بداية الرواية

رواية غلطه وبندفع ثمنها السنين -23

رواية غلطه وبندفع ثمنها السنين - غرام

رواية غلطه وبندفع ثمنها السنين -23

في الامـارات
ساعه 3 الفجــــــر
في المجلس منعزل عن البيت وحوشهم واحد
صوت المسجل عالي والهيصه
سعيد: اللي متى وحنا ساكتين عنه وعن خربيطه؟؟
موزه وهي توقف بطريقه: لا تروح لهم ....خلهم لين يفقون من اللي هم فيه
سعيد: وخري عني
موزه ماسكه اذراعه حييييل: تكفى ياسعيدلاتروح الهم..
سعيد وهو يخلص الذراعه منها: الوضع ماينسكت عليه حتى الجيران يشتكون منه .......تركها وطلع
في الشر طــــــه
وقت الصبــــاح
حميد: ياحضرت الضابط داش علي في بيتي ومتهجم علي بطق
سعيد: انا ماطقيته ....انا طرد ت ربعه من البيت.....ذولاء مايستحون ولا يخافون من الله ولا يحترمون احد
حميد: بيتي وانا حر استقبل اللي ابي ... واسوي اللي ابي محد له شغل فيني ..
الضابط: لامو حر فيه شي اسمه حق الجار ...قبل جاتنا شكوه من جيرانك يشتكون منك ...اذيتهم وزعزت الامن وهم في بيوتهم ...اللي تسويه مايسويه واحد كان محترم له سمعته بين الناس
بعد نقاشات طويله دار بينهم
حميد تنازل عن سعيد
والضابط كتب تعهد كل منهم حميد وسعيد
.
.
.
.............
في بيت سعيـــــد
شيخه هذا وينه الساعه 7 صباح وهو ماجاء
أي عند مرته الثانيه مستانس ومتهني انا يالخبله مانت طول اليل احاتيه..............معقوله سعيد يتزوج علي.........عمري ماقصرت عليه بشي
ااااااااااااااه خليني دق عليه اشوفه وينه
..........
في بيت حميـــــد
طبعا محد يعرف ان حميد وسعيد بمركز الشرطه غير موزه...لما سئلوها اعيالها عن تلفون خاله ليش اهني؟؟
قالت ناسيه..
سلطان يفتش بتلفون سعيد
موزه: خل تلفون خالك لا تلعب فيه
سلطان: بس اشوف الرسايل..
موزه: هذي خصوصيات مالك شغل فيها
سلطان ترك التلفون على طاوله
راحت موزه الغرفتها..
شهد: هههههههه مسخروني..
سلطان:جب
دق تلفون سعيد
سلطان شاف المتصل ام حمدان
سلطان: هذي مرت خالي سعيد
شهد: رد عليها....يمكن تدور جوال خالي ...قولها عندن ناسيه
سلطان يبتسم: تعالي انتي كلميها
شهد تعدل صوتها وهي تبتسم:عطني التلفون.....اسم شنو راح اقولها
شهد بصوت دلع : الووو
شيخه اسمعت صوت انؤثي تنحت تبي تكذباللي اسمعته قالت: الو سعيد
شهد تبتسم: الله انتي كلش كلش ماعندج ذوق ...قبل لاتدقين التلفون شوفي الساعه جم
شيخه: انتي منو؟؟.....وليه تردين على تلفون سعيد
شهد كاتمه ضحكتها: تلفون زوجي وارد عليه كيفي....وبعدين تعالي انتي منو...وليه تسئليني عن زوجي
شيخه مصدومه: زوجج.....سعيد ريلج
شهد تضحك على الصامت ...اشو دش عمر يبكي
سلطان حط يده على فم عمر علشان يسكت ومايبي شيخه تعرف صوت عمر وتكشف المقلبهم
شهد تبتسم: خلاص حبيبي لا تبكي ذلحين ابوك بيصحى من النوم وبنروح السوق واشتري الي تبيه
شيخه قفلة التلفون ماتبي تسمع شي ثاني ............الكذاب متزوج وعنده ولد...........شيخه صارت تبكي بقهر اللي خيانة زوجها.....انا لازم اعلمه من شيخه
ارفعت السماعة التلفون
شيخه: الو......السلام عليكم.......احصل حجز على رحلة الكويت............3 اشخص...........ان شاء الله ا كد الحجز .........ساعه 8 صباح يعني بعد ساعه
..................
شهد: ههههههههههههههه سكرت التلفون في ويهي.......هههههههه مشت عليها المقلب..
سلطان: ههههههههههه ذلحين بتروغ خالي من البيت...(تروغ - تطرده )
.
.
.
موزه تكلم حميد
موزه: سعيد معك
حميد:اشوفج خايفه على اخوج ... ماخفتي علي؟؟
موزه:وليه مااخاف لى اخوي ...تارك بيته ومرته واعياله علشان يحميني انا وعيالي من زوجي خايف علينا من صاحب البيت وربعه!!
حميد وهو طالع من المركز شاف سعيد وبركب سياره راح عنده : اندوك التلفون اختك تبيك.
سعيد : هلاااااااا موزه..
موزه: طمني عليك ياخوي اذوك صابك شي
سعيد: الحمد الله مافيني شي ..طيب وبخير
موزه:بس يقول فيك شي؟؟
سعيد ماحب يتعرض الموقف هذا هو وولد عمه ونسيبه في المخفر موقف صعب عليه: حاشني برد
موزه: سلامتك يالغالي ماتشوف شـــــر......تعال مر علي ابي اشوفك
سعيد: وين اجي... بمر عليج العصر...ذلحين تحصلين شيخه قالبه الدنيا علي وعافسه البيت..
موزه: ههههههههههه لا تلومها ياخوي لا تلومها
سعيد: عاد هذي الايام مستويه المحقق كونان...وين رت وين جيت
موزه: لا تعذر لي بشيخه مر علي ابي اشوفك اتطمن عليك .......ريحني من يوم طلعت من البيت انت وحميد وانا على اعصابي..
.
.
.
بعد حنت كوزه وافق سعيد يمر عليها
سعيد: خلاص بمر عليج..واخذ تلفوني نسيته عندج .......مع السلامه
حميد كان جالس في سياره يتريااا سعيد يخلص من تلفونه
سعيد جاه وعطاه تلفونه
حميد وهو ياخذ التلفون منه: روح عند الرضيعه ..طمنها عليك؟؟
سعيد ابتسم رغم كل المشاكل اللي محوطته ابتسم على غير حميد :فديتها الرضيعه الله لا يحرمني منها..
....................
في سيارة حميد
حميد تخاف على اخوها اكثر مني...
يحميني من زوجي وصاحب البيت
ليه شنو سويت انا ..حرام الواحد يسهر وينبسط مع ربعه ...الناس تدور على المشاكل محترين منيعلشاني مبسوط وعايش حياتي
وتجه بسيارته رايح المكان اللي هو مبسوط فيه
..............
في بيت حميد
موزه: الحمد الله على سلامتك
سعيد: الله يسلمج ...شفتيني مافيني شي ..يلامع السلامه
موزه تبتسم: والله ماتروح حلفت عليك ..ماتروح قبل ماتتريق
سعيد: ههههههه تعبان ولا لي نفس اكل هتى الدوام استئذنت منهم
موزه: مو على كيفك ............اتريا بصاله الريوق جاهز
......................
الجـــــــــزء 49
في بيت ام مشعـــــــــل
ايمان حاطين لها غرفة تحت غير غرفتها اللي فوق
دش عليها مشعل وهي مشغل الابجوره وهي جالسه على السرير وتغير ملابس والولدها
ايمان تبتسم:وين اللي بيدير باله علي وبيحطني بعيونه ...من يوم جيت اهني وانا ماشفتك الأ وقت النوم تجي تسلم على ولدك وبعدها وتصعد الدارك
مشعل : وانا حصلت فرصه اشوفج..نسوان داشه ونسوان طالعه...امتلاء بيتنا من الهدايه والحلاويات
ايمان: انسوان يوقفون زيارتهم من بعد الساعه تسعه مساء ..هذا مو عذر..
مشعل يبتسم: تبيني اقابلج وانتي ممنوعه المس...حتى البوسه موراضيه تعطيني اياااهاااااااا
ايمان وهي تلف ولدها بلفه بيضه (تمهده)
:هههههههههههههه
مشعل وهو يشيل ولده :تسلم لي اضحكه الي اشلعت قلبي ..
.....................
بيت سعـــــيـد
سعيد دش البيت هدوء مو بالعاده
متعود يحصل حمدان عند التلفزيون يطالع توم جيري
..طلع سعيد الغرفته ماحصل احد
سعيد صار ينادي على شيخه بس ماكو رد ..دش الحمام ماحصل احد
وين بتروح هذي مع صباح الله خير
راح غرفة حمدان ماحصل احد
دورفي البيت كله ماحصلهم
سئل الخدامه وين مدام
الخدامه :يروح برا
سعيد:وين راحت
الخدامه: مدام يشيل شنطه يروح الكويت
سعيد: شوووووووووو
وطلع الغرفته وفتح الكبت يتاكد
سكر باب الكبت بكل قوته ..هيني ياشيخه تطلعين من غير شووووووري
...............
في الكويت
شيخه كلمت محمد يجي يستقبلها في الامطــــــار
في سيارة محمد
محمد يسئل شيخه وهي تجاوب بختصار
محمد عرف ان فيها شي وسكت
.
.
.
.
في بيت ام ناصــــر
سعيد معصب:يرضيج ياخالتي تطلع من البيت وتسافر من غير شوري ..مو حاسبة لي ااحساب
ام ناصر: لا والله مايرضيني ...انت ماتقولي شنو اللي صار بينكم
سعيد:انا بنفسي مو عارف ليه اطلعت من البيت...هي شنو قالت لج
ام ناصر: مو راضيه تقولنا ..كل اللي قالته تبي تتطلق منك
سعيد: شوووووو تطلق ؟؟
ام ناصر: خلها عندنا كم يوم الين تهدا ونفهم منها شنو صاير
سعيد: عطيني خليني اكلمها
ام ناصر:تسمع شوري لا تكلمها...صايره حرك تبلش قالها راشد اخبار سعيد قالت له لا تسئلني عنه انا مدري عنه ..ومن هذا الحكي..
سعيد:يستوي خيــر...يالله خالتي خاطرج شي من صوبنا
ام ناصر:سلااامتك
سعيد : فمان الله
ام ناصر: الله وياك
.....................
في بيت ام مشعل
ام ناصر والبنات ونوريه وبناتها عند ايمان
ام مشعل هي اللي تقهويهم وتوزع عليهم الحلا والفطاير
ايمان تساسر منى
ايمان تبتسم:قومي قهوي عن عمتي ام مشعل
منى: انا كنت بقو قبل لا تقولن لي بس خفت تفشلني ؟
ايمان تبتسم: قومي عندها ولد يدوروله عروس
منى تبتسم قالت بمزح: صج والله........وقامت منى من مكانها وراح صوب ام مشعل
ايمان تبتسم ابتسامه عريضه
منى وهي تاخذ الدله من ام مشعل: عنج خالتي
ام مشعل:لا وش دعوه انتي ضيفه عندنا
منى:لاعادي خالتي انا اعد نفسي من اهل البيت
ام مشعل تبتسم: يزاج الله خيــــــــــر
وترك ام مشعل الدله حق منى
البنات يتغامزون من بينهم ويضحكون على منى
نوريه تطالع بنتها مستغربه
هي بالبيت ماتشيل شي طايح ولا تصب قهوه حق احد
.....................
في بيت حميــــــد
صالح: وين مسلتزمات السهره
حميد: مافي سهره الجيران مشتكين علي و متئذين مني
صالح:الجيران ,,,ولا نسيبك خايف منه لا يدش علينا شرات هذيك المره
حميد: يخسي اخاف منه ..ماله عندي شي ..بيتي وحر بتصرفاتي
صالح:كفوا... خلك جذي ماعليك من احد ....يلا خلونا نبدا السهره
حميد: فالك طيب
صالح: فالك مايخيب
.
.
.
موزه كانت مرتاحه بعد ماكتب حميد تعهد اللشرطه ماصار يسهر اهني
وسعيد ماعاد يجيهم لان الوضع صار أمن في بيت حميد
حميد ماعاد يسهر في بيته بعد سالفة الشرطه مدة اسبوع واليوم رد وسهر في بيته
.
.
موزه اطلبت من اعيالها يرحون الدارهم
شهد خذت اخوها عمر وراحت اللدارها
سلطان معند مايبي يطلع الداره...يبي يجلس تحت علشان السكاره مايدشون البيت عليهم
موزه تقنعه وهو مو راضي
بعد مااقنعت امه طلع الداره ..بهاي الحظه عمر نزل بيطلع بالحوي(الحوش) يجيب العبة نساها برا
موزه وسلطان ماانتبوا له ...
عمر طلع برا واخذ العبته..سمع صوت اغاني وضحك بالمجلس الخارجي
راح عمر المجلس (حب الاستطلااااااع)
شاف ابوه والريايل يرقصون
دش عمر بكل براءة الدنيا يتفرج عليهم وهو يبتسم ويطالع ابوه..ويصفق له عمر ويشجعه .... عاااااش ابويا
جاء صالح وشاله عمر ويرقصه ...عمر يضحك
صالح يعطي عمر يشربخمر
عمر : مابي
صالح: اشرب حلوووو
عمر: ماااااااااااابي
صالح: يخليك قوي شرات اسبيدر مان
عمر: يخليني اطيــــــــر
صالح: هيه تطير شارت العصفوووور وتغني بعد
عمر يشرب جرعه مااعجبه طعمه قال: وعو وووووووع مو حلو
صالح:هو جذي اول ماتشربه وبعدين يصير حلو
.
.
.
موزه: عمر عمـــــــر
شهد:كان عندي بالغرفه قال بروح اشوي وبرد
سلطان:وين راح دورناه بالبيت كله ماحصلنااااااااه
موزه جاء على بالها المجلس الخارجي: ياااااوجدي
ليكون راح عند السكاره وراحت الغرفتها وخذت عبايتهاااا واطلعت من البيت ومتوجها الي مجلس الخارجي.......لحقها سلطان ومسك امه من يدهاااا
قال:ردي داخل البيت انا بشوفه
موزه ماتبي سلطان يشوف ابوه بهذا الوضع
:لا ماتروح
سلطان فهم قصد امه: انا قد شفت ابوي وهو في حالة سكر
موزه تطالعه بنظرات تساؤل ..متى شفته ..؟؟
سلطان :يمه دشي داخل
موزه دشت البيت وراحت تطالع سلطان من الشباك(دريشه)
.
.
.
سلطان دش المجلس انفجع من المنظر
عمر ماسك بطل خمر يصب حق سكاره وفي يده الثانيه كاس خمر يشرب منه
دش سلطان وسحب منه البطل ورماه على لارض
وخذ عمر وطلع
دق على سايق يوديه المستشفى
سلطان سنه مايسمح يسوق سياره
موزه شافت سلطان شايل عمر ...ويرجع اللي في بطنه
موزه اطلعت لهم .قالت .وهي تشيل ولدها: حسبي الله على العدوه من كان السبب
سلطان: يمه يلا اركبي سياره
موزه:روح ناد اختك ماراح اخليها بروحها ..
.............
في المستشفى
الدكتور: شارب كميه كبيره من الخمر ...محتاج غسيل معده
موزه: سوا له أي شي المهم يقوم بسلاااااامه
الدكتور: ان شاء الله يقوم بسلامه........عن اذنكم
موزه تبكي بصمت على حالها اللي انقلب كانت عايشه بأمان وراحت البال ....فجئ انقلب حالهم
من يوم تعرف حميد على اشله الفاسده
سلطان حس بامه تبكي حقد على ابوه
.
.
.
كل عاده حميد يخلص من سهرته يروح ينام بغرفته
.
.
.
.
بالمستشفى
موزه : بعد ماسويت له غسيل معده صار له 3 ساعات ماتكلم وكله نايم
الدكتور: شي طبيعي ...طفل بعمره مايتحمل شرب الخمر وغسيل معده
سلطان:مطول على مايصحى
الدكتور:اممممممم المفروض يصحى بعد الغسيل بساعتين ...بس تختلف من شخص الي شخص ....ان شاء الله طيب
موزه:يزاك الله خير.... مشكور تعبناك معانا
الدكتور: العفو...هذا من واجبي...وطلع الدكتور من الغرفه
شهد:ماشاء الله عليه الي مايعرفه يقول هذا ولده ...كل شوي يجي يطمن على عمر
سلطان: ابوه...........والله مدرا عن هواء داره
شهد:ابوه هو سبب بطيحت عمر بالمستشفى...صار الغريب احسن منه
سلطان: كان زين الدكتور ابونااااااا
شهد: هيه والله كان زين
موزه تسمع حوار اعيالها حز بخاطرها اعيالها يتمنون الدكتور ابوهم قالت:
وين حبكم حق ابوكم ..اذا سافر يوم واحد سويتوا مناحه
هذا ابوج ياشهد اللي مايرضى عليج شي ومدلعج ...وانت ياسلطان اذا طلبت منه شي مايرد لك طلب مخليك الدهينه لا تنكتين
هذا ابوكم مهما سوا ومهما فعل يظل ابوكم وله الحق الاحترام والتقدير
شهد وسلطان اسكتوا
.
.
.
وقت الظهر
حميد صحى من النوم ماحصل احد بالبيت سئل الخدامه قالت ماتدري وينهم راحوا
اشوي دشت موزه واعيالها ....سلطان وشهد اطلعوا فوق يريحون من امس ماناااااموا
موزه شايله عمر .........سئلها حميد وين كانوا
ماردت عليه اطلعت فوق تريح عمر بغرفته
.
.
.
موزه قالت حق شهد تدير بالها من عمر....وراحت الغرفتها
دش عليها حميد
حميد:انا سئلتج وين كنتي فيه انتي واعيالج؟؟؟
شاف موزه تبكي قرب منها ولمه من كتوفها
قال: شو مستوي؟؟
موزه دفته :لا تلمسني.... انت اسبب اللي حنا فيه بقيت تروح والدي من يدي ...شربته السم من اللي تشربه....ولدك يصب لك الخمر وانت تشرب..
حميد عمر شرب الخمر: انتي وينج منه..ليه تخلينه يطلع من البيت..
موزه:ليه خايف عليه ...لو انك خايف على اعيالك ماكان جبت ربعك تشرب معهم اسم اهني بيتك..
تدري ان اعيالك اليوم شنو يقلون يتمنون الدكتور ابوهم ...كرهت اعيالك فيك من فعايلك ...
ماراح اسامحك لو صار بعيالي شي ..
دمرت حيتنا ياحميد...ضيعت نفسك قبل لاتضيعنا
اكرهك اكرهك...وانهارت موزه في البكي
حميد طلع من الغرفة وراح غرفة عمر
دش الغرفه حصل شهد وعمر نايمين
قرب من عمر ووضع يده على وجه عمر يتحسس وجهه ونزل على صدره وثم مرمر يده على جسم عمر ورد ومسك يد عمر وقربها من شفايف وطبع قبله حاااااااره وهو مغمض عيونه......الحمد الله على سلااااااامتك
................
مرحبااااااااااااا ياالغوااالي
مرحبا بالمتابعين الجدد
مرحبابكم
السموحه منك على التاخير


الجــــــــــــزء50
في الكوفي شوب
حميد وربعه جالسين في الكوفي شوب
علي يكلم حميد: جهز لنا شي حلو على سهره.
حميد: ماعندي سهرة في البيت.
صالح: ليه خايف من نسيبك ولا المدام تروغك من البيت
الكل: ههههههههههههههه
حميد: انا اشوف كل يوم عند واحد واكثر الايام عندي ..ليه ماتخلي السهره عندك في بيتك؟؟
علي: هيه صادق حميدد ولا مره سهرنا في بيتك
صالح : بيتي لا انا متزوج وعندي اعيال وماابي اخرب بيتي ولا ابي اشوه صورتي في نظر اعيالي ومرتي..
حميد: ياسلااااااام انت تحافظ على بيتك وحنا عادي نخرب بيوتنا
صالح معصب: اشوفوا بيتي محد يتقربه ولا تفكرون تسهرون عندي ...شوفوا لكم أي شقه وعلى احسابي ...بس بيتي لا
.
.
.
على شاطئ البحر
حميد جالس على شاطئ البحر ويسئل روحه
انا شنو اللي وصلني اهني .....اعيالي يتمنون الدكتور ابوهم
عمر يشرب الخمر وعلى يدي اناااا وموزه تخاف على اخوها اكثر مني ...وين موزه اللي قبل تشليني على اكفوف الراحه والابتسامه ماتفارق وجها
سلطان اللي مايخبي علي شي وكل اعلومه المدرسه عندي ذلحين يشوفني يالله يطلع الرمسه منه
شهد دلوعة ابوها ماتفارقني كله لاصقه فيني ماتبتعد عني شبر ...موزه كله تقول انتي جارتي شاركتيني في ريلي ..ذلحين المكان اللي اجلس فيه هي تطلع منه
شنو سويت ياحميد ضيعت اهلك كله منك ياصالح من يوم تعرفت عليك وانا في دمار ضيعت ثقت اعيالي ومرتي فيني
تخرب بيتي ياصالح وبيتك لاحد يتقربه
انا اللي استاهل مشيت وراك وطاوعتك
انا اذا دشيت المجلس يفزون اللي الريايل
الحد اهني وكفايه شنو حصلت من وراء السهر غير الدمار وخراب
................
في بيت حميد
في اصاله الدور الثاني
موزه تكلم سعيد
سعيد: ليه ماخبرتيني ..تجلسين انتي واعيالج طول هاي الفتره في المستشفى بروحج
موزه: ماابي اتعبك
سعيد: أي تعب ياموزه الله يرضا عليج..اذا ماوقفت معج بهاي الحزه اجل متى اوقف معج
دش حميد البيت وراح الغرفته ومر من صوب موزه
موزه: غريبه حميد راد بهاي الحزه
سعيد: حزت سهرته ...عسى ربي يهديه ويصلحه ويفوق من الي هو فيه ويكفيه شر اعيال الحرام
موزه: الله يسمع منك
سعيد : روحي اريلج شوفيه شنو يبي
موزه شافت حميد طلع من الغرفه ونزل تحت: امممممم ماعاد يعني لي شي بعد سالفة عمر
سعيد: لا ياموزه لا تخلين عنه وهو في امس الحاجه لج ...صدج عنه راح يخليه يستمر بسهر وكل ماله يزيد حالته ...خليج يمه لا تئسين منه خلى ايمانج بالله قوي......اشوفج على خير مع السلااامه
موزه: الله وياك
سكرت التفلون وانزلت تحت
.
.
في اصاله
سلطان وشهد يسولفون ويضحكون
دش عليهم حميد وهو يبتسم: ضحكوني معكم
سلطان وشهد يطالعون بعض مو فاهمين ابوهم هو طبيعي ولا سكران
دش عليهم عمر: ماما تقول عشــــــــــاء تعالوا
سلطان وشهد راحوا يتعشون ..حميد ماراح يتعشاء متضايق من نفسه
في غرفة الطعام
موزه واعيالها جالسين حول الطاوله
موزه: لحظه لا تكلون اتريوا ابوكم
سلطان: مايبي
موزه: شنو دراك
سلطان: لما قال عمر تعالوا عشاء هو ماقام معنا جلس
موزه: عمر روح ناد ابوك
راح عمر حق ابوه قاله حميد مايبي
موزه: مايبي عشاء
عمر: لا
موزه: يلا أكلوا واذا خلصتوا على طول الغرفكم ماابي سهر باجر وراكم مدارس
.
.
.
وقت متاخر من اليل
موزه تنوم عمر على سريره
موزه مبسوطه اليوم حميد ماراح يسهر مع ربعه
موزه اطلعت من غرفة شهد وعمر وراحت الغرفتها
افتحت باب الغرفه بشويش علشان ماتزعج حميد وهو نايم
لكنها ابتسمت على المنظــــر
حميد ماسك المصحف ويصلي تهجد
موزه ربي يهديك وسكرت الباب من غير مايحس فيها وردت غرفة شهد وعمر على مايخلص صلاته ومن ثم ترد الغرفتها
.............
مر اسبوع
فهد خلص الثأثيث جناحه
ناديه على وشك انهاء تجهيزات العرس
شيخه وسعيد الوضع بينهم متأزم
ايمان باقي لها اسبوعين وتطلع من الاربعين
حميد يحاول يغير نظرة اعياله ومرته فيه ويتقرب منه ويرجع كل شي شرات اول
..................
في بيت ام نــــــاصر
راشد: شنو يثبت لج انه معرس؟؟
شيخه: طلعاته وسهراته ...والمره اللي ردت على من تلفون سعيد وصوت الولد ..شيخه وهي تقلد صوت شهد خلاص حبيبي لا تبكي ذلحين ابوك بيقوم من النوم وبنروح السوق واشتري اللي تبيه...
ماتقولي شنو جاب تلفون سعيد عند المره مع هذا الصبح
راشد وام ناصر شبه اقتنعوا بكلام شيخه
راشد: بس طلعتج من بيتج وجيتج اهني غلط
ام ناصر: المره العاقله ماتسوي سواتك
شيخه: اممممممم لما سمعت صوت مرته ماتحملت خيانة سعيد ..راح استخف اذا جلست بالبيت دقيقه وحده
راشد: خيانة سعيد لج..؟؟؟.... انا مو مصدق سعيد يسويها ويعرس عليج بسر ..اعرف سعيد مايهاب احد ..شنو اللي يحده على العرس بسر
شيخه: افلوسه وايد مو عارف وين يوديها قال اعرس
ام ناصر: سعيد يكلمني يبي يعرف سبب زعلك قولي حق راشد شنو يقوله
شيخه: يقوله يطلقني
راشد: انتي ماتفكرين غير بنفسج فكري بعيالج...انتي على بالج لو طلقج سعيد بيخلي اعياله عندج؟
شيخه: مستحيل اتخلا عن اعيالي..ماراح احرمه من شوفت اعياله
راشد: مستقبل اعيالج مو اهني ...مستقبلهم في الامارات
شيخه: الله يرحم ابوي ترك الي ورث يغنيني عن الناس
راشد: لا تسرعين بطلاق فكري في اعيالج طالعي مستقبلهم
ام ناصر: الله يهدي سركم
.....................
بيت ام سعود
دارين تجهز اغراضها باكر راشد بيجي ياخذها
ام سعود نبرة حزن: راح افقدك
دارين تحضن امها: لبى قلبك انا كل يوم اكلمك واسمع صوتك
ام سعود: اللي تشوفينه نثل اللي تسمعين صوته
دارين حز بخاطرها كلمة امها ..دارين ارفعت برقع امها وطبعة قبله من على خدها : خلاص مابروح الكويت ...بخلي راشد ياخذ له وحده كويتيه ..وانا بجلس هنا متى مااشتاق لي يجي يزورني
ام سعود: لاتضيعين رجلك منك حافظي عليه ..لا تدشين في باله انه يعرس عليج
دارين:هههههههه لو يفكر يعس بذبحه
دشت ساره عليهم وهي شايله والدها ولافته بلفه صفرا ونايم شكله حلو
ساره: خلصتي
دارين : يالله بلبس عبايتي
ام سعود: وين بتروحين
دارين: يمه الله يهداك قلت لك بروح اطلع عبايات ناديه

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -