رواية غلطه وبندفع ثمنها السنين -25
سعيد: على شنو تتاسفين على شكج فيني ولا على طلعتج من البيت ولا على طلبج الطلاقشيخه: مو انا وبس اللي غلطة حتى انت بعد ..ليه ماخبرتني على سبب نومتك برا البيت ..لو انك مخبرني كان ماصار هذا كله ..ولا شكيت فيك ولا سافرت
سعيد: انا مابحاسبج على شكج فيني لا بحاسبج على طلعتج من البيت من غير شوري
شيخه: لماسمعت صوت شهد ماتحملت انك متجوز علي
سعيد بلعانه: تدرين انج دخلتي براسي اتزوج
شيخه نفزها كلام سعيد هي تعتذر منه وهو يفكر يعرس عليها: لو اعرف انك دخلت الفكره انك تزوج لا اقطع راسك ...ومع سلامه
سعيد: يبتسم: خبله ومجنونه فيني ...بس خلها تتأدب
في بيت حميــــــــد
موزه دشت الغرفه حصلت حميد نايم وصينية الاكل على طاوله اكل منها اشوي ...موزه شلت الصينيه وودتها المطبخ..
وردت تسبح والبست لها قميص نو وتعطرتت وطفت الانوار وشغلت الابجوره اضاء خافته وانسدحت على سرير جنب حميد
التفتت على حميد تتأمل فيه قربت منه وحطت يدها على وجهه...ياعمري عليه نحفان والسواد تحت عيونه قربت منه وطبعة قبله خفيفه على خده هذا من الشوق
والتفتت وطفت انور و استسلمت لي النوم
حميد ماكان نايم لما دشت موزه حط نفسه نايم مايبي يشوفها ويتهور ..وهي مو طايقته خايف منها تسمعه كلام يغثه ....لما حس بشفايفها الرقيقه على خده ورائحة عطرها طغت على انفاسه على وشك انه انه يتهور ...بالحظات الاخيره تراجع..
...............
هااااااااااااااااااي
سور على تاخير
اوعدكم بعد يومين زواج فهد ونايه
وناسه احداث مغريه لا بطوفكم
انا عن نفسي عشت معهم جو
الجـــــــــــزء 53
في يوم جديد
بيت احمــــــــــد
دش ابراهيم الصاله حصل الكل موجود
ويعلقون على محمد علشانه بيروح يخطب ريم
ابراهيـم: السلام عليكم
الكل : وعليكم السلام
احمد: انت منت برايح معانا بيت امي
ابراهيم: بروح معاكم
نوريه: شنو فيك؟؟ تكلم من طرف خشمك ..
مي تمزح : شكله غار من محمد
احمد: ليه يغار مستعد اخطب له لو يبي اليوم.
ابراهيم: عند كلمتك
احمد:من متى اقولك شي وتراجع معه
ابراهيـم: اخطب لي من بنات عمى ناصر
نوريه: هيونه؟؟؟؟؟؟
احمد: اختار لك أي بنت غير هيونه؟؟؟؟
علانة تعجب على الكل
ابراهيم:وانا مافكر الا فيها
احمد: تفكر !!!!!! من متى ؟؟
ابراهيم:اممممممممممم من فتره
احمد:انا مانسيت كلمتك ...من خذا من بنات ناصر خسران اللي اخوهم فهد........وقتها تذكر شنو قلت لك
ابراهيم: وقتها ماكنت مثمن كلامي
احمد: روح اخطب بروحك انا ماني خاطب لك ..المره ثانيه ثمن كلامك وحشمني ولا تغلط على اخوي واعياله قدامي
نوريه:خلك من هيونه انا اخطب لك بنت اختي
منى ومي يطالعون بعض يعرفون امهم ماتبي من بنات ناصر
ريم يالله وافقت عليها بعد مااقنعوها مي منى
الولد يبيها انتي ليه توقفين بطريقه خليه يختار شريكت حياته بنفسه
منى تستاسر مي:بتموت امي بعد ابراهيم يبي هيونه
مي: عاد ابراهيم اللي يبيه يوصله
ابراهيم: انا اشوف هيونه تناسبني
نوريه:وين تناسبك وانت اكبر منها وايد؟؟
مي: هيونه عمرها 18 سنه وابراهيم 27 سنه بينهم 10 سنوات
محمد: انت يايمه بينج وبين ابوي 13 سنه
نوريه: اشوفكم امايدينه
منى:شنو فيها هيونه تنعاب
احمد: انتي شنو مانه على العرب فيه
ابراهيم: ليه انت ماتشوفني شي في عينك
احمد: شوف ان حنا تأخرنا على امي ناصر
...............
في بيت حميــــــــد
وقت صباح
موزه صحت بدري كل عاده ...وقعدت اعيالها من النوم وجهزت لهم المفطور
افطروا وراحوا المدارسه مع السايق
السايق ينزل عمر وبعدين شهد وبعدين سلطان
.
.
.
.
حميد صحى مع اذا الفجر وصلى في المسجد ورد البيت ونام ...
والساعه عشره صحى حميد ونزل تحت
موزه شافت حميد جالس بصاله ويطالع اتلفزيون ويقلب بالقنوات
جابت له فطور بصينيه وحطته على الطاوله
موزه وهي تحط الصينه عل طاوله: صباح الخير
حميد عينه على التلفزيون: صباح النور
موزه:الحمد على السلامه
حميد على وضعه قال ببرود:الله يسلمج
موزه حست انه مايبي يكلمها ...هلا منو زعلان انا ولا انت...وراحت وجلست على الكنبه
حميد يطالعها وهي جالسه على الكنب والفه وجها بالجهه الثانيه ماتبي تطالعه قال: زين كملي جمايلج وصبي لي الحليب
موزه التفتت عليه: ماابي ...صب انفسك
حميد ابتسم قام وصب الحليب
حميد وهويشرب الحليب حصل تلفون سلطان على الكنبه خذا وصار يفتح الاستديو فتح مقطع فديو
انصدم نزل الكاس الحليب على الطاوله
شاف مقطع سلطان مصور ابوه وهو في حالة سكر مع ربعه
رمى الجوال ضرب الجدار وتكسر الجوال قطعه قطعه
حميد: انا كل ماجيت انسئ ذكرتوني
موزه تخرعت شواللي صابه كان هادي وفجئ يصارخ ورمى الجوال
موزه قربت من حميد وحضنت راسه وحطت على صدرها وصارت تقراء عليه المعوذات وتمسح يدها على ظهره
حميد اشتاق الحضنها الدافئ لمها من خصرها وهو على وضعه ودف موزه عليه علشان يحضنها اكثر
موزه وهي توزع قبلات على شعره قالت: حبيبي شو مستوي بك؟؟
حميد مازال على وضعه:صج انا حبيبج
موزه: عندك شك
حميد رفع راسه وصار مقابل وجهه حيل :اجل لي تعامليني جذي
موزه: انت اللي حدتني
حميد :لا تخلين عني ياموزه انا محتاج لج توقفين معي انا ماابي ارد شرات قبل بس مو محصل يد تنمد لي ...انتي وعيالج مسوين لي انا وطوفه واحد
موزه لمت يده الثنتين واحضنتهم:انت تشوفن قاسيه معك...بس قلبي وعقلي معك ...عمرك مارحت عن بالي حنى يوم سافرت ادق عليك وجهازك مغلق بس مايئست كل يوم ادق عليك
انا ياحميد ابيع دنيتي ولا اتخلا عنك
حميد ابتسم ابتسامه عريضه وهو يشوف عيون موزه اشلون تلمع وثم انتقل يطالع صدرها
فتحت ثوابها واسعه طالع صدرها ملموم بشكل مغري وهي مو منتبه
حميد بخبث رد وحط راسه على صدرها قال: اصليه ياموزه
موزه:اشوفك قدرتني ..عطتني الطراق ...ضنيت اسناني طاحت
حميد : ياعل يدي تنشل اذا طقتج مره ثانيه ...حقج على ياموزه ...راح اعوضج بالايام اللي بكيتيها بسببي
حميد رفع راسه ويتأمل وجه موزه قال: أي صوب طقيتج من عنده
موزه تحط يدها على خده اليسار قالت بهمس :يعور
حميد قرب من موزه وطبع قبله حاره عميقه على خدها اليسار
موزه وهي تبعده : هيه صج انت ليه تصارخ؟؟
حميد ابتسم عارف انها تتهرب منه: والدج سلطان مصورني وانا مع ربعي ....(مابيبي يقول سكرن)...انا اريد انسئ الوضع اللي كنت فيه وهو مخزن مقطع فديو
موزه:هونها وتهون ....ذلحين مابتقولي شنو اقول حق سلطان اذا شاف تلفونه مكسر ....عوضه جيب له تلفون جديد
حميد وهو قريب من موزه حيل:بعوضه وبعوضج ....لمست شفايفه بشفايف موزه
موزه شفايفها تذوب بين شفايف حميد تداركت وسحبت شفايفها قالت:تأخرت على الدوام؟؟
حميد عدل جلسته وقال بغضب: لا تخافين ماعندي دوام ماخذ اجازه عشر ايام باقي منها يومين وتخلص الاجازه
انتي ليه ماتبين تتقربين مني...؟؟
موزه تبتسم: مااريد اعطيك اللي تبيه بسهوله ..اريد اعذبك
حميد يبتسم سحب موزه عنه وحضنها حيلقال: يكفيني عذاب ...ورفع وجها بطرف اصابعه وقرب من فمه موزه وطبع قبله اطول من القبله الاولى
موزه اشتاقت حق حضن حميد والمساته فااستسلمت له
................
في بيت ام ناصر
في اصاله
احمد واعياله وناصر وفهد وراشد
احمد: حنا اليوم جايبنك وطالبينك ماتردنا
ناصر: وصلت خير
احمد:نبي بنتك ريم حق محمد
ناصر:محمد والدنا وماراح احصل احسن منه ..انا ماعندي مانع ..بس اشوار اول والاخير حق ريم
احمد: من حقها تاخذون رايها
ناصر:عطوني اربع ايام ورد لكم
احمد:حنا مستعجلين على العرس محمد بعد عرس فهد بشهر بيسافر ونبيه يسافر ومرته معه
ناصر: يحصل خير
راشد: الفال لك يا ابراهيم
ابراهيم:انا ابي العرس اليوم قبل باكر
ام ناصر:النات تارسين الديره
ابراهيم جاته الفرصه من طبق من ذهب: ماابي بنات الديره ..ابي من بنات عمي ناصر
الكل يطالع ابراهيم بنظرات استغراب هيونه ماعندها كنز علشان ابراهيم يطمع فيها
فهد:تبي بنات عمك..؟؟ ليه ماخليت ابوك يخطب لك مع محمد
ابراهيم يعرف فهد مايبي يزوجه: انا قلت له بس هو رفض...يقول عمئ احمد ماراح يزوجني علشاني سبق وتزوجت
احمد يطالع ابراهيم بنظرات تهديد (اعلم بسب الحقيقي)
ابراهيم ابتسم حق ابوه وغمز له عين
ناصر: هذا يوم السعد اللي بزمج بنات حق اعيالي
احمد: تسلم ماتقصر حنا لنا الشرف انا نناسبك
.
.
.
.
ام ناصر بعد ماراحواالعيال اطلبت من ابراهيم تبيه بكلمة راس
في غرفة الضيوف
ابراهيم: خير يمه
ام ناصر: انا بمكاني اعترض على خطبتك من هيونه؟؟
ابراهيم: ليه يمه انتي شايفه على شي
ام ناصر:ايه
ابراهيم يطالعها بنظرات يعني كملي
ام ناصر:سالفتك مع عمك خالد!!!!!
ابراهيم انصدم قال برتباك:اااي ااي اا سالفه
ام ناصر:ر تغيشم سالفتك ادري فيها مو انا وبس فهد وناديه وراشد يدرون بعد..
ابراهيم ماله وجه يناقشها او ينكر فضل السكوت
ام ناصر: انت ليه سويت كذا؟؟...مانت محتاج افلوس الله منعم عليك ..وخير ابوك واجد....شنو اللي حادك تسوي كذا..
ابراهيم:اممممممم كنت توني متخرج من الجامعه ومندفع بالدنيا ..وعندي احلام ومشاريع وسفرات وابوي ماكان يشجعني كله يقولي خل المشاريع حق اهلها ....وكنت ابي اثبت حق ابوي اني قدها......ومحصلت قدام غير عمي خالد
ام ناصر: يوم اخذت الفلوس وش سويت فيها؟؟............ماشافت رد من ابراهيم كملت قالت:لعبت فها بسفيات والموسسه اللي فتحتها وحطيت كل الفلوس فيها وفي النهايه فشل مشروعك
ابراهيم: يشهد علي ربي اني ندمان على فعلتي هذي
ام ناصر:ابيك تعرف اللي عند غيرك مو لك.....احمد ربك على هذي النعمه غيرك مو محصلها
ابراهيم: انا عرفت بعد زواجي من مرام والكل يعرف ماخذها طمع ...ماحصلت شي من وراها .بالعكس هي خسرتني وايد..وقها عرفت اللي عند الناس مولي ومو بسهوله يتنازلون عنه
ام ناصر:انا ملاحظه عليك تغيرت واجد بعد طلاقك من مرام.........وذلحين ابي اعرف ليه تبي هيونه؟؟؟؟؟
ابراهيم يبتسم : طمعان بنسب الطيب
ام ناصر:بنات ناصر بناتي انا اللي مربيتهم ..عسلى ربي يوفقهن ويكتب لهن الخير ..وماراح يحصلون احسن منك انت واخوك
ابراهيم كان خايف من ام ناصر توقف في وجهه قام وحب راسها وهو يبتسم
...............
هااااااااااااااااااااااااي
مرحب كيفكم
بصراحه مافيني صبراتريا باجر
نزلت لكم البارات وغدا ان شاء الله اوفيكم بالاخبااااار هع هع
الجــــــــــزء54
بعد اسبوع
باقي على زواج فهد وناديه ثلاث ايام
ريم وهيونه وافقوا على اعيال عمهم بعد اقنع ام ناصر وعماتهم وابوهم وضحه ماعرضت
وافقوا لكن ماردوا عليهم ام ناصر قالت بعد العرس رد عليهم من الاحراج البنات في العرس بعد العرس افضل
فهد اعترض على زواج ابراهيم ...ابوه اسئله شنو الاسباب الاعتراض
فهد مستحيل يقوله عن فعايل ابراهيم مع عمه وناديه
.................
في يوم جديـــــــد
الجو غيم شبه ممطر
مي ومنى عند بيت ام ناصر
مجتمعين كلهم البنااات
ناديه فوق بغرفتها عندها الفلبينييه تسوي لها سنفره وهاي اخر جلسه لها
شيخه ودارين ينظفون ويرتبون جناح فهد عشان وضحه وخواتها بيجون يشفون الجناح حق فهد
راشد جاب هنود يركبون المبات العرس على البيت
.
.
.
الكل متجمع عند الدريشه يشفون الرياجيل اشلون مشتطين بالعرس
راشد يحاسب الهنود بعد ماركبوا المبات
محمد عند الزريبه يسجل العانيات عشان ماينسى صاحب العانيه جم جاب ...
فهد عاصم الغتره ورافع اكمامه ويتناقش مع موظفين مصرين عنده بشركه
حبوا يساعدون فهد بعرس اطلبوا منه انهم يصبون القهوه فترة العرس
فهد ماعارض شكرهم وماراح ينساهم بالخير
حمدان وعيالم ناصر نواف وتركي يلعبون بالحوش مستانسين على المبات اللي نورت الحاره كلها
والبنات يطالعون فهد ويعلقون على ناديه اللي توها نازله
ناديه شافت فهد عاصم الغتره وحالته حاله قالت بمزح:
انا قطعت جسمي بتفريك وبالكريمات وهو جالس تحت المطر
دارين: هههههه خايفه عليه يمرض
مي: ههههههههه تخيلوا شكل فهد وهو بالكوشه مزكم حالته حاله والكلينكس في يده مايفارقه و العطاس مستمر
الكل: هههههههههههههههه
ناديه: ماني بجالسه معه بالكوشه يعديني فلونزه خنازير
ريم: هههههه بيكتبونها بالجريد الدينا حاله عريس مصاب بالفلونزه الخنازير
الكل: هههههههههههههه
شيخه: هههه يالله كله يوم وبتكونين بحضنه
البنات: هههههه استحت
ناديه : انشعموا
اشوي نزل المطر
الرياجيل دشوا بالخيمه والبزارين يلعبون بالمطر
ايمان ومشعل توهم واصلين بيت ام ناصر
ايمان : اشلون انزل المطر قوي
مشعل: عطيني عزوز اوصله لين باب الداخلي
بيت ام ناصر بيتهم مالهم جدار يحوط الحوش ل محوط بزرع اللي داخل الحوش يشوفون اللي بشارع
الشباب شافوا ايمان وهي نازله تركض داخل البيت ومشعل مغطي والده بالغتره وصل قبل لا توصل ايمان والخدامتهم من وراهم تركض
البنات شافوهم من الدريش اضحكوا على اشكالهم
دشت ايمان وهي شايله والدها
ايمان: الله يستر مطر قوي
البنات يرحبون فيها : ياهلا ومرحبا
شيخه تكلم خدامت ايمان: روحي جيبي والد انا يلعب برا
ايمان: اولدج واعيال ناصر بالمطر يلعبون ...لا يمرضون والعرس قرب
.
.
.
ناصر دخل اعياله وحمدان داخل البيت بعد ماهوشهم
قال حق ريم تغير ملابس اخوانها
والتفت حق اعياله المره ثانيه ماراح اجيبكم اهني انتم ماتسمعون الكلام
نواف: اخر مره
ناصر التفت على تركي : وانت
تركي : اخر مره
شيخه خذت والدها وغيرت ملابسه
والبنات مازالت التعليقات مستمره
مي: أي صلون حاجزه
ناديه: وضحه شينكو
مي: ايه شغلهاعلى نفسيتها اذا رايقه تبدع لج واذا انفس خايسه تخبص لج
ناديه: بحط الفلوس بعينها عشان تروق
منى: بتروحين لها بصالون؟
ناديه: لا ...بالبيت اريح
دارين: كلمتيها تاكدين الحجز
ناديه: كلمتها صباح وكلمت راعي الكوشه
هيونه: حرام تحطين الكوشه بهاي السعر بالبيت ..لو انج تشرعين ابرك
ناديه: انا بيها عائليه اهلي وخوال فهد بس ليه اطلع الفندق
شيخه وهي تجلس على الكرسي بعد مابدلت حق والدها حمدان : زين سويتي فكي نفسج من عيون الناس
دارين: البيت وش كبره وصاله واسعه وتشيل الكوشه والطاولات والكراسي
ايمان ترضع والدها من صدرها: عمتي ماجات
دارين: بتجي ان شاء الله هي والبنات ساره والعنود
ايمان: حياهم الله
يااهل البيـــــت
هذا صوت وضحه مع خواتها
ناديه اسمعت صوت وضحه انقزت الاوهي عند الدرج
البنات يضحكون على ناديه يوم اصتدمت بالطاوله كانت بتطيح
وضحه ماانتبهت حق ناديه
................
في بيت حميـــــد
سلطان: معقوله فص ملح وذاب
شهد: اخر مره وين حطيته؟؟
سلطان: نسيته بصاله
موزه: لا تشغل بالك ...الله عوضك بتلفون جديد
سلطان: ابوي ماقصر ياب الي تلفون اخر مديل ....بس هذاك كل اسامي ربعي فيه
موزه: مو مشكله ياقلبي
..............
مر يومين على ناديه من اصعب الايام
امس قضتها بعد ماراحت الحنايه منها قضتها تبكي على امها وابوها حست انها ناقصها شي كبير من حياتها
.
.
اليوم العرس
البيت مليان عمال ..عمال بصاله يسون الكوشه وعمال يزينون الدرج باللورد الفوايت والوردي واعمال يحطون الطاولات والكراسي و ماتخلا من التزين من الفازات والكرستال والورد الطبيعي
شيخه مع العمال تشرف عليهم
ودارين تتصل اصحاب الحلويات توصف لهم البيت
وايمان وهيونه وريم وساره والعنود راحوا الكوفيره من بدري ساعه صباحا
عشان يطلعون بدري قبل الساعه خمس
شيخه ودارين بتجيهم وحده بالبيت
وناديه تسبح وتستعد الكوفيره اشوي وبتجيها
ام سعود وام ناصر يستعدون يستقبلون المعازيم
.
.
.
الساعه خمس العصر
ايمان واللي معها اطلعوا بدري من الصالون
دارين سوت مكياجها وتسريحت شعرها وراحت تلبس فستانها ...بعدها شيخه تستلمها الكوفيره
ناديه بدت بتزين
راشد بعد ماخلص شغله مع العمال رد البيت يتسبح وغير ملابسه
فهد عند صالون يضبط شكله المعرس
....................
في غرفة راشد ودارين
دارين مسويه مكياج اسموك حلو عليها وتسريحه باف والقصه على وجها كثيفه وشعرها لين نص ظهرها لونه بني
وفستانها تركوازي
دارين وهي تسكر سحاب فستانه
بشكل العام منظره حلو وتجذب
دش عليها راشد وهي تصارع مع اسحاب
تنح راشد انبهر من شكلها طالعه وحده ثانيه مو دارين
راشد يستهبل: عفوا اختي هذي مو غرفتج غرفة دارين
دارين التفتت عليه تبتسم: لاتخاف انا استئذنت منها ادش غرفتها..
راشد يبتسم ويأملها وقرب منها
دارين انحرجت من نظرات راشد لها قالت: ممكن يالاخو تساعدني ...تأشر على سحابها
راشد مازال يبتسم: ممنون الاخو
سكر السحاب بعد كم محاوله ابات بالفشل كان اسحاب متعلق بالخيط الفستان
راشد بعد ماسكر اسحاب لف دارين عليه خلها مقابلته وجها الوجه وهو يتاملها قال بمزح: شنو الكشخه هذي كلها...الاخت تدور على راعي النصيب
دارين : هههههه ايه ادور على راعي النصيب....زوجي يتأمل فيني كني اول مره البس و اتكشخ لها
راشد: هههههههه لا بس اول مره اشوفج بفستان عرس وانتي حامل
دارين ابتسمت ابتسامه عريضه ذوبت راشد
راشد قرب منها حيل وطبع قبله على خدها لمست طرف شفايفها قبلها بشهوه
دارين ابعدت عنه ودفته الي الحمام برقه: لا تاخر على المعزيم
راشد عرفها تصريفه : ههههه اذا طلعت من الحمام وحصلتج اهني قدامي ....غمز لها عين وقال::بخرب مكياجج وتسريحتج
دارين ابتسمت بخجل ...وراحت غرفة الملابس وطلعت ملابسه حق العرس
......................
هاااااااااااااااااااااااي
مرحبااااااااااا بكم جميعا
وهلا وسهلا باللي انضموا الينااااااااااااا
يسعدني ويشرفني
يالله يابنات استعديتوا العرس
الجــــزء 55
في بيت احمـــــــــــــد
ام شوق: مو رايحين بيت ام ناصر.. بنحضر العرس بالفندق بنقوم بالواجب
شوق : يمه خلينا نروح بيت ام ناصر نشوف العروس
ام شوق تعرف بنتها ناويه على شر: بيت ام ناصر ماحنا بريحين له ...هذا اخر كلامي عندي مو عاجبج انثبري بالبيت
....................
في بيت ام ناصر
بصاله تحديدا
الكل كاشخ ومتزين ومتعدل حتى مي ومنى احضروا بدري ونوريه بتجيهم بعد صلاة العشاء
راعية الديجه تركب سمعاتها تجرب صوت
صاحبة الديجه: الو
البنات كل وحده تطالع في الثانيه تضحك
ام ناصر تشيك على الفناجيل والبيالات ...مااكتفت بالبنات يشرفون لا زم هي تأكد من كل شي جاهز
ام سعود كاشخه وجالسه على الكنب ودارين تقهويها
جات ام ناصر من المطبخ وجلست جنب ام سعود
دارين وهي تمد يدها بالفنجال قالت:الله وش هذا الزين يايمه خربتي على البنات
ام ناصر: وانتي عطتي احد مجال يخرب عليك..
ايمان: تعالوا اسمعوا الغزل بين امي ومرت والدها
شيخه تكش على ايمان: طاح كرتنا عند امي
الكل: هههههههههههههههههه
ام ناصر: هي بنتي بتجلس عندي وانتم كل وحده بتروح مع رجلها
شيخه:هذي انا عندج ...ماشفت احد سئل عني.؟؟
ام ناصر: لا تستعجلين ..اذا مااسئلوا اليوم باكر بيسئلون
صاحبة الديجه شغلت الديجه بصوت عالي على اغنية ابوك بالجنه
رنيم ترقص عند امها العنود وام سعود ودارين يصفقون لها يشجعونها
رنيم لابسه فستان ابيض ومن فوق عند الصدر ترتر ذهبي وعلاق فستانه من الكسسوريز
وورده بيضه بشعرها على جنب
وشيخه ترقص بنتها رهف
ومي ومنى وريم وهيونه يعلقون على ايمان يعرفونها تحب الرقص
ايمان جالسه مكان منعزل عنهم ترضع بنتها وهي جالسه على الكنب تهز الرجوالها تبي ترقص
رنيم راحت عند دارين وجدتها ترقص عندهم
واقفت دارين من مكانها ترقص رنيم وهي ترقص معاها اطربت على الاغنيه
راشد نزل من فوق بعد ماتأكد العنود وساره تغطوا
شاف دارين ترقص ولا كنها حامل
راشد قرب من دارين وهو رافع العقال يعني بضربها ودارين ماانتبهت له تشوف البنات يضحكون
جاء ومسك يدها ورقص معاها ويده اللي رافع بها العقال صار يهزها
دارين استحت ترقص معه قدام البنات وهو ماطول في الرقصه
راشد سحب دارين وجلسها على الكري قال حق امه وعمته : لا شفتوها قامت ترقص وقفوا الديجيه
ام ناصر: لا توصي لا شفتها بضربها قدام العرب
ام سعود: لا نربطها احسن بالحبل عشان ماتقوم
راشد : يمه منكم مجرماااااات....خفوا على مرتي
الكل: هههههههههه
وطلع راشد بعد ماتغزل في دارين قدامهم واحرجها
.
.
.
العنود وساره نزلوا عباياتهم
الديجه مازال مستمر حمدان ورنيم يرقصون ورهف تجي من بينها ترقص معاهم وهي تحبي
اشوي دشت عليهم مره
لا بسه بطوله وعابيه رفع وثوبها اخضر كله اشوار فسكي
الفت نظرها الكوشه عجيبه غريبه محطوطه في مكان مرتفع اشوي وحواليها بعد مسافه طاولات والكرسي
والمبات الصفر مسويه جو بالبيت
والبنات كاشخين كل وحده تقول الزين عندي
والديجه شغال
قالت السلام عليكم
بعض منهم سمعها ولابعض ماسمعها المسجل شوي عالي
ام ناصر عندها خبر ان اختها بتجي بس ماعلمت احد خلتها موفاجئه
ام ناصر قالت حق صاحبة الديجه توقفه
ام ناصر رحبت في اتها ترحب حار
الكل التفت حق المره اللي ادخلت عليهم
حمدان عرف جدته راح يركض لها
ام سعيد حضنت حمدان
جات ام ناصر وسلمت عليها بحراره راحو البنات يسلمون عليها
شيخه زاد دقات قلبها اكيد سعيد اللي جايبها اشلون بقابله....اكيد ماراح يطلب يشوفني
جلست ام سعيد بعد ماسلمت على الكل
ام سعيد: ياشيخه ماعاد تبينا
شيخه: وش دعوه خالتي ماابيكم ..بس تعرفين عرس ولازم ماافوت ولا لحظه
الكل: هههههههههههه
ام سعيد: اشوفج طولتي هل مره ولا لج نيه تردين البيتج مو من عوايدج تجلسين عند اهلج هل كثر
ام ناصر اعرفت ان اختها ماعندها خبر عن زعل شيخه : دام هي ورجلها متفقين مالنا دخل بينهم
ام سعيد: صدقتي ياختي....بس اولدي كاسر خاطري ماعنده احد يشوف طلباته ويرد له الصوت في بيته
ام سعود: دارين روحي شوفي ناديه ..كلكم تحت وهي فوق ابروحها مع الكوفيره
دارين:يمه الكوفيره طاردتنا تقول ماتبي احد يزعجها خلوني اشتغل برحتي
ايمان بلعانه:قومي خلينا نشوف العروس اخاف راعية الصالون العبت في مكياجها
وتعرفين انتي ناديه بتلعن خيرها ...وراعية الصالون معروف عنها شرانيه ماتفاهم على طول تطقها....تحصلينها تهاوشت معاها ولاحد درا عنها...يمكن صاحبة الالون اذبحتها
ام سعود: ياويلي على بنتي
ام ناصر : صدقتيها
ام سعود قامت بتروح تشوفها
دارين جلست امها: يمه ماتعرفين سوالف ايمان خراطه ...بروح اشوفها
ايمان : بجي معج افرقهم
الكل: ههههههههههههههه
حمدا ن بحضن جدته قال: يدوه وين بابا
ام سعيد: بالمجلس مابعد راح العرس روح سلم عليه
شيخه هذا اللي كنت خايفه منه المواجهه
ام سعيد: شيخه وين رهف
شيخه:كانت اهني قبل اشوي ترقص ..وسخت ملابسها بالحلاو ..وخذتها اشغاله تغير ملابسها
.
.
.
.
في غرفـــــة ناديه
الكوفيره تسوي لها المسات الاخيره بشعرها
ناديه مكياجها اسموك وحاطه روج احمر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك