رواية انتحرت فاحبني -3
جواهر انزين شسوي اهو الحين مغلق تلفونه
اماني ارسلي له رساله اعتذار واستسمحي منه هذا اخوج الوحيد
جواهر شكرا لله انه خلاني اعرفج يااغلى ما في الوجودي ههههههه
اماني غرور الله يكفينا شره
جواهرتذكرت شي اماني ليه بكيتي معي ؟ اظاهر القلب اشتاق!
اماني منصدمه من الكلام الي تسمعه انت اشقاعد تقولين ؟
جواهر اشفيج ما قلت شي بس الظاهر انج ناسيه بس ما تلامين الدنيا نستج
اماني نستني شنو؟!
في اللحظه هذي دخل فهد البيت ما استحمل ان اخته تكون حزينه بسببه وعلى طول عند غرفت اخته الحبييه وقف عند الباب الغرفه يسمعها تقول اماني انت ليه بكيتي معي؟اظاهر القلب اشتاق!لو انه ما سمع اسمها ما كان وقف كان دخل كل العاده على طول .
جواهر شكلي بذكرج "انتم كنتم جيرانا من قبل وانتقلتوا عنا في المرحله المتوسطه كان فهد اكبرنا كان يودينا المدرسه انا وانت واخوج وفهد كنا نمشي مشي لان المدرسه اقراب من بعض وكذلك النهايه الدوام كنا دايم مع بعض نلعب بشارع ونروح الجمعيه اخوي كان يحبج حيل كان يقولنا انا ان كبرت راح اتزوجها انا احبها اما حمد يتزوج اختي امي ماتت وانت انتقلتواعنا كنا عمرنا 12سنوات اعطاج رساله كاتب فيها قصيده كلهااحبج احبج من اول القصيده الى اخرها انت رديتي "انا ما اقدراتزوجه امي تقول ابوي ماراح يزوجني الا لولد عمي عبدالله قولي له انا ما احبك ورساله ها قطعتها كنت تبكين وانت تقطعينها قلتي هذا مصلحتي ومصلحته وان شاء الله راح ينساني لاني راح انساه"اعطيته الرساله من غير ما اقوله كلام اهو قعد يبكي مرت السنين كل منكم ما تكلم عن السالفه من ذاك الوقت واظاهر ان القلب ابى والا ما يطلع من جديد .
اف ما اثقله من ذكرى يالله طلعت السنين وانا كابته الحمد الله ودي اخوي يتزوجج وتكونين عندي علشان اغثج انت وفهد يالله ما احلاها فهد واماني حلو هههههههههههه
اماني ان كان ما قلتيه صج ليه ما اذكره
جواهر الولد كبر تغيرت ملامحه انت تعالي وريج عند اصور تجمعنا كلنا مع بعض ورسالتج الي قطعتيها
اماني اوكي يلا باي
جواهر اماني اشفيج
اماني ها لا ما فيني شي يمكن بكره اسير عليج يلا باي.طوط طوط
جواهرمنصدمه ها هذي اشفيها ههههههههههه اظاهر صج القلب قام من النوم ,جان تطلع من غرفها والا فهد واقف عند الباب وكانه شاف شبح قادامه
جواهرمستانسه انه قدامهابس مسغربه منه :فهد اشفيك فيك شي ؟
فهد:الي سمعته صحيح
جواهر:شنو الي سمعته؟!!
فهد:اناكنت واقف عند الباب وسمعت كل كلام الي قلتيه لاماني ابليز قولي الي سمعته صح او او حلم
جواهرمعصبه:اول شي انت ليه تنصت علي
فهد مسكها من يدها ودخلها غرفتهاوقفل الباب وعيونه كله غضب:انا اشقاعد اقول الي سمعته صح ولا لاء
جواهر بخوف واول مره تشوفه جذي:اي صح
فهد:انت تتكلمين مع حمد؟
جواهر بكل غضب:لاء لاء لاء انا ما اواطنه بعيشت الله ما ادانيه ولا انت ناسي كم مره قلت لك لا تجيب طاريه عندي ما احبه فهمت
فهد:اي على بالي بعد وين الرساله والصور الي قلتي عنها ابي اشوفها راح اردها بس اشوفها
جواهر طلعت الالبوم الصور وقفت اقباله ,فهد:جواهر تعالي جنبي
جواهراقعدت جنبه مستغربه قالت بنفسها اول مره يصارخ علي والحين يكون اخوي الي اعرفه يالله لو يدري صج اني اكلمه واشراح يسوي فيني انا لازم اردهم لبعض في اقرب وقت طالع فهد اماني وحاس بتأنيب الضمير انه صاح عليها واكيد عورها .
فهد:جواهر انا اسف "يقولها وهو يطالع الالبوم الي حتى الحين ما افتحه
جواهر:انا اسفه ان كنت زعلتك قبل لا تطلع سامحني
فهد:خلاص ما صار الا خير يلا خلينى نشوف الصور بس اول شي ابي رساله ,طلعت اماني رساله الي ملزقتها بتيب شفاف قعد يقرها
اماني انا احبج واموت فيج ***اماني انا لما اشوف القمر اشوفج وهو دائري
اماني انا احبج حب مثل التراب***اماني انا احبج لما تكلمين ولما تضحكين وما احب اشوفج تبكين
اماني انا ان كبرت راح اتزوجج***انا احبج والله احبج قلت حق امي ابي اتزوجج ان كبرت
اماني انا احبج والله احبج وراح ***انطر ليما اكون كبير واتوظف وتزوجج انا احبج
فهد:يالله ليه ما اتذكر هذي قصيده حمدالله وشكر ولا راز وجهي هذي قصيده
جواهر :انت شف الصور يمكن راح تتذكر كنت مجنون فيها ياما تهوشت مع الاولاد لاجل دافع عنها كنت حتى تكتب في كل كتبك حرفهاa شي طبيعي تنسى من مشاكل لي عشناها وهم بعد ولا تنسى المثل الي يقول"بعيد عن العين بعيد عن القلب" صح
فهد:يالله هذي هي ؟الشعرها اسود عيونها ناعسه عسليه مازالت ابتسامتها بريئه وغمزاتها روعه
جواهر:اشقصدك انت شفتها ؟!
فهد وهو سرحان بصوره تذكر شكل البنت الي كان يتحلم فيها من كان صغير الى حتى الحين :اي شفتها
جواهر بسرعه:متى ؟لما كانت عندنا ذاك اليوم؟
فهد غرقان بسرحانه:لا لما كانت تبي تنتحر
جواهر منصدمه مستغربه :متى ؟بصراخ متىىىىىىىىىىىىىى؟واشلون وليش؟ليه ما قالت لي ليه؟؟؟
فهد وعى لنفسه:انت اشفيج ليه تصرخين؟
جواهر:لا تضيع السالفه متى بغت تنتحر؟متى؟
فهد بعد تفكير طويل اخذ نفس قوي:انا راح اقولج السالفه وابيج تساعديني.....قالها السالفه كلها وصار هذا قبل مده بسيطه وهو انقذ حياتها ,استانست جواهر لان سهل عليها المهمه .
جواهر:انزين بعد الي قلته شنو مطلوب مني؟
فهد:ابيج تذكرينها بسوالفنا قبل واشلون كنا نحب بعض لان من بعد السالفه الانتحار وانا ما انام ما خذه كل تفكيري القلب مشتاق تكفين يمكن اهي مثلي امنتج شوفي النبض تكفين
جواهر:من غير ما تقول اصلا انا لما دقيت عليها قبل الشوي.........قالت له عن مكالمه كيف انها خاقت عليه وبكت
فهد استانس من الكلام اخته:بس لازم يتأكد ما يكفي:خليج معاها لمده اسبوع بعدين علميني تكفين انا راح انتظر منج الرد
جواهر مستغربه:اي رد انا ما فهمت؟
فهد:مالج شغل بس سوي كل الي اقولج عليها وريها الصور والرسايل امنتج بعد الاسبوع اشوف نتيجه يلا اتوكل عليج تكفين ريحي قلبي ريحي اخوج
جواهر:اوكي على اني ماني فاهمى شي بس لاجلك ياخوي
فهد:يلا يا اغلى حب واحلى اخت باي
جواهر:والله ما ادري لي هذا ولا لأماني
فهد:يالله ما احلا اسمها عيديها
جواهر:لاء اخوي رد فهد الاولي ياليل الحين راح تأذيني مثل قبل لاجل الحب الاولي يااااااااااماني وينج شوفيييييييي اخوييييييييي ارحميييييييي حاله
فهد:اي تعالي واسمعي دقات قلبي تناديج يلا باي تركته بيدج
جواهر:بايات
طلع فهد وركب سيارته قاعد يسمع اغنيه ياما حاولت "ل عبد المجيد " من كلماتها "يا ماحاولت الفراق ما قويت كنت ابي انساك لكن ما قويت ما عصاني قلبي ولكن الاكيد انا اللي ما اشتهيت "وكان يغنيها راح مكان الي يحبه البحر قام يعيدها اكثر من مره
على فكره راح اكمل روايه هنا كل مره
اتممنى انها تحوز على اعجابكم
اختكم
مين قدي انا؟؟
("الفصل الثالث",جزء الاول")
("جاء اليوم تالي")
الكل راح الى عالمه"اي شغله"لاني اشوف الشغل عالم ثاني عن البيت او التمشي او اي شي ثاني ,تلاقت اماني مع جواهر عندهم ابريك لمده نص ساعه سوالف وسالفه فوق
سالفه ليما فتح عليها سوالفهم الي قبل كيف كانوا وسوالفهم ولعبهم وخبالهم واحلامهم ومنو ربعهم ومنو كانوا ناوين يتزوجون واسماء اطفالهم ذكريات منها مفرحه ومنها حزينه.
("مرت الايام وجواهر ما عندها الا سوالف لما كانوا صغار وكانت كلما قالت سالفه جابت لها صوره تجمعها اهي وجواهر وفهد وحمد وخربيشهم ورسوماتهم جواهر من النوع الي
يحتفظ بكل شي قديم له قيمه عندها ,مر على الوضع هذا من اسبوعين وجواهر ما عندها الا الماضي"الحبيبه تخطط لجل"لاجل"نفسها حتى تكون عند حب الطفوله"
فهد جاء عند اخته وكله شوق والمسكين باين عليه الضعف والسهر وجهه صار اصفر من الارق والتفكير .
فهد:هاي لاحلى ورده في هالدنيا
جواهر انتبهت له وصكت الكمبيوتر بسرعه"هااا هايات حبيبي اشلونك صار لك وقت ما تنشاف
فهد:الحمد الله,ليه صكتي الكمبيوتر بسرعه لما شفتيني ؟!
جواهر:انا لا بس كنت توني بصكه وسرحانه وانت جيت بس ههههههه خرعتني تدري عني جبانه هههههههه
فهد:اي انزين اقول اشصار على سالفتنا
جواهر:ها اي سالفه ما اذكر؟!
فهد :يالله صبرني انا ما اتفقت انا وانت ان نذكر اماني بطفولتنا انا ما قلت لج بعد اسبوع ابي رد والحين مر اسبوعين
جواهر:اي صح ذكرت
فهد:لاء لا تقولين انج ما كلمتيها تكفين خلاص ما عاد عندي صبر
جواهر:بلى اكلمها وهذي شغلتي من اسبوعين
فهد:ها اش كانت تقول
جواهر:ولا شي بس تقول ما اذكر
فهد:انا ما يهمني تذكر او لا بس ابي افهم ما شفتي فيها اهتمام بالموضوع او تعبير معين
جواهر:انت اشقاعد تقول ماني فاهمه شي ابدا
فهد:اقصده انها ما اسألتج انا الحين شنو صرت او شنهي اطباعي ميولي شي جذي
جواهر:لاء البنت مستمعه الي وانا اجيب لها صورنا ورسماتنا انت شفتهن وذكرتك مثل ما اذكرها وكلام الي اقولك اقولها علشان تتذكرون
فهد:خلاص شكرا ما قصرتي اوفيتي واكفيتي شكرا يا احلى اخت يلاه باي سوتي معروف ما راح انساه لج ,وطلع بره البيت
جواهر:هذا الانسان غريب مثل اماني ما تعرفين شنو وراه الله يكتب نصيبج يااماني عند اخو يوفقك يارب يوه نستك ياحمودي يالله
فتحت جواهر الكمبيوتر وتأكدت هالمره انها ما قفلته وبدت تتكلم مع حمد لمده ساعتين بس ما علمته بالي صار طول الاسبوعين بس نيتها انها ترد القلوب لبعضهاواهي مصره انها
تكمل طريقها.
من جهه ثانيه اماني كل عاده امها تبي تطرشها "ترسلها او دزتها "تجيب الاغراض من الجمعيه"بقاله او شوق مركزي"كان الوقت مغرب لان اماني ما تقوم الا الحزه هذي
بسبب المعهد
اما الاخ فهد كان يراقب البيت اماني ينتظرها متى تتطلع علشان يكلمها بنفس الوقت متردد وخايف من ردت فعلها الحبيب من الساعه5 وهو ناطر هذا اليوم اول يوم عطله الاسبوع
فهو فاضي شافها تتطلع الساعه6:10م راح تبعها اليما وصلت الجمعيه انزلت ونزلت ولدها معاها عمره 6سنوات ولا مره شافه دخلت ودخل معاها يطالعها يبي يتكلم بس ماهو
قادر خايف متردد بحياته مغازل مرأه او حتى كلمها بس هذي غير مشى وراها :يالله اشلون اعطيها رساله "تابعها وهو يسمع سوالفها مع ولدها"لا لا لا عزوز الحلويات ممنوع
عندنا بالبيت ككوييات"شوكليت مفردها شوكلاته"كلمانه يقرب يشم رحت عطرها يوقف لما يروح يوعى اي ينتبه انه سرح ليما خلصت اغراض بيت مر على هشي اكثر من نص
ساعه شافها عند المحاسب وهو ما اعطاها طرت عليه فكره طلع من الجمعيه وانتظرها ليما تتطلع لما شافها قربت حط رساله على يدت باب السياره
اماني شافت ورقه على الباب استغربت اخذتها والتفتت يمين يسار ما لقت احد تعرفه شافت الورقه مكتوب على ظهرها "هذا انا فهد اخو جواهراتمنى تقرينهاوتفهميني" التفتت
بكل شوق يمين ويسار ودها تناديه "فهد وينك فهد ابيك"
انتبهت على ولدها عزوز ينادي بصوت عالي "يماااااااااااااااااااااااااا"
اماني:ها حبيبي ,
ولدها:يلا افتحي الدبه الاغراض ,
اماني:اي صح دخلها اهني فييصل واشكرته وعطته بقشيش اوصلت للبيت وقلبها مو معاها تبي تقرى الرساله بس لازم تساعد امها بالعشى لان اختها الموقره رابعه ثانوي ولي بهذي
المرحله فيه داء الكتاب الله يشافيها ههههههههههههههههههههه
بعد العشى الي عباره عن معكرونه بشاميل وشوربه ماجي واشعريه محلى وكأنه جو الرمضان بس ناقص القيمات هههههههه ,راحت لغرفتها افتحت جنطتها تقرى الرساله اقعدت
على الكرسي بقوه منصدمه شنو هذا لاء لاء لاء مستحيل قعدت تبكي كان مكتوب
وش بق باعطيك مني ولا جاك* *ما باقي الا روحي أحيا بها لك
أوصف جمالك كل ما نشدت وأهواك* *وازين أيامي بجلسة خيالك
ياالغايب الحاضر بقلبي ولا ألقاك* *اقرب من عيوني وصعبن منالك
شالك زماني عن عيوني ووراك * *لا شك وثق في ضلوعي حبالك
يا صاحبي شمسٍ ورا ليل جفواك* *ما بالعهد بك قاس في دلالك
وش غيرك يا منوه القلب واطفاك* *واطفاك على حبيب ما تخير بدالك
دنياي ما تصلح بلا شمس دنياك* *والليل يوحش لو تغيّب هلالك
ولا تشوف العين زينٍ بلياك * *ولا يطرب سمعي الا مجالك
ولا انتفض قلبي من الحب لولاك* *ولولاك ما يبدي على ما بدالك
والله والله والله احبج والله من ذاك اليوم الي شفتج فيها وانت في القلب ساكنه والله والله والله اني احبج حب يشهد علي البحر الي قعدنا به
والله والله والله انج حلم حياتي ما غبت عن عيني من انا صغير وانا احلم فيج ما غبتي عن بالي ولما شفت صورتج عند اختي جواهر سألتها وقالت هذا انت ما تدرين اشكثر فرحت
من اول مره شفتج فيها دق قلبي تمنيت احضنج وردت في قلبي وانا مستغرب من حالي اشقاعد اقول"وينج عني من زمان ابي احضنج ابي المج ابي اشكي لج سنيني عذاب وحده وضياع تعالي لميني "
اول مره اشوفج ما ادري ليه انا كنت فرحان الدنيا ما اوسعتني ظنيت اني فرحتي كانت لاني انقذتج لا ما كانت جذي ما كنت اعرف السبب بس لما شفت الصوره عرفت انها انت الي
انشد عنها وناديها بحلمي الحين صرتي واقع امنتج الله انج تدردين علي انا بصراحه بحياتي ما تكلمت مع مرأه لاجل الوعد الي قطعته عليج من كنا صغار ان ما يسكن قلبي غيرج
وانتظرج الى اخر العمر احبج احبج احبج وغلات امي وبترابها انج اشعلتي لي قلبي والله ما اعرف طعم النوم ولا اعرف للاكل طعم انا راح انتظر ردج علشان اخطبج وهذا رقم
تلفوني او ارسلي مسج******هذا اذا انت موافقه على طلبي .
مع خالص حبي وصبري وقلبي وروحي فهد مثل ما كنتي تناديني فهد الفهود .
(مرت الايام وجواهر نفس موال الماضي اما اماني كانت اغلب الوقت سرحانه اما حمد كل يوم عن يوم يزيد حبه لجواهر واما فهد صار كثير سرحان ما ياكل قليل النوم"ارق"
ويتأمل تلفونه ,مر شهر دق حمد على صديق العمر اخوه حبيب القلب فهد .
فهد الو"ظاهر في صوته التعب وانهاك ما كلمه ولا يطلع مع اي واحد من ربعه وهذا مو من طبعه"
حمد خاف على خويه وبنفس الوقت يبي يشكيله قسوه ابوه اهلين بالقاطع عسى ما شر فيك شي
فهد لا بس مالي خلق لاحد
حمد افا انا اي احد انا اخوك الي امك ماجابته افا والله قلي اشفيك
فهد لاء بس شوي متضايق
حمد علي يافهد علي انا ظلك قلي اظاهر سالفه فيها ذيك البنت صح ها توضحت مشاعرك ولا ما تبي تقولي صرت غريب
فهد لاء ما انت غريب بس والله احبها والله احبها..."شوي يبكي اي صار صوته مبحوح خانقته العبره"
حمد فهد انا الحين اجيك ونطلع عند البحر نسولف يمكن اقدر اساعدك
فهد مالي خلق
حمد بلا دلع دقايق وانا جاي يلا استعد مع السلامه طوط طوط طوط
صج دقايق والإحمد عند الباب وطلع مع فهد طول الطريق وصمت سيد الوقف وكل يسولف مع نفسه حمد"يالله انا ابي اشكي جور ابوي علينا طلع اهو مسكين حاله الرجال ضعف
وسواد نزل على وجهه الله يكون بعونه راح احاول اخفف عليه بس انا منو يخفف علي"اما فهد"يالله انا اشلون اقوله وكيف يالله اعني "شغل حمد الشريط اناشيد عطته اماني له
بدال الاغاني لي يسمعها كانت كلمات حزينه وصوت روعه لاحد منشدين كانت من كلماتها
ارحلي دامك نوتي ترحلين *وتركيني في معانات السهر*
واتركيني لليالي وسنين * الي مثلي كم تعود ينتظر*
اسمعيني كان ودك تسمعين* كلمتين في خاطري قبل السفر*
حبك بقلبي ترى لو تعرفين *باقين وياي لو غبتي دهر *
واذكريني كان كصدقك تلعدين* واذكريني قلب نما بعدك ما صبر*
العيون تقول وقلب الحزين *ما نبي الا ذكريات وصواب*
ودعي ياعين دمعك والحنين* ما يفيد دمع اذا حكم القدر*
واصبري ولي انكتب على الجبين* لازم نشوفه على مر العمر*
كم تمنيتك بحالي تشفقين *ما انتظر منك ولو لمحه نظر*
ارجعي خلي ليالي تستبين *لاتخليني على نار القهر*
ارحلي دامك نوتي ترحلين* وتركيني في معانات السهر*
فهد تاثر بهالانشوده ودموعه تنزل ما حس فيها مسحها حمد بأيده وابتسم له حمد وسكر المسجله ,اوصلوا البحر وقعدوا وباشر حمد بسؤال.
حمد:ها والحين احنا برى البيت قلي ولشكي ياحلى قمر
فهدابتسم:هاء امرتك انا هي انا رجال قدامك شنو قمر ههههههه
حمد:اي اضحك لك شوي يلا قلي منو هذي واشلونها وكيف غزت قلبك ؟؟
فهد:ما اقدر اقول ليما تردلي خبر انت شكلك متضايق اشفيك؟
حمد:اه لا تشيل الهم ما في شي جديد في غير ابوي
فهد:ليه اشفيه؟اشسوى بعد اف من ابهاتنا ما نرتاح منهم والا هم بقبورهم
حمد:لا حرام مهما يسوون فينا يبقون ابهاتنا
فهد:انزين انزين قلي شنو المصيبه الي جابه يختفي ويجيب مصايب هم قالوا مطول الغيبات جاب الغنايم بس هذي موغنيمه "هذا مو من طبعه ومن الحزن الي فيه"
حمد:لا والله انها من قلب مأثره فيك
فهد:يلا قل انا اسمع
حمد:لا ولاشي مهم انت لا تحاتي يكفي الهم الي انت فيه اروح وزيدك
فهد:تكفى قل تكفى يمكن شوي انشغل عن التفكير الي انا فيه
حمد:اوكي السالفه تخص الاهل ابو يبي يزوج اختي لواحد اهومشاركه بتجاره
فهد مغصه بطنه حس بدوخه لوعه وغضب لا شعوريا مسك دشداشته من عند صدره وهو يتكلم بحمق وعصبيه:لاء لاء ما راح اسمح لكم تخذونها لاء لاء
حمد يقاطعه و يدز ايده :اشفيك منو هذي الي ماراح تسمح لنا إنا ما نخذها
فهد قعد يبكي مثل الطفل الي ضاعت منه امه يبكي بكاء المر صوته عالي تكور على نفسه توقع هذا السبب الي ما خلاها ترد عليه
حمد منصدم من الي صار منو يبكي فهد القوي الشجاع الي ما يهزه شي الجبل الي ما بكى الا لما امه ماتت وكان ذاك اليوم رد :فهد يا خوي اشفيك رد علي رد
فهدبصوت متقطع فيها شهقات وزفرات مسك يد حمد يبي يبوسه وهو يتكلم بس حمد على طول وخر ايده وقاله:فهد اشفيك والله مو فاهم شي هد شوي علشان افهم
فهد حاول يهدي بس ما قدروخلاه حمد إليما يهدى ويتكلم معاه بعد نص ساعه اواكثر قدر يتكلم مسك ايده ودموعه اربع اربع ماهو قادر يتحمل خسارتها للمره ثانيه قال:حمد انت اخو
واكثر من اخوي بس امنتك الله اماني لا تتزوج تكفى والله احبها احلفلك يمين ان من كثر جواهر ما تتكلم عنها حبيتها قلت لها تسألها لو تقدمت لها وخطبت تقبل او لا وصار اليوم
30 يوم يعني شهر وانا انتظر الاجابه امنتك ماني قادر اتخيل اماني لغيري لا تظن اني خنتك لا والله بس ابي اتأكد من البنت انها ما تنغصب واتدري انك ما راح ترفض لي طلب
امنتك اماني لا تروح لغيري "طبعا كذب علشان يحمي اماني"
حمد:ههههههههههههههههههههههههههههههههههههه
فهد:ما اعتقد ان الي قلته يضحك صح!
حمد:ههههههههههههههههههههههههههههههههههههه
فهد:انت اشفيك احر ما عندي ابرد ما عندك
حمد:والله هههههههههه ضحكتني وانا ما ابي اضحك ههههههههههههههههههههههه
فهد:لاء لا والله انا قلت نكته العصر صح هه هه ما اقدر اضحك انت علامك "اشفيك بصراخ"
حمد:الي تبي تتزوج اختي الي اصغر من اماني هههههههههههههه اظاهر رجعت القلوب لبعضها هههههههههههههههه
فهد وكأن انكت ماء بارد على قلبه ورتاح انسدح على شاطئ وقعد يضحك ضحك من قلبه ضحكه طويله مجنونه هههههههههههههههههههههههههههههههههههههههههههههههههه ههه
حمد:حمدلله وشكر فيك مس ههههههههه والله انك رديت فهد الي اعرفه يالأهبل
فهد طالعه وباسه على خده وكمل ضحكته:هههههههههههههههههههههههههههههههههههههههههههه ههههه
حمد:يا اماني وينج شوفي شسويتي بخويي اقول وكأني رديت لك دين قديم صح
فهد سكت واستغرب:اي دين ما اذكر
حمد:تذكر لما جيتك للبيت واختك هجت عني وانت نقعت ضحك علي وعلى قلبي احسن جاك الي جاني احسن بس يا حظج يا اختي عندج فهد خويي عمري
"طبعا لو جواهر مو اخته كان ما رضى بس علشان خطه جواهر علشان يضغط على ابوه لان ابوه ما يزوج من كان بره القيبله ويسوي بدل اي ما يتزوج اماني الا لما يزوجه
جواهر"مرالوقت وارتاح فهد نسبيا لان حبيبته ما راحت عنه رد البيت نام وكانها نومت اهل الكهف لان حمد وعده انه يكلم اماني وكذلك حمد دق وقال حق جواهر شنو صار وان
الخطه بدات تنجح بس بقى اماني لازم تقتنع".
اتمنى انها تحوز على اعجابكم واتقبل اراء ونقد بناء
السلام عليكم ورحنه الله وبركاته
سبقاني نزلت لكم روايتي وهذا تكمله لها لاني نزلت البارت ثاني وثالث وهذا الرابع مع الخامس واتمنى انه يحوز على اعجابكم
وهذه الرابط الي فيه بارت ثاني بصفحه ثالثه من قصه من راويتي اهديها لكم
رواية إنتحرت فأحبني / بقلمي ، كاملة
وصفحه رابعه اي فيه بارت ثالث
رواية إنتحرت فأحبني / بقلمي ، كاملة
اما الحين اتركم مع البارت الربع وخامس اتمنى انه يحوز على اعجابكم
("الفصل الثالث",جزء الاول")
("جاء اليوم تالي")
الكل راح الى عالمه"اي شغله"لاني اشوف الشغل عالم ثاني عن البيت او التمشي او اي شي ثاني ,تلاقت اماني مع جواهر عندهم ابريك لمده نص ساعه سوالف وسالفه فوق
سالفه ليما فتح عليها سوالفهم الي قبل كيف كانوا وسوالفهم ولعبهم وخبالهم واحلامهم ومنو ربعهم ومنو كانوا ناوين يتزوجون واسماء اطفالهم ذكريات منها مفرحه ومنها حزينه.
("مرت الايام وجواهر ما عندها الا سوالف لما كانوا صغار وكانت كلما قالت سالفه جابت لها صوره تجمعها اهي وجواهر وفهد وحمد وخربيشهم ورسوماتهم جواهر من النوع الي
يحتفظ بكل شي قديم له قيمه عندها ,مر على الوضع هذا من اسبوعين وجواهر ما عندها الا الماضي"الحبيبه تخطط لجل"لاجل"نفسها حتى تكون عند حب الطفوله"
فهد جاء عند اخته وكله شوق والمسكين باين عليه الضعف والسهر وجهه صار اصفر من الارق والتفكير .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك