رواية مها وساره -2
شلة مها اللي انضمت لهم ريم ورغد، ناموا في بيت الجد بعد اصرار واقناع من مها.. وصحوا اليوم الثاني.. بعد الفطور.. كانوا سميره ومشاعل اللي قطوا وجيههم غصب، يخططون كيف يلفتون انتباه الاولاد !! مشاعل كانت تحب نايف اللي كان كبر عبدالله.. يعني سبحان الله.. سميره حبت عبدالله ومشاعل حبت نايف.. المهم،، كانوا حاطينهم في بالهم وغصب يبون يلفتون انتباههم.. من غبائهم راحوا وخذوا جوال مها.. سميره خذت رقم عبدالله.. وبعدها مشاعل خذت جوال رغد بما انها اخت نايف.. وخذت رقم نايف..
وقالوا بيدقون عليهم وبيشوفون حظهم..
الويك اند خلص مها استانست واااجد وحتى عبدالله وفهد انبسطوا.. ما كان ودهم يرجعون.. بس ما باليد حيله..
رجعوا الدمام وارتاحوا.. واليوم اللي بعده راحت مها المدرسه.. وهي متضايقه وما لها خلق أي شي.. جلست مع ساره بالفسحه،
ساره : وش فيك متضايقه..؟ صار شي في الرياض ؟؟
مها : بالعكس يا ساره بس توني احس ولأول مره اني ودي اعيش في الرياض مع كل اقربائي.. ما كنت اهتم لبنات عمامي وعماتي بس هالمره حسيتهم من جد طيوبات وودي لو اكون معاهم..
ساره : وأنا ؟! .... مها انتي بالنسبه لي صديقتي واختي وتوأم روحي وكل شي.. وتغنيني عن ألف صديقه.. كيف انا ما اكفيك ؟!
مها حست بتانيب ضمير..! : لا والله يا سارونه,, مو هذا قصدي.. بس هم بعد بنات عمامي.. ما تحسين مرات ان ودك تعرفين بنات عمامك او خوالك.. ما تحسين ودك تكونين معاهم..؟
(ساره تضايقت لأنها اصلا ما عمرها شافت احد من أقاربها غير جدها وجدتها اما خالاتها وعمامها ما عمرها شافتهم.. كل خالاتها منشغلين بدنياهم.. أما جهة ابوها فهي ما تعرفهم لأن امها وابوها متطلقين.. وما تشوف ابوها الا نادر.. هي تعرف ان ابوها متزوج وحده ثانيه من بعد امها.. بس ما عمرها شافتهم ولا تبي تشوفهم اصلًا !!)
ساره : غيري السالفه خلاص..
مها : اسفه والله يا وخيتي,, ما قصدت اضايقك..
ساره : لالا عادي..
وبدت الحصه وراحوا.. ويوم رجعوا البيت بعد الغدا, مها في غرفة فهد,,
مها : هلا فهوود
فهد : هلا مهاوي.. هاه كيف ؟ انبسطتي في الرياض ؟؟
مها وهي متحمسه : مرررره وناااسه.. تصدق ؟
فهد : وشو ؟
مها : لأول مره حسيت ان ودي اعيش في الرياض !!
فهد : صحيح ؟؟ حتى انا.. بس عادي..
مها بحزن : لا مش عادي.. هنا ما عندي احد..
فهد حس انها كسرت خاطره..: مهويه عادي.. عندك ساره ! صح ؟
مها يوم تذكرت ساره ابتسمت.. وقالت : ايوا صح.. (وسكتت شوي) بعدين قالت : بس حتى لو.. ياليتنا نسكن في الرياض وساره بعد هناك..
فهد حب يغير الموضوع..: خلاص عاد لا تقلبينه فلم هندي..!
مها ضحكت : خخخخخخخ ايه.. الا فهيد انت ما عجبتك وحده من بنات عمامي ؟؟
فهد : اقول بس يلا برا
مها : مالت عليك بس الشرهه على اللي يجيك وطلعت وسكرت الباب..
انتهى الجزء الخامس..
انتظر رايكم فيه بما اني عرفتكم على اقربائهم.. وش رايكم بكل شخص..؟
وايش رايكم.. وش تبوني اغير او أضيف ؟؟
الجزء السادس
اليوم اللي بعده كان يوم الأحد.. في مدرسة مها،
الأبله قالت لـ ساره ومها يروحون يعطون أبلة اولى ثانوي اوراق.. راحوا لأولى ثانوي.. دقوا الباب ودخلوا.. ما كانت الابله موجوده بس مها شافت في فصلهم نفس البنت البويه ذيك !!!!
مها خافت وحست بتوتر.. البويه كانت تطالعها بنظرات غريبه..!
ساره طالعت البويه باشمئزاز اما مها فـ ما رفعت عينها على البويه ما تبي تشوفها ابد !! حطوا الأوراق على المكتب وطلعوا.. يوم طلعوا،، على طوووول مها قالت لساره..: هذي هي، هذي هي !!!
ساره : وش هي،، من هي ؟؟
مها : هذي البنت البويه اللي اقول لك عنها..!
ساره شهقت..! بعد لحظات قالت ببرود ولا مبالاه : وش عليك منها..؟
مها : لا تنسين انها ماخذه رقمي !! ومدري من وين.. اللي جابت رقمي بتجيب كل معلوماتي،، وبعد كذا ما يندرى وش تسوي..!
ساره : اممم، بصراحه مدري.. انتي شوفي وش تاليتها بعدها لازم نحط حل..!
مها رجعت البيت.. وجلست في غرفتها تفكر.. سالفة البويه مضايقتها مرره.. البويه إلى الآن ما سوت شي يدعي للقلق.. بس مها من النوع الحساس.. مو متعوده على هالواقف.. هي صحيح خبله بس بحدود.. أصى حد لها تنحاش من المدرسه.. خخخخخخ وما تدري وش تسوي في موقف مثل هذا مع البويه..! قالت ما يستحمل كل هالخوف.. هالبنت ما سوت شي خطير لهالدرجه.. ومثل ما قالت ساره.. اول شي اشوف وش تبي مني البويه بالضبط.. وبعد كذا احدد الموقف..
دخلت المسنجر ولين فيه اضافه من ايميل غريب.. قبلت الاضافه عشان تشوف مين..!
ولين هالشخص داخل..
كلمته،
مها : مين ؟
.....: انا سلطان..!
مها : سلطان مين..؟ اعرفك ؟!
سلطان : ايوا مهاوي تعرفيني زيييييييييييين !!
مها استغربت..: مين انت..؟
سلطان : هههههههههههههههه ما عرفتيني..؟؟ جايه فصلنا اليوم..
مها بدت تستوعب انها البويه : انتي البويه..؟
سلطان : هاهاااااااي حلوه هذي البويه.. اييه ،،، انا الــ "بويه" خخخ
مها : انتي وش تبين مني والحين علميني من وين جايبه ايميلي..؟!
سلطان : مالك دخل من وين جايبه ايميلك او رقمك.. وان زوديتها بالكلام ترى ما تلومين الا نفسك..!
مها : وش تبين مني يا سلطان..! ترى بحذفك معليش..
توها سلطان بتكتب الا مها حذفته..
ودخلت ساره المسن
مها كلمت ساره وحكت لها السالفه..
ساره : يووه وجايبه ايميلك بعد..!
مها : لا تقولين لي اطنشها !! هذي شوي شوي وتجيب كل المعلومات بما انها جابت الايميل !!
ساره : بس انتي حذفتيها..!
مها : ايه خلاص..
ساره : ما عرفتي منها وش تبي..؟
مها : لا حذفتها ولا ادري وش تبي بالضبط.. المهم شخبار فيصل مدري فوفو هذا..؟
ساره ابتسمت : والله تمام..
مها : الحين انتي تحبينه..؟!
ساره ارتبكت هي ما تدري انها تحبه بس في داخلها حب كبير له..! بس ما تبي تعترف لنفسها فيه.. كله يعني انها ما تحب ومستحيل تحب وماتبي تبين هالشي ابدًا : لاااء مستحيل..!! انا احب ؟!!
مها : مدري، المهم.. انا بسوي حفله وبعزم كل صديقاتنا.. من زمان ما اجتمعنا كلنا واستهبلنا.. ودي نرجع ذيك الايام..
ساره : أي والله..!
مها : عندي فكره،، عشان ما ننقطع عن هالجمعات زي ما صار.. نسوي (داريه) كل اربعاء عند وحده..! وش رايك..؟؟
ساره : والله جبتيها.. حسافه ما صرنا نسوي نفس ذيك الجمعات والوناسه.. لو سوينا داريه بنصير كل اسبوع نشوف بعض وننبسط..! اما البنات سحبوا علينا سحبه في الفتره الأخيره..!
مها : أي والله..! خلاص اجل نعلمهم عن الفكره.. وهالأربعاء عندي..!
ساره : اوكي !
واليوم اللي بعده بالمدرسه.. مها وساره قالوا لـ صاحباتهم عن الفكره.. وكلهم وافقوا.. شلة مها كانت مكونه من : (مها، ساره، لجين، هديل، غاده، نوف، البندري)
يوم الأربعاء،
طبعًا معروف ان مها اذا جات بتسوي حفله.. بجيب كل شي فيها وحتى لو كانت جمعه صغيره !!
ومها أقنعت امها بالمووت انها تستأذن من المدرسه عشان تقدر تجهز وكذا..
طبعًا مها عندها مساعدتين خاصتين يجهزون لها كل شي.. زي مديرات اعمالها.. يجهزون لها كل شي واذا في حفله او مناسبه هم اللي يساعدونها في التجهيز واذا ما كان عندها وقت تتسوق هم يجيبون لها.. وكان لها سواقها الخاص.. (أنا قلت لكم.. مها مدلعه واااجد..! بس ما يبين عليها لأنها متواضعه..)
فـ نادت المساعدات اللبنانيات.. وقالت لهم يجهزون البوفيه والأغاني في البيسمنت حقهم.. (بالعاده مها تسوي الحفلات في البيسمنت.. وكان فيه مسبح هناك.. وغرفة كبييره فيها كنبات وطاولات.. وأثاث فخم.. وكان فيه غرفه خاصه لـ مها.. فيها كنبات وتلفزيون و (دي في دي) << للسهره خخخ ودي جي وونااسه..) فجهزت الأشياء هناك وخلصت كل التجهيزات..
بعدها راحت لغرفتها.. ولبست فستان ينربط من ورا ونص ظهرها باين.. << مها عادي عندها طبعًا بما انها "فري"..! ويوصل لها لنص فخذها وضيق شوي.. وكان مموج بيج وبنفسجي وشوي بني.. كان مرره يناسبها وطالع شكلها جنااان..! وطبعًا كان حرير.. ولبست كعب فضي والإكسسوارات كانت مناسبه للفستان.. وكلمت كوفيرتها.. وجات سوت لها الميك اب وكان نعومي وخفيف.. وتركت شعرها الطويل مفتوح بس سوته "ويفي".. وعلى فكره هي كانت صابغته من قبل بني غامق.. وبعد ما خلصت من كل التجهيزات.. كانت الساعه 4 ونص العصر.. << طبعًا انتوا اكيد ما رح تتصورون ان بنت عمرها 14 سنه عندها كل هالأشياء بس مثل ما قلت لكم مها كانت "فري" + مدلعه بزياده وعندها اللي تبي..!
نكمل في الجزء القادم بإذن الله.. ϑردووووووودكم وآرائكم..
يلاااا هذا الأجزاء عشاانكم
الجزء السابع
جات الساعه 6 المغرب.. وبدوا البنات يجون.. طبعًا الشله كانت بس 7 بنات او بالأحرى 6 بنات لو ما رح نحسب مها.. بس مها لااازم تسوي حاله.. خخخخخخ
المهم.. اول من جا طبعًا ساره.. ساره تمون على مها.. فـ خذت راحتها.. نزلوا البيسمنت.. وجلسوا بغرفة الحفلات حقت مها..
جلسوا يسولفون..
وفهد على باله ما في احد.. نزل البيسمنت وهو حاط سماعات (الآي بود) في أذانه.. وراح عند الغرفه اللي هم فيها.. ساره كانت معطيه الباب ظهرها ما انتبهت.. وهو ما انتبه بعد.. وخر السماعات وقال : مها وين ح....
إلتفتت ساره وشهقت بخيف هههههههههههههه .... المهم
أما هو بسرعه طلع وقال : آسف..
مها : يا شينه.. هو يدري ان عندي حفله اليوم ليش ينزل..!!
ساره : حصل خير..
وبعد فتره..
ساره لا إراديًا : والله ان اخوك مزيون مشالله..!
مها : ايه عقبال ما يخطبك..
ساره انحرجت وعصبت : كلي تبن بس !! ما تنعطين وجه..!
مها تضحك عليها : ههههههههه ياحليلك اثرك تستحين !!
ساره ترمي عليها المخده : اقول بس.. من زين اخوك..؟
مها : توك تقولين مزيون..!
فجأة رن الجرس..
مها وساره ركضوا يفتحون.. << مع ان المفروض الشغالة تفتح.. بس مها وساره يحبون هم اللي يستقبلون.. << خخخ ملاقيف !!
افتحوا ولينها غاده مع لجين..
مها : يا هلا ويا مرحبا تو ما نور البيت..
غاده : تسلمين والله..
مها : حياكم الله
غاده ولجين : الله يحييك..
توههم بينزلون البيسمنت،، الا يدق الجرس من جديد.. وكلهم ضحكوا.. هع هع هع
وراحت مها تفتح، ولينها هديل.. عاد هديل اقرب شي لـ مها وساره.. وتمون عليهم شوي..
مها : هلا والله هدووله.. كيفك؟
هديل (كانت حبووبه مرره ونعومه تقريبًا مثل مها.. وابو مها يعرف ابو هديل فـ كانت قريبه منها اكثر لهذا السبب.. وكانت ملامحها بريئه وناعمه.. وشعرها قصير..) : هلا والله مهويه.. انا تمام وانتي كيفك..؟
مها : الحمدلله تمام..
وبعد فتره جاو نوف والبندري.. وبعد ما اكتملت الشله.. وشغلوا اغاني ورقصوا واستهبلوا وسولفوا وكللل شي.. وتعشوا المهممم..
بعد العشا قالوا بيلعبون لعبة (صراحه أو جرأه..) << اكيد عارفينها.. طريقة اللعبه يجيبون قلم ويلفونه اللي تجي عندها مقدمة القلم تسأل اللي يجي عندها آخر القلم.. تسألها صراحه أو جرأه..؟ لو قالت صراحه تسالها سؤال ولازم تجاوبه بصراحه.. لو قالت جرأه تقول لها تسوي شي ولازم تكون عندها الجرأة وتسويه..!
فـ جلسوا على شكل دائره ولفوا القلم.. صار لازم هديل تسأل ساره..!
هديل : صراحه أو جرأه..؟
ساره : اممم صراحه بما اني دايم اختار جرأة بغير هالمره..!
هديل : اوكي.. امممم انتي تحبين..؟! وجاوبي بكل صرااحه..!
ساره : اممم (نزلت راسها بحيا) مدري..!
مها : وشوو ؟؟ كيف ما تدرين..؟ الا اعترفي تحبين بس تخبين علي هاا ؟!!
ساره : يممه بسم الله شوي شوي.. مدري.. يعني انا بصراحه مو متأكده من مشاعري..!
مها : الا جاوبي.. طيب مين هو الشخص.. وحتى لو مو متأكد هبي يعني في شخص..!
ساره : بصراحه... أي، في شخص !
مها انصدددمت
وعلى طول كل البنات في وقت واحد : مين ؟! << شف اللقافه وما تسوي..!
ساره ارتاعت.. فجأه كلهم صرخوا بوجهها !! ههههههههههه
ساره : شوي شوي قسم بالله روعتوني.. كل هذي لقافه..؟!
البنات : يلا بسرعه اعترفي مين ؟!!
ساره سكتت شوي ونزلت راسها.. بعدين قالت بحيا غير معتاد من ساره وبهدوء : فـ........................
مين تتوقعووون ؟!!
فهد ولا فيصل ؟! كلهم بحرف الفاء..!
نكمل في الجزء القادم.. تاابعوووني !
مع تحيات،
ألماسه تحب الوناسه.. باااي
الجزء الثامن
البنات : يلا بسرعه اعترفي مين ؟!!
ساره سكتت شوي ونزلت راسها.. بعدين قالت بحيا غير معتاد من ساره وبهدوء : فـ........................
وسكتت ما قدرت تكمل من الإحراج كل الأنظار عليها ينتظرونها تعترف بحبها..! اكيد بيكون احراج..!
مها من سمعت حرف الفاء، قام قلبها يدق اختها وصديقتها وتوأم روحها.. معقول تحب أقرب اخوانها فهد..!
هذا الشي بيسعد مها بالتأكيد.. بس ما كانت متوقعه.. لكن على طول وخرت هالأفكار وقالت اكيد فيصل..!!!
البنات : وش فيك سكتي..؟! كملي..!
والبنات مستغربين مو من العاده ساره تكون مستحيه ههههههه
غاده : غريبه، ساره مستحيه؟ وش صار بالدنيا ؟!
ساره : بلا سخافه ترى حتى انا عندي عشاعر.. خلاص ما رح اقول لكم اجل..!
البنات : لالا خلاص قولي..
اما مها فـ كانت ساكته تنتظر ساره تتكلم وتقول مين تحب عشان تأكد شكوكها..
ساره طالعت مها : مها غريبه فجأه سكتي !
مها تبتسم : لا انتظرك تقولين..!
ساره : ايه من عذر ساكته..! ههههههه
مها : المهم بتقولين ولا كيف..؟
ساره : طيب خلاص بقول..!
..
ساره : أنا أحب... فيصل !
مها كانت متوقعه..! هععع
مها : كنت متوقعه والله !!
ساره منحرجه..: هههههه ايوا..
اما البنات ما يدرون مين فيصل..: مين هذا فيصل..؟
ساره ما عرفت وش تقول.. ما تقدر تقول واحد متعرفه عليه من النت عشان ما تعطي البنات فكره سيئه عنها او يتوقعون انها تكلم شباب..!
فـ مها انقذت الموقف..: ولد عمها..
البنات صدقوا : اهاا
البندري : حركاات..!
ساره : هههه
مها : والله وأثرك تحبين يا ساره..! جديده هذي..! هههههههههه
ساره : اقول بس.. خلي دورك يجي ونشوف فضايحك..!
مها : يلا نشوف..
ولفوا القلم.. وطلع صدق !! ساره تسأل مها.. مها اختارت (صراحه)
ساره : امممممممممم خلونا نشوووف.. نفس السؤال اللي جاني..! تحبين..؟!
مها : مدري.. ما بعد اقابل فارس احلامي..!
البنات : ههههههههه حلووه !!
ساره : ما شفتي واحد مزيون من عيال عمامك..؟؟
مها تذكرت شخص وابتسمت وما ردت لانها سرحت ههههه المفهيه !!
والبنات يطالعونهاااا وفيهم الضحكه على شكلها.. هنا ساره تأكدت ان في واحد عجبها من عيال عمامها..
التكمله .. وعذرًا على التأخير
ساره : مهااااااااااا
مها : ها، ها ؟
ساره : اعترفي !
مها : تبون الصراحه ؟
غاده : ايه !
مها : ايه في شخص .. اااااااه يا بنات يهببل ما تتصورون كيف !
البندري : مين، مين ؟؟
مها : ما لكم دخل !
ساره : يلا عاد بس قولي اسمه.. والمره الجايه صوريه !
مها : كلي تبن.. وش اللي اصوره ؟
هديل : ههههههه من الحين الغيره !
مها : اسمه.. نايف !
البنات : هههه اوووووووووه حركااات
مها استحت وسكتت..
خلاص انتهى الجزء الثامن .. انتظروني وابي تعليقاااااااااااااات
الجزء التاسع
بعد مرور سنتين..
مها وساره صاروا في أولى ثانوي.. كبروا .. بس ما تركوا عنهم خبالهم وبرائتهم !
وطبعا كانوا بكل يوم.. يقربون من بعض اكثر.. ومستحيل يفترقون مهما كان..
فهد راح الجامعه.. وكل ما كبر.. كل ما زاد جمال ووسامه.. وطبعًا هذي اخر سنه ثانوي له..
أما عبدالله صار في ثاني جامعه.. تخصصه طب ! دخل طب بمعدل ممتاز بالثانوي.. عشان يحقق حلمه ويصير طبيب..
ريان كبر وصار عمره 10 سنوات.. صار هااادي.. وما كأنه المزعج اللي قبل سنتين !!
وكل الأوضاع على ما هي..
بس البويه سلطااان.. هذي لازالت إلى اليوم تلاحق مها من مكان إلى مكان ! سنتين وما يئست من ملاحقة مها.. وإلى الآن سبب مراقبتها لـمها، مجهول !
أول يوم في الثنوي لساره ومها ،،
مها مرت على ساره الصباح.. وراحوا المدرسه.. وهم متحمسييين كثير للثنوي..
راحوا.. شافوا فصلهم.. تعرفوا عالبنات الجدد.. المعلمات الجدد.. المواد كل شي.. وعدا اليوم على خير..
فيه شي مفرح.. وشي محزن..
}المفرح ان العمة جوهره.. اللي بنتها (لماء) صديقة مها.. اللي كانوا ساكنين بالرياض.. جاو الدمام، ورح يسكنون هناك..! ومها مررره مبسوطه.. لماء قالت لها ان في مفاجأه اذا جاو الدمام.. بس ما علمتها وش هي المفاجأه.. ويوم راحت المدرسه.. شافت لماء معاها بنفس المدرسه ونفس الفصل !! وكانت أحلى مفاجأة بالنسبه لـ مها ! وساره تعرفت على لماء.. وانبسطوا !
}المحزن.. ان شلة مها تشتت ! وما بقى فيها غير هي وساره طبعا.. وهديل والبندري.. الباقي نقلوا لمدارس غير ! بس كويس ان لماء جات عشان تنضم للشله..
بكذا صارت شلة مها مكونه من :- (مها، ساره، هديل، البندري، ولماء) هذولي الخمسه =)
بعد هذا اليوم الشيق والجميل.. راحت مها البيت.. بدلت ملابسها، تغدت، ونااامت..
هذا جزء لكم.. وانتظروني بالأجزاء القادمه..!
اتمنى ان أرى تشجيعكم وردودكم ومتابعتكم..
وأعتذر عن التأخير.. أو لو كانت الأجزاء قصيره..
إعذروني
مع السلامه..
الجزء العاشر
اليوم اللي بعده صحوا كلهم.. وريان كان حاس ان بطنه يعوره.. بس ما قال لأهله.. ما يبغى يخوفهم عليه..
مها راحت المدرسه.. في الفسحه،
مها : يا بنات هالخميس احنا مسوين عزيمه بمزرعتنا.. تعالوا وحتى اهلكم لازم يجون..
ساره : خلاص بقول لأمي..
مها : وحتى ابوك !!
ساره طالعت مها بنظره، لان ساره اصلا ما تشوف ابوها كثير وما تحب احد يجيب طاريه : أشوف..
البنات : اوكي..
********
يوم الأربعاء،
مها و أمها جالسين بالمزرعه على الكنبات الفخمه..
و العاملات والخدامات يرتبون ويجهزون الأشياء للعزيمه الكبيره..
كانت الساعه 7 المغرب..
ومها اتفقت مع ساره ولماء انها تجي من يوم الأربعاء للمزرعه هي واخوها عزيز.. (كبر فهد)..
ومها وفهد كانوا هناك..
وقرروا يسهرون وينامون بالمزرعه..!
،،،،
مها كانت تسولف مع امها.. وتنتظر البنات اللي إلى الحين ما جاو..
فهد كان يتمشى بالمزرعه.. اللي كان يحب يجيها دايم..
،،،،
مها : يوووه ما جاو إلى هالحين !!
أم عبدالله : ايه انتظريهم توها الساعه سبع !
مها : بس انا متفقه معهم يجون من الساعه 6 ،، بروح ادق عليهم
وراحت مها اتصلت على ساره،
مها : ألو انتي وينك ؟ ليه ما جيتي ؟!!
ساره : شوي شوي.. انتي بالأول سلمي بعدين تكلمي !
مها : المهم.. وينك ؟
ساره : انا جايه بالطريق..
مها : اوكي اجل أكلم لماء الحين..
ساره : اوكي باي
وراحت مها دقت على لماء،
مها : هلا لمووو وينك ما جيتي ؟؟؟؟؟؟؟؟
لماء : اهلين.. انا بالطريق..
مها : زييييين كويس.. حتى ساره بالطريق.. يله يله اروح اجهز غرفة السهره تحمست !! باااااي
وسكرت الخط..
(على فكره.. لو تذكرون، ترى مشاعل اخت لماء ! بس انها ما رح تجي الحين معهم.. لانها تعتبرهم بزران..!)
راحت مها عند مساعدتها اللبنانيه..
مها : هاي جانييت، جهزتي الغرفه ؟؟
جانييت : اي انسه مها.. الغرفه جاهزه هلأ (هلأ = الحين)
مها : ثانكس.. وين المفتاح ؟؟
جانييت : هاد هوا.. (وعطتها المفتاح)
مها : اوكي..
خذت مها المفتاح وفتحت الغرفه..
اللي كان فيها مسجل كبير.. و تلفزيون و "دي في دي" .. << لزوم السهر..
وطاوله بالنص كان فيها حلويات وشبس.. وببسي وكل شي !
مها جلست على الكنب.. وسرحت بأفكارها..
تتذكر شكل نايف، طريقة كلامه.. ضحكته، اسلوبه، وكل شي فيه !
من جد كانت مواصفات فارس أحلامها !!
نايف كان اسمراني بس مو واجد.. شعره كان شوي طويل ولونه اسود..
وهو طويل وجسمه رياضي.. هع هع هع ،،
شخصيته، خفيف دم.. وكشخه.. مثل فهد ! (على فكره انا قلت لكم ان نايف كبر عبدالله.. ترى كان قصدي كبر فهد مو عبدالله،، عذرًا على الخطأ)
يعني نايف اكبر من مها بـسنتين..
فجأة مها انتفضت وهي مرتاعه من صرخة ساره.. وساره ميته ضحك..
مها : الله ياخذ ابليسك ،، روعتيني !!!
ساره : مين اللي ماخذ عقلك وتفكييرك.. نااايف ؟؟؟
مها استحت وصار وجهها احمر ،، بالغلط قالت : وجع كيف عرفتي ؟؟
ساره : هاهاااي.. يعني صدق هو اللي كنتي تفكرين فيه !!
مها انتبهت انها فضحت نفسها..: ها..؟ لأ ما كنت افكر فيه !!
ساره : علي أنا ؟؟
فجأه لماء دخلت..: وش اللي عليك انتي ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك