رواية لطفاً ورفقاً بي يازماني -10

رواية لطفاً ورفقاً بي يازماني -10

سعود بس الحمدلله كانت حرمه .. بالأصح ممرضه .. تنهدت براحه وكملت طريقي وأنا أشوف سعود سابقني بخطوات كبيرة .. اسرعت بخطواتي حتى أكون قريبه منه .. هيييه لاتفهمون غلط بس ابدخل أنا أول .. بشوف علي أول .. سموه اللي تبون بس أنا أول .. سموه غيرة شوق اللي تبون .. كيفكم .. فرحت لما شفت احد دق ع سعود ووقف يكلم هع من كلامه مبين انه واحد من الربع .. تعديته وفتحت غرفة علاوي بس الصدمه ان مافيه أحد نزلت الاب وقربت لسرير أكذب عيوني بس مافيه أحد .. طلعت بسرعه لسعود وقلت : مو فيه مو فيه

ناظرلي وقال : شنو

قلت بتوتر : علي مو بالغرفه الغرفه فاضية ..

رحت للي تمسح الأرضية وأنا اسمعه يسكر من صديقه .. قلت لها : وين دكتور محمود سعيد

قالت : في غرفه هق هوا

قلت : طيب وينها ..؟

قالت : هدا هي هدا فيه لون زهبي هدا هي

اسرعت للغرفة اللي اشرت عليها كانت بأخر الممر والذهبي قصدها أسمه طقيت الباب طقتين بعدها فتحت شكلي قومته من نومته .. بس هذا مو الدكتور ..

قلت : أخوي وين الدكتور محمود

قال : بغرفه العمليات تبين حاية

قلت : علي وش صار فيه اخوي علي مالقيته بالغرفه

قال : اوه انتي اخته علي لا تحاتين بس بيكشفون ع علي وبس هاذي السالفه

طاح قلبي وشفية عسى ماشر ..

قلت بخوف : لي

سعود : هاه شو صار ..؟

ماالتفت عليه .. وقلت : كيف ما أخذتوا راينا ..؟

قال : الولد كان بيودع هالدنيا فما قدرنا نتصل لج ..

انتفض جسمي بعد كلمة يودع هالدنيا

يودع هالدنيا

يودع هالدنيا

سمعت سعود يستفسر بس أنا طلعت وجلست ع الكراسي .. وش صار له فجأه ..؟ كان بخير وش صار عشان يدخلونه العمليات ..! انفتح جرح ولا ايش السالفه ..؟

شفت سعود يقرب .. وقفت وأنا

أحاول أمسك نفسي .. وقلت بهدوء : شو فيه ..؟

قال : لاتحاتين مافيه الا العافية

سكتت مايبي يتكلم لايتكلم أحسن اصلآ أنا ما أبي اعرف اخاف لا أطيح اذا دريت .. حقدت ع المستشفيات كلها وكرهتها .. ما أنكر اني كنت استغرب لما البنات يقولن اكره المستشفيات واكره الابر .. ايه كنت اكره الابر .. كنت فعل ماضي .. بس بعد ماضربني أبوي صار هو غذائي لاتعبت فصارت عندي الابر ايزي عادي .. بس آخ آخ بس اللحين كرهت المستشفيات وكل مافيها مع انها بيتي الثاني وأمي الثانية تعالجني

وتطلعني سالمه بس القهر انها صارت تأخذ اهلي مني أول ما خذت دنيا اختي اللي مالمحتها الا شوي وثاني من خذت أمي واللحين بتأخذ أخوي ..

هزيت راسي وقلت : استغفر الله العظيم استغفر الله العظيم

سمعت صوت سعود : الو أبويه

قمت بسرعه واشرت بيدي لا حط يده ع السماعه وقال : شنو

قلت بهمس : لاتخبره

قال : ليش

اوف شفيه هذا شكله وده يذبح خالي .. سمعته قال : لحظه ابويه

لما ناظرني قلت بسرعه : لاتقوله هو مريض ومابيستحمل

علي مافيه شي .. شوي ويطلع

نزلت راسي والكلمات الأخيره تدور براسي

علي مافيه شي .. شوي ويطلع

علي مافيه شي .. شوي ويطلع

ناظرت له شفته للحين يناظرني هزيت راسي أأكد كلامي وهو رجع كلم خالي وقاله : علي طيب ..

وانتهت هالمشكله .. اوف بس .. قلبي صار يعورني .. ودي اروح ادخل اشوف ايش فيه ..

شفت الدكتور خارج وهو يسولف مع الممرضه .. حسيت انه بيجي اجلي .. ماقدرت اقول اخوي وشصار عليه ..! كل اللي سويته جلست ع الكرسي وأنا قلبي ينزف .. يارب ياكريم بقي لي سند بهالدنيا يارب يارب .. شفت سعود يكلم الدكتور .. بس ماسمعت شي .. تماسكت وقمت متجهه لهم .. التفت الدكتور وقال ببتسامة : لاتحاتين

هو بخير ..

جلست اناظره بالاصح اتامله .. احس ابتسامته مزيفه مثل كلامه .. ليش الاطباء دوم باردين وكلامهم مزيف .. يمكن مو كل الاطباء .. بس بعضهم ..

انتبهت لنفسي لما شفته يبتسم بس ابتسامته غريبه .. قلت بهدوء : المعنى

قال بعد مامسح ابتسامته : مو فاهمج

قلت بهدوء : اخوي عايش

قال : هيه

قلت : ايه ايش ..! كمل .. وش سبب دخوله غرفة العمليات ..؟

قال : لانه احتاج ل

وناظر سعود .. قلت انتظره يكمل : ل .. !

قال : توقف قلبه لما كنا نعقم الجروح وحاولنا ..

ماكمل كلامه لأنه مسكني قبل لا أطيح .. جلسني ع الكرسي وقال : اختي لاتحاتين هو بخير اللحين

كرهت نفسي ع سوالي لو كنت ساكته احسن لي واللحين شستفدت غير الألم والضعف ..

تذكرت كلامي ..

/

/

حنا قوة معآ كالعاده .. ومستحيل تضعف لو طال الزمن

وقصر ..

/

/

طيب اذا راح ببقى ع هالقوة .. ابتسمت بأستخفاف اي قوة هذا انا توي طحت ومسكني رجال .. حسيت بشعر جسمي وقف .. الدكتور هو اللي مسكني .. حسيت بحرارة بجميع اطراف جسمي .. ووقفت ورحت عند باب العمليات .. أنا مدري وش فيني أحس نفسي مو دلع .. ابعدت واتجهت لأقرب دورات مياه اكرمكم الله .. فتحت وجهي وجلست اناظره بالمراية .. هذي مو دلع اللي تكره الحزن وتحوله دوم لضحك .. هذي مو دلع اللي دوم تهاوش مع شغاله وسواق على سبيل الضحك .. هذي مو دلع اللي تكرة الضعف وحتى حروف هالكلمة ماتنطقها .. ليش تغيرت .. مو هي كانت لابسه لبس ملون .. من ضحك ودمع و رجه وآه وحب وهم .. اللحين ليش صارت تلبس لون اسود ..

يصف آهات ودموع وقهر وحقد وكره .. من أنا ..! من أكون ..؟ وين لما كنت دوم متفائله وما أحب التشائم اللحين أذا استفقدت احد بدت افكاري تتحرك لطريق واحد ودوم متشائم .. شلي غيرني ..؟ دوم كنت امر بظروف اصعب من هذي ليش بس اللحين اللي بديت اضعف .. بللت اطراف اصابعي ومررتها ع عيوني اطفي النار اللي فيها .. وبعد مدة

لبست الطرحه والنقاب وطلعت .. شافني سعود وقال بعصبية :

وينج فيه روعتيني عليج

قلت بهدوء اخفي استغرابي من

عصبيته : رحت اغسل .. ها شو صار بعلي

قال : دخلوه العناية ..

التمست بصوته نوع من البرود القوي بس طنشته ..

حياتي مأسي وبتظل مأسي .. وربي غريب ..

آخ بس ع هالدنيا وربي أحس نفسي بكوابيس .. بغمضت عين توفى امي .. انقل لغربه .. اطلب الطلاق .. وأخوي بحاله مايعلم فيها الا الله ..

صبرت وصبرت .. لين الصبر مل

تعبت وبكيت .. والزمن بعده ما مل (*&*)

(( ملاحظه : الي تحمل (*&*) .. هي احد خربشاتي .. ))

نزلت القلم وسكرت الدفتر .. وقفت اناظر الساعة .. كأنهم تأخروا ..!! لبست النقاب وفتحت باب الغرفه .. الممر مليان اطباء

ومرضى وزوار .. طلعت من الغرفه وسكرت الباب .. مشيت بأتجاه العناية .. شفت خالي واقف وبجمبه سعود .. قربت وقلت بمرح : بوو .. طبيت عليكم

.. شتسون ..!

ادري الوقت والمكان مو مناسب

بس هالغيمه السوادء لين متى وهي حولنا ..

ادري كلامي متناقض يعني ساعات أقول هذا حظي وساعات أقول بغير حظي ..

رد خالي وهو مبتسم : ننتظر علي يطلع ..

هزيت راسي وقلبي يدق بقوة من الفرحه .. مو مصدقه بعد ماكان له يومين بين الحياة والموت صار بخير وه بس فديته

.. قمت من تفكيري لما شفت علي ظاهر وهو جالس ع كرسي والممرضه تدفه .. قربت بسرعه وضميته .. ضميته بقووة

وانا اتمنى ادخله داخل ضلوعي

.. تنهدت وبعدت عنه .. قلت وأنا أناظر عيونه الذبلانة : وشلونك ...؟

قال بهمس : تمام

ابتسمت وقمت وطلبت من الممرضه تبعد .. أخذته أمشي فيه لغرفته الدكتور رافض يطلع

علي اللحين .. يقول لين يتأكد ميه بالميه ان علي بخير .. كنت وأنا أمشي أحاول اوقف دقات قلبي العنيفه اللي قتلتني من قوتها .. مو حاسه ابد براحه .. حاسه بخوف وبرد وو الم .. مدري وش فيني رفعت يدي لمستوى عيوني شفتها ترجف رصيت عليها ونزلتها بسرعه وأنا أحاول أوصل علي لغرفته .. خالي وسعود ورانا .. كنت اسمع

سوالفهم عن أسماء وأنها يمكن تجي .. أسماء تكون بنت خالي مشاري واخت لوجدان وسعود ..

وصلنا لغرفة علي ودخلنا وبعد ما سدحناه ع السرير جلست بجمبه ومسكت يده .. أما هو بس يبتسم .. دقات قلبي للحين عنيفه .. ماقدرت اصبر .. ضميته بقوة .. لي ٤٨ ساعه ماشفت وجهه ولا شفت ابتسامته .. حسيت نفسي بانهار بقعد ابكي وبأعلى صوت .. بس تذكرت أنا وعدت نفسي ما ابكي .. ابعدت عنه وانا أشوفه يهمس بدون صوت : لا تخافين

هزيت راسي وأنا احاول استمد منه القوة .. قوة الصبر .. والتمسك فيه لين اخر خيط ..

ابعدت لما سمعت خالي يقول : انزين دلع ماودج تبعدين عن هالشيبه اللي واقف ينطرج

ضحكت خفيف لكن من قلب وقلت : حلالك .. هه علي كله لك

من السعاده كان ودي اصرخ بأعلى صوت بس مسكت نفسي

.. جلسوا يسولفون شوي بعدها راحوا لما خلص موعد الزياره

.. ودعتهم وسكرت الباب شفت علي مبتسم .. ابتسمت وتحولت بسمتي لضحكه .. قلت قصدي صرخت : يااااااااااااي

ضحك بخفه وقال : اصص فضحتينا ..

طنشت كلامه وقلت وأنا اخربط بالاغاني : مين حبيب دلو ..؟ علي

مين روح دلو ..؟ علي

ومين حبيب دلو ..؟ علي

وجلست أكرر الأغنية وهو يضحك .. قربت له وصرت أحب جبهته .. عيونه .. راسه .. يديه ..كله .. ليش ما أحبه ..؟ هذا اخوي وسندي وعزوتي وولدي ..

فتحت الاب توب وجلست اطقطق فيه بهدوء .. اخاف اقعده من نومه .. ناظرته ثواني وابتسمت .. علي تغير مو نفسه علي اللي أعرفه .. صار هادي ..رزين .. يبتسم بهداوة .. واكثر شي صار غامض .. غامض بقوووة .. احسه كبر عشر سنوات لقدام .. نزلت عيوني ع الاب وبراسي شي بطلعه .. ابعدت الاب عن رجولي بسرعه .. وسحبت الدفتر ..

ورسيت ع صفحه فارغه ..

بديت أكتب بسرعه .. اخاف تضيع مني الحروف ..

لطفآ بي يازماني ..

رفقآ فأني لازلت أعاني ..

زفرت بضيق .. الحروف مثل ما توقعت ضاعت .. رميت الدفتر والقلم ع الكنب .. وقمت لنافذة اناظر للمطر يرسم ع الزجاج خطوط متعرجه .. فتحت النافذه

شوي وطلعت يدي .. ابتسمت وانا احس بقطرات المطر تداعب يدي .. حسيت بفرحه مو طبيعية .. أمووووت ع المطر أمووت فيه .. سكرت النافذه لما حسيت بالبرد ينهش عظامي نهش .. وانسدحت ع الكنب ..

عند عبدالعزيز

كنت جالس أفكر .. مو بهالعالم

.. أفكر بأشياء كثيرة وغريبه بعضها مدري ليش فكرت فيها ..

طفشت النوم مو راضي يجي لي .. قمت ونزلت عند التلفزيون

.. وجلست أدور بهالقنوات .. وقفت ع مسلسل كويتي تابعته لين نهايته ولا فهمت ولا شي .. غيرت القنوات ووقفت ع رسام انجليزي .. ماشاء الله فنان .. رسمه خيال .. سمعت صوت بالحديقه .. قمت وطلعت بهدوء

.. شفت رفيف جالسه وتلعب بالكورة .. ترفعها فوق وتنزلها وترفعها وتنزلها .. قربت لها وهي بسرعه فزت ..

رجعت ع وراء وقلت : حشى خوفتيني

حطت يدها ع قلبها وقالت : عزوز قسم بالله طاح قلبي ..

قلت امزح : وينه .. دوريه لايضيع

بس هي سفهتني وجلست .. ادري انها متضايقه بكرى ملكتها

بس ما باليد حيله حاولت اقنع ابوي .. بس رفض وزعل علي ..

لي ثلاث أيام ما يتكلم معي .. بس اذا سلمت رد .. وبس ..

جلست ع الكرسي وسحبت يدها وجلستها بجمبي .. وقلت بهدوء : استخرتي ..!

هزت راسها بأيه وهي تناظر الارض ..

قلت : طيب ارتحتي او لا ..!

قالت بعد مدة : مدري

قلت : كيف يعني ..؟

قالت : يعني مافيه شي طلع معاي لا راحه ولا ضيقه

سكتت .. أنا أدري ان سعادتها مع طلال .. وطلال سعادته معاها .. بس هي اللي رافضه تعيش معاه ..

مسكت يدها ورصيت عليها وقلت بجدية : انتي شفتي شي منه ..؟

قامت وشكلها معصبه وقالت : قلت لكم ما أبيه

رجعت جلستها وقلت : ليش ماتبينه أعطيني سبب بس ..؟

قالت : مافيه سبب مافيه .. أنا أكرهه أكرهه .. أكره غروره .. وشهاداته اللي يتفاخر فيها .. وأكره كلامه .. حتى صوته اكرهه ..

ناظرتها بأستنكار : ليش طيب ..! والله انه حبوب وطيوب و

قاطعتني : عزوز ما أحبه ما أدانيه أكرهه كره الموت

ناظرت لي ودموعها ع وشك النزول : تصدق اتمنى الموت .. انا من قالت لي شذى عن بلاويه وأنا غاسله ..

وسكتت .. ناظرت لي وقالت بتوتر باين : اا ا

ناظرتها بشك : وش قالت شذى

نزلت عيونها وسكتت ..

رددت سوالي بس بشوية حزم :

وش قالت شذى

ماردت .. قلت بحزم زايد عن اللزوم عساس تتكلم : رفيف

بكت وقالت بسرعه : قالت لي انه مغازلجي وبعد يحب بنت خاله بس اهله مجبرينه علي ..

وسكتت .. أنا هنا انصدمت ليش تقول فيه كذا ..؟ طلال لاهو مغازلجي ولامجبور ..

قلت بحزم : وأنتي صدقتيها ..؟ سكتت

قلت بسخرية : عفية عليك .. كملت بجدية : انتي شفتي وجهه وهو يسولف عن البيت اللي يسويه لك ..! و اللالوان اللي اختارها ..!

سكتت شوي بعدها قلت بقهر :الولد ميت فيك وانتي تقولين لي مجبور ..؟

قالت بهمس : انتم مخدوعين فيه هو

قاطعتها بصراخ : انتي وشفيك ...؟

هديت شوي وقلت بحنيه :يارفيف بالله افهمي .. الولد مجنون بحبك .. اسأليني أنا أخوك

عنه ياما طلعت معاه وأنا أستغرب انه يضحك بوجهي ولا سألته وشفيك قال مستانس واحد جاي من ريحة الغالية من اهلها وماتبيني استانس ..! والله لو هو مثل ماتقولين مغازلجي ومجبور وحنا مخدوعين فيه قولي لي بالله ليش اليوم لما كلمني كان يرقص يرقص من الوناسه من الفرح حتى سكرت منه وأنا اسمعه يضحك من الوناسه

سكت ادعي بداخلي تقتنع بطلال وهي سكتت بعد مده انفجرت ضحك وأنا ناظرتها مرتاع .. وشفيها ذي ..؟

قلت بخوف : وشفيك ..؟

بس ماردت فاقعه ضحك .. تنرفزت : رغيف وشفيك ..؟

قالت وهي تضحك : أحلف بالل .. هههاي .. بالله انه كان .. ههاي ..

تعدلت وقالت : أحلف بالله كان يرقص ..؟

ناظرتها منقهر : لك ساعة تضحكين وأنا قلت يمكن فيه أن اخر شي .. أحلف بالله ..

قالت تبتسم وكأنها تمزح : اوف الولد طايح بقوة

قلت بصراحه : والله لو تقولين له ودني لأقصى المريخ .. بيوديك .. وربي يموت فيك ..

وقفت وقلت : عاد انا قلت اللي عندي وأتمنى تقتنعين وانسي كلام شذى لانه كذب بكذب واذا شي من هالكلام صحيح مستعد اني اوقف زواجك ..

ابعدت عنها وأنا مقهور من شذى ..

كيف تتكلم كذا ع كيفها ..؟ هي ماتعرفه عشان اتطلع عليه اشاعات ..! وش سبب كذبها وتأليفها ..؟ آخ بس كان ودي اني اذبحها ع الكلام اللي قالته ..

قهرتني شكلها حاقده ع أختي .. اوه لاتكون تحب طلال .. أبتسمت بسخرية .. ليش لا مهي هي حبتني وهي ماشافتني ..

طلعت لغرفتي متخدر .. ورحت لسرير من الساعه سبع وأنا صاحي .. مدري حاس بضيق .. قبل لا أنام زارني طيف بس هالطيف كان بالنسبه لي غريب .. زارني طيف ابو منصور .. فتحت الابجوره ومسكت جوالي

ودقيت عليه .. بعد ثواني جاني الرد .. بس الصوت كان صوت بنت : الوو

قلت باستغراب : السلام عليكم ..

ردت : وعليكم السلام .. نعم أخوي ..؟

قلت : ممكن أبو منصور ..!

ردت : لحظه شوي

انا استغرابي زاد .. ليش جوال ابو منصور مع البنت .. دقايق وجاني صوته : ياهلا

حسيت بالراحه لما سمعت ان صوته عادي .. رديت : ياهلا فيك

خالي .. وشخبارك ..!

قال : بخير .. انت أخبارك وأخبار الشركه ..؟

قلت : تمام ولله الحمد .. هاه وشلونك اللحين عساك مرتاح ..!

تمتم : ربك يعين

هزيت راسي وأنا ساكت .. سألني عن الشغل وسولفنا شوي .. بعدها سكرنا ..

رجعت راسي ع المخده وبسرعه نمت ..

صحيت عشر والله لايوريكم كرفت كرف .. قسم بالله هالحريم يرفعن الضغط .. اللحين بالله وش سالفة الدي جي .. والمشغل .. والثياب .. والحلا .. هو كله كتب كتاب مو زواج .. ليش كل هالحوسه ..

رفعت جوالي اللي يدق .. اوهو هذي رغد ..

رديت وأنا عارف ان فيه شغله بالطريق : هاه

رغد : يوه يووه وشفيك

قلت بملل : وشفيني بعد ..! مافيني شي .. هاه قولي وش تبين ..؟

رغد : راعي البوفية واقف بالشارع العام .. روح له عساس

يدل البيت ..

تنهدت بضيق وقلت : طيب

وسكرت بوجهها .. اوف بس منهم .. رفعت جوالي اللي يدق .. وقلت بسرعه : وش تبون بعد

..؟ خير وش الشغله الجديده ..!

لثواني ماجاوب أحد حتى توقعت ان رغد زعلت بس تفاجأت بضحكه : ههههههاي

قلت وأنا رافع حاجب : ضحكينا

بس البنيه رايحه فيها .. سكرت متنرفز وبداخلي اضحك .. طلعت من المجلس لسيارتي اروح اجيب هالعله ..

بعد مدة ..

ضربت باب المطبخ .. مافيه صوت .. ناديت : سحر ..! زهراء

لا رد .. تمتمت : وين طسوا .. عليت صوتي وقلت : يمه .. رغد ..

بس ماحصلت جواب .. دخلت المطبخ .. مافيه أحد .. كيف يعني ..! نزلت كراتين المويه .. وحطيت يدي ع ظهري .. دخلت بنت ماعرفتها تنحنحت ولفيت ابطلع ..

الحــلقه الســابقــه ..

ضربت باب المطبخ .. مافيه صوت .. ناديت : سحر ..! زهراء

لا رد .. تمتمت : وين طسوا .. عليت صوتي وقلت : يمه .. رغد ..

بس ماحصلت جواب .. دخلت المطبخ .. مافيه أحد .. كيف يعني ..! نزلت كراتين المويه .. وحطيت يدي ع ظهري .. دخلت بنت ماعرفتها تنحنحت ولفيت ابطلع .. بس من سمعت ضحكتها رجعت ..

الحلــــــــــــــــــــــــــــــقه التـــــاســــ ع ــــــــــــه ..^ـ^

يآنقطة آلضع‘ـفْ فينيْ

ع‘ـندْ ع‘ـدوآنيٍ

يآمشكلة مآع‘ـرفتْ آح‘ـلهآ بدريٍ

آلظآهرْ آنيْ ع‘ـلى مآقآلوآ آخ‘ـوآنيٍ

آضلْ موهومٍ لينْ آص‘ـيرْ

فيْ { ق‘ـبــــــــــــريٍ }..~~

ناظرت لها من فوق لتحت كانت لابسه فستان لونه برتقالي على أحمر على أصفر وخرابيط بالتفاحي .. خخ فاشل بالتوصيف ..

قلت مستغرب : اووف وش هالكشخه ..! وربي قمر

ضحكت وخدودها حمروا .. ضحكت عليها .. قربت لي وعقدت حواجبي .. قالت وهي ترفرف بعيونها : وشرايك بالمكياج ..؟

قلت : قصدك اللوان الطيف اللي فوق عيونك ..!

قالت : وش اللوانه انت ووجهك ..!

قلت : قسم بالله انكم ناقصات عقل .. اللحين بالله كم دافعه ع هالخرابيش ..؟

قالت : اوهووه علينا .. بدا يتفلسف .. ياحبيبي هذي مو خرابيش هذا ابداع ..

قلت : اتزحلق عند الابداع .. وش ابداعه انتي وخشتك .. هذي خرابيط .. هي كلها .. خط اصفر و اخضر .. وين الابداع ..؟

قالت : ماالت عليك بس ..

طنشتها وقلت : هيه أقول وين الخدامه ابغاها تشيل معاي ..

قالت : وين السواق؟!

قلت : ارسله ابوي

قالت : زهراء داخل ..

قلت : روحي ناديها ..

قالت : مالي نفس

قلت : أقوول روحي ناديها بس

قالت : عزعز

قلت : أنا كم مره أقولك اسمي عبدالعزيز ماتفهمين

قالت : وانت دايم تقول رغيف وانا اهاوش

قاطعتها : رغيف متى بتذلفين تنادينها ..؟

رفيف تمسكن : عزوزي حبيبي تعبانة مانمت أمس زين وبعدين اليوم ملكتي كيف اشتغل..

فتحت عيوني وقلت : اللحين أقولك ناديها تقولين لي كيف اشتغل ..؟؟ تراها كلها زهره تعالي عبدالعزيز يبيك

رفيف وهي طالعه : قلتها كلها زهرة..

قلت بصوت عالي عساس تسمع : طيب فيه أحد جوا ..؟

وصلني صوتها : لا

ماتهاوشت معاها .. ناديت الخدامه ورجعنا شلنا الكراتين .. صراحه ارتحت لما شفت رفيف تتكلم وتضحك عادي .. يارب يكون الكلام اللي أمس لين راسها .. وماتكون تمثل علي ..

سمعت الأذان .. وطلعنا للمسجد انا وأبوي .. بعد ما رجعنا دخلنا عند جدتي اللي جلست تخانقني وتضربني بعصاها لين تكسر جسمي .. واهلي يضحكون ..

قلت بتعب : خلاص يمه والله ما أعيدها ..

جدتي وهي تضرب رجلي : لا انت مايفهمك الا الضرب ..

قلت بألم : التوبه يمه توووبه آح ..

جدتي وهي تحط عصاها جمبها : مع اني ماني مصدقتك .. بس عشانك ولد الغالي ..

قلت : افا يعني أنا مو غالي ..؟؟

هزت راسها بعناد وقالت : لا ..

قلت : ليش يالغالية ..؟؟

قالت : اقول قم تلعب علي بكليمتين << تصغير لكلمتين

ضحكت وقلت : والله يايمه انشغلت ولا أحد ينسى امه سلمى مايصير ..

التفت لأمي وقالت : ولدك من عرفته وهو خراط ..

فقعت ضحك .. جدتي لازعلت ازعلت .. الله يعيني عليها ..

اخذت عصاها وقلت : افا يا سلومه انا خراط ..! أفا ياذا العلم ..

أمي تعاتب : عزووز ..

جدتي : وشو سلومته استح ع وجهك ياولد ..

ضحكت وقلت وأنا أتصنع البراءة : ليش عادي حبيبتي ..؟؟

قالت : حبك برص ..

مسكت ضحكتي وأنا أشوف أبوي يقرص عينه ويتوعدني

قلت : افا يعني ماتحبيني ..!!

قالت وهي تهز راسها بزعل كأنها بزر : لا ما أحبك ..

نزلت راسي كأني زعلان وقلت : اسف ..

ماسمعت لها صوت وأهلي ما تكلموا .. قمت وابعدت عنهم قسم بالله ما خطيت الا خطوتين الا سمعتها تقول : اقول تعال امففف منكم من رجال ..

حبيت راسها وجلست بجمبها وقلت بحماس : تغيروا الرجال يايمه ..

هزت راسها وقالت : ايييييييييييه وينهم رجال أول اللي اذا قال شي تم واذا زعلت حرمته طقها بوحده ثانية

قلت بحماس : الا مادريتي حتى ولدك هذا ..؟

وصرت اأشر ع أبوي اللي للحين يقرصني بعيونه ..

كملت : لا قالت أمي سلوم تعال ذاب يايمه شفتي كيف ..

جتني علبه منديل اكيد تدرون من مين ..!! ههههههاي من الطماطه اللي جالسه جمب أبوي ..

قلت وكأني تألمت : آح عيني ..

سمعت أمي تقول بقهر : خراااط ..

وضحكوا كل أهلي لان الضربه جت برجلي .. قمنا أنا والوالد ع اذان المغرب وماعلمك بالمحاضرة اللي خذيتها منه .. اني كبرت وصرت رجال ولازم اترك الهزل والضحك ووو من هالكلام .. المهم عد الصلاة رحنا لمجلس الرجال ..

على صلاة العشاء امتلى المجلس رجال عمامي ( عمي ابو طلال _ عمي ابو فهد _ عمي ابو خالد ) وسواليف وضحك .. اما أنا جلست عند طلال ومطلق وفواز .. ونايف ..

قلت : افا يعني رفعت خشمك يوم ملكت .!!

فواز : شف شف مايرد ..

مطلق : لا ياطلال ماتوقعتها منك كنت أتوقعها من عزيز لكن انت لا ..

التفت لمطلق وقلت : خير ياطير ..

قام فواز يتلفت : وينه الطير ..؟

قلت : هه هه ههاي لاتعيدها ..

طلال : اقول طسوا فشلتوني قدام الناس ..

قلت : يالله يامطلق وانت فواز اذلفوا ..

مطلق : خير فوق راسك ريشه ..

قلت : لا شماغ ..

مطلق : كاك دغدغني ..

فواز : ههههاي ..

طنشتهم وكلمت نايف اللي عافس وجهه ويناظر شاشة الجوال : انت هيه وشفيك ..؟

مارد .. ناديته : نايف !!

ناظرلي وقال : هلا ..! تكلمني ..؟

قلت مستغرب : ايه وشفيك ..؟

نايف : مافيني شي ..

فواز : هههاي حبيبه القلب ماردت ..

قلت مستغرب : من هي حبيبه القلب ..؟؟

فواز بعد ما أعطاني ضربة : بنت ال ..

فز قلبي لطاريهم بس مع ذلك حسيت بالكتمه .. ناظرت له وقلت : بنت من طيب ..!

نايف بهم وضيق : بنت راشد ال ..

توقف الزمن من حولي .. هذا قصده دلع ..؟

التفت له وقلت بصدمه : وش عرفك فيها ..؟

مطلق : عزوز وشفيك نسيت لما أقولك انه حب بنت بالجوال ..

لاااااااا مو معقول .. دلع نفسها اللي يحبها نايف ..؟؟ بس كيف وصلها ..!! كيف اخذ رقمها..؟؟

ناظرت لنايف وأنا للحين بحالة صدمه وقلت : نايف دلع كلمتك ..!

شفت الصدمه بانت بعيونه حتى نواف ومطلق وطلال اللي متابعنا بصمت ..

تكلمت وأنا حروفي ماتسعفني : من متى تعرفها ..؟ كيف يعني ..!؟

نايف بتوتر : عزوز لاتفهم غلط .. هي ماتعرفني

قلت وأنا أحس قلبي يتقطع : كيف ماتعرفك ..؟

فواز : عزوز كيف تعرفها ..!!!!

نزل نايف راسه وقال : مادريت انك تعرفها ..

قلت وانا احاول امسك نفسي وما اغلط .. ووأسبب لنفسي مشاكل : نايف أنا ما أعرفها .. بس هي قريبة واحد اعرفه .. الا كيف ماتعرفك ..!

نايف : عزوز هي بس ..

ماكمل لأن الوالد ناداني .. وانا مشيت وخليته .. مومصدق كيف وصل لدلع ؟؟ هو سمع صوتها ...؟؟ هي ردت عليه ..! لا لا دلع مؤدبه ماتسوي نفس الحركات هذي .. لا كانت توصينا بالصلوات وتكتب دعاوي .. معقوله .. لايارب كافي صدمات .. صديقي يحب حبيبتي !!! ليش طيب ..؟؟ يارب ماتصير حبيبتي تخون أهلها .. يارب ماتصير .. طلعت من المجلس وانا حاس بضيقه ..

»"أبي ارتاح يآ دنـيا احـس بضيقه"«

«تخنقنـي»..!

وش آلـي صـآبنـي مـدري..!

كذآ فـجآهـ آحـس آلكـون يـرفضنـي..!!

التفت ولما شفت وجهه تغصبت الابتسامه وسلمت عليه كان مازال يضغط ع كتفي ..

قلت وأنا أنحت الابتسامه : أخبارك مشعل ..؟

فاجأني مشعل لما قال : وشفيك ..!

قلت وأنا ألف وأناظر لباب الشارع : مافيني شي بس حاس بضيقه ..

سمعت صوت فواز وهو يناديني .. بس مارديت حاس نفسي بموت .. كلمة نايف للحين تتردد بداخلي (( مادريت انك تعرفها .. مادريت انك تعرفها )) بس أنا ما أعرفها ..!!!؟ يعني كل حركاتها بالمنتدى كذب بكذب يعني بس نفاق ..!؟ لالالالا يمكن انا ظالمها ..!! بس يعني .. يمكن كذب ..!! ليش طيب هالنفاق ..؟

التفت لما شفت فواز ينادي بأسمي .. رديت بهدوء مع ان فيه براكين داخلي بس شسوي : نعم ..!!

فواز : عزوز انت فاهم غلط .. بعدين ما تتذكر لما قلنا لك عن نايف ..؟

هزيت راسي بلا .. متى قالوا لي نايف يكلم دلع ..! متى ..؟

حسيت بهم وبضيق كان ودي اطلع من البيت بس ماقدرت .. رديت ع جوالي بضيق : نعم..؟؟

جاني صوت سحر : السلام عليكم

رديت : وعليكم السلام هاه وش بغيتي ..؟؟

حسيت بنبرات صوتها انها مستغربه مني : عزوز فيك شي!!

قلت بهدوء : لااا

قالت : تعال عند باب الحريم بسرعه

وسكرت

تنهدت بضيق .. سمعت صوت فواز : عزوز والله فاهم غلط ..

ناظرت له بهم وقلت : بعدين فهمني الأهل يبوني ..

ابعدت عنه وأنا أفكر .. وشلون فاهم غلط ..! هو بلسانه قال متعرف عليها من الجوال .. ياربي وربي مومصدق .. وشفيك عبد العزيز ماتذكر كيف بغت تذبحك لأنك كنت بس اتناظرها ..؟؟ ما تذكر ولا نسيت!!

وقفت عند الباب شفت سحر .. قلت بهدوء : هلا..

سحر : طلبتك ..؟؟

قلت بدون تفكير : جاك مطلبك ..

سحر : وعد تقوله..؟؟

انتهبت وقلت بحذر : اذا قدرت ..!!

قالت سحر : سهل بس انت اوعدني ..؟

قلت بملل : وعد يالله اسألي ..

قالت سحر بهدوء : من تكون ..!

مافهمتها وسألتها : من هي ..؟

قالت سحر : اللي تحبها وتمنى تزوجها ..!

لفيت وجهي عنها بضيق ياكثر مايطرونك قدامي قلت بهدوء : بنت ما أعرفها أعجبت فيها وبس انتهت القصه ..

قالت سحر : عزوز من صدقك ..!

التفت لها وقلت بقهر : ايه يعني أمزح ..! بعدين ليش تسألين ..؟

قالت وهي تتنهد : طيب قول ملامحها يمكن أعرفها ..!!

قلت بضيق : ماتعرفينها لأنها مو من قرايبنا ..

قالت بسرعه : فيه عندنا الـ .. والـ .. من أيهم هي ..؟

عصبت : سحر اقولك ما تعرفينها ..

كشرت بوجهها وقالت : خلاص طيب ع بالي انها جت للملكة قلت بجس النبض ..

تنهدت وقلت بهدوء : ماجت .. تبين شي ..!!؟

قالت وهي للحين مكشرة : سلامتك ..

يتبع ,,,,,

👇👇👇

تعديل المقال