بداية الرواية

رواية ودعتك الله يا زمان المراجيح -2

رواية ودعتك الله يا زمان المراجيح - غرام

رواية ودعتك الله يا زمان المراجيح -2

بـومتعب:هههههههه يآحليلهم يصلحون لبعض
بوتناهيد:وانت صادق
تنآهيد ببينها وبين نفسها:وش ذا الي يصلحون لبعض على كيفكم انتوا يآالله ام الاحراج
طلعت وهي تركض ومنحرجه
أم تناهيد:أوكي أجل لإسبانيا
أم متعب:إيه على الاقل نطلع شوي من هالحر
أم تناهيد:وش إسبنيته لالا حر حر نغيرها
أم متعب:أجل وين ؟
أم تناهيد:شوفي ؟؟ .. أممم شرايك بروسيا
أم متعب:يآويلي تبيني اموت لاوالله مااروح هناك
أم تناهيد:أجل وين ؟
أم متعب:تعالي ياتناهيد
تناهيد:هلاخالتي
أم متعب:هلافيك .. بس وشرايك وين تبين نصيف هالسنه ؟
تناهيد:براحتكم
أم متعب:قوليلي مكان بارد ودافي يعني حليو
تناهيد:سويسرا
أم تناهيد:إيه والله صادقه
أم متعب:أجل خليني أقول للشيبان
~
وهـج جالسه على المسن مع حمد
حمـد:
تصدقين انك قمر ؟
وهـج:
إيه
حمـد:
شفيك كيذا ردودك بايخه ؟
وهـج:
مدرِي
حمـد:
أتوقع ماتبيني
وهـج:
إكيد
حمـد:
انا احب شكسبير لأنه قال إذا تجاهلك إنسان فأعرف انك أهم شخص عنده < لبى قلبك ياشكسيبر
وهـج:
حلو
حمـد:
طب وش رايك بالقرد اليوم هع
وهـج:
شسبهلك
حمـد:
هع والله حتى انا شفت غزال شسبه لك
وهـج:
بس انا احلى
حمـد:
لاهواحلى
أسمعي بقولك سالفه
وهـج:
قول
حمد بدأ يسولف ويقولها موقف صار له
وهي تتخيله كيف كان شكله رزه ويهبل وكشخه صدق يجنن


ليه كل ماامشي دروب ترجعني لدربك
في النهايه والاخير لازم تعرف اني موت احبك

ألتوقعإت:
تناهيد ومتعب لهم مستقبل مع بعض ؟
وهـج صدق خسرت التحدي وبدأت تحبه ؟
سآمي وش قصده كل ماشاف وهج مدحها ؟ .. حب لها ولاعشان يموت فيها زياده حمد ؟
*
كلكم قلتوا 4 سنوات حمد يحب وهج خطأ مو 4 سنوات
هو بس شافها واعجبته يعني زي ماتكون شفتلك شوكولاته
واعجبتك بالتي في وبعدين تلقينها مع وحده من خوياتك وتقولين لها ممكن تيبين لي مثلها
بالعربي والمختصر يعني قال بنفسه لوجمعني القدر فيها مره ثانيه مومخليها تضيع من يديني

شف كيف قلبي
قبل اجيلك..
حضر لك!
عليك يسبقني
وأنا مابعد..
جــيــت!


ألبآرت الثإلث (Regret)

ثاني يوم لما سافروا
وهـج تناظر ألرجال الي جنبها بتقزز وتقول بنفسها:أكييد أكييد اسمه وليد ولاشلون جا جنبي يآربي شسوي الحين
هذا شكلوه هندي .. ألله يقلعه بس أفف سجآوي وينها يآرب ؟؟
سـجى جنب سآمي طبعا هي كانت قايله له وقاعده تسولف معاه
ومتعـب جنب بنت ويقول بنفسه:والله لوشافني ابوسهتل وبوشليوح وربي لأدج ألله يستر بس خلني اتلثم بس
أول مامر عليه واحد فلبيني من اهل الطياره جرسون بالعربي
الفلبيني:إيس فيه بابا انتا سوي كيدا ؟
متعـب يصرف:هااه .. في ريحه هينا
ألبنت الي جنبه تناظره مقهوره من حركته السخيفه
تنآهيد جنبها بنت اسمها تهاني وطاقتها سوالف وهرج معها
حمـد جنب رجال طبعا زي اسمه
والكل في مكان
بعـد مرور وقت من الزمان هع
متعب تعب من الجلوس وقام يتمغط:أففف هينا مافي شاهي كله عصير جوافه
ألبنت تناظره وهي ميته قهر طبعا اسمها مي:لك شبك
متعـب:شبآك ؟؟ منو ألي فتحوه ؟؟
ألبنت(باسكال):لك يبعتلك حمى
متعـب:سجى ؟ .. وش درآتس عنها انتي ؟
باسكال:أوووف
متعـب جلس:يآخي سماجه أوووف مسويه نفسها دلوعه
بآسكآل:شبك انتا ؟
متعـب:أنتي جداوبه ؟
بآسكآل:شوجداوبه عمى بعينك الله يبعتلك الحمى أوووف
متعـب:تقربين لنور ولميس انتي ؟
بآسكآل طنشته وتناظر للجه الثانيه وتبتسم لـحمد وحمد خايف ويناظرها
وهـج:لوسمحت
وليـد:أمري
وهـج:ممكن تشوفلي المضيفه هينا ولالا ؟
وليـد ناظر:أمم لاموموجوده
وهـج بينها وبين نفسها:دا شكلوه بزر يآلله فيه شبه من شخص .. ؟؟ .. أممم متعب ؟؟ .. لالا منو ياربي؟؟ .. يمكن .. حمد إيوه صحيح يشبه له
وهـج:حبيبي انتا عندك أخو اسمه حمد ؟
وليـد:إيوه من إبوي
وهـج:أها .. طب ألحين منو ألي جاي معاك ؟
وليـد:أمي وابوي وخواتي الصغار .. ليه انتي وش دراكي عن حمد ؟
وهـج بعد ماضحكت ضحكه خفيفه ونذله:زوجته بالسر
وليـد:أيش ؟
وهـج:ألي سمعته ههه
~
بعد كم يوم لما وصلوا لسويسرا
وهـج نطت تبي تطلع وأول ماجت بتمشي شافها حمد بس عرفها ووليد سحبها وطاحت بحضنه
وهـج قامت بسرعه:ياقليل الادب ماتستحي انت
وليـد:هههه لالامااستحي
حمـد:وليدوه شسويت بالبنت انت
وليـد:قصدك زوجتك ؟
وهـج راحت تركض بسرعه قبل ينكشف امرها وهي تضحك
حمـد:أي زوجه ؟
وليـد:هذي .. والخبر حيوصل امي
حمـد:الله يرجك ياوهج وش هالمقلب السخيف
وليـد:ماقلتلي يآحلو أحظر زفافك
ورآح وزطنشه
سآمي:شسالفه ؟
حمد:تعال شوف السخيفه وهج لعبت بمخ وليد وقالت اني زوجها بالسر
سآمي يبي يوهقه:والله مبروك مبروك هع هع
حمـد:وخر انت الثاني بس
أول مانزلوا كانوا في جنيف وحجزوا لهم فندق مرتب
متعـب:يمه أسمعي انا ابي اروح للبر
أم متعب:وش بره بسويسرا
متعـب:ذاك المكان الي فيه هايدي
تناهيد:إيوه صح الطبيعه في سويسرا حلوه خلونا ناخذ بيت في جبل ولاشي نفس كيذا
متعـب:إيه صح وبعد جيبوا خرفان
وهـج:ماما وين بابا ؟
أم تناهيد:ماراح معنا
وهـج:إيش ؟؟ .. إلا اناشفتوه اليوم الصباح ؟
أم تناهيد:ابوك وعمك راحوا لأمريكا
وهـج بهمس لـ سجى:رآحوا يكيفون هع هع
سجـى:شي مهم هع هع
متعـب:انا اقول تجيبون لي خروف وعنز وبعير وابي بعد حيا وضب
أم متعب:أسكت انت
متعـب:أففف لواننا طالعين للـألربع الخالي مواحسن
وهـج:أنت اسكت
متعـب:وجع لاتكلمين الأكبر منك كيذا
أم تناهيد:اسمع انتي وياها ووياه ووياها الحين كل واحد ينقلع لجناحه وترتبون شناطكم وبعدها نطلع
طبعا بعد الحوسه والفغيصه والهبال ووين جزمتي واحد شاف جوالي ووشنطتي وهيك حاجات ناموا شويآ وبعدها إجتمعوا
ام تناهيد:وين نروح
متعب:للبر
تناهيد:للملاهي
سجى ووهج:شوبينق ؟
أم تناهيد:ماسألتكم انتوا وين نروح يآأم متعب ؟
متعب:للبر
أم تناهيد:موب انت امك
أم متعب:للمطعم من جيعانه انا
أم تناهيد:اجل شوفي ذا مطعم قريب اسمه كورينهولي
أم متعب:أجل يلا
ولبست أم متعب وأم تناهيد تنانير طويله وحجاب طبعا
أم متعب:انتي وياها وين العبايه والغطى
وهـج بعيونها البرئيه:ماما خالتوا إحنا رايحين مع بعض وبعدين شنو ألبس غطا وهيك حاجات يلا تونا بزرات
إم تناهيد:يآام متعب خليهن وغدان توهن
إم متعب:مدري يعني اشوف فيها غلط وحرام
أم تناهيد:أقول اهجدي بس (وناظرت بنتها تناهيد لابسها جينز طويل ووسيع شويه وبلوزه لتحت الركبه وسيعه وشيله ورديه)شلابسه انتي يآفوزيه الدريع
وهـج وسـجى:هههههههه حلوه حلوه
تناهيد:ماما حراام وبعدين لاتقولين إحنا مو بالسعوديه حتى ولو حرآم
أم تناهيد سكتت عنها وطنشت وسجى ووهج جابو العيد
وهـج لابسه جينز أسود سكيني
وبلوزه بيضاء على الصدر وعليها جاكيت قصير ومن عندالايادي طويل وشعرها الاسود فاتحته ورابطه خصلتين بشباصه بيضا وشكلها طالع مره كوول
واما سجـى ذي لازم تكشخ كشخه مو طبيعيه قدام سامي لأنها واعدته لآبسه جينز أسكيني لونه وردي وبلوزه رصاصيه كت وعليهآ جاكيت فضفاض شفاف لونه أبيض وربطه لونها وردي فيه دوائر بيضا
وشعرها البني فاتحته هوا لأخر ظهرها اقصر من شعر وهج ألي فوق ركبتها قصة شلال وهيآ سجى قصة فراوله طبعا فاتحته وحاطتها على جنب ومسويه لورات بأخر شعرها
وهـج:يلا ماما .. وين ماما
متعـب:إمشي انتي وياها امي راحت مع امك ومعهم تناهيد
سجـى:أوفف يلا يلا
بعد مانزلوا متعب وقف تاكسي
ألتاكسي:
Where do you want to go?
(امروا شبغيتوا)
متعـب:هااه ؟
سجـى:قوله يودينا للمطعم ذاك ألي تقوله امي
متعـب:ودنا للمطعم ألي فيه أمي
وهـج تدفه:وخر بس
Can you take us to a restaurant Korinholi
(تقدر تودينا عند مطعم كورينهولي)
السآيق:
Please
(تفضلوا)
بعـد ماركبوا
متعـب:أحلى ياوهج تعرفين تتكلمين عنقليزي
سجـى:انت انطم وش تحس فيه وانت تقول تقدر تودينا عند امي وش دراه هو عن امك
متعـب:أنطمي انتي ..
بعـد مانزلوا وحاسبوا دخلوا ولقوا العايله طالبه وخالصه
سجـى:وهووج ذاك سموي
وهـج:وحمد معاه ووليد بعد هع
سجـى:أي وليد ؟
وهـج:ههههه ذا قصته قصه بعدين اقولك
سجـى:وهج قولي
متعـب ببرود وعربجه:يمه وين الاكل
أم متعب:أسكت فشلتنا الحين بيجي
متعـب:أوووف أخلصوا علينا بسرعه
أم متعب:أسكت بس فضحتنا
(وبعد ماجابوا الاكل وكلوا طبعا سجـى تناظر بسآمي وسامي يوم زهق منها قعد ياكل مع اهله واهل حمـد ووهـج تاكل شويه وبعدين تتأمل حمد)
وهـج بينها وبين نفسها:ياحرام ياحمد قسم رحمتك ياقلبي كيف جايه امك ذي (وانتبهت على وليديأشر عليها)ألله ياخذه ذا شفيه مايفهم مقلب اوووف الحين بتسألني وانا عند امي
قآمت
أم تناهيد:وين رايحه انتي ؟
وهـج:للحمام
رآحت تركض وهي تناظر وليد بكل حقاره وام حمد رآحت وراه وحمـد يناظرها بقهر
حمـد:وليدوه ذي مااعرفها وش فيك
وليـد:إيه إيه انا الي اعرفها
سآمي:شفيك انت سخيف كيذا حمد مايعرفها
أم سامي:وش فيكم عليه خلاص خلوها تروح وتعرف إذا هي زوجته ولالا
وليـد:ياخاله روحي مع امي اخاف تسويله شي ذا البنت
أم سامي:أجل بروح يلا
وهـج بالحمام تناظر بنفسها وتمدح
أم حمد:هلاوالله بمراة حمد
وهـج سوت نفسها اجنبيه:وت ؟ (وشو) ؟
إم وليد :وت هااه ؟؟ .. طيب طيب انا اروح أسأل اهلك إذا اجانب ولالا
وهـج مسكتها:وش تبين انتي ؟
أم وليد:شبي هااه ؟؟ .. أنتي زوجة حمد
وهـج:أي حمد ؟
إم وليد:حمد زوجك
وهـج:ماي هازبن ؟؟.. أنا مو متزوجه
إم سآمي:بتقولين ولاشلون ؟
وهـج:وش اقول يعني اكذب مااعرفه
إم سامي:قولي بس واخلصي
وهـج:اسمعي انتي وياها انا حمدكم ذا مااعرفه بس ألي اعرفه ان لووحده منكم قربت مني انا وهج المحمد مايحصل لها خير
طلعت وشافت وليد وراحت وقفت عنده:انت ياحمار موقفك ذا زي وجهك وماله داعي خبال
سجـى يوم شافتها رايحه عندها شرقت وقعدت تحاول تلهيهم
وهـج جت وجلست جنب سجى وهي معصبه
سجـى بهمس:وهج
وهـج بعصبيه ملت المكان والكل بدأ يناظرها:خيير ؟
متعـب ماهمه احد:لوسمحت انت هييه جبلي خمر (ناظر امه ألي بتذبحه)لالا خلااص امزح لاتجيب لي
أم تناهيد رآحت جنب وهج:شفيك
وهـج:مافيني شي
متعـب ياكل بشكل عربجي:انا ماقلت لكم لواننا رايحين للبر كان احسن والله تشم الهوا وتقدر تعيش وماتختنق
وهـج ضحكت غصب عنها:ههههه الله يرجك ياميتو
أم متعب:مافيها شي تلقينها عصبت شويه
وهـج:صح بس زلقت وتفشلت هع
إم تناهيد رجعت مكانها:وانا خفت عليك
وهـج:هههه ماما إذا بتخافين على احد خافي على هنووده أنطرمت من يوم جت هينا وتتأمل اللوح
إم تناهيد:خليها ذي تناهيد:إفف
وهـج تاكل وتناظر إم وليد بقهر
سجـى:وهج انتظر منك تفسير للي صار اليوم
وهـج:ماما ممكن نطلع برى انا وسجى
إم تناهيد:طيب بس لاتبعدون
بعد ماطلعوا وقالت لها وهـج القصه طلع سامي وحمـد ووهج قبل ماتدخل قاله حمد:
مفروض انا الي اعصب من كلامك السخيف عارفه ان عندي ام ابو تبي تذبحني ورايحه تكذبين على ألد أعدائي طبعا اخوي شي يضحك والله
وهـج عصبت جد:أقول انقلع منو ألي يبغى يتقرب من الثاني انا ولا انت ؟؟
حمـد:انا قلت ابي حبك ماقلت ابي خرابيط نفس كيذا ومقالب مالها داعي انتي فاشله بالمقالب ياوهج
وهـج:لايآخفيف الدم عاد انت وربي اسخف مخلوق شفته ألشرهه موعليك الشرهه علي انا الي وقت فيك يالمجرم
يعني ذابح ابوك وش تبي تسوي بعد
حمـد عطاها كف سكتها:احترمي نفسك واختاري ألفاظك زيين
وهـج حطت يدها على خدها تحس بحرارة الكف:تضربني ياحمد من تكون عشان تمد يدك على وهج المحمد ؟؟ .. بس قسم مااعديها لك
حمـد:شبتسوين يعني ؟؟
رآحت تبي تدخل وهو بعد وتضاربت كتوفهم
وهـج:أييي
حمـد:عمى
وهـج:وخر انا اول
حمـد:وش الي اول انا اول
وهـج:أيش أيش
ناظرت بعيونه شوي وهي مقربه من جسمه كثير وماقدرت تكتم ضحكتها وحطت يدها على راسها ومكست صدره تبعده عنها لأن المكان كان كثير ضيق:هههه سخيف
حمـد مسك يدها وحط إيده على خدها:والله انا احبك بس نرفزتيني
وهـج بهمس:سوري حمد
سآمي وسجـى يصفقون:احلى يالدراما
وهـج:سخيفين
ودخلت
حمـد:الله يرجكم ماكان وقتكم كان خليتونا شويه
سجـى:حمود تري وهوجآ بدأت تحبك
دخلت وهي فرحانه
متعـب:شفتي ياوهج لاطلع
قاطعته تناهيد:شرايكم نروح لمدينة برينز ؟
أم تناهيد:ووشي ذي ؟
تناهيد:هذي مدينة حلوه يعني بسيطة موفخمه
إم تناهيد:روحه لهناك مورايحه
سجـى خطرت في بالها فكره خطيره:ماما شنو رايك نروح إحنا ووهوجه وتناهيد لهناك ونسكن كم يوم وبعدها نجيكم؟
إم متعب:لحالكم لا
إم تناهيد:خليهم عندهم إرقامنا ويعرفون إنقليزي ماعليك منهم
وهـج:خلااص اجل بكره نروح
متعـب:وانا بروح لجبال الالب بدور ضبان ؟
إم متعب:والله من يوم شفت ثوبك الاصفر غسلت يدي منك
متعـب:أفا ياذا العلم افا يايمه حتى انا شفت ثوبك الاصفر وماغسلت يدي
إم متعب:قوموا بس
بعـد ماقاموا وراحوا للفندق
وهـج:ماما بنروح للملاهي
إم تناهيد:وينها ذي ؟
وهـج:قريبه من هون ملاهي مائيه بلييز ؟
إم تناهيد:روحي
وهـج:بس أقنعي إم سجى ؟
إم تناهيد:يامنيره بخلي سجى تروح للملاهي مع وهـج
إم متعب:أيش أيش ؟؟ .. لالا ينخطفون ولاشي
إم تناهيد:انتي لازم ينشال من عندك إمبيسي ماكس عشان تبطلي شوفت افلام هنديه
روحي انتي وياها وماعليكن
طبعا طلعن ولبسن بالطوا لفوق الركبه من حرير ناعم مره اسود لوهج ووردي لـسجى لأن الجو كان بارد مره
سجـى:وين نروح يآوهج ؟
وهـج حافظه سويسرا زين:أمشي بس خلينا نتمشى من جدك انتي ملاهي حتى ممكن ماتكون مفتوحه الحين الساعه 1ونص
سجـى:أجل وين نروح ؟
وهـج:أمشي نروح للبحر
سجـى:يلا
بعد ماوصلوا له وجلسوا
وهـج:سجوج أنا بصراحه بعترفلك إعتراف خطير
سجـى فهمت عليهابس فيها نذاله:وشو ؟؟
وهـج:أنا حبيت
سجـى كملت شغل النذاله:ميين ؟؟
وهـج ترمش بعيونها وتقول بدلع:سآمي لبى قلبه
سجـى ضربتها:سخيفه
وهـج:مين غيره يعني ؟؟
سجـى تكمل النذله:وليد
وهـج:لاشخص تعرفينه ؟
سجـى:افا ماتوقعت هذا
وهـج:حتى انا ومابيك تقولي لأحد
سجـى:أفا تحبين ذا العربجي متعب ؟
وهـج:مين متعب لالا
سجـى:أجل السايق ألي وصلنا
وهـج:سجو شفيك ؟
سجـى:مافي غيرها واحد من هالسويسرين ؟؟
وهـج:سجى تكلمي جد
سجـى:ميين ماعرفت
وهـج:حمد
سجـى والإبتسامه شاقه حلقها:اي حمد ؟؟
وهـج:سجـى
سجـى:أنتظري لي هينا شويه
وخلت جوالها وراحت بعيد
وهـج تناظرها:مجنونه ذي جالسه هناك شفيها
حمـد:حرآم ها عشانها بتخلينا لحالنا
وهـج فزت:مين ايش ؟
حمـد:هينا هينا بالجوال هههه
وهـج:حمد ؟
حمـد:إيوه حمد قسم إعجبني الكلام الي قلتيه من شوي
وهـج إستحت:يؤيؤ انت من متى معنا ؟؟
حمـد:شوفي ياقمر انتوا وينكم ؟
وهـج:ليش ؟
حمـد:عشان بجي !
وهـج:هااه ؟؟
حمـد:خلاص خلاص سامي قالي
وهـج لفت وشافت سجى منسدحه وتكلم سآمي:ألله يرجها
حمـد:ههه دقايق ونكون إحنا العاشقين عندكم هع
وهـج:أنتظرك
صكرت وبدأت تفكر:شفيني انا ؟؟ .. بيوم حبيته ؟؟ .. مومن طباعك ياوهج تحبين ؟؟ .. يعني كسب ؟؟ .. لاوالله مااخليك كيذا تكسب ياحمد
قسم مااعديها لك أجل انت تفوز علي صحيح احبك بس لازم افوز عليك
بعـد ماوصلوا
سآمي يناظر وهج ويقول بنفسه:الله يكرهك فيه يارب وش ألي خلاك تحبينوه وانا طيب مواحلى منه ؟؟ .. أوووه لهدرجه ماتبي ت .. (فصل)أووه ياسعودي هع .. نرجع لوضوعنا لهدرجه ماتبي تخون خويتها طسي بس
سجـى:ألوووو سآمي
سآمي:هلا
سجـى بدأت تشك:سآمي وش الي بينك انت ووهج ؟
سآمي يرقع:لا بس خايف على حمد
سجـى سحبته:خاف على نفسك مني
سآمي:يآلبى قلبك الحين لويصير اي شي طبيعي قدام السويسرين موعندنا بالسعوديه هع
حمـد:انتي عندك إنفصام بالشخصيه ؟
وهـج:لاماعندي
حمـد:اجل ليش ناديتيني واحبك ومدري وشو واخر شي بعد عني ؟؟
وهـج:بس كيذا أبي اتعبك
حمـد:صدق انك نذله
وهـج:وخر بس تبيني اعدي الكف الي اليوم
حمـد:اه على الكف يعني ؟؟ .. تستاهلينه ذاك ياحيوانه
وهـج:مالحيوان الا انت والي جابوك
حمـد قرب منها ومسكها من بلوزتها:أسمعي وهج أنا كل شي عادي عندي الا انك تسبين امي وابوي الله يرحمهم
ولاتظنين سكت لك يعني خلااص انتي قويه اصلا انا متعود على كيذا الكل مايحبني ويعاملني بجفاء وشي طبيعي يصير هالشي منك انتي
جا بيروح بس وهج مسكته من يده وبعدين سحبتها بسرعه وخافت
حمـد لف عليها ميت قهر:وش فيك انتي ؟؟ .. على بالك انا لعبة عندك إذا بغيتيني جبتيني وإذا ماتبين تهاوشين ماراح اسمح لك تعيدين نفس المقلب الي اليوم كافي مقلبين غبيين منك يآلمغروره
رآح وتركها
سجـى:سآمي روح شوف حمد شكله زعلان من وهج مدري ليش ووهج بعد نفس الحاله
سآمي يناظرهم وعاجبه الوضع:خليهم خليهم كيذا هم يتزاعلون ويرجعون لبعض خلينا مع بعض الحين إحنا
وهـج:سجـى تعالي
سآمي:ماهي جايه بتقعد عندي
حمـد:سآمي بتجي معي ولااروح ؟
وهـج ناظرته بحقد:ناس وعالم غبيه
حمـد:يآربي يالناس المتعقده تبي تثبت وجودها بس ماهي عارفه كيف وتسوي مقالب سخيفه نفسها (لف عليها مقهور)يعني وش تبين اضحك على مقالبك البايخه نفسك هاهاهاها خلااص اتركيني
وهـج:مين الي يترك مين ؟؟
حمـد:يآحوول ألحين بتسوي حالها تمون لأني بس اعجبت فيها شكلك موشايفه خير انتي ولاعمر احد حبك وبديتي تسوين نفسك يعنني وتتغلين ... أسف يامدام لأني اعجبت فيك لأن امثالك ماهم كفو احد يشوفهم حتى
وهـج:أيش أيش ياليتيم صدق انك مجرم بس لازم اسكت عنك لاتغرقني الحين زي ابوك
حمـد مسها من شعرها:أنتي حماره ولاوشو ؟؟ ..كم مره اقولك لاتجيبين طاري اهلي على لسانك
وهـج مسكت يده وبدأت تخاف:تكفى هدني
حمـد:اهدك ؟؟؟ هههه ليه ؟
وهـج تبكي خايفه من انه يغرقها:حمد تكفى وربي اسفه مااعيدها بس اتركني
حمـد يناظرها ببرود طبعا ماكان في احد وهم ورا صخرا كبيره
وهـج:أهئ اهئ توجعني
سجـى:سآمي اتركني بروح أشوف وهج
سآمي:أتركيهم مع بعض يعرفون يتفاهمون
سجـى:وش الي يعرفون يتفاهمون ؟؟.. من جدك انت اتركني
رآحت لها تركض
سجى:حمد بعد عن وهج
حمـد دف وهج بقوه على سآمي:أيش أيش ؟؟ .. مين ألي بدأ الي\حين مكلمتني وقايله احبك ومدري وشو وبعدين تجيبني من هناك لهينا وتخليني اثير الشكوك عند اهلي اخرتها تهزأني مااتوقع هذا الشي راح يسرك لوسآمي سوالك كيذا ؟
سجـى:أوكي بس كل شي بتفاهم حلو
حمـد:إذا انتي ترضين كرامتك تنهان انا ماارضى ياسجى
وهـج:انا اسفه
حمـد:يآبنت طسي بس من متى تعرفين تتأسفين انتي بس تذلين وبعدين تسوين حالك الرقيقه


أخطـــيت؟!
و مسامح
وجيت..
أعتذر لك!
بالـلـه من يقدر!!
يقول أنك..
أخطيـــت!


توقععآتكم:
حمـد شوبدو يعمل مع وهج بيحبها ولالا ؟؟
وسآمي وش نوايه الداخليه يعني ليش مايبيهم يتصاحبون ؟
وألاخت سجـى لودرت شوبدها تعمل ؟؟


في إنتظار طلتكم ألححلوه يً سكرين


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -