رواية حبيبي علمت قلبي ع حبك علمه ع النسيان -13
راكان" مسكت يدها وقربتها لصدري ابيها تحس بنبضات قلبي ابيها تعرف
اني صادق معها ": وسام .. انتي ع بالك اني مااحبك ومااهتم فيك
بس تاكدي انك غلطانه انا اتنفس هواك امووت لو يصير فيك شئ
يوم شفت الدكتور وهو طالع من الغرفه للحظه ضنيت اني فقدتك..ماتخيلت
اني بقدر اكمل حياتي من غيرك ... انا احبك ياوسام وربي احبك
حبيتك من يومك صغيرة ... شلتك بين يديني ويومها.. عرفت انك بتكونين
شريكه حياتي... اهتميت فيك وانتي صغيرة وماكنت ارضى عليك بشئ
حتى امك يوم تهاوشك كنت اعاتبها واقول لها مو قدامنا ..كنت خايف
تنجرحين .... وبالنهايه انا الي جرحتك واذيتك...صدقيني ..اني حبيتك
وحتى يوم جيتي تقولين لي وتصارحيني بحبك كنت عارف
وسام" استغربت .. عارف.. وشلون":....
راكان: امك سمعتك تتكلمين مع صديقتك وجات لعندي وقالت لي اني
اصحيك من هالشئ وكانت عارفه انك مراهقه وخافت تنجرفين مع
هالمشاعر وهي ماكانت عارفه باحساسي تجاهك.. ومفكرة انك
بزر وماتعرفين وش تبغين....فكرت بكلامها وعرفت انها كانت تبي
تحميك لانه مافي حد يعرف وش ربي كاتب له بمستقبله ممكن
اقول لك بهذاك الوقت اني احبك وتتعلقين فيني اكثر وبعدها مايكتب
لنا نصيب ... خالتي حبت تحميك ... وانا بعد .. بس ماعرفت انه
حبيبتي وروحي ودنيتي كلها حساسه بالحيل .." حبيتها ع راسها
وانا اشوف دموعها تنزل "...سامحيني وسام.. ماكنت عارف وشلون
اتعامل معك ... والي خلا الوضع يكبر انه مافي حد منا يصارح الثاني
يوم يزعل او ياخذ بخاطره من الثاني .. صحيح اني دفش ومااعرف كيف
اتعامل مع البنت ... بس اوعدك من اليوم راح نبدء انا وانتي حياة جديده
نتعلم ونمشى فيها مع بعض خطوة خطوة .... واي شئ يضايقك مني
تقولين لي وماتخبين ..." وابتسمت لها" اعرف اني دفش ومزحي ثقيل
وسام" وانا امسح دموعي.. وحسيت براحه من كلامه واخذت وعد عن
نفسي اني ماارجع وسام القديمه من بعد كلامه": ولوح بعد
راكان" قهرتني بكلمتها بس ماالومها": انا لوح يادبه
وسام: ايه ولا تقول لي دبه اعرف اني دبه
راكان" يقرب مني": تبيني اذبحك وينك ووين الدبه
وسام" ضحكت ع تعابير وجهه":هههههههههههههههههههههه
راكان" بحنيه": يالبى هالضحكه ياناس عسى ربي لايحرمني منك
ومن ضحكتك
وسام" خجلت .. اول مره يكلمني ويقول لي كذا":.......
راكان: شوفوا بس قولي امين
راكان" قربت منها وصارت عيوني بعيونها": احبك
وسام" ماراح اخلي الخجل يوقف بيني وبينه وماراح اخلي شئ يوقف
بيني وبينه ثاني كنت بخسره مره والحين مستحييل اخسره": احبك
مرت الايام الاولى صعبه على وخصوصا بموضوع الاكل .. كنت اتقدم
خطوة وبسهوله اتراجع عشر خطوات لورى.... بس مع صبر راكان
وحبه لي حسيت انه الشئ هذا مو مستحيل.....
انتشر خبر فقداني للجنين وكلهم قالوا لي انه خيره لي انا وراكان
وان شاءالله ربي يعوضنا خير ....
طلبت من راكان انه تكون فترة علاجي تكون بيت اهلي وهو ماعارض
ولا ناقشني كان كل همه راحتي ... كان اكبر غلط بحياتنا انه مانكون
صريحين مع بعض ....
جلساتي مع الطبيبه النفسيه كانت متعبه ومرهقه ... كانت تمر علي ايام
اكره الدنيا ومافيها وتمر ايام اتقبل وضعي ...
د.منى: انتي لما بتبصى ع المرايا بتشوفي ايه بتشوفي شكلك
عامل ايه
وسام" تنهدت": اشوف شكلي قبيح وكل جزء من جسمي مترهل
د.منى: ياحبيتي كول دا بعقلك بس اما الحقيقه مختلفه جداا
وسام: طيب وشلون
د.منى" طلعت من الكيس يالي جنبها .. فستان اسود قصير
وكان مقاسه صغير حسيته لطفله ": تعتئدي انه الفستان ده
ممكن يخش عليك
وسام" ضحكت": هههههههههههههههههه مستحيل
د. منى: طيب انا بتحداكي انه هي خووش عليك
وسام: مستحيل انتي شايفه قد ايش صغير
د.منى: طيب عشان نعرف مين يالي هيكسب التحدي ايه رايك
تئومي وتلبسيه
وسام" قمت وانا اضحك ع الدكتورة ... ومحاولاتها انه تبين
اني نحيفه مو سمينه.. دخلت الحمام"اكرمكم الله" وفسخت بيجامتي
.......!!!!!!! انصدمت!!!!!!!!!!!!!!!!!... الفستان دخل بسهوله
ومن غير ماافتح السحاب... معقوله .. يمكن غيرت الفستان ..
رحت للمرايا .. وشفت البطاقه نفسها يالي كانت عليه ... معقوله
ولاول مره... شفت شكلي ... بالواقع ... هذي انا .. مستحيل
د.منى: ها انا الي كسبت شوفتي
وسام" مازالت مصدومه": دكتورة معقوله هذا جسمي
د.منى: ايوا ياوسام انتي كنتي عايشه بوهم السمنه وكنت تخربين
صحتك وجسمك وحياتك بوهمك هذا واضن انك عارفه وش
كنتي راح تخسرين ووش خسرتي
وسام" ابدا ماعجبني شكلي والحاله الي وصلت لها": دكتورة
د.منى: ايوا ياوسام
وسام" بديت اصيح": ماابي اكون كذا ابي اتعالج ابي اطلع من هالحاله
هذي
د. منى: وانا هكون معكي لحد ماتنجحين ووتخلصين من هالمرض
الي هدم لك حياتك
وسام" بحزن": تتوقعين بقدر
د.منى: هتقدري لو كان عندك العزيمه المطلوبه وعاوزكي تعرفي
انه الكل معاك وخاصه زوجك راكان
وسام" انبسطت وابتسمت يوم جابت طاريه.. اشتقت له صار لي
اسبوع ماشفته وهذا بطلب الدكتورة انه مانشوف بعض": طيب
د.منى: ايه عارفه ايه الي عاوزة تئولي
وسام: ايش
د.منى: متى تقدري تشوفيه صح
وسام" خجلت ونزلت عيوني": ايه
د.منى: اشتقتي له
وسام:...............
د.منى: حبيبتي مش عاوزك تخبي او تخجلي من أي حاجه لازم تكوني
متفتحه بمشاعرك واحساسك
وسام" بحاول قد مااقدر اني انجح .. عشاني وعشان حياتي مع راكان"
: ايوا اشتقت له بالحييييييل
: وانا اكثر منك وربي
وسام" لفيت عليه وكنت متفاجاءه .. وشفت الدكتورة منى تضحك
ومبسوطه : يالله انا دلوئتي هسيبكم براحتكم
وسام" صرت اناظر الارض خجلت يوم شفته وخجلت اكثر
يوم شفت نظرات الشوق بعيونه .. الحين اعرف ومتاكده انه يحبني
مثل مااحبه ... الله لايحرمني منك":..........
راكان" شفتها وماصدقت شفتها اشتقت لها اسيوع مر على وكانه سنه
مالاحظت تغيير كبير ع شكلها بس باين ع وجهها انها مرتاحه ...
تقدمت لها ": وسام
وسام" رفعت عيوني له": ياعيون وسام
راكان" ذبت من كلمتها ... حسيتها انسانه غير": يالبى عيونها
وكلها
وسام" خجلت اكثر لما شفته يقرب لي اكثر":.....
راكان" ماقدرت اقاوم اكثر وبسرعه اخذتها لحضنى": اشتقت لك
وسام" حضنته وكان ودي ادخل جوة صدره ": وانا بعد
راكان: حسيت اني ضايع من غيرك وش سويتي فيني يابنت
وسام" ببرائه": ماسويت شئ
راكان" اخذ يدي وحطها ع صدره .. قلبه كان يدق بسررعه":كل هذا
ماسويتي شئ يا الظالمه
وسام" وانا اخذت يده وحطيتها ع صدري بعد": وانت شوف وش سويت
فيني
راكان" بستها ع خدها": واخبار الحلوة اليوم
وسام" بتشكيك": صدق انا حلوة
راكان" بشويه عصبيه": تبين اكفخك الحين عندك شك وربي
انه مافي مثلك بالحلا
وسام: حتى وانا مثل الهيكل
راكان" مو مستوعب": يعني عارفه انك مو سمينه ونحيفه
وسام" خجلت ": ايه
راكان" حضنتها مره ثانيه": واخيررررا اقتنعتي
وسام" ضحكت ع شكله":هههههههههههههههه ايه
بالبارت هذا انا ابي اشوف وش توقعاتكم للبارت الجاي انتظروني
لاتنسوني بتشجيعكم وتقيمكم
وهذا البارت لعيونكم يالبى قلوبكم
الجزء الرابع عششر..........
وسن" متردده": جمانه
جمانه" تحوس مع قمر": هلا
وسن: ابي اتكلم معك شوي
جمانه" مازالت بمعركة مع قمر": طيب بس اخلص من الست هانم
وسن" كنت شاكه انه بينها وبين فيصل شئ": اووك
جمانه" بعد معركه طويله مع قمر عشان اسبحها وتنام ... انتصرت اخيرا
وكنت رايحه لوسن اشوف وش فيها... بس اتصل فيصل عليها وقال لها
تتجهز لانه خالتي تبي تشوفها والغبي معاذ شافه نواف امس فعشان كذا
قالو لها انه وصلوا من السفر....
فيصل" رجعت بعد ماوصلت وسن للبيت وحذرتها تطلع مع معاذ قبل
لااكون موجود": السلام
جمانه" قمت ادخل الغرفه": وعليكم السلام
فيصل: ع وين
جمانه: رايحه انام
فيصل"للدرجه هذي كارهها وجودي ": اجلسي شوي خاطري اسولف
معك
جمانه" بنرفزة": وانا ماودي
فيصل: ليه طيب
جمانه: ببساطه لاني مااطيقك ومااطيق اسمع صوتك .. وانتظر اليوم
يالي تخلص سالفه وسن وارجع بيت هلي وارتاح منك
فيصل" انقهرت .. تبي فرقاي ... ماالومها وربي .. بس مااقدر اخليها
تبعد عني .. مستحيل ": طيب واذا قلت لك اني غيرت رايي
جمانه" انفجعت .. وش يقول ذا": خير خير وش تقول
فيصل" وقفت وقابلتها": خلينا نحل المشكله ياجمانه احسن
جمانه" تخصرت": كيف يعني
فيصل: خلينا ننسى الي حصل ... ونجرب نعيش حياتنا مع بعض
جمانه: احلف بس بعد الي سويته وتبيني انسى
فيصل" بضيق": وش تبيني اسوي عشان تسامحيني اسف وتاسفت
وبررت لك اني كنت فاهم غلط ... جمانه سامحيني وربي ماكنت
فاهم الموضوع ... وعارف اني غلطت بحقك كثير .. بس اوعدك
اني بعوضك وانسيك كل الالم الي عشتيه...
جمانه: تظن بالسهوله بنسى... وبعدين وش يضمن لي بعد ماتمل
ترميني مثل زينه ...
فيصل" استغربت من طاري زينه": زينه !! وش دخلها الحين
جمانه" تجاهلته": اسمعني اذا صدق تبيني اسامحك ... نستمر ع
اتفاقنا .." ومشيت عنه قبل لااسمع منه شئ.. وسكرت الباب"
اكرهه .. وكان كرهي له يزيد مع كل مره اقابل زينه او اكلمها
واشوف شوقها لبنتها.....
مر ع علاجي الحين شهر واسبوعين .. كانت حالتي الجسديه والنفسيه
بتحسن مستمر ... حمدت ربي اني بديت ارجع طبيعيه .. كنت
التقي كل يوم بالدكتورة ... وكانت جلساتها مفيده بالحيل لي..
بس كان في شئ مضيق خلقى .. الي هو ماكانت اشوف راكان
كثير ... كانت بينا مكالمات بسيطه لحد امس ... كانت المكالمه
مريحه ومزعجه بنفس الوقت .. بس كانت اهمم كالمه ونقطه
تحول لحياتنا..................
راكان: وسام مثل ماوعدنا بعض عند الطبيبه ... انك ماتخبين شئ
عني وخاصة يوم تنزعجين من كلمه او تصرف مني
وسام: طيب
راكان: وانا بعد بحاول امسك لساني واذكر اني اتكلم مع زوجتي
وحبيبتي مو واحد من الشباب
وسام" خجلت ... يوم قال حبيبته":طيب
راكان: يعني معلق المسجل ولا كيف
وسام" كنت للحظه برجع لعادتي القديمه وافكر بالاسوء":هههههههههه
لا بس وش اقول
راكان: اكدي لي انك بتبدين صفحه جديده معي صفحه تكون
كلها صراحه وبعيده عن الشك صفحه كلها ثقه
وسام" عجبني كلامه": ان شاءالله.. بحاول قد مااقدر ابعد التفكير
السلبي عني .. واحط ببالي انك اخترتني بقناعه .. واني مااقل عن أي
بنت بشئ ... واني جميله ...
راكان: غير انك حلوة ابيك تقتنعين بحلاك من جوى وبرا... يعني
ماابيك تحطين ببالك وتوسوسين مثل قبل
وسام"وانا عازمه ع الشئ هذا": ان شاءالله اوعدك.. واوعدك اني اكون
دايم صريحه معك
راكان: وهذا اهم شئ الصراحه ... حنا الاثنين تعلمنا انه الكلمه لها
وزنها ... وانه المفروض نثمنها قبل لاتطلع منا وتعلمنا هالشئ
بالطريقه الصعبه الي كانت نتيجتها انه كنا ع وشك نخسر بعض
وسام" يوم قال كذا وجعني قلبي .. تخيلت اني خسرته للحظه
ماقدرت اتنفس من وجع قلبي وهذ تخيل بس":لاتقول كذا
وربي ماني مصدقه انه تفادينا الشئ هذا وكنا بنخسر بعض
راكان: ماكنت بسامح نفسي لو صار هالشئ
وسام: وانا بعد
راكان:...............................
وسام:..................................
راكان: انا كلمت د.منى اليوم وقالت خلاص لو انتي مستعده تقدرين
ترجعين بكر ا لبيتك.. ولا مااشتقتي لي
وسام" فرحت .. لاني اشتقت ارجع له واشتقت لحضنه وحنانه":صدق
صدق راكان
راكان" فرحت وانا اسمع نبرة الفرح .. بصوتها وحسيت براحه كبيرة
": خلاص دام كذا تجهزي بكرا بعد العشاء بمرك .. جهزي نفسك
وسام" واخيرا ": ن شاءالله.. طيب ممكن اقفل الحين بروح اجهز
اغراضي
راكان: اووك
وسام: راكان
راكان: لبيه
وسام: ممكن اطلب طلب وياليت ماترفض
راكان: اطلبي
وسام" ترددت": مم بكرا راح اروح للسوق مع نواف ابي اشتري
لي شويه اغراض .. الله يخليك لاتقول انت بتوديني ولا لاتقول لا
راكان:هههههههههههه طيب طيب
وسام" ارتحت لاني كنت ابي ادور له ع هديه": شكرا
راكان: بزعل منك .. مابينا شكر
وسام: طيب
راكان: رجعنا
وسام:هههههههههههههههههه طيب تامرني ع شئ
راكان: سلامتك وانتبهي ع نفسك .. لاني من غيرك اضيع
وسام" حسيت بدفا كلمته": ان شاءالله وانت بعد لاني وربي اضيع
من غيرك
راكان" تنفست براحه": ان شاءالله من عيوني يالله فمان الله
وسام: فمان الكريم
رحت السوق الظهر وجلست ادور لحد ماطفشت انا ونواف.... واخيرا
حصلت الهديه المناسبه لحبيبي... بعدها رحت اشتريت فستان واخذت
اللون المفضل له من بعد الاسود .. كانت لونه احمر قصير.. لنص
الساق .. نعوم حيييل وحفر .. كان موديله لف ع الخصر .. رجعت
البيت وقسته كان حلو .. جسمي بدى يرجع لصحته وعافيته بس مو كثير
بس احسن من قبل بكثيير .. والفستان بين الفرق...
تجهزت ولبست الفستان .. وجهزت اغراضي وكنت طايرة من
الفرح ... بس الدب قهرني يوم اتصل وقال خلى نواف.. يجيبك
انا عندي شغله وبتاخر .... انقهرت .. وكنت ناويه اغير ملابسي
واخرب كل شئ .. شعري صار طويل لنص ظهري وقصيته
طبقات ورولته وكان شكله رهيب وحطيت مكياج لبناني ناعم
بس.. تعوذت من ابليس .. وحاولت اكون متفهمه ... كلمت نواف
ووداني شقتي... استغربت يوم وصلت عند الباب .. فتحت الباب
وكانت المفاجاءة... مشيت الا بصوت اغنية الجسمي
عمرك سمعت بطيرويحب سجانه
من شافك انت نسى وش تعني جنحانه
انا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشدعينه السما ولا يريد يطير
هذا الغلا و الحب من الله سبحانه
عمرك سمعت بطير ويحب سجانه
كنت للحين نصدمه ماتوقعت هالشئ من راكان... معقوله حبيبي رومنسي
... ويحبني ويموت فيني..
كملت طريقي وكان كله ورد منثور ... وريحه الشموع المعطره ماليه
المكان ...
كان قلبي ونظري يدور عليه ... سارعت بخطوتي حتى اروي شوقي منه
... لحد ماوصلت للصاله ..
راكان" اخيرا .. بانت مثل مايبان البدر بطلته علينا.. انبهرت بشكلها
تغيرت كثيررر.. كان باين عليها الصحه والوهن والضعف يالي فيها
من قبل اختفى ... كان وجهها ينور .. ومبتسم .. وباين عليه الراحه
انت زرعت الوفاو امسيت هدانه
انت وانت الوحيد الذي احياعلشانه
ما اقدر اعيش بدونك يادنيتي والكون
والله وغلات عيونك ما انساك مهمايكون
قربك لقيت الدفا لأنك يا حبي غير
كل ماحلمت بوفا القاك لهتفسير2
هذا الغلا والحب من الله سبحانه
عمرك سمعت بطير ويحب سجانه
كان واقف بالوسط وبيده باقه ورد حمرا والصاله مزينه بشرايط حمرا
وورود وشموع
وبالونات كان المنظر خيال .. ماني مصدقه عيوني .. انا بحلم ولا بعلم
قربت منه وهو قرب ... تعلقت عيونا ببعض .. حسيت الزمن وقف ...
تمنيت هاللحظه تدوم لاخر
عمري...احبه احببببه ياناااس....
راكان" نبضات قلبي صارت سريعه يوم قربت اكثر.. قربي اكثر
واكثر .. خليني املا عيني منك ياحياتي .. انحرمت من شوفك
انحرمت من طلتك وبسمتك.. وان شاءالله هالايام ماتعود....قربت
وكان ودي اسرع لها واحضنهااواصرخ بعالي الصوت..احببببك
قبلك فؤادي انا غارق في احزانه
واليوم حبك ترى نساه حرمانه
يا تاج راسي محبك يا تاج فوق الراس
تحلا الحياة في قربك يا سيدالإحساس
ما عمر قلبي شكى في دنيتك تقصير
مهما يا ذخري حكا يعجز عنالتعبير
هذا الغلا والحب من الله سبحانه
عمرك سمعت بطير ويحب سجانه
ماتوقعت الحركه هذي منه ابدا ماتوقعته راعي مفاجات وحركات
حلووة
فجاءة اشتغلت الشموع بالكيكه والاعواد يالي تطلع منها الشرار مثل
النجووم....
تقدم مني ... مسك يدي وباسها..
راكان" اشتقت لها ... ": اخيرا وصلتي
وسام" ودموعي بعيني": قهرتني
راكان" عرفت وش تقصد ..": اسف حبيبتي بس حبيت افاجاءك
وسام" مشتاقه له ياناااس": انت تكفيني عن كل المفاجاءت
راكان" مسكت يدها ومشيت وهي معي ... وصلنا عند الطاوله يالي فيها
الكيك وكان فيها عصير
بالفرواله والكيك والحلا .. كاسات العصير مزينه بشرايط حمرا...
وسام: متى سويت كل هذا
راكان: مو مهم متى اهم شئ عجبك
وسام" لاول مره اتجرء .. بسته ع خده": وربي حييل عجبني تسلم لي
حبيبي
راكان"تفاجاءت من البوسه ومن كلامها.. فرحت انه كل الحواجز يالي بينا
راحت انتهت..":يسلمك
ربي ويخليك لي
وسام: امين ويخليك لي ولا يحرمني منك
مسك السكين ومسكتها معه وقصينا الكيك .... اخذت شوكه .. واخذت قطعه
من الكيك واكلته
وهو بعد سوا مثلي.. بعدها شربنا بعض العصير
راكان" قربتها مني وصارت بقبالي ووجهها بوجهي ": وسام
وسام" رفعت رسي له وناظرت عيونه": ياعيون وسام وياروحها وحياتها
راكان"بحب": احبك وربي احبك وعسى ربي لايحرمني منك
وسام: امين ولا يحرمني منك
راكان"بزعل": بس
وسام" عرفت وش يقصد": احبك احبك احبك واموووت فيك
راكان" كنت اسعد رجال بالعالم.. اخذتها لحضني بقووة ... تمنيت الوقت
يوقف ونظل كذا ":احبك يامجنونه
وسام" حطيت راسي ع صدره ... فقدت حضنه .. فقدت دفاه.. فقدت الامان
...": حبيبي اوعدني
راكان" وانا حاضنها": لك يالي تبينه
وسام: اوعدني ماتتركني ابد.. اوعدني انه زمان تخبي المشاعر راح
وانتهى..
راكان: وعد مني اني مااتركك ولا ابعد عنك ... ويوم يالي ابعد عنك فيه
اعرفي وتاكدي .. انه نفسي
فارقني وروحي فارقت جسمي
وسام" ضربته ع صدره": وجع بعيد الشر عنك يومي قبل يومك لاتقول كذا
راكان" رفعت راسها": تخافين على
وسام" لفيت وجهي عنه": عندك شك!! وتسال بعد
راكان" لفيت وجهها لي وعدت سؤالى": تخافين على ؟؟" وكنت اناظر
عيونها
وسام" حسيت قلبي يدق بسرعه .. ": اكيد بخاف عليك .. يادب انت لو
يصير لك شئ وربي امووت
حبيبي ماابي الدنيا من غيرك ...
راكان: وتلوميني ليه احبك .. حبيبتي ابي نكمل حياتنا ع اتفاقنا نترك
الحساسيه واي شئ بخاطرك
تقولينه لي حتى لو يزعلني والشئ هذا بالمثل بعد بالنسبه لي
وسام: اوعدك حبيبي ... انا ماصدقت نكون كذا ونصارح بعض وتكون
علاقتنا باحسن حالاتها... مستحيل ارجع
لوسام القديمه .. لاني احب وسام الحين واحبها لحبها لك .. احب نفسي ..
واحب شكلي ... تعرف ليه
راكان: ليه
وسام: لاني اشوف نفسي بعيون حبيبي .. وهذا كفيل انه يعطني الثقه ..
ويعلمني من انا .. حبيبي علمتني اني انسى
ايامي يالي راحت.. علمتني كيف احب الحياة .. كيف اعشقها .. لانك
تشاركني اياها
راكان: امووت فيك
وسام" خجلت من نظراته ونزلت عيوني":.........
راكان" رفعت راسها ": ناظريني .. لاتحرميني من عيونك يادبه
وسام: طيب يادب
راكان: انا دب يادبه
وسام: ايه دب وابو كرش بعد
راكان" طير عيونه": انا ابو كرش ياام كشه
وسام: ايه هههههههههههههههههههههههههههههههههههه
راكان: يالبى الضحكه وراعيتها
وسام" بدلع": راااكان
راكان" خلاص ماني قادر اقاوم اكثر مسكتها من خصرها وقربتها لي لحد
ماصارت انفاسنا مختلطه
ببعض": احبك
وسام" حسيت قلبي صار يتسارع ... وصرت ارجف بين يديه وكاني اول
مره كون بحضنه":احبك
راكان" اليوم بتكون بدايه حياتنا .. بدايه عمرنا ... بدايه لكل شئ.............................
وسن : جمانه تعالي غرفتي
جمانه" لحقتها ع غرفتها": هلا وسن بغيتي شئ
وسن: اجلسي
جمانه" جلست": وهذي جلسه
وسن: بسالك وابي جواب صريح من غير لف ودوران واتمنى انك
تتأتمنين لي ع اسرارك وتقدرين تفضفضين لي
جمانه" استغربت": ع وشو
وسن: بصراحه ومن غير لف ودوران وش فيك انتي وفيصل
ولا تقولين لي ولا شئ لانه باين انه في شئ كبيرر
جمانه" ماكنت بتكلم بس كنت بحاجه لحد يسمعني لحد يشاركني همي
ومن غير شعور صرت ابكي":.................
وسن" استغربت بكيها .. وقمت حضنتها .. وهي حضنتني وصارت
تصيح بقووة...
بعد فترة هديت وشربت لي المويه يالي جابتها وسن وقلت لها كل شئ
انصدمت وماتوقعت هالشئ من اخوها .. وبعدها صارت تدافع وتبرر
له
جمانه: طبيعي بتدافعين عن اخوك
وسن" عصبت": مو عن دفاع بس انتي مو عارفه وش سبب تصرفه
انا ماقول انه غلطان بس يوم تعرفين وش صار له يمكن تعذرينه
جمانه: ياحرام يعني يالي يسمع هو البرئ والمظلوم بالسالفه هذي
وسن: جمانه بلا مسخرة
جمانه: وسن انتي مو عارفه اخوك .... اخوك واحد اناني وقاسي
واسمحي لي ع الكلمه هذي خسيس
وسن" ماقدرت اتحمل كلامها وغلطها بحق فيصل.. وبلا شعور":ولا كلمه
جمانه"ماتوقعت وسن تثور كذا.. والي ماتوقعته الكف يالي جاني منها
..حطيت يدي ع خدي مو مستوعبه":............
وسن" بهستيريه": لتغلطين ع اخوي فيصل.. انتي ماتعرفين وش مر فيه
ولا وش صار معه يوم تغلطين فيه كذا
جمانه"عصبت بانخدعها فيه ... او ممكن تعرف وش يكون بس ماتبي
تبين شينه": وش صار معه لا لا ياوسن مستحيل تقنعيني انه اخوك
طيب وحنون هذا شئ جربته منه ... اخوك يوم تزوجني كان شاك
مو شاك متاكد اني كنت لاعبه مع واحد.. وع قوله تزوجني عشان يربيني
ويستر على... اخوك ياست هانم.."وبصراخ".. سمعنا نا وانتي نتكلم
بمشكلتك.. وبعقله المريض فكر اني انا الغلطانه... اخوك"حسيت
اني ابي اتكلم واتكلم من غير أي حد يوقفني"اهاني ذلني ..ع حساب تفكيره
المريض.. مد يده على وانا لاحول ولا قوة .. ومااقدر اقول لحد .. لانه
الكل منخدع فيه الواطي
وسن" انصدمت ..هذا تفسير تعجيل فيصل بزواجه منها ..وهذا سبا
الجفا ": طيب ليه ماقلتي له ووضحتي له
جمانه" بصوت يرجف": ماعطاني فرصه كان شغال على اتهامات وكلام
جارح وانا مو عارفه السبب وماعرفته الا من فترة.. والوضع الي تشوفينه
الحين مؤقت لحد مايتم طلاقك .. وكل واحد يروح بطريقه
وسن" انصدمت": ناويين تتطلقون
جمانه"بنبرة سخريه": لا اجل نكمل مع بعض عشان..اخوك يوم يمل
يطلقني مثل زينه
وسن: زينه!!!!!.. وش دخل زينه
جمانه"كان ودي اصرخ فيها ع برودها ..ماكان زينه كانت صاحبتها
ع جفاها معها":أي زينه الي ظلمتوها وحاربتوها وحرمتوها من
بنتها خافو ربكم ترا في يوم اسمه حساب اذا كان اخوك ظالم ليه
ماتفهمونه غلطته.. وربي حرام عليكم تحرمون ام من بنتها ..
وسن" وانا مو مستوعبه": انتي وش جالسه تقولين
جمانه: اقول الي الكل خاف وماقاله ظلمتوهم حسبي الله ع اخوك الحقير
وسن " بعصبيه": ولا كلمه لاتغلطين عليه
جمانه"بنفس عصبيتها": للحين تدافعين عنه ...للحين مو رااضيه عليه
اصحي ياوسن اصحي ... اخوك مو هو يالي شايفته بعيونك اخو كانسان
ثاني وخسارة يكون اخ ولا اب .. انسان اناني ماعنده ذرة حنيه ..يبي
كل شئ ع كيفه.. ومايهمه التضحيات يالي تقدمت له ..
وسن" كل هذا حقد .. كل هذا يفيصل وانت ساكت وتتحمله":............
جمانه: تقدرين تقولين لي ليه اخوك جازا زينه بالغدر... البنت تحملت
عشانه لكثير.. دراسه ماكملتها ع حسابه وحساب الحمل .. الحمل تعبها
وارهقها .. مثل ماعذبتها الولادة.. وكل هذا عشان اخوك ينبسط..بنتها
الي مستحيل أي بنت باعمارنا تتحملها ببدايه ولادتها وتحملتها ..كانت
مهتمه فيه وفيه.. وبالنهايه جزاها انه طلقها .. من غير تبرير ..لمجرد
انه رجال ومل طلقها.. اكره اخوك واكره انانيته
وسن" لهنا وماعاد تقدر تتحمل": ماشاءالله صايرة محامي دفاع للتبن زينه
جمانه"بعصبيه": ليه تغلطين بحقها حرام عليك البنت تعبانه نفسيا وتتمنى
تشوف بنتها وتجلس معها.. انتي لو تشوفينها كيف انهارت يوم شافت
قمر .. وطبعا ماالوم البنت يوم خافت منها وصارت تصيح لانها ماتعرفها
بس زينه كانت بحاله الله العالم فيها من شوقها لبنتها الي كانت قدامها
وماهي قادرة تحضنها
وسن: ايششش!! زينه شافت قمر .. متى.. ووين
جمانه" بثقه وغرور": ايه عوضتها عن حرمانكم لها شفتها بالمول يوم
نروح اخر مره مع بعض .. واخذت رقمها واكلمها كل يوم واحيانا
تجي بيتنا يوم اروح وتجلس مع قمر
وسن"عصبت": من سمح لك .. تعرفين لو يعرف فيصل ..ماراح يحصل
لك طيب
جمانه" بتطنيش": اعلى مابخيله
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك