا مرام غير عسل ...مازالت علاقتنا معاها مستمرهـ
.
.
.
هناك عيون تراقب حركات هيونه وسوالفها
تنهد تنهده طويله ورجع الغرفه ونـــــــام
هيونه ومنى مندمجين بسوالف
اهم صوت من وراهم
افزعهم
هيونه انقزت في حضن منى بحركه سريه
ريم: ههههه ياخوافات
منى تحط يدها على قلبها: ياالخايسه خرعتينا... طيحت القلوبنا..
ريم:امي نوره تقول تعالوا ناموا لا تجلسون ابروحكم في الحديقه....
ريم تطالع وراهم بنظرات خوف قالت:
في شي وراكم يمشي...وانحاشت
هيونه ومنى
مافي اسرع منهم في العالم بهاي الحظه؟؟
ريم وهي تدش البيت تركض وشعرها يتطاير من وراها
اصطدمت في محمد اللي طالع من المطبخ
تنح وهو يشوف شعرها ينسحب من قدامه
(اول مره اشوف شعر جذي )
...............................
ريم: واي يافشيلتي شافني من غير عبايه ؟؟
هيونه: حنا وراج دشينا ماشفنا محمد
منى: عادي خليه يشوفج زوجة المستقبل؟؟
ريم وهيونه يطالعونها بنظرات استفسار
منى: لا تطالعوني جذي ..محمد حاط العين على ريم
ريم انحرجت صار وجهه احمــــر
هيونة ما تبي تحرج ريم أكثر قالت : صج محمد ما عنده نظر يخلي القمر [ تأشر على عمرها ] ويطالع إختي .. ؟؟ ما عنده ذوق
منى : هههههههههههههههههه
....................
في يوم جديد
في الفندق
غرفة العرسآن
رآشد قعد من النوم وما حصل دارين بالغرفة طلع الصالة ولقاها تناظر التلفزيون وهي سرحانة جا من وراها وقرب منها حيل ونزل مستواها وطبع قبلةعلى خدها
قال : أحلى صباح مر علي
دارين ارتبكت من حركة راشد وحمر وجهها من كثر الخجل
دارين بهمس : صباح الخير
راشد : صباح الفل والياسمين والورد والمشموم وكل انواع الورود في العالم .... تريقتي ؟؟
دارين بصوت خجول : أنتظرك
راشد : فديت اللي ينتظرون ....
راشد يكمل بخبث: شلونج بعد نومة أمس ؟؟
دارين مرت ببالها أحداث ليلة أمس وإزداد حمآر وجهها
راشد يبتسم : يلا خلنا نتريق وعقب نروح نسلم على أهلي.... عشان نلحق على الطيارة
...................
ما زلنا في أرض الخير
السعووودية
في بيت أم سعود
دارين تحضن أمها بشوق قالت : ديري بالك على نفسك
أم سعود : لا تحاتيني ... روحي مع رجلك وانبسطي
دارين تمسح دموعها
ساره : يا شينك لا بكيتي
العنود : يلا دارين الرجال صار له ساعة ينتظرك مع فواز
ساره : رحتي سلمتي على أم ناصر ؟؟
دارين : إيه رحت لها قبل لا أجيكم
ساره : زين .. لو رحتي لها ألحين بيقولون أمحق عروس مكياجه سايح ههههههههه
دارين تبتسم
أم سعود : يلا دارين الرجال ينتظرك بره
دارين عدلت مكياجها وعقب ودعتهم وراحت مع راشد المطار وصلهم فواز
طول الطريق وفواز يوصي راشد على دارين
.........
عايلة أحمد وعايلة ناصر وأم ناصروبناتها ردوا الكويت
.........
في الطيارة راشد يمسك يد دارين قال : أخوج ذبحني وهو يوصيني عليج .... ما درى إنج روحي وقلبي وعمري
دارين بهمس : يسلم روحك وقلبك وعمرك
راشد إبتسم إبتسامة عريـــــــــــــــــضـــــــــة وقال : أمووو أنا على همسج ... إرحميني
دارين تسحب يدها من يد راشد بلطف
راشد يشد على يدها أكثر : إعقلي
دارين : ليه شايفني مجنونة ؟؟
راشد يبتسم : تعالي قربي بشاورج .. بقولج شنو يعني إعقلي
قربت دارين وشاورها راشد ..
دارين زاد خجلها : قليل أدب
راشد : ههههههههههههههههههههههههه
............
في الكويت
بيت سعد
أم شوق : الحمدلله على السلامة
شوق : الله يسلمج .. شلونج وشلون أبوي ؟؟
أم شوق : بخير الحمدلله .... أخبار العرس ؟؟
شوق : خووووش عرس وناسة
أم شوق : سافروا المعاريس ؟؟
شوق : إيه راحوا إيطاليا
أم شوق : من اللي جابج هني ؟
شوق : فهد نزلني وراح الشركة
أم شوق : شلونه معاج ؟؟
شوق : زين ..يطلع من الصباح وما أشوفه إلا وقت النوم
أم شوق : وين تبين تشوفينه وهو شايل شغل بنت عمه .. مدري شنو راح يستفيد منه .. بكره راح تتزوج ويجي زوجها وياخذ حلالها وبيروح تعبه خسارة
..............
إيــطــالــيــأ
راشد نايم ودارين تقعده من النوم
دارين تلعب بشعره : يلا يا قلبي قوم
راشد : شوي شوي بقوم
دارين : تقرب من وجهه وتلمس شفايفها العذبة على خد راشد وتطبع قبلة ناعمة : البيت مو حلو من غيرك
راشد انبسط على الحركة : بعد وحدة
دارين : مووووبي
راشد ابتسم : إعقلي
دارين نطت من مكانها لين وصلت باب الغرفة : أنتظرك بالصالة وطلعت
راشد ميت من الضحك على حركتها : هههههههههههههههههههههههههههه
........
في بيت أم ناصر
شيخة وأم ناصر والبنات جالسين بالصالة
دخل عليهم فهد وشوق : السلام عليكم
الكل : وعليكم السلام
شيخة : الناس إذا اعرسوا يتغيرون الى أحلى , وأنت يافهد تغيرت إلى أسوأ
فهد ما حب أحد يلاحظ عليه شي .. إبتسم : شنو قصدج ؟؟ شوق ما تهتم فيني ؟؟
شيخة تبرر سؤالها حق شوق : لا مو جذي قصدي .. يعني أنا أشوفك دايم مشغول وسرحان وهم الدنيا في راسك ... يمكن لاحظت شوق هالشي فيك ؟؟
شوق بلؤم : لاحظت إنه شايل شغل غيره وهو مو ملزوم فيه
فهد يطالعها بنظرات غضب : أحد شكى عليج الحال ؟؟
شوق : من غير ما تقول أنا أشوف بعيوني تطلع من الصبح وما ترد إلا بالليل .. ما يسوى عليك .. وفي النهاية تتزوج نادية وتروح الشركة حق زوجها وأنت هذيج الساعة تندم إنك ضيعت أيام وأنت تكرف بالشركة
فهد ببرود : عليها بالعافية نادية .. تسوي بالشركة اللي تبيه .. تحرقها .. تصدق فيها .. تعطيه اللي ود قلبها .. هي حرة .. بس هذا ما يمنع إني أشوف أشغالها [ كمل بلعانة ] تستاهل نادية من يضيع وقته عشانة .. هذي من ريحة الغالي .. عمي خالد
أم ناصر : هذا العشم فيك يا أبو ناصر
شيخة : ما خيبت ظني فيك .. ما راح حب أخوي خالد فيك خسآرة
هيونة : وين يجي ردي وأخته هيونة الراهي
فهد ينطر نادية ترد على الكلام اللي دار يبي يسمع رايها بكلامه
نادية تتحاشى شوق لانها مو أول مرة تقط عليها نغزات .. مترمة وجود أم ناصر وفهد .. ما تبي ترد عليها
شوق ما أعجبها سكوت نادية " ليه ما ترد علي؟؟ شنو شايفتني قدامها ؟؟ مو شي ؟؟ "
شوق : أشوفج ساكتة ؟؟ عاجبج إن بيتي يخترب من تحت راسج
فهد عصب وجا بيرد عليها بس تفآجأ من الصوت .. صوت نادية اللي وصلت حدها
نادية : عطي عمرك الراحة .. ما حد غصبكم على شي . ولا مسكنا العصا عليكم .. كلن عقله براسه ويعرف مخلاصه
فهد يطالع شوق : ولا محد خرب بيتج غير لسانج
سحبها من مكانها وطلع لغرفتهم
أم ناصر تهز راسها بعد رضى على اللي صار : بعض النسوان تخرب بيتها بيدها
ريم : أنا قايلة فهد ما يناسب شوق أبد
شيخة : مو المشكلة هو اللي مختارها
أم ناصر : وأنتن مشت عليكن إن فهد يحب شوق ويبيها ؟؟
شيخة : هو اللي يقوله
أم ناصر : كله حكي .. هو يبيها عشان أمه .. ولا شفتي شكلها شكل واحد توه معرس ماخذ اللي ود قلبه؟؟
هيونة : تغير شكل فهد ونفسيته مو من شوق يمكن عنده ش ثاني هو اللي غيره ؟؟
ريم : أصلا فهد متغير قبل ما يخطب شوق وزادت حالته بعد ما خذاها
شيخة : معقولة فهد ينجبر إنه يعيش مع وحدة ما يبيها ؟؟
أم ناصر انتبهت حق نادية ساكته : لا تاخذين كلامه جد أنتي صرتي تعرفينها .. هي تقط خيط وخيط .. مع هذا قلبها نظيف
نادية سرحانة " يقولون فهد ما يبيها وهو شاري لها ساعة .. مسكينة جدتي ما تعرف فهد عدل .. يلا وأنا شدخلني فيهم " وعت على صوت جدتها
نادية : أنا ما ألوم شوق .. هي من حقها تدور راحة زوجها .. خصوصا إنه داخل على مشروع كبير وياخذ كثير من وقته
أم ناصر تقطع كلام نادية : لا مو من حقها تتدخل في شغل رجلها وش يسوي ولا ما يسوي .. هو مو بزر عشان تسمعه ذا الكلام
شيخة شافت أمها معصبة تبي تهديها لا يرتفع سكرها : حنا عارفين شنو قصد شوق .. السالفة كلها تبي فهد مقابلها طول اليوم
نادية ما حبت السالفة تكبر : صادقة شيخة .. هذا اللي تبيه بس شوق خانها التعبير
أم ناصر تكتم الحسرة بصدرها " ليته خذاك يا نادية "
....................
شنو رايكم بهاي الخط مو زين
بشره ســــــــــــاره اللي يكرهون شوق بنت سعد <<لوووووووووووووول
الجــــــــــــــزء 35
في غرفــــــــــة فهد وشوق
فهد معصب حده: انا ماني ناهيج عن طولت اللســــــــان....ماحشمتيني ولا حشمتي الموجدين...وفوق هذا تدخلين في شغلي وتغلطين على بنت عمي
شوق ذابحتها الغيره يوم قال تستاهل ناديه من يضيع وقت علشانها..قالت: وانت بع ماحشمتني قدامهم..تغزل في بنت عمك ولا احترمت وجودي..
فهد: اذا حطيتي راسج براس بنت عمي انتي الخسرانه؟؟
شوق وصلت مرحله مو قادره تتحمل تجاهل فهد لها وبروده في التعامل معها وبخل في مشاعره ...اكتمت المعاناه تعامل ابوها معها بعد الغلطه اللي غلطتها اكتمت كل هاي السنين انفجرت بوجه فهد قالت:
ليه تزوجتني يافهد ؟؟
فهد ماعنده رد على جوابها شنو يقول تزوجتج علشان ارض امي؟؟ فهد قده بيتكلم اسبقته شوق في الكلام
شوق:انا اقولك ..انا ادري انك ماخذني علشان تسر علي وتحفظ سمعت ابوي بين الناس ..وانت خليتني الدفع ثمن غلطتي بصدك لي وتعاملك معي ببرود .....كملت بصوت باكي..
انا صج اني غلطة ومعترفه بغلطي بس شي اللي سويته مو برضاي غصب عني ..انخدعنااااااااا..............جاتني تبكي وتطلب المساعده مني
.
.
العنود تبكي: طحت في صيبه ياشوق
شوق: شنو مسويه اعرفج خبله ماتحاسبين
العنود: تعرفين الشاب اللي اكلمه بتلفون .طلب مني صورتي وعطيته ....بعد فتره طلب يشوفني انا قلت له لا ...
تخيلي شنو قالي ..اذا ماجيتي صدقيني لا اروح عند ابوج بدوانيه وقوله شوف بنتك مع منو ......
تعرفين الصوره ماراح اعطيها ابوج جذي لا بسوي فيها دمج وحركات اللي خبري خبرج؟؟
تكفين ياشوق طلعيني من المصيبه اللي انا فيها؟؟
شوق:انا قلت لج من البدايه وحذرتج اللي يمشي بهاي الطريج نهايته معروفه ...وشوفت عينج؟؟
العنود: امممم امشي معي نروح الشقته وناخذ الصوره؟
شوق: انتي خبله انجنيتي ..نروح له برجولنا
العنود: حنا بنروحله بس ماراح ندخل الشقه بنوقف عند الباب .......تترجاء فيني وتبكي اكسرت خاطري ماهانت علي رفجتي وحبيبتي
شوق: هذي غلطتج وتحمليها بروحج لا تتدخليني معج
.
.
شوق تبكي : اجلست تزن فوق راسي اصعبت علي وهي تبكي.....قلت خليني اروح معاها؟؟
.
.
في السيارة العنــــــــــود
شوق: كلمتي اخبلج عطاج العنوان؟
العنود:اول شي استغرب من مكالمتي ...سئلني جم سؤال يبي يتاكد منو وياي ..
بعد ربع ساعه
شوق والعنود
واقفين عند البــــــــاب الشقه
.
.
جاسم يقرب من الباب ويطل من العين السحريه شاف العنود وشوق..
جاسم: اوصلــــــــــــوا
متعب يبتسم ابتسامه شرسه: بطل الباب لهم
جاسم يرد له نفس البتسامه : لحظه خليني اعدل شكلي
شاف شكله بالمرايا وبعد جذي فتح الباب لهم
جاسم: هلاااااااااااا غلااااااااااااا
العنود : بدون سلام ..وين الصوره؟
جاسم يبتسم: لالالالالا جذي اعطيج الصوره وانتي ماده بوزج شبرين؟؟
شوق: وانت شنو عليك ماده بوزها ولا مبتسمه ... عطنا الصوره؟؟
جاسم:قصرو صوتكم الجيران لا يسمعونكم ....وهذا مو اسلوب نتفاهم؟؟...خلونا ندش ونتفاهم؟؟
العنود وشوق بصوت واحد:
لا
جاسم بخبث: بصراحه انا مااعرف اتفاهم عند الباب ....وسكر الباب في وجهم...
العنود: الحقيــــــــر سكرفي وجهنا؟
شوق: طقي الباب عليه ماراح نتحرك من اهني الأ وصوره معنا؟؟
العنود طقت الباب
فتح لهم جاسم قال: انتم عادكم اهني مارحوا
العنود: الله يخليك ياجاسم ويرحم والديك ارحمني من العذاب اللي انا فيه ..عطني الصوره وخلنا نتيسر؟؟
جاسم يبي يحدهم على اقصاهم: شوفي انا رجال مشغول ...تبين صورتج دشي خلينا نتفاهم ...ماتبين تدشين اسمحي لي؟؟
وجاء بيسكر الباب
وقفته العنود واسحبت شوق معاها داخل الشقه؟؟
جاسم سكر باب الشقه وهو يبتسم قال:
حي الله من جانا..

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -