بداية

رواية اعذروني إذا سالت دمعتي -13

رواية اعذروني إذا سالت دمعتي - غرام

رواية اعذروني إذا سالت دمعتي -13

محمد :يالله اوديك المستشفى
رحت نور ومحمد المستشفى وبعد الكشف والفحوصات
الدكتوره قال لمحمد انه عندها ولادها مبكره بس مايقدرون يولدها
لا نه حجم البيبي صغير
عشان كذ بتتتنوم عندهم وتاخذ مثابتات
محمد من سمع الخبر وهو مضايق على نور
راح صلى ودخل عندها
محمد:هااا ياروحي كيفك الحين
نور:اعطوني مهدا وخف الالم
محمد وهو يقرب كرسي ويجلس عندها:الله يصبرك ياعمري
نور بمزح:شفت بنتك كيف مستعجله
محمد:والله مدري بنتي اللي مستعجله تطلع والا انتي اللي تبين تطلعينها بدري
نور بدلع بعد ماخف الم:انا ايش سويت كيف ابي اطلعها
محمد: من شغل البيت اللي ماتتركيه والرقص اللي رقصتيه في الحفله
نور:يوووووووووووووه الرقص لي اسبوع منه اما الشغل فا مين راح يشتغله
**
**
**
**
**
**
**
**
**
**
**
-----------------------------
وصلت ام منال وعلى طول راحت لمنال في المعهد
منال وهي تحضن امها وتبكي :وحشتيني ياماما
امها:وانتي كمان يابنتي بس الحين ليه تبكي ياروحي
منال:ابكي من اللي صار لي
امها :ماصار شي الحين اوريك فيهم
وين ريم هذي
منال:هي الحين عنددها كلاس
بس البنت اللي الحين دخلت هي ندى صديقتها اللي كانوا يتكلموا علي
ندى لما شافتهم قربت من ام منال تسلم عليهم
ندى بطيب نيه:كيف الحال ياخاله
ام منال:لا تقولي ياخاله انتي صديقة ريم
ندى باستغراب:انا صديقتها عسى ماشر
ام منال بصراخ:انتم تتكلموا على شرف بنتي بنتي اشرف منكم واللي يتكلم عليها اقص له لسانه
ندى:منال انتي مين تكلم عليك
منال:كلكم
ندى بصوت عالي:كذابه محد تكلم عليك
ام منال:لا تقولي على بنتي كذابه
ندى:احب بس اقولك انا احنا مو في الشارع احنا في المعهد يعني مكان محترم
ومشت ندى وتركتهم
ام منال:مالكم دخل ببنتي يالسعوديات الله الغني عنكم
ندى ماردت عليها ودقت على ريم
ريم:هلا ندى
ندى:هلابك زود اسمعي انتي وين
ريم:والله انا في البيت بنتي تعبانه ومارح اقدر اجي
ندى احسن اصلا انا كنت داقه عليك لا تجين
ريم:خير وش في
ندى:ام منال في المعهد وكل ماشافت بنت سعوديه مسكتها تهزيء
ريم:اف اف ليه
ندى :تقول انتي تشوهين سمعت بنتها
ريم:استغفر الله خيرا تعمل شرا تلقى بس انا الحين بجي انا وبنتي واشوف وش سالفتها
ندى:يابنت الحلال لا تجين هي شكلها توها جايه من السفر وحاميه خليها بكره تكون على الاقل هدت شويه
ريم:انتي تشوفي كذا
ندى:ايه افضل من الفضايح اللي مالها داعي
ريم:اجل صار


------------------------
البنات مجتمعين عند نور بالمستشفى
ديما:هاااا نوراه بنتك مستعجله تبين تلحق على السنوو
البنات :هههههههههه
نور:والله هالبنت طلعت عيني قبل تطلع
اسماء:تعبهم راحه يالبه قلوبهم وقلب يارا نظر عيني
البنات:الله يخليها لك
مرام:شو ريم وندى صدق الاخبار اللي سمعناها
ريم :أي اخبار
مرام:عن ام منال
ريم: أي والله
ديما:انا الحمد لله مالقتني والا كان فشلتني هههههههههههههههههههه
ساره:الحمد لله مالقيتك والا ايش يفككم من بعض هي ملسونه وانتي بعد
ديما بدلع:نوير انا باستضافتك وتتركين العواذال يتكلمون علي
نور:انتي باستضافية المستشفى وبعدين في قاعده جديده في طور التطبيق لازم تتطبيقيها
ديما وهي تلوي فمها وش هي
نوربضحك:انك تدقين على امك الحين تخليها تجي تاخذ لك حقك من العواذال امثال ساره
ندى:ههههههههههههه حلوه بس لو تسمعك ام منال لا تصير علوم
نور وهي تمثل البكاء:والله ادق على امي
البنات ههههههههههههههههههههههههه
ساره :ريموه قولي لنا السالفه
ريم ياحبيايبي السالفه هي .................................


وكملت لهم لما راحت لام منال البيت وحاولت تفهما على الموضوع بس رفضت وقال لها ان ريم ماتبي اي صلها
بينها وبين السعوديات
وانتهت السالفه على كذا


البنات:اجل كلنا ببنتظر منها تغير




البارت الثالث والثلاثون


بعد الاحداث الاخيره الامور ساكنه
الكل منشغل في الدراسه والاختبارت واللي يجهز للصيفيه
وفي الطرف الاخر هموم وتشتت يسكن ساره
ولكن قررت انها تنشغل بالاختبارت وتنسى الزواج
ولكن امها حضرت كل شي للزواج حتى الفستان
الشباب لازال التوتر قائم بينهم


مرت الشهرين هادئه وساكنه
ولكن الكل ينتظر الخبر المنتظر
عند اسماء:الووو نواره
نور بتعب:هلا
اسماء بصوت كله فرح والله قال لي ابو يارا ماصدقت قلت لازم الحين ادق عليك اهم شي اطمن عليك
نور:فيك الخير يالغلا
اسماء:الف الف الف مبروك والله فرحت الحمد لله انه البنت صحتها زينها
نور: والله ياسماء ماتتخيلين قد ايش فرحت والله هذا اسعد يوم بحياتي ومحمد ماترك احد مابشره بيطير من الفرح
اسماء بضحك: والله لما كلم ابو يارا حطه اسبكر يسمعني وربي مت عليه ضحك مره مره متحمس
نور: من يوم مامولدت وهو يصور فيها ويرسل لاصحابه واهله واهلي وشايلها اقول له اتركها تنام يقول لا انا
ماصدقت اشيلها
اسماء: الله يخليها لكم اسمعي انتي الحين نامي وانا بجيك الصبح واجيب لك فطور والعصر بجيك انا والبنات
نور:جزاك الله خير
اسماء:وياك يارب
محمد بفرح مالي عيونه :نامي ياروح وقلب محمد
نور:محمد فرحان
محمد:فرحان وبس وربي احس نفسي طاير
نور:وش بتسميها
محمد:انتي اختاري
نور:أي اسم بس اختي قالت لي على اسم وعجبني
محمد : ايش هو ياقلبي
نور:إيلاف
محمد وهو يناظر للبنوته :إيلاف إيلاف وربي حلو حتى مذكور بالقران
نور:هاعجبك
محمد:اكيد عجبني كفايه انه من لسانك طلع يادنيتي وقلبي الحين نامي وانا بسهر عندك وبشيل البنت عنك
نور:اوكي حبيبي
في اليوم الي بعده الكل زار نور وامتلئت الغرفه ورد من صديقاتيها واصدقاء محمد
والبنات ماتركوها رغم انشغالهم
كل يوم وحده تجلس عندها واهتموا فيها حتى خلصت الاربعينيه
**
**
**
**
**
**
**
**
**
**
مع اخر يوم الاختبارت قرر ماجد انه ينهي الاتوتر فعزم الكل على رحله سياحه لاحد المدن اللقريبه منهم
بدون مايقول لخالد وسامي انهم معزومين سوا
وكمان بدون مايقول لطلال وسعود انهم كمان معزومين سوا
تعمد ماجد انه الشباب كلهم يطلعوا في سياره وحده عشان بيدا التوتر يخف
ماجد:يالله شباب تاخرنا
سامي يدور على التي شيرت تبعه :ياشيخ ماتشوف انه بدري
ماجد: باقي ورنا مشوارين
سامي : اي مشاوير
ماجد متوهق:اقصد الفحم والدجاج المتبل باقي ماشريناه
سامي :اهااا بس والله بدري
ماجد:طلالوه وانت خلصت
طلال بحزن لانه مرام قالت له انه خطبتها بعد الاختبارت :ايه خلصت مدري ليه ملح علي بقوه اروح معكم والله
مالي خلق
ماجد:انتم ناس كئيبين مدري كيف انا متحملكم
حامد:انا اكيد خارج قائمة متحملكم
ماجد وهو يرمش بعيونه:ياحبي لك بس
حامد:بديت اشك في رجولتك
ماجد:ليه عشان رقتي يادفش
حامد:افكورس
ماجدبصوت عالي:الرجاء من الكل تحسين العلاقات معي عشان اعزمكم على زواجي السعيد بعد شهر من اليوم
سامي بصراخ واستغراب :يالخايس توك تقول لي من جدك انت ووجهك زوجك بعد شهر
ماجد وهو يرمش بعيونه:ياحبي لماجد بس ايه بتزوج وبترككم ياغثه
حامد نط بحضن ماجد:اقول عادي اعزم خوياتي الشقر
ماجد وهو يدزه من حضنه :انقلع يالفضحه انت تبي ابوي يتبرى مني
حامد وهو يقوم من الارض :أي وليه يتبرى منك والله مير يصاحبهم وياخذهم علي
ماجد: لا والله جد بيقول مين ذا الفاسد اللي مصاحبه
حامد:وش فيني لك الشرف
اقول لا يكثر واخلص على السياره اذا انت خلصت
سامي واقف مصدوم:بتتزوج وتتركني مع ذولا الوحوش
ماجد :لا باخذك معي شهر العسل
سامي :وتتريق بعد انت ووجهك مالت عليك انت وسويرتك ذي
ماجد بعصبيه:اقول سويره قلبي لا تجبيها على لسانك يابو ديما
سامي:مابرد عليك مدري ليه اليوم احس انه اخوها بيصفي حسابه معي
ماجد بضحكه خبث:من عرفتك واحاسيسك في محلها
سامي كان يلبس الشوز تبيعه نط وافق :ليه انت عارف شي ومخبيه علي
ماجد :لا بس حلمان فيك انت وهو مخانق وماسكين ببعض
سامي: اعوذ بالله من احلامك ياعريس الغفله
طلال يمشي بتثاقل:اقول خلصتم والا ارجع انام
ماجد :تبيها من الله يالله مشينا
طلعوا الشباب في سيارة ماجد وكان جالس قدام سامي
وفي الخلف طلال وحامد
اول مامشى ماجد مر بيت خالد
سامي باستغراب:وش عندك ماجد عند بيت ديما
ماجد بضحك :طيب ليه ماتقول بيت خالد
سامي وهو مبقق عيونه :ليه وش تبي
ماجد:مابي شي بس خالد بيروح معنا




البارت الرابع والثلاثون




سامي وهو مبقق عيونه :ليه وش تبي
ماجد:مابي شي بس خالد بيروح معنا
سامي بعصبيه:انت من جدك انا عارف انك تكرهني بس مو لهدرجه بس والله لو راح انا ماني رايح معكم
ماجد:نعم نعم والله ان تروح غصب عنك وخل عنك حركات المبزره
سامي:ليه ماقلت لي انه بيروح
ماجد :لاني ادري انك مابتروح عشان كذا خليتها لك مفاجئه
سامي:قصدك مفاجعه بس بعديها لك تدري ليه
حامد بلقافه وهو ناط راسه قدام :ليه
سامي بهدوء: لاني مليت من التفكير وش ممكن يسوي وبنهي الموضوع اليوم
ماجد:خالد ننتظر برى اطلع
خالد دخل السياره:السلام عليكم
الكل وعليكم السلام
خالد:كيف الحال
الكل الحمد لله وانت
خالد:انا الحمد لله كنت بخير وبشوفه بعض الناس ضاق الخاطر
بس الله يسامحك ياماجد ليه ماقلت لي
ماجد:وش اقولك كلنا اخونا ماضنتي تضايق من اخوك
خالد:لو انه اخوي كان مايتعدى على حرماتي
ماجد:تعوذ من الشيطان وبعد الغدا يصير خير
خالد:عشانك بس
ماجد :تسلم
وبعدها وقف ماجد قدام شقة سعود لتفت لطلال بس انه كان سرحان ومانتبه
ناظر سامي له وابتسم ورد عليه ماجد بغمزة مكر
ماجد:سعود احنا بره ننتظرك
طلال لما سمع الاسم نقز وكأن شي قرصه
ماجد قبل يتكلم طلال:هاطلالوه عندك شي بعد انت
طلال:ماعندي شي انا نازل بروح البيت مالي جلسه معه
ماجد :والله ماتنزل
طلال من غير نفس:مالي خلق اتجادل معك بس انت بعتني عشانه
ماجد:يارجال استهدي بالله والموضوع انتهى لا تخلي بنت تدخل بينكم
طلال:انت عارف انه هالموضوع انتهى بالنسبه لي
ماجد:لو انتهى ماكان هذا حالك
طلال فتح باب السياره
ماجد:طلال واذا قلت لك عشان خاطري وعشان عشرتنا وش تقول
طلال باقي ماسك بايده باب السياره يبي يطلع
ماجد : طيب واذا قلت لك انه سعود خطب مرام وامها رفضت
طلال وكان ملامحه تغيرت الي فرح : التفت عليه وقال من جد تتكلم
ماجد : جد الجد خالتي بالصدفه سالتني عنه بعدين قالت لي ان ام مرام رفضت بحجة انه بنتها صغيره
طلال:الله يريحك ويسعدك ياماجد بس توك تتكلم
ماجد:انا بس اتكلم بالاوقات المهمه
سامي يصفر:اموت انا بتخطيط ماجد الخطير بس اتمنى ماتعيدها
دخل سعود السياره وسلم وناظر لطلال بحقد وطنشه
ماجد :لنبد الرحله هااا وش تبون تطبخون
حامد:على طول وش تبون تطبخون لو انك بس سامح لي نجيب لنا كم شقراء نتونس كان احسن
ماجد:والله ان ماتعقل يازير الشقر ان انزلك عند اقرب مزرعة بقر
حامد:وليش مزرعه انا اوصف لك بيت ازبيل ونزلني عندها
ماجد:قدرك البقر بنزلك عندهم
حامد بعصبيه مصطنعه:ياشين العرسان لستخفوا بدمهم
وصلوا الشباب والجوا باقي شوي متوتر
سامي:ماجد تعال ابيك بكلمة
ماجد :ابشر عن اذنكم شباب
امر سامي
سامي وهو يلعب برجله في الارض:انا قررت اخطب ديما من اخوها
ماجد وهو مبقق عيونه:عيد
سامي:عيد والا سعيد اقول بخطب ديمومتي عندك اعتراض
ماجد :والمطلوب مني
سامي:تجي معي اكلم اخوها الوحش المفترس احس لو رحت بيكلني حي
ماجد وهو يضحك:حقك والا اقل من حقك
سامي :يوووووووووووووووووه وبعدين انا اتكلم جد
ماجد :ابشر الحين اخطبها .................خالد خالد تعال
سامي:الله يفضحك مو الحين قصدي نروح بيتهم
ماجد :خير البر عاجله بعدين الرجال جا اركد
سامي بدا وجهه اللون واشكال
خالد:امر ماجد
ماجد:مايامر عليك ظالم بس سامي يبيك بكلمة راس
خالد بدون نفس :نعم
سامي يناظر خالد ووجه متلون وموقادر يتكلم
ماجد:الصراحه سامي يتشرف يخطب كريمتك ديما
خالد مصدوم:نعم
سامي بصوت مستحي:تكفى لاتتسرع فكر وانا والله مو حق الكلام الفاضي والمغازل بس اللي صار صار وكلنا
نخطي وخير الخطائين التوابين وانا تبت
خالد عاجبه كلام سامي فرد عليه:الله يكيتب الخير
ماجد:ننتظر منك رد ياخالد
خالد:اعطوني مهله اسأل الاهل والبنت وارد لكم خبر
سامي:عطنا الموافقه المبدئيه وانا واهلي نجي نخطبها من الوالد ومنكم في الصيف بالسعوديه
خالد:يصير خير
بعد الكلام الاخير خف التوتر بين الشباب
وفلهوا بس باقي شوية توتر بين طلال وسعود
كملوا رحلتهم وسامي بيتشقق من الفرحه انه على الاقل ارتاح من هم خالد
بعد شهر من ولادت نور واخر الاحداث بين الشباب
مرام وساره نجحوا والشباب والبنات اللي بالمعهد ىخلصوا اللغه وراح يبدوا بالدراسه بالكليه من السمستر الجاي


الكل سافر السعوديه


البارت الخامس والثلاثون



صعب السؤال ... ليه نفترق
صعب السؤال ... وين نلتقي
انتى الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
ياللي اجمل من كلامي عنك واقرب من سكوتي
آه ياطول المسافه بين احساسي وصوتي
ماهو غريب ... انى اسألك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويـــدلــنــي
قصيدتي .. وين الحروف .. جف القلم
ياضايعه .. ببرد الكفوف .. رعشه الم
قصيدتي ... الا الندم ...الاالندم
بتسافرين .. وانتى معي
قصيدتي ..لاتسمعي .. غيري قصيد
ياساكنه فـ وق الحشا .. وحبر الوريد


اليوم ملكت ساره
كانت ساره لابسه فستان موف واسود ناعم وقصير الى الركبه مع اكسسوار رايق
وشعرها مستشور وحاطه عليه كرستاله موف ناعمه على جنب
وصندل اسود جدا ناعم
اما الميك اب فرفضت تحط تقول هو يعرفها من غير ميك اب ماله داعي المبالغه
كان شكلها رايق وهادي لانه اليوم اللي بعده الزواج
قبل ماتملك بكم ساعه
ساره : مرام ماني مصدقه اني بملك على ثقيل الطينه ذا
مابيه ياربي مابيه
مرام : والنهايه معك لا تنكدي علي انا جايه من امريكا الى السعوديه عشان بدي افرح مو تنكدي على
ساره : مراموه وش اسوى بعمري فكري معي
والا وربي لا سوي لكم مصبيه
مرام وهس تضبط فستانها: انتي مابتملي مصايب
ساره ترميها بالمخده:طيري من راسي لا الطيرك الى القطر من الحين
مرام وهي تقوم وتتخصر بيديها بابتسامه عريضه : الله قطر مدينه الحب الجديده
ساره: يابنت انتي ماحرمتي تحبي
مرام:احنا نقدر نعيش بلا حب ؟؟؟؟؟؟
ساره: مدري و ش اللي مجمعني معك يادبه الا خبالتك وقوة شخصتك لذلك وركزي على على لذلك بخليك تشاركي
في مخططي المجنون لتدمير الزواج المقبل
مرام هي مبققه عيونها:واللهي واللهي لااقول لا مك يامجنونه
ساره وهي تصنع البكا :وهون عليك ياصديقة عمري
مرام : لا بيهون علي مجودي
ساره وهي معصبه : مجودي مجودي يوووووه اطلعي بره لارتكبك فيك جريمه
مرام: الشره علي انا يامجرمه
ديما تطل من الباب احد اشتاق لي ياعصابه الاجرام
مرام بصوت عالي ديموووووووووووووومة روحي تعالي انقذيني من الوحش القادم
ديما وهي تحضن مرام :خليها علي ادري فيها خبله خخخخخخخخخخخخخخخخخخخخخخ
ساره :وش تتسارسرون انتي وهي
ديما :اقولها لا زم تحترمي احلى عروس بالدنيا
ساره:يس افكورس
ديما :الا البنات مابيجون
ساره:اسماء ونور يقولون بيجون يوم الزواج كلمتني نور تقول اذا بتسوين مناحه وضيقة خلق مابجي الملكه وانا
قلت لها اني باقي على مخطاطاتي
ديما : وانا اقولك انه اذا يوم الزواج اذا مازلتي على ذا الوجه حتى انا مابحضر سامعه
ساره:.................
ام ساره تدخل وبيدها دفتر الملكه:ساره يابنتي وقعي هنا
ساره وعيونه تدمع :خلاص ياماما ماعاد اقدر ارفض
ام ساره:يابنتي وقعي واستهدي بالله لا تفشلينا
ديما وهي تاخد الدفتر من يد ام ساره:هاتي ياخاله الحين توقع
ام ساره :الله يكلمك بعلقك يابنتي
ديما بصوت واطي:امحق عقل يالله ياساره وقعي
ساره وهي تاخذ القلم وتغمض عيونها وتوقع
مرام تقرب وتشوف التوقيع الله احلى توقيع وقعتيه ياساره
وشوي وتغير وجه مرام لما شافت اسما الشهود كان مابيهم اسم طلال
ديما وساره لاحضوا وجه مرام ولما شافوا الدفتر عرفوا السبب
ديما عشان تنهي التوتر :قلوووووووووووووووووووووووووش
الف الف الف الف مبروك لك ياسويره
مرام وهي تحضن ساره بقوه الف مبروك ياعمري
ساره حاسه نفسها فرحانه الله يبارك فيكم
ام ساره وهي تبكي من الفرح:تعالي يابنتي بحضني الله يوفقك ويسعدك
ساره وهي تحضن امها :امين ياماما ويخليك لي
ديما:اقول ياخاله ماعندكم شي نردح عليه
ام ساره وهي تضحك:الا عندنا بس انتظري ارجع الدفتر وادخل ساره عند ماجد
ساره :نعم انا بدخل عنده ماله داعي بكره الزواج
ام ساره :قلت له والله يابنتي بس هو اصر يبي يعطيك شي ويمشي
ساره وكانها ارتاحة شوي :اوكي
ام ساره :طيب تعالي معي يابنتي
مرام بخبث لا يالخاله انتي روحي واحنا بنزلها
ام ساره :الله يخليكم لبعض يارب بس لا تتاخرون
مرام :ابشري يالخاله
اطلعت ام ساره وعلى طول التفتت ساره لمرام :وش عندك صرفتي امي احس وراك شي
مرام:ماتحسي انك لازم لك تضبيط
ساره:على بالي عندك سالفه مالت عليك
ديما:لا تخون انا جبت معي عدة تضبيط
ساره:والله ماعدل شي ولا اغير شي
ديما بس مسكر وقلوس
ساره وهي تغطي وجهها:نو وي
ديما وهي تتخصر:غصب عنك
وبعد جدال طويل حطت شويه بلاشر ومسكر وقلوس وردي
وكان شكلها روعه على جمالها البارز
نزلت مع مرام وديما لما وصلت بابا المجلس طلت شافت ماجد جالس ووجه بالارض وجالس يطقق باصابعه
اول ماشفته ساره على طول تراجعت




البارت الخامس والثلاثون




نزلت مع مرام وديما لما وصلت بابا المجلس طلت شافت ماجد جالس ووجه بالارض وجالس يطقق باصابعه
اول ماشفته ساره على طول تراجعت
ديما:وش فيك ادخلي
ساره:ياربي ماني قارده
مرام:بلا دلع يالله ادخلي
ساره:والله ماني قارده
ديما غمزت لمرام ومرام فهمتها
قامت مرام دزتها لداخل وشوي الا وهي بوسط المجلس ومنحرجه التفت على البنات وناظرت لهم بنظرت توعد
اول ماشافها ماجد نط وقف :ياهلا والله بك
ساره : وراسها باقي بالارض ومنحرجه وبالذات انها تذكرت اخر مره لما طلعت تبكي من عنده وانحرجت اكثر
ماجد حس بيها قرب منها وباس جبينها وقال: الف مبروك ادري انك منحرجه بس انا اصريت اني اشوفك عشان
ابارك لك وكمان اعطيك هديتك
ساره رفعت وجهها له :مايحتاج خالتي ماقصرت
ماجد بابتسامه:ادري ان امي تحبك ومابتقصر بس هذا شي من عندي تعالي اجلسي جنبي
ساره ناظرت له بنظرت وش هالجراءه
ماجد فهمها على طول:تعالي بس خلاص صرتي زوجتي
ساره من الخجل ماردت
ماجد:اموت انا بالخجلان على العموم مابطول خذي وانتظري اتصالي
ساره حاولت انها ترد بس ماقدرت حست نفسها بتموت من الخجل
ماجد مانتظر ردها باسها على خدها بسرعه وطلع
ديما ومرام كانوا يراقبون الوضع واول ماطلع ماجد دخلوا
ديما:الله الله على الحركات وهي تقلد ساره وعندنا مابيه مابيه
ساره لازلت مصدمه من بوسه ماجد لها وماردت عليهم
مرام:البنت مو هون باقي بالسماء
ديما:ساره ساره بنت
ساره: وجع وانتم تراقبون مو عيب عليكم
مرام:من وقت ماسمعنا كلامك ماتخلينا بيصير هيك اشيا
ساره:استحي على وجهك وش صار
مرام وديما وبصوت واحد:مصار شي
ديما :افتحي الكيس الفخم ذا يهبل ودي اعرف وش داخله
ساره :لا انا بفتحه بروحي


يتبع ,,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -