بداية الرواية

رواية طنش تعش تنتعش -4

رواية طنش تعش تنتعش - غرام

رواية طنش تعش تنتعش -4

الـــبارت الـــخـــامس
وبعد مرووور شهرين
طارق خطب مزنه والملكه بعد اسبوعين
عبيروراكان يحبون بعض بس كل واحد يتغلى على الثاني
مها وسعد تملكوو
جنى الى الن تفكر بـ ياسر
وحمد هايم بحب اميره بس اميره اللي مو حاسه فيه
الهام حبها خالد وطلب يدها بس ينتظر موافقتها
خلود تعرفت على اهل طلال وسكنت بقصر طلال
اما فهد على حاله مافي شي جديد
ام خلود طلعت من المستشفى
العايله فقدو الامل من انهم بيلتقون بـ خلود
جسمي معي غير أن الروح عندكم
فالجسم في غربة والروح في وطن
فليعجب الناس مني أن لي بدنا
لا روح فيه ولي روح بلا بدن
فرنــسا وبالتحديد الصاله
خلود تناظر التلفزيون وجالسه تفص فص
ويدخل طلال عليها ويجلس جنبها
طلال: اقول خلود ممكن سؤال
خلود: هممممممم قول
طلال:تحبين ..؟ ومن فارس احلامكـ
خلود بأستغراب: ليه
طلال: جاوبي بس سؤال
خلود بقلبها(اكذب عليك ياطلال لو اقول غيرك هذا انت انت فارس احلامي )
طلال: يابنت قولي جاوبي
خلود: هو يشبهكـ وله نفس سبحتك وساعتكـ ومثل هيبتكـ ونفس ابتسامتكـ اسمه زي اسمكـ وصوته فيه من صوتكـ اذووب لما اسمعك تتكلم تدري ليه
لان صوتكـ نفس صوته وبعد عيونكـ زي عيونه لما اناظرك كاني اطير واحضنه وبعد نفس عطرك وسكتت وبعد صمت دام 3 دقايق قالت بخجل هاه عرفته الحين
طلال يسوي نفسه غبي : بس عطريغيرته وانا حاط اليوم دهن العود
خلود: يوووووه منك اذلف بس بروح انسدح بغرفتي
وراحت خلود وطلال يضحك عليها
طلال(هين ياخلود وربي لااجننك مثل ماجننتيني وربي لااشغل الغيره بقلبك )
مسكت خلود الدفتر وكتبت قصيده
سألني من..أحب أكثر؟؟
و من في صوته أتأثر؟
و من هو ..فارس أحلامي ؟
و لمين أتعذب و أسهر؟
بغيت أجاوب عيونه..
و اقول بكل صراحه وحب ..
اني فيه..(( مفتونه ))
و انه ساكن أهدابي
وأول وآخر أحبابي
صرخ بي ..
قال لي : .. قولي
كفايه لعب باعصابي
سرحت .. وقلت له: ..تصور!
اهو اسمه.. مثل اسمك
ورسمه .. يشبه لرسمك
وله نفس ابتساماتك ..
ونظرة عينه مثلاتك
لأني كلما طالعتك ..
أهيم ..بليل نظراتك!
وتقريبا مثل طولك!!
وصوته.. فيه من صوتك!
يداعب مسمعي..
وارحل ..
في دنيا مالها آخر
ويستعمل نفس عطرك !
والمسباح والساعة !
وسألته..في خجل ظاهر..
عرفت ألحين؟؟
و صار يتلعثم المسكين..
وقال لي : ..
للأسف لحظه ..
تخيلت اني المقصود
بس اليوم..
بالصدفه..
غيرت العطر..
وحطيت بداله اليوم..
دهن العود!!!!؟
الله يخليك لي ياطلال وربي احبك
يارب ارجع لاهلي سالمه غانمه
وسكرت الدفتر
وطلعت من غرفتها وشافت القصر هدوووء وشافت جناح طلال مفتوح جاها فضول تدخله
دخلت الجناح وشافت باب غرفته مفتوحه دخلت وجلست على سريره وفتحت اول درج ولقت فيه رساله
كان محتوي الرساله
أحبك
مآعندي حب ثآني يسكن بوجدآني
صدقني لوحآولت مآ أظن بإمكاني
أنت آلوحيد آللي مشغول به عقلي
مآ أشوف آحد غيرك و بقلبي وحدآني
أحبك أكثر شي يآ أغلى كل مآلي
أرتاح بوجودك وفـ بعدك أعاني
لا تتخلى عني ياطلول
حــب للأبد=L+T
حست بغيره وسكرت الرساله ودخلتها الدرج
تتكلم وعينها بالارض: حبك جني وجربوع وكل شي حيوانه حقيره والله لو انها قدامي لافقع عينها هي وخشتها بس يمكن تكون احلى مني
جاها صوت : من قال انها احلى منك
خافت خلود ورفعت عينها وطاحت عينها بعين طلال اللي طالع من الحمام (وانتم بكرامه) ولاحف المنشفه حول خصره وصدره عريان <<يتسبح
بس كان شكله خقق
خلود صنمت مكانها لان طلال واقف عن الباب فما تقدر تهج
خلود بخوف: طلال بطلع وخر عن الباب
طلال: بس دخول غرفتي مو مثل خروجه
خلود: وش تقصد
طلال: ولا شي
وخر طلال عن الباب وجت تبي تطلع من الغرف خلود مسكها طلال من خصرها صار ظهرها على صدره
وهي تحس تنفسه وريحته اللي لصقت فيها وهو يهمس في اذنها يقول: عمري كله ماحبيت بنت ولا تجرأت اغازل بنات
بس انتي ياخلود طيرتي عقلي وربي صرت مجنون خلود ورب الكون اني احبك واهواك وافديك بروحي روحي اصلآ
لك انتي انتي ملكتيني وملكتي كل صغيره وكبيره فيني اخذتي قلبي وكثير كنت افكر ارجعك لاهلك بس قلت
بتروحين لاهلك وبتنسيني علشان كذا اخذتك معي ايه اخذتك معي ومستعد اواجه اي مصايب بتوقف بطريقي بس ماتبعدني عنك
واناطالبك لاترديني
خلود بخوف وهي ترتجف من قربه لها :وش طلبك ياطلال
طلال: انك تشاركيني فرحي وحزني وانك تكوني معي بسراء والضراء واوعدكـ اني راح اسعدكـ ياخلود بعد صمت لف خلود بجهته صارت بوجهه يعني مافي مسافه
بينهم وخلود مغمضه عينها قال: تتزوجيني ياخلود
خلود من الصدمه والخوف وكل ابو الشعور فيها(مالومها ) قالت: هاه
طلال وهو يبتسم قال: طيب فتحي عينك
فتحت خلود عينها وقالت: افكر ياطلال
طلال: انا مو مستعجل انتي فكري وبعدين ردي اوكي
خلود: طيب اتركني
طلال قرب اكثر وباس شفتها وقال: تركتك
خلود من تركها هجت لغرفتها
عند الهام
الهام: يمه يمه يمه يمه الحقي
جت ام طارق تركض وهي خايفه
ام طارق: نعم وش فيس بطنس يوجعس ولا شي اهرجي وش فيس
الهام: يمه قولي لهم اني وافقت على خلودي
ام طارق: ويعه حسبت ان فيس شي
الهام: يمه
ام طارق: وصمه
الهام: يمه تكفين ردي لهم اكيد خلودي يحتري ردي
ام طارق: مالت
الهام: عليس
ام طارق: وشو
الهام توها تستوعب : لالا والله مو قصدي يمه وربي مو قصدي
ام طارق: بغيت ارجمس من الدريشه ياللي ماتستحين
الهام: يمه والله مو قصدي زلة لسان وربي
عند مزنه واهلها بالصاله
خالد: اقول يمه ماردو عليك اهل الهام
ام خالد: لا والله ماردو علي
مزنه: اقول عبير تذكرين يوم تصفقس التكرونيه
عبير: ذلفي يالحيوانه
خالد: ههههههههههههههههههه عادي من اللي جابس انا انتي وعباتك المشققه ههههههههههههههههههه
عبير: وبعدين خلاص




الــــبـــارت الــســـادس



خالد: وبعدين جلستي تشكين منها واتصلت المديره على امي
عبير ترجم المخد على خالد وخالد فااااااااطس ضحك
شوي الا ويرن التلفون وترد ام خالد
ام طارق: الو
ام خالد: هلا وغلا
ام طارق: وش اخبارس وش اخبار الاهل
ام خالد: كلنا بخير انتم وش اخباركم
ام طارق: بخير نشكرهـ ونحمدهـ
ام خالد: هاه عسى العروس وافقت
ام طارق: الحمدلله وافقت وين بتلقى رجال مثل خالد
ام خالد: اجل على باركت الله بنجي نخطبها رسمي ومنها نجيب الملاك وش قلتو
ام طارق:خلاص عى باركت الله ومبروووكـ لخالد
ام خالد: الله يبارك فيتس
ام طارق:يلا اجل انا استأذن وسلم لي على اللي عندس
ام خالد: الله معك ويوصل ان شاء الله
سكرت ام خالد من ام طارق والتفتت على خالد
خالد: هاه يمه وش قالو الهام وافقت
ام خالد حبت تلعب بأعصابه : مدري وش اقول لك ياوليدي
خالد متضايق: اجل مالنا نصيب يلا انا بروح
ام خالد وهي تضحك على خالد اللي تضايق: وش وين بتروح استغفر الله الموهم بنروح لهم يوم الاربعاء ونملك
خالد اللي مو مستوعب : وشو وافقت
ام خالد: ايه وافقت الف مبروك ياوليدي
خالد متشقق من الفرحه : الله يبارك فيتس يمه
شوي الا ويسمعوون صوت صرااااخ راحو يركضوون لمصدر الصوت شافوو مزنه وعبير يتراكضوون
خالد: وش فيكم
مزنه وهي خايف: صراصير كبار تهاجمنا انحاشوووووو
عبير: مع السلامه بنقذ نفسي انا
مزنه: خذيني معتس ياالدبا
عبير: لاوالله اخاف اموت معتس
وخالد اللي جالس يتحمد ربه راح يشوف هالصراصير الكبار لقاهم واحد كبير والثلاثه صغار
طلع لهم ومسكهم الثنين ودخلهم عند الصراصير الكبار <<برآآآآ
مزنه: خالد فديتك اتركني تكفى وي وي وي وي
عبير: خالد وييعععععععع شكلهم يقرف ويععع ابي الحمام(وانتم بكرامه)
خالد: وشو له اجلسو عند الصراصير الكبار
مزنه بغبئ: هم مو كبر متوسطين الحجم صح عبير
عبير: صح اختاه انهم متوسطين الحجم
قرب واحد من الصراصير وصعد على زنوبة عبير وعبير تجمدت بمكانها ماقدرت تتحرك
مزنه: عبير يمه يمه يمه وخري الصرصور هذا الدوب
عبير: خالد تكفى وخرهم
خالد: مافيه يلا مع السلامه
عبير وهي تبكي من الصرصور : تكفى خااااااااالد
خالد طلع من عندهم وهو يتحمد ربه على المهبل اللي عنده
المغرب ع الساعه 6 ونص اجتمعو جنى وعبير ومها ومزنه
مزنه بحزن: وربي اشتقت لخلود
مها: وحنا بعد
عبير : حنا ولا منكير
جنى: هه هه هه هه هه هه هه هه هه هه هه هه هه هه هه لاتعيدينها
عبير: طيب
مزنه: لاصدق هي وين الحين عايشه ولالا ماكله ولالا شاربه ولالا
عبير: ايه ماتشرب استغفرالله
مزنه: الا تشرب مويه وعصير
عبير: ايه هذولا تشربهم بس هي ماتشرب وسكي
مزنه:وجعه اثر مخس راح لبعيد
رن جوال مزنه شافت الرقم غريب وسفهته
مها: من
مزنه: مدري رقم غريب
شوي جاها مسج فتحته لقت
(ما يمر يوم قد نسى القلب طاريك ليتك تشوف القلب وشلون يغليك.
لحظه لحظه لحظه لحظه من لهفتي ضاع الكلام وبخاطري شوق وسلام.
بالخير مسيتك بماء الورد رشيتك السلام اهديتك ولو اقدر اطير كان جيتك.)
مزنه سفهته وارسل مسج ثاني فتحته
(يا حروف الشعر
روحي عانقيه
وانثري فوقه
ورود وعطريه
وبلغيه اني
اعزه بلغيه)
ردت عليه
(ممكن اعرف من انت وشلون جبت رقمي )
رد عليها
(ياترى هل انا في بالكم وقلبكم ولا نسيتوني ترى من غبت عنكم وانتم ساكنين بحشاي ودووم الدوم سارح بهواكم)
ردت مزنه
(ايه نسيناك بس اخلص قل من انت)
رد عليها
(كنت متوقع هالشي انا خلود يامزنه)
صدمه سكتت الكل
مها ودموعها اربع اربع: فديتها دقي عليها يمكن ترد
مزنه وهي تبكي : طيب طيب
عبير وجنى وهم يصرخون على مزنه: بسرعه انتي
مزنه: طيب
رد عليها طلال
مزنه: خلود وربي انك في بالنا وربي انك ماغبتي ابدآ عننا ودوم نجيب طاريك
طلال: لحظه اناديها لك
مزنه انصدمة من صوت طلال والتفتت على البنات تعلمهم
مها: يمكن هو اللي ساعدها
عبير: يمه عليتس ياخلود هين يالدوبا بس متى ترجعين
خلود: الو مزونه
مزنه :هلا وغلا خلود انطمي مافكرتي تجينا ولا عاجبس الجلسه بعيد عننا تدرين اننا فدنا الامل في اننا نلقاس
خلود: يابعد قلبي انتم وربي دايم انتم في بالي ولا غبتو ابدآ اسمعي ماابي احد يدري اني كلمتس
مزنه: بس عبير ومها وجنى جنبي يدرون
خلود: طيب غيركم لا
مزنه: ليش
خلود علمت مزنه بكل شي
مزنه: اوووووووووووخص ياخطنطيره انتي وش عندس
خلود: طيب حبيبتي بكلم البنات وربي وحشوني
مزنه: ايه ايه هم وانا ماوحشتس
خلود: وربي كلهم نفر نفر
مزنه: يس مدام خوذي مدام مها
خلود: يلا اعطي تلفون مدام مها
مها: الو يالدبا يالحيوانه
خلود: اح اح اح اهون عليتس
مها: لاماتهونين وربي وحشتينا
خلود: مو كثير وه بس فديتكم توني اعرف قدرس يامها
عبير وهي تاخذ الجوال من يد مها: قدر ولا صحن هاهاهاهاها
خلود: ههههههههه حلوه بس لا تعيدينها المهم اخباركم
عبير: كلنا بخير ناقصنا وجودس يالعجوز
خلود : انا عجوز
جنى: ايه عجوز
خلود: وهـ فديتس جنوي
جنى: فديتس انا يابعد روح وقلب جنى انتي
خلود: جنوي لازم اسكر يلا سلمي لي على البنات
جنوي : يوصل مع السلامه
سكرت خلود من جنى والتفتت تدور طلال بس مالقته
راحت لجناحه واخذت ورقه وقلم وكتبت
(طلال انا وافقت على الزواج منك بس ابي شرط وهو انك ماتتركني ياطلال
ارتجف قلبي


ضاعت مني القوة



الحلو يقرا رسالتي)
قامت خلود وتحطت الرساله على سريره
وطلعت من جناحه وراحت لغرفتها وجلست تحتري حركه منه
ساعه
ساعتين
ثلاث ساعات
دق دق دق<<الباب
قامت خلود قال من ورا الباب :ميــــن
طلال: افتحي ياحرم طلال
خلود استحت من الكلمه وقالت:طيب روح لصاله وبجيك
طلال : طيب بسرعه
خلود: طيب
راح طلال لصاله وجلست خلود تلبس
لبست بنطلون سكيني رمادي غامق وبلوزه سوده ولبست كعب اسود ورفعت شعرها ذيل حصان وحطت كحل اسود وروج احمر
طلعت خقق
ونزلت له
طلال من شافها خق عندها
طلال: هلاوغلا
خلود: هلابك
طلال: وافقتي طيب بنملك والزواج

يتبع ,,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -