رواية حبيبي علمت قلبي ع حبك علمه ع النسيان -15
وسن" ترجع الصحون مكانها": طيب انا موج وعانه الحين ..مم عادي
ننتظره لحد مايصحى
جمانه: اكيد عادي
فيصل" قاطعتهم وانا احس عيوني ثقال ومو قادر افتحهم": لا لاتنتظرون
بصلي واجي حدي جووعان
وسن وجمانه" متفاجائين":................
وسن: اووك يلا ع ماتصلي نكون جهزنا السفرة
فيصل" رجعت للغرفه ودخلت الحمام" عزكم الله" وغسلت وجهي وفرشت
اسناني وتوضيت ... بعد ماصليت .. قمت وانا احس جسمي للحين مافيه
طاقه ودي ارجع انام ... بس قاومت .. محيرني تصرفها ... ليه ,,ووش
سبب التغير المفاجئ... طلعت ع الصاله الا والعشاء جاهز.. رحت وجلست
وسن: تقبل الله وصح النوم
فيصل" بابتسامه": منا ومنك ,,, وصح بدنك
جمانه: تقبل الله
فيصل" يناظرها مستغرب": منا ومنك
قمر" تنط بحضن ابوها": بجلس عندك انا
فيصل" يبوسها": اكيد بتجلسين عندي وانا بااكلك
قمر" تاشر ع الاكل": ابي هدا... بسرررعه بطني يبي ياكل
فيصل: ههههههههههههه طيب يلا افتحي فمك
خلصنا من العشاء وغسلت الصحون ووسن تسوي القهوة لفيصل
طلعت الحلا وصينيه الفناجيل ... ورجعنا انا وهي بالصاله .. فيصل
باين انه تعبان وقمير رجته ...وهي تسال وتتكلم .. ماشاءالله عليها طاقه
مو طبيعيه .....
وسن " تصب القهوة": سم
فيصل: سم الله عدوك
جمانه" كنت ابي اعرف السالفه .. ومستعجله": فيصل
فيصل" رفعت نظري لها": هلا
جمانه"بتردد": سيارتك وانت
فيصل" فهمت عليها.. وتنهدت بضيقه": هذا وليد صديقنا
وسن" بحزن": وليد ال....
فيصل" بضيقه": ايه الله يرحمه
جمانه" مستغربه كيف وصل لسيارته وليه جواله معه": طيب
ليه هو بسيارتك وجوالك ليه معه
فيصل: وانا راجع ع البيت صار معي حادث
جمانه" خفت لما قال حادث":.............
وسن" بخوف": صار فيك شئ
فيصل" بحنيه": لا الحمدالله هذا انا بوجهك قطو بتسعة اروح
وسن" تضربه بالمخده": لاتقول كذا ع نفسك
جمانه" كنت اعرف انه حنون بس ماعمري انتبهت او بمعنى اصح
كنت اتغاضى اشوف حنيته واشوف الاشياء الايجابيه فيه....
وسن: طيب كمل
فيصل: بعد ماصار الحادث اتصلت ع عادل وجا هو ووليد ياخذوني
وليد جلس ينتظر سيارة السحب .. وانا وعادل مشينا عشان نروح
المستشفى..
جمانه: طيب
فيصل: وبس جوالي كان بالسيارة عشان كذا يوم اتصلتي رد عليك النقيب
وسن: ووليد عرفوا اهله
فيصل: ايه وحالتهم حاله الله يصبرهم بس
جمانه: وهو متزوج ولا عنده عيال
فيصل: لا خاطب
جمانه" باسف": الله يرحمه ويصبر قلب امه وخطيبته
فيصل: اللهم امين
وسن:دفنوه ولا
فيصل: لا للحين يخلصون الاجراءات وياخذون جثته بكرا وبيدفنونه
جمانه: الي فهمته انه تفحم
فيصل" وهو يحاول دمعته ماتنزل": بالحييل معالمه انعدمت
جمانه" ضاق صدري ع صديقه وضاق اكثر وانا اشوفه يحاول انه
دمعته ماتنزل باين انه عزيز وغالي عليه": الله يرحمه ويغفر له
فيصل" يقوم": طيب انا مازالت احس جسمي مكسر بروح اريح
وسن: طيب روح
فيصل" قمت ودخلت الغرفه وجلست ع السرير .. صورته مو راضيه
تفارق خيالي ... الله يرحمك ياوليد.....
الجزء السادس عشر..............
وسام" احس راكان وده يصرخ من هبالي.. كل شوي انط بمكان...كنا
بالسوبر ماركت وكل شوي شئ يشدني واروح له وهو مايمديه يجر
العربيه ولا مغيره مكاني.....
راكان: ياقلبي اهجدي طيحتي رجولي
وسام" حسيت ع دمي.. ورحمته العربيه كانت مليانه لحد مغطت وجهه":
سوري
راكان: طيب الحين اخذتي نص المحل ماخلصتي وليت اغراض ع سنع
كلها خرابيط شيبسات وشكولاته وغيرها..
وسام" وانا اسبل له بعيوني": حبيبي باقي شئ بس
راكان" فهم على وجر العربيه ومشى": لا يعني لا يالله مشينا
وسام" برطمت": ليه طيب
راكان: سمعتي الدكتورة يضرك وللحين ماكملت عافيتك .."لف علي"
شوفي يوم تزيدين 2 كيلو ابشتري لك الحجم العائلي
وسام: ياسلااام مسوي اغراء الحين يعني مقدر اخلي احد من اهلي
يشتري لي
راكان" بابتسامه ثقه": لو يطاوعك قلبك كان سويتيها من زماان
وسام" ياحبي له عارف اني مااسوي شئ من غير رضاه": حبيبي
طيب خذ واحد صغير وبشرب قد فنجال
راكان" ماحب يكسر بخاطري": طيب فنجال
وسام" فرحت .. خير فنجال ان ماشربت البيبسي كله": ايه ايه
جمانه" مر علينا اسبوع وانا مافاتحت فيصل بشئ بس كل الي
سويته غيرت من اسلوبي وجفاي.. وهو حس بتغيري بس شكله
يظن للحين اني مااطيقه ومابي منه شئ .. كان طول الوقت حذر عشان
مايضايقني او يسبب لي ازعاج..."
وسام" وانا ماليه طاولة الصاله من كل انواع الشيبسات والفشار
والعصيرات والبيبسي ": راااكان يلا بشغله
راكان" جا وجلس ع الكنبه": وش فيك عجله انتي
وسام" وانا اشغل الفلم": متحمسه له
راكان" يسوي حاله حزين": يارب يارب ... انا اخبر البنات رقيقات
رومنسيات .. واخبرتهم مثل حرمتي .. تصبحني ع افلام رعب وتمسيني
ع افلام اكشن .. يارب وش سويت بدنيتي
وسام" ضحكت ع شكله":هههههههههههههههههههههههه احلف بس
مالت المفروض تحمد ربك اني زوجتك ومسويه لك جو .. اسال ربعك
اتحداهم حد يقول انه زوجته تسوي لهم سهرات مثل السينما وتدخلهم اجواء
الفلم
راكان: بس لاين طلك عرق .. ايه اجواء حلوة الصراحه" ويمثل العصبيه"
اجل في وحده عاقله بفلم رعب ذبح ومدري ايش تشتغفل زوجها وتجي من
وراه وتصرخ
وسام" تذكرت شكله كي انفجع.. وهو مندمج ع الفلم":ههههههههههههههه
هههههههههههههههههههههههههههههههههههههههههه
راكان" يكفخني بالمخده": وتضحك بنت اللذين
وسام" سويت حالي اني توجعت": أي يادفشش
راكان: ههههههههههههه "" يحضني"ايه خلك كذا رقيقه عشان
اخق وكذا يعني
وسام: يعني الحين عاتقني من غير رقه
راكان" بنظرت خبيثه": بتسكتين ونتفرج ع الفلم ولا"يلعب بحواجبه"
وسام" طيرت عيوني عادي ماعنده وقت هذا": لا لا لا خلاص بعقل
راكان:هههههههههههههههههه خبله
وسام" شغلت الفلم واخذت الفشار وحطيته بحضني": جايب شئ جديد
"ولعبت بحواجبي"
راكان:ههههههههههههههههههههههههههههههههه
جمانه" قررت اليوم اصارح فيصل ونجلس نفكر سوا وش راح تكون
عليه حياتنا لانه ...مو من مصلحتي ولا مصلحته ولا مصلحة قمر
انه يتعلق وضعنا اكثر من كذا...."
فيصل" استغربت من مكالمتها ..ومن عزومتها ع لعشاء ... الاسبوعين
يالي مرو كانوا اكثر ايام غريبه بحياتي بسببك ياجمانه... حيرتيني ..
خلصت من اشغالي وتوجهت ع البيت .....................
جمانه" كنت مجهزة العشاء.. ومرتبه السفرا... وقلت لوسن تاخذ قمر
وتروح فيها بيت خالتي ... وهي كانت مبسوطه لانه بنحط النقط
ع الحروف..وبيكون فيه حل اخيرا لوضعنا
فيصل" دخلت الشقه .. وصدمتني ريحه البخور الي ملت الشقه ..ماانكر
اني مامره شميت ريحه شينه بالشقه .. بس اول مره اشم ريحه بخور
فيها .. وشفت السفرة كيف مرتبه بعنايه ... والاكل عليها كان يغري
يعني حتى الشبعان راح ياكل غصب... دورت عليها لحد ماشفتها
طالعه من الغرفه .. وكانت بقمة اناقتها...تمنيت للحظه .. تكون مسويه
كذا عشاني .."تنهدت": السلام
جمانه: وعليكم السلام
فيصل" يدور": الا وين وسن وقمر
جمانه: راحوا بيت خالتي
فيصل" استغربت يعني العشاء لي ولها بس" جلست ادقق النظر فيها
يعني كاشخه لي.. معقوله":اها
جمانه" ارتبكت من نظراته لي": يلا نتعشى قبل لايبرد
جلسنا نتعشى وكان الصمت سيد الموقف ..بعدها خلصنا وشلت السفرة
والصحون .. طلعت بالقهوة وصينيه الحلا وجلست قباله .. صبيت له
وقدمت له الحلا... وجلست
فيصل" انا للحين مستغرب من الوضع كله":................
جمانه" بعد تردد وجهد .. قررت اتكلم.. نزلت نظري": فيصل
فيصل" خفت من نبرة صوتها حسيت انه كل هالعشاء والمقدمات لشئ
مهب زين اتوقع الا متاكد بتطلب ننفصل لاني اليوم جبت ورقة وسن
وارتحنا من الواطي معاذ": هلا
جمانه: انا عرفت كل شئ
فيصل" باستغراب": كل شئ!!
جمانه: اقصد سالفة زينه
فيصل:.............................
جمانه: وتفهمت ليه سويت معي كذا وليه ماعطيت نفسك مجال للتفكير
فيصل" ماحبيت موضوع زينه ينفتح او حتى اسمها ينذكر": قفلي ع
الموضوع
جمانه" خفت من نبرة صوته بس قررت اكمل": لا ماراح اقفل وابيك
تسمعني من غير ماتقاطعني .. ع الاقل لي الحق بهذا صح او لا
فيصل" اكتفى بهز راسه بمعنى ايه":.............
جمانه: كنت من قبل كارهتك بسبب زينه قبل لايصير الي صار بينا
لانها كانت صديقه لي وكنت اعزه بالحيل ويوم طلقتها حقدت عليك
لاني ماعرفت السبب والي فهمته انك ظلمتها وحرمتها كنت بالنسبه
لي انسان ظالم وكريه ...ومع الموقف يالي صار بينا كرهتك اكثر
مع العلم قبل لاتطلق زينه كنت اعتبرك مثالي وكنت اتمنى يكون
زوجي مثلك " استحيت من نظرته لي.. بس كملت":بس مع الي
صار ...حقدت عليك .. بس انت غلطان اووك ضحيت عشان بنتك
بس بلنسبه لاهلك تتكلم وتبين الاسباب مو تخليهم ياخذون عنك فكرة
غلط....
فيصل: خلصتي
جمانه: لا بس اذا عندك شئ تفضل
فيصل: بالنسبه لموضوع اني خبيت سبب طلقي ماني ندمان ابد ولو
ينعاد برجع اسويه بنفس الطريقه ... ابيك تعرفين انه بنتي اغلى واهم
شئ بحياتي ومستحيل اسمح لحد قريب ولا بعيد ياذيها ولو بكلمه
وحده .. كفاي هاني حرمتها من امها وحتى لو كانت اسوء الناس الام
وجودها مهم وخصوصا للبنت
جمانه: ومعك حق بالكلام هذا .. بس سكوتك شوف وين وصلنا..فيصل
انت حكمت على من غير ماتسمع لي .. وهذا اكبر سبب يخليك تتكلم
وتفضفض وماتحاول تكتم .. لانه بتصير بعدها مشكله كبيره..
فيصل" باسف ": اكبر من الي سويته فيك مااظن
جمانه" مغصني بطني وحسيت بوجع بقلبي لما تذكرت": هذي صفحه
قديمه وانطوت وحنا الاثنين غلطانين فيه غلطتنا.. انه ماكنا صريحين
ومنفتحين مع بعض.. الصراح هاهم شئ.. ولما نسمع أي كلمة من
حد لازم نواجهه مو نسكت وتكبر المشكله وبالنهايه يصير مال امها
داعي تصير هالمشكله وبسبب سوء تفاهم
فيصل" كنت مستغرب من كلامها .. كلامها يدل ع كبر عقلها بالنسبه
لعمرها.. كل يوم اكتشف فيك شئ يشدني لك ويعلقني اكثر..وانا ماابي
لاني عارف وش نهايتنا":وش نسوي شئ راح وانتهى
جمانه: مثل ماقلت انتهى .. والحين نبي نركز ع الحاضر
فيصل" بلعت ريقي وهيئت نفسي لطلب الطلاق": طيب
جمانه" بديت اتوتر ": انا .. انا ابي نبدء بصفحه جديده
فيصل" ماتوقعت ":تتكلمين جد؟
جمانه: ايه .. بس بشروطي
فيصل" فرحت حييل ماابي افقدها": اطلبي الي تبين
جمانه"بتوتر وخوف انه يردها": الفترة هذي.. نعيش وكانا مخطوبين
فيصل" باستغراب": مافهمت
جمانه: حنا ماعشنا خطوبة مثل باقي الخلق .. وصحيح بتكون غريبه
لانا بنعيش بنفس البيت .. بس خلينا نبدء من جديد ونكتشف بعض
ونبدء مع بعض خطوة خطوة
فيصل" عجبتني فكرتها": وانا معك طول مانتي معي وماتبعدين
جمانه" عضيت ع شفايفي من كلامه وحنيته الي حسيت فيهم حبه
لي": اتفقنا
فيصل" بفرح": اتفقنا
وسام" كنت متقطعه بكي: وليه ماقلتي لي اوقف معك يادبه
ولا وش فايدتي كاخت
وسن" مثل حالي": ماكنت اعرف كيف اتكلم معك وانتي حاطه
الف حاجز وحاجز بينا
وسام" حضنتها": اسفه والله العظيم اسفه
وسن" تحضني بقووة": ماله داعي الاسف انا عاذرتك انتي الي مريتي
فيه مو سهل بعد" وتضربني ع كتفي": وانتي ليه ماجيتي لعندي وقلتي
وسام" مسحت دموعي": كنت بعالم ثاني واخاف اسمح لحد يقرب مني
وسن" فاهمتني ": مايهم الحين بدينا صفحه جديده وبيك توعديني
انك ماتبعدين عني ابد
وسام" حضنتها ثانيه": اوعدك اوعدك .. وسن والله احبك
وسن: وانا امووت فيك
وسام" بست راسها": الله لايحرمني منك وربي يعوضك بالي احسن منه
وسن" بحزن": ماضنيت ياوسام
وسام" بثقه": وليه يعني وش ناقصك عن باقي البنات
وسن: نسيتي اني مو بنت ومطلقه
وسام: اسمعيني اذا ربي كاتب لكب تتزوجين سواء مطلقه او لا
وان شاءالله ربي يعوضك كل خير
وسن: ان شاءالله.. وسام
وسام: عيونها
وسن: نامي معي اليوم تكفين
وسام: لو ع كيفي نمت بس مااتوقع راكان يوافق
وسن: الله يخليك حاولي مشتاق هلك ولسهراتنا
وسام: طيب بحاول " اخذت جوالي واتصلت عليه":يلا حبيبي تكفى
طلبتك
راكان" بعناد": لا مو كفايه الشهر الي جلستيه عندهم
وسام" بزعل": حبيبي الله يخليك ابي اجلس مع وسن وانت عارف هي
وش مرت فيه
وسن" اخذت الجوال مني: طلبتك راكان تكفى
راكان: خلاص مااقدر اردك بس هاهـ بكرا اطلع من الدوام تكون
جاهزة
وسن: طيب طيب مشكووور
وسام" اخذت منها الجوال": تسلم لي حبيبي
راكان: اخر مره تنامين سامعه
وسام" يصير خير": ان شاءالله حبيبي انتبه ع نفسك
راكان: وش عندك مستعجله
وسام: ابي اجلس مع اختي مشتاقه لها
راكان: ايه الله لنا
وسام" ياحبي له ": احبك انتبه ع نفسك
راكان: من عيوني وانتي بعد واي شئت بونه اتصلي
وسام: خلك قد كلمتك
راكان: ههههههههههههههه لا مو أي شئ عاد اشياء مهمه
وسام: هههههههههه يلا فمان الله حبيبي
راكان: فمان الكريم
وسن" كنت فرحانه لها .. وسام متغيره حيل ورجعت لطبيعتها..":يلا
نجهز لسهرتنا
وسام" مسحت دموعي": مدري وش فيني صايرة الدمعه ع الباب
وسن: هههههههههه لايكون حامل
وسام" تمنيت اني اكون حامل: من بؤك لباب السما
وسن: ان شاءالله
وسام: ان شاءالله
مرت الايام وانتشر خبر طلاق وسن وكل واحد يفسر ع كيفه وفيصل
فسر لامي وابوي وش السبب طبعا مو الحقيقي بس بين لهم حقيقه
معاذ.....
جمانه" البيت صار فاضي من غير وسن وحشتني جلستي معها والسهر
اما فيصل...للحين محتارة بشعوري تجاهه .. وحاسه بالذنب لاني ماقلت
له وش صار بيني وبين زينه من لقاء ومكالمات..بس يالي مريحني
اني عطيتها من الكلام يالي برد قلبي فيها...
جمانه"ببرود": نعم
زينه" باستغراب": جمون وش فيك
جمانه" بنفس البرود" : ولاشئ بس كل الحكايه ان الاقنعه طاحت وانكشفت
الوجيه الخبيثه يالي متخفيه وراها
زينه" فهمت قصدها": جمانه اسمعيني قبل لاتحكمين
جمانه "بقهر": وش اسمع ياست هانم اسمع كيف استغفلتيني وخليتني
اسوي اشياء من ورى فيصل
زينه" بغيره لانه جمانه تزوجت فيصل.. وكان عندها امل انه يرجعها
وكانت كل نيتها ورى صحبتها معها انه ترجع فيصل":الحين صار يهمك
فيصل
جمانه: اكيد يهمني مو زوجي
زينه: يعني تفهميني انك حبيتيه وندمانه
جمانه" حبيت ارفع ضغطها": ايه وهو حبني بعد وان شاءالله بعوضه
عن كل يالي مر فيه بسببك وانسى رقمي وانسي اني ممكن اجمعك
مع بنتك ثاني
زينه" تمثل دور المنهارة": جمانه تكفين لاتصيرين انتي وفيصل
ضدي...
جمانه" استفزتني ..بمحاولتها .. انه تبين فيصل هو الظالم": انتي
الي جبتي هالشئ لنفسك يوم بعتي نفسك برخيص وارخصتي
زوجك وبنتك عشان انسن حقير وماعنده اخلاق ولا دين
زينه" بوقاحه": وليه تحكمين عليه لاتظلمينه
جمانه" ودي نطيت من الجوال ودست ببطنها": وتدافعين عنه بعد
زينه: مو عن دفاع بس ليه تغلطين عليه
جمانه: بالله احلفي بس,,واحد مخاوي وحده مزوجه ومبسوط لاهمه
ربه ولا همه حد غير انه ينبسط .. وبعدين مو هو الغلطان الغلط
ع الي ارخصت نفسها للي يسوى والي مايسوى حالها حال بنات
الشوارع
زينه" انقهرت من جمانه وطريقه كلامها بغرور وثقه": طيب
والمطلوب
جمانه" قرفت ماودي اكلمها خلاص كرهتها": المطلوب تنسين رقمي
وتنسيني انا بعد
زينه: وبنتي
جمانه: اذا عندك شئ روحي تفاهمي مع ابوها
زينه" بنذاله": ماتخافين اروح اقول لفيصل انك سمحتي لي بشوفتها
ومن وره
جمانه" انا يالي لازم اصارحه واقول له": اعلى مابخيلك
ماهميتني ولا تظنين انك كذا بتخربين بيني وبينه ..اشكالك
مايحركون فينا شعرا
زينه" ماتت قهر من احتقار جمانه لها": اشكالي وش فيها اشكالي
جمانه" وانا ابي انهي لمكالمه": مايحتاج اقول لك وش فيهم
ومثل ماقلت لك انسي رقمي...وقفلت الخط
انتظرت كثير لحد ماوصل فيصل البيت ...
جمانه" كنت متوترة حيل وماني عارفه ردة فعله":ابي اقول لك
شئ بس ابيك تسمعني وماتفهمني غلط
فيصل"باهتمام": طيب
جمانه: لما كنت مااعرف عنك وزينه تقابلت مره معها بالمول
"ناظرت فيصل وللحين ملامحه ماتغيرت" وخليتها تجلس مع
قمر ... وكنت اكلمها لحد ماعرفت بحقيقتها وقطعتها ...
فيصل:...............................
جمانه" طول الوقت كنت منزله عيني ع الارض.. بس رفعتها لما
ماسمعت له صوت":.................
فيصل" ابتسمت لها ماحبيت احاسبها ع شئ ماضي وانتهى": وهذا كل
الي عندك
جمانه"بلعت ريقي": ايه
فيصل: طيب واعتبريه ماضي وانتهى ومن اليوم ورايح ماابيك
تسوي نشئ من وراي وخاصه بخصوص قمر
جمانه" تنفست براحه": ان شاءالله
فيصل" يقوم": طيب يلا قومي تجهزي وجهزي قمر
جمانه: ع وين
فيصل: اليوم الكل متجمع بالبر ودك تروحين ولا
جمانه" انبسطت ": اكيييد ..."وقمت" ثواني واكون جاهزة
فيصل: جمانه الله يعافيك لبسي قمر ملابس ثقيله لانه برد هناك
جمانه: لاتوصي حريص
نص ساعه بالكثير انا وقمر جاهزين .. ونزلنا ع السيارة وحنا مبسوطين
طلبت من فيصل يوقف ع محل ويجيب حلا وشويه معجنات ومشروب
لهم هناك .....
جمانه" انبسطت حيل بالبر كان الكل موجود وفلينها وفيصل...كان طيب
معي بتصرفاته ومايفرض نفسه علي وللحين ملتزم باتفاقنا
فيصل" شريت ايس كريم لجمانه ووسن وقمر.. ومشيت لعندهم
": يلا كلوه قبل لايذوب
وسام" شفت فيصل جاي بالايس واشتهيته حيل ..نطيت عليه": وانا ابي
فيصل: عندك رجلك ماني مكلف فيك
وسام" طيرت عيوني": ياسلام الا مكلف مو اختك
فيصل" وحاب يرفع ضغطي": مالي شغل دامك ع ذمة قيس هو يتكفل
انا ماعلى الا من زوجتي وبنتي واختي
وسام: احلف بس وانا اختك
فيصل" يحرك بيده بمعنى روحي لرجلك" : يلا عندك رجلك .. المهبول
جمانه " ضحكت ع مناقرهم":هههههههههههههههههههههه
وسام: وتضحك بعد يقول ع اخوك مهبول
فيصل: تضحك لانه الصدق قلنا الحين عقلتي يوم عرستي ترجعين
هبله ومهبله رجلك معك
جمانه: ههههههههههههههههه وليه مايكون راكان مهبلها ترا الاثنين
" وتاشر بيدها بمعنى مجانين" لك وعليك
فيصل: هههههههههههههههههههههههههه أي والله سبحان الله الطيور
ع اشكالها تقع
وسام" عصبت": هي لاتتكلم عليه
فيصل: وتدافع عنه طويله اللسان
وسام" بدلع ": اكيد بدافع عن زوجي وابو عيالي
فيصل" طير عيونه": أي عيال!!!!
وسام: الي بيجون ان شاءالله
فيصل : اذ ربي ناوي ع زوال هالامه بنشوف ذريتك انتي والملحوس
زوجك... ولاتكثرين بربرة روحي لزوجك يجيب لك" ولفيت ع قمر"
حلو الايس بابا
قمر" وهي مشفوحه ع الايس كانه ماعمرها كلت": ايه
فيصل: قولي لها وي ماعندك
قمر: ههههههههه وي وي ويو ماعندها
وسام: قوم جيب لي
فيصل: بعلك يجيب لك
وسام" عصبت عليه ": لا ابي منك عناد
راكان" سمع صوتي وجا لعندنا": وش فيك
وسام" برطمت له": شوف الدب اقول له مشتهيه ايس يقول مناك مافيه
ويجيب لزوجته وبنته الحولا ووسن وانا لا
راكان" ماكنت ابي ارد عنها شئ تاكله دامها تبيه ..": وليه ماتجيب
لها
فيصل: وليه اجيب لها دامك فيه ياللوح
وسام" تخصرت": لاتقول عليه لوح
فيصل" سويت نفسي معصب": انتي وش تبين هاهـ
وسام: كيفي زوجي لازم ادافع عنه
راكان" والضحكه شاقه وجهه": ايه هذي الزوجات ولا بلاش
وسام" بدلع":ركوني حبيبي ابي ايس
راكان" ذاب وراح فيها": هاهـ
وسام" سبلت له عيوني": ابي ايس
راكان" مشى لجمانه.. وسحب الايس منها": خذي الايس وابو الايس
كله فدوه لك
وسام" ماكنت ابيه بس ابي ارفع ضغط فيصل": تصدق ماحلو الا عشانه
من يدك حبيبي
جمانه" معصبه": وليه تاخذ حقققي
فيصل" جا لعندي قبل لااكله ... بس راكان وقف بوجهه":حبيبتي كليه
بسسرعه ههههههههههههه
جمانه" لاول مره تتصرف ع راحتها": فيصل ابي حقي
فيصل" لما شافها كذا .. ماقدر يكسر بخاطرها": هاتي" وياخذه مني" اقول
انت وزوجتك الهبله روحوا بعيد لو سمحتوا انا عيلتي رقيقه مو مثلكم
دفشه
وسام" طيرت عيوني": احلف بس مالت عليك وع عيلتك
راكان:هههههههههههههههههههههههههههههههههههه
فيصل: الله يخلف بس الهبل هوامنا بالله صغيرة ومرجوجه لكن
انت يالشايب تراهق ع كبر
راكان:ههههههههههههههههههههههههههههه اقول مالك شغل
لا فيني ولا مرتي
فيصل" سوا نفسه خايف": طيب طيب خلاص
وسام" انبسطت": ايه ايه حبيبي عطه الحين الحمرا
راكان" يسوي حاله": ايه ياويلك تحتك بزوجتي ثانيه
فيصل: اقول طير انت وعقلة الاصبع مرتك
راكان" فطس ضحك ع عقلة الاصبع":هههههههههههههههههههههههههه
ههههههههههههههههههههههههههههههههههههههههههه
وسام" خزيته": تضحك ها
فيصل" ضحك ع شكلي وكملها هو وراكان": هههههههههههههههه
هههههههههههههههههههههههههههههههههههه
وسام" قهروني ومشيت عنهم": مالت
راكان" يلحقني": تعالي تعالي" ويلف ع فيصل" الله يرجك وش يراضيها
الحين هههههههههههههههههه
فيصل" ماسك بطنه من الضحك":هههههههههههههههههههه
جمانه ووسن "يضحكون... بس في شخص كان يراقب وسن
ومنبسط ع الاخر وهو يسمع سوالفها وضحكتها عاجبه هدوءها
وعاجبه نعومتها وثقلها ... مشى قبل لحد ينتبه له ...........
وسام" مبرطمه": لا ابي اركب مالي شغل
راكان: انسي تركبين لحالك
جمانه: ليه طيب وبعدين حنا مو اول مره نركب دبابات ولحالنا
فيصل" ياشر": انتوا شايفين مجمع الشباب الي هناك احلفوا بس
تبون نخليكم
وسام: وش علينا منهم حنا بنسوق هنا مو مبعدين
راكان: تبين اركبي معي غيره مافي
وسام: لا انا ابي اسوق
جمانه: وانا بعد وماابي حد معي" كانت منحرجه تركب مع فيصل"
راكان" جا من ورى جمانه وسحبها بسرعه وركبها عند فيصل": وجع
وش تسوي
جمانه" انحرجت لما صرت بحضن فيصل .. ودي صحت من الاحراج
انا حتى مصافحه يد مااصافحه الحين بحضنه": ركين وجع
راكان:هههههههههههههههههه الخبله بتصيح تستحين للحين
وسام: هههههههههههههههههههههههههههههههههههههههههههههههه
راكان" ومن وراها سحبتها هي بعد وركبته معي الدباب": وانتي بعد
وسام" طيرت عيوني انحرجت من حركته": لا راكان
راكان: يلا فيصل مشينا هههههههههههه
فيصل" مبسوط لانه جمانه قريبه منه": مشينا
صار سباق بين فيصل وراكان وفيصل فاز ع راكان لاني هبلت فيه
كل شوي صحت من سرعته ويظطر يخفف
راكان" معصب": مسويه قويه وبتسوق وبالنهايه كذا
وسام" لفيت وجهي عنه":وخر بنزل
راكان" حسيت ماله داعي هالتعصيب": وين وين
وسام" مازالت مبرطمه": بروح ماابي اجلس معك
راكان" يمسكني": بكيفك هو ماتبين تجلسين معي
وسام" مارديت عليه":.............
راكان: حبيبتي وسومتي
وسام" مارديت":..................
راكان" بخبث ": حبي ردي ولا والله ابوسك قدامهم
وسام" خفت ..يسويها ": خلاص خلاص رضيت
راكان:ههههههههههههههههههههه ياحبي لك
فيصل: ان شاءالله مبسوطه
جمانه" للحين مستحيه لاني كنت بحضنه": ايه الحمدالله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك