رواية لطفاً ورفقاً بي يازماني -9
رايد : دلع ادعيله مو كذا تبكين
مسحت دموعي بقهر وقلت و أنا اناظر لعيونه اللي تلمع بالشفقه
: انت وش عليك ..؟ أبوي ..؟ أخوي ..؟ من انت ..!
رد ببرود : لا تنسين اني زوجك
قلت بقهر وأنا اقوم وألف وجهي عنه : طلقني
تلعثم بعدها قال : دلع بعدين نت
قلت : ما بيننا تفاهم
حسيت به تحرك .. أحسن ليش ما يفهم .. عفته عفته وعفت كل شي فيه ..
لفيت .. بس انصدمت هذا هو قدامي .. التفت اشوف من اللي مشى .. ماكان واحد اعرفه ..غريب عني .. غمضت عيوني بقوة وش فيك يادلع فشلتي عمرك قدام الخلايق .. ناظرت لرايد بقهر وقلت : كله منك .. اذلف لخالتي احسن لك
ناظرلي بنظرات ماقدرت افسرها بعدها قال بهمس : طلاق ماني مطلق .. وأعلى ما بخيلك اركبيه
ناظرته بحقد .. والتفت ع وجدان وخالي وسعود بس شكلهم ما سمعوا .. قلت بهمس بارد : ماعندي خيل أركبه
والطلاق بيجيني غصب عنك
شفته يكتم غيضه وهو يرص ع يديه لفيت عنه وأنا اسمعه يودع خالي وسعود بعدها ما سمعت غير ضرب نعوله بقوة
/
ابعدت هالذكرى وابتسمت بألم ثنين : صفر
هذي ثاني مره اسكته .. يستاهل .. خله يجرب المر وآلاه اللي اذوقها .. اخذت نفس وكلمة أمي تتردد ببالي [[ لا تقولين يابنتي يارب عندي وجع كبير ابتسمي وقولي لربك ياوجع عندي رب كبير .. ]]
ابتسمت بهدوء وقلت بهمس : ياآه عندي رب كبير
أنا مدري ليش أمي قالتها لي و ماسوتها .. هي استسلمت لآهاتها وتركتنا أنا وعلي .. صراحه أغرب شي .. هو .. انها عاشت معانا .. بجسد بدون روح
.. وش سبب جلطتها وش سببه .. وش سوى لها أبوي .. آخ منك يا أبوي .. أنا مدري ليش حتى اللحين أناديك ابوي .. ناظرت للبنات المرميات ع الأرض ويصرخن .. وينادن بأسم منصور .. كنت أناظرهم بألم .. وأناظر المارين بحقد ع نظرات الشفقه .. هم مو محتاجين شفقه لو محتاجين اطلبوها ..
قمت وجلست بجمب خالي .. وناظرت لوجهه المدمي .. عورني قلبي وأنا أشوفه كذا .. قلت بهدوء : خالي ليش ماترتاح
ناظرلي وقال : ما أبا ارتاح حتى أجوف علي طالع من هالباب
وأشر بعصاه ع باب العناية ..
تنهدت وقلت : خالي الله يهديك روح ريح
قال : علامج ماتبيني ايليس وياك
قلت : المقصد مو كذا مقصدي انك وش بتستفيد وانت تجلس كذا روح ارتاح وريح ملايكتك
سكت شوي .. بعدها قال : سامحيني يابنيتي
أنتبهت للي يناظرلي ولفيت وجهي لخالي وقلت بأستفهام : ع أيش اسامحك ياخال
ناظرلي وقال : ماكان قصدي انا
كل اللي طلبته من السواق انه
قاطعة كلامه وقلت : الله يهديك ياخالي وأنت متوقع اني بزعل عليك .. هذا المكتوب .. ولاهو غلطك ..
سكتت وجلست اناظر قدام بتشتت .. كيف احاول اقنع خالي انه المكتوب .. وأنا للحين رافضه
مسامحة حالي .. تنهدت .. وقلت لخالي : يالله خل سعود يوصلك
قال : لا انا ابا ريح هني ع الكرسي
هزيت راسي بالنفي وقلت : خالي والله ماراح ترتاح .. رح احجز بفندق وريح شوي .. تكفى عشاني
ناظرلي ثواني وقال : ابشري
ابتسمت بألم .. شفت رايد قدرت انفذ اللي فراسي .. وأنت دورك جاي .. سمعت وجدان تكلم ما اعطيتها اهتمام وأخذت خالي مع سعود لسيارة وصاني ع نفسي .. ومشى ..
دخلت وانتبهت ان وجدان تكلم شاب .. استغربت من هالمنظر قربت وأنا الوسواس لعب فيني .. سمعت مقتطفات حديثهم
وجدان : شنوو
الولد : انا أقولج هذا هو المدير
وجدان : وانت شدراك
الولد : زميل لي يشتغل معاهم
وجدان : يقبلون يشغلون بنات
هز الولد راسه
تنحنحت ناظرت لي وجدان وقالت : جربي دلع
سبيتها بداخلي ليش تقول اسمي قدام هالرجال
طنشت الولد وقلت لوجدان : وش تسوين هنا
تلقف الولد : انتي من وين
بالله أكفخه انتم بس أشروا وأنا اذبحه .. تنهدت وقلت لوجدان : ترا خالي راح يعني
قاطعني : لهجتك مو اماراتية انتي من السعودية
شهقت وجدان : هيي اميه منك شودراك انتا ساحر
ضحك الولد
لفيت عليه وناظرته بنظرات كأني أقول اذلف بس هو شكله
مافهم .. أوف منه ..
لفيت على وجدان ومسكت يدها وقلت : أمشي نروح نشتري موية
الولد : تبغوني اييب لكم
ضحكت وجدان وقالت : مره ثانية
عنبوك من بنت صدق ماتستحي
جالس تأخذ وتعطي مع الرجال
كنه أخوها
رصيت ع يدها وهي ناظرت لي وقالت : شو فيج
شو فيني هاه انا أعلمك وش فيني ..
مشيت قدامها وأنا أجر يدها معي ..
قلت لها وأنا حاقره الولد اللي يمشي ورانا : انتي وش عرفك فيه عشان تكلمين معه ..؟
قالت : ما أعرفه بس وقفته اسأله عن رجال طلع مدير شركه تشتغل هني و
قاطعته : كيف تتكلمين معه وانتي ماتعرفينه ..؟
قالت : أقولج بسأله ودي اشتغل
هني بالبحرين
قلت : طيب وين حياك جالسه تضحكين وقاطتها سوالف
قالت : دلع ترانا بالبحرين مو بالرياض
قلت : وش يفرق مو ديننا واحد ولا ..!
قالت : بس
قاطعتها : ممكن تسكرين الموضوع
كانت تحلطم بس طنشتها اذا عطيتها وجه ماراح تسكت وبتقول عاداتي غير عاداتك ومن هالحكي
عزووووووووووووووووووووز << تمووون هع
رجعت للمستشفى بلمحها بس شوي بعده بروح .. اوقف مع أبو منصور بالعزى .. شفتها مشوين ناظرت لي بعدها لفت .. ايه هذي هي تمشي وماسكه البنت بيدها اوبس تسحبها والبنت زعلانة وتكلم .. انتبهت للولد اللي جالس يلحقهم ويضحك .. شكله من قرايبهم .. قربت لهم سمعت البنت تقول : دلع عورتي يدي
دلع : تستاهلين
ابتسمت نفس اسلوبها بالمنتدى
ناظرت لي وعقدت حواجبها .. فشله تلقونها تقول هذا كل دقيقه بوجهي وش سالفته .. نزلت عيوني ومشيت خلاص لمحتها سمعتها تصرخ وقفت اناظرهم شفته تهاوش الولد ضرب براسي الفضول قربت سمعته يقول : انا موب ها قصدي
دلع : مالي شغل بقصدك انا أقول ابعد عن وجهي لقسم بالله ماتشوف خير
وجدان : دلع .. خلاص اخويه تسهل بطريجك
دلع : طس لأانحت لك رقمي بوجهك
اها شكله يغازل وأنا ع بالي واحد يعرفهم .. قهر الولد هرب كان ودي اذبحه لا بعد يبي رقم دلع .. هذا اللي ناقص
دلع : وانت بعد وش تبي ..؟
تلفت حوليها ماكان فيه أحد ناظرتها شكلها تكلمني بلعت ريقي وقلت : أنا
هاجمتني : لا اللي وراك
ايه انت خير وش تبي ..؟
الحلــــــقه الثامــــــــــــــــــ ن ـــــــــــه
ياأجمل الناس في قلبي وفي عيني
ياأحلى طيف يمـرّ العين ويشقيها
كل الخطاوي على دربك توديني
حتى النواظرتودك وانت غاليها
لوقلت أعزك قليله ماتكفيني
معزتي لك أكبرمن الدنياومافيها
تلفت حوليها ماكان فيه أحد ناظرتها شكلها تكلمني بلعت ريقي وقلت : أنا
هاجمتني : لا اللي وراك
ايه انت خير وش تبي ..؟
دقات قلبي صارت عنيفه جلست اتأملها .. تقصدني اي والله تقصدني .. ياناس دلع تكلمني وتهزئني .. غمضت عيوني وفتحتهم شفتها تعدل نقابها .. دلع : شكل القطوة كلت لسانك صح
ماقدرت اتكلم بس ابتسمت ..
البنت اللي معاها : اخويه تبغى
آآي
دلع بقهر : مايبي شي لاتصيرين
عاد كريمه أمشي هذولا ما ينعطون وجه
وابتعدوا عني .. أخذت نفس طوويل أهدي حالي .. وطلعت وأنا متمسك بأخر صدى صوتها رحت أوقف مع أبو منصور .. وعرفت بوقفتي ان منصور يكون الأبن الكبير لهم
هم عايلة متكون من بنتين وولدين .. ولد توفى بحادث سيارة ع الطريق السريع قبل سنتين واللحين منصور انزلقت سيارته .. الله يرحمهم أول يوم
كنت اسمع صراخ الحريم بس باليومين الاخيرات ماسمعت صوت .. هذا اليوم الأخير للعزى .. طقيت باب الحريم دقايق وجتني الشغاله قلت : جيبي قهوة
هزت راسها وراحت .. مارحت للمستشفى بعد ذاك الموقف لاني كنت مشغول مع أبومنصور
طلعت الخدامه معاها القهوة اخذتها منها ورجعت لقسم الرجال .. بعد صلاة المغرب رحت للمستشفى بس مافي أحد سألت الاستقبال وعرفت انهم انقلوا علي للامارات .. طلعت وانا منقهر آخ بس .. واتصلت ع رفيف احاول اقنعها بطلال : يارفيف الولد يبغاك
ماردت تبكي .. تنهدت وقلت :
رفيف انتي شايفه من طلال شي
صرخت : انتم ماتدرون عن شي
وسكرت ..
ناظرت للجوال بأستغراب يعني وشلون هي شايفه شي منه
دقيت مرة ثانية اعطاني مغلق
دقيت ع طلال
على مارد قال : لا لا مومصدق عزعز بلحمه وشحمه داق مش معأول
ضحكت وقلت : اولآ سلم ياخي ثانيآ عبدالعزيز الاسم مو عزعز
ضحك وقال : اخبارك
قلت : الحمدلله وانت وشلونك
قال بأستهبال : لوني ابيض وشوي اسود
قلت : لاياشيخ
ضحك وقال : من قال اني شيخ
اخوي شكلك غلطان
ضحكت وقلت : بشر اخبارك واخبار عمي والأهل كلهم
قال : نبدا بالأهل كلهم تمام اما انا اخباري اني اللحين بطير الا قول طرت لان اختك المصون بتصير زوجتي
تنهدت .. طلال يحبها ويبيها .. وهذا هو يعلم الناس بفرحته .. طيب ليش هي ما تبيه .. والله هالبنت غريبه
قلت : لاتطير نبي بليله الملكه تكون ع الكرسي بالمجلس
قال : آخ يا أني عشقت مجلسك
ضحكت وقلت : ياخي آثقل
قال : عذرآ الثقل طار وصار خفيف
قلت : يعني تعترف انك خفيف
قال : عزوز وشفيك ترا الأعتراف بالحق فضيله
قلت : اتزحلق أنا عند الأعتراف
ضحك وقال : مخفه
بعدها كمل : بشر وشلون البحرين والشغل
قلت : ماشي الحال
قال : والبنات يمدحونهم هناك
ضحكت وقلت : هذا همكم
قال : ليش اخوي وشو همك
تنهدت وقلت : ربك يعين
قال بأستهبال : لاتقول طحت ومحد سمى عليك
قلت : لاتخاف ماني خفيف مثلك
واطيح
قال : ها ها عن الغلط
سولفت معاه شوي بعده سكرت ..
مشى روتين حياتي طبيعي
نزلت الأوراق اللي قدامي وقلت : مابقى الأ توقيعك
اخذ وليد القلم من جيبه ووقع
ابتسمت وقلت : ان شاء الله ما نخيب ظنك
ابتسم وقال : ان شاء الله
طلع وأنا دقيت ع مطلق اسولف معاه .. بس شحتني وسكر السماعه بوجهي لانه يذاكر عليه امتحان خخ .. بقى كم يوم ع ملكة رفيف .. ورفيف للحين ماتبيه أبوي موبراضي يسمعها وأمي ماتدري شتسوي ماتقدر تخالف ابوي .. ولاتقدر توقف مع رفيف .. بكرى رحلتي لرياض .. اووف كان ودي ألمح دلع من هنا أو هنا بس ربي ما كتب .. شلت شنطة الاب وطلعت من المكتب حطيت الملف ع طاوله فايز وقلت : كمل الأجرئات بغيابي ..
وسلمت وطلعت .. ناظرت لسماء .. يالله أشوفك يالبحرين بخير .. ركبت سيارتي المرسيدس واتجهت ع المطار
عند دلــــــــــــــــــــــــــع
جلست ع السرير وأنا للحين مبتسمه بفرحه .. حطيت يدي ع شعره وقلت : شخبارك يابطل
ناظرلي وهز راسه ..
ناظرت الدكتور بأستفهام وقلت : ليش مايتكلم
ابتسم وقال : لاتخافين هذا من تأثير البنج
هزيت راسي براحه .. وربي طاح قلبي .. خفت انه مايقدر يتكلم .. ناظرت له وأنا بداخلي أتقطع علاوي هذا ..! مومعقوله
هذا بقايا علي .. يد .. رجل .. أذن
.. عين .. فم .. كلها جروح وكسور .. ابتسمت بألم .. بيرجع عادي مع مرور الوقت .. بيرجع يستهبل ويصايع بعد .. ويعصب لما اركب مع سعود ويصرخ حتى لو كانت معي وجدان ما أطلع من دونه .. تنهدت ورصيت ع باطن كفه .. أقويه وأقوي حالي .. مهما كان ومهما صار ما بنحتاج لشفقة أحد أبد .. أبد .. مهما روسنا بتشم هالهواء .. ما بنحتاج صدقات أحد .. حنا صح يتيمين أم وحنان بس مو يتيمين قوة .. حنا قوة معآ كالعاده .. ومستحيل تضعف لو طال الزمن
وقصر .. حبيت خدة بخفه .. وطلعت .. بعدما نبهوني بأنتهاء الزيارة .. أخذت نفس وأنا أركب الاصانصير وابتسمت فيه جواتي الم بس بعد فيه جواتي أمل .. انفتح باب الاصانصير ومشيت وأنا أضرب بالكعب وأمشي على الارض وانبه العالم والدنيا
ونفسي .. اني دلع القوية وهذي مشكله وبتعدي .. مشيت هالمرة وأنا متأكدة انه مهما حصل هالمرة ماراح اضعف .. ببقى دلع اللي ربتها وضحى على معرفة ان الدنيا مستحيل تتعبك وتحزنك وحتى تضحكك وتفرحك .. لان الامر بيدك وأنت اللي تحدد مصيرك .. وقفت عند الباب لين جاء سعود واخذني ورجعت للبيت .. عفوآ لبيت خالي
وملجأي أنا وعلي حاليآ .. دخلت الصالة وأبتسمت بوجه خالي وقلت : السلام عليكم ..
ناظرلي خالي وقال : وعليكم السلام .. شحالج وحال علي ..!
رميت الشال ع الكنب وقربت له أحب راسه وقلت : كلنا بخير
هز راسه وسكت .. بعدها قال : وين وجدان ..؟
ناظرت له بأستفهام بعدين قلت : راحت للبحرين .. هي قالت لي انها علمتك
هز راسه وقال : ايه صح راحت مع نوره بنت الجيران صح
قلت : ايوة .. أقول خالي أنا بصعد تبي حاجه
ابتسم وقال : سلامتج
رديت له الأبتسامه وأخذت الشال وصعدت فوق لغرفتي ..
رميت نفسي ع السرير .. وأخذت نفس طويل .. رميت الشال بجمبي وابعدت العبايه عن كتوفي .. تعدلت بجلستي واتجهت لتسريحه وفتحت الدرج وابتسمت أخذت دفتري وجلست ع الكرسي .. أخذت قلم المرسم ورسمت عين ودمعه صغيره .. كل ما بحس بضيق برسم دمعه تنذرف ع هالدفتر مو ع خدي .. تنهدت ..ما تحسوني تغيرت .. يعني ياملا الهندري أختفت .. واستهبال .. والرجه .. يمكن بسبب هالظروف .. يالله بترجع دلع بس بقوة خارقه .. هع نبدأ استهبال .. يالله .. رميت القلم بنفس الصفحه وسكرت عليه وشلت الدفتر وحطيته بالدرج .. مايلت الكرسي حتى أوصل لطاوله اللي ع يمين التسريحه وسحبت
شنطة الاب .. وه بس منذو مبطي عنه .. أخر مره فتحته قبل
يومين .. دخلت المسن و انصدمت ٨٨ رساله مافتحت الا ٥ بعدها سكرته كنت نعسانة المهم جتني رسالة من منتدى **** يعلمني انه طردني .. منتدى زفت .. اما منتدى **** *** فيحذرني انه بيطردني .. هذا منتدى مؤدب .. ماعليكم من هالسوالف .. خلوني ادخل هالمنتدى المؤدب .. كتبت القب والرمز .. اكيد مستغربين وش هالذاكره اللي مانست .. بس أقولكم وبكل صراحه أنا بنت تحب تحط لها اسم واحد وتدخلها بجميع المنتديات يعني (وهم) وخلاص انتهينا .. والرمز
هع مو صعب بقوة كلها( أ٠) يلله عاد عطيتكم وجه .. يكفيكم تعرفون اللي في الرمز .. اللي في الرمز .. يعني موكل الرمز .. يعني مو بصعبه .. المهم الله شوفوا الرسايل .. غريبه علي مادخلهن .. آها صح .. شوفوا هالموقف
/
/
دخلت عليه لقيته يضحك .. قلت مستغربه : شمدخلك بغرفتي يالله اطلع
ناظرلي وقال : عايشة حياتي مخفه
ناظرت له بغباء بعدها استوعبت لما شفت انه داخل اسمها وفيه سوالف بأسمي .. عملها الدوب وجلس يهذري مع عهود .. صدق مايستحي .. ضربته بس مو هذيك الضربه اللي بردت قلبي .. لان امي حلفتني ما ألمسه
ناظرت له وقلت : يمه تكفين بس ضربه
أمي : دلع بس عاد
قلت : طيب قولي له يحلف أنه مايدخل بأسمي أبد
أمي : دلع
قاطعتها بقهر : يرضيك جالس يسولف مع صديقتي
أمي بصدمه : صدق ياعلي
علي بتلعثم : خلاص والله ما أرسل لصديقاتك ..
قلت بلعانة : لا احلف انك ماتدخل المنتدى أبد
علي يتمسكن : بس أنا ماعندي مسن كيف اقدر ادخل منتداك
قلت وأنا مستمرة باللعانة : رح لمنتديات غير هالمنتدى كثر ربي هالمنتديات
علي : بس أنا ابي *******
قلت ببرود : لا
علي : والله والله ما أراسل أحد ولاحتى أشوف اسمك ما أدخله
حتى أقسم بالله ..
ما أقتنعت بس الوالده سكتتني وقبلت بهالأمر
/
/
خخ وتوته توته خلص الموقف ..
المهم من بعدها حرم يدخل الرسايل أو يراسل حده يقول السلام بصندوق المحادثه .. ناظرت لرسايل كلها من شخص معين ( أميرهم ) كل رسايله عبارة عن حب وخرابيط
.. يعني ولد نت .. حذفتهم .. وطنشت نزلت أشوف المتواجدين .. كانوا كالعاده ما يتجاوزون العشر اشخاص اوه فيه أميرهم ومشعل هذا المدير
وفيه حياتي مأساتي وفيه فراشه الشوق هذي بنت اسمها رفيف حبوبه مره .. كانت تدرس بالجامعه معي بس هي مو بقسم الحاسب هي بقسم الاسلامي .. مدري وين عهود .. مو مع المتواجدين .. ايه نسيت لأعرفكم عليها .. هذي عهود صديقه لي بالابتدائي سافرت للبريطانيا واستقرت هناك .. لي عنها حوالي امم ٨ سنين أو أكثر ما كملت معانا خامس .. ما شفتها من زمان .. أخر مره شفتها فيها لما ارسلت لي صورتها بالجوال .. لاتستغربون لارقيب ولاحسيب ابوها وأمها منفصلين وهي بينهم ومن كل الطرفين مدلعه .. كنت دايم أقول ياحظك انتي الدلوعه .. وهي تعصب وتقول الا ياقرادة حظي .. أنا يادلع فاقده الكثير ..فاقدة حنان حب .. فاقده كل شي .. اهلي مدلعيني بالفلوس والطلعات بس .. كنت استغرب كيف فاقده حنان وحب ..؟ وبعد وفاة أمي عرفت الجواب .. انتم أكيد مستغربين من كثر ماأردد مقولات وفعايل أمي .. مع انكم
ماشفتم شي منها .. ترا لأنكم ماعشتم معاها أكلتم سولفتم ..
اكيد الكل عنده أم عرفها عرف سوالفها تعصيبها .. أكيد اللي فقد امه مثلي .. وفقد حكاويها ومزحها وضمتها .. بيعرف قدرها
.. ماأقول اني ماعرفت قدرها الابعد وفاتها رحمة ربي عليها .. بس أقول أن الكل بلا أم ما يسوى شي .. فالله يحفظ لكم امهاتكم ويخليها لكم .. اما عن اللي فقد أمه منكم .. فالله يرحمها ويجمعك معاها بسرر متقابله بجنات النعيم .. أنا مدري
ليش دايم يقولون ( الطفل ما يتيتم الا أذا مات ابوه .. ) طيب وأمه ..؟ ليش مايتيتم ..! فمثلآ حالتي .. أب حاقرنا .. وأم راحت لربها .. أخ طايح بمستشفى .. وعايشة ببيت خالها من الرضاعه .. بمدينة غريبه .. بعادات مو متعوده عليها .. شتقولون لها ..! يعني من كان جامعنا ..؟ بعد الله .. وداوانا بمرضنا ومسح دموعنا وضحكنا
..؟ من غير أمي .. ارضعتني علمتني كبرتني وبالنهاية اتركتني
.. أما أبوي .. آه بس مدري ليش اقوله أبوي .. هذا الرجال وش استفدت منه نزيف راسي ..! ولا يتيمي .. وتشتتي ..؟
تنهدت بضيق .. أنا لو ما أفكر احسن لي .. المهم .. واليه جاني تنبيه لخاص ووبعد فيه لرسائل الاعضاء .. والله لو هن من أميرهم لأطلع عيونه .. انفتحت الصفحه كانت وحده من أميرهم وهي بالخاص اما الثانية من حياتي مأساتي برسايل الزوار .. ابتسمت لما قريت وش كاتبه .. هذي عهود مغيره اسمها .. كاتبه لي انها مو مصدقه اني فيه ومستانسه اني جيت وتبغاني على المسن ..
ارسلت لها دقايق عندي شغله ..
فتحت رسالة اميرهم .. كان كاتب (( مساء الحلا وكلمة هلا
مساء الورد وعظيم الود
مساء الشوق يا كامل الذوق ))
ارسلتله برسايل الزوار .. (( .. لاترسل أحسن لك .. ))
وسجلت خروجي ودخلت المسن ابغى سولف مع عهود اللي عاتبت وعاتبت وبعد عاتبت لين طفرت وارسلت لها صراخ سكتت ثواني بعدها فقعت ضحك ..
عهود : اخبارك دودي وربي اشتقت لك .. كم مرة اتصل ع جهازك اما مقفل أو بزي ..
ابتسمت وكتبت : سوري بس مريت بظروف شوي صعبه
عهود : أها الله يعينك .. اخبارك قلبو ..؟
قلت : تمام انتي اخبارك .. واخبار بريطانيا ..؟
عهود : روووعه بوجودي طبعآ
ضحكت وقلت : هههاي واثقه
عهود : ايه انا عهود مو حياالله
كتبت : ههاي
عهود : ها ها ها
قلت : تقهرني ضحكتك
عهود : ليه ..؟
قلت : مدري احسها مهزله مدري ليش .. انا أكره ماعندي الها ها ها كانه درس عزف وبعدين كثر ربي هالضحكات اختاري منها
عهود : مثل
قلت : اهم وحده هع
: خخخ
: ههاي
: كككاك
: كع
: اختاري منهن
عهود : امم .. اعطيني مهله أفكر
قلت : ياهوو تراني مو جاية اطلب يدك
عهود : خخخ اخترتها .. ايه وشعليك صرتي عروسه وصرتي تعايريننا
ابتسمت بلهفه وكتبت : لا خلاص
صرت
تنهدت بعدها كتبت بثقه : مطلقه
واكيد بتعرفون ان عهود ماتركتني من س الى س وانا علي ج
بعد ماصليت المغرب نزلت عند خالي وسولفت شوي وكلمت مها بس ماردت ..
وبعد ماصلينا العشاء وضبطت لخالي العشاء اللي هو عباره عن سلطه وسباغتي مع قطع الدجاج .. وعصير برتقال من يدي .. وعطاني خالي أحلى خبريه ..
نزلت من الدرج وناديت : سولا سولا
جتني .. قلت لها : i want go to hospatel caom whithe me
: طيب تعالي وياي
نزلت النقاب ع وجهي وقلت بهدوء : لا عادي بروح مع السواق
سعود : انا اصلآ طالع .. امشي
قلت : لا والله روح ارتاح انا اصلآ قلت لسليم يشغل السيارة
طلع المفتاح من جيبه وقال : امشي .. توني داش ماجفت سيارته ..
نزلت راسي وقلت : أوكي
دخلت المطبخ واخذت الأكل
وأنا شوي واصيح ما ابي اروح معاه فشله وربي فشله ولا بعد لحالي .. خفت أقوله ناخذ الخدامه ويستحقرني .. واي علي
بس .. طلعت ولقيت الشنطتين بيديه ..
ابتسم وقال : يالله
سكتت ومشيت وراه ..
ركبت السيارة وقلبي .. آه ياقلبي
شفته يسلم علي وهو واقف عند الباب كأنه يقول ما أبي ادق كل دقيقه واتعب .. لاوصلتي بالسلامه ناديني ..
: أقول دلع
بعد مابلعت ريقي قلت : هلا
سعود : كيف سمحوا لج تباتين مع علي ..؟
قلت : ماني عارفه .. خالي بوقت العشاء قالي تقدرين تنامين عنده
قال : أها .. يحليلك يا ابويه خايف على علي بقوة ..
سكتت وجلست اناظر لنافذه .. وقف عند سوبر ماركت ونزل ماقال لي أي شي .. كل اللي سواه انه نزل .. بعد مده ركب وركب معاه اكياس مو كيس اكياس شكله جوعان هع والله لو يذوق السباغتي بتاعي احسن له ..
(( والله مايسوى أعيش بدنيا دونك ..
فتحت شنطتي وأنا أدور جوالي وين ذلف .. اشوف نوره يشع بس ما أدري وينه كبيت الحوسه
واخذته وبسرعه رديت : الو
انتبهت لسعود اللي جالس يناظرني .. ابعدت عيوني عنه اما هو شغل ومشى ..
ردت : اهلن اهلن
قلت وأنا اشيل اللي كبيتهم : ياهلا .. شخبارك يالقاطعه ..
قالت : انا القاطعه امس مكلمتك
قلت : شفتي انتي قلتيها أمس
ضحكت وقالت : اخبارك
قلت : بخير عساك بخير
قالت : دلع وش فيه صوتك
كنت أتكلم وأنا أحاول أقصر صوتي قدر المستطاع .. قلت : لا ابد .. خالي بخير
قالت : هاه ..؟
قلت : كلهم بخير والله .. انتي اخبار الأهل
قالت : تكلميني
قلت : ايه وشفيك .. اها خلاص اذا فضيتي دقي اوكي مع السلامه
وسكرت بسرعه .. سعود ما شال عيونه عني .. كان يناظرني بالمرايه .. صرفت مها ما أقدر أكلمها .. دقت واعطيتها مشغول وارسلت ( انا بالسيارة مع سعود ما أقدر أتكلم معك ) تتوقعون بالله وش ارسلت ارسلت لي ( ههههههههاي )
انقهرت وكتبت ( ضحكتي من سرك قولي امين )
: الا دلع
بغيت اطيح من الخرعه وقلت : يمه
قال : شنو
قلت : لا سلامتك .. وشبغيت
قال : لابس بسألج شنو صار بسالفة طلاقج
تضايقت منه ليش يسأل وش يبي بس كتمت وقلت : ولا شي
قال : تبين اروح وياج للمحكمه عساس تفجينه
افجه وشو ..! ايه قصده يعني اطلقه حلوة اطلقه تخيلوا شكلي
رايد انت طالق طالق طالق هههاي وربي فله ..
سمعته يقول : اسف ماكان قصدي ازعجج بس حبيت اساعدج
قلت بسرعه : لا لا ماأزعجتني بس انا ما أدري ..
تنهدت وقلت بجدية : أنا ما أبي محاكم وحوسه ومشاكل يعني نصعبها انا ابي الطريق السهل واللي هو أن رايد يقول طالق وبس
قال : انتي عارفه ان رايد مايبا يطلقج وعادي ترا لو يعلقج ويروح
قلت : لا بيطلقني ورجله فوق راسه
ضحك وقال : اوف اسميج قوية
وشو صاير قوية من يومي وانا قوية
قلت بشموخ : من طلعت ع هالدنيا
قال : طيب رايد يحبج ويباج ليش تبين تنفصلين عنه
قلت بقهر وبتسرع : اللي يحب ما يخون
عقد حواجبه وأنا عضيت لساني ع هالزله ..
ردد كلمتي بأستغراب : اللي يحب ما يخون ..!
افهم من كلامج ان رايد خاينج
قلت بتلعثم ودي ازين السالفه : لا يعني بس ليش هو حدد الزواج من دوني .. أنا اصلآ ما أبيه من زمان ..
جلست أعيد كلامي بعقلي وعرفت ان كنت أقط خيوط .. ياحول وشلون بيفهم الكلام ما دامي أنا نفسي مافهمت .. رفعت عيوني لمرايه شفته يناظر الطريق وهو مبتسم .. تبون الصراحه .. آخ بغيت اطيح يوم شفته .. احرااااااج .. ياالله وش هالقرادة .. فضلت اني اسكت ولا أتكلم .. بس هو ما حب يسكت .. سأل : دلع تعشيتي
قلت : ايه الحمدلله
قال : شنو عشاج .. لاتقولين صمون
قلت : لا سباغتي وسلطه
قال : هاه منو مزينها أتذكر سولا
ماتعرف .. انتي مزينتنها
قلت : ايه انا ..
ابتسم وقال : ماتسمم ابوي
انا كنت بضحك بس مدري فضلت اني أقول : لا والله الحمد مع اني كنت شاكه
ضحك وقال : كنتي شاكه هاه .. يحليلج والله لاتزعلين تراها سوالف
قلت : عارفه
وابتسمت لما اخيرآ اخيرآ وصلنا للمستشفى .. وقف السيارة ولا بعد طفاها .. ما أهتميت ونزلت توي أتذكر من بيشيل حوستي لا يكون أنا عشان أتكرفس بالعباية عند الباب .. يمكن لو ما جبت الاب احسن .. آه بس .. رحت لشنطه اللي وراء شفته جا وفتحها لي واعطاني شنطه الاب .. والحمدلله يده مالمست يدي .. أخذ الشنطه الكبيره وسكر الشنطه مديت يدي يعني عطني
قال : لا انا بشيله انتي مشي جدامي
استحيت وقلت : لا لا عادي عطني اياها
قال : لا ثقيلج عليج
ابتسم وقال : شنو حاطه فيها جنه كنز ..!
أمحق كنز .. توهقت شقول حاطه ملابس .. سكتت وهو ابتسم واخذ اكياس السوبر ماركت وشالها وقال : يالله
مشيت وراه وأنا ساكته .. سمعت جوالي يدق سبيت مها بخاطري .. فشلتني النغمة طويلة وصوتها يتردد بالممرات ..
وابطيت بمشيي وبالنهاية وقفت ونزلت الاب وفتحت الشنطه وقلت بغيض : حمى اصبري لين أوصل .. وشفيك انتي ..؟
: أنا أنت مو أنتي يعني ذكر
انصدمت هذا منو ..؟ رفعت السماعه وشفت رقم غريب ..
رجعتها لأذني لما سمعته يتكلم
شلت الاب وقلت : نعم منو معاي ..؟
قال : انا نايف
رفعت حاجب وقلت : طيب واسم الوالد والعمر ..؟ خير اخوي وش تبي ..! أعرفك أنا ..؟
نايف : لا بس أنا أعرفك ..
قلت : ايه زين والله حلو كثرة المعارف
وسكرت السماعه بوجهه وأغلقته .. صدمت بأحد .. حسيت
انه بيغمى علي تمنيت يكون مو
سعود بس الحمدلله كانت حرمه .. بالأصح ممرضه .. تنهدت براحه وكملت طريقي وأنا أشوف سعود سابقني بخطوات كبيرة .. اسرعت بخطواتي حتى أكون قريبه منه .. هيييه لاتفهمون غلط بس ابدخل أنا أول .. بشوف علي أول .. سموه اللي تبون بس أنا أول .. سموه غيرة شوق اللي تبون .. كيفكم .. فرحت لما شفت احد دق ع سعود ووقف يكلم هع من كلامه مبين انه واحد من الربع .. تعديته وفتحت غرفة علاوي بس الصدمه ان مافيه أحد نزلت الاب وقربت لسرير أكذب عيوني بس مافيه أحد ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك