رواية صحيح جسد بس بلا روح -2
خوله:الحمدالله تمام امس تخيلي متصله علي وتقول ان فيصل يبغى يعرفني على صديقه اسمه خالد
الريم:لاتقبلين وش تتعرفين بعد استغفر الله خوله حبيتي متى بتتركين هالخرابيط ترى والله انهم ياخذونك لعبه ولا عندهم نيه يكلمونك عشان الزواج بك يعني بالله بيتزوج وحده يكلمها مسستحيل بعدين مااسمعتي قصص البنات من هالمغازل مااربحوا شي غير الندامه
خووله :اووه ريموه واللي يرحم امك بلا محاظرات على ذا الصبح
الريم:بكيفك بس انا نصحتك
ونتبهوا للاستاذة يوم نبهتهم عشان ينتبهون للدرس
"""""""""
طبعا عهود والريم بنفس المدرسه عهود باولى ثانوي والريم ثاني ثانوي اما اريج بالجامعه قسم حاسب
والهنوف توها بثالث ممتوسط
"""""""
الحصه الثالثه كانت شلة عهود وشلة الريم منحاشين في المصلى
وهات يالسوالف والضحك لان المصلى بعيد شوي عن الفصوول يعني مستحيل ينسمعوون
يوم رنت الفسحه طبعا بعض البنات اكيد بيجون يصلون الضحى
طلعوا وكملوا مشيهم بساحه
"""""""
اما في جامعة الاميرة نوره
كانت اريج جالسه في الكافيتيريا
وتفطر مع صديقتها بثينه
اريج:اووه الليوم حر
بثينه :مممره
بثينه:ممم اريج مو ذي اختك ساره
اريج تلتفت لوين تاشر بثينه ولقت ساره مع بنت عمها
اريج من دون نفس:ايــــه هي
بثينه:مممم اشرايك نجلس معها
اريج طبعا ماتحب تبين للناس ان علاقتهم اببببد موزينه
اريج:لاوووين معها صديقاتها يمكن يبغون يجلسون بالحالهم >ويقالها تصرف<مم يله بثينه بدت محاظرتي سلامممم
بثينه:سلاااااااااام
امممممما بثينه جلست تناظر ساره هي حاسه ان علاقت ام ساره وبناتها وام اريج وبناتها مو لذااك الزود
بثينه وهي ودها تتعرف على هالساره اللي مشهوره انها كشخه وبنت عز وابوها تاجر
قامت بثينه لساره بثينه وهي مرتبكه:السلام عليكم
ساره :نعم
بثينه وهي تقول بنفسههها يوه شكلها متكبره بقوه واخلاقها بخشمها
بثينه:ممم يمكن اجلس
صديقة ساره هند:ومتى المعرفه
بثينه طاح وجهها
ساره وهي تعرف انها صديقة اختها :هههه لا مو مشكلة اجلسي
بثينه ابتسمت وجلست
اما هند كشرت
ساره:ممم ممكن تعرفينى عليك
بثينه:اناا بثينه الـ.... قسم حاسب والصراحه من شفتك حبيت اتعرف عليك
هند:اها اظن اللي جالسه معك ارووج صح
بثينه:ايه
هند:اها واكيد راسلتك تتلقفين علينا
بثينه:لا اصلا اريج ماقالت شي ولا درت عن شي
ساره وهي سرحانه دوووم ودها تعرف هالاريج معنها اختها بس غااامضه ونظراتها غريبه وشخصيتها قوويه ضحكت ساره على نفسها فيه خوات ودهم يتعرفون على بعض والله نكككككككته
انتبهت ساره لهند صديقتها وهي تحاارش بثينه اللي ترد بادب وهي مبتسمه صدق عرفت اريج تختار من تصادق اما انا مصادقه وحده ووقحه بس عشانها نفس مستواااي وثاني شي عشانها بنت عمي
ساره:هند بس مم على العموم بثينه ياهلا فيك وان انزعجتي من هند ترا هذا طبعها لاتنزعجين
هند:نعــم
ساره وهي سافه هند:الا قولي بثينه وينها اريج
بثينه :والله راحت عندها محاظره
ساره:اهــا
وطقوها سوالف
ثمن كل وحده راحت لمحاظرتها
وبثينه ححيل استانست انها تقربت من ساره بنت العز يعني اما ساره الوضع عندها عادي بس اللي همها انها تصادق بثينه عشاان تتقرب لاريج اما هند مارتاحت لبثينه ابد وطبعا كا هذا واريج ماتدري
"""""""""
الجزء الرابع
""""
بعد مرجعوا من المدارس تغدوا وراحوا يستريحون شوي وبالخاصه الريم اللي الليوم بذلت مجهود طبعا مو من الشطاره""""
المغرب كانت ساره تكلم هند على المسن
انا غير عن الناس انا كلي ذوق وحساس<"<ساره<<ماتلاحظون انها تمدح نفسها مالت قال وشو قال ذوق المهم نرجع لروايتنا
ليت الدنيا تدور """ وارجع انا المحبوب>>هند
هاااااااااي سوسو
انا غير عن """""
هايااااااااااات
ليت الدنيا تدور"""""
كيفك قلبو؟؟
ان غير عن الناس""""
تمام حبي كيفك انتي
ليت الدنيا"""""
تمام الا اقول سوسو
انا غير"""
هلا
ليت الدنيا"""
ممم هذي البنت اللي الليوم بالله وش تبي ماتلاحظين انها قاطه
انا غير عن"""
اها قصدك بثينه ممم لا عادي
ليت الدنيا تدور"""
يعني عادي تجلس معنا
انا غير عن الناس """
مممم ايه عادي
ليت الدنيا تدور"""
اها كيفك المهم سوسو يلا ماما تبيني
انا غير عن الناس"""
okقلبي يلا باي
ليت الدنيا تدور"""
باي
""""""""""
في بيت ام خالد:>ناديه<كلهم جالسين يتقهون
خالد"يمه اللحين بنسافر بطياره تبين ولا سياره
الام:لا حبيبي خالد تعرفني مااقدر على الطياره سياره وبس
خالد:اها خلاص اللي تامرين فيه
الريم:خلوووود
خالد:هاه
الريم:هوى يهفك تعال اللعب معي سوني بعد شوي
خالد:ايه طيب اييييييييه ريموه تخيلي بكره مبارات الهلال مع النصر>>الصراحه انا ماشجع اي فريق بس لازم احط كذا ok يالنصراوويات ماتزعلون او الهلاليات
الريم:اااااااااااايه نسيييييييييييت
عهود:ياااااااارب يقوووووز النننننصر فديته
الريم وخالد عصبوا :لا حبيبتي جعل الهلال يفووز
الريم:لو فاز خلوووود بعشيك
خالد:لاانا بعشيييييييييييك وبوددددددديك اللي تبين
عهود:الله بروح معككككككككم فللللللللله
الريم:نعـــم لو تنطبق الارض على السما ماخذتك يالنصراويه
عهود:تاج راسك
الريم:نعـــم
خذت المويه اللي جمبها وططططططططططش على عهود
عهود"ريموووووووووووووه
الام:لاحول ولاقوة الا بالله
اريج:هههههي ريموه ماعندك تفاهم على طول موويه
الريم:احححححححسن قال شو قال تاج راسي
عهود:والله لااوريييييك وتروح تاخذ موووويه من المطبخ
وبسرعه تقوم الريم تنحاش وعهود تلحقها
الهنوف:الحمدالله اخوان من جد يفشلووون
اريج:والله حاله
خالدوهو يشوف امه خلاص عصبت:ريموووووووووووه عهووووووووووود
الريم:هـــــــــــــاااااااااااااه
خالد:هوى يهفك يابقره تعالللللللللللي ولا ترى بكره مافيه مطعم
الريم وهي جاااااايه مسرررررررعه:هلا حبيبي
اريج:ريمووووووه شوفي امي عصبت وشذ الحرككات
الريم وهي تشوف امها
الريم وهي تروح تنط على امها وتخمها"ككككككلش ولاا م خااالد حبيبة قلللللللبيبييييييييي يمه الله يهديك نمزح والله نمزح انا وعهودووه مايفرق بينا لا هلال ولانصر ولا فر يق
الام:ريموووووه وخري كسرتي عظامي
الريم:وهي تحط راسها على حظن امها :اوما يمممممه حرام عليك فديتني رشيييييييقه
خالد:وينها عهود
عهود وهي تنزل وهي شاقه الحلق من الابتسامه
خالد:سلامات اختي العزيزه
عهود:يعني محد يبتسم بهالبيت
اريج:يمه اختي انجنت توووك معصبه وش جاك
عهود:اناااااااا متى عصبت الا حبيبتي ريم ممم من وين الشريط الحلو اللي جايبته
الريم:اي شريط
عهود:المباراااه
الريم :ايه هذا حق خوله للليش
عهود:اها لابس عجبني تخيلي يعرف يغطس بالمويه فلللللله ياليت عندي شريط مثله
الريم:هاه وش قصدك
خالد:احم قصدها خربته بصريح العباره وغطسته بالمويه
عهود:عليك لمبه اخي العزيز بعد ازيد كسرتــــــــــــــــه قطعه قطعععععععععععه
الريم:نعممممممممم وتركض غرفتها وتصارخ صرخخه سمعوها سكان القطب الجنوبي
الريم:عهوووووووووددددددددددددووووووووووووووووووووو ووووه
عهود برود العالم :هلا
الريم:والله لااوريك وتجي مسرررررعه
بس خالد مسكها لانه طفش من الطقاق خالد"اووووه خلاص بشتري لك واحد ثاني وعطيها
الريم بعد ماهدت:نجيتي مني عهودوه ذا المممممره
عهود:اقول مو كنك ماخذه بنفسسسسسسك مقلبك كاني اهتميت لك اصلا
ريم:عهوووووووووووودددددددددددددددهووووووووووووه
اريج:الله يعين زوجك عليك
الهنوف:وانتنم ماعندكم الا زوج ريمموه كل ماسوت شي قلتوا الله يعين زوجك
الريم"ههاههههههههههههاااي ضحكتيني يحمد ربه ويحب يده مقلوبه اني انا الريم بنت الـــ قبلت فيه
خالد:اووووه يالغرووووووور
عهود:وووووووع الا يصبر لان الله ابتلاه وانا اصلا بوصيه بليلة عرسك وبقوله شوف ياولد الناس اختي بلا ء عليك من ربك وتحملها والله ان احب عبدا ابتلاه
الهنوف:ههههههههه حلوه عهود
الام:لا والله الا يحمد ربه ان زوجته ريم
الريم:احم عاشت امي وانتي ياعهودوووه من قال بعزمك بعرسي هههههههاه من قال وبعدين زوجي من قال بيسمعلك فديته يحبننننني ويعرف اني بنت وللا كل البناات
خالد:والله بنات اخر زمن تتفدا زوجها قدامنا
الهنوف:لا والمشكله انها ماتزوجت يعني توها عانس
الريم:عااانس في وجهك بلا توني في ريعان الشباب تقولين عااانس يالبزززززر
اريج:لا المشكله انك ماتعرفينه عشان تتفدينه
عهود:الا تعرفه سعيد راعي البقاله
الكل الا الريم"هههههههههههههههههه
الريم:نعم شنو انا اتزوج سعيدووووه هذا اللي ناقص
الام:استغفر الله لاتستحقرين خلق الله
الريم:استغفرالله سعيد ياحليله ماعليه كلام بس خله يتزوج ميري شغالة جيرانا الله يعاافيه
وانا اتزوج روميووووووو ااااااه ياروميووووو ويننننننننننك
عهود:الحمدالله ماقد شفت بنت متقطعه على الزواج كثرك لا وقدام امي ماتستححين
الريم:احم وش اسوي لا حيا بالدددددين بعدين وشي كل فتاة مثلي تريد الزواج وتحلم فيه
خالد:ريم يلا قومي خل نشتري شريط مباراه لخوله
الريم:احم عادي بشتريه بكره حبيبت القلب مو قايله شي هاه
خالد اللي انححححرج وسوى نفسه معصب:نعم وش حبيبة القلب بعد
الريم:احم انا ادرري عنك
الام:وهي مبتسمه :ياوليدي متى تعرس واشوف عيالك قبل لااموت
خالد:جعل يومي قبل يومك يمه
اريج:اوه رجعنا للفلم الهندي جعلنا كلنا نموت في يوم واحد عشان مانفقد بعض
عهود:امين
الهنوف:وووووع خالد الا خوله لاتفكر فيها ذا البنت ماحبها
الريم:وهي تناظر الهنوف وتقول في خاطرها اي والله ياخالد لو تدري عن سواليف خوله تتركهها على طول والله لو خوله مو محلفتني مااقول لحد كان قلت لك
الام"ماعليك من الهنوف يمه كان تبي خوله قولي وبخطبها لك
خالدوهومنحرج:الصراحه يمه انا ابيها
الريم اللي انصعقت قالت بنفسها جعل مايجي هاليوم
الام :كككككككككككلووووش هذي الساعه المباركه اللي اشوفك معرس خلاص ياحبيبي من بكره بكلم اهل خوله
خالد:لا يمه مو لازم تستعجلين وبعدين مابقى شي على الاختبارات خليها بعد السفر
الام:خلاص حبيبي تم بعد السفر
الريم:ماعلقت ورقت فووووووق"""
""""""""""""""""
انتظر ردودكم بفاارغ الصبر
الكاتبه :عاشقة المستحيل<<
الجزء الخامس :
خالد:استغرب الريم هي اقرب خواته له معقوله ماتباركله لكن صحاه من سرحانه جسم طب عليه وخمه اقوى ماعندي اريج وهي شوي وبتصيح:هاه عاد لو تزوجت لا تنسانا مبرررررروك خلووودمبرررك حبيبي
بعدها جت عهود وضمتها وباركتله والهنوف بعد
الريم حست ان مو قفها غلط هي القريبه منه كذا تسووي لازم تباركله سامحيني خوله انا لازم اقول لخالد مهما كان هو اخووي وابغاله الخير
الريم حست ان غبي تنزل كذا على طول وهي راقيه وباين على وجهها الضيق فكرة لين لقت فكره""""
خالد:وهو يضحك بس ضايق صدره ليش الريم راحت بدون ماتباركله
الهنوف:الحمدالله الا هي خطبه لا وبعد مابعد قلتوا لاهل البنت
اريج:وش عليك خل نستتتانس
وسكتوا يوم شافوا الريم نازله ومعها المسجل وطووالي راحت اشبكته وولعت رقص مصري وقامت ترقص يوم جت لخوها ضمته وقالت مبررررررررررروووووووك خلووووووووووود مبرووووووك >هي صدق قايلتها مو من قلبها لانها بتقول لاخوها وبتروح الفرحه اللي الحين عايشين فيها واكيد اخوها مو باغيها<<
اريج:الحمدالله ريموه كان ولعتي شي يناسب فرحتنا وش مصري
الام:استغفرالله صكرووه لايغضب الله عليننننا
عهودوهي تهز يمه تكفين بس شوي
الام:انا بروح انوم ابركلي
الهنوف:تصبحين على خير ماما
الام:وانتي من اهله وراحت تبووس كل وحده على خدها من يومهم صغار متعودين قبل ماينومون لازم بوسه من امهم
الريم وهي تناظر امها ترقى الدرج ووراها عهود عشان تشوف كانها تبي شي وتساعدها وهي ترقى الدرج
امها عانت من هي شابه يوم تزوجة من ولد جيرانهم امها كانت يتيمة
ابوها تزوجها عن حب وتزوجها بعد مامات جدها وجدتها وعاشوا اول حياتهم حياة هنية بس بعدين بدت الخلافات بين جدها وابوها لان جدها عرف انها مو قبيليه
ورفض انهم عايلة مشهوره وولده يتزوج وحده بنضره انها عبده
طبعا هي مو عبده بس تفكير جدها ان اللي مو قبيلي يعني عبد
بدى ابوها الضعيف الشحصيه بكره امها شوي شوي لين تزوج بنت عمه وبدات المشاكل ويم جابت امها خالد بدت تخف المشاكل لكن يوم جابت بعده 4 بنات بدت المشاكككل من جديد وزادت يوم جابوا الهنوف وبعد ضغط اهل ابوها وزوجته على ابوها طلقها وذبها بالشارع بدت امها تشتغل شغالة بالبيوت وتحطنا عند صديقتها الله يرحمها
لين قدرت تجمع قرش ورى قرش وزيادة على حلال ابو امها لين شرت بيت وعشنى فيه وبعد ماكبر خالد وقدر يكون نفسه شرى لهم هالبيت وصار يصرف عليهم صح ان راتب اخوهم مايكفي وابوهم صدق ذب امهم بس يعطينا مصروفنا الى اللحين بس مانست فعلته بامها ولا الليوم وهي تكره ابوها واهله واخوانها ومرت ابوهاا """
قومها من سراحه عهود وهي تسحب يدها عشان ترقص على >ياهل السامري<
ويلا بدوووووووا بربششششه والرققققققص بعد حوستهم كلن راح غرفته ونام
""""""""
الليوم اللي بعده
في المدرسه
الريم:ممم خوله شوفي بدخل بالموضوع بسرعه شوفي خالد وده يخطبك وانا الصراحه مارضى ان اخوي ياخذ وحده تعرف اكثر من شاب خووله ياانك تتركين هالحركات ولابصارح خالد
خوله:مممم شوفي انا الصراحه حاولت اتركهم وان شا الله بتركهم ريمو عشانك
الريم:احم عشاني ولا عشان احم احم
خوله:وهي تسوي نفسها مستحيه:اووه ريموه يله صفرت قومي
الريم:ههههههههههه اموت يالحيا
خوله وهي تبتسم لريم وفي قلبها مستحيل تترك حركاااات المغازل قال ايش قال ارتكها عشان خالد تلقينه هو بعد مغازززل 70 وحده بس وش اسوي لازم اساير الريم عشان مو تقلبها زعل علي وتفضحني"""
وراحوا للفصل """""""
بعد المدارس والجامعات كلن راح بيته
الريم وهي لابسه لبس هلالي:ياهوووووووووو الليوم المباارااااااااااااااه ياحظظظظي
عهود وهي لابسه لبس نصراووووي :وناااااااااسه يارب يفوووز الننننننننصر
الام:يلا الغدى """" تغدوا والغرابه محد راح غرفته كلهم يسولفون لين يجي وقت المباراه
بدت المباراه بعد ساعات وبدت الربشه والصراخ
الريم:ايووووه سجل يلااااااااااا
عهود:هههههههههههي جعلك تطططططططيح لاااااااااااا
الريم :قووووووووووووووووووووووووووووووووووووووووووووووول
خالد:قووووووووووووووووووووووووووووووول وضموا بعض وقاموا يناقزون
عهود:لااااااااااااا جعلك الكسر لاااااااااااااا
الهنوف:الحمدالله والشكر
اريج:بببببببببس عهود هالمره بصير معككككك
عهود:عاشت اروووووووج عااشت لو فاو النصر بعشيييييييك ووديك اللمملكه وشتري الل تبين على حسابي
اريج:والله صدددددق ياااااااااااارب جعل النصر يفوز ياااااااااااارب
الريم:يلا عاش الهلال عاااااااش ايوووووووه يلا
اريج:لا ياوووووووويلك تكفى عشان خاطري لاتسجل لااااااااااااا
عهود:لااااااااا ياويللللللللك لااااااااا
خالد:يللللللللللللللللللاااااا ياهووووووو يلااااا
الهنوف:الحمدالله والشكر>> هذا اللي جيده فيه
يوم سجل الهلال قول ثاني
الريم خالد:قوووووووووووووووووووووووووووووووووووووووووووو ووووووووووووووووووول
عهود :لاااااااااااااااااااااااااااااااااااااااااااااااا ااااااااااااااااااااااااااااااااااااااا
اريج:لااااااااااااا تكفى اخسر ابي المملكه تككككككككككككككفى
الهنوف:الحمدالله واالشكر
وبعد انتها المباراه<<خخخ فصحى يعني
الريم على طول ولعت اغنيه الهلال وقامت ترقص وعهود تطفيه والريم تولعه وهكذا
اريج قاعده وتتحسر على اللمملكه
وخالد راح يجيب كيكه
والهنوف:تحمد ربها وتشكره
يوم دخل خالد وكان جايب كيكه ازرق وابيض
الريم:بغت تممممموت:ووووووواو ونااااااااااااااااسه
يلا نقطعها
وعهود مشتهيه بس ماتقدر يقالها زعلانه
وبدوا ياكلون ثمن راحت الريم وخالد شارع العليا وشافوا الربشششششششششششه واعلام الهلال وفلللللللللللللله وماارجعوا البيت الا الساعه2
اللبيت الثاني كان صجججججججججه طبعا هو >بيت الجده> يعني كلن مجتمع فيه
البنات كانوا مولعين اغنية الهلال ويرقصون
العنود بنت عمهم :يااااااااااااااي فاز الهلال والله اني حاااااااسه
خلوووود"الا انا متاكده
هديل:يلا بنات بهالمناسبه بعزمكم على الفيصليه
هند:يلا بقول لسواق
وتولموا وراحوا وكانوا منقسمين لسيارتين 6 في سياره 4في سياره
هند:اووووووه اشكالنا غبيه خل ننقسم
ساره:اوكي 5 بجهه وخمس بجهه
لجين"okانا وهنادي وخلود
هدى:okوانا بعد ورزان
العنود"خلاص اجل وانا وساره وهند وهديل وسحر
البنات"تفرقوا وراحوا يشترون وتعرفون عاد خرابيط التسوق
ورجعوا البيت الساعه 1ونص يوم رجعوا عند الباب
مشعل :مشا الله ماخبرت اكياااس الزبايل تمشي>> عشان العبايات سود
ساره:ههههه بايخه تدري وخر عن طريقنا احسلك
مشعل بثقل دم"لا وبعد تتكلم يوووه الصراحه غريبه
مهند"ههههههه مشعل وخر البنت ولعت نااااااار
ساره:اووووه مهند فيه اخبارك اعذرني ماشفتك
مهند: لاعادي تمام اخبارك انتي
ساره:الحمدالله بس لو ذا الزباله يروح عن وجهي
مشعل :نعم كيس الزباله وش قلتتتتتتتتتتتتتي ماسمعت ترى
سحر :مشعل لو سمحت وخخخخخخخر
مشعل:اول شي تعطيني هالكيس الزباله ببسيها
ساره:يووووووه انا عطيتك وجه من جد وخر ولا والله لايصير شي ثانننننني
مشعل "انا قلت اللي عندي
ساره وهي منقهره:خذ يلا وخر
مشعل"اوكي يلا قلبي لنتبهي زين لاتطيحححححححين
ساره وهي تمشي وتناظره نظررررات استحقااااار طبعا البنات ساكتين لانهم يعرفون مشعل لازم يمشي كلمته صدق انه يستخف دمه بس لو عصب يذبحك عادي عنده
""""""""""
الليوم اللي بعده
الريم والبنات وخالد كانت نفسيتهم ززززززززفت
لانهم الليوم بيروحون زياره لابوهم وطبعا امهم بتقعد في البيت بالحالها
الريم:قلت ماابي اررررررررررروح
الام:غصب بتروححين ها ابوك ولازم تشووفينه
الريم:بلا ابوووووي بلا هم هو فكر فينا اصلا
خالد:ججججججب الر يم مهما كان هذا ابونا
الريم :وهي تلتفت لخواتها :بالله انتم تبغون تروحون
اريج ساكته هي ماتبي بس وش تسوي هذا واجب تسووويه
عهود:لا والله ماااااااابي ولاابي اشوف خشة واحد منهم
الهنوف:حتى انا
الريم:شفتي يمه كلنا مانبي واريج ساكته احترام لك بس ا عرفها ماتبي يييييمه لاتودينا للجحيم بيدينك
يمه هناك انحس اننا اغراب بينهم وش يودينا عاد وابوووووووي اللي يهتم يتمنى الموت عشان يفتك منى
خالد شاف اممممه تغير وجهها هي ماودها بس هذا غصب عليها لو ماودتهم يزورونه بياخذهم منها
خالد:ريموووه جب وبتروححححححححححين غصب فاهمه
الريم:وهي تتتصيح:الله ياخذه من ابو ورقت الدرج
الام ضاق صدرها بس وش تسووي تذكرت قبل 5 سنين يوم سوووا نفس الحاله وقالوا مانبي نروح له حنت عليهم وقالت خلاص لاتروحون :::
يوم جا الليوم الثاني استغربت انهم ماجو من المدارس يوم كلمت بمدارسهم قالوا ان ابوهم خذوهم استغربت ليش خذهم غريبه اسغربت يوم ماجابهم بعد 3 ايام وعرفت بعدين انه مو مرجعهم عقاب لها ليش ماجبتهم ذاك الليوم ومارجعهم وماشافتهم شهرين بس بعد شهرين رجعهم لان الهنوف كانت تصيح تبي امها والؤيم هبلت فيهم
الام:وهي تتنهد الله لايعد ذيك الشهرين اللي عاشت فيها المر هددها بعدها ان سوت هالحركه مره ثانيه بيمنعها من شوفتهم طول عمممرها""""
اريج:والله حاله لازم كل ماجينا نروح لهم ينعاد نفس الموال
الهنوف:ااااااف
خالد ناظر خواته يعني اسكتوا امهم اللي فيها مكفيها
بعد المغرب تولموا وراحوا لبيت ابوهم
الريم طول الطريق وهي تقول نكت وتضحك لو سالوها تقول بنحرم من الضحك ثلاث ايامم
والهنوف تقول:الحمدالله والشكر
"""""
الجده >شيهانه<والجد<عقاب
كان كل العيال موجودين
عرقوب وزوجته هيفا وعياله مشعل"26 العنود 21 بسام 12
ومحسن وزوجته سميره وعياله مهند25 وهنادي 26 وخلود 18وصالح17
محمد زوجته حنان وعيالها عرفنا على شخصياتهم قبل
وعبدالله وزوجته ابتسام وعياله تركي 23 هند 20هديل 19وسحر 21
العمه نوره عيالها بتول 13 وسمر 27 سعد 22
العمه حصه عيالها عاصم 24 وعبد الرحمن 15 وهشام10
العم بدر :26
العم بندر:23
العمه مضاوي :21
::::::::::::::::
كان الكل مجتمع الشباب في اللصالة الخاصة بالرجال والشيبان في المجلس
والبنات في غرفة عمتهم مضاوي طبعا غرفة مضاوي ماخذه نص الدور اللي فوق لانها البنت الوحيده بعد ماتزوجوا خواتها
والحريم في اللصالة اللي تحت
والبزارين في الحوش
""""
خالد وهوي طق باب بيت ابوه استغرب ان ماحد فتح رن الجرس مااحد فتح يوم دق على ابوه
الاب:نعم
خالد:السلام عليكم
الاب :وعليكم من معي
خالد ابتسم بستهزا في احد مايعرف اولده
خالد:انا يبااا >وشدد على كلمة يبااااا> خالد
الاب:ايه هلا وش تبي
خالد:لابي طقيت الباب ماحد فتح
الاب :ايييييه انا في بيت جدك تعال عند جدك
خالد"هاه
الاب:يلا انا مشغول سلام وطططرخ صك الخط في وجه
خالد تنهد:
اريج سلامات خالد وش فيه
خالد:مممم ابوي يقول تعالوا بيت جدكم
الريم:ووووووووشو
عهود:هذا اللي ناقص
الهنوف:يارببببببببببببببببببببي
خالد وم شاف خواته ضايقه صدورهم
خالد دق على ابوه
الاب بنفاذ صبببببببر"نععععععم
خالد: لابس بغيت اقول البنات ماتكشخوا عشان كذا بنتضرك لين تجي
الاب:مافيه احد غريب خلهم يجون
خالد:لايبا مستحين
الاب وهو طفشان خلاص"ايه ايه كيفكم انا بجي بعد نص ساعه وصك في وجهه
الهنوف:اللحين وشلون وين نروح
خالد:بيتنا بعيد وابوي يقول بجي بعد نص ساعه مممم اشرايكم نتمشى لين يجي
اريج:ممم مو مشكله
وركبوا السياره وتمشووووا
"""""""""
في بيت الجد عقـــــــاب
البنات يسولفون وربشه وحاله
مضاوي:عاشوووووووا
العنود:تنكسسسسسس
خلووود:ياهوووووو
"""""""""""""""""""""""
والحريم لازم عاد تعرفون بربره
""""""""""""""""""""
الشيبان الشركه وهالخرابيط
"""""""""""""""
الشباب
""""""""""""""""
مشعل:شباااااااااااااب
تركي:اوه وش ذا الصراخ
مشعل:احـــــم ليه ماتبغانا نزعج حبيبة القلب
تركي وهو يكلم خوله:حبيبي مضطر اصكر اادب ذا التيس وارجعلك
خوله بكل ميوعه ومصاله:okحبيبي باااااااي
تركي وهويحس وده يفلقها باكبر ماعند:باااي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك