أقسام الوصول السريع ( مربع البحث )

بداية

رواية انتحرت فاحبني -11 البارت الاخير

رواية انتحرت فاحبني - غرام

رواية انتحرت فاحبني -11

حمد: من منو خايف امي ولا ابوي اما عن ابوي مسافر لندن للعلاج اما امي ما اعتقد انها راح تردك
فهد: ان شاء الله
حمد: اشفيك ؟!! انت خايف انها تكون ناسيتك صح
فهد: هاء لا بس......... ما ادري
حمد: اشفيك فيك شي
فهد: لا بس
حمد: اشفيك
فهد بكل غضب: ما فيني شي يعني لازم فيني قلت ما فيني شي
حمد: يا كلمه ردي مكانج ما قلت شي بس حسيت انك تحاتي شي
فهد: لاء وين جواهر بعد شوي لازم نروح المستشفى
حمد : ما ادري تبيني اناديها لك
فهد يحاول يقرب للموبايل "جوال او نقال" شوي بعيد عنه : لا الحين ادق عليهااااا
حمد قرب له التلفون : هاك
فهد يخز حمد بكل غضب: اتوقع اني قادر اني اجيبها لنفسي
حمد يبتسم : ادري بس حبيت اني اساعد اول مره اساعدك وانا يا فهد الفهود الا يكفيك اني امير واساعدك ويحك هههههههههههههه
فهد يبتسم ومتفشل من الي سواه: هههههههههههههههه والا يكفيك اني ادخلتك قصري وتجلس على ارضي ههههههه
حمد: ههههههههههههه
جواهر: جعلها دوم الضحكه بشفاهكم يلا راح نروح المستشفى حمد ابي منك طلب
حمد: امرتدليلي لو تبين شمس ولا القمر اجيبه اجيبه
فهد: بس بس هي انا اهني
حمد: ما قلت شي يا رجال احول
جواهر : ههههههههههههههههه
حمد: وانتي شنو الي يضحكج علشان اضحك
جواهر: ولا شي هههههههههههههههههه
حمد: لا والله قولي لا والله هاء
فهد: شنو هاء شنو مو مالي عينك
حمد: انت شفتها شنو تسوي
فهد يخفي تبسمه: شنو قالت بس اضحكت ههههههههه
حمد: حتى انت تضحك ضحكوني معاكم علشان اضحك هه هه يلا قولوا
فهد حواهر: ههههههههههههههههههه
حمد: لا عاد امصخت خلاص لا تقولين انزين ومن الحين لا الي تبينه
فهد وجواهر: ههههههههههههههههههههههه
حمد معصب: لا حول ولا قوه الا بالله يلا استرخص
جواهرتمسك يده وتعقده : سموحه يا قلبي ولا مو قصد بس مو حلو عليك العصبيه والي خلاني اضحك اني حسيت لما قلت ل فهد ما قلت شي يا رجال حسيت هههههههههه انك طالب الي ما حل الواجب هههههههههههه وخايف ينضرب هههههههههههههه
حمد: هههههههههههههههههه اي هههههههههههههههه
فهد: ههههههههههههه
جواهر: يلا مشينا فهد شغلت السياره
حمد: وانا ويني
جواهر: لا يا حمد انا راح اطول وانت يمكن تروح لشغلك ولا شي لا يمكن انا واخوي نطلع للبحر من زمان عنه اشرايك فهد
فهد: ااااي مشتهي البحر
جواهر: يلا مشينا
حمد: يلا وانا وراكم بسيارتي
فهد: يلا مشينا
جواهر: مدت يدها تساعده هز راسه يعني انا اقوم واتكى على العكازيتين

(" بالمستشفى")

ما صار لها وقت من قامت
ام حمد : يا بنتي يلا اكلي انتي من امس ما اكلتي شي
اماني بغضب: ما ابي انتي منو انا وين ليه انا اهني منو انتي انا منو منو اماني راسي يعورني
ام حمد: اماني اشفيج انا امج امس كلمتيني انا امج
يدخل حمد : يومه اشفيج عسى ما شر صوتج واصل لبره
ام حمد: اماني نستني "وتبكي"
حمد: الله يهديج يعني ما تدرين شنو قال دكتور ماعليج ان شاء الله ما فيها شي
اماني: انت منو انا ليه اهني منو اماني انا وين انتم منو
ام حمد: لا حول ولا قوه الا بالله حسبي الله ونعم الوكيل
حمد: يوه نسيت يومه جواهر جايه اهي واخوها ادخلهم
ام حمد: اي خلهم حيايهم
تدخل جواهر واخوها فهد بعكازتينه تطالعهم اماني ضعفانه والتزمت الصمت
جواهرتسلم على ام حمد : اشلونج خاله كيف الحال واشلون اماني عساها بخير اهي تعرفنا
ام حمد: والله يا بنتي ماادري امس اعرفتني اما اليوم لا
جواهر تطالع حمد: عادي اجي اسلم عليها
حمد: لا جذي احسن اهي اليوم ما تذكر احد
فهد بداخله وده يبكي وين البنت الي وجها بيضاوي حلو الابيض والعيون الي فيها برائه جمال وين راحت صارت ذابله ضعيفه صفره ارهقها التعب بغصه وقرب منها يحاول كبت دموعه
فهد: اشلونج عرفتيني انا انا فهد اخو جواهر تذكريني
اماني تطالعه بكل خوف تردد وتحس انها تعرفه من زمان وان قلبها يخفق بسرعه ولا تدري وين شافته: انت منو ؟!!
فهد ما سك نفسه ويقرب اكثر لسرير يصرخ حمد
حمد: لا تقرب فهد تراني ما اضمن لك تراها ماهي بوعيها
فهد صار قريب منها اقبالها" قدامها" مد ايده: انا فهد يا اماني انا الي شفت الدنيا تنهار بعيني لما سمعت انك راح تروحين لغيري ليه كذبتي علي ليه
اماني تدمع عيونها بس ما تدري ليه تناظره تشوفه تتأمل تمد يدها له قرب لها لاجل يمد ايده لها
حمد: لا يا فهد ما اضمن لك امس عضت ايدي ماهي بوعيها ما تدري وين الله قاطها
فهد مد ايده لها ولا اهتم امسكت ايده بدت تلامسه تحس باحساس غريب تبي تبكي تبي تضحك حطت ايده على خدها نامت عليه امسكته وانسدحت وهي تبتسم
ام حمد: اماني اضحكت بنتي اضحكت شفتها حمد شفتها
حمد: اي شفتها يا يمه شفتها ان شاء الله تتذكر وتتشافى
اماني: ايدك دافيه انت منو وانا وين ليه انا اهني وانت من وين جيت انت شكلك مو مثلهم انا وين "بدت تبكي"
فهد بدت دموعه تتطلع وغصه تزيد: انتي اهني بقلبي بين ضوعي ادفيك وعد علي اني ما اخليك
اماني تضم ايده وتحطها تحت خدها: لا تخليني للالم والاوجاع لا تخليني اعاني ذل وحدتي وانكساري ابيك امل لعمر ضاع اوعدني انك ما تخليني يا فهد
فهد طالع حمد وحمد يطالع جواهر وجواهر تضم ام حمد وام حمد تبكي من فرحه اما اماني نامت بعد هذي الجمله
تفائلوا بالخير ان شاء الله تعدي هذي المرحله وتقوم
بعيد عن الوطن العربي وانتقال الى اوربا الى مملكه المتحده في احد جامعاتها(شله لندنيه جابر الجابر ولد عم مبارك حمد وخالد ولد خالته مبارك وناصر رفيق الطفوله)
مبارك : يا الله تعبت
شجون: يا الله صباح خير هذا اول محاضره لك وانت تقول كذا
مبارك: مليت من محاضره الى محاضره وجي هذا الغبي يقول يبي بحث في المتحف واختار احد معالمها ليكون موضوع بحثك انا فاضيه وهذا مو مجال دراستي
شجون: انا شكلي بتورط فيك شكلك كسلان ولا ادري ليه حطني الاستاذ معك
مبارك: اسمعي شجون اشرايك انتي تسوين التقرير وتقولين انه انا معاك
شجون: مثل ما انت عندك امتحانات انا بعد ومجال تخصصي اصعب من مجال تخصصك
مبارك : ادري انتي اقتصاد وانا إداره وكلنا بالهوى سوى وش الفرق
شجون : انا وياك نلتقي بعد ثلاث ايام, اسبوع الجاي الاستاذ يبي تقارير, وهذا رقم تلفوني في سكن طالبات اطلب اسمي شجون سالم العلي لا تنسى سلام
مبارك : يا ليل هذي مو مثل سعاد وينك يا سعاد
جالس على طاوله يفكر وسرحان بذيك البنت الي قاعده تسولف مع رفيجتها(رفيقاتها اوصحباتها اوصديقاتها) "ملاك" وتضحك وذاك الصراخ ويلف وجهه لا هو بوجه مبارك
مبارك بصراخ : خااااااااااااااااااالد
خالد بغضب وخوف من الي صار: بسم الله الرحمن الرحيم وانت متى جيت وليه الصراخ خليت العالم كلها تلتفت يمنا قصر حست وجع
مبارك: يوجعك ليه تسب انت وليه ومعصب بمنو سرحان
خالد : مالك خص
مبارك يلتفت عند ذيك البنت الي بسمتها وجهها مثل البدر وعيونها جذابه تصد عيونها عن خالد وخالد يطالعها
مبارك: يا عيني على الحب عزه الله انك طحت وانت واقف
خالد: هاء
مبارك: لا ابد ولا شي تهنى بس تفرج يا اخي رح قلها انا معجب ولا شي تقرب منها
خالد بغضب: نعم هيي انت تدري عن طباعي ماني من نوع هذا
مبارك : صار لك كم شهر مو على بعضك والحين عرفت رح قلها يا اخي ولا تبيني اتوسط لك
خالد: لا ما اقدر ما ادري
مبارك: قبل لا تقدم على الي تسويه انت خلاص نسيت... دلال؟!! ولا قاعد تسوي شي ترى اعرف ماراح تأذي الا نفسك انت مستعد لتجربه مره ثانيه
خالد التفت عليه بكل غضب :لاءء......... سكت: بس اهي الحين تزوجت اهي حامل ومرتاحه مع زوجها ولااهو مقصر معاها لوتطلب نجوم السمى عطاها وانا على قولت اختي لازم اواصل الدنيا مثل ما انا سعيد اني اشوفها متهنيه اكيد انها راح تفرح لي
مبارك: يا عيني يا شاعر قلي بعض اشاعرك اطرب اذني خلنا نغير جوا
خالد: عجل اسمع الي كتبته
أعظم (وجـع) بالحب لا صرت تشتاق
..........................لـ اللي تحبه ولا أنت قـادر تشوفه!
يكويـك "جمـرٍ" داخـل القلب حرّاق
.........................زود ٍعلــى نــاره تهـدّك طيوفه!
لا مـرّ بعيـونك كمـا نـوض برّاق
..................... مـالك مجــال إلاّ تســاير ظروفه
ياصاحبـي لـو بينـي وبينـك آفاق
......................نفسي معـك في كـل حالـة شغوفة
ما كنت "قبلك" خلف الإحساس أنساق
...........................وإن شفت درب الحب أسكت وأطوفه
يلين جـاني منعطـف سيل الأشواق
...........................بأمر الغرام اللـي سطت بي سيوفه
قاومت لكـن! خافـي الحب ماطاق
..........................صابه صمـود ٍ زلـزل أجزاء خوفه
بغيـت أردّه بـس حسيـت بإخفاق!
........................في لحظـة ٍ"مـد" لـ كفوفك كفوفه
جالك ولا كنت أحسـب الحب دفاق
.........................لين أغرق الخـافق وسال بـ نزوفه
أثْــر المحبـة نبضهـا دوم سرّاق
........................دمي وهـو دمـي بجسمـي تحوفه!!
حاولت أداري حـب قلبـي بالأوراق
........................وأثْر الورق ماهـي أمينـة حروفه
سـلّ المشاعر من متاهات الأعماق
......................وأصبح يفسـرّ كل وضـع بوصوفه
يكتب تقاريـر الغـلا وقت الإشراق
......................وعند المسـا يعطيـك باقي كشوفه
يا"جامـع" حنيّـة الكـون بأخلاق
......................معـذور قلبـي لـو يضمك بجوفه....!!
مبارك : صح لسانك مشاعر كل هذا علشان "ملاك" لو تدري عنك بسسسس لو اني منك كان نزلت ديوان مو اكتبها على ورق بعدين اقطها بسله
خالد: ما ابي احد يدري وانت تدري ان ما ابي احد يدري اني اكتب شعر وعدتني والرجال ما يخلف وعده لو السف برقبته
مبارك: افاا تخاف انا عند وعدي وين قايم
خالد : عندي محاضره راح تبدي بعد دقيتين وانا شكلي راح انطرد يلا باي
مبارك: باي
طبعا تتسألون اش صار على دلال وعادل عايشين كل يوم قصه حب اسطوريا ودلال كل يوم يزيد تعلقها فيه بسبب حبه واهتمامه ورومانسيته يعني مسويها يا ادهينه لا تنكتين كملت كورس الاول بجامعه الي قالت عنها وصحيح تعتبر من اقوى الجامعات بالعالم واغلاها والحين حامل اما عادل فرحان لهذا الخبر الي ما خلى قاصي ولا داني والا وعلمه
وطبعا تقولون خالد درى اي درى من امه الي ما تدري عنه وعن دلال علمته كل مره تتكلم دلال مع امها امها تدق على اختها تبشرها عن دلال وتعلمها عن احوالها واشلونها مع حياتها اما العنود عرسها من ولد عمتها بعد امتحانات خالد بأسبوعين وخالد يحاول يخلص كل شي وما بقى شي يخلص الكورس"الفصل" الاول
مرت الايام بسرعه على بعض وثقيله على بعض الثاني لا ايام تسرعه بسرعه البرق ومر اسبوع وانتهى عرس العنود دلال ما اقدرت تحضر بس ارسلت هديتها كانت ساعه من الالماس حلوه
اما فهد في تتطور دايم وبدى يقدر يتخلى عن اعكاز اما اماني اذا ججت حالتها دقوا على فهد الا ان اماني احسن من قبل وبدى يخف معاها حالت النسيان بدريج اما حمد ما بقى على عرسه الا فتره بسيطه ويحاول يخلص الفله لانه راح يبيع البيت الي ابوه اهادها له اما ابو الحمد تمكن فيه المرض وهو بلندن ودلال كل مره تزوره الا حالته وصاله النهايه
اما احلام استقرت اهي وزوجها بيت بروحهم وزوجها قدم على وظيفه واقبلوه واهي كذلك قدمت على وظيفه مساعده له واهو فرح بهذا شي يعني تكون قدام عيونه وخلاها سكرتيرته وماشاء الله عليهم الله لا يغير عليهم كل واحد شايل الثاني بالبيت شي وبالدوام شي ثاني الله يحفظهم
يتبع


اما دك رائد يحاول يقنع دك محمد مع ام حمد ان ياخذ اشواق بنت ام سعد الا انه مصر ما يبي يتزوج ودك رائد يعرف ليه بعد ماايسأست ام حمد طلعت من مجلس
ام حمد: حليك فيه انت تعرفه اكثر مني راسي اوجعني وانا اقعنه من اسبوع قله
دك رائد: ابشري انا اعرف له
دك محمد: لا تحاول قلت لاء يعني لاء
دك رائد: ليه حتى الحين تفكر تهاني انسى الله يرحمها انساها
دك محمد بكل حزن: اه الله يرحمها ما نستيها يا رائد ولا اقدر طلع صورتها من بوكه
دك رائد: الى متى يا محمد الى متى خلاص كم سنه حرام عليك ثمان سنين ارحم حالك هذا مو زين لا عليك ولا عليها خلاص راحت الى ربها
دك محمد: مو على كيفي يا رائد
دك رائد: فرح امك يا محمد من سنين واهي تتمنى هذا شي فرحها والله اشوق مو اقل جمال من لمار والله قمر وبنت طيبه وخجوله وحساسه وانا اعرفك تحب هذي الشخصيه فرح امك والله لو تهاني اهني ما كان رضت على حال الي انت فيه ارحم حالك وارحمني انا معاك
حمد: اي والله اسمع كلام رائد
دك رائد طارت عيونه ودك محمد حس ان الارض تدور من تحتهوكلهم بصوت واحد: انت من متى اهني
حمد: ابد من امي ما قالت لك حليك فيه
دك رائد: يعني تتصنت
حمد: لا والله ان النيه اني اطلع بس سمعت امي تقول هذي الجمله وقلت امي منو هذا الي تكلمه بالممر وتاركه اختي بروحها ومن اهني سمعت كل شي وبس
دك رائد: وبس كان تنحنحت علشان نعرف
حمد: لا ما حبيت ازعجكم
دك رائد: لا فيك البركه بس تنصت علينا بسسس
حمد: ابي اعرف منو تهاني انا دايم اسمع محمد لما ينام معاي بالغرفه دايم يقول تهاني كنت اظن انها امه الي ربته اليم سألته قال لا هذا مو اسمها قلت الا ما اعرف لانه دايم يطلع بوكه يتأمله والحين فهمت ان اخوي عاشق ومحب لوحده ماتت الله يرحمها نصيحه علىاني ما اعرف عمق العلاقه انسى الماضي دام انها ماتت وابتدي من جديد لاجلها واذا جتك بنت سمعها تهاني وهاذ نهايه القصه يا ذكي والحين استأذن عندي شغل مع سلامه
دك رائد: يا صبرك عليه ساعات ما اطيقه
حمد: مو شرط يا رائد
دك رائد يمشي بسرعه يبي يضربه بس حمد حس وهج ماسك غترته علشان ما تتطيح وضحك محمد عليهم ورائد زف محمد وراح لشغله
بعد ايام راح دك رائد ودك محمد وحمد جواهر وفهد عرس راكان الي كان بالبيت حفله عائليه الا انه بساطته كان جميل وخفيف وتم زواج راكان بعنود او شاء الله حمد بي لمار
دك رائد ارسل رساله لمار وهذا نصها.....
اغلى شعور معـــــــــــانق ايدين خلان
فيه القلـــــــــوب كفوف والروح تسما
وأصعب شعور موادع انسان لأنسان
منه العيون تشبه الدمـــــــــــــع بالما
"انا راح اروح ما عاد فيه حجه لاجل اقعد تبين شي قبل لا اروح وافارق العيون الي اذبحتني"
__________________________________________________ _______________
وصل المسج لمار الي كانت بين الناس تصفق وتضحك وردت عليه ...
وزنت حبك في موازين عشاق
واثره طلع فوق الموازين حبك
ماهو قليل مير بالصوره أفرااق
خربت موازين العشق بي وربك
لا يا قلبي ما ابي شي ما ابي الا سلامتك ولا تبطي على بأتصالتك يا بخيل
__________________________________________________ __
وصل المسج دك رائد وهذا رد .......
هههههههه ماني بخيل بس تدرين اني اعدل البيت الي شريته كنت عايشه بشقه ولا تبين انتي تفرفرين السوق وتسوين الاثاث معي عادي انتظرك
__________________________________________________ _
وصل المسج لمار وهذا هو الرد.........
ههههههههههه اي معذور لا عادي الي يريحك انا ولا انت ما نختلف بس ذوقك انت احلى مني
__________________________________________________ _
وصل المسج دك رائد وهذا هو النص ......
هههههههههههههه اي ادري انى ماراح نختلف بذوق ادري اني ذويق بس حبيت انج انتي تضبطين باقي البيت بس ما عليه تدخلينها اميره القصر
__________________________________________________
وصل المسج لمار
يووووومه غرور فوق كل هذا انا ما عندي مانع اني اسوي معاك البيت يمكن ذوقك ما راح يكون زي ذوقي لا تسوي شي الا وانت معلمني علشان ما يصير فيني كأبه
__________________________________________________
وصل المسج دك رائد وكل التفت عليه من كثر ما يطلع نغمه المسج استحى شوي خلها يعنني ماابي افتحها بس عجز بعد وقت فتحها وضحك عليه الحاضرين ابو راكان ودك محمد وحمد وفهد هههههههههههه اترك الرساله شوي وبعدين رد مره ثانيه وكتب ..........
مو غرور الا ان الواحد يعرف نفسه خلاص انا بس راح اشري غرفه النوم لا جاء بعد رجوعنا من شهر العسل ان شاء الله انا وانتي تكمل البيت واشرايك اي ما قلتي لي وين تبين تسافرين بشهر العسل
الكل انتبه له وهو منهك بالكتابه وتحاذفت التعليقات واهو مندمج ما يدري الا بعد ما خلص انهم يضحكون : وش الي يضحك الكل : هههههههههههههههههههههههههه
__________________________________________________ _________________________
وصل المسج لمار الي بنات وصديقاتها وصديقات خواتها والعروس الكل يناظر فيها وكل فهم ويضحك واهي تفشلت وقامت من المجلس وردت عليه....
كيفك يا بعد عمري اي مكان انت تختاره اما عن البيت عين العقل يلا البنات قامن يتضاحكن بسبب الرسايل لا وصلت سالم لديرتك دق علي في امان الله راح احطه سايلنت
__________________________________________________ ______
وصل المسج دك رائد الكل قال بصوت واحد رد هههههههههههههههههههههه ضحك معاهم بس تعرفون لازم يفتح الرساله بعد ما استأذنهم انه يبي الحمام انتوا الكرامه
اوكي يا قلبي يلا في امان الكريم حتى انا
__________________________________________________ _
وانتهى العرس بعد انقضاء احلى الايام لراكان والعنود بعد معناه 29 سنه من عمرهم
************************************************
الكل رجع لحياته مرت الايام بسرعه على البعض والبعض الثاني لا (" مرت شهور ")
فهد ترك العكازه اما اماني الحمد الله تشافت واطلعت من المستشفى اما خالد كل يوم يتعلق بملاك وهي بعد الي صارت في هذا الكورس معاه بنفس غالبيه محاضرات وقدموا كثير من البحوث مع بعض والمشاريع
يمكن تتسألون منو ملاك (ملاك بنت احد تجار بالكويت معروف عن هذه العائله بتفوق ابنائها ونجحاتهم وتميزهم بثقفاتهم منهم المهندس منهم الطيار منهم رجل اعمال ومنهم استاذ بالجامعه يعني مناصب قياديه ولا يهم انت منو كثر ما يهمهم شهادتك شنو ) وكل يوم يتعلقون بعض
مرت الايام وبعد ما اقتنع من ضغط من دك رائد واخوه حمد وام حمد واماني وبعد كم يوم راح يكون ملكته
اماني: يا اخوي مو زين جذي خلاص انسى الي ماضي ابتدي من جديد
حمد: اي والله الي تقوله اختي مجنونه تراه صحوح
اماني تحذف عليه مخده: انا مجنونه يا مجنون جواهر
حمد: يوه يوه نسيت حبيبتي قلت لها ان اليوم راح نشتري اثاث شقتنا يلا باي
اماني: حك بريك شوي لا تسرعه الدنيا ما تسوى لا تسوق بسرعه
حمد: ليه تظنين اني فهد اقول ما دق عليج يعني ملك الرجال يسوي نفسه ثقيل
اماني: يووومه انت اشدخلك رح بس رح
حمد: اي زين اخلص من تعديل غترتي تشوفين
اماني : والله ما تقدر تسوي شي عندي الحين امي على يميني واخوي الحبيب محمد
دك محمد: لا انا مالي شغل
اماني تضربه على كتفه: وهذا وانا ابيك عون تصير علي فرعون تبيه يضربني انت ما تعرفه هذا دفش
دك محمد: حرام صار له فوق 6 شهور ما اضربك تبينه يصير فيه
اماني : ليه اهو حامل ما دريت انه يتنسى ههههههههههههههههه
حمد: وجع اي والله يووومه انتي تسمعين بنتج شنو قالت
ام حمد : اي بس اسمعي لا تتحركين واجد يمكن يأثر عليج
الكل ما عدى حمد عصب وطلع : ههههههههههههههههههههههههههههه
دك محمد: حلوه يا امي العزيزه يلا انا بطلع وراي شغل تامرين بشي يا الغلا
اماني: اي اسمع يا ولدي مر على سوق السمك مشتهيه ربيان وشوي سمك من زمان عنه عرفت يا وليدي
دك محمد: هههههههههههههههههه اي فهمت يا يمه ابشري يالي يدق على فهد ويعلمه بالي تبينه
اماني : من قال انا ما قلت شي
دك محمد: وانتي ما قلتي ابي سمك وربيان ابشري اقوله
اماني: يوومه شفتيه يألف علي وانا عنده
ام حمد: اي والله اهي ما قالت شي ولا تكلمت فيك سخونه ولا شي
دك محمد ماسك ضحكته: اي فيني بروح مع سلامه ههههههههههههههههههههههه
ام حمد واماني : ههههههههههههههههههه لا تنسى يا وليدي الي قلته لك
دك محمد: منو قال ما سمعت انتي سمعتي شي يلا في امان الله
ام حمد: في امان الكريم
اماني : ترى صج حمودي يا قلبي انت جيبه جد مشتهيه
دك محمد: الي اعرفه انه لج سياره صح
اماني: صح
دك محمد: انتي روحي لسوق السمك واشري الي تبينه
اماني: ودي بس الوالده الله يحفظها تقول لا
دك محمد: الله يحفظها لنا انتي قولي لها شوفي انا مشغول يلا سلام
اماني: مع سلامه يا اناني
بعد عشر دقايق يدق تلفون اماني
اماني : الو
....... الو
اماني نعم
..... هذا تلفون اماني ام عبد العزيز
اماني اي انا اهي وتطالع ولدها قدامها يلعب بلي ستيشن
..... معاج ام فهد ال... ولدي رفيق ولدج بالمدرسه حبيت اسأله شنو اخذوا اليوم لان ولدي غايب من امس
اماني اي انا اقولج
ام فهد انا مشغوله اخليج تكلمينه وتعلمينه الي اخذوه اليوم
اماني انتي مو امه انتي لازم تعرفين شنو ماخذ وشنو عليه وبكره عليه امتحان علوم
ام فهد شكرا على نصيحه وانا الحين ابدق على استاذ العلوم يجي ويدرسه الحين اخليج معاه
بعيد عن السماعه اخذ تلفون وكلم ام عبد العزيز لا تطول انا راح اسافر وبعد اسبوع اجي اذا تبي شي ولا شي دق علي وعندك ناني اوكي يلا حبيبي باي
فهد: باي
فهد سلام خاله
اماني عليك السلام بابا اشلونك
فهد تمام وين عبد العزيز
اماني الحين عزوز يلعب انت بابا ما تخاف تنام بروحك منو عندك بالبيت
فهد عندي طباخ وسايق والخدم وناني
اماني منو ناني
فهد مربيتي من كنت صغير
اماني اهي عربيه
فهد لا من فلبين
اماني شف اذا خفت تعال عندي تدل بيتنا
فهد انا مااخاف ابوي يجي بليل ابي الواجب خاله
اماني تنقله الواجب والدروس وهو ياخذ منها اماني كسر خاطرها الي يصير له
بعد ربع ساعه جرس الباب يطق ويضرب ضرب قوي اماني وام حمد خافوا
ولا يجي ازعاج من عند الباب صوت دلال واحلام واعيالها وتفز اماني : يومه دلال جت اسمع صوتها
تقوم ام حمد عند الحوش مع اماني وصار ازعاج وسلام وحكي مر اليوم بضحك اخذ بالاخبار وكرش دلال قدامها وادخلت شهر سادس وبدت تتعب علشان جذي قال لها عادل ارتاحي لانه بس باقي اسبوعين وينقل كل الشغل بالكويت وكل فرح واحلام اضافت للفرحه فرحه قالت انها هالمره احملت من غير علاج ولا ادويه
وبدت الحياه ترجع الى ماجاريها
وبعد 6شهور الكل حاضر ليه
عرس اماني وفهد
عرس حمد وجواهر
عرس دك محمد واشواق
عرس دك رائد ولمار
عرس خالد و ملاك
كانت العروس هذي ورى بعض بصوره خياليه الفارق كانت بس اسبوعين
وتصدق او لا تصدق
عرس ام سعد على ابو راكان بس هذيلا كان عائلي بحكم ان مابقى بالبيت الا منال اومها وافقت على فكره ابو سعد انه يتزوجها وحلم كان بماضي امس مستحيل واليوم جاء بعد 40 سنه
ههههههههههههههههههههههههههههه
بعد سنه في مخيم ربيعي وجو عائلي والكل بخيمته في سعوديه
راكان : تعال يا بابا عندي سلم على عمي دك رائد ان شاء الله تصير مثله شيله جوده عدل
دك رائد: يا ما شاء الله الله يخيله لك ويفرحك فيه
راكان : اي تراني من الحين واعلم الحاضرين ان بنت رائد لولدي
دك محمد: نعم لا يا الحبيب ولدي لبنته
فهد: علامكم تزاحتم عليه بنتي اهني اعطيها لكم بس مهر ما يقل 10 ملايين
عادل: اذا انت بنتك تعادل مشروع الي راح اسويه عجل انا بنتي الي راح تجي 20 مليون
حمد: من قال اني راح ازوج بنتي اهي الي تختاره انا اوافق عليه اهي الي تختار مو اهو انتم مو ناقص الا قمر اجبرها على زيجه قشره مثل هذي صح يا نونو
خالد: لا حول ولا قوه الا بالله انتم الي توزعون الارزاق بكره ما تدرون وش راح يصير لا تدخلون هذا الكلام بعقول اعيالكم
الكل: اي والله صدقت
بمخيم الحريم
اماني: يا الله الجوا بارد
جواهر: هاج جلالي " شالي" تدفي
اماني: يا بعد قلبي انا
دلال: يا بعد قلبي انا امممممم
اماني: اشفيج
دلال: قبل لا تجين كنت اقول الجوا بارد وعمك اصمخ
جواهر: حرام عليج والله ما سمعتج وانا بعد اخبر ان عندج شالج وينه ثقيل جايبته من لندن ودفي
دلال: يعني من معنى كلامك انك سمعتيني
جواهر: والله ما سمعتك ولا انتي اناسيه ان بنت اخوج تبكي فجر راسي وتوها تنام بصراحه الله يعين قلب كل ام عندها توم واحد تروح روحه على ما يكبر
احلام: انا قلت لج لا تاكلين العلاج وانتي ما فيج شي
جواهر انتي تدرين ان حمد يبي توم
احلام: بس مااقط نفسي بتهلكه
اشواق : كلام احلام صحيح انا كنت ابي توم بس محمد حلف علي قال لا توه في وحده ماتت لانها اكلت حبوب ورحمها اصلاما يتحمل انها تجيب توم وتقطع عندها الرحم وماتت اهي ويا توم والله بعد القصه هذي حلفت يمين ما طب بطني وقطيتها
لمار: انتي هبله انتي امي محلفه عليج انج ما تكلينها
اشواق: ما اكلتها الحمد الله
ملاك: انا ودي اخذ هي الحبه ابي اجيب توم
البنات: انتي خبله "وكل وحده تعطيها نصايح "
بس اسكتوا لما اسمعوا هذا الحكي
ام حمد: ها تنصحيني اني اتزوج " كل البنات التفتن على ام سعد"
ام سعد: ان كان بج حيل تقومين وانا اختج تزوجي بس هي نصيحتي لج جيبي لج رجال نص عمرج
ام حمد: هذي صعيبه
المجلس كله: هههههههههههههههههههههههههههه
("اما عن شباب شله لندنيه ما زالوا يدرسون وبدى قلب كل واحد فيهم يتعلق بحب حياته")
__________________________________________________ ____________________________
وتطوي سنين بعد سنين
ومراكب الناس تسري
هذا يرسي وهذا مازال يبحر
وهذا يفوز وهذا يخسر
دنيا لو التفت فيها لاشفت الوان واشكال
من شده اوجاعك تحس انه ما في احد مثلك
بس تشوف غيرك تشوف الي اردى من حالك
تفرح وتقول الحمد الله اني انا احسن منه
لو يشوفك ويسمع احزانك لا قال مثل ما قلت
ان خسرت ولا ربحت حبك خل صبر دوم مفتاحك
مهما طال البعاد وازدادت المأسي
تذكر انك مو بس انت تعاني في غيرك يحترق بصمت ويبكي ويتوجع ويعاني ضعف معناتك
خل املك بالي اخلقك ولا تيأس
والا صار كأبه عنوانك ومسيرك
لا تضعف عند اول ضربه
قاوم يمكن مع المقاومه تقدر تغلبه
هذي اهي الدنيا مواقف وعبر
ولكن لكل قصه لابد لها من نهايه
وساعات تحكم الاقدار لتكون اهي واضعه خط النهايه
اخر كلامي
طعني زماني بخنجر مسموم
ما صرخت ولا اهتميت
وقفت قدام العالم قلت يا طاعن انا مطعون
انا معك حرب بعدها ما هدت ولا راح تهدي
انا جبل لو هزني زلزال مااتحرك مكاني
انا وياك يا طاعني حرب ماراح تهدى
بقلمي
الى هنا انهي قصه استمرت معي سنه كامله على كتابتها اتمنى من الله العزيز العلي ان تكون قد استفدوا من هذه القصه لا تيأسوا من روح لله ولا ييأس الا قوم ظالمين
دمتم بود
زمنن ليس بزماني


تجميع
شموووخهـ
تعليقات



    حجم الخط
    +
    16
    -
    تباعد السطور
    +
    2
    -