رواية لطفاً ورفقاً بي يازماني -7

رواية لطفاً ورفقاً بي يازماني -7

رحت بأتجاه شنطتي وشلتها .. ناظرت للكل .. وأبتسمت وأنا قلبي متقطع من بكاهم .. مسكت مفتاح الباب .. سمعت امي تناديني : عزوز ..

قلت : سم ..

قالت ببكاء : داري ع نفسك .. وشوي شوي بالطريق ..

قلت مبتسم : ان شاء الله ..

وطلعت من البيت .. أمي حالفه ما اروح بطيارة .. لانها تكره ركوب الطيارة .. عندها الموت ارحم من ركوبها ..

ناظرت لحوشنا لدقايق .. أودعه .. بعد هاليوم بصير غريب عنك .. سمعت طق بوري او هرن .. اسرعت بمشيي أخاف يروح .. يسويها مطلق ويمشي حاقرني .. فتحت الباب .. شفته فتح نافذة السيارة وقال : اسرع .. ياخي كم لك وأنت جالس داخل ..

سكرت الباب ونزلت الدرج .. فتحت الباب وقلت : عذرآ .. تعرف الأهل وش يسون بهالمواقف ..

هز راسه وقال : اكيد سوو حفلة .. دموع وتوصيات ..؟؟

قلت : ايه فلم هندي ع كيف كيفك ..

ابتسم وقال : اركب بسرعه عشان نوصل .. وافرفر شوي .. اشوف الخضر , والحمر , والصفر ..

ضحكت بعدها قلت : طيب افتح الدبه عشان أحط الشنطه ..

ضغط الزر اللي عند رجوله بصعوبه ..

قلت بمزح : ياخي خفف من أكل معجنات اختك ..

قال بحلم : آآخ بس قول غير هذي .. لو تقول ارمي نفسك بالنار بسويها .. بس بالمقابل تعطيني من فطاير هنوف

كنت أسمعه وأنا أحط الشنطه بالدبه .. أخذت الكيس اللي ملته امي من أكلات من يدينها ويدين سحر .. اووه ع طاري سحر .. طلعت جوالي باليد الثانية .. وأرسلت ( الوعد بعد أسبوعين يا دوبا ) .. سكرت الدبه ورحت ودخلت السيارة ..

قلت : ماعندي فطاير اختك .. بس عندي فطاير أمي ..

حرك السيارة وقال : اووه عاد فطاير أمك شي ثاني عكس هنوف وبقوة .. هنوف كبااار واللي داخل شوي .. وامك صغار و مليانات ..

ضحكت وقلت : هه قول وشتبي ..؟؟

صار يوايق بوسط الكيس بعدها ناظرني وابتسم وقال : انا رجال مايعرف يختار .. بس يعرف ياخذ كل شي قدامه ..

رفعت حاجب وقلت : تقلع عاد .. الوالده مزينته لي وأنت اللي تدغه كله .. ع قص رقبتي ..

قال : وأنت بعد تقلع .. أنا أسوق وأنا اللي ادفع البنزين وأنت بس مريح ع الكرسي .. مايصير ..

قلت : حشى مستكثر علي جلستي بسيارتك ..؟؟

قال : مثل ما أنت مستكثر علي فطاير ..

قلت : هبي خذ خذ الكيس كله..

وأعطيته الكيس .. وقلت : بس لاتنسى تسمي قبل لاتدغ ..

ناظرلي بطرف عين وقال : ابشرك ماني داغ الأ وأنت معي ..

قلت بتطنز : فيك الخير والله .. تعزمني ع فطاير أمي ..

قال : اشهد ان لا اله الا الله ..

وسكت قلت بترياقه : أكمل الفراغ ..

وقف السيارة ع جنب وقال : انزل اللحين لابارك الله فيك .. يعني غصب الا تذكرني بأسألة الاختبار ..؟؟

ضحكت وقلت : طيب افصل ..

قال : ودي .. مثل ما ود ابوي بذبحي .. لما أقوله بفصل ..

ضحكت وقلت بتطنز : يا حوول .. تصدق ارحمك ..

قال : ارحم حالك .. لاني اللحين بتودس بطنك ..

فقعت ضحك وقلت : لا ياشيخ اخاف تطلع روحي .. أقول أمش .. بقى بعد نمر فواز ومتعب ..

مشى وهو ساكت ..

دق بعد ثواني جوالي (( التعبان )) رديت : الوو ..

قال : السلام عليكم ..

قلت : وعليكم السلام .. ياهلا .. تأخرنا عليك صح ..؟؟

قال : لا .. أنا أصلآ داق اقولك ما راح اروح معكم ..

قلت : ليش تعال وغير جو ..؟؟

قال : لا بجلس بديرتي احسن لي ..

قلت : لا تكفى تعال مايصير ..

قال : ما أقدر الوالدة رافضه .. خايفه علي من طلعت من المستشفى وهي بس جالسه عندي ..

قلت بأسى : يعني وشلون من يحميني من بطن مطلق ..؟؟

ضحك وقال : وأنا أقول هالترجي مو لله .. اثريك تدور ع بودقارد يحميك اذا بغيت تنام ..

قلت وأنا متوجع من ضربت مطلق : لا كلش ولامطلق ..

ضحك متعب وقال : من وين ضربك ..؟؟

قلت : وجه لي ضربه خفيفه ببطني ..

ضحك وقال : الله يقطعك .. صدق مخفه انت وياه ..

قلت : احلف بس .. طلعنا مخفين يالثقيل ..

وقفنا عند باب بيت فواز .. وشفت مطلق يدق له ع الجوال ...

كمل متعب وقال : أقوول باي ..

قلت : صدق ماتستحي ..

قال : انت اللي ماتستحي .. جالس هذره .. ومن عليه الدفع ..؟؟ علي أنا ..

قلت : واليـــــــــــــــــه بدا الثاني .. الا اليوم وش سالفتكم علي ...؟؟ واحد ذالني بسواقته ,, والثاني بفاتورة جواله ..

وشفت فواز دخل وقلت : وشكل الثالث بيكملها بعد ..

قال فواز : بسم الله وشفيك أنت ..؟؟ حتى السلام ماسلمت ..

قلت : طيب سلم ..

قال : السلام عليكم ..

قلنا : وعليكم السلام ..

قال : مطلق ممكن تفتح الدبه ..؟؟

قلت : اووه اللحين يجلس ساعه ع مابال يضغط الزر ..

مطلق : تراني متحملك .. وبقوة ..

كنت برد بس سمعت متعب يقول : شفت يوم أقول انك جالس هذرة ..!!

ضحكت وقلت : والله نسيتك ..

قال : اذلف مابك خير .. وها لفاتورة عليك ..

قلت : اييه زين يالبخيل ..

سكر بوجهي .. ناظرت لشباب شفتهم ساكتين .. شسالفه .,؟

قلت : خير وشفيكم ع الصامت ..؟؟

مطلق : أنا ماعندي سوالف ..

ناظرت لفواز .. قال : وأنا فيني نوم ..

سكتت ولفيت أناظر لناس الرايحه والجايه ..

تكلمنا بمواضيع صغيرة قاطع سالفة فواز .. دق جوالي .. ناظرته ( رغيف ) ...

قلت بصوت مسموع : يا أنه نشبه ..

رديت : هاه ..؟؟

قلت : افففففف .. هاه مره وحده ..!!! ياخي قل هلا , السلام , مرحبا .. لو حتى الو ..

قلت : رغيف اخلصي ..

قالت : اشتقت لك ..

قلت : ووووو ..

قالت بسرعه : تكفى جب لي من أكسسوارت البحرين .. تكفـــــــــــــــــــــــــــــــى ..

قلت بهدوء : ان شاء الله .. تبين شي غيره ..؟؟

قالت : لا لايالغالي .. ما أبي الا سلامتك ..

قلت : يالله باي ..

مطلق : وشي رغيف هذي ..؟؟

قلت : هذي أختي المحروصه رفيف ..

ضحك مطلق ... وأنا سكتت .. ماأسمع صوت لفواز .. التفت شفته معقد حواجبه وشكله معصب .. استغربت منه كنت بناديه بس شفته كأنه غارق بأفكاره .. وما راح يسمعني .. سكتت عنه ولفيت وجهي .. وقفنا عند استراحه .. للمسافرين وصلينا خلصت صلاة .. وطلعت اتمشى .. أما مطلق راح للحمام أكرمكم الله .. وصلت لسيارة شفت فواز واقف وشكله يفكر ماقدرت .. أتحمل بسأله وشفيه .. ؟؟

قربت له وقلت : فواز ..

هاجمني : أنت ماتستحي تقول أسم اختك عند أي أحد ..؟؟

ناظرت له منصدم .. هذا وش قاعد يقول ..؟؟

كمل : عيب عليك استح ع وجهك ..

انقهرت منه فقلت : وشفيها أذا قلت لناس اثق فيهم بأسم اختي ..؟؟ بعدين تعال اللي يشوفك يقول جايب له صورة أختي ..

قال : بس ولو .. يعني .. افرض .. مثلآ .. أو أقول خلاص ..

ودخل السيارة .. وقفت لثواني أفهم وش حصل تو ..!! غريبه وش سالفتك يافواز ..؟؟؟

فتحت باب السيارة لما شفت مطلق جاء .. سكتت وأنا مستغرب .. معقوله حاط عينك عليها ..؟؟ لالا ما أتوقع ..طيب كيف .. ؟؟ يعني هو كذا مايحب احد يتكلم عن خواته ..!! طيب كيف ..؟؟ وهو أول كان يكلمني عن امل و فوز ...!! وربي بنجن .. شسالفه ..؟؟

مطلق : أقول سمعتوا شمسوي السفيه نايف ..؟؟

قلت : وش مسوي ..؟؟

قال : صار يرسل رسايل لبنت .. كالعادة .. بس الجديد انه متعلق فيها بقووة ..

قلت : اخص يانايفوه زمانك .. ايوه كمل ..

قال : البنت مو معطيته وجه ما أدري ليه ..؟؟

تكلم فواز : لانها مره اتصلت مغلطه .. وعاد هو ذاب في صوتها .. هع .. تصدق أنا بجمبه يوم تصارخ

عليه .. والله رحمت اذنه ..

الفضول أكلني وشصار له : ايوه .. طيب .. وقف .. ليش كانت تصارخ ..؟؟

فواز متحمس : كانت تقول لحقوني .. أمي بتموت او ابوي بيموت ... او كذا اتوقع ..

قلت بسرعه : اووف طيب وش صار بعدها ..؟؟

قرب وحط راسه بين المرتبتين وقال : طلع روحها من كثر الاتصالات والرسايل .. ولاعطته وجه .. أخر مره طفر .. وراح لشركات الاتصالات كلها الموجوده .. وعرف اسمها ..

قلت : ايوه ..!!

تنهد وقال : ابد للحين ماسوى شي .. يقول يمكن انه بيرسل لها رساله يعلمها انه يعرفها ..

قلت : طيب وأذا علمها وش بيصير ..؟؟؟

قال : علمي علمك .. أتوقع انه بيكلمها ويراسلها .. ولا زواج بعيده عنه ..

قلت اتطنز : ماعطته وجه قبل .. ليش تعطيه وجه اللحين ..؟؟

قال : مدري ..

مطلق : مشكور ع سرد سالفتي .. يا استاز فواز ..

ضحكنا أنا وفواز ..

وقال فواز : ولو هذا واجبنا ..

مطلق : طيب خلني أقول المعلومه اللي عندي .. ممكن ..؟؟

فواز : لا عادي خذ راحتك ...

مطلق : توقع عبدالعزيز وش اسمها ..!!؟

هزيت راسي وقلت : ما أدري ..

مطلق : حتى حنا ماندري .. هو قال بس بنت راشد الـ.. تعرفهم ..؟؟

هزيت راسي وقلت بتفكير : سامع فيهم بس ما أعرفهم ... المهم هي بنتهم متأكد ..؟؟

مطلق : ايه متأكد

قلت : الله يعين البنت عليه

فواز : قالي ان موجود باسمها حرف ل قلتله ليلى ابتسم وهز كتوفه

مطلق : يمكن لولو ..!!

قلت : او ليان ..!!

فواز : او عدنان وولينا ..!!

ناظرت له وقلت : وشدخل عدنان ..؟؟

تنهد وقال بطريقه مسرحية : ما قدر يستغني عن لينا

ضحكنا بقووة .. دق جوال .. توقعته جوالي .. اليوم جوالي ما يسكت .. هع عطيته عين .. كان المتصل نايف .. وع جوال فواز ..

سكتت اسمعهم يتكلمون .. أفكار كثيرة مرت ببالي .. منهن منتدى مشعل .. ياأني فقدته من زمان عنه .. أخر مره لما قلت اني بنسى دلع .. صراحه نسيتها بس كل ماقربت للاب .. اتذكر سوالفها, كلامها, حتى اني حافظ دعوتها ( ياملا الهندري ) .. كتبت عنها موضوع كامل .. كانت تشرح ليش تحبها ..؟؟ وعزيزه ع قلبها ..؟؟ لان جدتها كانت تقولها .. وايضا لمن تحب تقولها .. وليش تقولها ..؟؟ صراحه كنت أقرا وأضحك ع كل جمله كتبتها .. واللي اعجبتني من جملها .. وحفظتها لما ختمت الموضوع بـ(( ووبس ولجميع أحبتي وأعضاء المنتدى هندري يليق بمقامه هع )) .. تنهدت وابعدت طيفها .. وكملنا سوالف ..

جالسه أناظره وأبتسم .. كنت ناوية أقوم وأضمـــــــــــــه بقوة .. تصدقون ماتقربنا من بعض ألا لما توفت أمي ..!! وربي غرايب .. ياما تهاوشت , وتخانقت معاه .. وما بحياتي فكرت أمر عليه وقول اخبارك .. حتى وهو تعبان كنت أضحك عليه .. وأعلق ع شكله .. وهو ماعمره جاني .. وقال دلع اما انتي او زفته او خبله ..

تنهدت .. سمعت جوالي ينبه عن وصول رساله .. سكرت بسرعه النغمه أخاف يقوم علي .. اووه تذكرون الرساله اللي جتني بس مافتحتها كانت من .. توقعون من من .. كانت من رقم غريب .. يقاله يغازل .. كاتب بيتين شعر وتحته اسمه .. ناسيه اتوقع ناصر .. عاد مابغى يتميلح الا علي .. هع .. ايه نسيت لافتح الرساله فتحت الرساله .. كانت من مها .. ابتسمت وضغطت زر اتصال .. ثواني وجاني صوت (( رصيدك منخفض فضلآ استخدم بطاقة اعاده الشحن اذا ممكن )) انقهرت .. سكرته وحطيته ع الطاوله .. وانسدحت ع السرير ..

اووف يبيله شحن ...

طق الباب .. تعدلت وقمت بأتجاهه .. وقبل لا أصل له .. دخلت الدكتورة وابتسمت .. رديت لها الابتسامه

قالت : كيفج الحينه ..؟؟

رجعت بخطوات صغيرة .. وجلست ع السرير : بخير .. ألا دكتورة وشفيني ..؟؟

الدكتورة : مافيج حايه ..

طنشت كلمتها وقلت : يعني هو نزيف داخل الجمجمه .. أو أيش ..؟؟ قولي عادي ..

قاطعتني : لاموهو .. الأ انتي طايحه اومتعرضه لحادث اوشي كهذا ..؟؟

قلت : تقولين متعرضه لحادث ..

هزت راسها وقالت : توقعت طيب وشفيها ايدج ..؟؟

ناظرت يدي وقلت : متعرضه لحادث ..

قالت : نفس اللي قبل ..؟؟

هزيت راسي بلا .. سمعتها توصي .. بس ماكنت معاها كنت أتذكر وفاة أمي ..

/

/

/

قعدت وقلت وأنا اصيح : لاما ماتت ..

رميت المزهرية من يدي .. وجلست اضرب عليها .. حتى حسيت ان يدي خدرت .. قمت لغرفة أمي ويدي تصب دم بس أنا اللي موحاسه .. ايه كنت حاسه بوجع بس وجع قلبي غطى عليه .. جلست ع رجليي .. حسيت أحد يحركني .. شفت علي .. ضميته وأنا أبكي ع حالنا واردد : الله ينتقم منك ياظالم ..

/

/

/

ابعدت هالذكرى .. لما سمعتها تطري السرطان ..

قلت بتوتر : أنا فيني سرطان ..؟؟

قالت بسرعه : لالا .. أنا اقولج اذا تركتي الدواء مالتج .. يمكن تكثر غدد السرطانية بداخلج ..

قلت : ليش تكثر ..؟؟ أنا مافيني أي غدد سرطانية ..؟؟

قالت : عارفه عارفه بس يعني ..

وجلست تشرح .. عجزت أفهم شتقول .. يمكن لان بالي وعقلي ابد مومعاها ..

تنهدت ع ماطلعت من عندي .. وناظرت لسقف .. رايد كان دوم مستقبلي ما بكذب عليكم وأقول ماحبيته .. ألا صراحه حبيته .. بس موحب حب .. يعني .. أممم كيف اشرح .. ايه يعني حبيت سوالفه اللي كانت ماجدة تنقلها لي ,, وحبيت رزانته ,, وهداوته .. بحياتي كلها ماهتميت بوجه , بجسمه , عيونه عسليات ولابنيات .. حاط سكسوكة الملك ,, ولاهندي بقالتنا .. شعره قصه الاسد ,, ولا اللبوة .. أهم ماعندي كان بره لأمه اللي هي خالتي كنت ادعي ان علي يبر امي مثل كذا ...

بقولكم مواقف صارت من زمان .. أكيد مستغربين ليش أقولكم هالسوالف ..؟؟ مع اني طحت بسبت التفكير فيه .. بقولكم .. رايد ورقه من أوراق صفحتي .. واللي سكرت عليها .. وبديت أكتب بصفحه جديده عن حياة جديده بعيده كل البعد عنه .. أنا بقول المواقف و السوالف اللي صارت زمان .. لان هذا اليوم بيكون أخر يوم اسمع فيه اسم زوجك رايد .. وبيكون ولد خالتي شيخه وبس ..

/

/

/

قلت : شوووتي ماجده .. هنا هنا .. شوتي ..

رمت لي الكورة بس أخذها ماجد ..

عصبت : هييه أنت داخل شطف ..

ماجد ركض تاركنا .. وماهمه شي ..

سويت حركات لماجده معناها .. حديه او احشريه يعني .. بس الثور مافهمت .. جلست تناظرلي بغباء .. تركتها ولفيت وانقهرت لما شفت علي انضم لماجد .. و صاروا يلعبون بالقسم الثاني من الحوش ... تأفأفت بعصبية وقربت لهم : انتم هييه ترا هذي كورتنا مب كورتكم ..

ماجد : البنات مالهم كورة ..

انقهرت وقلت : والعيال مالهم دخل البنات لهم الكوره ولا لا ..

راح صوب باب الشارع مطنشني ..

وقال لعلي : خل نطلع نلعب مع عيال ابو فهيد (جيرانهم)

من القهر والعصبية شلت نعلتي بيدي .. ورميتها بأتجاهه بس هو أبعد والفشله أنها جت بوجه رايد ..

شهقت بقووة ودخلت ..

/

/

/

كان عمري ذاك الوقت 17 سنه

كانوا دايم يقولون قصدك تردين

لرايد الضربه .. أكيد مستغربين ليش ارد لرايد ضربه ..

لان بأول متوسط دخلت مبتسمه عليهم .. توي برمي عباتي .. الا جاء ماء الصحه بفمي ..

مادريت ش سالفه ..؟؟ لين عرفت ان رايد يحاول يرمي ع ماجدة ماء الصحه وجت بفمي .. وأنا المسكينة اللي ادمى فمها ..

هع الله يخسه كان ذاك اليوم ابد ماكنت حاسه بفمي .. بس بصراحه استانست بأهتمامه فيني .. موبس هو الأ الكل خخ ..

غمضت عيوني وتذكرت موقف قديم جدآ

/

/

/

: دلع دلع تعالي

قربت وأنا مستحية : هاه ..!!

قال : تشوفين هذيك السيارة ..؟؟

هزيت راسي بأيه ..

قال : أذا كبرت بشريها .. وأخليك تركبين جمبي ..

قلت بفرحه : ايه وناخذ ماجده معنا ..

قال : لا بس أنا وياك ..

قلت : ليه ماتجي ماجده ..؟؟

قال : ما أبيها أبيك انتي ..

قلت : خلاص بس ماجد وعلي ماناخذهم هذولآ حمارين (هع اخ بس ع الحمارين تراه مثنى .. خخ)

/

/

/

قلت مستغربه : وليش اتغطى توي بثاني متوسط توي ..؟؟

قالت معصبه : دلع لا عيب خلاص كبرتي شوفي منال ومها تغطوا ..

سكتت .. صحيح كلام أمي بس كنت مستانسة مع اللعب مع رايد .. أما ماجد ينفع بس للخناق وبس .. اما الفزعه كثروا منها هع بس ..

/

/

/

هاوو فيني نووم ...

اقبل علينــا صبح جديد .. ويوم جديد .. وابتسم بفرحه لاني اليووم .. بطلع من المستشفى .. وبرجع لبيت خالي ..

جلسنا شوي .. عدها تفرقنا .. خالي راح يتمشى واخذ معه علي .. و وجدان راحت لوحده من حفلات صديقاتها .. بقيت بغرفتي .. وتفاجات بوجود خالتي ورايد .. نادوني بالمجلس .. بس رفضت كيف يعني ..؟؟

ناظرت لسولا وقلت : خالي فيه ..؟؟

هزت راسها تنفي .. أوف كيف يعني وشلون بطلع لهم ..!! وشلون بشرح لخالتي ..؟ خالي طلع هو وعلي .. أوف يعني كيف اللحين ..؟؟ حتى وجدوا طالعه .. اخ بس لو أني سامعه كلام وجدوا ورحت معاها احسن لي .. تنهدت ومسكت عباتي ولبستها .. ومشيت لمجلس الرجال .. دخلت وشفت فيه سعود .. اوهووه كملت .. كيف بحكي اللحين ..؟؟ سلمت بصوت واطي و اشك أنهم سمعوني لأن مافيه حد رد ..

خالتي : دلع ..

رفعت راسي اناظرها .. قالت لي : اجلسي ..

ابعدت عيوني عنها .. وأنا أتحاشى اشوف عيون رايد اللي تراقبني .. بس لما جلست ماقدرت عيوني غيروا مسارهم من شوفت الارض الرخامية العنابية .. لرايد .. شفته متوتر وخايف وكأنه ينتظر الكلمه اللي بنطقها .. نزلت راسي وتوترت اكثر .. سمعت خالتي تقول : وشو سوا التفاهم بينك وبين رايد ..؟؟

ابتسمت بسخرية .. سوا تفاهم ..!! سوا تفاهم ..!! حسيت برجفه تسري بداخل جسمي .. ليته هو بس سوا تفاهم .. ليته .. بس انا اريد وربي يريد ..

تنهدت .. ومدري ليش عيني راحت لسعود .. يمكن كأني أقول ساعدني .. كيف اشرح لخالتي موضوع سواه ولدها اللي واثقه فيه ثقه عمياء ..؟؟ انتبهت اني علقت لماشفت سعود يبتسم لي .. ابعدت عيوني عنه بسرعه .. ورجعت اناظر الارض .. وش أقول ياخاله ووش اخلي ..؟؟!!

ماحبيت أكون أنا المنكسرة .. ليش انكسر مو أنا الخاين هنا ..؟؟ رايد هو الخاين ..

رفعت راسي وتجاهلت رايد وحتى سعود وقلت ببرود : ما أقدر أكمل ..

خالتي : وش تكملين ..؟؟

قلت ببرود مع غصة : خالتي ما أقدر أكمل كذب .. انا ما أبي رايد وأبي الطلاق ..

ناظرت لي خالتي بنظرات صدمه , شك , استغراب , قهر ..

بهالوقت تكلم رايد وقال : بس اللي فهمتيه خطا ..

عصبت .. بس حاولت اقول بصوت هادي : اللي فهمته هو الصح .. لانها الله يسلمها ماخلت شي ماقالته ..

قال : ماتدرين يمكن كذب ..

قلت : لو كذب ماكنت انت قدامي اليوم .. وجايب خالتي ..

كنت أكلمه .. وعيوني ع خالتي .. اللي من كلامنا بانت بعيونها الحيرة .. وكانها تحاول تفهم اي كلمة ..

بعد مدة نطقت : عن أيش تتكلمين يادلع ..؟؟

قلت بألم : عن ماضي ياخالتي ماضي ..

قالت : طيب مادام ماضيك متعبك .. ارميه ورا ظهرك ..

ابتسمت بقهر وقلت : بس هالماضي مو ماضيي صح يا رايد ..؟؟

نزل راسه كأنه مستحي , خايف ..

ايه اخجل شوي .. خل تنكسر عينك شوي .. انت بديت مشكله بدون لاتفكر فيني .. وتفكر انك ظلمتني معاك .. واللحين جا دورك .. ياتنهي هالمشكله وتنساني .. يا بتعيش لأخر العمر .. وانت متساهل بهالبلوى .. وتصير من اكبر الحقيرين بعيوني ..

قمت سمعت خالتي تقول : يعني ..؟؟

قلت بهدوء : ابي الطلاق ..

شفت سعود قام .. ناظرت له وأنا اتمنى انه يجلس .. لايتركني لحالي .. أبي أحس ان وراي سند .. بس نظراتي ماوقفت سعود لانه راح .. حسيت بروحته كأنه يقول اخاف احرجك ..

خالتي : يادلع يايمه الطلاق مو بلعبه ..

آخ آخ بس .. ياخالتي أنا ما فكرت بالطلاق الا لما شفته جالس بجمبها ويبتسم .. ولدك خانني .. قتلني .. طعني .. أنا اسفه ياخاله الطلاق افضل حل لي ولرايد .. كان هالكلام يدور بداخلي ابي اقوله بس شي يمنعني ..

قطع تفكيري رايد .. وصوته اتوقع أنه ترجي : تكفين يادلع فكري .. ترا الطلاق مو حل مناسب .. بتخسرين الكثير

ماقدرت اسكت فقلت بصراخ : اخسر ..! وش بقى ماخسرته ..؟ انت خسرتني كرامتي يارايد .. واللحين جاي تقول فكري ..! وش افكر فيه ..؟ بالله قلي ..! افكر بمستقبلي اللي انت هدمته بيدينك .. ولا أفكر كيف بعيش معاك وأنا عارفه بخيـ ..

وقفت الحروف بداخلي ماقدرت اتكلم .. أخاف يطيح من عين امه ..

جاني صوت خالتي : يابنت قولي وش صاير بينكم ..؟؟

حسيت اني اذا بتكلم .. بصيح .. بصيح وبقوة .. لين اتعب وأطيح .. غمضت عيوني بقوة احاول ابعد وجع راسي ..

كنت اسمعها تقول : رايد تكلم وشفيها دلع .. انت شمسوي ..؟؟؟؟

وقفت ع رجولي .. شفته يطالعني وكأنه يترجاني .. طنشت نظراته مع أن قلبي مطعون ماكان نفسي نكون كذا

كان نفسي نعيش مع بعض .. ونعيل ونكبر مع بعض .. بس للاسف ضاع كل شي قبل البداية ..

خالتي : اجلسي يادلع ابيك شوي ..

ماقدرت اجلس .. اخاف اجلس واصيح ابغى أكون لحالي شوي .. قربت لها .. ونزلت ع راسها وحبيته

وقلت : سامحيه وسامحيني ..

ورحت بأتجاه الباب .. وقفني صوتها تناديني : يادلع .. وقفي .. دلع .. دلع ..

لفيت وجهي لها وقلت : ياخاله افهمي رايد مو لي ولا أنا له .. هذا النصيب ياخاله وارضي به ..

وطلعت .. شي بداخلي يبكي ماكان هذا مستقبلي ماكان .. عاندت جميع احاسيسي وفتحت باب الشارع .. ناظرت للشارع .. يمين وشمال بدون سبب .. شفت سعود جالس يكلم بسيارته .. ابعدت عن الباب و طلعت لشارع .. شارع خالي دوم فاضي .. من أحد الحارات الهادية .. مشيت بدون سبب .. أفكر .. سمعت اصوات ضرب الكفرات ع الارض .. مرت ذكرى أمي لي .. لما شفتها ع السرير ماتتحرك .. يااااه امنيتي أضمها بقووووة و أشكي ع صدرها .. وينك يايمه تشوفين عيشتي ..؟؟ ابوي جا وراح حتى مافكر يشوفني .. ودي بس اسأله شسوينا له عشان يكرهنا..؟؟؟ احترمته , قدرته , بحياتي مانزلت راسه بالأرض .. ليش كذا يصير ليش ..؟؟ ليش يتركنا مرميين بديار مو بديارنا ..؟؟ ولايسأل عنا .. كم تحملنا غيبته ..!! وسفراته الكثيرة ..؟؟

ابتسمت بسخرية ع كلامه و أعذاره اللي يقولها : جميع اشغالي بالخليج ..

طيب مادامك بالخليج ليش ماخذتنا معاك ..؟؟ وين اخواني اللي لك 5 سنين مافكرت تعلمنا وش أسمائهم ..؟؟ وربي ظلم .. ظلم ..

وقفت عند بقاله صغيره ناظرتها بشتات ضياع .. أنا ليش طالعه ..؟؟ كيف تجرأت وطلعت من بيت خالي .. بهاليل ..؟؟ التفت برجع وانصدمت ..

: خلاص ما أبي الا سلامتك .. بس عاد دق لاوصلتوا ..

فواز : ان شاء الله .. يالله مع السلامه ..

قلت : الله يسلمك ..

وقفت عند الباب وصافحته .. ناظرت لباب الحمام أكرمكم الله .. شفته طالع وهو يمسح وجهه بالفوطه ..

قربت له وقلت : ماوصيك شوي شوي بالطريق وأذا وصلتوا دقوا ..؟

تثاوب وقال : ان شاء الله يمه ها وش غيره ..؟

ضحكت .. وصافحته ..

قال : آخ ماودي افارقك واروح .. حتى الجامعه بدونك موحلوة ..

قلت بمزح : ادري .. عاد سلم لي ع عبدالقادر باشا ..

تنرفز وقال : الله لايسلمك ..

ضحكت وهو طلع .. رحت وقفت عند باب العمارة .. لين راحوا بعدها دخلت .. ناظرت لساعتي 10صباحآ .. رحت لكبتي .. وأخذت لي بنطلون جنز مع بلوزة كحلية بأبيض .. رحت للمطبخ الصغير واخذت صاموني مع جبن .. وأنا بطريقي لغرفتي .. وقفت عند مراية الصاله وجلست ازين شعري .. أخذت شنطة المحمول وحطيتها ع كتفي وأخذت بعض الملفات اللي ملت غرفتي .. طلعت مفاتيح الشقه من درج الطاوله اللي بوسط غرفتي واخذتهم .. سكرت الباب و حطيت المفتاح بجيبي .. استغربت للبزر اللي عند باب الشقه اللي قدام بابي يطالعني .. ابتسمت بوجهه بس هو سكر الباب ع وجهي .. حشا وشفيه هذا .. نزلت الدرجات وطلعت من المبنى .. شفت سياره الشركه قدامي .. أبتسمت بوجه أبومنصور وقلت : السلام عليكم

كيفك ياخال

رد السلام واخباره بعد ... وسكت ..

هذا الرجال مدري ليه ارتاح له حيل .. دق جواله ناظرلي من المراية وقال : عمي تسمح ارد

كرهت استأذانه بس قلت بهدوء

: اسمي عبدالعزيز ياخال ومولازم تستأذن ..

سكت ورد .. أنا حسيت بضيق كيف رجال كبر أبوي يستأذن مني مولهادرجه عاد .. سمعت نبراته اللي مليانة خوف وتوتر : متى .. لا لا .. أشوف .. انا لله و انا اليه راجعون .. اصبري اصبري

.. بشوف ..

وسكر .. ماقدرت أسكت وأنا أشوف ملامح وجهه الهادية تتحول لملامح خوف : خالي ابو منصور في الأهل شي

مارد

سكتت عنه .. قال بعد مدة : عمي ممكن بعد مااوصلك اروح للمشفى بشوف ولدي بس

قاطعته : خالي ابومنصور اللحين خل نروح لولدك

قال : بس ياعمي

قلت : امش ياخالي امش

كنت بداخلي أفكر وشفيه ولده مسوي حادث او تعبان او أيش

وقف عند المستشفى ونزل بعد ما أستأذن طبعآ بس أنا نزلت معاه وجهه مايطمن بخير وانا لازم أوقف معاه .. وقفنا عند الاستقبال وسأل ابومنصور : ناصر حامد ال_

كنت أشوف الاسعاف والضجه اللي داخل هالمستشفى هذاك قسم الطوارىء وزحمه الناس عليه الله يكفينا شره

بعد طقطقه بالكيبورد قال : الدور الثاني رقم 1225

رحنا ع الاصانصير .. واسرعنا وقفت لما شفت بنتين قربوا لابو منصور وحرمه كبيره جالسه ع الكراسي ابعدت عنهم وأنا أسمع صراخ البنات وبكاهن قطعن قلبي تمنيت أقدر اسوي شي

الحلقه السابقه ..

: خلاص ما أبي الا سلامتك .. بس عاد دق لاوصلتوا ..

فواز : ان شاء الله .. يالله مع السلامه ..

قلت : الله يسلمك ..

وقفت عند الباب وصافحته .. ناظرت لباب الحمام أكرمكم الله .. شفته طالع وهو يمسح وجهه بالفوطه ..

قربت له وقلت : ماوصيك شوي شوي بالطريق وأذا وصلتوا دقوا ..؟

تثاوب وقال : ان شاء الله يمه ها وش غيره ..؟

ضحكت .. وصافحته ..

قال : آخ ماودي افارقك واروح .. حتى الجامعه بدونك موحلوة ..

قلت بمزح : ادري .. عاد سلم لي ع عبدالقادر باشا ..

تنرفز وقال : الله لايسلمك ..

ضحكت وهو طلع .. رحت وقفت عند باب العمارة .. لين راحوا بعدها دخلت .. ناظرت لساعتي 10صباحآ .. رحت لكبتي .. وأخذت لي بنطلون جنز مع بلوزة كحلية بأبيض .. رحت للمطبخ الصغير واخذت صاموني مع جبن .. وأنا بطريقي لغرفتي .. وقفت عند مراية الصاله وجلست ازين شعري .. أخذت شنطة المحمول وحطيتها ع كتفي وأخذت بعض الملفات اللي ملت غرفتي .. طلعت مفاتيح الشقه من درج الطاوله اللي بوسط غرفتي واخذتهم .. سكرت الباب و حطيت المفتاح بجيبي .. استغربت للبزر اللي عند باب الشقه اللي قدام بابي يطالعني .. ابتسمت بوجهه بس هو سكر الباب ع وجهي .. حشا وشفيه هذا .. نزلت الدرجات وطلعت من المبنى .. شفت سياره الشركه قدامي .. أبتسمت بوجه أبومنصور وقلت : السلام عليكم

كيفك ياخال

رد السلام واخباره بعد ... وسكت ..

هذا الرجال مدري ليه ارتاح له حيل .. دق جواله ناظرلي من المراية وقال : عمي تسمح ارد

كرهت استأذانه بس قلت بهدوء

: اسمي عبدالعزيز ياخال ومولازم تستأذن ..

سكت ورد .. أنا حسيت بضيق كيف رجال كبر أبوي يستأذن مني مولهادرجه عاد .. سمعت نبراته اللي مليانة خوف وتوتر : متى .. لا لا .. أشوف .. انا لله و انا اليه راجعون .. اصبري اصبري

.. بشوف ..

وسكر .. ماقدرت أسكت وأنا أشوف ملامح وجهه الهادية تتحول لملامح خوف : خالي ابو منصور في الأهل شي

مارد

سكتت عنه .. قال بعد مدة : عمي ممكن بعد مااوصلك اروح للمشفى بشوف ولدي بس

قاطعته : خالي ابومنصور اللحين خل نروح لولدك

قال : بس ياعمي

قلت : امش ياخالي امش

كنت بداخلي أفكر وشفيه ولده مسوي حادث او تعبان او أيش

وقف عند المستشفى ونزل بعد ما أستأذن طبعآ بس أنا نزلت معاه وجهه مايطمن بخير وانا لازم أوقف معاه .. وقفنا عند الاستقبال وسأل ابومنصور : ناصر حامد ال_

كنت أشوف الاسعاف والضجه اللي داخل هالمستشفى هذاك قسم الطوارىء وزحمه الناس عليه الله يكفينا شره

بعد طقطقه بالكيبورد قال : الدور الثاني رقم 1225

رحنا ع الاصانصير .. واسرعنا وقفت لما شفت بنتين قربوا لابو منصور وحرمه كبيره جالسه ع الكراسي ابعدت عنهم وأنا أسمع صراخ البنات وبكاهن قطعن قلبي تمنيت أقدر اسوي شي ..

الحــــلـــ ق ـــــه الخـــــــامــ س ــــــــه ..

صدفه بلا ميعاد

قابلته عقب البعاد

ولقيت انا قلبي الحنون

صدفه بلا ميعاد

اجمل غرام لقلبي عاد

الله يامحلا الصدف لا لمت قلوب بعاد

يتبع ,,,,,

👇👇👇

تعديل المقال