رواية ما قسيت بس قسى قلبك علي -15
تـكمـلة الـبـارت السـادس عـشـر
بـيـت ابـو مـحـمـد
قـامـت من ـالنوم وهي تتثائب شافت ضوء الشمس بغرفتها قـامت لبست شبشبها الي بلون
الكريمـآ عدلت بلوزة بجامتها الي بلون الكـريمـآ وسروال البيجاما ومشت متوجه لشباك قفلته
ودخلت الحمام تغسل وجهها وتوضي وتصلي صلاة الظهر وبعدها غيرت بيجماتها ببنطلون جينز
أسود و تي شرت لنص الفخذ لونه ابيض وكان فيه كتابات انجليزيه بلون الأحمر ولا بست
شبشب أحمر وتوجهت لغرفة شوق دخلت وهي تتنهد : ياويلي شهالغرفه ثلاجه موب غرفه
قربت من اختها وهي تهزها : قومي يلااا الساعه وحده الظهر
شوق حطت المخده ع راسها : بره توني مصليه وبنام
منال وهي تتحلطم : اوف منك عدلي وقتك زي الناس
طلعت وقفلت الباب بقوه تقهر شوق ضحكت وهي تسمع شوق تصارخ بالغرفه توجهت
لغرفة ماجد كان يدخن سمع دقت الباب وطفى السيقاره وطلع عطر وجلس يبخبخ الغرفه
ويفتح الشباك تطلع الريحه دخلت وهي تشم ريحة غريبه مع عطر قربت منه شمته
وقالت : غريب !! مع اني في ريحه موب زينه
اخترع منها وصارخ عليها : خير مين أذن لك تدخلين ؟؟
ابتسمت له وشدت ياقة قميصه وانحنت : ماشاء الله تدخن يابو شباب انا اعلمك شلون تدخن
ماجد بربكه : لا مين قال وين ؟؟ موب حلو التدخين !! ايه مضر لصحه
منال : طلع كل السجاير الي عندك
ماجد : مافي شيء وش ادخن انتي مخرفه شيء
منال توجهت لباب غرفتها : اوكي انادي بابا ومحمد يتفاهمون معك احسن
ماجد مسك يدها باسها : لا لا ايه ادخن والسجاير بصندوق الي ع تسريحه
توجهت لتسريحه وكبت الصندوق كله بالارض وسط توسلات ماجد اخذت علب كلها معها
بهذا الوقت دخل محمد وشاف السجاير بايد منال بصراخ : وش هاذي
منال بربكه خافت ع اخوها : ايش ؟؟
محمد صكها كف وشد شعرها : تستغلين اخوك الصغير لشيء نجس مثلك
ماجد بصرخه انهت الجدال : اتركها والله انها لي وانا الي ادخن وهي اكتشفتني وخذتها مني
هي مالها دخل ابد و لو تبي اجيب المصحف احلف لك بحلف لك
محمد رمى منال وبصريخ فسخ عقاله وطاح ضرب بماجد قربت له منال ودفهاا ومنال صرخت
ودخل ابوها وامها وشوق من الخرعه والاصوات العاليه
ابو محمد بصرخه : بس !! خلاص !! سكتوا
ام محمد : وش فيكم ؟؟ وش فيك محمد ع اخوك
محمد : الولد يدخن وهايت وانتو موب دارين عنه
ابو محمد بصوت ضعيف : بس ياعيال
وطاح ع الأرض وسط صراختهم
منال اخذت الجوال واتصلت ع اسعاف ومحمد جالس يرش ع ابوه مويه بخفه عشان يقوم
ماجد يون : لا يايبا قوم
ام محمد تقطع قلبها ع ولدها اخذته واخذت شوق : جلسوا مع بعض بغرفه وحده وحنا بنروح
المستشفى
شوق : بروح معكم
محمد بعصبيه : خلاص ولا كلمه
...
بيــت ابـو نـاصر
ركب شريحته الثانيه من الإزعاج والرسايل والمكالمات الي بكل وقت استرخ بعدما ركبها
وشاف ريما متوجه له بكاسة عصير برتقال بارد : اشرب حبيبي شكلك تعبان
ناصر شرب العصير دفعه وحده وبصوت يملأه التعب : تعبان حدي
ريما ابتسمت له بحب : سلامتك ياقلبي ماتشوف شر إن شاء الله
ناصر ابتسم لها : شكلنا بنخربها اليوم كالعاده
ريما لفت له بخوف : لا لا يامعود خلك بمكانك يكفي قبل
ناصر قام وشالها وسط توسلاتها : هههه بعدك ماشفتي شيء
ريما بدلع حطت راسها ع صدره : يوه منك كله كذا و ابنك مره متعبني طالع لك
ناصر ابتسم لها نزلها ع سرير وفسخ بلوزته وو .......... *_^
...
بمـزرعة ابـو فـيصل
كـانت جالسه بجنب فيصل الي يسولف مع ابوه بفرحه من بعد موافقته انه يتزوج حبيبته :
ايه يبا عارف الشغل والعقارات الحين بارتفاع
ابو فيصل لف لياره : بنتي انتي مرتاحه مع فيصل
جاوبت بصوت لايخلو من الآلم : الحمدلله
لف لفيصل : زواجك بعد يومين
فيصل بفرحه : والله ودي اليوم قبل بكره
اشر له ابوه بعيونه ع ياره حس بشفقه عليها يوم قامت : يبا انا استئذنك
مشى خلفها ويوم شافها دخلت الغرفه دخل وراها وقفل الباب وقال : انا اسف
لفت له وانصطدمت يعتذر منها اول مره : فيصل
فيصل : نعم ؟؟
ياره : ابيك تطلقني
فيصل بعصبيه : مستحيل لو طلقتك مابتزوج حبيبتي
ياره بآسى : هذا الي همك تزوجها
نزلت دموعها وكملت كلامها : انا والله احبك وبروح عند ابوي لين تزوجها ونطلق
فيصل : ايه كذا معقول
ياره : ودني الحين !!
فيصل باستغراب : مسرع خلصتي اغراضك
ياره نزلت راسها : كنت متوقعه اني بروح عشان كذا لميتها من بدري
فيصل اشفق عليها وقرب لها وطبع قبله بجبينها المرتجف : اذا ودك تبقين معي فأنا ماعندي
مانع ويسعدني بعد
ياره : بروح لبيت ابوي
فيصل : اوكي يلا هذه اغراضك
ياره هزت راسها بالموافقه ولبست عباتها وتغطت ومشت وراه لسياره بعدما حمل اغراضها
...
بيـت ابو الجـازي
قاعد تغني وتحط مناكير دخلت الشغاله : هذا عصير
صرخت الجازي : طلعي بره ذلفي فيه شيء اسمه دق الباب انا لازم اسفرك لبلدك
وقفت بكل دلع وكملت مشيها لصاله وراحت جلست جنبه : بابي الخدامه مره مو كويسه
وعليها حركات من تحت لتحت تصدق اكثر من مره لقيت عنده اكسسواراتي مسكينه بنت فقر
ماشفت خير
ابو الجازي : الحين اسفره بس اي شغاله ؟؟
الجازي بغنج : روزا يابابي روزا
ابو الجازي بصوت عالي : روزا روزا ؟؟
روزا : نئم بابا
ابو الجازي : ضفي اغراضك بسفرك
بكت روزا : بابا انا في كويس انا زوج مال انا تئبان واولاد انا في مدرسه بابا ماما كبير
يبغى مستشفى اهئ اهئ
ابو الجازي : ولا كلمه لوديك مركز الشرطه
خافت روزا وراحت تلم اغراضها وهذه مو اول مره الجازي تقطع شغل شغاله ويسفروها بسبب
كذب الجازي
قامت الجازي بكل غنج ارسلت لابوها بوسه بالهواء وراحت غرفتها
...
شـقـة سـلطـان
دخل سلطان بكل تعب ورمى نفسه ع كنبه قربت من ريناد : حبيبي شفيك ؟؟
سلطان ابتسم لها بتعب : لقيت وظيفه !!
ريناد بفرحه غمرتها : والله حلو قلبي !! وين ؟؟
سلطان : بشركه
ريناد : زين الحمدلله ربي وفقك
سلطان : الحمدلله يلا بروح اسوي اكل
ريناد : سويت لك
سلطان : تزعلني !! ماقلت لك مابيك تدخلين المطبخ وانتي حامل !!
ريناد : حبيبي والله مايصير في الجنين شيء بأذن الله
سلطان : مابيك تتعبين بعد
ريناد بدلع : تراك اذا دلعتني كثير يصير ماعد اقوم من السرير
سلطان : ههه ايه بدلعك كم عندي من ريناد وحده بس وكرشتها قدامها
ريناد ضربته ع راسه بخفه : ابنك ع فكره
...
بمـزرعة طـلال
كـانت تجلس تحكي قصه لدارين وقفت دارين : حلوه قصصك حتى شوشو اعجبه قصصك
ابتسمت ساره بحب لها : وانتي وشوشو احلى
دخل طلال عليهم وابتسم وقعد بجنب ساره ع سرير ريناد : شرايك يادارين اقلك قصه
دارين انسدحت : ايه ايه ابي قصه
طلال : كان في واحد يحبه وحده وكان عنده بنت صغيره تبي بيبي وبعد فتره
بيجيبون لهم بيبي صغير وبيلعب مع بنتهم
دارين مدت بوزها : قصتك مو حلوه عشان ماعندنا بيبي تقول كذا
طلال دغدغها : إلا ياعيون بابا ماما بتجيب لنا بيبي
دارين قامت بفرحه حضنت ساره لي اكتساها الخجل تندمت انها فكرت بطلاق كيف
تترك بنت متعلقه فيها صحيح ان طلال متقلب المزاج و مريض نفسي بس لازم تصبر عشانها
عشان ابنها الي ببطنها
قام وقف طلال ومسك يد ساره : يلا نامي الحين
مشت ساره معه بعدما غطت دارين بحب وطلعت للحديقه وكان الهواء بارد
وكان خصلها تطير وترجع ترتبها بيدينها فسخ معطفه الخفيف الأخضر وحطه ع اكتاف ساره
الي ابتسمت له وحضنته صحيح انه مريض نفسي بس كان لها دوم الحضن الدافي
ابتسم لها وشد من حضنه لها رفعت راسها : خلنا ندخل عشان ماتمرض
طلال : خايفه علي مامرض
ساره : اييه
طلال : تحبيني ؟؟
ساره هزت راسها : ايه
طلال : اثبتيلي انك تحبيني !!
ساره : غمض عيونك تيب
غمض ورفعت نفسها لتطبع قبله ع شفتها ونزلت راسها بسرعه وهو فتح عيونه
وشالها وجلس يدور فيها والفرح يغمره وهي تحاول تنزل من بين يدينه : طلال قلبي نزلني
نزلها طلال ومسك يدها بحب وتوجهوا للبيت وتوجهوا لغرفتهم دخلت بالفراش وتغطت
وهو انسدح وغمض عيونه بكل فرح ونام
...
بيــت ابو مـحمد
كان تشرب شوربه دجاج بالخضار وهي تقول : ربي يخليك عيالك كلهم خافوا عليك
جلس بتعب : لو صحيح ماكان سواى كذا ماجد
طق الباب ماجد ودخل وطلعت الام عشان ياخذ راحته مع ابوه قرب لابوه
الي اشاح بوجهه وبكى وباس يد ابوه : والله اسف يبا هذه ثاني سيجاره والله ماعودها
طنشه ابوه وقال : رح غرفتك ومابي اشوف وجهك
طلع ماجد لغرفته وجلس ع سرير يفكر " الحين انا لازم اطلع من البيت كله اسبب مشاكل لهم
احسن اروح اشتغل وادبر نفسي واريحهم بيفرح ابوي اكيد "
دخلت منال عند ابوها : يبا ماجد توه مراهق تعرف اصدقاء السوء وعدني مايقعد
معهم يبه سامحه وعدني مايعودها اخاف يسوي بنفسه شيء تعرف سوالف المراهقين
لف لها ابوها : انا مسامحه بس ابي يحس بذنبه تهقين يسوي شيء
منال : ايه اعرفه ماجد دوم متهور
ابو محمد : ناديه
منال باست راس ابوها : حاضر
وطلعت تناديه واستغرب ماجد دخل غرفة ابوه وامه وقف وهو منزل راسه
ابو محمد : تعال
قرب منه ماجد وابوه سحبه لحضنه : عيب عليك خلك رجال ياولدي ابي اشد فيك الظهر
ابيك تبعد عن ذولا الاصحاب تهقى انهم يبون منك الخير لا ياولدي
ابيك تصير رجال ابيك تترك حركات المراهقين مابي دموعك تنزل لأحد
بكى ماجد : طول عمرك طيب وأنا دوم ماسمع كلامك بس وربي خفت عليك
ابتسم ابو محمد وهو يمسح دموع ابنه وبلهجه مازحه : يلا ع غرفتك نام
ابتسم ماجد : ان شاء الله
...
بيـت ابـو عمـر
كـانت جالسه تشرب الشاهي مع ابو عمر وهي تقوله : كلمت مها اليوم تقول انها بخير
ابو عمر : شلون وليد معها ؟؟
ام عمر : تقول انه زين والحمدلله يعاملها بود وتقدير
ابو عمر : الحمدلله ان شاء الله دوم كذا
ام عمر : آمين وبعد عمر الحمدلله لقى له وظيفه
ابو عمر : والله ان قلبي يعورني ع وليد فقد اهله واخته بلحظه طيش عمر
ام عمر : يابو عمر انسى مثل مانسى
ابو عمر : ماظنتي نسى !! صبي لي شاهي
...
شـقه وليد
لبست قميص زهري ضيق من فوق لين تحت الصدر بعدين يتوسع لخصرها لبست سكيني
اسود وفلات زهري وتركت شعرها مفتوح طلعت تجلس بصاله دق عليها الوليد
ردت بكل لهفه : آلو
الوليد بصوت حزين : اسمعي ماقدر اجي اخذك للمطعم انا بالمستشفى خالد تدهورت
حالته مره وتوني دخلت المستشفى
مها : لا لا اقعد عنده موب لازم نروح مطعم شف صديقك وردي لي خبر
الوليد بحب لهالإنسانه : تسلمين لانك مازعلتي ومايصير خاطرك إلا طيب
قفل وهو يحمد ربه ان الله عوضه بأنسانه حنونه
...
بالـمــستشـفى
قفـل وليد منها ومشى لغرفة خالد وهو يشوف الممرضات المنتشرات بالغرفه والدكاتره
الي حولينه خاف وحس بخطوره حالة صديقه ماقدر غير انه يقعد تذكر حلم صديقه انه يصير
دكتور يخدم وطنه يساعد المرضى تذكر رقة قلبه وحبه لناس رفع جواله
وضغط ع رقم ابو خالد وانتظر مره ومرتين وثلاث واربع ورد
: آلو
وليد : عمي !!
ابو خالد بحب : السلام عليكم هلا بك وليد من زمان عنك وينه خالد وراه ابطى مايدق
وليد : ممكن اشوفك بالمستشفى ..............
ابو خالد : ليكون ابني صابه شيء
وليد : يفضل تجون كلكم يمكن آخر مره تشوفون فيها خالد
ابو خالد بصدمه وذهول : متأكد
وليد : ايه
ابو خالد : مع سلامه
جلس ينتظر ربع ساعه لين وصل ابو خالد مع ام خالد و عادل اخو خالد
عبير وخلود خوات خالد سلم ع ابو خالد وعادل
بعدين حكى لهم الوضع وبكت ام خالد ماستحمل وليد قام طلع عند خالد شاف
كيف الاجهزه توقفت عن العمل صرخ ينادي الدكاتره الممرضين سواى له انعاش
صدمات كهربائيه لقلبه مافي وليد صرخ وقال : لا توقفون
طلعوه الممرضين بالقوه لف وشاف اهل خالد لف للجدار وسند جسمه عليه وغمض عيونه
يتماسك شاف الاطباء يطلعون وشاف سرير ابيض مغطى ركضت ام خالد تفتحه شافت ابنه
وجه ابيض وشفايفه بيضاء صرخت وطاحت مغمى عليها بكوا خواته وهم يشوفه نزلت دمعت
عادل وهو يبوس راس اخوه ويغطيه نقلو ام خالد لغرفه وابو خالد ماقدر يشوف ابنه عوره قلبوه
وليد طاح ع الأرض يبكي جلس يهز خالد : قم قم الله يخليك انت مامت قم
وقف وطبع قبله حاره بجبهة خالد البارده : قم الله يخليك ولا خذني معك
سحب عادل وليد بالقوه بعدما نادى الامن وطلعوه كان وليد يبكي مثل طفل الي فقد اهله
...
بيــت ابـو نـاصر
تسحبت من حضنه واخذت شاور لبست فستان حمل خصوصاً وهي بالشهر الخامس
بين بطنها ابتسمت وهي تشوف ناصر كيف نايم كانه طفل طلعت من الغرفه
ونزلت تحت تساعد ام ناصر ع الفطور قام ناصر بعدها بساعه ولبس ملابسه
ونزل تحت شافهم وجلس معهم يفطرون
ابو ناصر : رح لشركه جاسم آل .......... ووقع معه ع الصفقه وياليت ماتطلع من الشركه
لين يخلص الدوام
ابتسمت ريما وهي ودها تضحك شافها ناصر انقهر منها وهمس لها : ايش فيه كله منك
ريما ضحكت وكتمت ضحكتها بسرعه : يازينك وانت معصب
...
بــيت ابـو سـعود
كان جالس بالبيت وسكرتير فهد قال له الموظفين الي داوموا وماقال ابو محمد استغرب
سعود : ليه مادوام ابو محمد
السكرتير فهد : السموحه طال عمرك توني تذكرت تعب البارح وطلب مني اقولك تعطيه اجازه
فز سعود : اكتب له اجازه اسبوع كامل وانا بروح له العصر
السكرتير فهد استغرب اهتمام سعود : حاضر طال عمرك
...
بيــت ام مـازن
جالسه تشرب قهوه : وينه وليد ماجى غيربه صار له فتره ؟؟
ابو مازن : لازم اسافر بعد اسبوعين !!
ام مازن : ترجع بسلامه يابو مازن
ابو مازن فتح الجريده : الله يسلمك اما وليد تعرفين اكيد يبي ياخذ راحته مع زوجته
ام مازن : اجل انا بعزمه يجي قبل ماتسافر
...
شـقة سـلطـان
جـالسـه ع كنبه وهي تتفرج فلم رعب غمضت عيونه وحست بانفاس ع رقبتها خافت
فتحتها بهدوء ولفت شافت سلطان حطت راسها ع صدره : يووه منك ليه ماتكلمت خفت
سلطان : يادلوعه من صوت التلفزون العالي ماسمعتين يوم دخلت
ريناد بدلع : اها قل كذا
سلطان قفل التليفزون ولفت له ريناد : يلا نووم مافي سهر وانتي حامل
ريناد : ياربي منك بشوف الفلم
سلطان : ماافي
مسك يدها سلطان ودخلت معه للغرفه وجلست ع سرير : بس مافيني نوم
سلطان ابتسم لها : عدي من واحد لين ميتين
ريناد حركت شعرها بدلع : مابي
سلطان : تراك زودتيها اليوم كله تدلعين احسن لك
ريناد بخوف ابتسمت له : خلاص تيب جاني نوم
سلطان ضحك وجرها لحضنه وطبع قبله ع شفتها ورقبتها وو ............ *_^
...
بيــت ابـو تـركي
كـانت تلعب بلاسيتشن وهي تطق بالعلك وكل ابوها وامها و تركي بره البيت سمعت صوت
بالمطبخ وخافت بلعت العلكه قامت فسخت شبشبها الي لونه سكري عدلت بيجامتها
كانت لابسه بيجاما سروال طويل لونه عشبي والبلوزه البدي العشبي الي فيها ورود صغيره
بسكري كان شعرها مفتوح وكانت منزله غرتها كان شكلها بيبي مشت بهدوء للمطبخ
و ماشافت احد شافت الباب مفتوح رجعت لورئ بخوف : ياويلي الباب يومااه كان مقفل والله
راحت قفلت الباب ومشت لصاله لقت واحد معه مفكات وشنطه سوداء وهو لابس جينز
اسود وتي شر نص كم اسود وكان متلثم خافت و رجعت ع ورئ وصقعت بتحفه وطاحت
وانكسرت لفت له شافته وقف يمشي لها وبيده مسدس خافت وركضت لفوق وهو يركض
وراها طاحت ورجعت قامت تمشي لين وصلت غرفتها وجت بتقفلها بس هو مسك الباب
ودخل غمضت عيونها من الخوف ورجعت لورئ وطاحت ع سرير فتحت شافته يتوجه لها
...
بيــت ابـو يــاره
جلس ابوها وضحك بسخريه : يومين وترجعين لبيت زوجك ماعندنا بنات يطلقن
ياره ببكى : حرام عليك يبا مايبيني يبي وحده ثانيه
ابو ياره : والله بشطارتك تخلينه يحبك
وطلع بعدما تركها مصدومه ماحد يبيها مالها احد بهالدنيا بعد الله
(.. عايلة ابو يــاره
ابو ياره : عمره 46 سنه عصبي جداً مايحب ياره ويحب الفلوس طلق امها وامها ماتت بعدما طلقها بسنتين
نوره : عمرها 41 سنه زوجة ابوها عصبيه وتهتم بنفسها وتكره ياره بالحيل ..)
...
بـيـت ابو راكــان
ريم مسكت جوالها : بكلم نور وحشتني الدبه
بعدين نزلت جوالها : لا لا الحين اكيد نايمه ماعرف خلني انزل اجلس مع امي
نزلت لصاله وشافت اهلها مجتمعين جلست تسولف
معهم وتحس بشيء غريب بس تجاهلت شعورها وسرعان مانسجمت مع رامي
...
بالـمسـتـشـفى
كان جالس يمسح دموعه بغرته يحس بالغربه بفقد صديقه كان يتجاهل كل المكالمات
طلع من المستشفى ضايق خلقه حزين توجه للمسجد الي بجنب المستشفى
يصلي له ركعتين يدعي لصديقه بالمغفره والثبات عند السؤال
ويقرأ قرآن ينشرح صدره من بعد ضيقته وآلمه
...
بـالمـسـجـد
دخل حمامات المسجد يوضي " اكرمكم الله " عشان يصلي له و بعدها دخل
وكبر و بدى بصلاته ولكن ماكان بالحسبان ان شخص كبير بالعمر كان يقرأ القرآن وصوته عذب
كان يقرأ سورة القيامه وكان صوته يجذب للخشوع قرأ بكل عذوبه
(.. كَلَّا بَلْ تُحِبُّونَ الْعَاجِلَةَ * وَتَذَرُونَ الْآخِرَةَ * وُجُوهٌ يَوْمَئِذٍ نَاضِرَةٌ *
إِلَى رَبِّهَا نَاظِرَةٌ * وَوُجُوهٌ يَوْمَئِذٍ بَاسِرَةٌ * تَظُنُّ أَنْ يُفْعَلَ بِهَا فَاقِرَةٌ *
كَلَّا إِذَا بَلَغَتِ التَّرَاقِيَ * وَقِيلَ مَنْ رَاقٍ * وَظَنَّ أَنَّهُ الْفِرَاقُ *
وَالْتَفَّتِ السَّاقُ بِالسَّاقِ * إِلَى رَبِّكَ يَوْمَئِذٍ الْمَسَاقُ ..)
قطع صلاته وتوجه لخارج المسجد يبكي ماقدر يستحمل وقف الرجل عن القرائه واغلق
المصحف ومسك كتف وليد الي كان جالس عند باب المسجد
: اشفيك ياولدي
حكى له وليد كل الي صار وبكى طبطب عليه الرجال وقال : انا فقدت بنتي اليوم
بس خل املك بربك كبير يمكن تكون رحمه له من الحياه ادعي له بالمغفره دموعك
وان نزلت مابترجعه تصبر ياولدي انافقدت ولدين من عيالي قبل شهرين بحادث وبعدين بنتي
تقدر تقول اني صرت قاسي
وليد : لا ياعم موب بقاسي بس هذا صديقي تربينا سواى كان دايم معي فكل محنه مريت بها
: بس ياولدي انت متزوج ؟؟
وليد : ايه
: رح لزوجتك تلقاه تنتظرك ودعي له بالرحمه تراى هذا الي بقى له
وليد قام وباس راس الرجال : معك وليد آل ...............
: وأنا أبو صالح آل ..............
وليد : تشرفت فيك انا بروح للبيت
ابو صالح : رح ياولدي ارتاح وقلت لك الدموع مابترجعه لك من جديد
...
بـيـت ابـو تـركي
وركضت لفوق وهو يركض وراها طاحت ورجعت قامت تمشي لين وصلت غرفتها وجت بتقفلها
بس هو مسك الباب ودخل غمضت عيونها من الخوف ورجعت لورئ وطاحت ع سرير فتحت
عيونها شافته يتوجه لها : الله يخليك لاتسوي فيني شيء رح اسرق الي تبي من البيت
مابقول شيء بس تكفى اتركني
قرب منها و حط اصبعه ع شفتها يتحسسه ونزلت دموعها ومسحها : اشش مابي دموع
هزت راسها بالموافقة وقف وقال لها : شطوره
شاف ورده حمراء بكاسه مويه اخذها وغرسها بشعرها من هالجنب وهي مصدومه
فك المسدس حقه وعباه رصاص وخافت بقوه جت بتقوم بس مسك يدها : وين ؟؟
خافت وارتجفت شفتها : ابي اقعد
فكها وقعدت ورجع سكر مسدسه وقال : وين تحطين ذهبك ؟؟
رفعت نور راسها : مالبس ذهب انا
حرك راسه برفض : ترى ازعل قولي وين مكانها
قامت : بروح اجيبه
توجهت لتسريحه وهو يراقبها وهي من الخوف طاح منها علبه رفعتها قام وقف ومسك يدها
: اشفيك بهدوء روقي اعصابك وينها ؟؟
طلعت له صندوق : هذا كل الي معي
فتحها شاف اسوار لبنت صغيره وقال : لمين هذه ؟؟
قالت : لي يوم كنت صغيره وهذا السلسال والخواتم هي ذهب بس ذهب ابيض
اخذها وحطها ع جنب واشر ع عنقها مسكت عنقها و لمست سلسال خبته بيدها : وبس
سحب يدينها وطلع السلسال : ابي اشوفه
وشاف سلسال ناعم بالحيل من ذهب الابيض بعد لانها ماتحب الذهب الاصفر فيه كان فيه
ورده بنهايه صغيره محفور عليه بشكل رائع حرف النون + الراء
قال : وش اسمك ؟
نور بخوف : اسمي نور
رجع قال : طيب راء مين ؟؟
نور : صديقتي من ايام الطفوله
انحنى وهي ارتبكت وهي تحس بانفاسه الحاره ع رقبتها وفسخ سلسال واخذه
نور : لا لا خذ اي شيء غيره إلا هذا
: ليه ؟؟
نور : غالي مني مابي افرط فيه تكفى خذ عندي فلوس اذا ودك تاخذ بس هذا لا
: اوكي خلي الفلوس والسلسال باخذه وشاف كيس اخذه ولم فيه الاغراض
ونزل من الدرج وحطه بشنطه الي معه ولم اغراضه
عصبت عليه نزلت بنص الدرج ورمت عليه قلوس : حقير وربي حقير بس انا بقول لشرطه عنك
لف لها ونزل الشنطه وطلع لها وهي ركضت بس سحبها له وشدها ع وراىء وصطدم ظهرها
بصدره : افتحي فمك عشان اعلمك شلون اسكره
وتركها وهي ركضت لفوق وقفلت الباب واخذ اغراضه وطلع
وهي قفلت الباب : يوماه هذا موب صاحي شلون دخل البيت من غير ماشوفه وربي انه يخرع
شكلها حرامي محترف بس حقير صدق اخذ مني السلسال الي احبه والمشكله ماسرق إلا
أغراضي وياربي جوالي مافيه رصيد ادق ع اهلي اخر مره اجلس بالبيت لوحدي يوماه
بعدين يطب ويسرق من عندنا مشفوح
رمت مخداتها بالأرض : اوف والمشكله ماشفت غير عيونه ولا كنت بوريه شغله
...
شــقـة ولـيـد
دخل ووجلس بعدما فتح أزارير ثوبه طلعت مها وشافته قربت له : اشفيك
وقف لها ومد يده لها مسكتها وقربت منه وشدها لحضنه وبكى : مات خالد مات !!
مها رفعت راسها شافت دموعها حزنت عليه وجلست تهديه وتقرأ
القرآن إلين نام وماقدرت تقوم تغطيه لان راسه كان فحضنها و جلست تفكر بحالته
...
نــهــايــة الــــبــارت
...
الســموحه إن كـان فيه أخطاء إملائيه بس ماأمداني أراجعه
ولي لقاء معكم بعد العيد إن شاء الله وقبلها مابنزل ولا بارت
فأنتظروني لذالك الحين وأريد أن أرى تعليقاتكم ع البارت
...
حـنـيـن إشــتـيـاق
الـبـآرت ـالــسـابـع عـشر
بـيـت ام سـعود
بجناح سعود الخاص كان واقف قدام المرايه يبخ من عطره ـالمفضل رفع أنامله ليعدل شماغه
أنزل ايده لطاوله الي بجنبه وأخذ المفتاح وجواله وطلع من الجناح والإبتسامه ع محياه
توجه للأصنصير ولا حظ انشغاله وتنهد بملل : يالليل الحين الخدم ماغير نازلين طالعين فيه
اكمل مسيره لدرج ونزل بسرعه ولا حظ بيد الخدامه ورقه بسرعه وضعتها بجيبها استغرب
تصرفها ولأول مره احس بريبه لأمرها والشك الي ملى قلبه وخصوصاً تصرفاتها الغريبه من فتره
حتى امه لاحظت عليها تجاهل الأمر و كمل مشيه لعند الباب الرئيسي وركب سيارته
ومشى بسرعه وهو يفكر بخطوته الي بيقدم عليها وهل هي صح ولا بيتكرر نفس جرحه القديم
قطع تفكيره صوت رنه جواله الكلاسيكيه رفع الجوال وشاف المتصل السكرتير فهد استغرب ورد عليه
سعود : السلام عليكم ،، بغيت شيء ؟
السكرتير فهد : عندي لك خبر سيء هند طلبت بيع اسهمها من الشركه وان باعت بتفلس الشركه !!
سعود : سوتها الحقيره وربي لتندم اوكي جايك الشكره الحين
السكرتير فهد : طيب طال عمرك بإنتظارك
قفل سعود ورمى جواله ع مرتبه الي بجنبه وضرب بيده ع الدركسون من قهره
...
بـيـت ابـو مـحمـد
كانت جالسه متربعه بصاله وتتفرج مجله التفت لدخول اختها وشعرها محيوس وكان شكلها فوضوي بقوه
ضحكت وسرعان ماكتمت ضحكتها لما شافت اختها تقعد جنبها وهي تتحلطم رفعت حاجب منال وقالت :
محمد صح !!
التفت شوق لها وحاست بوزها : ماغيره وربي طفشني ماغير مين تكلميني مع مين تمشين بصراحه
هو يشك فينا كل لنا بزياده ودوم يسوي مشاكل وابوي خلقى مريض مايستحمل
منال : شوق لازم تفهمين شيء اضغطي ع اعصابك شوي امي تعرفينها عصبيه وابوي اذا عصب بيتعب علينا
يكفي سوالف مجيدوه خلقى سواى حروب عالميه بالبيت
شوق : وهذا الي مصبرني وربي بموت من القهر
انحنت منال لتكمل قرائتها للمجله وشهقت ورفعت راسها : شوق بسرعه اقريء الخبر
شوق بملل : مابي مالي خلق والله مالي نفس ابد
منال : اقري يا الغبيه طحت وماحد سمى علي
قربت شوق وشهقت : يوماه هذا مو سعود الي طحتي بحضنه بل بل عليه
منال : احترمي حالك ماطحت بحضنه انتي دفيتيني بحضنه
شوق مدت بوزها : إلا هو
منال : ياربي منك تخيلي هو مدير شركة ابوي و الرجال من اصحاب الملاين ومانسى مغزلجي
شوق : ياليتني بدالك وياخذني بالغصب ونتزوج
ضربتها منال بالمخدات الي جنبها : هيي احترمي نفسك اقلك الرجال مغزلجي
شوق : ومدير ابوي لا يسمعك ويفنش ابوك الي هو ابوي ونعيش ع بساط الفقر
منال وقفت : اصلن اصلن ان الغلطانه الي مخبرتك بسالفه
شوق كشت بيدها : مالت عليك انا الي غلطانه اسمع لك واضيع وقتي الثمين
وقفت ولبست شبشبها الي لونه وردي وتوجهت لغرفتها وهي طفشانه ومنال توجهت للمطبخ تساعد امها
...
بيــت ابـو فـيصـل
رجع للبيت ياخذ له ملابس زياده عشانه بيطول بالمزرعه طلع جناحه وفتح الباب
و فتح شنطته وبدى باختيار الملابس الي بياخذها معه لمح ظرف بلون البني كان شكله مخبى بين الملابس
رفعه واحتار انه يفتح او لآ وبعدين قرر يشوف الي داخل كان الفضول ذابحه فتحه بكل هدوء وطاحت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك