رواية اعذروني إذا سالت دمعتي -11
داخل مرام بركان يبغى يثور والسبب كلمة طلال ....نيران لهيبها لو يطلع راح يحرق كل الي حولها ...
مشت مرام و كانها ماسمعت كلام طلال تحاول تتجاهل النيران الي بداخلها ...
بس ماقدرت النيران صارت اقوى منها...
وقفت مشيتها والتفت بسرعه على طلال بوجه كله كبرياء وشموخ ...نادت عليه
مرام : ....طلال
طلال : لبى قلب طلال
مرام : انت راح تكون هون في اجازة الكرسمس
طلال : لعيونك راح اكون موجود انتي امري بس >>> مسكين مايدري ايش مخبيه له مرام
مرام :اممممـ حلو كتير يعني راح تحضر حفلتي حفلة خطوبتي انا و سعود...
عام قلك بدري منشان تلغي كل خططك وتجهز حالك كرمال تحضر خطوبة ميمو >>> كان هذا اسم الدلع الي طلال كان دايم يناديها فيه
مرام ابتسمت ابتسامه وكملت طريقها ...النيران الي بقلبها طفت وهدءت
لكنها تحولت الي براكين وزلازل في قلب طلال ....
هو واقف في مكانه متسمر مادري هو الكلام الي سمعه صدق ولا يتخيله!!! .
وأنا مدري وشـ القصهـ؟ ومدري منـ متى ؟؟ ومنينـ ؟...
ومِنْـهـ اللـي يبـي ياخـذ حياتـي وكـلـ الامانـي
حبستـ الآآآهـ فـي جوفـي ودمعـي حايـرنـ بالعيـنـ..
عذابـ القلـبـ وجنونـهـ وحالـي حيـلـ مرضانـي
صدمتـ بوقتهـا أرجـي إلآهـي خالـقـ الجنسيـنـ..
يصبرني علـى فرقـا ضنينـي... ـنصفـي الثانـي
يتبع
نور : الو
محمد : هلا وغلا هلا والله باحلا صوت بالدنيا كلها
نور : هلا فيك اكثر
محمد : كيفك يالغاليه طمنيني عنك
نور: انا بخير دامك انت بخير
محمد : انا الحين بخير دامني سمعت صوتك بالغلا
نور: حياتي انت فديتك والله
محمد: نعم ..نعم ..ايش قلتي ..انا حياتك ...ياااااااااااااااااااااااااااااالله اليوم انا مبسوط نور جالسه تدلعني من قدي يااااهووه
نور وهي تضحك بحياء : هههههههه
وليه مادلعك مو انت زوجي وابو عيالي وحبيب قلبي .
محمد: لا لا لا مو معقول ...ياناس ياهوووه لحقوا علي ماني قادر اتحمل الكلام الحلو هذا ..حاس قلبي كذا بيوقف
نور: بسم الله عليك سلامت قلبك
.... حمودي ...
محمد: ياعيون حمودي يابعد اهل حمودي وطوايفه كلهم
نور بدلع: مااشتقت لي ؟
محمد بحنان بالغ: آآآآآآآآآهـ يانور آآآآآهـ البيت من بعدك ماهي بيت لونقمت ماهي لونقمنت امريكا بكبرها ماهي امريكا مظلمه
تسال وتقول وين قمرها الي كان منورها ...
آآآآهـ يانور من بعدك انا حاسه اني ضايع حاس اني مالي داعي بالدنيا كلها
...نور انتي حياتي كلها من دونك ماسوى شي
بس وش اسوي لازم اصبر بما انك مبسوطه ومرتاحه عند اهلك ...ماقدر اقول شي.
نور : يابعد الدنيا ياحمودي ...خلاص حتى انا ماقدر ابعد عنك اكثر من كذا
محمد : من جد تتكلمين جد !!! يعني تبغين ترجعين !!!! تبغين تجين على لونقمنت ؟؟؟
نوربجديه: ايوه ابغى ارجع
محمد: هواااااااااااااااااااااااااء الحين ادق على الطيران احجز اقرب رحله على السعوديه اجي اخذك فيها
يااانااااااااااس قمر هالدار راح يرجع يالله من قدي وربي اني مبسوط
نور: دوم يارب دوم يالغالي مو بس يوم الفرح والبسطه الي انت فيها
محمد: بوجودك يالغلا في حياتي الله لا يحرمني منك يارب .
**
**
**
**
**
**
**
**
**
طلال دخل شقه العيال وجه مخطوف ولونه متغير
ماهو مستوعب ان سعود خطب مرام
أو بالاصح كلها شهر ويحضر حفل خطوبه مرام ...
ميمو راح تكون لغيره مو له ميمو انخبطت لسعود ......
دخل طلال وعلى طول جلس بالكنب لانه ماهو مع الدنيا كلها ...حتى ماانتبه اذا كان فيه احد
حامد جالس يطالع فيه من اول مادخل وجلس ...
حامد : هيه ابو الشباب لا سلام ولا غيره ..ايش دعوى ...على وين داخل انت ...ولا ماملينا عينك
طلال: ..........
حامد طالع فيه حس ان فيه شي ...
حامد : ابو الشباب وش فيك مانت طبيعي ...فيك شي ...اهلك بالسعوديه فيهم شي ؟؟
طلال : ....لا
حامد: لا حول ولا قوه ....طلال تكلم شغلت بالي وش فيك
طلال: اووووف ياخوي فكني ماني ناقص
حامد : لا والله ماني فاكك لحد ماتقولي وش فيك وجهك مو عاجبني
طلال : صبر جميل والله المستعان والله انك من جد نشبه خلاص مافيني شي يعني مافيني شي
حامد عصب : انا النشبه هااه صرت نشبه الحين عشاني اسأل عليك انت وخشتك
طلال : لا حوووول وش يسكته هذا
حامد من جد عصب لانه يبغى يطمن على طلال بس اسلوب طلال نرفزه ...
جاء ورمى المخده على وجه طلال
طلال :اووووووف اقول فكني يازير البنات
حامد معصب :انا زير البنات ياعاشق الاردنيه
طلال هنا خلاص ماقدر يتحمل ...قام تكفيخ بحامد ..وعلقت بينهم...والاثنين مسكو بعض من جد
على دخلت سامي وماجد ...
شافوا الاثنين من جد يتخانقون وعلى طول فكوا بينهم
ماجد : هيه شباب عسى ماشر هدوء وش فيكم
حامد : مادري عنه هذا داخل ينافخ ومعصب
طلال : انت الي نشبه ولا تخلي احد في حاله
حامد: الشره مو عليك الشره علي الي جالس اسأل عليك
طلال : لا تسال ولا حد وصاك علي
سامي : طلال خلاص خف شوي وش فيك انت اكلت الرجال وانت ماتعرف حامد ومزحه الثقيل
ماجد : ايه طلال هدئ شوي ...
طلال ..سحب نفسه وطلع على البلكونه ...وطلع سيجاره وجلس يدخن
سامي وماجد لحقوه ...
وحامد جلس بعصبه على الكنب ...وجلس يكمل الفيلم الي كان يتابعه قبل مايدخل طلال
ماجد: ابو الشباب وش فيك شايل الدنيا فوق راسك
سامي : ايه هونا وانا اخوك مافيه شي يستاهل
طلال : ....راحت مرام راحت
سامي وماجد : ....!!؟؟؟؟...
طلال : سعود الكلب الحقير اوصخ خلق الله خطبها خطبها وحفلة خطوبتها بعد شهر
سامي : يعني انت مضيق نفسك وقالب الدنيا عشان بنت
ماجد :خخخخخ اسمع من يتكلم ...ماكانه البارح بغى ينجن لما سمع بعض الناس دخلو المستشفى
سامي : اقول وراه ماتتلايط انت ووجهك مو وقته كلامك
ماجد: قال ايش عساها فيني ومو فيها ...بسم الله عليها ماتشوف شر ...تكفى طمني عليها ...راح اجي على المستشفى
سامي بعصبه : ماجد ترى من جد مو وقتك .
صحيح طلال واقف معاهم بالبلكونه بس مو معاهم لا فكره ولا روحه ولا حتى قلبه ...كلهم عند مرام ....بعد ماكان حبه لها بس استغلال...الحين بان الحب وعرف انه من جد يحبها من قلب ... وانه مو بس يحبها الا يعشقها ...حس بكل روحه تبي تموت .....حس بحياته وكانها تنتهي.
رن جوال سامي ...
سامي طلع جواله ...طالع في الرقم ...وبعدين طالع في ماجد وهو مستغرب من الرقم الي يدق عليه ....
ماجد: سامي ...ايش فيك من الي يدق عليك ؟.
هذي البارتات اهدى للكل وبالخص غلا الشرقيه
البارت الخامس والثلاثون
تزعل لاني عليك اغـار
من كثر حبك جت الغيـره
احيان قلبـي يولـع نـار
لا جبت في غيري السيره
وش لون لا جاتني الاخبار
قالو تعرف علـى غيـره
دق جوال سامي ...طالع في الرقم ورسمت على وجه علامات الاستغراب وتردد قبل مايرد على الجوال
طالع فيه ماجد وحس ان الاتصال مو عادي ...
ماجد: من الي يدق عليك ياسامي؟؟
سامي :مادري
ماجد :رد وانت تعرف ... ؟
سامي طنش الجوال ولا رد على الرقم ..
.وحاول يغير الموضوع ....لكن الجوال دق مره ثانيه نفس الرقم
هنا سامي تنرفز وبعدين رد على المتصل
سامي : الو
خالد:السلام عليكم ...سامي
سامي: ايوه معاك
خالد:كيف الحال
سامي :من الله بخير
خالد: ابغى اقابلك
سامي : امر وش بغيت !!
خالد :اذا جيت تعرف
سامي :اوكي .....
خالد : خلاص بعد نص ساعه اشوفك في الكوفي
سامي :اوكي اشوفك
سكر الجوال ...
علاقه خالد وسامي من قبل متوتره ماكانوا متوافقين مع بعض كان كل واحد ينتظر الزله من الثاني وخاصه ان خالد
منتبه لنظرات سامي لـ اخته وكان مقهور حيل من سامي وكان من اول يبغى اي فرصه عشان ينتهزها ويوقف
سامي عند حده ...وهذي اللحظه قربت.
**
**
**
**
**
**
**
**
===========================================
في المستشفى عند ديما ...جالسه في السرير وحاضنه المخده وباين على وجهها علامات الخوف
ديما تكلم نفسها : الله يستر الله يستر ...يارب انك تعقله وتهديه ياااااارب
...اخوي واعرفه زين مجنون اذا حط الشر في راسه مستحيل يشيله ...الله يستر الله يستر لا يرتكب جريمه بولد
الناس ...والمشكله احنا في غربه ولا ابوي ولا احد من اعمامي موجود عشان يقدرون يوقفونه ...ياااربي وش
اسوي انا الحين
طق الباب ...ديما انفجعت شوي لانها متوتره ....
مرام وسار: هاااااااااااااايوووو على احلا قمر يدلع علينا بالمستشفى
ديما : هلا وغلا نورتوا ياحلوين
مرام: منور بوجودك ياعسل ....
ساره : هااه طبينا اخبار النفسيه اليوم ؟
ديما حولت تلف وجها شوي لانها خايفه يينين على وجها خوفها على اخوها .
ديما: ماشي الحال
مرام حست فيها : امممم ماشي الحال ...بنت بسرعه اعترفي ايش فيك
ديما: مافيني شي
ساره : اقول يابنت اختصري الوقت واختصري التحقيقات وقولي بسرعه
بعدين ديما استسلمت للامر الواقع وبعدين اشرت في يدينها على باقه الورد الي على الطاوله الي جنبها
البنات شافوووها وعلى طول صاحو بصوت واحد : ياحركاااااااااااات من وين هذي
ركضوا عليها وفتحوا الكرت ...طالعوا لقوا اسم سامي على الكرت
مرام وساره علامات التعجب في وجيهم : !!!!!؟؟؟؟؟؟
ديما طالعت فيهم وقالت لهم
وازيدكم من الشعر بيت ...اخوي خالد شافها وشاف الكرت وعرف كمان انها من سامي .
مرام :واو وش سوا
.ديما:..وعصب ونرفز وسمعني كم كله وباين من عيونه الشر وطلع ...وانا حالتي حاله ماني عارفه ايش راح
يصير
ساره: يابنت الحلال وش راح يصير وبعدين انتي مالك ذنب هو الي ارسلها مو انتي
ديما: انا ماهمني نفسي انا واثقه من نفسي وعارفه اني ماسويت شي غلط ...بس الي شايله هم اخوي انتوا
ماتعرفون خالد ولا تعرفونه اذا حط الشر في راااااسه وربي مايهمه احد ...يعني عادي يرتكب جريمه
مرام : يااااالطيف
ساره: لا حول ولا قوه الا بالله ....طيب هو وينه الحين
ديما: مادري كان مره معصب وجلس يصارخ علي وطلع ...وانا خايفه انه يكون راح عند سامي وخايفه السالفه
تكبر وتدخل فيها الشرطه
ساره : ايش دعوى مراح توصل لكذا
ديما وهي تصارخ : اخووووووووي واعرفه مجنوووووووووووون بقوه مجنوووون ياليت احد يقدر يروح يعقله او
يوقفه
مرام : ياساااتر ...طيب ليه مانخبر احد يروح يدور عليه ويهديه
وبعدين كلهم التفتوا على ساره وطالعوا فيها
ساره عرفت ايش يفكرون فيه البنات وعلى طول ردت عليهم : no way
مراح اكلمه ولا راح اطلب منه شي مستحيل بنات.
ديما: تكفين سارونه عشان خاطري عشان خاطر صقيقتك ....>>> وجه مره برئي عشان تحن عليها ساره
مرام : سااارونه لا تكوني كذا عنيده ...يعني انتي راح تدقي عليه عشان سواد عيونه انتي راح تدقي عليه عشان
يكون بجنب صاحبه وياخذ باله منه ويهدي الوضع.
البارت السادس والعشرون
مرام : سااارونه لا تكوني كذا عنيده ...يعني انتي راح تدقي عليه عشان سواد عيونه انتي راح تدقي عليه عشان
يكون بجنب صاحبه وياخذ باله منه ويهدي الوضع.
ساره: ياااااااااااااربي ....اووووف النشبه هذا طيب راح ارسل له مسج
ديما: اوكي تسلمين لي ياااااقمر >>> ديما المسكينه ارتاحت شوي
ساره جلست تكتب المسج لـ ماجد وكانت مره مغصوبه ...كتبت
( سلام ماجد ...تسلم عليك ديما وتقولك قول لسامي انه حالد عرف)
ماجد وصلت الرساله من ساره وعرف ان الموضوع فيه شي ...لانه شاف وجه سامي لما وصله الاتصال وهو
كمان عارف ان العلاقه
مو تمام يعني فهم السالفه فهم ان ماجد هو الي دق على سامي وفهم انه راح يكون فيه مصيبه نوعا ما ..ع
على طول دق على ساره
ساره تناظر الجوال مقهوره وتناظر لديما
ساره:انبسطتي هذا هو اللزقه دق
ديما:ردي يالغلا تكفين
ساره :الوو
ماجد:هلا ساره كيفك
ساره :الحمد لله
ماجد:وش فيه وش مسوي سامي
ساره:خويك مارح بعيد عنك مرسل لديما ورد ومن سوء حظه حط الورد بيد خالد
ماجد:وبعدين وش صار
ساره:مادري بس هو صارخ على ديما ومتحلف بصديقك
ماجد:طيب اوكي انا بشوف الموضوع وماله داعي هالكلام ياساره
يالله مع السلامه وقبل يقفل سمع ديما تقول
ديما::طمني بالله ياماجد
ماجد:قولي لها لا تشيل هم تبشر
ساره :اوكي
**
**
**
**
**
**
================================================
في شقه الشباب
سامي طالع الساعه وبعدين قام يبي يطلع ...لحق عليه ماجد
ماجد:على وين يابو الشباب
سامي : ابد مواعد واحد من الشباب راح اروح اقابله
ماجد : معاك
سامي : لا انت ماتعرفه وانا رايح عنده اخذ منه شغله وارجع ماراح اطول >>> يحاول يصرفه يحسبه مايدري
بموضوعه مع ماجد.
ماجد يحاول انه يمشيها معاها : ماعليه اجلس انتظر بالسياره لحد ماتخلص بس ابغى اطلع معاك
سامي ماعحبه الوضع بس ماقدر يقول لا حاول يصرف ماجد بس ماقدر ...
حامد لسى جالس يتابع الموفي بتاعه وجواله من مسج الي مكالمه مره ضحكه ومره غزل >>> عايش حياته مع
الشقر
طلال لسى يعاني من صدمه حاولوا الشباب بطلعونه من الي هو فيه بس هو مزاجه مره مقفل من سيجاره الي
سيجاره وكل سيجاره يشعلها يحس قلبه مشتعل ومولع نار زيها ....حاس في كتمه مو طبيعيه ...ماقدر يتحمل
حاله ...قرر انه يطلع من الشقه ويشم شويه هواء.
================================================
في للمستشفى ...
البنات جالسين يلمون اغراض ديما لانه تبغى تطلع اليوم عطاها الدكتور ترخيص خروج
مرام وساره وديما ...زي كله مره كل وحده تمزح وتستهبل على الثانيه ومن سالفه الي سالفه وضحكه وشويت
شقاوه
مرام كان في داخلها تبغى تقولهم عن الي صار لها اليوم بالمكتبه وكمان تبغى تقولهم ايش صار معاها مع
طلال ...بس متردده
خايفه البنات يعصبون عليها لانه تصرفها من طلال مره ماكان حلو ولا كان اسلوبها ولا مستواها ...بس هي كانت
محترقه منه وشايله حيل عليه ...
وهي جالسه تفكر ...
ديما : يابنت ياهووه الي مو معانا ...
ساره : نهائي انتي مو معانا جالسه من الصبح اقولك جيبي العلبه الي عندك وانتي معطيتني اشكل
مرام: سوري كنت افكر
ديما بمزح: ايش الي مشغلك ياحلو
مرام بهدوء وصوت المخطئ: بنات راح اعترف لك اعتراف وراح اقولكم ايش صار لي بس مابغى منكم اي تعليق
لحد ماخلص وتتفهموو موقفي
ساره :قولي ياحظي اكيد مصيبه
مرام بعصبيه:خلاص مابدي اقول
ساره:والله ان تقولي والا يصير شي مايعجبك
مرام:طيب اسمعوني للاخر
سكتوا البنات على حسب طلب مرام وجلست مرام تحكي ليهم ايش صار معاها بالمكتبه وكيف سعود جاء عندها
وجلس يتكلم معاها من غير اي مقدمات وكمان كيف تنرفزت من كلام طلال لها وكيف كذبت عليه الكذبه هذي ....
البنات وهما يسمعون لها ....
ساره: يادبا وهذا كله حاصلك اليوم ولا قلتي ...وانا اقول لما جيت على المكتبه مالقيتك
ديما : طيب ياخبله ليه قلتي لـ طلال كذا ...ماتخافين يروح يسال ويعرف انك انتي كذبتي عليه
مرام : اوووف ياديما لا تزيدها عليا وربي مادري كيف قلت له الي قلت ...بس كنت مره مقهوووره منه ومتنرفزه
على الاخر
ساره تطالع في مرام ...نظرات كلها لعانه ...وقالت لها بااسلوب كله تريقه
مراموووه ...ترى سعود عريس لقطه هذا السمستر راح يخلص دكتوراه ومشاءالله عليه يعني ولد ناس وماعليه
يعني هو شوي دفش بس عادي تتحملينه
مرام : لاااااااااااااااااااااااااااااااااااا حرام عليكي اصوم اصوم وافطر على بصل
ديما: والله صراحه يامرام ..حتى شكله مش بطال يعني لو يعدل شوي من لبسه يطلع فل اوبشن
مرام : الله يقلعكم ياحقيرااااااااااااات جالسين تريقه علي والله لو يخلصوا الرجال كلهم مااخذ سعود ...وبعدين انتي
ياست ديما اذا هالدرجه عاجبك شكله ليه ماتاخذينه انتي
ديما: اول هو ماتقدم لي وثانيا انا خلاص بطلت وشلت من قاموسي مصطلح رجل >>>> تعقدة البنت .
= = = = = = = = = = = = =
بالوقت هذا والبنات جالسين يتكلمون عن طلال ....
طلال ضايقه فيه الدنيا ولا يدري وين يروح حاس الدنيا بكبرها ضايقه عليه وجالس يمشي في شوارع لونقمت ولا
يدري وين يروح ولا هو اصلا من وين جاي ...كل تفكيره في ميمو ...وكيف انها طارت من بين يدينه ...وجالس
يتذكر ايامها معاها ..هو صدق كان باديها لعب ومزح وكان بالبدايه هو بس مستلطفها ...بس ماعرف انه يحبها الا
لما سمع في خبر خطوبتها ....
وهو جالس يمشي والافكار تودي فيه وترجع ...ماحس بحاله الا هو شايف سعود قدامه
البارت السابع والعشرون
وهو جالس يمشي والافكار تودي فيه وترجع ...ماحس بحاله الا هو شايف سعود قدامه
سعود كان جالس هو وشلته بطاولة الكافي الي برى ...وجالس يسولف ويضحك معاهم داخل ولا انتبه اصلا بطلال
طلال لما شافه ...ماهو عارف ايش يتصرف ... شاف عدوه شاف الي سرق اجمل حلم في حياته شاف الي طعن
قلبه الف طعنه .... الي اخذ ميمو منه ....
طلال صار النار الي بقلبه هي الي تتحكم فيه واعميت عيونه ولا قادر يتحكم في حاله ...
فجئه كذا نط على الطاوله الي سعود جالس فيها بين ربعه ومسك سعود وسحبه من كرسيه ....وبصوت واااااحد
طلال: يااااااااااااااااااااااحقير ياااااااااااااااااااوااااااطي يعني من بين كل البنات كلها مالقيت الا ميموووو
سعود ماهو جالس يستوعب الي قاعد يصير
اصحاب سعود حتى هم مستغربين من الشخص اللي هجم على سعود وبدا بالخناق بدون مبررات
ومن حسن الحظ او سؤ الحظ
انه بنفس المقهى كان خالد ينتظر سامي
**
**
**
**
**
**
ريم وندى صاروا اكثر من خوات
اصار الدوام ماخذ كل الوقت
ريم تعرفت على منال
ريم:السلام عليكم
منال:اهلين وعليكم السلام
ريم:انتي شكلك سعوديه
منال:اي والله وانتي كمان
ريم:ايوه انا من الغربيه
منال:ياقلبي حتى انا من الغربيه
ريم :توك جايه صح
منال :اي والله وجاي لحالي بعد
ريم:ليه يابنت انتي ماعند محرم
منال:اخوي جابني وراح مايقدر يستنى معاي عندو دراسه
ريم:احنا اهلك ماتشيلي هم
منال:الله يسلمك انتي معي بالصف صح
ريم ايوه وهذي صديقتي ندى
منال:اهلابيكي
ندى :وانتي كمان
منال توها متخرجه وجايه بروحها
ماعندها احد تاقلمت معها ريم بسرعه لانهم من نفس المدينه
مع الايام صاروا منال وريم اكثر قرب
ريم صارت علاقتها بندى جافه لانها صارت اكثر وقتها مع منال وطنشت ندى
تغيرت الظروف وتغيرت الحياة
ومع الوقت صار هناك جفا حاد بين ندى وريم
**
**
**
**
**
**
**
**
**
**
**
نور:هلا حبيبي
محمد:نوارتي ترى موعد الرحله بعد اسبوع
نور:ليه حبيبي ابي اجلس عندهم مابعد شبعت منهم
محمد بحنان بالغ:نوارتي ياقلبي وانا ماشتقتي لي
نور بدلع:الا ياقلبي الله اعلم قد ايش اشتقت لك
محمد:الله يخليك لي يابعدهم
نور:امين ويخليك لي يارب
محمد:نوارتي وحشتيني مووووووووت
نور:....................
محمد:يالبى قلبها اللي تستحي
**
**
**
**
**
**
**
**
**
**
نكمل مغامرات شبابنا العزاء
او بالاصح اصحاب المشاكل المستمره
لما طلال مسك في سعود
اجتمعوا كل اللي هناك وبالذات العرب
من ظمنهم خالد وبوسط الضرب والهواش
طلال:ياحقير والله ماتكون لك والله ماتكون لك لو على جثتي
سعود:انت انسان مريض وانا مابرد على اشكالك
طلال بصراخ:اشكالي ماتتحرش ببنات الناس
سعود:عدال على الاقل انا ادخل البيت من الباب مو مثل غيري حب وغراميات
طلال:احترام نفسك لاعلمك الاحترام
سعود:انت اخر شخص تعرف الاحتران علم روحك بالاول
سامي وماجد جايين من بعيد وشافوا التجمع
ماجد:يالله وش اللي صاير هنا
سامي :مدرلاي خلنا ننزل نشوف شكلهم عرب
قربوا ماجد وسامي من التجمع
ماجد:يوااا ذا طلال وسعود
سامي :اي والله تعال نشوفهم
سامي :وش في شباب انتم اخوان وعيب عليكم ذا
خالد تنرفز من كلمة سامي عيب عليكم
خالد معصب:انت اخر واحد تتكلم عن العيب
ماجد:وش فيك يارجال
خالد:لا حد يدخل ذا الشي بيني وبين سامي
ماجد:اقول وش ذا اليوم العالمي للهواش
خالد:لك حساب معي ياسامي بس مو اليوم ماني رايق لك والا كان عرفتك قدرك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك