رواية خلنا نرد روح وجسد طول العمر احباب -4
فجر قاعده وحدها خايفه ماتدري شلون بترد على امها
عايشه : ام فيصل مرت عم فطوم اكيد تعرفينها
فجر ابتسمت :ايي ام نورو عدل ؟
عايشه : ايي
فجر : شفيها ؟
عايشه : اليوم دقت عليي وخطبتج تبيج حق فيصل ولدها
فجر ويها الوان !!
عايشه :الريال معاج بالمستشفى واكيد شايفه اسلوبه وطريقه تعامله انا كلمت ابوج واهو موافق ويمدح فيه وفيصل مايحتاج نسأل عنه لأنه الكل يعرفه ويعرف اخلاقه الحين الراي رايج فكري واستخيري واللي تبينه بيصير وبعدها رديلي خبر عشان نرد عالناس ..
فجر : اللي تشوفونه يمه .. مالي كلمه بعد كلمتكم .. قالتها واهي مبتسمه
عايشه : كلللوووولش
فجر ليلحين مبتسمه
عايشه : مبروك يابنيتي ولمتها
فجر دمعت عينها وراحت دارها
عايشه دقت على خواتها وقالتلهم بس بينهم عشان بعد يومين بترد على الناس ..
-------
ساره ردت البيت بدلت وعلى طول انسدحت وشافت فونها
ساره : ادق ؟ لاا خل يولي متى مادق رديت عليه.. افف ابي احااجيه شلون ؟؟
ام ساره تطق الباب
ساره قعدت عدل : تفضلي
ام ساره :ها شتسوين
ساره :ماكو قاعده
ام ساره قعدت يمها : زين سمعيني ابوج قاعد يسأل وين تبون تسافرون هالسنه ؟؟
ساره : مادري خالتي عايشه وين بخاطرها ؟ لازم معاهم so نتفق على ديره احنا كلنا نبيها
ام ساره : خلاص سالي بنات خالتج وانا بدق اسألها الحين وباجر نعطي الرياييل الخبر
ساره : انشالله
ام ساره : ونامي بسج سهر
ساره : انشالله تصبحين على خير
ام ساره :وانتي من اهله وطلعت
ساره دزت مسج حق اماني " shofay entay o 5watch wain tbon el sfra hal 36la o 36eni 5br
دزته ولا يدق حسين
ساره "فديته !!! : الو
حسين: ليش اول ما وصلتي مادقيتي
ساره: كنت احاجي امي
حسين : امممم اوكي
سكتو شوي
ساره: حسين
حسين: هلا
ساره :زعلان مني
حسين: لا بس شايل بخاطري ليش تخشين عني !
ساره : ما اخش عنك انا
حسين : امممم متأكده ؟؟
ساره : اوكي بقولك بس انطرني لين اخلص كلامي
حسين: اوكي بسمعج
ساره : اممممممم شوف حسين انا من اول يوم عرفتك فيه لي قبل جم يوم وانا كنت ما اخش عنك شي وكل شي يصيرلي اقوله انت الوحيد اللي بطلت له قلبي وهالشي كان يريحني وايد مو مهم هالحجي كله ! اللي مضايقني الحين انه بعد كل هالمده اللي انا كلمتك فيها انا تعلقت فيك حيل وصرت ما اعيش بدونك ويومي بدونك زفت ! كل هذا سببه اني احبك !! وانت ولا حاس فيني انت تحب غيري وما تعتبرني الا اخت او بنتك او او او ايا كان ! بس تدري انا شنو اللي الحين معذبني ؟؟ انه هذا كله من دعاوي الشباب .. سببه كله اني لعبت بقلوب الشباب وعلقتهم فيني ورحت والحين الدنيا انقلبت والوضع انعكس انا صرت اللي اتعذب بس الحمدلله انا راضيه وحبك هذا عمره ما راح يكسرني ولا يهزني ! لأني انا عزيزه نفس وببقى طول عمري جذي وما راح انزل من نفسي حق منو ما كان حتى لو هالشخص يكون حياتي كلها ! الحين عرفت شفيني ؟؟ الحين اقدر اقول انه انا من اول يوم عرفتك لي الحين ما خشيت عنك ولا شي !! وكل شي تعرفه الحين .. انا ما اقدر اكلمك اكثر وعالعموم حسين انا بطلع من حياتك كلها وديربالك على روحك وعيش حياتك والله يوفقك وين ماكنت وعسى الله يرزقك على قد نيتك .. تصبح على خير ومع السلامه هذي اخر مره اكلمك فيها
حسين منصدم وما قدر يقول الا : مع السلامه
ساره سدته وطفت فونها وبدت تبجي ...!!
وهذا اللي صار .. حسين و ساره بعدو عن بعض .. وكل اللي صار بيبقى بذاكرتهم وبس ..
ساره طفت فونها بهذاك اليوم وطلعت قهرها بالبجي وطلعت حسين من حياتها ..!
الـــــبـــــــارت الــــثـــــانــــــي عـــــشــــــر ...
2009
ســـــاره وحـــســــين مايدرون عن بعض من 3 سنيــــــــــــــــــــن ..!!
ساره بتكمل 20 سنــه ..!
دخلت هندسه مع زينه ..
بــــيـــــت فجــــــر
فجر - فطوم - زينه - اماني- ساره متيمعين
فيصل : احم احم
فجر : حياك فيصل
فيصل : السلام عليكم
الكل : وعليكم السلام
فيصل : شلونكم بنات ؟
البنات : بخير وانت
فيصل : الحمدلله .. فجور وين حسون ؟؟
فجر : طالع مع حسين اخوك
فيصل : وبنتي شلونها ؟
فجر : هههههه بخير
فيصل : بنات ديربالكم عليها ترا هامله روحها
فطوم : انشالله
اماني : بعيونه لا تحاتي
فيصل : يلا عيل مع السلامه
الكل : مع السلامه
زينه : وييع ساروه قومي شنبي قاعدين مع متزوجات ؟
ساره : هههههههه ايي والله يلا قومي
زينه : لا صج بنقوم نطلع نستانس ما نقعد مع مرتبطات ..
فجر تزوجت من فيصل والحمدلله قدرت تحبه وعندها ولد اسمه حسين عمره سنتين والحين حامل بالشهر الخامس ..
فطوم حملت ويابت بنيه اسمها ريم 3 سنين وليلحين ما حملت
اماني تزوجت عمور اثنينهم عمرهم 25 سنه وكانو يحبون بعض من واهما صغار .. اماني عندها ولد واحد حمني عمره سنه ومخليته مع بنت فطوم عند خالتها منى ..
زينه 21 سنه بهندسه وعايشه حياتها اهي وساره والحين الطلعات اكثر شي اهم الثنتين تقريبا كل يوم طالعين
ساره : ها زيون قمنا ؟
زينه : ايي والله يلا بنات مع السلامه واللي تبي شي تدق
اماني : من صجكم ؟
زينه :ايي والله انتو رياييلكم ما ترضون تطلعون بالويك اند بنات بروحكم واحنا مو ملزومين نقعد عشانكم وطلعت لسانها
اماني : كلاب !! روحو روحو
ساره : ايي بنروح وسلمت عليها فجور اذا تبين شي دقي اوكي ؟
فجر ابتسمت: اوكي
ساره وزينه : مع السلامه ..
اول ما طلعو
فجر سألتهم : سارو ليلحين تحبه ؟
اماني: لو ما تحبه جان ماتحجبت عشانه !
فجر : الله يعينها ..!
بعد ما ساره هدت حسين وصارت ما تكلمه صادفته مره عالبحر كان بيوم تخرجها من الثانوي ..
ساره قاعده عالبحر واهي متضايقه وتتذكر احلامها بهاليوم وشلون كانت ناويه تبشر حسين اول واحد !
حسين لمحها وشاف حواليها شباب يتحرشون واهي حاقرتهم
حسين يه وتفاهم مع الشباب وساره مافكرت تلف ويها تشوف منو اللي قاعد يحاجيهم
حسين قعد يمها : وين بتدخلين ؟
ساره لفت ويها عليه وطارت من الوناسه بس مابينتله : هندسه
حسين : عشان احد ولا عشان نفسج ؟
ساره: باختياري وبعدين انا حره باختياراتي
حسين : امممم ساره تحجبي !
ساره :نعم ؟
حسين : ماتشوفين الشباب شلون ميتين عليج ؟؟ مطلعه شعرج ونص جسمج
ساره : قلتلك انا حره باختياراتي وترا الشباب حتى اللي بعبايه يخزونها
حسين : خايفه ربج واللي الله قاله انه الوحده بس تكبر تتحجب بس انتي لا !
ساره : والنعم بالله بس انا مابي .. عن اذنك وراحت عنه واهي ودها لو ترجع وتلمه وتبجي
وبعد اسبوع تحجبت !
------------------------------------------------
ساره و زينه واقفين عند باب البيت من برا
ساره : سنه تطلعين مفتاحج ؟
زينه : كااهو نطري بس
حسين : احم احم عفوا اختي ممكن شوي عشان نمر ..
ساره و زينه رفعو راسهم
حسين كان قاصد ساره بس مايدري انها اهيا
ساره شافته وحطت عينها بعينه وتنحت والدمعه بعيونها بعدها استوعبت ونزلت جسمها تنادي حسين
ساره : حسيين حبيبي تعال
حسين راح لها ركض ولمها
ساره : فديته انا وباسته
حسين : هواوا ؟
ساره : من عيوني وطلعت له حلاو من جنطتها
حسين باسها وركض داخل
زينه : يلا سارون مشينا
ساره : اوكي وطالعت حسين بتحفظ ملامحه ومرت يمه واهو مسكها
ساره لفت شافت ايده وشافته وبعدها غمضت عيونها ونزلت دمعتها
زينه : انطرج بالسياره وراحت
حسين : مرتاحه ؟
ساره: و اي راحه بعدك ؟
حسين لف ويها عليه وحط عينه بعينها واهي نزلت عينها
حسين : لاا تنزلينها بشوف عيونج !
ساره حطت عينها بعينه واهوعلى طول باس عينها
حسين : ليش كل هالتعب ؟ ليش بعدنا ؟ شنو كان السبب؟؟ ليش كابرنا ؟
ساره : انا ما اقدر اكون معاك واعلق نفسي فيك وانت مو لي !
حسين همس بإذنها : انا لج من اول يوم عرفتج فيه
ساره ابتسمت بس ليلحين على وضعها ..
حسين: ردي تعبت والله !
ساره : لو اهمك جان سألت عني
حسين : الله يخلي فجر !!
ساره ضحكت
حسين قرص خدودها وسحب فونها وسجل رقمه باسم حبيبي !
ساره : اهم شيييييييييييي
حسين : كيفي وغمزلها روحي حق زينه ودق من فونها على رقمه وسيفه وعطاها ياه واهي راحت
ساره اول ما ركبت السياره زينه مشت
ساره صرخت : احبـــــــــــــــــــــــــــــــــــــــــــــــ ـــــــــــــــــــــــــــــــــــــه
زينه :هههههههههههههههههههههههه شصااار قولي ؟؟
ساره قالت لها كل شي صار
--------------------------------------
حسين دخل البيت وسلم عليهم
فجر : حياك حسين اقعد معانا
حسين متشقق : ها ؟ ما سمعت عذريني
اماني : لاا كلش مو معانا !
حسين لف على فجر : ساروه متى تحجبت ؟
عرفو ليش اهو مستانس وضحكو عليه
حسين: ما راح تردين ؟
فجر : بعد اسبوع من تخرجها من الثانوي !
حسين : يعني بعد ما انا قلتلها !
فجر : ايي :/
حسين ابتسم : اوكي سلام
الكل : وعليكم السلام ..
بليل اول ما ردت ساره البيت
كانت 1 الا جم دقيقه اول ما دخلت غرفتها وبطلت الليت دق حسين عليها !
ساره مستحيه ! : اهلين ..
حسين :في احد يرد هالحزه ؟
ساره عضت شفايفها : ويك اند والشوارع زحمه
حسين : سارون اذا انا طوفتلج اهلج وينهم ؟؟ ليش ما يكلمونج !!
ساره خنقتها العبره : حسين ممكن ابدل وارد ادق عليك ؟
حسين : اوكي باي
ساره : باي
ساره قعدت تبدل واهي تبجي وتتذكر جمله حسين
سارون اذا انا طوفتلج اهلج وينهم ؟؟ ليش ما يكلمونج !!
سارون اذا انا طوفتلج اهلج وينهم ؟؟ ليش ما يكلمونج !!
سارون اذا انا طوفتلج اهلج وينهم ؟؟ ليش ما يكلمونج !!
الــــبــــــــارت الـــثـــــالــــث عـــشــــر ...
ساره بعد ماخلصت غسلت ويها ودقت عليه
حسين : هلا والله
ساره :هلا فيك
حسين : سارون كنتي تبجين مو
ساره : مو
حسين : ليش انا قلت شي يضايقج ؟ سارون قوليلي شفيج من شنو بالضبط انا اسف
ساره : انت تدري انه اهلي مايدرون عني ومع هذا قلت سارون اذا انا طوفتلج اهلج وينهم ليش ما يكلمونج
حسين : سارون انا اسف والله ما كان قصدي بس انا ما ارضاها عليج راده هالحزه
ساره : حسين لا تييب سيره اهلي ! انا ما احب اهلي كلهم بس قروبي و يدتي وابوي والباجي اكرهم!!!
حسين : ساره هذيل اهلج بلا هالحجي
ساره : اهلي بالاسم بس وانا ما احتاجهم ولا احبهم ولا اي شي خلاص حسين صكر الموضوع
حسين : احنا تونا داشين 2009 بس حسافه ما احتفلت وياج
ساره : ههههههههههه حسين باجر بروح الشاميه اوكي ؟
حسين : مع ؟
ساره : زيون
حسين : امممم باجر اليمعه و زحمه شرايج تقعدين بالبيت بسج هياته
ساره : حسوون يلا عاد بس بنروح نتعشى ونرد خو
حسين : اممممممممم اوكي بس ماتطولين مثل اليوم
ساره بغرور : والله كيفي اروح و ارد متى ما ابي
حسين : لا موكيفج ! تسمعين الحجي وغصبا عليج بعد
ساره : ايي خير انشالله
حسين : سارو لا تنرفزيني الساعه 10 انتي بالبيت
ساره : هههههههههههههههه وليش لازم اسمع كلامك ؟
حسين : لأنج تحبيني
ساره عضت شفايفها : حبيبي ماقلنا شي بس تتحكم نو !
حسين : عيل متى بتردين ؟
ساره : متى ماخلصت
حسين بصوت حنون : سارون ماعليه روحي واستانسي بس متى ماخلصتي على طول ردي ماله داعي تفرفرون بالشوارع !
ساره : من عيوني
حسين : فديتهم
ساره :ههههه مايغلون عليك .. يلا باي بناام بدك شي ؟؟
حسين : لا سلامتج
ساره :take care honey .. bye
حسين : وانتي بعد .. باي
---------------------------------
من باجر بليل بالشاميه ..
زينه : يلا نزلي مو سنه تعدلين شيلتج
ساره : ههههه اوكي ونزلت من السياره
زينه : سارو دقيقه خل ندخل المخبز اخذ حق امي اللي تبي واحطه بالسياره وبعدها ندخل نتعشى اوكي ؟
ساره : اوكي حبيبي
زينه وسارو دخلو المخبز
زينه تسأل الريال عن اللي تبيه وساره رن تلفونها
ساره : غريبه امي داقه
زينه : ردي !
ساره : الو
ام ساره : ساره ردي البيت لبسي عبايتج وتعالي بيت يدج
ساره : خلاص اتعشى واييلكم
ام ساره : قلتلج الحين
ساره : شفيه صوتج متغير ؟ وبعدين انا ما احب يمعتهم تدرين اروح بنص الاسبوع عند عمي وبس
ام ساره صرخت : ساره عمتج توفت
ساره مصدومه : مو عمتي بدريه صح يمه؟ مو عمتي بدريه !
ام ساره : الله يرحمها !!
ساره بغت تطيح وزينه مسكتها
ساره : زيون وديني البيت عمتي بدريه توفت
زينه :شنوو !! مسكتها وصلتها السياره نطري اروح اييبلج ماي من الجمعيه
زينه راحت الجمعيه وساره قاعده و الدمعه بعيونها
كل شوي يمرون شباب يتحرشون اخر شي عصبت وبطلت الدريشه وتفلت بويه واحد
ساره : شرايك تحترم نفسك ترى مو ناقصه سوالف يهال وصكرت الدريشه وتسندت مكانها واهي تستغفر ربها وكل شوي تدق على زينه يلا ويلا !!
ساره دقت عالبيت وردت الخدامه : شوفي جهزي عبايتي الحين بيي
الخدامه خافت من صوتها
ساره : باي وسدته
زينه يت : شفييج هدي هدي
ساره : هذي عمتي ياتبن وقعدت على اعصابها
زينه داست
اول ما وصلت البيت
ساره دخلت واهي متضايقه و واصله حدها من العصبيه ! توضت وصلت ركعتين ولبست عبايتها دقت على حسين ما رد حطته سايلنت وطلعت من البيت رايحه بيت يدها
---------------------------------------------------------
اول ما وصلت ساره انصدمت من الوضع !!
عماتها 3 قاعدين يم بعض ويبجون ويستغفرون جبالهم بنات عمتها يبجون على امهم !! جم وحده من باجي بنات العايله قاعدين على طرف وحده من الخدم يايبه ماي حق عماتها ! ريل عمتها لاف ويها بالشماغ ويمسح دموعه !! ابوها يم ريل عمتها ويمسح على ظهره ! ولد عمتها وحيد امه قاعد عالطرف بروحه والدمعه بعيونه !! بنت عمتها ! دانه ؟؟ اخر العنقود دلوعه امها ذابحه عمرها من البجي ولامه ام ساره !!!
ساره بعد ما استوعبت الوضع هدت جنطتها ولمت منور !!
منور : سارووه امي راحت
ساره : منور ادعيلها تحتاج دعواتكم ريحي عمرج لا تبجين حبيبي لا تعذبونها اكثر اهي راحت وارتاحت من هالدنيا
منور : ياليتني رحت قبل ما اشوفها تروح مني
ساره قعدي يمها وتقرا عليها شافت دانو وضعها يزيد وفجأه طاحت !!
ساره ركضت ويابت ماي قومو دانه اللي بعدها استوعبت وردت بجت من قلب !!!
ساره الوضع قام يزيد عليها تروح عند وحده وحده من عماتها تهديها ماكو فايده !
صارت الساعه 12 ونفس الوضع !!!
ساره سمعت صوته !!
ساره " صوووت الغالي ما اخطي فيه لفت ويها وشافت عمها
ساره " ما خاب ظني !!! هذا اللي احتااجه هذاا بيخفف عليي ..
ساره دلوعه عمها وليد ! اهو ابوها الثاني واهو يعدها بنته الثانيه حيل غاليه عليه
ساره شافته وتطلب مساعدته
عمها قعد يهدي بخواته وبعدها قامو يصلون ويدعون لها ! راح عند بنات اخته وكلمهم وصار نفس الشي ..!!
بعدها الكل راح يصلي ويدعيلها
ساره : مشكور عمي
عمها بطل ايده : تعالي
ساره لمته وتحاول تكتم دموعها
عمها : بنتي اقوى من جذي .. وين اللي علمتج عليه ؟
ساره خذت نفس : انا اقوى من جذي وبدعيلها وبوقف معاهم ما راح اضعف عشانهم وعشان عمتي اللي تبي احد يدعي لها مو اللي يبجي عليها !!
عمها : هذي بنتي اللي اعرفها
ساره ابتسمت وبعدها راحت تشوف امها
ام ساره : البنات بينامون عندنا والعزا ابيتنا قولي حق الخدم يجهزون الغرفتين اللي فوق حق البنات و الغرفه اللي يم غرفه حمود اخوج حق محمد
ساره : انشالله ودقت قالت حق الخدامه تسوي اللي امها قالت عليه
عالــساعه 1:30 ردو البيت وبنات عمتها و ولد عمتها كانو عندهم واهي راحت مع حمود اخوها بيت عمتها يابو هدوم حق البنات وحمود خذا هدوم حق ولد عمته
ساره اول ما وصلت راحت عند منور و وكلتها دواها لأنها مريضه وبعدها قعدت تقرا عليها لين نامت بحظنها راحت طلت على باجي البنات شافت دانه نايمه بحظن اختها العوده
شيماء : مشكوره على وقفتج معانا
ساره ابتسمت : انتو اهلي ! ماعليه انتي بعد نامي
شيماء : شلون اييلي النوم ؟؟
ساره : ماعليه لازم باجر توقفين بالعزا
شيماء عطتها تلفونها : دزي مسج حق ريلي قوليله اني ما اقدر اكلمه ولا ارد البيت بكون مع خواتي
ساره دزتله مسج واهو رد عليها " ماجوره يالغاليه واذا احتجتي شي دقي عليي انا من الصبح عندج
شيماء ابتسمت : تصبحين على خير
ساره : وانتي من اهله طفت الليت عليهم وراحت غرفتها
تقريبا دخلت غرفتها عالـ 2 وشي تسبحت وبدلت صلت ركعتين وبجت فيهم وبعدها دقت على حسين اللي كان معصب !!
الــــبــــــارت الـــــرابـــع عـــــشــــــر ...
تقريبا دخلت غرفتها عالـ 2 وشي تسبحت وبدلت صلت ركعتين وبجت فيهم وبعدها دقت على حسين اللي كان معصب !!
ساره : الو
حسين :توج راده ؟
ساره : لا من زمان
حسين :وتجذبين بعد ؟؟
ساره انصدمت : نعم !
حسين : شايفج قبل نص ساعه تقريبا داخله البيت بروحج !!
ساره تذكرت انه حمود كان داخل قبلها
ساره : من صجك انت ؟
حسين : ساره ممكن تبررين لي ؟؟؟؟ على اساس بتردين مبجر !! الساعه 2 وشي راده البيت بروحج ليش ؟؟ وتبيني ما اعصب المشكله اني عمري ماتوقعت بتجذبين عليي وتقولين راده من زمان وانتي ما صارلج ساعه داخله البيت
ساره ابتسمت : شوف حسين انا مو طبعي ابرر حق احد واللي يبي يفهمه براحته بس لأنك غالي بشرحلك .. انا رحت الشاميه مع زيون وقبل لا ندخل نتعشى دخلنا المخبز وامي دقت بلغتني انه عمتي توفت ! رديت البيت لبست عبايتي ورحت بيت يدي ! وصلت هناك عالـ 9 وشي قعدت اهدي بعماتي وبنات عمتي وبعدها يه عمي وقعد يهديهم معاي وبعدها يو بيتنا ورحت انا وحمود بيت عمتي يبت انا هدوم البنات و حمود ياب هدوم حق محمد !! عشان لا يدخلون بيتهم ويتضايقون اكثر واهم ليلحين مو مستوعبين الوضع ..! ويوم انت شفتني كنت توني راده من بيت عمتي بس حمود سبقني لأنه كان شايل جناطهم وانا دقيت عليك اول ما رديت البيت يوم كنت بلبس عبايتي عشان اقولك بس انت مارديت هذا مو ذنبي انك تتسرع وتفهم على كيفك
حسين ندم على كلامه : سارون انا اسف والله ما كنت ادري بس تنرفزت
ساره خذت نفس : عادي حسين
حسين : الله يرحمها وانا اسف والله
ساره : ويرحم الجميع ولا يهمك
حسين : شلون البنات الحين ؟
ساره :منور قريت عليها لين نامت و حور و دانو كانو مع شيوم نامو طليت عليهم قبل لا ارد غرفتي
حسين : اممممم الله يعينهم
ساره : ويعين الجميع .. انا بحاول انام باجر وراي قومه حق العزا
حسين : ما راح تروحين الكليه؟؟
ساره : اووه عاد تونا مبلشين الكورس ! من اولها طبيات !!
حسين : باجر عطله والاحد اناا اييبلج طبيه بس الاثنين لازم تداومين
ساره : انشالله يلاا انا بسده ديربالك على روحك .. باي
حسين: نامي وانا عالسماعه
ساره : اوكي وخلت السماعه وغمضت عيونها لين نامت
--------------------------------------------------------
الساعه 5
ساره قامت " بنااام !! مانمت الا ساعتين بس قامت وتوضت وصلت وبعدها قرت قرآن وقررت تتسبح ولما خلصت راحت عند منور شافتها تقرا قرآن خلتها وراحت طلت على باجي البنات قعدتهم حق الصلاه ونزلت سوت شي ياكلونه
الساعه 7 كانو الكل على الطاوله بس محد قادر ياكل
ساره قعدت تساحلهم وبعدها كلو لقمتين وقامو
من الساعه 9 بدت اجواء العزا !! الصاله كلها اسود بأسود .. الكل يبجي ويدعيلها ساره كل شوي تييب ماي زمزم والادعيه وتوزعهم
مر اول يوم كئيييب لأبعد حد الوضع صج كان يعور القلب
بليل ساره كلمت حسين نص ساعه ونامت ومثل اليوم اللي قبله ! قامت حق الصلاه صلت وقرت قرآن وجيكت عالبنات وانعاد الروتين!!!
ثالث يوم نفس الشي !!
الا انه ساره عالـ 12 صعدت غرفتها تسبحت وغيرت عبايتها ونزلت استأذنت وراحت الكليه مع زينه لأنها مو حابه تسوق
طبعا رفيجاتها بالكليه كانو يدرون ويايين معزينها بس هم عزوها مره ثانيه وحاولو يطلعونها من الروتين اللي اهي فيه بس ما قدرو .. و وايد بنات ما يعرفونها منصدمين من انها لابسه عبايه ويايه بدون مكياج !
وبعد ماخلصت محاظرتها راحت عالبحر مع زينه يشربون قهوه و وايد شباب يشوفونها وعاجبتهم واهي تعصب وتسفل وتسب بهذا وهذاك و بويهم !
الـــبــــــارت الخــــامــــس عــــشـــــر ...
بعد 3 اسابــيع من وفاه عمه ساره
ماكو احداث كل شي طبيعي ..!!
يوم الخميـــس
ساره ردت على تلفونها : عمييي حبيبي هلاا واللــــــه
عمها : ههههههههههه هلا فيج بنتي شلونها ؟
ساره : اامممم مشتاقتلك يالغالي
عمها : عن العياره لو مشتاقه جان سألتي
ساره عضت شفايفها : سوري عموو بس والله لهيت هالفتره انا اسفه اعذرني
عمها : معذوره اليوم تعالي اليمعه
ساره : مو اليمعه باجر ؟؟
عمها : لا هالاسبوع صارت اليوم تعالي لا اييي اسحبج من شعرج مابقى الا العم يقول حق بنت اخوه تعالي اليمعه والله زمن !!
ساره استحت من نفسها : اسفه عمي ادري اني مقصره بحقك وغلطانه بس انشالله كل اسبوع بتلقاني باليمعه عشانك مو عشانهم
عمها : عفيه على بنتي ..
ساره ابتسمت
عمها : يلا حبيبتي انا بروح وراي اشغال بس ما اوصيج اليوم بشوفج
ساره : من عيوني يانظرها
عمها : نصاابه
ساره : ههههههههه لا هذا الصج انت تدري انك غالي عليي
عمها : نعم نعم يلا مع السلامه واذا احتجتي شي دقي علي بلغيني
ساره : انشالله .. بحفظ الرحمن
عمها سده واهي ابتسمت و قامت تسبحت وبدلت ودقت على حسين
حسين : هلااا والله
ساره : هلا فييك
حسين : طبعا بتروحين تهيتين مع زيون
ساره : هههههههههههههههههه لا بمر بيت يدي بقعد ساعتين وبعدها امر زيون ونروح نتعشى ونرد عادي ؟
حسين : الحين 7 متى بتردين اذا بتسوين كل هذا ؟
ساره : شنو يعني اطلع من بيت يدي 9 وشي واروح امر زيون ونتعشى عالبحر ونرد !!
حسين : اوكي ديربالج
ساره :وانت بعد . تامرني على شي ؟؟
حسين : لا سلامتج يلا روحي عشان ماتطولين
ساره : اوكي باي
حسين : باي
ساره سدته وراحت غرفه امها لقتها مبدله
ام ساره : طبعا بتهيتين ويايه تعطيني خبر !
ساره : هههههههه شفيكم عليي اليوم ! لا بروح بيت يدي اول وبعدها بمر زيون
ام ساره : الله هاديج اليوم !! زين عيل اخذيني معاج وبالرده ارد مع ابوج
ساره : اوكي يلا انا ناطرتج تحت
ام ساره : نازله وراج
ساره نزلت خذت لها بيبسي وكاكاو وركبت السياره قعدت تاكلهم على ما تيي امها
---------------------------------------------
بيـــت يــد ســـاره
ساره دخلت والكل استغرب انها يايه بس اهي طوفت وسلمت عليهم كلهم واخر شي سلمت على عمها ولمته وقعدت يمه
عمها : زييين ييتي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك