رواية حبيبي علمت قلبي ع حبك علمه ع النسيان -14
جمانه" بثقه وغرور": ايه عوضتها عن حرمانكم لها شفتها بالمول يوم
نروح اخر مره مع بعض .. واخذت رقمها واكلمها كل يوم واحيانا
تجي بيتنا يوم اروح وتجلس مع قمر
وسن"عصبت": من سمح لك .. تعرفين لو يعرف فيصل ..ماراح يحصل
لك طيب
جمانه" بتطنيش": اعلى مابخيله
وسن" بقمة عصبيتها": لا انتي زودتيها ومو عارفه وش صاير
جمانه: وش صاير يعني هوشه خلاف .. مو معناه يحرمها من بنتها
وسن" بسخريه": دامك مسويه انك عارفه كل شئ ليه ماسالتيها ليه
طلقها
جمانه: سالتها ومسكينه مو قادرة تتكلم كل مره اسالها تدخل بنوبة بكي
وكل هذا بسبب اخوك افتحي عيونك ياوسن .. عارفه انه اخوك
بس الحق يقال . اخوك ظالم
وسن: ظالم!!!!.. جمانه الظالم يالي يجي من عمله مرهق ويرجع بيته
ويدور ع زوجته وبنته مايلاقيهم.. ظالم.. يروح ويدور عليهم يلاقي بنته
بغرفه لخدامه .. وامها مو موجوده ..ومايدري وينها ..ظالم.. يكتشف انها
كل يوم تطلع الصباح ومن وراه وراميه بنتها
جمانه: طيب البنت طلعت تغير جو ماكفرت يقدر يهزئها مو يطلقها
وسن: ليه تبينه يصفق لها بعد يوم شافها بحضن واحد حقير وواطي
جمانه" مو فاهمه": ايش !!..؟؟
وسن: زينه العفيفه البريئه المظلومه ع قولك "وبصراخه"كانت تخون
اخوي... تخونه .. مو بس ع الايميل ولا ع الجوال.. تخونه بكل
جراءة ووقاحه .. كل يوم تطلع مع عشيقها وتتقابل معه بشقته
وتعيش حياة الفسق والفجور معه... زينه العفيفه خانته مو مره
كثيررر كل يوم يطلع لدوامه وهو مامن انه زوجته وبنته بالبيت
صاينته ومحفظه ع بيتها ونفسها له ...ويكتشف بعدها انه مغفل
من مين من وحده مثلها كان مراعيها ومهتم فيها لابعد حد ..كان مايهاوشها
يوم يحس بتقصيرها .. ولا يزعلها ابد .. وهذا جزاه الخيانه
جمانه" ماني مستوعبه طيب لو كلامه صدق ليه ماعرفنا": طيب ليه
وسن" بضحكة سخريه": ايه تعرفين لانه اخوي ظالم واناني ماحب بنته
تنجر حاو تتاذى من سمعة امها.. تقدرين تقولين لي لو قال وفضحها
بكرا يوم تكبر بنته وش ذنبها تتعاير بذنب امها وش ذنبها يوم تنبذ من
مجتمعنا ع غلطة امها وتتحاسب ع غلطة امها قولي لي
جمانه" حسيت وكانه مويه بارده انكبت على.. معقوله":................
وسن" بحرقه": اخوي الظالم خاف ع بنته ومستقبلها ...ستر ع زينه
ع انها ماتستاهل.. ستر عليها قدام الكل وطلع بمنظر الغدار خاين للعشرة
قليل الاصل...عشان بنته.. تحمل الاهانات من اهلها ومن اقاربها.. عشان
قمر.. عنده ينضرب ينهان .. بس بنته مايمسها شئ ياجمانه.. والشيخه
زينه طلعت من السالفه الملاك الطاهر.. قلت له لايسكت .. بس ماسمع
كان حاضن قمر..ويقول عشانها يهون كل شئ.. تحمل الكلام الجارح من
الناس .. عاف الدنيا كلها عشان قمر ... مارضى حد يعاونه فيها
كانت ايام صعبه مر فيها وكان قوي ايمان وصبور تحملها لحد ماتخطاها
واليوم تجين انتي وبكل سهوله تقولين..ظالم!!اناني!!حقير!!!خاين!!
مريض!!
جمانه" انصدمت وماعرفت وش اقول.. كرهت نفسي باللحظه هذي
ظلمته.. اهنته...":انا..انا
وسن"تصيح": انتي ايش ياجمانه ايش
جمانه: ماكنت عارفه وشلون اعرف والكل ساكت ومو شارح لنا انا
اعترف اني غلطت لاني ماكنت عارفه شئ
وسن" لفيت عنها":............
جمانه" رحت لعندها": سامحيني وسن والله ماكنت عارفه سامحيني
وسن: جمانه..انا عاذرتك وش يفرقك عن باقي الناس الي تكلمو فيه
وانهشوا لحمه .. بس انتي اتركي انك ماعرفتي وش السالفه الا الحين
بس انتي تعرفين فيصل.. عشتي معه وتربيتي معه .. تتصورين
يسوي كذا
جمانه" جلست ع الكنبه": ياووسن انا مريت بحاله الله العالم فيها والحق
اخوك ظلمني
وسن" جلست جنبها": ايه معك حق..لانه كان مايعرف وش الموضوع
بس يوم انه عرف تعذر منك ولا لا
جمانه" تذكرت محاولاته للاعتذار .. تذكرت محاولاته انه يبدء
معي صفحه جديده ومالقى مني غير الصد والجفا":ايه بس ماقدرت
اسامحه ياوسن جرحني
وسن: ماالومك وربي وانا اقولها لك طلعي عيونه ع ماتسامحينه بس
لاتظلمينها .. جمانه.. انا متاكده من تصرفاته انه يحبك ويغليك
جمانه" معقوله.. ": يحبني!!
وسن"تتنهد": ايه يحبك من صبره معك يحاول يراضيك باي طرقه
نظراته لك والشوق يالي باين بعيونه
جمانه" حسيت بقلبي ينبض ودقاته تسرع .. من كلامها ":صدق
وسن: ايه صدق.. جمانه.. لاتخسرينه.. وصلحي الوضع قبل..لايصير
شئ تندمون عليه انتم الاثنين
جمانه"بحيرة": بس
وسن: لا بس ولا شئ انتي فكري وفكري زين ومن غير تسرع ..فكري
بوش عانى ووش مر فيه.. والتمسب له العذر بتصرفه معك.."ولفيت
وجهها قبالي" انت طيبه ياجمانه وقلبك كبير .. صدقيني يوم تسامحينه
راح ينسيك كل جرح سببه لك وراح تنسين كل الي صار بس عطيه
فرصه
جمانه" اكتفيت اني اناظره بحيرة.. ومشيت عنها لغرفتي..."
فكرت كثير وانا العب مع قمر ... تذكرت وشلون متعلقه بابوها وشلون
ماترضى تنام الا بحضنه .. تذكرت حنيته معها ومعي.. كنت كثير اسوي
نفسي نايمه يوم احس فيه يقرب من السرير .. يغطيني ويبوس راسي
ويروح.. ينام.. اعطيه فرصه... بس صعبه انا الي مريت فيه مو سهل
وهو جرحني.. بس اعتذر وحاول انه يعوضني وانا ماعطيته
فرصه...نومت قمر ودخلت الحمام"اكرمكم الله" وتروشت ولبست
بيجامتي .. وجلست اجفف شعري .. صرت اتذكر يالي كان يصير
بينا ... كان مايرضى لي البس القصير ولا الضيق يوم اروح بيت
جدتي وبسبب تفكيري كنت اضنه انه يبي يتحكم فيني وبس ..وهو
العكس كان يغار ياهبله .. خجلت يوم تذكرت نظراته ويوم يفهي يوم
يشوفني كاشخه فيهم...خلصت من شعري ورحت ع السرير وواخذت
القران وصرت اقرا وادعي ربي انه ينورني ويهديني للاختيار الصح
بعدها صليت استخير ودعيت انه ربي يشرح لي صدري ...وبعدها
نمت وانا مرتاحه بقراري اني عطي فيصل فرصه.. انتظرته لحد
مايجي بس تاخر.. تقلبت ع السرير .. شفت الساعه 2 ..مو من عادته
يتاخر للوقت هذا.. بديت اقلق .. رحت لوسن شفتها نايمه.. وش اسوي
اخاف فيه شئ.. وبتردد اخذت جوالي واتصلت ع جواله.. مافي رد
اتصلت مره واثنين وثلاث ... واخيرا رد
جمانه"بتردد": الو
: الو من معي
جمانه: استغربت من الصوت هذا مو فيصل"ناظرت الجوال اشوف الرقم
يمكن غلطانه.. بس لا هذا هو رقمه": هذا جوال فيصل
: أي نعم
جمانه" نقزها قلبها": من انت
: معك النقيب خالد
جمانه" خفت": ليه جوال فيصل عندك
النقيب: انتي مين
جمانه: زوجته فيصل فيه شئ
النقيب: والله مو عارف وش اقول لك يااختي بس..
جمانه" لا لا ": فيصل مااااات!!!
وماتنسوني بتشجيعكم والتقييم<< طماعه
الجزء الخامس عشر...........
جمانه قفلت الجوال .. او بمعنى اصح طاح وانكسر ..رحت طيران
ع التلفون واتصلت ع عادل ... انتظرت وطول ع مارد : عاادل الحقني
عادل" بخوف ": وش فيك
جمانه"ودموعي صارت تنزل بلا شعور": عادل الحقني فيصل
عادل"باستغراب ":وش فيه
جمانه"تو بكمل جملتي والا تجمدت بمكاني ..باب الشقه ينفتح..
مين .. حرامي...مية سؤال وسؤال ببالي ..خايفه مرتبكه..ابي اعرف
من بيفتح الباب.. معقوله يالي صدم فيصل ...اخذ المفاتيح..مليون
فكرة تزاحمت براسي... بس الصدمه الكبرى ..الي انربط لساني
منها وانلجم.."طيرت عيوني":فيصل!!!!!!!!!!!
فيصل وعادل" جاو للشقه طيران خوف من اتصال جمانه الغريب"
فيصل" دخل بسرعه وجا لجمانه ": جمانه وش فيك
جمانه" ماني مصدقه مو مستوعبه.. فيصل واقف قدامي..بس شلون
والشرطي يالي كلمني":انت حي مامت !!!
فيصل"انصدمت وحزنت ع كلمتها للدرجه هذي تتمنين موتي":لا
للاسف خيبت ضنك"بصوت واطي"
جمانه" مااستوعبت وش قال.. واشرت له ع الجوال .. وانا مو عارفه
اجمع الكلام او ع الاقل اقول جمله مفيده":الجوال.... يقول.. مات
"وانا انقل نظري بين فيصل وعادل
عادل" بخوف ع جمانه": جمانه وش فيك وش صاير وليه وجهك اصفر
كذا
جمانه"انهرت وصرت اصيح .. كنت مبسوطه انه مامات .. حمدت ربي
وشكرته ..وفيصل وعادل مستغربين مني ":...........
فيصل" راح ع المطبخ يجيب لي مويه ... وقومني من الارض
وجلسني ع الكنبه .. ويحاول يهديني هو وعادل": خذي اشربي
وسمي بالله ....
جمانه" هديت شوي .. وبديت استوعب واجمع":...........
عادل" بخوف": هديتي الحين
جمانه" هزيت راسي ":ايه
فيصل"سكت خفت اتكل وتنفجر قدام عادل يمكن متضايقه مني ويوم
شافتني تاخرت ضنت اني مت ... اااه ياقلبي يوم نبضت ثاني ..نبضت
لانسانه تتمنى موتك":................
عادل: جمانه فهميني وش فيك وش صاير عشان تبكين وتنهارين
كذا
جمانه" تنفست براحه ": فيصل
فيصل" رفعت نظري لها وحاولت اخفى الحزن يالي بقلبي":هلا
جمانه: وين جوالك انجنيت وانا اتصل عليك وبالنهايه رد على شرطي
ويقول ان السيارة تفحمت براعيها
فيصل"منصدم": ايشش!!!
عادل" بصدمه اكبر": لا وليد
فيصل" مو مستوعب ": متى الكلام هذا
جمانه" باستغراب": من وليد!!!
عادل" حط يدينه ع راسه": ان لله وان اليه راجعون
فيصل: لا حول ولا قوة الا بالله
جمانه" حسيت نفسي ضايعه": فهموني من وليد ووليه سيارة فيصل
وجواله عنده
عادل" يقوم": فيصل انت فهمها وانا بروح اشوف وش صار
فيصل" يقوم معه": بعدين لاحق ع الشئ هذا انا جاي معك
جمانه: وين فهموني
فيصل" حسيت بامل وفرحه ..بالوقت الصعب هذا.. ماكنت تتمنى
موتي .. معقوله كانت خايفه على": انتبهي ع نفسك وروحي نامي
وانا يوم ارجع افهمك
جمانه" خفت يطلع ثاني وافقده": لاتروح
فيصل"حسيت باحساس غريب من نبرة صوتها .. غير غير عن
كل مره..": لازم اروح هذا صديقنا لازم نروح نشوف وش نسوي
جمانه" بخوف": فيصل
فيصل" لفيت عليها من عند الباب": هلا
جمانه" نست كل شئ كان همي اني ماافقده": انتبه لنفسك واذا بتتاخر
كلمني
فيصل" ماني مستوعب..انتبهت لصوت عادل.. ورجعت خيبه الامل
لي ..يمكن هذا كله لان عادل موجود وماتبي تبين الخلاف الي بينا":
ان شاءالله ... يلا تامرين ع شئ
جمانه: سلامتك
فيصل: يالله فمان الله
جمانه: بحفظ الرحمن
وسام" صحيت بدري .. وانا احس اني اسعد انسانه بالعالم..ماني
مصدقه اني رجعت لحضن حبيبي .. حمدت ربي الف مره ..اني
مافقدته . وان كل شئ تصلح ...قمت ودخلت الحمام" عزكم الله"
وتروشت .. وطلعت جففت شعري وصليت الظهر .. بعدها طلعت من
الغرفه .. واخذت سجادتي معي ماابي اصحي راكان الحين..صليت
ركعتين شكر لله ودعيته انه يوفقنا ويسعدنا ...بعدها جلست اقرا
قران ..خلصت ورحت اجهز الغدا ..بالفترة الي جلست فيها عند اهلي
تعلمت الطبخ من امي وخاصة الاكلات الي يحبها راكان ..طلعت من
الفريزر الدجاج.. وخليته عشان يذوب وبديت اجهز باقي الاغرض..
طلعت البصل وقطعته صغار.. وبعده الطماط صغار.. وخليتهم ع جنب
طلعت صحن صغير وحطيت فيه البهارات .. قرفه ورق غار هيل وليمون
اسود عماني.. وخليتهم ع جنب ورحت اغسل الصحون عشان مايتجمعون
على.. طلعت من الثلاجه الصلصل والماجي..وطلعت الكزبرة.. قطعت
شويه منها وفرمتها.. وحطيتها ع جنب مع البصل والطماط والبهارات
احب اسوي كذا عشان يصير كل شئ سهل ....بعد ماذاب الدجاج طبعا
مقطع وجاهز الله يسلم امي .. تعرف اني مااحب المسه ولا اقطعه
وبالموت سوته لي .. وكل الي على اطلعه واخليه يذوب...
اخذت البصل وحطيته في قدر مع شوية زيت وخليته يتحمر ولما ذاب
حطيت عليه الطماط وصرت احرك فيهم لحد مانطبخوا حطيت عليه
بهار والصلصل والماجي... بعدها حطيت الدجاج وصبيت عليهم 4
كاسات مويه وحركتهم وحطيت القرفه والليمون والهيل وورق الغار
وغطيتهم لحد ماتستوي الدجاج.... بعد نص ساعه .. طلعت الدجاج
وحطيت الجريش بعد ماغسلته وغطيته .. اخذت الدجاج وصرت
اقطعه صغار وبعدها رجعته مع الجريش وغطيته وكتمته عشان يستوي
خلصت .. ورجعت بشويش للغرفه واخذت ملابسي وتروشت...
اخذت الاستشوار وعدتي لبرا عشان اسوي شغلي ع راحتي....
كنت لابسه فستان بينك قصير لفوق الركبه واسع اكمامه قصيره
ماتسمى اكمام مدري وش اسمها بس انها تبدء عند بدايه الكتف
مزمزمه وعند الصدر قصه بسيطه وفيه رسومات ..صلحت شعري
وحطيت لي فيونكه ع الجنب وحطيت لي كحل وروج وغلوس ...
بعدها تعطرت بعطري المفضل دكني.....القيت نظرة اخيره ع شكلي
وعجبني...بعدها رحت اصحي راكان .. وتملي وجهي ابتسامه خبيثه
دخلت الغرفه وشفته مروح بالنوم وكان نايم ع ظهره.. تسحبت بشويش
لعنده .. وفجاءة نطيت عليه بالسرير وبصوت عالي": رااااااكان قوووم
راكان" مفجوع": وش في وش صاير
وسام" ضحكت ع شكله وحطيت يدي ع بطني":هههههههههههههههههه
مافي شئ بس قوم تاخرت بنومتك قوم صل
راكان" معصب": مدري الحين اقوم اكفخك اعجنك ..وججع ضنيت
فيه شئ يالخبله
وسام" كنت مبسوطه وحاجز الخوف راح خلاص ": هذا جزاي اصحيك
يالدب قوم بسك نوم
راكان" انسدحت ثانيه للحين ماشبعت نوم": طيب طيب
وسام" ياسلااام": وش طيب ليه انسدحت قوم
راكان" يغطي وجهه": طيب بلا ازعاج
وسام" قمت ونطيت ع ظهره.. وتربعت وصرت اطبل عليه": قوووم
لاتفوتك صلاة الظهر
راكان" كنت مبسوط حييل اخيرا الحواجز انتهت وراحت .. كنت من
زمان اشوفها ع طبيعتها ":قومي كسرتي ظهري
وسام" بعناد": قوم واقوم
راكان: وسام شوي بس بنام
وسام" وانا اكمل ع ظهره": لا لا قوووم ....قووم
ركان:يالله وش فيك مزعجه كذا
وسام: هههههه صح النوم توك تعرف اني مزعجه"وخرت البطانيه عن
وجهه": يلا حبيبي بسك كسل قووم
راكان"فتح عيونه": هاهـ وش قلتي
وسام" استحيت وعضيت ع شفايفي": حبيبي
راكان"وبسرعه قلبت الموضوع .. سحبتها من يدها وسدحتها وصرت
انا فوقها": عيديها
وسام"خفت من حركاته توقعته نايم وقلبي صار يدق بسرعه": دب خوفتني
راكان" توني انتبه لشكلها وسام تغيرت صارت انسانه غير بالشكل والقالب
راحتها وتقبلها لنفسها من داخل صار يشع من برى وزادها حلا وجمال":
متى صحيتي
وسام" وانا احاول افك نفسي": اووو منذو مبطي
راكان" مسوي معصب": وليه ماصحيتيني
وسام: احلف بس شوف من متى اصحيك وانت منت قايم
راكان"يقرب اكثر لحد ماصارت انفاسه بانفاسي": تصرفين انتي ووجهك
وسام" بتحدي ودلع": وش فيه وجهي
راكان" ذاب": ابد ولاشئ ..بس كله ع بعضه "ويبوسني"خيال
وسام" حبيت ارفع ضغطه"عفست بوجهي": وع وش هالرايحه
راكان" طير عيونه وانحرج": مالت عليك هذا كلام تقوله زوجه لزوجها
والله منتي كفور ومنسيه
وسام" ضحكت عليه":هههههههههههههههه امزح
راكان" رافع حاجبه": ويعني لو ماتمزحين بهتم
وسام"بلعت ريقي": يعني شلون
راكان"بنظره خبيثه":شلون ها"وبسرعه صار يدغدغ فيني ويبوسني
ويسوي حركات ويلف وجهي لعنده ويفتح فمه بوجهي ":خلااص اسفه
مااعيدها ههههههههههههههههه
راكان: تعيدينها ثاني
وسام"وانا مو قادره اوقف ضحك": توووبه بس وخر بقوم
راكان: ع وين
وسام" تعمدت ادلع ": ع وين بقلبك في مكان ثاني بروحه يعني
راكان" ياحبي لك": احبك
وسام" ناظرت عيونه وابتسمت له": وانا احبك..بس وخر بقوم
راكان: الله يرحم من علمك الرومنسيه .. اقولك احبك تقولين وخر
وسام" بعبط": تعلمتها منك من بعد بيعلمني
راكان" كفخني ع راسي بخفيف": احلفي بس
وسام: والله
راكان" بخبث.. ويلعب لي بحواجبه":بقووم بس بعد مااخذ حقي منك
وسام"ببرائه": حقك ليه انا وش سويت يانذل
راكان: لا بريئه ومسويه بوجهك كذا يعني برحمك ..احلمي"ويقرب مني"
وسام" وانا بفقع ضحك عليه لاني عارفه ومتاكده انه بيعصب":ركوني
حبيبي
راكان" بعالم ثاني": همم
وسام"بدلع ": حبيبي
راكان"يبوس خدي":همم
وسام" كنت مبسوطه لاني يوم تروشت شفتها": حبيبي قوم صل الظهر
لاتاخرها كذا .. وبعدين ...مم انا
راكان" مو معبرني":..........
وسام: ايه نسيت اقولك انا ماعلى صلاة
راكان"!!!!!!!!!!":
وسام" ماقدرت امسك نفسي وجهه كان يمووت ضحك تعابيره مو قادره
تجمع عصبيه ع صدمه ع قهر.. وقمت بسرعه من السرير":هههههههههه
ههههههههههههههههههههههههههههههه
راكان" بحقد": لييييه
وسام: وش ليه
راكان" بقهر": وربي احسك متعمدتها
وسام" مب صاحي": وش متعمدتها هذا وقتها
راكان"مفور": بالله وليه تتملحين وتتدلعين كذا بوجهي
وسام" سويت نفسي بريئه": انااااا!!!!!
راكان" يقوم ويدخل الحمام" لا جدي " ويقفل الباب
وسام" رحت المطبخ وانا ميييته ضحك عليه".... شفت الجريش استوى
بس باقي اصب كاسه اللبن ولكزبرة واخليه شويه ع النار .. بديت اجهز
السفرة ع مايخلص راكان.. وكل ماتذكرت شكله مت ضحك ..ياحبي لك
ولعصبيتك ...
بديت اجهز السفرة بس تفجات بيدينه تحاوط خصري وبحنيه": ليه
تحبين تقهريني
وسام" وانا مستسلمه لحضنه": حبيبي والله ماكنت متعمده هي فجاءة
شرفت
راكان: اسمعي من يوم ماتشرف ماابي اشوفك كاشخه بوجهي خلك دايم
شيفه ساامعه
وسام" كنت لافه وجهي له .. وكانت تعابير وجهه تضحك وهو يتكلم
مو من جده":ههههههههههههههه راكان من صدقك انت
راكان" وللحين مقهور": لا امزح ايوا من جدي ..يعني بالله تجيني
بكامل حلاك وتدلعين وتبيني اقاوم ولا تكملينها باشارتك الحمرا
وسام" خجلت من كلامه صحيح انه صار لنا فترة من زواجنا بس
للحين استحي وهو عادي عنده":وججع خلاص
راكان" حسيت بخجلها ورحت وطي": وسيم بلا دلع تبين تذبحيني
وسام" هالمره صدق ماسويت حالي بريئه": وش سويت
راكان" يتنهد": ولا شئ .. وش طابخه اليوم
وسام" احبه ..": مم طبخه يحبها قلبك جريس" وابتسم له ابتسامه كرست"
راكان" الف حمد وشكر لك يارب":اووخص حركااات
وسام" وانا العب بيديني": تعلمتها عشانك وسويتها لك
راكان" يمسك يدي ويبوسها": يالبي حبيبتي
وسام: طيب حبيبي روح اجلس وانا بجيب الاكل
راكان: لا بساعدك وش تبيني اسوي
وسام" بست خده": ....
راكان"كنت مبسوط انها صارت تلقائيه بحركاتها ومن غير حواجز":وش
تبيني اسوي
وسام" اشرت له": خذ الكاسات مع المويه واللبن والعصير وودها
راكان" يشيلهم": اووك
جلسنا نتغدى وحمدت ربي طلعت الجريش حلوة بس ناقصها شوية ملح
حسيت براكان يراقبني وان اكل ... ماالومه .. واعرف انه خايف على
..خلصت اكل وتو بقوم
راكان: وين
وسام: الحمدالله شبعت
راكان" يناظر صحني يالي اكلت ربعه بس": وتسمين هذا اكل
وسام" فاهمه عليه وفاهمه خوفه": حبيبي اضن تكلمت مع اخصائيه
التغذيه وقالت لك لسى الطريق طويل .. ولمعدتي هالاكل كفايه ويشبع
راكان: ياقلبي ماابيك تظنين اني اراقب ولا شئ من هالكلام .. انا خايف
عليك بس
وسام: عارفه حبيبي .. وكل يالي ابيه منك الصبر.. وتمشي معي
خطوة خطوة
راكان" بابتسامه": معك طول العمر.. بس عودي نفسك انك تاكلين
اكثر شوي بسس.. عشان ماتكون عادة عندك وتشبعك هالشويات
ابيك كذا تصرين دبدوبه مو تاكلين كانك عصيفير
وسام" ضحكت ع تعليقه": هههههههههههههههه عليك تشبيه
راكان" يقوم ويساعدني": وانا صادق
وسام: يعني مو عاجبتك
راكان" بتاكيد": عاجبتني وحييل بس ابيك تكونين بصحه وعافيه ماابي
اخسرك
وسام" تنهدت براحه":اوعدك
راكان" اكتفى انه يحضني ويبوس راسي":.................
جمانه" بعد ماتقلبت وكل شوي مغيرة بطحتي والنوم مو راضي يجيني
افكر بالي صار .. كنت افكر هل بتقبل خسارته ونهايه علاقتنا وكان
هالحادث جواب لي... جواب اني اعطي لنفسنا الحق بالتجربه ..
الظروف والمشاكل ماعطتنا الفرصه نكتشف وش راح تكون حياتنا
عليه .. مجرد التفكير اني خسرته ذبحني..انتظرته وماجا امس ...صحيت
وصليت العصر وجلست قمر وجننتني ع ماصحت .. جهزت الغدا
ووسن ساعدتني.... تغدينا وقلت لوسن كل الي صار امس ..وهاوشتني
ليه ماصحيتها.. الساعه 5 ونص العصر دخل علينا فيصل وباين
انه تعبان وهلكان لدرجه انه ماتكلم معنا دخل ع طول الغرفه وتروش
دخلت وجهزت له ملابسه وطلع انحرجت اول مره اشوفه بالشكل هذا
لاف الفوطه ع خصرة وينشف شعره بالمنشفه الصغيرة.. وبارتباك
: هذي ملابسك جاهزة " وطلعت"
فيصل" استغربت من تصرفها .. بس كنت مهدود الحيل ومافيني
قوة للتفكير.. لبست ملابسي وتو بنسدح ع لكنبه الا هي وقمر داخلين
جمانه.. شايله بيدها صينيه الغدا ومعه كاسه مويه ولبن
جمانه" كنت متاكده انه ع لحم بطنه من امس": تغدا قبل لاتنام
فيصل" للحين مو مستوعب معقوله هذي جمانه":مو مشتهي ابي انام
جمانه" باصرار": لا لازم تاكل وبعدين ع ماتاكل يكون اذن المغرب
ونام لان هان نمت الحين وش بيصحيك وبتفوتك
قمر" ببرائه": بابا شفيك ليه عنونك كدا
فيصل" اخذتها وحضنتها": مافيها شئ بابا بس تعبان
قمر: ليه
فيصل" بحنيه": لانه بابا كسلان ماينام بدري
قمر" حاطه اصبعها بفمها": يؤؤ كسلان زيي هههههههههه
جمانه" ضحكت ع هبال هالبنت واكثر شئ ريحيني ابسامه فيصل..
كان ودي اساله وش فيه ووش صار امس بس قلت ابنتظر لحد مايصحي
لانه باين عليه تعبان حييل": يلا كل
فيصل" وانا العب مع قمر وحشتني حيل ... وقلبي صار يدق بسرعه
وش سبب تصرفها معي الحين وليه هالحنيه.. ودي اسال بس اخاف
نتهاوش وانا مافيني حيل": وانتي اكلتي
جمانه" مع اني شبعانه بس ابيه ياكل": لا انا وقمر استنينا لحد ماتجي
قمر:ناكل مع بابا
جمانه: ايه يلا قولي لبابا ياكل
قمر: اكل هدا حلو" وتاشر ع الاكل"
فيصل" باستغراب": ليه كلتي منه
قمر: ايه
فيصل" رفع وجهه وناظرني .. ارتبكت وصرفته": ايه اكلت شوي
مع عمتها
فيصل: اها
جمانه: يلا عاد ذوق طبخي
فيصل" حسيت عصافير بطني تغرد.. وبديت اكل وكان الصمت
سيد الموقف..... اكلنا وشلت الصينيه وفيصل دخل يتوضاء
وصلى ومعه قمر .. كانت متعلقه فيه لانه طول امس ماشافته
وتوه بينسدح ع الكنبه
جمانه: نام ع السرير انت تعبان والكنبه ماراح تريحيك
فيصل" هذي جمانه ولا وحده ثانيه":............
جمانه" فهمت نظراته واستغرابه": يلا نام واذابعد صلاة العشاء
بصحيك عشان ماتفوتك
فيصل" انسدحت ع السرير لانه عيوني خلاص مو قادرة تقاوم النوم
وع طول حطيت راسي ع المخده ودخلت بنومه اليمه .. ع انه نومي
مو ثقيل واقل حركه انتبه لها بس عشان التعب والسهر ماحسيت بقمر
وهي تنط ع السرير وتلعب ولما ياست راحت لجمانه ووسن
رحت اصحي فيصل عشان يقوم لصلاة العشاء وماحس فيني
ولا كانه في احد يتكلم رحمته كان شكله تعبان حيل .. قلت بخليه
لحد مااسوي العشاء واصحيه .. دخلت المطبخ ومعي وسن وبدينا
نجهز العشاء...
وسن" منزعجه": طفشششني
جمانه: احقرريه كلها شهر وترتاحين منه
وسن: تخيلي راسل لي يهددني انه بيروح يعلم ابوي
جمانه: اعلى مابخيله وصدقيني اشكاله مستحيل يسويها عارف انه
غلطان وبيخاف يوصل لابوه الخبر مثل منتي عارفه ابوه
ملتزم وحقاني ومايرضى بالي سواه ولده
وسن: وهذا الي مريحني .. بس والله تعبت ماني طايقه اكون ع ذمته
جمانه: ريحي بالك وغمضي وفتحي وازمة و
وسن: ان شاءالله
جمانه: وين قمير
وسن" تاشر براسها: جالسه تتفرج ع توم وجيري
جمانه: تصدقين من اشوفه اتذكر الهبله اختك
وسن:ههههههههههههههههههههههههههههه" وبضيقه":اشتقت لها
جمانه: تصدقين مستغربه منكم انتم التؤام العجيب والله ولا وحده
حاسه بالثانيه
وسن :هههههههههههه شفتي كيف
جمانه" بمزح تغير الجو": الله لايبلانا بس
وسن" بخبث": ليه ناويه انتي والشيخ فيصل بتؤام
جمانه" حمر وجهي من كلامها وللحظه .. تخيلت اني اكون حامل
وام .. تمنيت انه يصير: شب بس وكملي شغلك
وسن: ياعين ع الي يستحون
جمانه" طيرت عيوني عارفه وسن اذا مسكت ع شئ ماتتركه": وسين
ترا ارجعك لمعاذو
وسن " تمثل الخوف": لا لا خلاص توبه
جمانه" لفيت عنها": ناس ماتجي الا بالعين الحمرا
وسن: ملت بس هههههههههههههههه روحي صحي رجلك
جمانه" وانا طالعه": رايحه من غير قول
دخلت ع الغرفه وهو ع نفس بطحته وداخل في نوم عميييق .. قربت منه
وصرت اناديه: فيصل ... فيصل قووم العاشاء فاتتك قوم لاتاخرها
فيصل" انتبهت ع صوتها وضنيت اني احلم":..............
جمانه" شكله مو ناوي يصحي"..... طلعت وسكرت الباب وراي ورجعت
لوسن بالمطبخ
وسن: صحى ولا
جمانه: لا شكله تعبان حيل مو حاس فيني
وسن: ياحياتي يااخوي
جمانه" كان ودي يصحى يفهمني وش السالفه":خليه متى ماشبع نوم
بيصحى
وسن" ترجع الصحون مكانها": طيب انا موج وعانه الحين ..مم عادي
ننتظره لحد مايصحى
جمانه: اكيد عادي
فيصل" قاطعتهم وانا احس عيوني ثقال ومو قادر افتحهم": لا لاتنتظرون
بصلي واجي حدي جووعان
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك