رواية لطفاً ورفقاً بي يازماني -8

رواية لطفاً ورفقاً بي يازماني -8

الحــــلـــ ق ـــــه الخـــــــامــ س ــــــــه ..

صدفه بلا ميعاد

قابلته عقب البعاد

ولقيت انا قلبي الحنون

صدفه بلا ميعاد

اجمل غرام لقلبي عاد

الله يامحلا الصدف لا لمت قلوب بعاد

ناظرت للافته ((قسم الحروق))

اعوذ بالله يارب رحمتك

شفت شايب متسند ع عصا حديد ويركض بالاسياب .. وجهه ما ينشاف بسبة الضمادات ويديه دم وضمادات واطراف ثوبه من عند الرقبه دم

حسيت برعشه بأوصالي وأنا أشوف الشايب ينادي : ياعلي ياعلي ياعلي يابوك وينك فيه

قربت له وقلت : فيك شي ياخال

قال : ولدي ولدي ماني عارف فينه ..

جلسته ع أحد الكراسي وقلت : وش اسمه

قال : علي .. علي راشد ال ..

هزيت راسي .. ناظرت لأبو منصور شفته مو منتبه لي .. ابعدت بخطوات لين وصلت للاستقبال : اختي ابي اسم علي راشد ال

ياناس هالاسم مار علي من اسم

قاطعتني الممرضه : بالدور الثاني .. رقم غرفته ٧٠٨٢

ابعدت ورحت لشايب وصرت ادور لين لقيت الغرفه ((العناية المركزه ))

سألت : وش صاير ياخال ..؟

قال : حادث انقلبت فينا السياره

هزيت راسي وقلت : لاحول و لاقوة الا بالله ..

سكت .. كنت اسمعه يتكلم بصوت واطي : وش أقولها .. بتسامحني .. لاأكيد بتزعل بقوة

دق جوالي ابعدت عنه ورديت : نعم

: طال عمرك موعد الوليد هاللحين ..

قاطعته : قل لفايز يحل محلي عندي ظروف

: ان شاء الله

سكرت والتفت ع ابومنصور شفته جالس بالكرسي ومغطي

وجهه بشماغه .. كنت بروح له بس سمعت صرخه باين انها بنت : وينه وينه

التفت اشوفها واقفه عند الاستقبال وتصرخ وتضرب بالأوراق وبنت وراها محجبه تهديها .. وفيه ولدين واقفين بعيد

عنها .. آه الله يعينها أكيد انها اللحين فقدت احد من ظناها او ابوها .. دقايق وشفتها تتقدم لجهتي .. كنت مستغرب هذي وش تبي .. فزيت لمادق جوالي ناظرت له ورديت : هاه

: اووف منك وانت كل ماكلمتك قلت هاه ياخي قل هلا الو لين متى وانا أعلم فيك

سمعت صراخ البنت ع الرجال اللي جالس عندي وقلت : رغيف ترا مو فاضي لك

قالت : يو يو .. طيب أنا بس بقولك ان أممم وش ذا وقف شوي ..

وخرت الجوال عن اذني لما صرخت : يبااه يباه

وقالت كلام مافهمته بس سمعت صوت أبوي لما قال الشركه

ردت : الو

قلت : هاه

قالت : اووف ماينفع فيك شي ابد

طنشتها وقلت : خير تكلمي

قالت : ابوي يقول راشد ال... ناظرت لرجال اللي قدامي هذا هو فقلت : عيدي وشفيه

قالت : راشد ال... اللي بشركة الرياض وده ينقل لمصر

قاطعت كلامها وقالت بصراخ : أنا تو قلتلك راشد ال..

قلت بتنرفز : ايييه

قالت لي صدمه قويه حسيت انها شلت رجولي ناظرت لراشد اللي جالس ع الكرسي والبنت اللي ضامها معقوله معقوله معقوله

مو مصدق يعني .. سكرت السماعه ووقفت اناظرهم من بعيد .. كيف راحت عن بالي .. انا

حافظ الاسم كيف نسيته .. شفت البنت تبكي كسرت خاطري .. قربت شفت العيال جلسوا يناظرون لي .. طنشتهم وقلت : عمي راشد

فزت البنت وناظرت ادور .. جلست اناظر عيونها كيف كبار و وساع ..

العم راشد : وينه

التفت عليه وقلت بأستغراب : من

قال : راشد

انصدمت لايكون مو هو بس نفس الاسم يعني تشابه بس فقلت : عمي مو انت راشد ال .. ابو علي

هز راسه وقال : لا مو بأنا أنا خال هالبنية وهالولد اللي داخل العناية

ناظرت للبنت اللي لفت وجهها وجلست تناظر لباب العناية مو مصدق وربي مو مصدق يعني هذي اللحين اللي قدامي دلع

نرجع شوي ..

التفت برجع وانصدمت .. سعود يركض بأتجاهي شصاير ..

سعود بعصبية : وينج فيه ساعه ندورج .. سرعي ابوية وعلي سوو حادث ..

قلبي توقف

جوارحي لاتعمل

فمي صمت

اذناي تكذبانه

وعيناي تصدقانه

أهاذا معقول .. حبيب القلب .. أخي .. روحي .. حياتي .. هو في وجه الموت ..!

وأنا اين كنت / بوسط الشوارع ادور ..

غمضت عيوني بقوة أمنعها من ان تسرب دموع الم والآه

ضغطت بيدي على الباب أمنع نفسي من سماع كلام وجدان وسعود ..

وجدان : ابوية وش صار فيه

سعود : يقول جروح بس مو بالغه .. بس علي شكله حيل تعبان فديته لان السيارة انقلبت على جهته

كنت ابي اصرخ و أقول بس بس الله يخليكم بس لاتقولون لي شي

بعد مده طويله حسيتها دهور وقفت سيارة سعود اسرعت بخطواتي للباب الابيض الكبير اسرعت وأنا اسمع كلام علي قبل لايطلع : اطلعي معي .. دلع تكفين

آه يارب ابقه لي .. يارب مالي غيره ..

صرت اركض بممرات تصرخ الم واه .. فناس تبكي وناس تصرخ

غمضت عيوني ووقفت قدام مكتب الاستقبال وراه حرمتين .. نطقت : وين أخوي

ماقالن شي .. مر علي شكل دكتور أمي بسكوته .. صرخت بكل قوتي : لاااا

وين أخوي وين هو

حسيت بملمس كفي وجدان علي تهدئني

فقلت : لاتهدئيني وين اخوي

ضربت ع الطاوله وصرخت : وين علي .. اخوي وين هو .. وين علي ..

سمعت صوت اعرفه : دلع ناظرت لخالي على ذااك الكرسي البعيد ركضت له متجاهله الدكتور اللي قدامي

مسكت يده وأنا انادي : وين اخوي وين اخوي ياخال وين عزوتي وين هو وين سندي وين هو

ماقدرت طحت ع الأرض ابكي قرب لي وضمني .. كنت احاول اسكت وأحس بالأمان بس مافي شي حسسني بالأمان .. سمعت صوت غريب علي بقوة : خال راشد

أبوي هنا ..!

أبوي هنا ..!

رفعت راسي بقوة يمكن أحس ان ربي هداه وجاني بيحطني بالاحضان .. بس طلع الرجال فاهم غلط نزلت راسي على من تضحكين يادلع على نفسك او على الناس .. سمعت دق جوالي .. طنشت .. وسمعت دق ثاني .. بعد طنشت .. سحبت رجولي سحب وقربت لباب ابيض مافيه حياة .. رفعت راسي (العناية المركزة) يارب اراف بحالي وبحال هالمسكين اللي جوا .. يارب ارحمنا يارب ..

حسيت دمعي بيطيح ويزعجني أكثر ما أنا منزعجه .. جتني وجدان رحمه من ربي نادتني وحاولت تكلمني بس أنا ضميتها بكل قوتي وجلست اردد واقول : كل منه .. كل منه .. كل منه

سحبتني وحطتني جمب خالي اللي كان ساكت .. مانبث بأي كلمه .. ماقدرت استحمل كلها ثواني وصرت ادور هنا وهناك .. ادور ع الأمان ابي احد يمسك يدي ويقول لاتخافين هو بخير .. ناظرت لشنطتي رحت لها وسحبتها من الأرض وجلست ع الكرسي فتحت الشنطه وأخذت الجوال أحاول ابعد تفكيري .. بس هيهات

(لديك رسالتين)

فتحت الرساله الأولى ..

]لاتقطعين قلبي أكثر اقعدي لاتخافين هو ان شاء الله بخير[

سكتت .. صدمه قوية .. بس حسيت براحه .. هو يحاول يهديني .. رفعت راسي اناظره .. ابتسم بتردد .. كسرت عيني وأنا أنزف قهر .. هو ليش يسوي فيني كذا ..! وش يبي ..؟ مو كافي ماجاء منه ..

فتحت الرساله الثانية ..

كانت من مها

]دلع دقي علي ابغاك ضاروري[

كنت بدق عليها بس شي جواي منعني .. أخاف اضيق خلقها تنهدت ورفعت عيني .. شفت خالي ساكت .. غريبه وش فيه ..

سمعت صوت رايد : دلع

حاولت أكتم وأسكت بس ما قدرت ارسلي رساله وعديته اما انه ينادي بأسمي مايصير خلاص كافي .. عيب عليه .. قلت بهدوء : وش اللي مافهمته

سكت .. حسيت بيد وجدان ترص ع يدي كأنها تهديني .. خبيت انفعالي .. ورفعت عيني

وقلت : رايد كلامي ما فهمته ..!

نزل راسه وسكت ..

قلت : وش الشي اللي مافهمته ب..

تنهدت كنت بكمل بس انفتح باب العناية دق قلبي وفزيت واسرعت بأتجاه الممرضه بقولها دخلني عند علي .. بس هي حطت يدها وقالت : ممنوآ .. مايدخل ممنوآ

ارتجفت بغيض بس حاولت استعطفها : بس بشوفه دقيقه

هزت راسها وقالت : ممنوآ ..مافي نفر يدخل اللهين ..

انقهرت فقربت لها وقلت : يختي بس شوي بشوف وجهه واطلع سمعت صوت ما أعرفه : اختيه ممنوع الدخول اللحينه .. انتي صبري شويه يزاجك ربي الينه لفيت له كنت بصرخ عليه .. انت وش دخلك ..؟ بس لما شفت انه لابس البالطوا عرفت انه دكتور .. فقلت بهدوء مع ان اعصابي متفلته : طيب أنا بس بشوفه واطلع

قال بهدوء : شسمه

قلت بسرعه : علي راشد

تكلم مع الممرضه بالانجليزي بس ماكنت اسمع وش يقول كنت منتبه مع الصوت اللي داخلي خلك قوية ولاتبكين .. كافي لاتطيحين اللحين ..

غمضت عيوني احاول ابعد الصداع .. شفت الدكتور دخل .. كنت بحترق وش قالت له .. طلع فقلت بسرعه : بشر

قال ببرود : حنا بنسوي اللي علينا والباقي على ربج

رددت كلامه بأستغراب : انتم بتسوون اللي عليكم والباقي على ربي ..!

قال : لاتخافين اخوج بعيونا

قلت وانا للحين اردد وراه : لا أخاف اخوي بعيونكم

غمضت عيوني وأنا أحس اني خلاص ما أقدر أصبر كذا .. ناظرت له بحده وقلت بصراخ : اخوي بعيونكم هاه .. اللحين لنا حوالي ٥ساعات واقفين ننتظر بس كلمه هو بخير .. تجيني تقول حنا بنسوي اللي علينا طيب اشرح قول اخوي وش صابه عشان ..

قاطعتني مسكه يد ناظرت لشخص شفت وجدان قالت لي : بس يادلع بس

قلت بصراخ : وشلون بس اخوي ما أدري وشفيه .. كم لي وأنا واقفه انتظر أحد يطلع عشان اشوف اخوي

ناظرت لدكتور وقلت بقهر : اخر شي يجيني واحد وبزعمه بيطمني بقوله بنسوي اللي علينا

هييه أنت اصحى .. وتكلم عدل اخوي حي ميت مكسور مصدوم وش فيه ..!

كان ساكت نظراته باردة كأنه متعود ع هالسب والصراخ .. جاني احساس اضربه بس مسكت نفسي .. سمعت صوت غريب علي : خلها تشوف اخوها

لو بس دقايق

ناظرت لنفس مصدر الصوت شفت ولد يناظرلي

فز قلبي .. دلع تناظر لي .. كنت بتهور وابتسم بوجهها .. عشان تذبحني .. هي على اعصابها ودور اي غلطه ع أي مخلوق عشان تطلع اللي داخلها .. سمعت رد الدكتور : هو بخير

سمعت ضحكه بس شكلها سخرية من الكلام اللي قالته وهي تناظرني : لاتحاول هذا قلبه حجر ..

كنت ما أشوف عيونها زين من الدموع اللي تنزل بسرعه سمعت صوت : احم احم

رفعت عيني شفت واحد يناظر لي بعصبية .. وكأنه يقول نزل عيونك .. استحيت ع نفسي دلع عرضه .. محد يبي يشوف احد يمس او يناظر لعرضه ..

سمعت خالي ابومنصور .. يناديني .. رحت له وأنا أسمع هواش دلع مع الدكتور .. وقفت عنده .. قال لي : ياوليدي رح لشغلك

ابتسمت أخيرآ شال طال عمرك واكتفى بياوليدي .. ناظرته وقلت : خالي انا جالس معاكم ..

كان يحاول يقنعني اروح بس ارفض .. مدري ليش ارفض وبقوة .. حتى هو حسيته مستغرب من اصراري .. لفيت لدلع شفتها تدور عند باب العناية

كنت اناظر طولها جسمها يديها عيونها اللي باين انها لين اللحين تبكي .. بالله كنتوا تتوقعون الصدفه الغريبه .. ناظرتها .. من زمان وأنا أتمنى بس المحها واللحين قدامي اشوفها واسمع صوتها بعد .. شفتها تجلس ع الكراسي وهي ماسكه راسها وبجمبها البنت اللي ماخلتها .. ناظرت صوب العيال شفت اللي اعطاني نظرات للحين يرسل بأتجاهي وكأنه بيذبحني ويقول انت ما تفهم لاتناظر .. نزلت عيني وأنا للحين مومصدق .. يعني يوم نويت انساها وأبدا صفحه ثانية خاليه من أسمها طلعت لي .. اوووه ياما حلمت بشكلها بعيونها بطولها بشعرها بصوتها وهذي هي قدامي .. رفعت عيني شفتها وقفت وجلست تصرخ بوجه الولد اللي يطالعني .. ياحول هي بالحيل تعبانة .. وتفرغ اي شي .. وين ابوها يهديها .. تذكرت مكالمة رفيف .. وقمت من مكاني .. بتصل ع أبوي ابعرف وش سالفة أبوها .. مريت من جنبهم ابغى اتعداهم .. بس وقفت وناظرت لها ماكنت اشوف غير ظهرها لما قالت : انا ابي طلاقي منك

ناظرت من تقصد كانت تقصد الولد اللي له ساعه يطالعني .. يعني هذا زوجها .. بس ليش بتطلق منه ..!

سمعت صوته : دلع نتفاهم

قاطعته وهي تقول : لو سمحت

.. مافي بينا تفاهم ..

حسيت نفسي مالي داعي واقف بوسطهم تحركت وصوتها يلاحقني

انا ابي طلاقي منك

انا ابي طلاقي منك

انا ابي طلاقي منك

ابتسمت نص ابتسامة .. غريب قلبي .. فرحان وبنفس الوقت زعلان .. فرحان انها ماراحت لغيري .. وزعلان على حالها ..

دقيت الرقم .. دقايق وجاني صوت ابوي : هلا

ابتسمت : هلابك .. اخبارك يبه ..

واخبار الكل

قال : بخير يعلك للعافية

امر ابوي بغيت شي

قلت : وش قصة ابو امم راشد ال

قال : ابد رجال بينقل لما درى عن افتتاح الثلاث شركات قال بنقل

التفت له بقهر وقلت : روح لخالتي تلقاها لوحدها بالبيت

قال : دلع أنا

قلت بطفش : رايد لو سمحت

ارتجفت بقوة لما صرخ : بس انتي ماتفهمين

تجرأت وقلت : لا انت شكلك اللي ماتفهم ..

طنشته ورحت عند باب العناية حسيت بجفاف بحلقي بس ما ودي اروح لأي مكان ألأ وأنا متطمنة ع علي .. لفيت ادور انتبهت لجوالي ع ألأرض قربت له وشلته ورحت بعيد شوي ودقيت رقمها ( ان الرقم الذي طلبته غير موجود الان نرجو معاودة الاتصال بوقت لاحق ) طنشت هالكلام وقلت : يمه شسوي محد طمني على علي شسوي يايمه .. تعبت صارله ٩ساعات ماسمعت منهم خبر عنه

مسحت دموعي وكملت : يمه اذبح نفسي وارتاح .. طفشت تعبت وماأقوى ع صدمات جديده

بلعت ريقي الجاف .. وقمت متجهه لدورات المياة أكرمكم الله .. رميت عباتي وشيلتي ونقابي وغسلت وجهي وتمضمضت وجلست اناظر وجهي بالمراية غريبه هالدنيا كأن ماعندها غيري تصدمه .. تعوذت من الشيطان ودفنت وجهي بالمغسله .. وأنا فرحانة للماء البارد اللي يضرب خدودي بكل عنف ... دق جوالي التفت له وناظرته ابعدت عن الماء وجلست اناظر اللي يدق (اب)

رفعت الجوال لمستوى اذني وقلت بهدوء : نعم

قال : وشفية اخوك

قلت : مافيه الا العافية

قال : اها خلاص اجل مع الس

قاطعته : وش سويت بأمي

قال بصراخ : وش قلتي

قلت بغيض : وش سويت بأمي

قال : شب ولاكلمه

ماأهتميت وكملت : يعني انت ضربتها مع وجهها أو رميتها أو كتمت انفاسها

صرخ : دلع

قلت بصراخ : نعم نعم .. انت لين متى وأنت تكذب ع نفسك انت ذبحت أمي ذبحتها فاهم

قال بصراخ : انا ماذبحتها هي اللي جتها جلطه قلبيه وماتت

صدمه .. قالوا لي انهيار كيف صارت جلطه ..

صرخت : كذاااااب طول عمرك كذاب

صرخ : احترمي نفسك يالحقيرة

قلت ببرود انرفزه : وش غير حقيره

قال بصراخ : انا ما أتشرف ببنت واطية مثلك وعلي بأخذه معي وانتي بتشوفين ان ماخليتك تمشين بالشوارع مثل اللقيطه

طاح من يدي الجوال مو صدمه

ولا خوف من انه يرميني بل خوف انه ياخذ علي مني مستحيل مستحيل ياخذه وأنا ابقى ايش ابقى بغيابه مجنونه بس

ناظرت للجوال اللي تفكك نزلت ع الأرض وأنا اجمع ماطاح ليت اقدر اجمع ماطاح مني من قوة وبسمه وحلم

شفت نعول قدامي رفعت وجهي شفت وجدان قالت لي : دلع

نزلت عيوني وغمضتها بقهر ليش دوم يناظرون لي بشفقه ليش دوم هذي نظراتهم أنا لو محتاجه شفقتهم كان قلت لهم بس أنا ما أحتاجها ليش مايفهمون .. سمحت لدمعه تنزل عشان تبرد شوي من القهر اللي فيني .. سمعتها تقول : ابويه يباج

قمت وحطيت الجوال بطرف المغسله ولبست عباتي وشيلتي ونقابي بدون اي همس ..

اخذت الجوال ومشيت متعديتها وهي ابد ماتكلمت طلعت ما شفت سعود ولا رايد .. بس خالي يتكلم مع الدكتور .. قربت بسرعه وقلت بلهفه : هاه بشروا

ناظرني خالي وقال : علي

في الحلقه السابقه ..

دق جوالي التفت له وناظرته ابعدت عن الماء وجلست اناظر اللي يدق (اب)

رفعت الجوال لمستوى اذني وقلت بهدوء : نعم

قال : وشفية اخوك

قلت : مافيه الا العافية

قال : اها خلاص اجل مع الس

قاطعته : وش سويت بأمي

قال بصراخ : وش قلتي

قلت بغيض : وش سويت بأمي

قال : شب ولاكلمه

ماأهتميت وكملت : يعني انت ضربتها مع وجهها أو رميتها أو كتمت انفاسها

صرخ : دلع

قلت بصراخ : نعم نعم .. انت لين متى وأنت تكذب ع نفسك انت ذبحت أمي ذبحتها فاهم

قال بصراخ : انا ماذبحتها هي اللي جتها جلطه قلبيه وماتت

صدمه .. قالوا لي انهيار كيف صارت جلطه ..

صرخت : كذاااااب طول عمرك كذاب

صرخ : احترمي نفسك يالحقيرة

قلت ببرود انرفزه : وش غير حقيره

قال بصراخ : انا ما أتشرف ببنت واطية مثلك وعلي بأخذه معي وانتي بتشوفين ان ماخليتك تمشين بالشوارع مثل اللقيطه

طاح من يدي الجوال مو صدمه ولا خوف من انه يرميني بل خوف انه ياخذ علي مني مستحيل مستحيل ياخذه وأنا ابقى ايش ابقى بغيابه مجنونه بس

ناظرت للجوال اللي تفكك نزلت ع الأرض وأنا اجمع ماطاح ليت اقدر اجمع ماطاح مني من قوة وبسمه وحلم

شفت نعول قدامي رفعت وجهي شفت وجدان قالت لي : دلع

نزلت عيوني وغمضتها بقهر ليش دوم يناظرون لي بشفقه ليش دوم هذي نظراتهم أنا لو محتاجه شفقتهم كان قلت لهم بس أنا ما أحتاجها ليش مايفهمون .. سمحت لدمعه تنزل عشان تبرد شوي من القهر اللي فيني .. سمعتها تقول : ابويه يباج

قمت وحطيت الجوال بطرف المغسله ولبست عباتي وشيلتي ونقابي بدون اي همس ..

اخذت الجوال ومشيت متعديتها وهي ابد ماتكلمت طلعت ما شفت سعود ولا رايد .. بس خالي يتكلم مع الدكتور .. قربت بسرعه وقلت بلهفه : هاه بشروا

ناظرني خالي وقال : علي

الحلـــقه السابــ ع ـــه ..

بذمتك يا دمع كم لي وأنـا أبكيـك .,؟

كم مرة ٍ ؟.! أرجوك تستر جروحـي..!

كم مرةٍ أقسمـت فالعيـن أخليـك ؟..!

تشرب زلال الملح من حرّ بوحـي ..!

دام الوجع فينـي وضيمـه يغذيـك..

ما أظن سمع الأآآه يجهل شروحي..!

العبرة أنت ..؛وبحة الصوت تشكيـك

وأنت السيول اللي تخطت صروحي..

أكتب قصيدي واحسب إنه يواسيـك..

قصدي أبلّك يوم أحسك وتوحـي

آثره خطا أبكيـك وأرجـع أناديـك ..!

أصيح ويرد الصدى وسط روحي

ما جيت أنا اشكي عند بابك ولا أبغيك

ولا نويت ادفن بحزنـي طموحـي

إلا إن عمري فـي عيونـه يخبيـك

كان الرجا [يا دمع ] تخفيـه نوحـي

أخلفت وعدك يا عسى الله يجازيـك..

خليتني وحدي ضحيـة جروحـي..!

قربت بسرعه وقلت بلهفه : هاه بشروا

ناظرني خالي وقال : علي

وسكت

ناظرته انتظره يتكلم أنا بعد موقف أمي وأنا أكره شي اسمه السكوت

قلت : اييه وشفيه

التفت لدكتور اللي قال : الضربه جت من عند جهته اليسرى و

دق قلبي بقوة وأنا أسمعه يشرح لي ان علي ماراح يقدر يركز الشوف بعينه اليمنى لان اعصاب عينه تمزعت ولاراح حتى يسمع بأذنه اليمنى وان ضروس ثلاث داخله بالثله ومسببه حفر وتحجر دم ..

غمضت عيوني بعد سكوته وأنا ما أسمع غير انفاسي اللي تشتد ودقات قلبي اللي تضرب بأعلى ماعندها كأنها تنبه وتخبر انها اليوم بتروح .. تعب قلبي .. حسيت برجفه يدي تشتد ناظرت لخالي بتكلم ماقدرت

رفعت يدي بنبهه بس هو صرخ وقال : بنتي دلع بنتي علامج

غمضت عيوني بقوة كأني ارفض اضعف اللحين سمعت الدكتور يسأل خالي وخالي يجاوبه البنت كان فيها نزيف داخل راسها ..

جلست ع الكرسي وأنا أحاول اهدي نفسي .. دلع مو وقتك تطيحين مو وقتك ..

حسيت بشي يمشي ع عروقي بعدها الظلام الهادي صار فيه مليون لون ولون

ودوائر ومربعات ..

سمعت صوت فتحت عيوني شفت وجدان جالسه بجمبي رفعت راسي لسقف وأنا أحس بوجع بعيوني من قوة الايتات غمضت عيوني بقوة ورفعت طرف البطانية وحطيتها ع وجهي أحمي عيوني

وجدان : دلع

رديت : همم

حسيت بثقل يدي اليسار شفت المغذي .. تذكرت اني بالمستشفى قمت وحاولت اجلس وقلت بسرعه : علي .. وينه ..؟

قالت بهمس : لاتخافين علي بخير انتي بس ريحي حالج ..

قلت مطنشه كلامها : ماقال شي الدكتور عن خروج علي من العناية

هزت راسها بلا

ناظرت لمغذي اللي شكله مليان قلت : لين متى بجلس هنا قالت : الدكتور قال انج لازم تيلسين لين ينتهي المصل

سكتت وجلست ادور بعيوني احاول بس ادور شي يلفت انتباهي ويشتت تفكيري اللي تعدا حدود العقل

معقوله توفى وهم بس يجاملوني أكيد يجاملون مثل ما جاملوا بموت أمي كانوا ساكتين لومالحقت علي كان مادريت في

وفاتها أكيد متوفي أكيد

سمعت صوت الباب ودخل دكتور : كيف حالج اللحينه يادلع

زينت شيلتي وقلت : بخير طيب ممكن اطلع

قال : لا توج لين تنتهي الغذاية

قلت : ماله داعي

قال : ماني فاهمج شنهو اللي ماله داعي ..!

قلت : المغذ اقصد الغذاية

قال : امبلى انتي جسمج محتاج لغذاء وانتي الله يهداج مو ماكله شي

عند العآآآآآآآآآآآآآشق .. عزوز

طلعت للشركه بعد وقت طويل ماشفت دلع والعيال شكلهم طلعوا يريحون ماغير الخال هو اللي جالس ويعقمون له الجرح ..

دخلت وسلمت ع البواب وبعض الموظفين .. دخلت الاصنصير وضغطت ع زر خمسه

دقايق وانفتح الباب .. شفت السكرتير فايز وقف ابتسمت له وقلت : السلام عليكم

رد : وعليكم السلام

قلت وأنا متجه لمكتبي : جب الاوراق وتعال ..

قال : ان شاء الله

دخلت ورحت ع الكرسي وجلست انتبهت للاوراق اللي ع الطاوله أخذتهم كانت أوراق نقل راشد ابو دلع .. هع امون ابو دلع خخ اصلآ احسن هذا الاسم .. استغربت من الديون اللي عليه .. له حوالي ست سنين وما سدد .. غريب ..

طق الباب .. قلت : ادخل فايز

دخل ومعه الملفات وقال : طال

عمرك الاستاذ وليد قال انه بيفكر بالمشروع بس قبل كل هذا وده يشوفك

هزيت راسي وقلت وانا أناظر اوراق ابو دلع : متى جت هالاوراق ..؟

قال : قبل ربع ساعه جت بالفاكس من الفرع الاساسي اللي بالرياض

هزيت راسي كملنا معاملات وملفات ناقصه وطلع الكل وبقيت أنا لين الساعه ١٠ وطلعت زينت الأشياء المهمه والغير مهمه عشان افضي بكرى .. طلعت لشقه بتاكسي بعد مامريت واخذت لي عشاء ..

فتحت باب الشقه وحطيت اكياس العشاء بالصاله ورحت لغرفتي وحطيت الاب ع المكتبه .. رميت البنطلون والبلوزة ولبست قميص البيت .. طلعت لصاله جلست ع الكنب وفتحت الأكياس واخذت الساندويتش وفتحت التلفزيون وجلست أكل مر الوقت سريع وشفت الساعه ١ ونص قمت وشلت بقايا اكلي ورميتهم وسكرت الايتات وانسدحت ع السرير .. كانت عيوني تناظر السقف بتشتت .. معقوله اللي شفتها تكون دلع معقوله .. قمت وعطيت نفسي كف وقلت : لا حقيقه يعني ما كنت أحلم ..

ابتسمت أتذكر استهزائها بالدكتور

وطلب طلاقها الله يعينها

ثواني معدوده ورفعت يدي لفوق : يالله يارب طلبتك تجعلها من نصيبي يارب ياكريم انها تكون لي وأكون لها يارب ياعزيز

اجعلها من نصيبي

انسدحت وبدقايق رحت لعالم النوم ..

فزيت ع دقات قوية ناظرت جوالي كانت رغيف اوهو علينا حتى وأنا بعيد ألا تضايقني بنومي اوف بس اخذته ورديت : هاه

صرخت : عزوووووز

اح صارت اذني تغني بعد صرختها .. سكرت السماعه بوجهها .. آخ من هالبقرة .. مسكت اذني اللي للحين تتوجع من صرختها .. وشفت جوالي يدق حطيته مشغول وبعدها أغلقته ادري بتزعجني ..

اكيد متصله تسأل عن دلع .. هيي كم الساعه .. ناظرت لجوالي مقفل بسرعه فتحته وانتظرت لين فتح وشفت الوقت الساعه١١ اوف اليوم يوم رجعت من المسجد نمت ويحليلي ماقمت الا تو .. ناظرت لرسايل اللي امتلت ابوي ورفيف وأمي .. بسم الله وش صاير توي بدق ع أبوي الا طلع اسمه ع جوالي رديت : هلا

: وينك فيه الله يهديك روعتنا

استغربت : انا فيه انتم اللي شسالفتكم

ابوي : مافينا شي بس رفيف صرخت بأسمك وجلست تبكي

قلت بسرعه : وشفيها

ابوي : ما أدري شكلها تدلع

قلت : اها .. ماهي قريبه منك

ابوي : لا أنا توي طلعت من البيت

قلت : طيب تأمرني بشي بشوف وش فيها

أبوي : سلامتك ..

قلت : الله يسلمك

سكرت بسرعه ودقيت ع رفيف مو من عادتها تبكي قدام أبوي غرايب شوي وردت : الوو؟

قلت بلهفه : هلا والله كيفك رفيف وشفيك خوفتيني عليك

بكت وقالت : ما أبي اتزوجه ما أبيه أكرهه اكرهه اكره وجه صوته مشيه شعره الملفلف كله

كله تكفى عزوز قول لابوي ما أبيه ما أدانيه فاهم كيف ما أدانيه

تنهدت بضيق أكره ماعندي التسميات والحجز .. انا سلمت منها لان كل بنات عمامي صغار اما بسبع طعش او الخمس طعش

اما سحر فسمت لخالد بس خالد

مايبيها وهي ماتبيه

ورغد سمت لمحمد بس محمد توفى قبل ثمان سنوات

اما رفيف فسمت لطلال وطلال يعشقها بجنون بس هي تكرهه

كره مو طبيعي انا ما أدري وشفيها عليه مع انه طيب وحبيب

ورجال بمعنى الكلمه والأهم شاريها ويبيها

حاولت أهديها .. بس محاولاتي كانت فاشله .. سكرت منها وهي

للحين تبكي .. ياحياتي هي .. ما قدرت أعرف منها غير ان طلال طلب انه يقدم الملكه لبعد اسبوعين ولان رفيف مالها شور والشور دايم للوالد لالا لاتغلطون وتقولون اهلي متخلفين .. هم مو متخلفين بس متشبثين ومتمسكين بعادات قبل ( الحرمه مالها شور ولا حتى كلمه ) غسلت وجهي و أكلت تفاحه مو مشتهي غيرها وطلعت للمسجد .. رحت شوي لشركه واتفقت ع لقاء بيني وبين وليد ..

تثاوبت وقلت : طيب ابغاك تجمع

لي ناس من كل قسم وتسألهم

عنه أوكي

هز راسه وطلع ..

سندت راسي ع الكرسي وغمضت جفني اووف تعبان بقوة .. فيني كسل موطبيعي .. رفعت السماعه ووصيت فايز يوصلون لي قهوة بعد ربع ساعه سمعت اذان العصر طلعت وصليت ورحت للمستشفى طبعآ موبسيارتي بسيارة التاكسي لاني صراحه ماعندي سياره ولوعندي انا مو حافظ مكان المستشفى .. دخلت واسرعت لقسم العناية لاتحرجوني أنا موخفيف بس شسوي حطوا نفسكم بمكاني بنت بيومين بس تقلب كيانك وتموت فيها وتجلس ست شهور وانت ميت وهايم فيها وبالنهاية تروح لغيرك والله صعبه .. ماكان فيه أحد .. الله يستر .. كنت أمشي بروح لقسم الحرائق

بس سمعت صراخ .. التفت كانت بنت انقبض قلبي .. قربت بخوف

معقوله صار لهم شي ...

عند دلــــــــــــــــــــــــــــــــــــــع

كنت أبكي أبكي بقوة واصرخ ما كنت حاسه بنفسي كيف بحس و و

جتني وجدان تهديني بس ما قدرت مو مصدقه هذا أخوي هذا اخوي ناظرت له شفته نايم

عينه اليمنى مغطاه بشاش واذنه بعد وأيده اليمنى مجبسينها

حتى رجله .. آه ياقهري آه حسبي رب العباد عليك آه حسبي رب العباد عليك .. كنت اتحسب ع عمري لاني ما أنتبهت له هذي ثاني مره يضيع مني غالي .. مسحت دموعي وقربت له وحبيت راسه ابتسمت بين دموعي وأنا اردد بداخلي يارب تقوم أخوي علي بالسلامه ..

طلعت وأنا خايفه .. آه خايفه يروح أخوي مثل ماراح منصور .. لاتسألوني منو منصور .. أنا ما أعرفه بس أشوف البنات اللي بأخر الممر ينادن ع اسمه .. جلست ع الكرسي وذكرى أمس اجتاحتني

/

/

رايد : دلع ادعيله مو كذا تبكين

مسحت دموعي بقهر وقلت و أنا اناظر لعيونه اللي تلمع بالشفقه

: انت وش عليك ..؟ أبوي ..؟ أخوي ..؟ من انت ..!

رد ببرود : لا تنسين اني زوجك

قلت بقهر وأنا اقوم وألف وجهي عنه : طلقني

تلعثم بعدها قال : دلع بعدين نت

قلت : ما بيننا تفاهم

حسيت به تحرك .. أحسن ليش ما يفهم .. عفته عفته وعفت كل شي فيه ..

يتبع ,,,,

👇👇👇

تعديل المقال