أقسام الوصول السريع ( مربع البحث )

بداية

رواية ارواح تسكن مشارق الشمس -22

رواية ارواح تسكن مشارق الشمس - غرام

رواية ارواح تسكن مشارق الشمس -22

جده
الساعة الـ 04:10 مساء
اخذ شنطة جدته و شنطته الصغيرة بحكم انه بيجلس يومين في بيت خاله و طلع لسيارة افضل عنده من الجلوس معهم و توصيات امه و خالته الي ما تخلص ابد سمع جواله يرن و طلعه يرد
فارس هلا خالي
سعود لسى في البيت و الا طلعتوا المطار ؟
فارس لسى الطياره الساعة 6 دحين بدري
سعود و ايش صوت الهواء هذا عندك انت برى ؟
فارس بالشارع
سعود ليش .؟
فارس لان جوا امي و خالتي كل ما شافوني قالوا سوي كدا لجدتك في الطيارة حرك رجولها كل شوي خلك جمبها و كلام ما يخلص
سعود هههههههههه اعصابك طيب
فارس و الله يجيبوا القلق
سعود ما عليك الحريم هذا طبعهم بعدين يأتي معها اكيد بتسوي لها كل شي
فارس الحمد لله ما اني جالس لين رمضان و الا كان قالوا ادخل فطرها بنفسك
سعود هههههههه اجل بمسك عندي لين رمضان......


*****************


جده
الساعة الـ 04:45 مساء


طلعت من غرفتها لصالة وين ما كانت ام نواف جالسة و حاطه يدها على خدها و تفكيرها بعيد
ام محمد راح فهد يجيب اخوانه ؟
ام نواف ايه خالتي راح
ام محمد و شفيك انتي يمه سرحانه كذا ؟
ام نواف افكر في محمد يا خالتي
ام محمد انتي رحتي له يمه ؟
ام نواف ايه من شوي بس كان نائم
ام محمد ما عليه شر هذا هو عندنا كنى نتمنى نشوفه بالسنه مره و الان طول يومه عندنا
ام نواف محمد اخذني طفلة يا خالتي هو الي علمني و فهمني هالدنيا ما استحمل الحين اشوفه مكسور كذا
ام محمد قولي الحمد لله يمه محمد احسن من اول و بكرة بس يشوفك انتي و عياله ملتفين حوله بيحس انه رجع مثل اول رجال هالبيت......


*************


الخبر
الساعة الـ 07:30 مساء


من وقت انتشار خبر حملها في البيت و خالتها و البنات ما يخلونها ترفع شي ابد و الي تبيه يوصلها غرفتها سوى من البنات او ناصر الي كان داخل عليها و معه صحن فواكه لها
ابتسمت له منار ليش اتعب نفسك انا ما ابي شي
ناصر احنا اتفقنى تاكلين الي يجيك بدون نقاش
منار بس توها خالتي مشربتني كوب حليب
ناصر و هذي فواكه ما هي حليب
منار نصور و الله بديت انحرج بدل ما انا اخدمك انت و خالتي صايرين انتم تخدموني و انا جالسة
ناصر يا روح نصور انتي انا لما شفت امي كيف انبسطت على حملك و بدت تتغير نفسيتها و تدخل المطبخ و تبتسم اخذت عهد على نفسي ما اخليك تتعبين لا انتي و لا الي في بطنك لنكم الاثنين الان مصدر سعادة هالبيت
منار فعلا خالتي مره تغيرت نفسيتها يارب اجيب ولد عشانها
ناصر بس انا ابي تؤم بنت و ولد
منار بخوف و هذيلا سهلين هو واحد و انا افكر كيف استحمل ولادته
ناصر ههههههههههههه جبانه
منار ايه جبانه ارتحت
ناصر خلاص الي يجيبه ربك حياه و انا معك و ربك بيسرها بس انتي شيلي هالخوف من بالك......


***************


الخبر
الساعة الـ 08:33 مساء


جالس معهم و يشوف كيف امه من وصلت الا تسال هند عن صحتها و متى ولادتها ؟ و ارتاحي لا تقومين و هو مكان حد يعرفه
سعود يمه ترى انا ولدك مو هذي الدبى
ام سعود و هذي بعد بنتي و غلاتها من غلاتك
سعود ايه زين ان غلاتها من غلاتي مو اكثر
هند ههههههه يمه ولدك صاير غيار بشكل مو طبيعي
ام سعود ما عليك منه عودته على الدلع و الاهتمام الزائد
سعود افى بس يمه
هند ايه وانا كملت عليه من اتزوجنا دلع و اهتمام
ام سعود اجل الحين خفي عليه و فكري بالي في بطنك قولي لي بس متى بتولدين أنتي ؟
هند 5 9 ان شاء الله
سعود ايه و فري له الدلع من الحين
هند اكيد و ما هو بس انا حتى امي
ام سعود ايه صح
سعود تبينها من الله انتي خل اروح عند فارس ابرك
ام سعود ايه والله يمه جالس لوحده
هند بعد ما شافته راح بدون ما يرد شكله زعل يمه
ام سعود لا مو زعلان و لو زعل بيرضى اهم شي انتي الحين تنتبهين لنفسك ما بقى لك كم يوم..........


***************


الخبر
الساعة الـ 10:30 مساء


دخل الغرفه و على طول على فراشه بدون كلام هي متاكده انه مو زعلان لكنه يدلع عليها و يشوف غلاه عندها
قربت و جلسة عند راسه تمسح على شعره هند حبيبي
سعود ......<<لا رد
هند امممم هذا الان زعل و الا دلع ؟
سعود الي تشوفينه
هند اذا زعل ما يليق عليك و اذا دلع من حقك
سعود كيف دلع من حقي ؟
هند يعني انت من قبل حبي الاول و بيبي هنوده الاول
سعود انا بيبي هاااه ؟
هند بس عند هنوده
سعود و انتي نونو
هند بس عند سعود
سعود وهو يحط يده على بطنها و هذا الي تعب امه و ابوه و هو لسى ما جاء ؟
هند هذا اغلى هديه منك
سعود مني ؟
هند لو لا انت ما صرت انا ام و استحملت كل هذا الالم عشان اهدي لك كلمة بابا
عدل جلسته و فتح لها يدينه سعود تعالي انتي المفروض تعيشين داخل أحضاني بعيد الناس.......


*****************


الجزء الواحد و الخمسون


الاربعاء


الخبر
الساعة الـ 03:20 فجرا


صرخت بألم....
معاد فيها تستحمل اكثر من كذا كل ضنها انها كانت مجرد حركة عادية من الجنين لكن هالمرة اقوى و اعنف و كانه شي يتصارع في بطنها و اسفل ظهرها
صحى على صرختها و كله خوف عليها سعود شو فيك حبيبي ؟
هند آآآه الظاهر راح اولد
سعود هالحين ؟
هند سعود ايه ما اقدر استحمل الالم
سعود ارتبك و ما عرف شو يسوي طيب طيب اروح اصحيلك امي
هند لا لا تقلقها يالله المستشفى و بعدين خبرها
قام من مكانه بسرعه ياخذ مفتاح السياره سعود زين بروح اشغل السيارة و ارجع لك....


**************


الخبر
الساعة الـ 03:44 صباحا


واقف بمرر المستشفى ينتظر حد يطمنه مو عارف شو يسوي لوحده دخلوها عنه الغرفه و قالوا انتظر هنا ما يدري هي صحيح بتولد قبل وقتها و الا صار للجنين شي
طلعت مسرعه تدور عليه الدكتوره انت زوج المريضه ؟
سعود ايه
الدكتوره عندها حالة ولادة تبي نتصل في دكتورتها تحضر ؟
سعود بلا استيعاب كان يعد الايام على اصابعه باقي 12 يوم على ولادتها
الدكتوره بس الان عندها ولاده مبكره
سعود و في خطر عليها ؟
الدكتورة لا كثير تصير لهم
سعود طيب اتصلي في الدكتورة تجي لانها متابعه معها من اول.....
*****************


الخبر

الساعة الـ 06:45 صباحا


طلع من البيت و اتصل فيه يبي يمره و يروحون الدوام مع بعض مثل اول هو اكثر انسان بيفقده و يفقد اخوته لما يسافر
سعود هلا
يوسف في البيت بمرك نروح الدوام
سعود لا والله بالمستشفى
يوسف عسى ما شر ؟
سعود المدام تولد
يوسف احلف مو قلت برمضان ولادتها ؟
سعود طلعت عندها ولاده مبكره
يوسف الله يقومها بالسلامه اجل طمني شو تجيب
سعود امين ابشر و لا تنسى وقع عني
يوسف بشرط اذا ولد تسميه باسمي
سعود روح بس قلت الاسامي اذا ولد مسمى قبل يجي
يوسف زين يا ابو عبدالعزيز بطلت اوقع......


*******************


جده
الساعة الـ 07:05 صباحا


فتح عيونه متكاسل على صوت جواله يالله هو انا ما نمت الا بعد الفجر كان بيطنشه بس لما شاف اسم سعود رد
نواف هلا
سعود ايه رجعت جده لنوم هااه
نواف يالله صباح خير
سعود حسيتك نائم قلت ازعجك
نواف و انا اقول اكيد عنده شي مهم خل ارد
سعود و في اهم من ان اختك في غرفة الولاده محتاجه دعائكم
نواف هند تولد مو بدري ؟
سعود ولادة مبكره خبر خالتي تدعيلها خفت ادق على جوالها تكون نائمه
نواف لا الان اكيد صاحية مع جدتي خلاص انا اخبرهم بس انت طمنئي اول ما تولد
سعود ان شاء الله...........


**************


الخبر

الساعة الـ 09:25 صباحا


شافته داخل البيت و باين بوجهه ملامح التعب و الارهاق مسيطر عليه هي مستغربه من الصبح ان هند ما نزلت تفطر معها من بدري مثل العادة و الان سعود راجع بهالوقت و هو المفروض يكون بدوامه
ام سعود سعود يمه ليش راجع الان و ليش وجهك تعبان كذا ؟
قرب منها و جلس عند رجولها و باس يدها سعود صرت ابو يمه ولدك صار اسمه ابو عبدالعزيز
ام سعود و الي كانت من فرحتها تغالب دموعها الحمد لله الحمد لله من متى و ليش ما صحيتوني ؟
سعود الفجر رحنا المستشفى هند ما توقعت انها ولادة قالت ممكن بس الم لكن طلعت ولاده مبكره
ام سعود ايه تصير يمه انت جيت قبل يوم وولادتك بعشره ايام
سعود و ولدي 12 يوم
ام سعود و هند هالحين بخير شفتها ؟
سعود شفتها بس كانت نائمه ما صحت جاي باخذ لها ملابس و اغراض و ارجع عندها
ام سعود و ولدك شفته ؟
سعود بفرحه و هو يطلع جواله لامه يوه يمه صغيرون ما قدرت اشيله خفت يطيح شوفيه بالله ما هو يشبهني
ام سعود بسم الله ما شاء الله الا احلا منك ماخذ زينك انت و امه الله يحفظه لكم و يبارك فيه بس يا يمه لازم تشيله و تأذن في أذنه
سعود ان شاء الله هالحين اروح بس ببدل ملابسي
ام سعود خذ هيلي معك
سعود اكيد باخذها.......


********************


جده
الساعة الـ 10:10 صباحا


من خبروها و الفرحه ما هي شايلتها من الارض اخيرا هند صارت ام و اخيرا جاء البيبي الي بتلعب معه و تحبه مثل ما وعدتها هند
منال طيب انا متى اشوفه ؟
فهد توك شفتيه في جوال نواف
نواف افهم قصدها متى اشوفه بمعنى متى المسه
منال اصلا هند قالت هي بتجيبه عشان امي و جدتي يشوفونه و العب معه
فهد تلعبين معه لاكبر ما هو الان توه جاي
منال عارفه اصلا هند قالت لي لما يمشي بتخليه عندنا و هي تروح مع سعود بيتهم
نواف هههههههههه لا والله ما تعبت فيه
فهد على بالها جاي بالمجان الاخت
طلعت من غرفتها على صوت ضحكهم ام نواف ما شاء الله ضحكوني معكم
فهد ههههههه تعالي بس اسمعي بنتك قال هند بتخلي ولدها عندنا وترجع الخبر مع سعود
منال ايه هند قالت و هي ما تكذب
ام نواف اخذتها لحضنها خلاص خلوها بنتي هي متفقه مع اختها
نواف هههههههههه خل اروح انام احسن..........


***************


الخبر
الساعة الـ 04:05 عصرا


مدت يدها و تحسست بطنها تسع شهور و هو يكبر معها و تحس ان فيه روح تشاركها فرحتها و حزنها و الان صارت هالروح قدام عينها تقدر تلمسها تحضنها تنهدت بين تعب و الم و شوق انها تحضن هالطفل لصدرها بحب مره ثانيه برغم من كل الالم الي سببه لها
قرب منها على صوت الاهه الي طلعت منها و مسك يدها سعود يعورك شي حبيبي انادي لك الممرضه ؟
هند بتعب لا انا بخير
سعود طيب ريحي لا تتحركين
هند و هي تطالع سرير البيبي نائم
سعود ايه زي الملاك
هند يشبهك
سعود كلهم يقولوا اخذ حلاة امه و ابوه
هند بس انا اقول يشبهك انت وبس
سعود امممم طيب انتي ادرى منهم
هند اكيد
سعود اجل ما هو حلو اذا ما اخذ عيون امه
هند و مو حلو اذا ما اخذ فم ابوه
سعود و مو حلو اذا ما اخذ قلب امه
هند و مو حلو اذا ما اخذ رجولة ابوه
سعود احبك
هند اموت فيك


و ذاب بذيك اللحظة كل شي الا الفرح
أشتعلت شموعه......


************

الجزء الثاني و الخمسون



الجزء الاخير
بعد مرور شهر


الخبر
الساعة الـ 03:05 مساء


واقف عند باب الغرفه و يطالع ساعته تاخر الوقت معاد يمديهم يلحقون الطيارة لو بقوا دقيقة كمان في مكانهم خصوصا انه على اخر رمضان الحجوزات كلها لجده للعمره عادي تتكنسل مقاعدهم لو تاخروا و المطار زحمه و ما راح يحصل موقف لسيارة بسهوله
سعود هند يالله تاخرنا ترى
هند طيب بس بجهز الرضعه لعزوز دقيقه
سعود كمان بيشربها هنا اجل نبطل ما نروح احسن
هند لا بيشربها في السياره
سعود ايه استعجلي طيب ترى معكم واحد صائم
هند هههههههه استغفر الله عينك على الرضعه
سعود لا على الاهتمام
هند صوم طيب
سعود كان متاكد لو بقى لحظه ممكن يصير شي انا انتظركم بالسياره لا تتاخرين
هند خذ هيلي و عزوز معك بقفل الباب و اجي
سعود اوكيه.......


*****************


جده
الساعة الـ 03:50 مساء


دخل عليها المطبخ و هو ما هو مستوعب الكم الهائل من الاواني و الخضار و اصناف المكرونه و الحلى و العصير
فهد يمه انتي عازمه احد للفطور اليوم ؟
ام نواف و هي منشغله بالي في يدها اختك و زوجها بيجون اليوم و الا انت ناسي
فهد ايه بس طيارتهم المغرب و مدري يجون هنا على طول و الا بيروحون بيتهم
ام نواف المهم انهم بيجون اليوم في أي وقت
فهد و هذا كله لهند ؟
ام نواف اكيد لها
فهد ايه و انا وش موقعي ؟
ام نواف و هي تعطيه الملعقه حرك هذا لين اروح اصلي و ارجع
فهد و هو ما هو مستوعب يمه انا كمان بروح اصلي
ام نواف بلا حجج لسى الصلاة ما قامت بالمسجد طفئ على الحليب لفار....


*****************


جده
المطار

الساعة الـ 07:05 مساء


هواء جده غير الضجيج الوجوه الملامح كل شي فيها مميز هنا تربت تعودت على الحياه كبرت و تعلمت هنا عاشت الظلم من زوجة ابوها في طفولتها هنا كابرت على جروحها على الحاجه و الوحده هنا كانت بتكون في يوم صيده سهله لرجل يلهث خلف شهواته و يظن انه بالفلوس ممكن يشتري الشرف هنا تالمت من زواج كان مدفوع ثمنه و حملت هم مطلقه و مجتمع ظالم و هي باقي عذراء لكن يضل حب جده ما تغير لانها علمتها شلون تسعد الي حولها شلون تبتسم و تقهر جروحها و الي جرحها ..
خللت اصابعها الصغيرة بين اصابعه و شدتها بقوة تنهدت براحه مع هالانسان حست بالامان بالحب حست بقيمتها عنده خوفه عليها و الاهم هالطفل الي قوى العلاقه بينهم
سعود شو هنودتي خائفه تضيعين بالزحمه ؟
هند لا
سعود و ليش ما ساكة يدي بقوة كذا ؟
هند ابي احس بالامان اكثر
شد على اصابعها و كانه ياكد لها انه هو مصدر امانها سعود انا معك حبيبي
هند سعود
سعود عيونه
هند ابي اروح لاهلي على طول الله يخليك
حس بكثر شوقها و هي تترجاه سعود الي شفتيه كافي كافي يا عمري من عيوني شوفي نواف هناك تعالي
نواف و الي كان يمشي جهتهم هلا والله نورت جده
سعود منوره بأهلها
نواف شوفوا من الاخير هالترحيب مو لكم هذا لشبيه خاله
هند نواف بعد ترى توه نام لا تصحيه
نواف و هو يقرب منها مو وقت نوم الان لازم اسمع صياحه
هند و هي تبعد عنهم مع هيلي ناحية الكراسي لمن تخلصون الشنط احنا هنا
نواف ههههههه طرده
سعود ما شفت شي تحولت شرسه عشانه
نواف هههههههه اممم خبرتها ؟
سعود بابتسامه مو ابوك الان بخير و معكم ؟
نواف بستغراب الا
سعود و يدري ان هند بتجي ؟
نواف ايه
سعود اجل ماله داعي نخبرها التفاصيل الان خلها تتفاجئ بوجوده بينكم و بعدين انا احكيها كل شي
نواف والله فكره خلني اتصل بفهد بس انت تتحمل ردت فعلها
سعود اكيد...........


*********************


جده
الساعة الـ 08:55 مساء


دخلت و كانت خطاء قلبها تسبقها لحضن أمها و جدتها و شقاوة فهد 10 شهور كانت غائبه عنهم تغيرت كثير و تالمت كثير بس بالنهاية انتهى كل تعبها من اول ما ضمت عزوز تقدمت خطوة ناحية الصالة و تراجعت بدون وعي لين لامس ظهرها صدر سعود الي كان واقف وراها نفس الملامح بس كابره شوي العيون و السواد الي تحتها الشيب الي بداء يكتسي لحيته بالكامل بس هالمره في شي مختلف الهدوء الابتسامه منال الي جالسة في حضنه بدون خوف و الاهم انه و امي جالسين بنفس المكان بدون صراخ و سب و شتم بلا وعي
رفعت يدها لفمها تمنع شهقه ما قدرت تميز سببها و همست هند ابوي
سعود ما اشتقتي له ؟
الان بدت تستوعب كل شي سعود كان مخبي عليها و مانعها تنزل جده لجل كان يعالج ابوها و يفك عنه السحر و عمائل نوره التفتت له هند أنت الي..
ما سمح لها تكمل و كان يهز راسه بمعنى ايه
كنت اظلمه كثير أزعله مني اخاصمه و هو يسوي كذا لجلي رمت نفسها في حضنه هند ليش ما قلت لي ليش خليتني أظلمك و احط بخاطري عليك و أنت..........
كان يضمها لصدره أكثر متجاهل وجود كل الي حوله هند علمته شلون يكون بحياتها هو الاهم حسسته بمعنى رجولته خوفها عليه وقفتها معه بحزنه و فرحه علمته كيف يحب حتى الشخص الي يسعى بجهل لنزع الراحة من حياته سعود كله عشانك
هند و نوره كيف و وين ؟
سعود في المكان إلي المفروض تكون فيه من أول دمعه نزلت من هـ العيون بعدين أحكيك كل شي بالتفصيل
هند و من دموع الفرح و الحب اسفه حبيبي اسفه على كل شي
سعود و انا بعد اسف على كل القسوة الي شفتيها مني سامحيني حبيبي
هند استرخت في حضنه و هي متناسيه كل الشوق الي بقلبها لامها
سعود بهمس في اذنها هنوده ترى إحنا واقفين لا تنامين زي يوم زواجنا بعدين المفروض تروحين تحضنين ابوك مو انا
هند احضن ابوي صح انا مشتاقه له بس اليوم اسعد عندي من يوم زواجنا يا سعود اسعد بكثير.......




&&&&&&&&&&&&


بعد مرور خمس سنوات



المكان مطار الشرقية الدولي
الوقت الـ 05:00 مساء
بوابة القادمين
التفت له و هو يبتسم سعود روح الان مناك ما ابي اشوف وجهك
يوسف أي والله خمس سنوات حفظت ملامحك اكثر من نفسي
سعود هههههههههه من جمالي لازم تحفظه
يوسف و هو يطالع قدامه ايه الجمال الي ورثته لذاك الدبى يا اخي قطع يد ولدي ما صدقت انه جاء تفاهم معه وش يبي
$سعود و هو يمشي ناحيتهم الاثنين عزوز الي كان يسحب علي [ ولد يوسف و ساره طبعا جابوه بعد فترة سنتين و 8 شهور من زواجهم تخللها شلالات ساره الي ما كانت توقف كل ما شافت طفل ] وراه من يده و كان واحد مستمتع و واحد مستسلم الدبى انت و ولدك عزوز يا بابا وين رايح ؟
عزوز بنشوف السعودية
يوسف ههههههههههههههههه مخ ابوك عباله الاخ السعوديه علبة كبريت ورى ذاك الباب
سعود تبطئ انت بس لين توصل لذكاء الولد يبي يكتشف المكان ما هو زي الدلخ الي معك
يوسف الدلخ الي تقول لسى عمره ثلاث سنوات ما هو ولدك ههههههه حشى ما عندكم وقت
سعود تجاهله و انتبه لهند الي تاشر له على همس الي تمشي ناحيتهم [ عمرها سنه جابتها هند في كندا و اخذت ملامحهم بالشعر الاشقر و العيون بلون الاخضر و البياض الصارخ ]
يوسف كان كل ما يشوفها يضحك و يقول لسعود انه اكيد صار غلط بالمستشفى و معطينك بنت مو بنتك ههههههه و هذي جبتوها معكم كمان
سعود و هو شايلها و يبوسها هموسة ابوها هذي قمر السعوديه محد يجيب مثلها
يوسف و هو ياخذ علي من يده زين انت و عيالك التحفه اشوف ولد خالتي ياشر لنا لا تتصل فيني الا بعد اسبوع
سعود افكر اذا كنت فاضي.....


راح يوسف في طريقه مع زوجته و ولده لولد خالته عبدالرحمن بعد ما رجع من كندا بحلم الشهادة العليا
اما سعود فكان جالس بالمطار مع هند و اولادهم ينتظر طيارة جده بكل شوق لامه و اهله يشاركونه فرحة الشهادة


ارواح مشرقه بالامل


كانت روايتي الاولى و محاولة شخصيا استفدت منها كثيرا ناقشنى قضايا من محيط مجتمعنا الزوجه الاولى,السحر,الطلاق,الغربه في سبيل العمل او الدراسة,الصداقه,الحب بين الزوجين ووو غيرها الكثير حاولت جاهده فيها الا امتطئ اجنحة الخيال كثيرا حتى لا تفقد القصة نكهتها و المغزى الحقيقي من كتابتها سكبت فيها كل المشاعر و متناقضاتها ما بين حزن و فرح وظلم و صبر و لحظات ياس لتطغى عليها رياح الامل و تزهر قلوب ابطالها امتدت فترة الـ 6 شهور معكم كنت سعيده بكم بتواصلكم بكل كلمة وضعت هنا او بالرسائل الخاصة بكل تقييم و تشجيع وصلني منكم فشكرا بحجم السماء لكل من مر من هنا.....


ابطال القصه



هند مجرد فتاه عاديه جدا استطاعت ان تبني قصرا من السعاده بكم الحب المختزن بقلبها و ان تكون عانت في حياتها الكثير لم يمنعها ان تسعى للبحث اكثر لم يمنعها ظلم زوجة الاب او حرمانها من حنانه وقت حاجتها او ظلم الذئاب البشريه للفتاه العامله لتسد حاجه لاهلها لم يمنعها لقب مطلقه ان تعمل و تجتهد و تبني حياه جديده مع رجل اخر


سعود كل ملامح الرجوله وسمئت به و لا اقصد هنا الا رجولة الفكر و الاتزان قد يكون خير مثال ان المراه تستطيع صنع الرجل لوحدها مثل ما فعلت ام سعود ربت و تحملت وصبرت لتنتج رجل كان خير بار بها و خير صديق و اخ و افضل زوج أتقن فن الحب و العطاء و رسم البسمة على وجوه ترفع يديها لدعاء له كل صباح


يوسف مثال الصمود و النجاح الشخصي تعجبني مقولة ( اصنع نفسك بنفسك و لا تنتظر ان يشكلك احد كما يريد ) بطبع مثل ما فعل يوسف استطاع ان يهرب من كل المشاكل و يبني طريق النجاح لنفسه و الاستقرار لمن كان يشعر بانه مسئول عنهم قد يكون ارتكب اخطاء و مشى في الطريق الغلط قليلا لكن استفاقته كانت في الوقت المناسب


ساره مثل أي فتاه تبحث عن وهم الحب عبر اسلاك الهاتف او نوافذ الدردشة سلكة طريق كان سيسبب لها الضياع و لعائلتها العار و الخزي كثيرا ما كنت افكر ماذا لو سقطت تلك الساره او غيرها في يد عابث او ذئب يتقن الهجوم على فريسته ( للمعلومية الذئاب لا تحب ان تاكل الا منطقة البطن او الاحشاء الداخلية و تترك فريستها تنازع الموت بباقي جسد قتلت فيه امل البقاء ) قد تكون نسبه قليله لا تذكر تنجح في مثل هذه العلاقات لكن يضل لساره و يوسف ميزة خاصه و هي صلة القرابه و الحب الحقيقي الذي اثمر بالزواج و الابناء

سيف و علي الصداقه الاخوة هي ما كانت تجمعهم ببعضهم و بمن حولهم حتى و ان فقدوا الاجساد تضل القلوب تسترجع الذكريات

ام محمد و ام سعود و ام نواف رمز العطاء و الحب بلا حدود او ثمن ملحمة الصبر و الثقه بان رب الكون لن يخذل الكفوف المرتفعه له بسود الليالي

نوره و نزار و ام عزام النفوس المريضه بمجتمعنا حاولت ان اضعهم مجتمعين الحقد السحر , الرغبات الشيطانية , تجاهل الخطاء و التمادي فيه هم موجودون بيننا ولن ننكرهم لكن فقط لنتعلم ان نكون افضل منهم

نواف و فارس و فهد لا ينتظرون عطاء من احد فقط يتبعون طهر قلوبهم في تعاملاتهم مع الجميع <<<<<توي انتبه ان يجمعهم حرف الفاء

توجد شخصيات لا ننكر حقها وان كانت لها بعض الادوار البطوليه امل منار ناصر محمد رؤى

بالنهاية اعود لشكر الجميع دون استثناء و بصدر رحب اتقبل أي انتقاد او ملاحظة قد استفيد منها مستقبلا

لكل من مر من هنا تحايا الشمس

تجميع
شمووووخهـ




تعليقات



    حجم الخط
    +
    16
    -
    تباعد السطور
    +
    2
    -