رواية حبيبي علمت قلبي ع حبك علمه ع النسيان -12
اخيرا وصلنا بيت جدتي ودخلت وسلمت ع الكل وجلسنا نسولف ونضحك
شوي الا دخل فيصل.. افف وش يبي .. ومن قرادة حظي مافيه مكان
الا جنبي جلس وكان لاصق فيني كان ودي اقوم بس ماابي الفت الانظار
جلس يسولف مع خالاتي ويضحكون... استغرب كيف الكل منغش ومخدوع
فيه وماخذين مقلب فيه
خالتي سعاد: اقول فصول
فيصل" يضحك عارف خالته": هلا سعودة
سعاد: امس فاتك بالحفله زوجتك خطبوها تصدق
فيصل" مدري ليه عصبت وع طول لفيت ع جمانه.. شفتها مطنشه
تسولف مع خالتي ام راكان": من خطبها
سعاد: تعرف جيران امي الي هنا مقابل البيت
فيصل: ايه ايه عرفتهم... ليه هم مايدرون انها متزوجه
سعاد: هههههههههه لا ولدهم شكله طايح بغرامها
فيصل" عصبت وع طول فكرت انه بينهم علاقه ... بس تعوذت من ابليس
وقلت اعرف وش الموضوع اكيد خالتي ماتقول شئ مثل كذا الا وفيه
توضيح": وشلوون!!
جمانه" خفت يوم خالتي قالت له الحين بيقول بينا علاقه ولا شئ هذا انسان
مريض وعادي عنده الله يستر بس ...":
سعاد: الله يسلمك هذا والهبله زوجتك وهي صغيرة كنت مطيحه عندهم
وتلعب مع عيالهم هو شافها وحطها بباله الظاهر وانتظر لحد مايشتغل
وهي تكبر ويخطبها مادرى انك جيت ع حمارك الابيض وسبقته
ههههههههههههههههه
فيصل" حسيت بدمي يفور يوم فكرت انه تكون مخطوبه او متزوجه غيري
معقوله... حبيتها .. لا انا تعلقت فيها .. لاتكذب ع نفسك انت حبيتها
حبيت فيها شموخها كبرياءها حبيت فيها قوة شخصيتها ...لفيت عليها
وتلاقت عيونا .. بس لفت عني بسرعه .. احب حنيتها مع قمر
احب ضحكتها احب كل شئ فيها.. مستحيل اطلقك ياجمانه .. بس
وشلون اكسبك بعد الي صار.. تنهدت": وانتوا وش قلتو لهم
سعاد: قلنا لهم بنسال وبنرد لكم خبر
فيصل" رفعت حاجبي": خيير
سعاد: يمه كلتنا نمزح ههههههههههه ياحليلك يافصيل طلعت تغار
فيصل" انتهزت الفرصه لانها ماتقدر تسوي شئ.. وحطيت يدي ع
كتفها وقربتها مني": اكيد اغار حد معه هالقمر ومايغار
جمانه" كان ودي اقوم واعطيه بوقس ... ع حركته البايخه هذي
بس ماقدرت وهو مبسوط":..............
سعاد: ياعيني ع الحب هههههههههههههه
فيصل: ايه وش ع بالك نعلمك حنا هههههههههههههههههه
شوي الا دخل راكان ووسام وسلمو علينا وقمت من جنبه ورحت لوسام
وراكان جلس مكاني
وسام" مبرطمه لاني تهاوشت وانا جايه معه ع لبسي".........
راكان: وبعدين معك متى تصيرين انثى انتي خلاص شغل العربجه
والهبل تركيه
وسام: وش في لبسي يعني عادي
راكان: بالله عليك هذا لبس وحده متزوجه
وسام" نظرت شكلي كنت لابسه برموده وسيعه ومع بلوزة رسميه
كاروهات":عادي مافيها شئ
راكان: اقول روحي غيري بلا هبل ترا راسي يوجعني ومالي خلق
وسام: ماابي
راكان" بنرفزة وصرخ: اقول عن حركات المبزرة وروحي غيري
بسرعه .. انا وش بلاني فيك بس
وسام" حسيت بصيح من كلمته ... رحت ع الغرفه وغيرت .. وش فيه
علي مايتحمل أي كلمه مني .. صاير مايتحملني ابد.. غيرت ملابسي
راكان" جلست ع الكنبه وانا اتنفس بعصبيه منها .. صايره لاتطاق
مهمله بشكلها مهمله فيني وربي حاس اني متزوج واحد من الشباب
لا لبس عدل ولا شكل عدل حتى زينها اختفى من اهمالها .. ولا
فرحان انا ووجهي يعني قايل لها لاتقص شعرها يمكن تحس ع
دمها وتهتم بنفسها وتصير انثى ... انقلبت ع وجهي صارت تلفه
كانها عجيز وتقابلني... وع كل هذا تجن يوم اجلس اطالع بالتلفزيون
طيب دامك ماتبيني اناظر اهتمي فيني... افف بس ويقولون ليه نتزوج
وسام" لبست فستان جينز طويل معه حزام احمر ضعيف عن الخصر
وطلعت له ": كذا زين
راكان" بضجر": يلا البسي عبايتك بس
جمانه: شفيك
وسام: ولا شئ
جمانه: اكيد
وسام: ايه
ساره : بناات نبي نطلب ترا جوعانين حدنا
جمانه: طلبوا انتوا انا مالي نفس
وسام: وانا بعد
سارة: لايكون تتوحمون انتم الثنتين
جمانه" بنرفزة": انقلعي بسم الله علي
وسام" بنفس نرفزتها": ترا بقوم اكفخك مالي خلق لك
سارة: بسم الله على كلتوني ... وجع يتهاوشون مع ازواجهم ويحطون
حرتهم فينا
وسام" ماودي صرخت بوجهها بس منقهرة من روكين .. شوي الا سمعته
يناديني": هلا
راكان: تعالي
قمت ورحت لعنده كان واقف... عند الممر حق الصاله
وسام: هلا
راكان: ليه ماتبين تطلبين
وسام" ارتبكت": لا ماابي شبعانه
راكان: وين شبعانه انتي غدا ماتغديتي
وسام: مو مشتهيه باكل من عشاء جدتي
راكان: تلعبين ع نفسك انتي ماتحبين المرقوق" طلع من جيبه بوكه
عطاني خمسين "هذا فلوس وطلبي لك وبسال ترا ياويلك لو ماطلبتي
وسام" بضيق": بس انا ماابي
راكان" يمشي عني": انا قلت الي عندي
وسام" رجعت الصاله وانا متضايقه وقلت لهم يطلبون لي معهم
لاني مالي مزاج اتهاوش معه ثاني...........
فيصل" كنت ارقبها واتابعها وين ماتروح... من غير مااحس تعلقت
فيها ...: جمانه
جمانه" كنت حاسه فيه وهو يطالع فيني": نعم
فيصل: ليه ماطلبتي
جمانه" من غير نفس": مالي نفس
فيصل: ليه
جمانه" بتضجر": يعني وحده ربي بلايها بواحد مثلك وين يصير لها
نفس
فيصل" كان ودي اصكها كف بس مسكت نفسي": قصري حسك
جمانه" حسيت ع نفسي اني مو بالبيت": تبي شئ بروح
فيصل" طلع فلوس ": هذا لك ولقمر طلبي لها معك
جمانه: عندي فلوس وماابي اطلب
فيصل: طلبي لقمر طيب
جمانه" اخذت الفلوس عشان قمر نسيت انها ماتاكل الاشياء هذي
ورحت عنه وطلبت لها وجبه اطفال"............
مر اليوم بحلوه ومره ع البعض ... وكل واحد راح ع بيته ... حسدتهم
انهم رايحين بيوتهم مع اهلهم هالوقت تمنيت ارجع بنت حرة نفسي
وتصرفاتي ومن غير أي قيود ... طلبت اني انام بيت اهلي بس ماوافق
ومشيت معه... عطيت امي وجبتي تعطيها لنواف ...
جمانه"اول ماركبت السيارة لفيت عليه": تسمح تقول لي وش
التصرف السخيف الي سويته هناك
فيصل" مستغرب": اي تصرف
جمانه: يوم تحط ايدك ع كتفي مسوي الزوج الغيور والمحب
فيصل" تذكرت شكلها وضحكت":اها هههههههههههههههه
جمانه: ممكن افهم وش الي يضحك
فيصل: ههههههههههههههه ولا شئ
جمانه" عصبت منه.. بس ماقدرت اكمل لانه قمر نايمه بحضني
وانزعجت: مره ثانيه اترك عنك السخافه
فيصل: جمين مو معناة اني ساكت تزودينها
جمانه : مارديت عليه وسفهته..........................
*: رحت بشوف اذا تبي شئ .... انصدمت يوم دخلت!!!!
: " وشلون اتصرف يارب رحمتك
: الي سمعته انا اكرهه وماابيه اتمنى انه يموت اكررهه
: كان ودي اعطيها كفوف باقوى ماعندي يمكن تصحى من الهبل هذا
:يادبه انتي بعد مصدقه ... هذي بزر ..... ايه ... من صدقك بحب بزر .... ههههههههه ايه مراهقه وش فيك... وينها هذي والحب ... تشوفين وحده من صديقاتها حبت قالت بتقلدها.......... وش فيك مااحب حد الا انتي .. هي بزر هبله لا راحت ولا جت ... احبك
:رحت للمرايا .. وشفت البطاقه نفسها يالي كانت عليه ... معقوله ولاول مره... شفت شكلي ... بالواقع ... هذي انا .. مستحيل
*ياترى وش صاير بين ابطالنا ..؟؟
وش الصدمه اللي انشافت ..؟ وشو تأثيرها بمجريات احداثنا..؟؟
منو اللي يستهتر بالثاني ؟؟؟ ويضحك ع مشاعره .. شو الحكايه هنا..؟؟
ومنو اللي اعلن كرهه للثاني ..؟؟ وشو السبب ورا كل هالكره ..؟؟
كلمة موت بتنذكر حق مين ولمين ..؟؟ وشو اسباب هالامنيه ..؟؟
كلها هالاشيا بنعرفها سوا بالاحداث البارت القدام من روايتنا
انتظروني بالبارت الجي
الجزء.... الثالث عشر..............
وسام " ماكنت فرحانه اني حامل عكس راكان الي كان طاير من الفرحه ..
الكل كان مبسوط ويبارك لنا............................................... .....
وراكان مو قادر يعبر عن عن فرحته ...
مرت الايام وراكان مثل ظلي وطلب من اوقف قيد هالسنه لانه اول بدايه
الحمل تكون متعبه ومايبي يصير
للي ببطني شئ ... بديت اكره اني حامل واكره يالي ببطني ... حسيت بغيره
منه لانه كان شغل ركان الشاغل
اكلتي زين شربتي ارتحي ومدري ايش... صرت مااعرف اتهرب من
الاكل ... بس سهل على اني افرغ...........................................
يالي بمعدتي من غير مايشك راكان... بعذر اني احمل واتوحم
راكان" كنت طاير من الفرحه بصير ابو ... من بالدنيا مايفرح بالشئ هذا
ومايحس بالاحساس هذا....
بالبدايه ماكنت منتبه ع الشئ هذا بس مع الايام حسيت انها مو فرحانه
وتتضايق كل ماسالتها عن حملها
طنشت الموضوع ... بس مقلقتني صحتها انا اعرف انه الحامل تبدء
صحتها تزين بس وسام كل مالها تنحف
صرت احاول ااكلها الفواكه والخضرة واهتم باكلها عشانها وعشان يالي
ببطنها ...
مر شهرين ع حملها وفرحتي صارت تتلاشي شوي شوي من وسام
وتصرفاتها صارت لاتطاق دايم حزينه.............................
وكئيبه بالبدايه عذرتها وقلت اكيد تتوحم بس صرت احس انها ماتبي يالي
ببطنها ... بعدين تعوذت من ابليس مو معقوله
يالي تفكر فيه ياراكان... بس هي الي تخليني افكر كذا ...صارت حياتنا
هواش بهواش وع اقل شئ تروح تقفل ع نفسهاالغرفه وتجلس تصيح لحد
مااتفقع عيونها بكي...................................
وسام" كرهت اللي ببطني لانه اخذ حب واهتمام راكان مني ماابيه... ابيه
يموت خلاص ....دايم اكلى عشان الي ببطنك........................
نامي عشانه .. انتبهي لاتسوين كذا عشانه ,,,وانتبهي وانتبهي افففف...
صرت اناظر نفسي بالمرايا وشفت كيف سمنت حيل
كله بسببه ... ناظرت بطني بحقد وتمنيت لو اني اسقط......
راكان" وصلت البيت متاخر ... دخلت بشويش ع بالي انها نايمه ..
استغربت من الاصوات .. هذا صوتها.. قربت من الصوت
شكلها تستفرغ .. معقوله للحين انا الي اعرفه بالشهر الرابع خلاص ...
رحت بشوف اذا تبي شئ .... انصدمت يوم دخلت!!!!
كانت حاطه اصبعها بفمها وتستفرغ... وش تسوي هذي.... وليه
راكان: وسسسام!!!!
وسام" تجمدت بمكاني يوم سمعت صوته .. قمت بسرعه اغسل ... وطلعت
من الحمام.. ولحقني حسيته معصب.. من مشيته
راكان" بعصبيه": وش كنت تسوين
وسام" ارتبكت": ولا شئ
راكان" عاقد حواجبه وباينه العصبيه ع وجهه": وش الي ولا شئ اجل وش
دخلت عليه انا
وسام" وش اقول له": عادي مو حامل لازم بستفرغ
ومشيت للغرفه ... بس مسكني بقوة ولفني عليه":انا مو غبي اعرف نه
الحامل تستفرغ بس ماتحط اصابعها بحلقها عشان تستفرغ غصب
وسام" خفت من نبرة صوته ونظرته ":...........
راكان" تذكرت فجاءة اني كنت دايم اسمع الصوت هذا وهي بالحمام من
اول ماتزوجتها .... معقوله فاتني ... توني انتبه يعني... وشلون فاتني
نحفها الشديد ... خوفها من الاكل ... دايم تقول انها سمننه ...
معقووووله!!!!": وسام
وسام" بلعت ريقي":...............
راكان" وشلون اتصرف يارب رحمتك زوجتي معها الحاله هذي
وماانتبهت لها وش اسوي ...":
( حاله وسام حاله نفسيه وصارت معروفه ومنتشرة بكثرة الايام هذي
وتسمى....الأَنوُرِيكسِيَآ / الَبُولِيمَيآ .. والَحِميهَ الغِذآئيهَ ..!!
الأنوريكسيا anorexia nervosa /
تعتبر النساء والمراهقات أكثر عرضة للإصابة بمرض الأنوريكسيا من الرجال ،
وتظهر الأنوريكسيا على شكل خسارة كمية كبيرة من الوزن نتيجة لحمية قاسية جداُ..
وقد تترك المرأة المصابة بالأنوريكسيا نفسها من دون أكل لفترات طويلة ،
حتى تصل إلى درجة شديدة من النحول ، ومع هذا فأنها تبقى تصر على أنها بدينة !
غالبا ما يكون المصابين بهذا الاضطراب نحيفين جداً جداً ،
قد يكونون مهووسون بوزن أنفسهم على الميزان بشكل متكرر ..
ويقومون بعدّ الوحدات الحرارية التي يتناولونها ووزن طعامهم بشكل يصل إلى حد الهوس ،
كما أنهم عادة ما يتناولون كمية ضئيلة جداً من الطعام وينكرون بأنهم يحذفون وجبة أو أكثر ~
البوليميا bulimia nervosa
تتمثل البوليميا بحالات من الأكل المفرط والترجيع ..
عادة يتناول الأشخاص المصابين بالبوليميا الطعام بشراهة لدرجة الإنتفاخ ،
حتى أنهم لا يستطيعون السيطرة على كمية الطعام المتناولة بعد ذلك ،
ينتابهم شعور بالذنب فيقومون بترجيع الطعام للتخلص من السعرات الحرارية الزائدة وتجنب زيادة الوزن ..
تشمل عمليات الترجيع على التقيؤ الإرادي ، استعمال الملينات والمسهلات ،
الصيام لمدة طويلة أو القيام بالرياضة شديدة القوة ،
قد يكون وزن المصابين بالبوليميا طبيعي وغالباً ما لا يصابون بانقطاع الدورة الشهرية
كما هو الحال بالنسبة للمصابين بالأنوريكسيا
منقوله للامانه... وهذي معلومات بسيطه عشان اوضح لكم الحاله....
راكان: ليه تسوين كذ بنفسك
وسام" تسال ليه ...":.............
راكان" كنت بقمه عصبيتي بس يوم شفت خوفها ... تراجعت ... هذي حاله
نفسيها قريت عنها وماراح تنفع معها العصبيه والهواش...
قربت منها ومسكت يدها وجلستها بجنبي ": اسالك ياوسام ليه تسوين بنفسك كذا
وسام" كنت منزله راسي":..........
راكان" باسى لحالي": مو حرام عليك كذا تعذبين نفسك ويالي ببطنك
وسام" قهرني يرجع ويقول الي ببطنك":...............
راكان: انا ماراح اعاتبك انا اعتب نفسي اني ماانتبهت لك ولحالة نحفك الي
صايرة مو طبيعيه بالحيل
وسام" رفعت حاجبي ": تتمسخر انت اي نحف بلا مجامله عارفه اني سمينه ومو عاجبتك
راكان" مااستغربت هذا حال المصابين بالمرض هذا دايم يشوفون حالهم
انهم سمنين ": وسام ناظريني
وسام" لفيت وجهي عنه":
راكان: قومي معي ونظري المرايا وقولي لي وين تشوفين نفسك سمينه
انتي عظمك برز من نحفك الشديد وهذا وانتي حامل
وسام" عصبت رجع يتمسخر ويقول نحيفه":لاتتمسخر
راكان: من قال اني اتمسخر انا اقول الصدق يابنت خافي ع نفسك اذا مو ع نفسك ع الي ببطنك
وسام" وقفت وانا معصبه": ومن قال اني مهتمه فيه عشان اخف عليه
راكان" طيرت عيوني من موقفها هذا": وش تقولين
وسام" خلاص معاد فيني اتحمل": الي سمعته انا اكرهه وماابيه اتمنى انه
يموت اكررهه
راكان" وقفت ومسكتها وهزيتها بقوة يمكن تفوق من الي هي فيه": انتي
حاسه وش تقولين
وسام" نفضت يدينه عني": بعد عني انا تعبت منك ومنه" واشر ع بطني"
خلاص مافيني حيل بنطلق طلق
ماراح اتعب نفسي واتجمل اكثر
راكان" مصدووم وش الي يصير ووش جاب طاري الطلاق":............
وسام" وانا بقمه ثوراني": لاتناظرني كذا كانك ماتعرف ... انا اعرف انك
مجبور على واعرف انك ماتبيني
صحيح احيانا قدرت تمثل على ببراعه وتبين انك تحبني وتهتم فيني بس
احيانا من غير ماتحس ع نفسك تترك
التمثيل وتبان ع حقيقتك
راكان" مازالت مصدوم من انفجارها":.........
وسام: بتقول كيف عرفت الكل يعرف انك مجبور وتغطي ع الفشيله الي
صارت يوم ردوني ... ماالومك حاولت
تاقلم نفسك ع وحده شينه مثلي مافيها ذرة حلا سمينه بعد ....بس يوم شفت
تصرفك معي صدقت او بمعنى اصح
عيشت نفسي بوهم انك تحبني .... بس تجريحك وكلامك يالي مثل طعون
السكين لي تقللك من انوثتي وشكلي
كاني بحاجه للتذكير اني شينه " كملت وراكان يناظرني مصدوم"...قللت
من قيمتي قدام اخواني واهلك وانا
ابلعها واسكت انجرح وانجرح منك واسكت ...تهيني تقلل من قدري وابلعها
... ماالومك من حقك تاخذ الي تليق
فيك .. بس مالي ذنب والله مالي ذنب" صرت اصيح" مالي ذنب انك
انجبرت فيني لو تكلمت من البدايه وقلت لي
كان ممكن نتفادى هالشئ وهالجرح الي بقلبي منك الي من سنين وهو يكبر
ويكبر
راكان" شدتني كلمه سنين !!!!": ايش
وسام" كملت ": والله حرام عليك ماني قادرة اتحمل خلااص ... عارفه انك
ماتبيني وعارفه انه يالي ماسكك
اهلى وخايف يتكلمون فيك... لاتخاف بقول مني انا ... بس ريحني وريح
نفسك
راكان" وش تقول وش تخربط وش طلاقه": انتي انهبلتي
وسام" صرخت": ايه انهبلت ... يوم صدقت انك ممكن تحب وحده مثلي ..
انهبلت يوم صدقت اني ممكن اعيش
بسلام معك ومن غير تذكير اني اقل منك بكل شئ... انهبلت يوم ماوقفت هالمهزله
راكان" ماحسيت بنفسي واالامعطيها كف ... من قوته طاحت ع الارض":
ولا كلمه انتي تسمعين وش تقولين وش هالخرابيط وش هالتفكير السخيييييف
وسام" حطيت يدي ع خدي": سخيف لاني اقول الصدق صار سخيف ...
لاتلعب ع نفسك وتلعب على انا عرفت الحقيقه وماله داعي للتمثيل .. واذا
ببالك الي ببطني لاتخاف عادي طلقني وتقدر تاخذه يوم اولد لاني ماابيه
اكرهه
راكان" كان ودي اعطيها كفوف باقوى ماعندي يمكن تصحى من الهبل
هذا: ولا كلمه شكلك انهبلتي
وسام" وقفت وصرت اضرب ببطني":اييه انهبلت يوم حبيتك انهبلت يوم
شفتك.... انهبلت يوم عرفت اني حامل انا ماابيه ماابيه
وسام" سحبتها من يدها بقووة": خلااااص ولا كلمه منتي صاحيه وربي
وسام: بعد عني ابيه يموت بعد عني
راكان" وانا امسك يدينها": وساااام خلاااص
وسام" وانا منهارة ": لا مو خلاااص والله حرام عليك ليه دايم تجرحني ليه
من يوم حبيتك وانت تجرح فيني بكلامك ومنت حاس
ليه ... ليه كل هذا .. ليه منت حاس اني بنت مثل باقي البنات احس وانجرح
راكان" استغربت من كلامها ... من كلامها حسيت انه صاير شئ من
سنين": فهميني وش صاير
وسام: تسوي نفسك مو عارف ومو فاهم
راكان" وجعني قلبي ع حالها وانا مو فاهم شئ": وش اعرف
وسام: انا تعبت منك خلاص تعبت
راكان" قهرتني ومسويه وكانها هي الوحيده يالي تعبت من هالحياة": وش
تعبتي منه انا يالي تعبت منك ومن اهمالك بنفسك
ومن غيرتك الي ع اتفه شئ واقل شئ ... لو اقول لاي حد عنك بيقول
وبسهوله ماالومك يوم تطلقها او تتزوج عليها
" كملت وانا اصرخ" من يوم تزوجتك وانتي مهمله حالك حالك حال
الاولاد لاتهتمين بشكلك نظافتك اناقتك
حتى انوثتك ماتبينها مثل باقي لبنات وانا ساكت ومتحمل واقول بكرا تحس
من نفسها... وانتي مو هامك .. انا رجال
احب زوجتي تكون باابهى حالتها احبها تكون مهتمه بشكلها وتنمى انوثتها
... وانتي ولا ع بالك ... وامشي اقول بكرا تحس
ماراح اتكلم .. وبالنهايه هذا جزاي ع صبري معك تقولين تعبتي مني.. انا
ممكن امزح معك وانسى نفسي بس مو معناته اني اتعمد اجرحك
وسام" انفجرت بوجهه": وشلون تبيني اكون انثى وانت ذبحتها بيدك
وشلون اهتم بنفسي وانت قضيت ع كل احساس فيني
اني ممكن اوصل لدرجه الجمال والحلا المطلوب
راكان" باستغراب": انا !!!!!
وسام: ايه انت
راكان: متى قولي لي متى سويتها من يوم تزوجنا
وسام: انت تمزح صحيح بس مزحك ثقيل ع روحي انت من قبل ذبحت
احساسي واليوم تزيد بطعناتك وكاني ناقصه
راكان: فاهميني وش تقصدين لاتتكلمين بالالغاز متى سويت كذا وليه
تكونين حساسه انا زوجك طبيعي بمزح معك
حتى لو كان مزحي ثقيل المفروض تعودتي وتعرفين اني مااقصد اقلل من
انوثتك او شئ من هالقبيل
وسام" بديت اصيح بانهيار وانا تذكر ": الغاز .. راكان .. انا للحين اذكر
كلامك ومانسيته كنت جايه فرحانه وبقول لك اني احبك
وانت كنت مشغول بمكالمتك مع حبيبه القلب وناديتك ... تذكر
راكان" يحاول يتذكر":.............
قبل سنين وكنت باول متوسط كنت امووت ع شئ اسمه راكان كنت دايم
العب معه وامزح معه واروح واجي معه البقاله واتهاوش
مع يالي يحتك فيه من عيال خالاتي وخوالي وهو كان مهتم فيني دون عن
كل البنات كان مايرضى لحد يلمسني او يضربني
او يهاوشني كنت من اسوي شئ احتمي فيه كنت بقمة الفرح ....وكنت اتكلم
مع البنات الي معي بالمدرسه عنه وكيف شجعوني
اني اجي واصارحه بحبي له....
جيت بيت جدتي بدري وكنت شاريه هديه بهديها له يوم اعترف له بحبي
جلست ادورة بكل مكان لحد
ماشفته حسيت قلبي بطلع من مكانه من سرعته .. كنت اتخيل وش بتكون
رده فعله وكيف بيبادلني احساسي مشيت بشويش وسمعته وانصدمت
راكان: ياحبي لك مشتاق لك من زمان ماسمعت صوتك.... ههههههههههههه يازينك........ انا ... لا ... معقوله
وسام" تقدمت له والابتسامه بفمي": راكاان
راكان" عفس وجهه": هاهـ وش تبين
وسام: بقول لك شئ
راكان" يكلم الجوال": لحظه شوي.. لف على " هلا وش فيك وسام انا مشغول الحين
وسام : طيب بقول لك بسررعه
راكان: يالله اخلصي
وسام" وانا العب بالهديه وخجلانه": انا انا ... احبك" غمضت عيوني"...
توقعت يوم افتحها بشوفه يناظرني بحب وبيقول انه يحبني.... بس صحاني
من حلمي .. ضحكته
راكان ماسك بطنه":هههههههههههههههههههههههههههه
ياحليلك ياوسيم صرتي تحبين
وسام" استغربت من ردة فعله وضنيته فهم غلط": راكان وش فيك انا احبك
انت وجبت لك هالهديه بعد
راكان" اخذ الهديه وهو يضحك .. فتحها وكانت علاقه مفاتيح ع شكل قلب
وفيها حرفين حرفي وحرفه":هههههههه
ههههههههههههههههههههههههه وسيم من صدقك انتي تحبيني ههههههههههههههههههه
وسام" انصدمت من رده فعله ... وخاصه يوم مشى عني ويكلم بالجوال....
راكان: يادبه انتي بعد مصدقه ... هذي بزر ..... ايه ... من صدقك بحب
بزر .... ههههههههه ايه مراهقه
وش فيك... وينها هذي والحب ... تشوفين وحده من صديقاتها حبت قالت
بتقلدها.......... وش فيك مااحب حد الا
انتي .. هي بزر هبله لا راحت ولا جت ... احبك
وسام" كان يتكلم .. وماكاني موجوده .. ليه .. ليه وش سويت لك يوم
تجرحني كذا... للدرجه هذي .. ماانحب
للدرجه هذي ماني حلوة عشان الفت نظرك ولا تحبني........
راكان" منصدم,,,معقوله كل هالسنين وشايله ": وانتي من صدقك شايله
بقلبك لحد الحين... هذي سالفه قديمه
وماكنت اتصور انها بتاثر عليك كذا ...
وسام: هالسالفه القديمه نهت حياتي ومنها عرفت قدري ووش انا وكل هذا
بفضلك
راكان" حطيت يديني ع راسي وجلست... معقوله انا يالي تسببت في هذا
كله .. انا يالي وصلت للحاله هذي
لا وش سويت انا ... وش سووويت": وسام انا
وسام" حسيت بوجع فضيه ببطني": انت وش وش بقي تقول
راكان" وانا مش عارف وش اقول":هذا كلام قديم وكنا صغار ومانثمن
الكلام ليه اخذتي بخاطرك منه
وسام" وانا مو قادره اتحمل الوجع": مشكلتك انك تظن الكلام سهل
وماتدري انه الكلام جرحه مايبرى ابد
راكان" ماكنت عارف وش اقول ولا وش اسوي ... بس انصدمت يوم
شفتها طاحت ... وهي تنزف.. خفت
خفت عليها ... وطيران شلتها واخذتها ع السيارة ومن غير عبايه ... كانت
تنزف كثييير... وديتها عالمستشفى........................
وبسرعه دخلوها غرفة الطوارئ ... شوي ولا يطلع لي الدكتور ويطلب
مني اوقع ع ورقه لانهم لازم يدخلونها
ع العمليات وقعت وانا خايف اخسرها ... مو عارف وش يصير ومو
عارف وش افكر فيه.........
بعد ساعات طويله واخيرا طلع الدكتور ... وراحت له طيران
راكان" بقلق": بشرني دكتور
الدكتور: واللهي مش عارف ائول لك ايه
راكان" خفت اكون فقدتها ... خفت مااقدر اصلح االي كسرته": ماتت!!!
الدكتور: لا لا هي دلوئتي كويسه بس لسه ماعدتش حالة الخطر
بس يؤسفني اني ائول لك المدام سئطت .. بسبب حالة سوء التغذيه
يالي كنت معها والنزيف الحاد
راكان" تنفست براحه ع اني كنت ابيه يالي ببطنها بس ربي يعوضنا
خير ان شاءالله اهم شئ الحين عندي وسام":الحمدالله ع كل حال
الدكتور: المدام كانت بحالة نفسيه سئيه جداا وسوء التغذيه الحاد
ماسعدش ع الحفاظ ع الجنين .. هي لازمها الراحه والتغذيه
راكان" بتفكير": دكتور لو بغيت اخلى دكتورة نفسيه تعالجها الموضوع
بيكون متكتم عليه ومافي مخلوق يعرف بالخبر ويكون بالمستشفى هذا
الدكتور: ممكن تتفضل معايا ع الغرفه بتعتي
راكان" مشيت معه لحد ماوصلت للغرفه وجلست شوي ورفع سماعه
التلفون ودقايق الا والدكتورة النفسيه موجوده جلست معي ومع الدكتور
وفهمتها الوضع يالي يصير بخصوص حالة استفرغها للاكل وحسيتها
متفهمه وسهل التكلم معها وتمنيت انه تكون الحل لوسام .....
بعد ماخلصت من الاجتماع معهم رحت ع غرفتها دخلت وكانت نايمه
والمغذي ع يدها الصغيره ماخذ جزء كبير من يدها وكيف كانت صفرا
وشاحبه وعيونها متنفخه من البكي ... سحبت الكرسي وجلست جنبها
وصرت امسح ع راسها واقرا عليها من الي حافظه من القران وانفخ
عليها وادعي ربي يسهل عليها وانه يفرجها عليها ويطلعها من الحاله
الي هي فيه الي فهمته من الدكتورة العلاج بياخذ وقت طويل لانه متركم
ع مر السنين وماراح اشوف تقدم بحالتها الا بعد فترة طوويله.....
وسام" انتبهت واحس راسي ثقيل بالحيل وكل شئ بجسمي يوجعني
وكانه سيارة صادمتني.... فتحت عيوني بصعوبه .. واستغربت من
المكان الي انا فيه... حركت يدي ووجعتني انتبهت للمغذي الي فيها
لفيت وجهي .. وشفته سبب سعادتي وشقاي بنفس الوقت ...
وبصعوبه قدرت انطق": ر..راكان
راكان" كنت مغمض عيوني وانتبهت لصوتها المبحوح .. فزيت من مكاني
ورحت لعندها": اخيييرا .. اخيرا فتحتي عيونك
وسام" استغربت من اللهفه الي كانت بصوته وعيونه": انا وين
راكان" حبيت راسها ومسكت يدها ": انتي بالمستشفى الحين ...
وحاولي ماتجهدين نفسك لانك تعبانه
وسام" من غير شعور حطيت يدي ع بطني وناظرت بعيونه":وو...
راكان" حطيت يدي ع يدها وبابتسامه": الله يعوضنا خير الاهم الحين
انك تقومين بالسلامه
وسام"ماتوقعت اني بحزن ع فقدانه ... صحيح كرهته بس حبيته بنفس
الوقت لانه جزء من راكان... دمعت عيني يوم تذكرت فرحته":آآسفه
راكان" حطيت يدي ع فهما": اششش لاتاسفين ع شئ انا الي اسف
وسام اسمعيني من غير لاتقاطعيني اسمعيني للنهايه...
وسام" هزيت راسي .. بمعنى طيب":.............
راكان" مسكت يدها وقربتها لصدري ابيها تحس بنبضات قلبي ابيها تعرف
اني صادق معها ": وسام .. انتي ع بالك اني مااحبك ومااهتم فيك
بس تاكدي انك غلطانه انا اتنفس هواك امووت لو يصير فيك شئ
يوم شفت الدكتور وهو طالع من الغرفه للحظه ضنيت اني فقدتك..ماتخيلت
اني بقدر اكمل حياتي من غيرك ... انا احبك ياوسام وربي احبك
حبيتك من يومك صغيرة ... شلتك بين يديني ويومها.. عرفت انك بتكونين
شريكه حياتي... اهتميت فيك وانتي صغيرة وماكنت ارضى عليك بشئ
حتى امك يوم تهاوشك كنت اعاتبها واقول لها مو قدامنا ..كنت خايف
تنجرحين .... وبالنهايه انا الي جرحتك واذيتك...صدقيني ..اني حبيتك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك