رواية انت ماتدري انك صرت لي نبض ودم -4
شوق منسدحه ناطره زياد يدق عليها
شوق مبتسمه وتفكر " موافقتي عليه عشان امي اللي بس تحن وكلامها انها حابه تشوفني عروسه! خلاني اوافق والحين صرت حرم الانسان الحنون اللي كنت بحظنه اليوم ! الله يا دنياا !! اللي خذيته بموافقتي راح والله يرحمه واللي اختاره قلبي صار نصيب غيري والحين اللي عشان امي صار حنون وفهمني من اول يوم ؟ الله يوفقنا يارب ..!!
قبل اسبوعين ..
ام شوق : حبيبتي انتي كبرتي وانا يحقلي اشوف بنتي العوده مستقره بحياتها ومرتاحه وانا وابوج ما راح ندوم لج
شوق : لكم طوله العمر
ام شوق : حتى لو ! محد ضامن عمره و اهو خوش واحد و انا بكون متطمنه عليج وانتي معاه صدقيني ما راح تندمين زياد ماكو مثله
شوق ابتسمت : خلاص يمه انا موافقه
ام شوق : بقناعه ؟
شوق : ايي
ام شوق تشققت وقامت سلمت عليها : مبرووك يابنيتي الله يهنيج
شوق : يبارك فيج
-------------------------------------------
شهد " حسين باجر بيي شلون بشوفه ؟ شلون بكمل حياتي معاه ؟ شلون وشلون وشلون !
شهد " ايي احبه والله حبيته بس اهو قلبه مو ليييييييييييييييييييي !!!!!!!!!!!
يوم ملجه حسين و شهد
شهد بالسياره مع اختها
شهد : وصليني المستشفى بحط الورد على مكتبه وايي
اختها : انتي غبيه بالله شافج ؟ مو حلوه يشوفج قبل الملجه
شهد : خوو ما يعرف شكلي يلا بسرعه
اختها : اوكي و وصلتها المستشفى
شهد نزلت واهي تغطي ويها عدل لأنها متمكيجه دخلت مكتبه حطت الباقه وطلعت و اهي راده شافت حسين
حسين شايل شوق ..
حسين : شوق قومي لاا تخليني !!!
شهد دمعت عيونها : لعيونها كسرني ؟ عشانها مايبيني ؟ بس انا مافيني شي لو يحبها ليش ما تزوجها ؟ وطلعت من المستشفى واهي تحاول ما تبين انها متضايقه ..
-----------------------------------------------------
زياد واهو منسدح : خلصت ؟ اممم خل ادق واشوف ودق عليها
شوق من ثاني رنه ردت : الو
زياد عض شفايفه : شلونها
شوق ابتسمت : تسلم عليك انت شخبارك
زياد : بخير الله يسلمج
شوق سكتت واهي مبتسمه
زياد : هممممم Babytii وين وصلت ؟
شوق : اول شي انا مو بيبي وبعدين موجوده ما وصلت مكان
زياد : فديييييييتها يا ناس طع شلون تتحجى وتقولي مو بيبي
شوق : انت الشايب انا مو بيبي
زياد : امبله بيبي
شوق :زياااد
زياد : عيونه
شوق : زياد !!
زياد:روحه
شوق : زياد خلاص
زياد : كيانه وعمره وحياته كلها امريني
شوق استحت : مايامر عليك عدو بس خف عليي استحي
زياد يفكر : لو انتي الحين يمي جان عضيتج على هالحجي
شوق : زياد ما راح تخف من كلامك ؟
زياد بعناد : لا وشبتسوين ؟
شوق تستعبط : ما راح اعطيك الحلاو اللي ماما يابته لي
زياد : ههههههههههههههه فديتهاااااا والله فديتهاا شوقيييي باخذج الحين مو اله عرس
شوق : لا والله !!
زياد : ايي والله
شوق ابتسمت : زيااد مابقى شي اصبر
زياد : من اول يوم مو قادر اصبر الله يعينااا
شوق : هههههه محد قالك
زياد : وينج من زمان انتي
شوق : موجوده !
زياد : اخـــيييه اخورها الحين لا تتدلعين
شوق : مو قاعده اتدلع بس دايخه فصوتي يطلع جذي
زياد : انومج ؟
شوق مثل اليهال : ايي ايي وعدلت سدحتها
زياد : تبين ادبخج ولا اقولج قصه
شوق : الاثنين
زياد : هههههههه تعالي عندي ومن عيوني
شوق : زيااد لا تخليني اسويها ترا كاهو بيتكم مو من بعده
زياد يفكر : جنها دخلت راسي .. منو موجود بالبيت
شوق تصرقعت : لا زياد مو من صجك
زياد : لا من صجي ومن اول يوم مو قادر اخليج بييلج الحين
شوق : اي شي !!!
زياد : ايي
شوق استحت حييـــل !!
زياد واهو يلبس تيشيرته : هممم
شوق : زيااد
زياد : عيوني
شوق :بتيي من صجك ؟
زياد : ايي نطريني
شوق : اوكي :$
البـــــارت الــســــادس عـــشـــــر ...
شوق :بتيي من صجك ؟
زياد : ايي نطريني
شوق : اوكي :$
زياد : شووقي
شوق : هلا
زياد : اذا ييت وطردتيني اذبحج
شوق عضت شفايفها واهي مستحيه لأنه كان هذا تفكيرها : لا ما راح اسويها
زياد : اوكي وشغل سيارته
شوق : اوكي سده وبس توصل دق علي
زياد : لا خلج بسمع انفاسج على الاقل لين اوصل
شوق ابتسمت
زياد داس وبـ 5 دقايق وصل
بيت زياد يم بيت شوق بينهم فريجين تقريبا ..!
زياد صفط وقفل سيارته ونزل
شوق : دقيقه انزل ابطل الباب
زياد : لا ماعندنا بنات يبطلون البيبان الساعه 2 وشي
شوق : هههههههههههههه
زياد : اوريج !!
شوق خايفه شلون بيكون يمها !!
شوق " بلا عبط اليوم كنتي بحظنه خلاص طاف
زياد : شووقي شوي واصعد اوكي ؟
شوق: اوكي
زياد : مع السلامه
شوق : مع السلامه
زياد دق على بدر : سلام
بدر : وعليكم السلام هلا والله بالنسيب
زياد : اعذرني داق هالحزه
بدر : لا تموون ولا يهمك
زياد : دام امون ابي طلب صغير منك
بدر : عيوني لك
زياد : بطل لي الباب بصراحه بنام عند مرتي اشتقت لها
بدر : ههههههههههههههههههههههههه من اولها !! انشالله دقيقه
بدر سده بويها ونزل بطل له الباب
زياد سلم عليه : نردها لك انشالله
بدر ابتسم : شدعوه !! تعال اوصلك
بدر صكر الباب وصعد مع زياد و وصله غرفه شوق
شوق واقفه عند الكبت " امبييه شلبس بجاامتي تفشل خل اغيرها
وسحبت بجامه مستره بس بالوقت اللي دخل زياد
شوق تنحت
زياد ابتسم قفل الباب وراح لها
شوق ابتسمت واهي تشوفه يايلها
زياد لمها : قلتلج اسويها وبعديين لا تغيرين بجامتج شكلج جذي احلى و بعناد .. بيبيه بعد
شوق : انا مو بيبي !!
زياد : فديتها شالها وسدحها على فراشها وانسدح يمها وحط راسها على صدره واهو ماسكها من خصرها
شوق مغمضه عيونها
زياد : خليني اسولف واشبع منج وبعدها انومج
شوق ابتسمت : اسمعك
زياد قعد يمسح على شعرها ويسولف لها عنه واهو بس تضحك او تبتسم كانت مرتاحه بكل معنى الكلمه ..
زياد : شوقي
شوق : هلا
زياد : الله يقدرني واسعدج .. انتي تستاهلين كل الخير وانا من اول يوم عرفتج عدل وانشالله بحطج عيوني وما راح افرط فيج ! ما راح اضايقج ولا بنزل دموعج لأنج ملكتيني من اول لحظه وانا مرتاح معاج وايد ادري غريبه انه ما اعرفج الا من جم ساعه بس انا صج حبيتج !! ومتأكد انه مع الايام راح اعشقج بعد وقرص خشمها
شوق : آآي عورتني
زياد : baaabytiii !!
شوق : مو baby !
زياد : امبله وباس عيونها
شوق واهي دايخه حدها : زيااااد
زياد: هممم ياعيونه
شوق : نومنيييييي
زياد : شرط
شوق : امرني
زياد مد شفايفه : بوسه
شوق : لااااا
زياد : كيفج ما راح اخليج تنامين بدون لا تبوسيني
شوق : زيااد عشااني
زياد : تؤتؤتؤ
شوق : اوكي وخذت نفس وعلى طول باسته وردت راسها على صدره
زياد يعفس شعرها : حلاتها يلا غمضي عيونج عشان انومج
شوق : اوكي وغمضت عيونها
زياد قعد يقولها قصه ونامت بسرعه وقعد يخزها واهو مبتسم
البـــــارت الـــســـابـــع عـــشـــــر ...
لــــي كتـمـــــت مــــن همـــك بكــــيــــــنا ..!!!
شهد بدارها " جذي اكون خلصت طلعت لسانها وضحكت على خبالها تعطرت ونزلت الصاله تنطر حســـــــــــــــــيــــــــن ..
بالصـاله
شهد اول ما نزلت لقت امها وابوها واختها واخوانها سلمت وقعدت والكل مستانس لوناستها ..
ومع السوالف وبعد 10 دقايق رن تلفون شهد ابتسمت
شهد : عن اذنكم وردت الو
حسين : قوه
شهد طلعت من الصاله : اهلين
حسين : شلونج
شهد: الحمدلله وانت
حسين : الحمدلله بخير .. انا برا طرشي وحده من الخدم برا
شهد : انشالله ..
حسين : مع السلامه
شهد : مع السلامه
شهد سدته " لا بطلع له انا وطلعت واهي مبتسمه وطايره من الوناسه
حسين اول ما شاف الباب تبطل وطلعت شق الابتسامه واهو يحك راسه من التوتر
شهد : السلام
حسين : وعليكم السلام
شهد وقفت يمه : شنو اشيل
حسين : لا تعبين عمرج انا اشيل
شهد : لا والله انت كنت تبي مساعده وانا ييت
حسين : بس انا مابيج تعبين عمرج
شهد قعدت تفكر بس بالغلط قالت بصوت عالي : شدعوه مهتم
حسين انصدم : شهد ؟
شهد : ها ولا شي لاا بالغلط
حسين مسك ايدها : شهد شفيج ليش هالحجي
شهد لفت و كانت بتدخل : بطرشلك الخدامه انا داشه
حسين لفها : شهد شقصدج بهالحجي
شهد صرخت : مو قصدي شي و لفت بسرعه
و مع صرخه حسين باسمها شهد صرخت باعلى صوتها واهي تشوف شريط حياتها يمر والموت قريب !!!!!!!!!!!!!!!!!!!!!
السياره دعمتها ومشت وحسين قعد عالارض واهو ماسك شهد : شهد قوومي شهد ودق على الاسعاف بسرعه وقعد يصرخ
شهد واهي مبطله عيونها عالخفيف والدم تارسها من كل صوب وتتكلم بالغصب : لي رحت اذكرني بالخير انا حبيتك والله بس انته قلبك حق شوق مو لي! شفتك يوم ملجتنا .. انا مرتاحه لانك اخر شخص شفته قطت عمرها بحظنه احبك حسين وراح صوتها انقطع نفسها ..
حسين شالها وبالسياره وداس على اقرب مستشفى
حسين : شهد قوومي يالخبله قومي مو وقت عبط قوومي قومي !!! لاتروحين قومي !!!!!
------------------------------------------
زياد قام وما شافها يمه استغرب بس على طول راح حمامها غسل وطلع دق عليها
شوق دخلت ومعاها عصير : صباح الخير تفضل العصير قبل الغدا
زياد ابتسم : يا حلاه اليوم اذا مصبح فيه عليج وباسها وخذا العصير منها وقعدو على القنفه وبعدها سألها عن الجبله وصلى ولما خلص نزلو تحت حق الغدا و اهو متفشل لأنه من اول يوم نايم عندها واهي لا تقل عنه باحراجها بس اللي ريحهم
بو شوق : لا تحااتي كلناا مرينا بهالحاله
زياد : هههه فاهمني عمي
و مر الوضع عادي ..
--------------------------------
بالمستشفى حسين دخلها الطوارئ وكان بيدخل معاهم
حسين : انا دكتور !!!ماله داعي اقعد برا
خالد : بس انت خايف وايدك ترجف ما راح تساعدها خلك برا !!!
حسين : خلود جب بدخل يعني بدخل
خالد طق جتفه : اكل تبن واقعد اهني ودزه عشان يقعد عالكرسي ودخل مع باجي الدكاتره اللي حايسين فيها
كافي انهم عارفين انها من معاااارف الدكتور حسين !!
في : بنااات تحت مرت حسين الدكااتره حايسين فييها
سناء : اي شي ؟
في : والله
سميره : انا نازله وراحو كلهم يشوفوونهم
في : حسين
حسين لف ويها عليهم : دكتوره سميره دشي طمنيني مو راضين يدخلوني وبصراخ اي قانون يمنع انه دكتور يجابل حاله مرته
سناء : حسين بلا صراخ هد عمرك واقعد لا تحاتي مافيها الا العافيه والحين سميره بتطمنك واشرت حق سميره اللي دخلت على طول واهو قعد وفي راحت تييبله ماي
في : تفضل اشرب وهد عمرك
حسين خذا منها وقعد يشربه واهو يستغفر ربه ..
سناء تطالع في و في نفس الحاله !! اثنينهم خايفين عليه ...
سميره طلعت وحسين قام وبعيونه الف سؤال
سميره :
الــبـــــارت الـــثـــامـــن عـــشــــر و الاخــيـــــر ..
( الــفـــصـــل الاولـــ )
سميره طلعت وحسين قام وبعيونه الف سؤال
سميره : اطلب لها الرحمه ونزلت عيونها واهي خايفه من رده فعله
حسين : الله يرحمج وطاح عالكرسي وسند ايده على ركبه وراسه بينهم وقعد يتمالك نفسه وبعدها بـ 5 دقايق طلع من المستشفى و عالبحر على طول
عالبحر..
حسين قاعد عالرمل ومجابل البحر والمكان فاضي اختاره عشان يطلع اللي فيه بجى من قلب
حسين " ابجي على شنو ولا شنو ؟ انا مثل الياهل اللي فقد كل العابه !! مو قادر اتحمل اكثر انا تعبت روحي بتطلع انا ابي ساروه دق عليها
ساره : هلااا باللي راح عند الحبيبه ونسانا
حسين نزلت دمعته وساره حست انه فيه شي
ساره : صاير شي ؟
حسين : شهد توووفت !!!!!
ساره صرخت : شنووو
حسين : توفت كانت طالعه تساعدني واندعمت
ساره بجت : الله يرحمها .. شلون اهلها
حسين : مادري ما اتوقع احد بلغهم انا بروحلهم سده وراح بيت شهد اللي كانو بحاله صعبه مايدرون وين بنتهم اللي اختفت فجأه !!
حسين دخل والكل لف عليه
ام شهد راحت له واهي تبجي : بنتي مادري وينها اختفت فجأه ندق وجهازها مغلق
حسين نزل راسه ونزلت دمعته وام شهد مسحتها له : شفيك ياوليدي شصاير
حسين ما رفع راسه ليلحين : شهد عطتج عمرها
ام شهد شهقت : لاااااا بنتي !!! لا يمه بنتي كانت اهني ما راحت اهي موجوده بترد الحين لا تتغشمر اهي بتيي انا ادري
حسين مسكها وقعدها واهو يهديها والباجي يبجون !!!!!!!!!!!
بوشهد يمسح دمعته بطرف دشداشته : الله يرحمج الله يرحمج
مرت ايام العزا .. الاسود طاغي عليهم
بعد وفاتها بـأسبوع ..
حسين بدار ساره
ساره تمسح على راسه واهي تبجي معاه
حسين : ساره انا ماتهنيت بعمري ماتهنيت كلش !! وما كنت اقول الا الحمدلله !!! بس الحين مو قادر اتحمل الوضع اكبر من طاقتي .. ساره انا عانيت من صغري بمرضي وعلاجي برا ولما رديت الكل يعايرني ليش شعري كان دايما يطيح وما يطلع !! وبعد ما شفيت امي قل اهتمامها فيني ما قامت تهتم مثل اول وجني بعد ما صرت زين ما اهمها وماعشت طفوله حلوه مثل الباجي وبمراهقتي ماطلعت واستانست مع ربعي مثل باجي الصبيان كنت دايما بالبيت ادرس تنازلت عن ابسط حقوقي بس عشان ارضيهم واهم ما حققولي شي من اللي كنت ابيه !! بالمدرسه كنت منبوذ بين الطلبه ما اذكر اني رافجت احد كنت بالنسبه لهم مثل السم اللي لازم ما يقربون منه !! تخرجت ودخلت الكليه وحتى السياره خذوها بكيفهم ! صح حلوه بس مو مثل ما كنت ابيها الصبي دايما يكشخ بالسياره لأنها من اختياره واهله اهدوه ياه بس انا ابوي كل اللي قاله لي هذي بس عشان ما تاذي احد بالروحه والرده ! يعني مو لله ..
حسين : ماقدرت اكمل اهني كورس واحد وسافرت برا ورحبو بالسالفه لأنهم ما يبوني وانا هناك ما اذكر انهم دقو علي كنت دايما انا اللي ادق واسأل عليهم واهم بسرعه يسدونه ولما رديت بالشهاده الكل افتخر فيني حياتي هناك خلتني انسان ناجح واثق من نفسه ومسؤول عن روحه وحياتي هذيج خلتني اكون صابر على كل شي بس كل شي وله حده !! انا لي اهني حدي ما اقدر اتحمل اكثر .. ساره انا عشقت ترابها بس اللي صار خطبولي غيرها والحين اهي لغيري وانا ما اقول الا الله يوفقها و شهد الله يرحمها وخذا نفس الانسانه الحنونه الانسانه الناعمه اللي زرعت الامل فيني مره ثانيه من دون ماتدري ... اللي حببتني بالحياه ورجعت لي النور كنت متاكد انه راحتي بتكون معاها بس شكلي كنت غلطان لأنه انا ما يحقلي اتهنى !! استغفر الله .. هذا المكتوب ومالنا اي حق بهالحجي بس والله احتاجها يمي الحين !! كنت ابي اكون معاها ونعوض ايامنا اللي طافت كلها كنت ابي اشكيلها وابجي بحظنها مثل الياهل كنت ابي احس بلمسه ايدينها ودفاها وحنانها كنت ابي اعيش كل شي معاها !! ساره انا وخذا نفس قوي ولف ويها الجهة الثانيه وقعد يمسح دموعه اللي مو راضيه توقف
حسين رد لف ويها عليه : ساره قولي حق شوق اني ابي راحتها والله يوفقها قوليلها تحاول تحبه لأنه زياد حنون ويستاهل كل الخير انا اعرفه خوش واحد والله .. قوليلها اني بروح قريب وما راح ارجع .. قولي حق امي وابوي اني مسامحهم على كل الجروح اللي اهدوني ياها .. قولي حق سجى تحافظ على روحها وتصون نفسها وما ترخصها خليها تكون واثقه من نفسها اكثر واخر شي قولي حق خلود يتزوجها وما يخذلها واني احبه اكثر من روحي و والله لو طلب روحي ما تغلى عليه !! خوويلد روحي اللي لي بعد اكون ميت !! انا وياه نكمل بعض قوليله لي رحت لا يزعل ولا يتضايق وقوليله لا يكتم بقلبه وخل ياخذها بسرعه عشان لا تروح منه .. انا مو قاادر اكمل هالطريج !! لاتنسين كلامي ضروري !!
مسح دموعه وقام طلع من غرفتها راح الحمام غسل ويها ونزل .. كمل طريجه
بعد اسبوع ..
بــبـــيت بو خالــد
ملجــه خـــالـــد & فـــــي ...
حسين : مبروك معرسنا مبرووك
خالد ابتسم : يبارك فيك
*** خالد يحب في من زمان وخطبها و وافقو وصار كل شي بسرعه وملجه محفوفه بينهم ***
من باجر الصبح
حسين قام من نومه واهو مسخن ابتسم وخذا اقرب ورقه وكتب عليها واهو سايح من التعب
حسين " ساره لا تنسين كلامي .. خالد احبك يا اغلى من نفسي علي !! الحمدلله بروح وانا متطمن عليك انك عند وحده امينه وتموت عليك
سجى ديربالج على روحج .. يمه يالغاليه مشكوره على كل شي ! انتي وابوي ماقصرتو
حط الورقه عالكومدينو يمه ورد نام
الساعه 2:30
ساره دخلت : حسووووون قوم يلا غداا ميته يوع وانت ليلحين خامد
ساره بطلت الستاير والشمس دخلت عدل وقعدت تناقز على فراشه ولا تعليق ساره خافت وبعدها لاحظت الورقه ومن اللقافه قرتها وتصرقعت وخافت من الشعور اللي يالها وهزته شوي شوي ومسكت ايده اللي كانت ثقيله وطاحت
سااره : لااااااااااااااااااااااااااا وكسرت الابجوره لمته وطقت صدره اكثر من مره واهي تبجي وتشم ريحه تيشيرته
بعدها دخلو اهلهم وشافوها وتصرقعو الكل انصدم طلب له الرحمه وبجى من قلب
خالد كان يكلم في وبس سمع اصوات بجي راح غرفه حسين وشافهم شاف اخوه وروحه بويها الابيض راح صوبه وجاس ايده البارده وطاح على ركبه ونزل راسه على ايده ونزلت دموعه حالته النفسيه صارت زفت خذا اقرب تيشيرت من كبت حسين وراح داره ركض
خالد قفل باب داره صكر الليتات وقعد بالزاويه يشم تيشيرته ويبجي
خالد " رحت وتخليت عني رحت وخليتني بدنيا وصخه مافيها احد يحس بالثاني كنت مستعيل على موضوع زواجي لأنك حاس !! رحت يا اخوي رحت وييينك بس ؟؟؟ ارجعلي ولا تعال اخذني معاااك
الـــبـــــارت الـــثــــامــــن عــــشــــــر و الاخـــيــــر
( الفـــصــــل الثــــانـــي )
بـــعد 4 اشهر ..
خالد ليلحين منعزل بغرفته وما ياكل الا لقمتين وبالغصب ما يشوف احد غير في اللي تدخل يلمها ويبجي يقولها رديه لي واهي تبجي معاه ..تحبه ومو قادره تتخلى عنه واهو حاس معاها بالامان ودايما يردد لها لا تروحين مثل ما راح لا تتخلين عني مثله!!
ساره وصلت الكلام مثل ما قالها بالضبط شوق ابتسمت ابتسامه حزينه هذا كان ردها لا اكثر.. سجى بجت شلون خايف عليها واهو بآخر لحظات بحياته .. امه وابوه ندمو على كل اللي سووه وانهم ما اهدوه يوم حلو !! بس حاله ساره عاديه بس مو مثل اول !! ماتضحك وتسولف مثل قبل تداوم الجامعه وترد البيت تعزل نفسها بغرفتها
البيت ساد الظلام فيه !! نوره غاب ! الحزن دخله وما طلع
البجي صار الشي الوحيد اللي يسوونه يوميا !!
حسين رااح وراحت رووووح نااس معاااه !!!
--------------------------------------------
خالد واهو لام في : اهني اعترف لي بحبه لها .. اهني قرر انه يتزوج واهني تهاوشنا وبهذيج الزاويه تطاققنا وطلعنا دمان بعض !! على هالفراش تربعنا وتحدينا دامه وعلى هالفراش لمينا بعض وشكينا لبعض!! هالغرفه لمتنا بفرحنا وضيقنا لمت شتاتنا اللي حسينا فيه !! هنااك عالارض لعبنا سوني و يطقني بالمخده لي قولت و على نفس المكان قلتله عنج ونصحني وسمعني .. في قوليله يرجع او ياخذني معاه !! انا وياه روح وحده ما نفترق !
في تبجي وتمسح على راسه وتقرا عليه
-----------------------------------------------
ساره تكتب بمذكراتها واهي تبتسم رغم دموعها اللي ترست ويها ..
قعدت تتذكر ايامها معاه وتذكر يوم يه دارها وقعد يشكيلها و يوصيها بالكلام اللي لازم تقوله وقعدت تتلفت بغرفتها المكان كله يذكرها فيه !! ردت حق البجي اللي كان ملازمها طول هالفتره ..
------------------------------------------
في لامه خالد : خالد حبيبي انا ما راح اتخلى عنك انا ما سويت هالشي طول هالفتره عشان اسويه الحين خالد انا احبك والله احبك ادري اني ما اعترفتلك من قبل بس كنت حابه اقولها وانت حلالي .. خالد انا اعشقك واعشق تفاصيلك و شوفتي لك بهالحاله تقطع قلبي مليون مره وبكل دمعه من عيونك ينغرس سجين بقلبي .. خالد حس فيني واطلع من هالحاله .. كلنا متضايقين لوفاته بس الله يرحمه هذا يومه وانت مؤمن بالقضاء والقدر وهذا المكتوب وانت اللي قاعد تسويه كله مايفيدك .. خالد تاكد انه هالشي مكتوب من قبل ما ينولد شلون انت تبي تغيره !! كل واحد و يومه .. اذا انت الريال القوي بينهم وجذي شخليت حق الباجي ؟ خالد انت لازم تطلع من هالحاله وترد مثل الاول ووتكتم الم فرقاه وتدعيله !! و ترد تلم هالعايله اللي تشتت وكل واحد فيهم صار بصوب .. وين يمعاتكم ؟؟ اهو راح واحنا اللي علينا نذكره بالخير وندعيله دموعكم هذي لا بترده ولا بتريحكم !! اللي يقول البجي فيه راحه جذاب !!! البجي مو كل مره يريح !! كاا احنا كلناا بجينا بهالـ 4 اشهر ؟؟ ارتحنا ؟ ردلنا حسين ؟ و لا خفت مواجعنا ؟ خالد لا نقص على عمرنا اكثر .. الحياه بتمشي غصبا علينا وما راح توقف !! ولو طحنا لازم نرد نوقف ونكمل الطريج .. لا تنكسر وخلك مثل الاول .. حسين الله يرحمه غالي اكيد وانت غالي عليه وما يرضى انه يشوفك بهالحاله و وصيته انك ما تتضايق نسيت ؟؟
خالد ابتسم : نطريني
في : اوكي
خالد دخل الحمام حلق لحيته وشعره تسبح وطلع في شافته بالفوطه استحت وغطت ويها واهو على طول ضحك عليها وقعد يبدل بعدها قومها
خالد : هذي القومه اللي تتحجين عنها .. انشالله بنرجع مثل الاول
في : انشالله
خالد فرش سيادته وقعد يصلي ركعتين
وفي بطلت الدرايش ونزلت تييب بخور
اول ما سلم خالد شاف في تبخر داره واهو مبتسمه : تقبل الله
خالد : منه ومنج
في خلت البخور وطلعو برا
خالد : راح نمر عليهم كلهم
في : انشالله
وصار مثل مايبون
الكل قرر انه يرجعون مثل الاول ويدعوله احسن من هذا كله .. خالد نزل تحت و وصى الخدامه انه تزهب الغدا وقعد بالصاله مع في على ماينزلون الباجي
خالد سحبها بحظنه : خليني اتهنى فيج
في : ههههههههههه وطول هالـ 4 اشهر ماكنت بحظني ؟
خالد : وجودج بحظني غير عن وجودي بحظنج وبعدين طول الفتره اللي طافت مافكرت اني بحظنج او اي شي كل تفكيري بحسين و انج ما تتخلين عني والحين الحمدلله برجع مثل الاول وبتهنى فييج على راحتي
في ضحكت وبقلبها" الله يخليك لي وعسى الضيقه تبعد عنك
الـــبـــــارت الــثــــامــــن عـــشــــر و الاخـــيــــر ..
خالد سحبها بحظنه : خليني اتهنى فيج
في : ههههههههههه وطول هالـ 4 اشهر ماكنت بحظني ؟
خالد : وجودج بحظني غير عن وجودي بحظنج وبعدين طول الفتره اللي طافت مافكرت اني بحظنج او اي شي كل تفكيري بحسين و انج ما تتخلين عني والحين الحمدلله برجع مثل الاول وبتهنى فييج على راحتي
في ضحكت وبقلبها" الله يخليك لي وعسى الضيقه تبعد عنك
ساره نزلت مع سجى شافوهم وضحكو
خالد : نعم خير شكو الضحك واحد ومرته غضو النظر
سجى قعدت : محد يغض النظر كلنا بنشوف محد قالك بسط معاها بالصاله جذي
ساره بعبط : انزين ماكو شي اكبر من جذي
خالد حذفها بمخده : استحي على ويهج اخوج وتقوليلي جذي !!
ساره : ههههههههههههههههههههه امون ادري
نزلو ام حسين وابوه و ام خالد وبوخالد شافوهم واستانسو وكملو القعده ضحك و وناسه و ردت الحياه مره ثانيه ..
--------------------------------------------------
زياد و شوق عالبحر يتمشون واهو ماسك اييدها
زياد : هالفتره متغيره ما تتكلمين وايد و احسج متضايقه .. قوليلي شصاير
شوق " انتي بذمه ريال وتفكيرج فيه حرام !! : لا حبيبي وباسته مافيني شي صدقني
زياد بس باسته تنح : اقول مشينا البيت
شوق : هههههههههههههههههههه لا والله
زياد : مو مصدق عرسنا بعد اسبوع
شوق : وانا مو مصدقه بعد .. والاهم اسبوع ما اكلمك
زياد : ايي خير نشوف
شوق : ما راح ارد عليك
زياد رفع حواجبه : مثل ما ييت اول يوم عندج اقدر انام معاج بأخر يوم بغرفتج
شوق ابتسمت واهي مستحيه
----------------------------------------------
قبل العرس بيوم
شوق بدارها تفكر واهي مغمضه عيونها وداخله بتفكير عمييق !!
شوق " لو بوقف عند كل نقطه حياتي وبشرح وبقول كل اللي صار فيها وطلعت اللي فيني يمكن حزتها اكون مرتاحه .. انا مو خايفه مثل اي عروس !! انا خايفه شلون ببدي حياتي معاه واهو مايدري عن شي .. لازم يدري عن كل شي ودقت عليه
شوق : الو
زياد تشقق : هلا والله
شوق : زياد تقدر تييلي الحين ؟
زياد : صاير شي ؟
شوق : لا بس بشوفك ضروري
زياد بعبط : بس شرط انام عندج
شوق : ومنو قال اني بخليك تطلع من عندي ؟
زياد : هههههه خلاص ياي 10 دقايق بس
شوق : اوكي حبيبي ناطرتك
زياد : تامريني على شي
شوق : سلامتك ولا تدوس وبحفظ الرحمن
زياد : يسلمج .. مع السلامه
شوق : مع السلامه
---------------------------------------
اول ما وصل زياد شوق لمته : لا تتخلى عني وافهمني واسمعني قبل كل شي
زياد ابتسم وقعد وخلاها بحظنه : حبيبتي شفيج اسمعج انا حطي راسج على صدري وقولي كل اللي بقلبج وانا بتفهم كلامج كله اكيد
شوق خذت نفس وسوت مثل ما يقولها
شـــوق : من البدايه انا من مراهقتي كنت اسمع الكل لأنه هذا طبعي وعشان جذي دخلت علم نفس .. روحي متعلقه بهالشغله بس عمري ماكنت الجانب اللي يتكلم ! المهم .. انا ما كلمت بمراهقتي او انحرفت ومشيت بهالطريج لا الحمدلله كنت صاينه نفسي وبعدها تزوجت سلمان وكنت مرتاحه معاه زواجنا كان تقليدي ما حبيته بس كنت احترمه ومرتاحه معاه بس الموت خذاه والله يرحمه .. بعدها
زياد خاف شوي بس ضغط على ايدها عشان تكمل
شــوق : بعدها اشتغل عندنا دكتور حسين وكنا نكره بعض تقريبا اهو مغرور وانا معاه نفسيه ! بعدها اعترف لي انه يحبني ويبي يتزوجني بس انا رفضت وبعد فتره قرر يتزوج عشان اهله وانا ما اكتشف اني وغمضت عيونها ونزلت دموعها اني اباادله الشعور الا بيوم الملجه وطحت بيومها ويالي الانهيار وبيوم الملجه كان واقف معاي بس خليته يروح ويكمل حياته بس بينتله مشاعري بس افترقنا واحنا ما اجتمعنا بالاساس .. وبعدها الله يابك لي وانا الحمدلله مرتاحه معاك واحس اني معاك انسانه ثانيه محد يعرفها حتى انا ما اعرف نفسي !! اليوم قررت اني اعترفلك بهذيل وعن الاشخاص اللي مرو بحياتي عشان لا تنصدم لي صار شي .. وعشان نبدي بكل صراحه .. انا ادري اني غلطت لأني ما قلتلك مبجر بس مادري كنت خايفه انك تخليني مثلهم
زياد باس يبهتها : شوق انا كنت متوقع انه لج ماضي .. كل واحد وله ماضيه مافي واحد ما سوى شي بدنيته .. بس تأكدي انا مسامحج لأنه هذا ماضي والمهم انج الحين انتي معاي ولي ومو لغيري!! ولأنج اعترفتي هالشي كبرج بعيني ما صغرج !!
شوق بجت .. زياد مسح دموعها وغــنــى لــها :
الله الله الله
الله لا يخليني منك
لا خلا ولا عدم
انت ما تدري بإنك
صرت لي نبض و دم
لو خلا الكون وانهدم
الله لا يخليني منك
لا بدالك لا سواك
يا بدر فوق النجوم
جنتي والله هواك
يا عسى حبك يدوم
أدعي ربي كل يوم
الله لا يخليني منك
إنت بلسم هالجروح
لو تلامس قلبي عله
لو أجي أحكي وابوح
ما كفاني العمر كله
أنا ما أقول شي إلا
الله لا يخليني منك
اللـــه لا يخـــلـــيــنـــي منــــك ..
** تــــمـــــــــــــت **
تجميع
شموووخهـ
اللهم لك الحمد حتى ترضى وإذا رضيت وبعد الرضى ,,, اضف تعليقك