رواية كل مافيني يصرخ احبك الا لساني عجز ينطق مخارجها -11
فواز كان رايح غرفة رؤى يبي يشوف امه قالت لها شي ويبي يفهم سالفه المسج
انصدم من شكل رؤى اللي قاعده على الارض عن الباب ومنزله راسها
قرب منها بصوت حست حنان الدنيا فيه وبهمس:رؤى ليه قاعده هنا
كان ودها تضمه ودها تبكي على صدره ودها لو تقدر تقوله عن اللي في قلبها
رؤى وهي ماهي قادره تتنفس هي مريضه وللحين صدرها تعبان بصوت مبحوح:مافيني شي
فواز قعد عالارض وصار بمستوى رؤى:رؤى ارفعي راسك وفهميني
رفعت راسها شاف دموعها على خدودها
فواز كانت دموعها عذابه:رؤى ان لي خاطر عندك تكلمي وقولي وش صاير؟
رؤى والنار اللي بقلبها تحرقها خوفها عليه منعها تقوله او تبرر له الرساله وتكلمت ببرود عكس النار اللي بداخلها وهي تمسح دموعها:ولا شي
ام عبدالله بعد مافهمت من ابوعبدالله حبت تعتذر من رؤى وراحت لها غرفتها وسمعت فواز يتكلم وصوته من الممر اللي فيه غرفه رؤى
فواز انقهر من برودها وكذبها عليه وبحده:رؤى انا مو بزر تكذبين علي تكلمي معاذ وش يبي منك
تعلقت عيونها بعينه وصار يتامل عيونها فواز بداخله(عيونها تحكي الكثير فيها زحمه كلام وش سر هالالم والعذاب وش سر هالحزن وهالنظره)ضل يطالع عيونها يبي يفهم مايدري هي ثانيه دقيقه ساعه ضاع بعيونها الرماديه كانت تاسره وتكلم بهمس:رؤى
رؤى نزلت دمعه كانت واقفه في عينها حست مافيه قدامها الا الضباب ماهي قادره تركز ابتسمت ومال جسمها مثل الورقه الذابله حست مافيه حولها الا السواد وبعدها انقطع تفكيرها
كانت يد فواز قريبه منها مسكها قبل تطيح على الارض سندها وهو يصرخ رؤى
كانت ام عبدالله رايحه لغرفتها تبيهم يتكلمون على راحتهم وسمعت صراخ فواز وهو يحاول يصحي رؤى
رجعت ركض وشافت رؤى ذابله بين ايد فواز
رفع نظره لامه:يمه
ام عبدالله ماتحملت منظرها حطت راس رؤى بحضنها وصارت تحاول تصحيها ضربت خدها بخفيف
ام عبدالله بخوف:فواز جيب عطر كولنيا أي شي
فواز :هاه ايه دخل غرفته رؤى واخذ عطر من على التسريحه
اخذته ام عبدالله وصارت تحاول تصحيها بدون فايده
ام عبدالله:تيكـــا تيكا
ام عبدالله وهي ترفع راس رؤى:بسرعه جيبي عباتها
ولفت على فواز :وانت بعدك هنا روح شغل السياره بسرعه
راح فواز ركض شغل السياره وقربها لباب البيت نزل يسند رؤى مع امه
ركبها ورى مع امه وطار فيها عالمستشفى
فواز وحاس ان دموعه بتخونه :يمه وش صار لها
ام عبدالله بصوت مخنوق:انا السبب
فواز بصدمه:قلتي لها شي
نزلت ام عبدالله راسها
زاد فواز من سرعته يبي يبرد اللي بخاطره وصل عالطورائ وقالهم يجيبون نقاله وبسرعه اخذوها ودخلوها
فواز:اذا صار فيها شي ماراح اسامح نفسي
ام عبدالله ماتدري تطمن نفسها ولا ولدها :اذكر الله ان شاء خير
دق جوالها وكان ابوعبدالله:هاه بشري؟
ام عبدالله بصوت هامس:للحين ماصار شي بس يطلع الدكتور بكلمك
قفلت من ابو عبدالله وهي تشوف ولدها رايح جاي في الممر ماهو قادر يقعد وام عبدالله تراقبه وفي بالها(معقوله تحبها يافواز)
انفتح الباب بعد مرور ربع ساعه وطلع الدكتور وراح لها فواز ركض:بشر يادكتور فيها شي
الدكتور:انتو اهل المريضه رؤى
فواز:ايه
الدكتور ممكن تتفضل معي للمكتب
راح فواز وقعد وعيونه كلها لهفه يبي من الدكتور يقول هي بخير ومافيها شي وخذها معك:وش فيها؟
الدكتور: هي متعرضه لانهيار عصبي قوي يبي لها مده لمن ترجع لطبيعتها بس مع العلاج والراحه ان شاء الله تتحسن وتصير احسن من اول
فواز بصدمه:انهيار
الدكتور:الحمد لله جت على كذا الظاهر تلقت خبر زعلها او شي قوي اثر عليها اتمنى تبعدونها عن الزعل قدر المستطاع والراحه التامه والف سلامه عليها
فواز:شكرا دكتور بس اقدر اشوفها؟
الدكتور:تقدر بس ياليت ماتطولون وهي بتظل عندنا فتره لمن تهدى اعصابها
فواز راح لامه بالممر اللي مواجه لغرفه رؤى
ام عبدالله :هاه بشر يمه
فواز :انهيار عصبي
ام عبدالله: انهيار لاحول ولاقوه الا بالله طيب يمه نقدر نشوفها
فواز :ايه
راحت ام عبدالله وفواز كان وراها:هاه يمه وين رايح
فواز:يمه تكفين ابي اتطمن عليها
تنهدت :مايصير يمه ماإنت محرم لها
فواز برجاء:تكفين يمه غطيها بس ابي اتطمن
حنت على ولدها :خلاص انتظر هنا دقيقه بعدين ادخل
دخلت ام عبدالله لقت رؤى نايمه بسلام ملامحها كلها براءه وجهها ذابل واصفر قربت من عندها وباست راسها اسفه يمه انا اللي ضغطت عليك وحملتك ذنب مانتي قادره عليه عدلت حجابها على راسها ودخل فواز
كان خاطره يمسك يدها ويبوس راسها ويهمس في اذنها ويقولها سلامه عمرك ليته فيني ولا فيك
راقب شكلها جهاز النبضات عليها والاكسجين بحكم الالتهاب اللي برئتها وللحين ماطابت منه والمغذي بيدها الصغيره
عوره قلبه كيف يشوف حبيبه قلبه بالهالحاله
مسكت ام عبدالله يده:يالله يمه بكره نرجع لها
فواز:يمه تظل بروحها
ام عبدالله:هي نايمه الحين وماراح تصحى الا بكره واوعدك بكره من الصبح انا عندها
طلع فواز وهي حاس ان طلع جسد بدون روح
(حطيت قلبي وروحي عندك يدارونك لمن ارجع لك)
مشى بهدوء وصل للبيت نزلت امه :يمه منت نازل
فواز:لا يمه برجع بعد صلاه الفجر لاتحاتين
ام عبدالله طالعت بساعتها:بس باقي عالصلاه ساعه
فواز:عندي شغله اخلصها واجي
ام عبدالله :الله يحفظك وانتبه يمه لاتسرع
فواز :حاضر
حرك سيارته والدنيا ضيقه بوجهه قرر يروح البحر اكثر مكان يفهمه ويرتاح فيه
وقف قدام الشاطئ والموج ثاير تنهد يبي الضيقه اللي فيه تروح
وقام ماهو قادر يتحمل رجع للمستشفى وقعد بالكراسي اللي قبال الغرفه
وحط راسه بين كفوفه ويفكر بموقف رؤى اذا صحت وكيف بتكون حالتها مصيرها بحياته وشو؟
اذن الفجر راح فواز للمسجد اللي بالمستشفى توضئ وصلى وبعد الصلاه قعد اخذ قران يبي يهدي نفسه من وسواس الشيطان اللي خلت الافكار تروح وتجي بباله
بعد ماخلص توه طالع من المسجد الساعه 7الصباح لقى محل الورد توه يفتح اخذ باقه كبيره وروعه قليله عليها
وماحط معها كرت حتى محد يشوفه قرر يرسل مسج اذا جابت امه جوالها
اخذ الباقه وكان ناوي يدخلها لها مع انه عارف انها بتظل نايمه للساعه 9 من الابره
انصدم بان الغرفه عندها حركه ممرضات مو طبيعيه عجل بخطوته وصل عند الباب وكان فيه دكتوره واقفه
فواز بخوف:وش فيها
الدكتوره الحين هي كويسه بس كان فيه مشكله في النفس
فواز:بدخل عندها
الدكتوره: بس هي نايمه مابتحس باحد
فواز:يطالع بالباقه اللي بيده:بس بعطيها هاذي
الدكتوره:اها طب من اول قول انها حبيبتك وعاوز تروح لها قبل اهلها وضحكت
ابتسم فواز بخجل:ممكن ادخل
الدكتوره:اكيد وانا حاساعدك كل شي في طريق الحب بساعدك فيه وضحكت
فواز في باله(شكلها غرقانه لشوشتها ومحد عطاها وجهه وضحك في نفسه)
فواز:شكرا
دق الباب بهدوء كانت نايمه مثل الملائكه حط الباقه عالطاوله قبالها
ابتسم وطلع لانه مو من حقه يدخل ويشوفها بس قلبه ماطاوع عقله ودخل
راح للشركه وكلم امه بالطريق وقالها تروح لرؤى
دخل على ابوه المكتب:صباح الورد يالغالي
ابوعبدالله:هلا يبه فواز وينك يابوك امك ماخلتني انام تحاتيك
فواز وهو يبوس راس ابوه:ابد بس تعبت رؤى ووديتها انا وامي المستشفى وعقب ماووصلت امي للبيت رحت المزرعه ونمت هناك وهذا انا جيت
ابوعبدالله:شخبار رؤى الحين؟
فواز بضيق:الحمد لله
ابوعبدالله:يبه والله ماني راضي على حالها شف كيف تذبل عندنا بدون مانقدر نسوي شي انا قررت مع نفسي اكون مسوؤل عنها بعد رب العباد يابوك البنت مسكينه والدنيا مو راحمتها
فواز:انا افكر بشي الحين بس بما اني اجازه عندي فكره
ابوعبدالله :قول وشي
فواز:بروح عند عمي سعد وخالتي ندى رؤى مره تحب و ترتاح مع خالتي ندى
يومين ونرجع علشان رؤى تغير جو المفروض رايحين من زمان بس الحفله حقت ساره اخرتنا وش رايك
ابوعبدالله:وانا ماعندي مشكله بس انا اللي باخذها مع امك نروح نغير جو
فواز:لا يبه انا بوديها
ابوعبدالله:بصفتك وشو لا انا اللي بروح وباخذ امك معنا
فواز:فرضا مرضت ماكون موجود يعني؟
ابو عبدالله ضحك على ولده:اوله يافواز كل ذا تحبها
فواز بضحكه:مثل ماتحب امي انا احبها
ابوعبدالله:اجل انت ميت فيها
فواز:اوه اوه وينك ياأم عبدالله تسمعين
ابوعبدالله:يالله يابوك عندي اجتماع الحين وانت كمل اجازتك واستانس واحجز لنا انا وامك ورؤى بكره
فواز وفي باله فكره:من عيوني الا اقول ليه مانروح كلنا مع عمتي دلال وعبدالله يضل بالشركه
ابوعبدالله:والله لو يسمعك عبدالله بعدين ماتقدر تصبر يومين عن رؤى قولها من الاخير
فواز ضحك ضحكه عاليه ودخل عليها عبدالله
عبدالله:اوه اوه اخوي فواز يضحك وش السبب ياترى
ابوعبدالله:فواز اقول ليه تضحك؟
فواز:لا لا خلها له مفاجاه
ابو عبدالله:الا مفاجعه
فواز+ابوعبدالله:ههههههههههههههههههههههههههه
عبدالله يمثل الزعل:ايه يبه اصلا انت تحب فواز اكثر
ابوعبدالله:الله يخليكم لي ماعندي غيركم بالهدنيا بس بنروح الرياض نغير جو يومين
عبدالله:الله وناسه طيب حجزتوا
فواز:ومن قال انك بتروح انت بتقعد بالشركه
عبدالله يتخصر:لا والله
ابوعبدالله:ايه انت 6شهور بدون شغل لازم نمرنك شوي
عبدالله:ماتسوى علي وكل هال6شهور قضيتها بالمستشفى وبعدين لي شهرين مكروف كرف الحمير وساكت
ابوعبدالله:بتقنعني انك ماحللت شوراع لندن ولا نسيت سوزي
فواز:اوله سوزي ان ماعلمت نواف يعلم اخته هالمسكينه عليك ماكون فواز
عبدالله:لا لا وش سوزي اصلا تقابلت معها بالصدفه وكرجل عربي شهم ساعدتها بمشكله وبعدين انا كنت اطلع من المستشفى (وهو يغمز لابوه)افضي لك الجو مع نجول
ابوعبدالله:اقول اطلع لاصك راسك بالملف يالله وراي اجتماع وقام
عبدالله وهو يضحك:يحليله ابوي يستحي
فواز:اكيد دامك ولده
عبدالله مسك شعر فواز: ان مانتفت خيوط الحرير هاذي وخليتها اسلاك ماكون عبود
فواز بحركه متدرب عليها فك نفسه وصار مكتف عبد الله وماسك يده وراه يعني مايقدر يتحرك
فواز:اشوف نتفته
عبدالله:فكني لايشوفونا الموظفين يالمسواك ويقولون امحق مدير تنفيذي وامحق نائب
فواز:فكه وراح لباب وهو يضحك:لاوصيك بالشركه باااي
وطلع وراح لشركه الطيران بنفسه انه بيسافر مع رؤى وحجر له مع رؤى وابوه وامه وعمته دلال وبناتها وتاكد الحجر اليوم بالليل بعد المغرب
راح البيت واخذ له شور ولبس ثوب اسود وتحته قميص ابيض حوافه بربري وتسبح بعطره مثل عادته وطلع كان شكله خقق
لبس شماغه الابيض وشوز اسود لامع وطلع لقى عمته دلال بالصاله اللي بالدور الثاني
فواز:السلام عليكم
دلال:هلا والله وش هالزين
فواز نط من ورى لمن قعد بالكنبه:احم طول عمري كذا
دلال:اوله وش هالرضى والبسطه جعلها دوم
فواز:ايه ترىاليوم بعد المغرب بنسافر كلنا ماعدا عبود
دلال:وين؟
فواز:للرياض نغير جو ورؤى ترتاح نفسيتها شوي يومين ونرجع
دلال:أي والله وانت الصادق الله يجزاك الجنه على هالفكره
فواز:اوكيه انا بروح اجيب امي من المستشفى وبطلع رؤى على مسوليتي
دلال:لا فواز خلها ترتاح توها للحين تعبانه
فواز:راحتها هنا والمستشفى بيخليها تفكر اكثر وتتعب اكثر يالله بالاذن
إنتهى البارت
ــــــــــــــــــــــــــ(14)
ساره توها صاحيه من النوم وقابلت فواز وهو بينزل:هاي فواز
فواز:اهلين روحي لامك تقولك شي بيفرحك باي ونزل وهو يركض
ضحكت ساره على شكله(وه فديته شكله مبسوط)
وراحت لامها:صباح الخير مامي
دلال:أي صباح الله يهديك الا قولي ظهر الخير
ساره:يمه اليوم اربعاء خلنا ننبسط وبعدين الحفله هدت حيلي
دلال:والاربعاء معناتها نغيب عن المدرسه
ساره:يمه كنت تعبانه بالصباح
دلال:هالمره بعديها بمزاجي بس المره الجايه ياويلك المهم جهزي نفسك بنروح اليوم بالليل الرياض نتمشى يومين ونرجع
ساره بفرحه:الله وناسه من فكرته
دلال وهي تقلب بالتلفزيون:فكره فواز علشان رؤى تغير جو
هنا ساره انقلبت ملامحها (علشان رؤى هين انا اوريكم)وراحت غرفتها ودقت على نور وقالت لها انهم بيجون وانها تبي شي يرفع ضغط رؤى فيه ويكره فواز فيها
فواز وصل المستشفى وطق باب غرفه رؤى
ام عبدالله:تفضل
دخل فواز:صباح الخير ياوجيه الخير
ام عبدالله:هلا فواز ياصباح النور
فواز طالع رؤى :شخبارك رؤى اليوم خرعتيني عليك؟
رؤى بدون ملامح ووبرود:الحمد لله
استغرب فواز من اسلوبها وطالع امه وامه ردت له نظره انها ماتدري وش فيها
فواز:رؤى
رؤى بدون ماتطالعه:هلا
فواز:تبين تطلعين من هنا
هنا رؤى لفت عليه:فواز تكفى ابي اطلع
فواز صار يطالع بعيونها متناسي وجود امه عيونها تعبانه وفيه شي شاغل بالها دمعتها كانت بعينها ونزلت على خدها تم يطالع فيها وقت وهي استحت من نظراته لها (اه يافواز ماقدر احط عيني بعينك بس اليوم طالع غير طالع شي مع لبسه وش اخربط انا خلني بالمصيبه اللي انا فيها)
فواز انتبه على عمره:خلاص جهزي اغراضك بطلعك على مسوليتي لان بعد المغرب بنسافر
ام عبدالله:نسافر
فواز:ايه كلنا بنسافر نغير جو
وبابتسامه:ولا رؤى ماتستاهل نطلع علشانها نغير جو
رؤى نزلت راسها
ام عبدالله:بابتسامه الا وليه لا اعذريني يمه عاللي صار امس بس انا اذا عصبت ماعرف اتحكم بنفسي
رؤى رفعت راسها فوق ماتبي دموعها تنزل:مسموحه يمه البنت ماتزعل من امها مهما صار (جرحي ياخالتي اكبر من اللي صار وخوفي وهمي مايجي شي جنب اللي قلتيه صحيح جرحني بس مو قد اللي فيني)
تنهدت:وماله داعي تكلفون على نفسكم علشاني
فواز :حتى وان قلت انها هديه من امي لك
رؤى سكتت ماعندها رد دايم يخجلها بكرمه معها وحنانه
ام عبدالله:لا معليك منها يمه انت روح خلص اوراقها وهي بتجهز علشان نروح نريح قبل مانروح المطار ورانا فراره بالاسواق هناك وضحكت
فواز:الله يعنيك يافواز جبتها لروحك
ابتسمت رؤى وفواز طار من الفرحه انها قدرت تضحك
فواز:يالله بروح اخلص الاوراق وانتو اجهزوا وبعدين بجي اخذكم
جهزوا وفواز طلع رؤى على مسوليته رجعوا البيت والكل تحمد لها بالسلامه وهي نامت لمن بعد صلاه العصر وبعدها جت تيكا وساعدتها تجهز شنطتها وتوجهوا كلهم للمطار
رؤى كانت مشغول بالها مره مع اخوانها قررت تدق على خالتها حصه توصيها وتقولها وش قالها معاذ
كانوا في كوفي بالمطار يستنون موعد اقلاع الطياره استاذنت انها بتروح الحمام
بعد ماقامت
فواز شافها لمن قامت وهو كان عند الكاشير للكوفي يطلب لهم قرر يروح لها يسالها وش تبي موكا ولاكابتشينو
ردت خالتها حصه بعد 4رنات
رؤى:الو
حصه:اهلين هلا وغلا بهالصوت
رؤى صوت حصه رجع لها ذكريات اليمه وبغصه تكلمت :خاله حصه شخبارك؟
حصه:بسماع هالصوت بخير رؤى شخبارك ؟
رؤى مسحت دمعه خانتها وردت:بخير شخبار فجر وخالد خالتي والله وحشوني
وهنا ماقدرت الا وبكت
حصه:لا يارؤى والله هم بخير بس انتي تطمني
رؤى:خالتي تكفين انتبهي لهم من معاذ تكفين
حصه:ليه صاير شي؟
رؤى وهي تشاهق:يبي يبي
حصه:رؤى اهدي وفهميني؟
رؤى قعدت على كرسي :خالتي يبي مليون ريال من فواز وانا اللي يبيني اوصلهم ولا بيخفي اخواني ويذبح فواز
وضلت تبكي
حصه:رؤى انتي هدي انتي وين؟
رؤى:حنا مسافرين يومين ولمن اجي يكون الموعد خلص وبعدها بياذيهم
حصه:رؤى اهدي وانبسطي واخوانك معليك بالحفظ والصون خالهم مشعل جاي بكره بالفجر من كندا وانت اعرف وحده بمشعل وحبه لام خالد وعيالها وبعدين ليه الدنيا فوضه
رؤى بفرحه:جد بيجي اخيرا اه الله يريحك انا واثقه فيه بيقدر يحميهم من معاذ بس انا الحين بقيت خايفه على فواز
حصه:رؤى تحبينه؟
رؤى:خالتي الله يخليك قولي وش اسوي بعد شوي الطياره بتجي؟
حصه:انتي سايريه كلميه وخليه يمهلك يومين زود وتجيبين مبلغ اكبر وريحي بهاليومين وبنفكر بحل اوكيه؟
رؤى وهي تمسح دموعها:الله لايخليني منك مدري وش اقولك
حصه:انبسطي وعوضي فواز لو تحبينه عن الايام اللي طافت
رؤى:باي خالتو الطياره شكلها وصلت
كان فواز سامع كل المكالمه كان يعتقد انها بتكلم معاذ
فواز(ياروح وقلب فواز الحين كل هذا فيك وتخبين من خوفك علي اه ياقلبي )
رؤى قامت للحمام (الله يعزكم)غسلت وجهها وحطت لها ماسكرا حتى تبين انها طبيعيه عدلت حجابها وطلعت
فواز كان قاعد مصدوم من كل اللي سمعه (ياترى بجد تحبني ليه مضحيه بعمرها علشاني والله لادفعك يالحيوان ثمن كل دمعه نزلت )
رجع فواز للكوفي واخذ الطلب ورجع لهم عالطاوله
كلهم اخذ لهم كابتشينوا الا رؤى
فواز:رؤى هذا موكا ذوقيه ماحد يعجبه ذوقي في الكوفي خلني اشوف يعجبك انتي ؟
رؤى باحراج:شكرا
بعد دقايق نادوا على طيارتهم
ساره:قهر لان الرحله مفاجاه مالقوا الا طياره صغيره
رؤى:عادي اهم شي طياره بس مدري ليه انا مبسوطه
ساره:وانا والله من زمان ماسافرت طياره اخر مره كانت مع بابا(قالتها بحزن)
رؤى لاحظت تغير صوتها وغيرت الموضوع:انتي وين تحبين تقعدين ؟
ساره:احب الشباك
رؤى:اوكيه نقعد جنب بعض وانتي اقعدي عند الشباك وش تبين بعد
صعدوا الطياره وكان ترتيبهم ام عبدالله وابو عبدالله بكرسين بروحهم
وجنبهم في وضي ودلال
و وراهم بمقعدين كان فيه 3كراسي ساره عند الشباك بعدها رؤى بالنص وفواز جنبها بالكرسي اللي عالممر
رؤى كانت مره مستحيه انها جنب فواز وكانت بتبدل مع في
ساره:اقول بلا سخافه عادي ش فيها
رؤى:مدري احس فشله
ساره :لافشله ولا شي اعتبريه واحد كان حجزه جنبك
رؤى:طيب اا بقعد عند الشباك
ساره: كان ودي اخدمك ( وهي ترفع حاجب ) بس مستحيل استغني
سكتت رؤى بعد ماشافت فواز جاي
اما فواز كان طاير من الفرحه انه جنب رؤى وكان وده يبوس راس ساره لانها تحب المقعد اللي عند الشباك
جلس فواز:بنات سكروا جوالتكم
ساره:ياشيخ جبت شي جديد يعني
فواز:يمه اكلتيني بس اذكركم
(هو تعمد يقول كذا لانه كان متاكد بان رؤى اول مره تسافر )
بعد 5دقايق انقال دعاء السفر واقلعت الطياره
بعد دقايق استقر وضع الطائره بالجوو بدوا بتقديم العصر للركاب
ساره كانت حاطه الايبود باذنها وفواز كان يسالها وهي ولاهي حوله تغني وترقص مع نفسها
رؤى ماتت من الضحك ودزتها حتى تنتبه
رؤى وفيها الضحكه:أي نوع عصير تبين
ساره:الحين مخربين جوي علشان عصير شكرا مابي ورجعت السمعات
ورؤى رجعت تضحك
فواز مره كان مبسوط انه انقلب مزاج رؤى من بعد مكالمتها لحصه
فواز(واخيرا عرفت السبب واخيرا بس نذل يهدد هالمسكينه باخوانها وفيني حقير بس بوريه من يكون فواز)
رؤى كانت مستحيه تقول لفواز انه قعد على طرف عبايتها بعد ماقام ياخذ العصير كانت مشدود لنحايته
وهو مره سرحان بعد ماحست انها شوي وتطيح بحضنه
رؤى بهمس:فواز
ولاانتبه لها وعلت صوتها شوي:فواز
فواز:عيوني
استحت رؤى وهو يلعن نفسه لانه خلاص معد يقدر يتحكم بنفسه او كلامه:هلا رؤى بغيتي شي
رؤى اشرت له عالعبايه هنا فواز مات من الضحك والتفتوا له الكراسي اللي جنبهم
فوازفك العبايه وحطها جنبها
رؤى:شكرا
فواز(ياناس فديت الذوق والله كانها مودمزيل ارقى طبقات المجتمع )وقام يبتسم(اما على تفكير واسلوب خخخخ)
بعد 45 دقيقه وصلوا مطار الرياض
ابوعبدالله:الحمد على السلامه
ام عبدالله:الله يسلمك
فواز:اوكي انتوا اطلبوا من المطعم اللي هناك عشاء لمن اجي بروح اشوف الشنط
ساره:ماما ابي اروح مع رؤى محل العطور اللي قبال المطعم تكفين
دلال:روحوا ولاتطولون نبي نروح الفندق نريح
ساره:اوكيه يالله رؤى نروح
رؤى كانت مره تعبانه لان جسمها للحين ضعيف بس ماحبت تكسر بخاطر ساره وقامت معها
دخلوا المحل وساره بدت تختار بالعطور رؤى حست نفسها دايخه فقررت تقعد عالكرسي لمن تخلص ساره
طلعت جوالها تفتحه وشافت مسج من حصه:انبسطي لاتنسين
ابتسمت بس انتبهت لاحد يناديها ورفعت راسها
:فديت العيون الرماديه انا
نزلت رؤى راسها وطنشته
:وانا اقول الليله ليه مظلمه اثر القمر منزل راسه
رؤى خلاص ماتحب هالمواقف وتخاف منها قامت لساره ومسكت بيدها
ساره:رؤى وش فيك ؟
رؤى بهمس:ساره شنطتي فيها دواء الربو بسرعه
راحت ساره بسرعه لفواز
ساره:فواز وين الشنط؟
فواز باستغراب:هذا هي
مسكت ساره شنطه رؤى وفتحت الجيب وطلعت دواء الربو
فواز:رؤى فيها شي؟
ساره:مدري
راحت وراح وراها فواز لقت رؤى واقفه عند طاوله لعرض العطور ومتسنده عليها
ساره:رؤى هذا هو
رؤى فتحت غطاها وكان لونها متغير وبدت تاخذ نفس
وبعد دقايق رجع لها لونها
ساره:رؤى انتي بخير
رؤى:معليك والله بخير بس لان الجو غبار يصير لي كذا دايم معليك (كانت اول مره تجيها هالحاله بس ماحبت تخوف ساره)
فواز:رؤى اكيد مافيك شي؟
رؤى هنا انتبهت لفواز :والله بخير يالله نرجع لهم المطعم
راحوا للمطعم وتعشوا وبعدها راحوا للفندق
كان فواز بغرفه بروحه وام عبدالله وابو عبدالله بجناح بروحهم
اما دلال وبناتها مع رؤى اخذوا جناح فيه 3غرف دلال بوحده ورؤى وساره بوحده وفي وضي بوحده
الكل توجه لفراشه كانوا تعبانين لان الرحله جت مفاجاه
رؤى تقلبت على فراشها ماقدر تنام قامت للصاله برى عن الغرف حتى ماتزعجهم
وقفت عند الشباك اللي بالصاله كان على منظر روعه لحديقه الفندق اللي يتوسطها نافوره وجزء من الشارع والسيارت الرايحه والجايه وقفت رؤى قدام الشباك ولمن لمست الشباك كان مره بارد ضحكت لانه خوفها
رؤى(ياترى معاذ بيقتنع باللي بقوله له وفواز كان ودي اقوله بس سلامته اهم مني بس معقوله اني احبه لالا ماتوقع لانه مايحبني اكيد شفقان علي لان ماعندي اهل وبس بيقلى اهلي برجع لهم وهو بينساني ودي اساله اذا لقى عنهم خبر )
فواز كان يكلم عمر صديقه
عمر:طيب كان قلت كان شفتني قبلك بالمطار ابي اروح اغير جو معك
فواز:والله جت مفاجاه
وبعد لحظه صمت:عمر
عمر :هلا فواز
عمر ودي اقولك شي صاير معي وابيك تساعدني فيه
فواز ماكان يخبي عن عمر شي ابدا وقاله عن سالفه رؤى كلها :والحين تتوقع تحبني او لا؟
عمر باستفسار:عند أي باحث وديتها
فواز:عند جابر وحولني لماجد اللي جاء مره وعطانا محاضره بالجامعه ليه فيه شي؟
عمر:هاه لا لا بس اللي اشوفه واتوقعه تبيه بالصراحه؟
فواز:اكيد
عمر:هي تتوقع انه اهتمامك فيها شفقه
فواز:طيب كيف اعبر لها
عمر:انا اقول اصبر عليها لمن تهدى بعدين خلك صريح معها وشوف ردها مو شرط الي تقوله يمكن تكذب عليك لا انت بتحس اذا تحبك اولا وبعدها انت وشطارتك كيف تقدر تقنعها ان حبك لها مو شفقه منك
فواز:فديت عمر واهل عمر مشكور والله ريحتني
عمر:يالله بروح للغاليه اشوفها قبل لاانام توصي شي
فواز:تسلم تصبح على خير وسلم عليها
سكر من عمر وهو مقتنع بكلامه غير ملابسه ولبس بجامه سبورت رصاصيه
جاء بينام ماجاه نوم فتح التلفزيون يتفرج عليه جاه مسج
وفتح المسج واستغرب من صاحبه
(فواز انت صاحي ولانايم المرسل رؤى)
(لا صاحي واذا نايم اصحي ههههههههههه )
فتحت رؤى المسج وابتسمت(فواز بجد اسفه عالوقت والازعاج اذا تعبان اخليها بكره)
(لا والله عادي بالعكس مبسوط ومو جايني نوم)
(حبيت اسال سوال:اهلي عرفت عنهم شي للحين؟)
(رؤى ماخبي عنك انه للحين مافيه شي اكيد بس توي مكلم الباحث امس ومطمني ان فيه اخبار بتسرنا بس انتي ادعي ربك ربك كريم)
(رؤى بجد ماني عارفه اشكرك واتمنى تعذرني على تقصيري بالملفات بس انت مدير طيب مابتهاوش هههههههههه )
(هههههههههههههههه من قال ترى انا شرير)
(ههههههههههههههههههههههه ماتوقع)
هنا فواز حب يستغل الفرصه لانها تاخذ وتعطي معه بالكلام(رؤى ممكن سوال بس اذا يضايقك لاتجاوبين)
(ان شاء الله)
(رؤى في احد بحياتك؟)
هنا رؤى انصدمت من السوال وخذت مده بعدين ردت (حياتي مو ملكي حياتي لفجر وخالد )
فواز استغرب من ردها (رؤى ممكن اقولك شي)
(تفضل)
(ابيك تساعديني انا احب وحده وهي مو راضيه تفهمني شلون افهمها)كان متعمد يسال هالسوال يبي يشوف ردها
وهو عارف انها ماراح تفهم قصده
رؤى ماتدري وش الاحساس اللي جاها غيره فضول تعرف هالانسانه اللي محظوظه بجد بفواز بس قررت ترد رد يريح فواز ويبعد عنه التفكير وردت(فواز لو هي تحبك من دون ماتفهمها بتفهم وبتحس فيك واتمنى لكم السعاده وتاكد اني اول وحده بكون جنبك لو بغيت مني مساعده )
فواز انبسط من ردها (طيب بتكونين اول وحده اوعدك بس اكلتي الدواء)
رؤى ضربت راسها بخفه (خخخخخخخ نسيت)
فواز(ترى عصبت يالله اشوف روحي خذيه)
(هههههههههه حاضر عمي فواز وتصبح على خير)
(وانتي من اهل الخير)
حطت راسها عالمخده مشوشه وملخبطه ماهي قادره تركز تفكيرها بشي خوف فرحه راحه قلق ماقدرت تحدد شعورها سرقها النوم لعالم الاحلام نامت وهي تفكر وضامه مخدتها
اما فواز كان مبتسم غفى وهو عالكنبه حس بسعاده وراحه ماقدر يحدد مصدرها بالضبط
الساعه9 الصباح ام عبدالله دقت على جوال فواز
رد بصوت كله نوم:الو
ام عبدالله:فديت الالو يالله يمه قوم احنا هنا ننبسط مو نام تعال جناحنا نفطر بعدها نروح لخالتك ندى عازمتنا عالغداء
فواز:همم يالله صحيت
قفل الجوال قام اخذ له شور ولبس بنطلون جنز ازرق غامق وتي شرت ابيض وفوقه جكت جنز وأخذ معه نطارته وساعته اكيد ولبس شوز سبورت ابيض وكالعاده العلبه حقت العطر فضاها سوا بشعره حركه جنان وحس بالانتعاش والراحه لانه صار له يومين مو نايم رتب اغراضه وطلع لجناح امه وابوه
لقى الكل مجتمع ماعدا رؤى وساره
فواز:صباح الخير
الكل:صباح النور
ام عبدالله:تعال يمه اقعد افطر
دار بنظره للغرفه مالقاها وحست فيه امه
همست باذنه:رؤى مابعد تصحى
ابتسم في وجه امه وهي ردت له الابتسامه وفي باله(يوه اثاريني مفضوح خخخخخخ)
فطر وسال ابوه:هاه يالغالي نروح مول ولا حديقه
ابوه:لا يابوك من درى عمك سعد زعل ان حنا ماعلمناه وافقت له نتغدا عنده وبعدها نطلع نتمشى جميع
فواز:انا مابغيت اقول لاحد علشان كذا تغد عندي وتعش هناك الحين من تدري خالتي صباح بتقول والعشاء عندي
فزت امه:يوه نسيت ماأكلمها وراحت غرفتها
ضحكوا جميع
فواز:ماقلت لكم انتظروا الحين بتقول فواز مر خالتك تتمشى معنا بعدين نروح لها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك