رواية غلطه وبندفع ثمنها السنين -32
(سلطان ماحب يقول حق شهد ان امه شارطه عليهيترك مساعد وهي ترد البيت )
في الكويــــــت
بيت ام ناصر
الساعه8 مســـــاء
فهد مارد البيت وقت الظهر كان الديه غداء عمل
طبعا اليشخ ماخبر ناديه راشد اللي قالها
ناديه ودارين ام ناصر بصاله يالسين
اشوي انزلت عليهم هيونه كاشخه ومتزينه
ام ناصر عندها خبر ان البنات معزومين عند خوالهم
دارين: على وين كل هاي الكشخه
هيونه: معزومه عند خوالي........انتي ليه مالابستي وتكشختي
ناديه تضحك: ليه بتأخذيني وياك العزيمه
ام ناصر:انتي مو معزومه عند ام وضحه.
ناديه: منو قال؟
هيونه: ريم تقوله من كلام امي .
اشوي انزلت ريم قالت : اسمع اسمي
ام ناصر:جدتك عازمه ناديه على العشاء
ريم: ايه.. امي قالت حق فهد يقول حق ناديه انها معزوم على العشاء عند خوالي.
ناديه انقهرت من فهد : ماقالي
ام ناصر: تحصلينه نسئ يقولك ..وانشغل بشركه ...يالله قومي تجهزي
ناديه :يمه وين التجهز مايمديني ...كملت وهي مقهوره من فهد ..وانا اصلا محد قالي خلي فهد يعتذر منهم .. وطلعت فوق بجناحها
اشوي دش فهد وراشد
فهد شاف خواته كاشخين : ماشاء الله مستعدات
ريم : ننطرك تودينا عند خوالي
فهد وهو يجلس على الكنب : ناديه اجهزت
ام ناصر: وين تجهز ...محد قالها انها معزومه
فهد مو ناسي...اصلامتعمد مايقولها..قال بخبث : يوووه نسيت على بالي اني قلت لها
هيونه ملت من الانتظار: وذلحين اشلون ناديه بتروح ولا لاء
ريم: ماسمعتيها قبل اشوي شنو قالت مو رايحه
فهد يفتن: مو على كيفها ....بتروح
ام ناصر تهدي الوضع: مايمديها تجهز حالها...روح انت وخواتك لاتأخرون على خوالكم
فهد بعناد: لها ربع ساعه مايمديها تجهز ....وطلع فوق عند جناحه
دارين وراشد يترقبون الحدث بصمت
دارين حاطه يدها على قلبها ..الله يستر فهد معصب وناديه عنيده
.
.
.
.
.في جناح فهد وناديه
فهد دش الجناح حصل ناديه جالسه بصاله
فهد راح لها بصاله
فهد يطالعها من فوق لين تحت كانت لا بسه بنطلون جنز وبلوزه طويله لين نص الفخد : اشوفج مالبستي
ناديه تستعبط تطالع ملابسها اللي عليها : هذاني لابسه
فهد : بلا استعباط...يالله تجهزي لاتاخرينا على العرب
ناديه انقهرت منه ماعطاها خبر وذلحين جاء يقول لا تأخرينا: محد عزمني عشان اروح
فهد :هذاني قلت لج ....
ناديه توقف من مكانها :لا والله احلف...جايني بهذي الحزه تقولي معزومه..
فهد بصوت اشوي عالي :لج ربع ساعه على ماتجهزين
ناديه بعناد:لا ربع ساعه ولا نصف ساعه مو رايحه بيت خوالك
فهد شكلها مراح تعدي اليله على خير : ليه ماتروحين بيت خوالي ليكون مو من مقامج
ناديه صدت عنه عطته ظهرها ومشت خطوتين
فهد وصل حده من الغيض ..تعطيني ظهرها ...مسها من الذراعها ولفها بسرعه على جهته قال بكل غضب: لما اكلمج ماتعطيني الظهرج فاهمه
ناديه وجها بوجه فهد شافت عرق جبهته ينبض
ابلعت ريقها خافت منه وهو معصب يخرع
افزعها صوت فهد لاما قال مره ثانيه
فاهمـــــــــــــه
ناديه عورتها مسكت فهد للذراعها قالت بهمس: فاهمه ....بس مورايحه بيت ناس انا مو مرغوبه عندهم
فهد مازال معصب: هذي اللي بتجنني ردت تقول مو رايحه ...انا مأخذ رايج انا امرج
ناديه :انا مو موظفه عندك تعطيني أوامر انا مرتـــــــك
فهد: مرتي ماتعصي امري المكان اللي اروح فيه تروح معي من غير ماتعاندني ...وتركي عنج السوالف البطاله ..شنو مو مرغوبه عندهم ...الله يهداج بس
ناديه بهمس : جدتك لما جاتني يوم الملكه سمعتني كلام اشلون الو اروح لها في بيتها.
فهد : لاتدورين اعذار ...لج عشر دقايق انطرج تحت
ونزل وخلها في حيرتها
ناديه ماابي اروح بيت خواله اكيد العله شوق اهناك وام وضحه مدري شنو مخبيت لي ....
طيب يافهد انطرني مثل ماوهقتني في العزيمه
دشت غرفتها وبراسها موال
.
.
بعد مرور ساعه
ام ناصر تساسر دارين روحي شوفيها خليها تنزل
دارين قدها بتقوم شافت ناديه نازله ..فتت فمها..موهينه بنت اختي تطرح الطير من السماء ..غمزة لها عين
ناديه لابسه بدله واااااايد شيك ونقت لها احلى عبايه عنده وسوت لها مكياج زادها جمال على جمالها
وريحة العطر تفوح منهااااااااا
ناديه تبتسم حق دارين
ام ناصر: تأخرتي
ناديه بخبث:يمه تبيني اروح عند العرب البس حي الله شي ..انا بنت خالد الراهي مو أي شي
راشد يبتسم وهو يشوف فهد اشلون بيأكلها من نظراته :كفوا يابنت خالــــــــــــد الراهي
فهد شنو ناويه عليه ياناديه على هذي الكشخه ولا العطر اللي دوخني ..زين ريحته ...
فهد شاف ناديه بتجلس على الكنب قال :بعد بتجلسين فوق منتي مأخرتنا
ناديه بدلع : حبيبي مو انا مأخرتك..العتب عليك انت مو انا
هيونه وريم اطلعو قبلهم راحو السياره
فهد وهو يفتح الباب بيطلع
راشد يبتسم: اقري على عمرج يابنت خالـــــــد
ناديه :ههههههههههههه وبعد كذا التفتت على فهد
وهي تعدل شيلتها
فهد فتح الباب مشان ناديه تطلع قبله قال بهمس وهو يطالعها بنظرات تذوب: كل هذي الكشخه وانتي مغصوبه على الروحه..اشلون لو برضاج
ناديه رمت الشيله على وجها واطلعت
فهد جاه اتصال من امه
فهد : هلا .... هذاني طلعت .... انا مأخرهم انشغلت بشركه ..مسافة الطريج
ناديه اسمعت كلام فهد مع امه ابتسمت نه ماقال ناديه ماخرتهم ...مايدري اني خلصت من قبل ربع ساعه ..اعناد في فهد مره ثانيه يعطيني خبر
واركبت جدام
فهد ركب السياره وشغلها
دوخته عطر ناديه اللي انتشرت ريحتها بسياره
فهد: انتي متسبحه بالعطر
هيونه ريم:هههههههههههه
هيونه: عطيني اسم عطرج ..خليني ادوخ ابراهيم
ريم تنقزها قالت بصوت واطي : استحي
ناديه بدلع: لاياعمري هذا العطر مصنوع مخصوص لي
فهد يبتسم: الوسمحتي يامدام هيونه العطورات اللي انا اشمه ماابي ابراهيم يشمها..يعني لا تخذين من مرتي عطورات
هيونه:هههههههههههه
ريم: حتى انا
هيونه: هذي اللي قبل اشوي تنقزني تقول استحي
الكل :ههههههههههههههههه
ناديه تعاند : ولايهمكم العطر اللي يعجبكم اخذوه من غير ماتستئذنون مني ..
فهد ابتسم قال: اللي بتوطوط صوب جناحي احش الرجولها .... كمل وهو يغمز بعينه حق ناديه هذا ملكي الخاص
ناديه يازينك وانت رايق
..................
الامـــــــــارات
في بيت حميد
الساعه 11 مساء
موزه تكلم عمر بتلفون تقوله قصه
عمر بصوت تعبان: ماما بطني يعورني
موزه: ماعليك شر ذلحين بيروح
عمر يتألم
موزه: قول بسم الله وقراء والمعوذات ومسح على نفسك وذلحين بيروح ان شاء الله
صارت موزه تقراء قران بدل ماتقوله قصه
...................
.......................
في الكويــــــــــت
في بيت ام وضحـــــــه
ناديه ارتحت بالجلسه وياهم اخذواها سوالف بعد العشاء
ام وضحه : هذي الساعه البركه اللي جتينا فيها
ناديه: الله يبارك لك
وضحه: خلاص ناديه صارت منا وفينا..
حنان: متى ماجينا على بالج تعالي من غير ماتعطينا خبر ..ماكو رسميات بينا
شوق من يوم داشت ناديه عليهم وهي تتدور الفرصه اللي تشوف فهد فيه
عفراء تكلم هيونه وريم: بتنامون عندنا
هيونه: ايه بنام اهني
ريم: ماقلنا حق امي نوره
عفراء: وليه تقلون لها موب لازم ..انتم عند امكم
شوق: اففففف ام ناصر هذي عجوز النار متحكمه في اهل البيت بشكل فضيع
هيونه: ياجعل النار تحرقج..ترا ماارضا عليها
غاده بنت عفراء: وانتي شنو عرفج
شوق: ليه انتي ناسيه انا كنت مرت فهد
غاده: يوووووه نست تصدقين
شوق: بس انا مانسيت ولا راح انسئ ...عشت احلى ايام عمري معه
ناديه ماتحملت تسب امها نوره.. وتجيب سيرت فهد
..المشكله ماعندي تلفون اتصل في فهد يوديني البيت
ناديه: ريم وين تلفونج
ريم : بشنطتي ..تبينه
ناديه : ولا عليج امر
عفراء بلقافه: لاتقولين ماعندج تلفون..؟؟
ناديه: نسيته بالبيت
شوق تساسر هي وغاده ويطالعون ناديه
اصدرت شوق ضحكه عاليه
:هههههههههههههههههههه
ام وضحه: تبوين تسالفون ابروحكم اطلعو برا
ناديه ابتسمت لانها فشلتهم
شوق اطلعت وهي تكابر انها ماتفشلت
ريم جابت التلفون حق ناديه
ناديه اخذت التلفون ودورت اسم فهد ودقت عليه
فهد بالديوانيه مع جده وخواله واعيال خالاته
فهد: الو
ناديه بهمس: مرحبا
فهد ابتسم: مرحبتين
ناديه نحرجت كل الانظارعليها:اممممممم متى نمشي
فهد: وقت ماتحبين
ناديه يهمس : يالله ذلحين بطلع
فهد: اشوي بدش اسلم على جدتي وامي وخالاتي
ناديه ماتبيه يدخل وشوق اهني :اوكي
وسكرت التلفون
اشوي فهد يطق الباب
راحت له حنان ودخلته
دش فهد وسلم على الكل وجالس اشوي وبعدين قال حق ناديه : يالله نمشي
وضحه: وين تو الناس
فهد: عندكم تو الناس ماوراكم شغله
ام وضحه: انت وراك شغل بس هي ماوراها شي خله تسهر عندنا
ناديه توهقت شنو السهر عندهم
فهد ابتسم بخبث ويطالع ناديه:لالالالا انا مااقدر انام من غيرها
ناديه صار وجها احمر ...قليل الادب
ام وضحه : الله لا يغير عليك
ناديه كانت تضن في ام وضحه ضن السوء ..بس اطلعت خوش مره ...الانسان مايحكم على الظاهر
فهد يطالع خواته: انت له جالسين البسو عباياتكم
ريم: مو رايحين بنام اهني
فهد: قلتوا حق امي
هيونه: لا ماقلنا لها ..اصلا نحن ماكنا ناوين ننام اهني ..بس لما جينا اهني غيرنا راينا
فهد باسلوب أمر : حتى ولو ..استئذنو منها ..
وضحه : فهد شنو يستئذنون منها انا امهم للي الحق عليهم ولا نسيتوني
فهد يحب راس امه: انتي امنا وهي بعد امنا ..وغلط انهم يتجاهلونها ...يعني اذا جيتي نسوا امي نوره
هيونه: لا مو جذي بس انا متاكده امي نوره ماراح تقول لا
فهد: كلموها واستئذنو منها
ناديه اعجبها رد فهد عليهم
اشوي دقوا البنات على ام ناصر
ريم: كلمناها فديتها ماقالت شي
فهد عطى خواته نظره حاره
هيونه وريم افهمو النظره
(عيدو هل الحركه مره ثاني شوف شنو راح اسوي لكم )
فهد قام انا انطرج بسياره وطلع
وهو طالع بالحوش تعرضت له شوق
.
.
.
ناديه تلبس عبايتها وتلف شيلتها
والترخصت منهم واطلعت
.
.
.
ناديا انفجعت من المنظر اللي شافته
شوق تقرب من فهد وهو يوقفها عند حدها بس هي بيعتاها
فهد : صج اللي اختشوا ماتوا
شوق : الله يرحموهم ...فهد لا تضيع اسالفه انا احبك ومستحيل اعيش من دونك
فهد قال باسلوب استهزاء: حبيبتي انسيني انااااااااااا
شوق شافت ناديه قربت اكثر من فهد قالت وهي تبتسم : حبيبي انت وعدتني انك بترجع لي
فهد يبي الفكه منها..هاي شكلها موب صاحيه: ايه ايه وعدتج بس قطع كلامه صوت ناديه
ناديه قربت منهم وهي بتطلع تركب السياره قالت: حبتك القراده انت ويااااااااهااااااا
وطلعت من البيت وراحت السياره وهي ميت قهر
اشلون فهد يخدعها
فهد لاحوووووووووه من بيفهمه هذي بعد
دف شوق بعد ماهزاءفيها وطلع ورا ناديه
.
.
.
]
في سيارة فهــــد
ناديه تبكي بصمت
فهد عرف انها تبكي : ليه تبكين؟؟
ناديه :ابكي على حظي ..........انت مازلت تحبها
فهد: مااحب احد غير ج
ناديه منهاره: كذاب كذاب انا سمعتك تقول لها حبيبيتي انا وعدتج ....توعدها بشنو يافهد
فهد: هي اللي ابلشتني ..قلت اسايرها في الكلام ..ابي الفكه منها....
ناديه تبكي : انا مااحبك اكرهك
فهد : لو انا احبها واعشقها على قولتج ليه طلقتها
ناديه متاكده ان فهد يحبها وهذا شي اكدت لها دارين من كلام راشد ..بس ليه يقول حق شوق حبيبتي ..انقهرت منه
فهد مسك يدها يبي يهديها
ناديه دفت يده : لاتلمسني
فهد غير الطريج وراح مكان خالي من الناس يبي يتفاهم وياها ..ويحط النقاط على الحروف
مرت نصف ساعه
والصمت سيد الموقف
ناديه شافت الطريق مو طريق البيت قالت : وين رايحين
فهد مارد عليها
ناديه زاد خوفها: ماتقولي وين نحن رايحين
فهد يمثل انه معصب بصوت عالي : بتسكتين ولا اشلون
اشوي دش الشاليه
ناديه : ليه جايبني هنا
فهد وقف السياره ونزل وراح صوب جهت ناديه وفتح لها الباب يالله انزلي
ناديه تشوف المكان شبه فاضي : ماني نازله هنا
فهد : ناديه لاتختبرين صبري
ناديه خافت منه وانزلت
ودشو البيت
فهد فتح المبات
ناديه لما دشت البيت نزلت الشيله من وجها اعرفت انها في الشاليه البنات موصفين لها الشاليه اول مره تشوف الشيليه حقهم تسمع فيه بس مااقد شافته ..فهد اللي مصمم الشاليه ومأثثه بذوقه
الجدار من زجاج واللاثاث وايد راقي
المطبخ مفتوح على الصالهوفيه درج يودي الطابق الثاني
انبهرت منه حلووو..ومدرن
فهد جلس على الكنب وزل الغتره من على راسه وهو يشوفها اشلون تستكشف المكان قال: اول مره تجين اهني ؟؟
ناديه التفتت له: اول مره واخر مره
فهد يموت عليها اذ عصبت قال : لا ان شاء الله مو اول مره ولااخر مره ...دامج على ذمتي بتجين اهني واااااايد
ناديه جات على بالها شوق ..اكيد جات اهني مع فهد ..ذابحتها الغيره : كم مره جيت انت وشوق اهني
فهد انصدم من سؤال ناديه ماتوقعها تفكيره منحصر بزاويه مايدري انها غيره : ولا مره ....شافها تطالعه بنظرات تكذبه ...كمل قال..انا احب اجي اهني وااايد ..اذا زاد علي ضغط الشغل اجي اهني اخذ فترة نقاها
فهد قام من مكانه وقرب منها ..وهي مازالت واقفه
قال بنغمه حنونه: انا احب اجي اهني واخذ معي الناس مكانهم بقلبي ..ويأشر على قلبه
ناديه صدت عنه وبعدين تذكرت شنو سوا فيها الما صدت عنه ردت البسرعه تطالعه
فهد كتم ضحكته ...تعلمت الدرس. قرب منها حيل ومسك يدها الثنتين وحطهم على صدره : احبج والله احبج ..ومحد خذا عقلي وقلبي غيرج ...
ناديه تكذب على ..صدقت اول مره بس مستحيل اصدقك مره ثانيه قالت بلاعانه: وشوق شنو اخذت منك؟؟
فهد ابتسم سبحها وجلس وياها : اخذت مني اللي انتي مااخذتيها
ناديه بستهزاء: اخذت منك الساعه ..
فهد: ههههههههههههههههههههههههههه
الساعه مسوي لج مفعول
ناديه تطالع قبل اشوي معصب وذلحين انقلب حاله ..
فهد: حدتيني اقولج علاقتي بشوق وانا ماابي اقولها لج ولا الغيرج ..بس انتي شكلج مابترتاحين لين اقولج شنو نوعيت العلاقه بيني وبينها ...بس اول شي نزلي عبايتج
ناديه : ليه البس وانزل خليها علي ماراح نطول اهني
فهد يبتسم: لا بنام اهني
ناديه تلتفت حوليها:المنطقه مهجوره
فهد: من بعد الله .. دام معج الذيب لا تخافين ..
ناديه نزلت عبايتها
فهد يتأمل بشكلها رهيييبه البدله مفصله جسمها والصدره الظاهر بشكل مغري
ناديه وهي تجلس: يالله قول اسمعك
فهد بخبث : ليه جالسه بعيد عني تعال قريب .ويأشر على حضنه
ناديه قليل الادب : لالااهني مرتاحه
فهد: اممممممممم علاقتي بشوق مثل علاقتي بخواتي ..ماكنت مبسوط معها مو متقبله في حياتي ..مع هي مو مقصره بحركات الاغرائات بس سبحان الله القلب اذا صد صد ..مشان جذي مافيني اظلم نفسي معاها ..طلقتها
ناديه ماتت بس فكره الاغرائات اذبحتها..شد انتباها اظلم نفسي؟؟ : تظلم نفسك معاها!!!
فهد :لمااعيش مع وحده و قلبي وعقلي معج
ناديه :واضح معي ..دشيت عليكم هذاك اليوم وهي تأكلك..
فهد:هههههههههههه ..عمري ماعطيتها وجه الاهذاك اليوم ..مقرود مقرود...بقيت اغصب بالحلو
ناديه اسئله ولا لاء بسئله :اممممم ليه تزجت شوق دام انك تحبني؟؟
فهد شنو اقولج اخدعوني ..:قلت لج من قبل الزمن رمها بطريجي
ناديه :اممممممم
فهد شافها مااعجبها ردهـ قال وهومتضايق من هذي السيره :اااااااااااه امي حدتني عليها ...كله تقولي اخذ شوق وانا ابتسم لها ابيه تيئس مني ولاتفتح معي السيره ...اممممممممممممم فجئتني بخطبيها لي من شوق
ناديه لاحظت عليه تضايق
فهد: سكري الموضوع مااريد الفتحه مره ثانيه....
وعلاقتي بشوق مااريد احد يعرف فيها..خليها بينا
اشوي اسمعوا صوت ضرب باب قوي
ناديه انقزت الا وهي بحضن فهد
فهد:ههههههههههه اسم الله عليج
ناديه : وش ذا؟؟
فهد:شكل برا هو قوي وهذا صوت الباب نسيت ماقفلته
ناديه تقوم من حضنه وتجلس جنبه
فهد يبتسم:لا وين مرتحين
ناديه صار وجها احمر
فهد فديتها: خلاص تحقيق
ناديه تبتسم: لا.. شنو اللي عطيتها وما عطيتني اياه
فهد:انا هلا ايام ودي اعطيج اياه
ناديه: شنو اللي يمنعك؟؟
فهد: قلبــــــــي
ناديه مافهمت عليه
فهد:اممممممم شوق استفزتني طعنتني برجولتي .......شنو تتوقعين مني ارد عليها.....كف على وجها
ناديه تمسك خدها احححح يعور..هذ مسكته تعور اشلون كف
فهد:هذي اللي عطيتها وماعطيتج اياه
ناديه بدلع : حرام عليك مسكت عورتني اشلون كف...والله مااجلس عندك ثواني ....
فهد مسك يده وقبلها بعمق قال:جعل يدي تنقطع اذا رفعتها عليج ...والو انج هلا ايام تنرفزيني وتعصبين فيني ...بس شنو اسوي قلبي مايطاوعني امد يدي عليج..اقوله هدني عليها يقولي هذي نديه اللي تحلم بها من سنيين
ظلوا يتبادلون النظرات ثواني
فهد : طفى الشوق للي فيني ...وبوسيني ...ياشرعلى فمه
ناديه ولعت من الخجل قالت بهمس: مابي
فهد بخبث يطالع من وراها بنظرات دهشه
ناديه خافت من نظرات فهد شنو يطالع وراها..يمه ليكون جني
فهد بعياره فتح فمه وقال بصوت عالي:ااااااااااا
ناديه الصق فيه والحضنت خصره وحطت راسها على صدره
فهد:ااااااااااحبج
ناديه عرفت انه يلعب عليها ..تضرب من عند صدر بخفيف: طيحت قلبي
فهد: هههههههههههه شنو اسوي اطفحت مشاعري
ناديه:هههههههه حلوه اطفحت
فهد الم خصرها وحضنها حيييل
ناديه راسها على صدر فهد تسمع دقات قلبه
ظلوا ثواني كل واحد يحس بدقات قلب الثاني
فهد بهمس: تحبيني ؟؟؟
ناديه ارفعت راسها :انت مو حاس بحبي لك
فهد يبتسم: انا اشوف الغيره بتطلع من عيونج
ناديه وتقوم وتسحب فهد معها: الغييره ماتجي كذا الامن شي كايد
فهد :ههههههه صار الحب كايد.....على وين ماخذتني؟؟
ناديه وهي تمسك يده وتمشي قالت: فرجيني على اشاليه
فهد بخبث:اول خلينا نبدا من الطابق الفوقي
ناديه على نياتها راحت معه فوق
.
.
في الطابق الفوقي
فهد راح عند اول غرفه
ناديه: هاي غرفت منو؟؟
فهد يفتح الغرفه : هي كانت غرفتي وذلحين صارت غرفتنا
ناديه وهي تدش تشوفها
فهد دخل وياها وقفل الباب
ناديه تطالعه ليه قفل الباب مابعد شافت باقي الغرف
فهد يبتسم ويغمزلها عين : اطفحت مشاعري..لي حد الجنون ...وقرب منها..وحضنها حيييل
ناديه :لاحـ....
فهدقطع كلامه بقبله طويله عميقه على شفتيها
................
في الامــــــــارات
السعه 12 مساء
حميد كل عاده يتطمن على اعياله
دش غرفة شهد طاح قلبي من اللي شافه
عمر يرجع كل اللي في بطنه على سرير
حميد قرب منه : شو مستويبك؟؟
عمر رد وانسدح على سرير يتألم
حميد رفع عمر من مكان : حبيبي قولي شنو تحس فيه
عمر مايتكلم يأشر على بطنه
شهد صحت على صوت ابوها: ابوي شو فيه عمر
حميد : انتي اشلون ماتحسين فيه وهويرجع
شهد شافت السرير: اب وي وده المستشفى
حميد : هذا اللي بيصير....حميد يكلم عمر من متى وانت تحس بالعوار
عمر: من زمان
حميد :انا بروح المستشفى ..قعدي اخوج لا تيلسن ابروحج في البيت
شهد: بروح معك ...
حميد: مالها داعي روحتج...عطيني ملابسه خليني ابدله
شهد وهي تجيب ملابس عمر : انا ببدله..
بعد كذا حميد اخذ عمر وراح المستشفى
صارت الساعه وحدهـ
وحميد مااتصل يطمن شهد
شهد تدق على ابوه مقفل تلفونه
راحت عند سلطان نايم ولا يدري عن احد
شهد : سلطان سلطان قوم
سلطان: همممممممم
شهد: قوم ابوي مايرد على تلفونه..وانا خايفه
سلطان يعدل جلسته: خايف ؟؟ليه ابوي وينه؟؟
شهد : عمر تعب و ابوي وخذاه المستشفى وذلحين صار لهم ساعه ولا ردوا
سلطان قام من السرير
شهد: وين بتروح
سلطان: بروح المستشفى
شهد: تخليني ابروحي
سلطان هيه صج هي وين تجلس ابروحها
اشوي دق جوال سلطان
شهد: هذا ابوي
سلطان شاف المتصل : هذي امي
سلطان: الو
موزه قلبها ناقزه حاسه فيهم شي: فيكم شي
سلطان مايبي يخرع امه:لا...انتي فيج شي؟؟
موزه: قلبي يعورني شهد وعمر فيهم شي
سلطان : اممممممممممم لا مافيه الاالعافيه
شهد اخذت التلفون من سلطان ..ليه نخبي على امي المفروض تعرف : الو...
موزه: هلا شهد ..شنو فيه صوتج
شهد ماتحملت صارت تبكي
موزه تاكدت ان فيهم شي: شهد يمه ليه تصحين؟؟
شهد علمتها بسالفه
موزه سكرت من شهد وراحت تتصل في حميد
.
.
.
.
حميد كان عند الدكتور الماشهد تتصل فيه
المهم عمر طلع فيه الزايده وقررو عليه ان يسوله عمليه
حميد طلع من عند الدكتور على مايجهزون غرفة العمليات
طلع جواله بيطمن شهد شاف 5 مكالمات من شهد
11مكالمه من موزه
حميد معقوله موزه درت
حميد دق على شهد وقالها صارت شهد تبكي
بهستريه خاف عليها يصير فيها شي
طلب من سلطان ياخذاخته يوديها عند امه
بس شهد ارفضت تبي تجي المستشفى مع سلطان
لان سلطان بنزل شهد عند امه وبيروح المستشفى
وسكر التلفون من شهد
اشوي جاه اتصال من موزه
حميد: مرحبا
موزه: حميد طمني على عمر
حميد: عمر طيب
موزه: شنو طيب وانت موديه المستشفى
حميد: عمر طلع فيه الزايده وذلحين بدخلونه غرفة العمليات
موزه اشهقت : شوووووووووو عمليه
حميد: اذكري الله ناس وايد سواها واطلعوا بسلامه
موزه:انت أي مستشفى؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك