رواية مها وساره -1
بسم الله الرحمن الرحيم
سأبد روايتي هذه واتمنى ان تنال اعجابكم..
انها اول رواياتي..
من تأليف : ألماسه وتحب الوناسه..
بعنوان :
رواية مها وساره
التعريف بالشخصيات :
عائلة ابو عبدالله..:
الأب، ابو عبدالله.. رجل اعمال وشخصيه مهمه بالمجتمع وهو رجل ثري ومعروف جدًا. معظم وقته يكون مسافر ولا يرى عائلته الا قليل.. فهو يوفر لهم كل ما يريدون ماديًا اما معنويًا فهو لا يبدي لهم أي اهتمام..!
الأم، ام عبدالله.. امرأه رسميه جدًا ولكنها حنونه.. تحب ابنائها وعائلتها.. ولكنها صارمه وتضع قوانين مهمه يجب على جميع افراد العائله اتباعها..!!
عبدالله : هو الإبن الأكبر، عمره 18 عامًا.. كشخه ورزه بس دايما طالع وما يعطي اخوانه وجه !!
فهد : عمره 16 عامًا.. مملوح بشكل غير طبيعي.. وكل البنات خاقين عليه.. بس انه ما يعطي البنات وجه.. وشعاره (بلا حب، بلا وجع قلب) وهو اقرب واحد لأخته الوحيده مها..!
مها : عمرها 14 سنه.. حبوبه وطيوبه.. بس خببببله وافكارها جنونيه.. تتمنى داايم ان يكون عندها اخت.. عندها صديقات واجد.. وهي مدلعه بس دلع امها وابوها لها ما خلاها تصير مغروره، بالعكس ! تتمنى لو امها وابوها يعطونها اهتمام اكثر.. ما تبي الفلوس ولا الاشياء اللي يشترونها لها.. بس تبي شوية اهتمام معنوي.. اقرب صديقاتها ساره..
ريان : اخوهم الاصغر، عمره 8 سنوات.. دبدوبي وابيضاني.. مززززعج بشكل غير طبيعي.. وشغلته ازعاج مها وتخريب اغراضها !! ومع ذلك هي تموت فيه وتسامحه مهما سوا..!
ساره : هي صديقة مها بالمدرسه.. وهي شخصيتها حلوه وتضحك وتدخل القلب بسرعه.. وهي مثل مها عندهم خطط جهنميه توديهم بستين داهيه بس كل همهم ينبسطون !! بس مشكلتها انها شوي مزاجيه وبارده مرات،، شعارها (طنش تعش تنتعش).. امها وابوها متطلقين وما عندها لا اخوان ولا خوات.. وامنيتها مثل امنية مها.. ان يكون لها اخت..! وهي عايشه في بيت جدتها..
الجده : عايشه في
بيت كبير وما معها غير ساره وأم ساره.. وهي طيوبه وحنونه.. وتحب بنتها نهى (أم ساره)..
أم ساره : تحب بنتها ساره واااجد وبالنسبه لها ان ساره هي اغلى شي عندها.. تهتم فيها وكل همها سعادة بنتها.. وهي غنيه.. وتشتغل بوظيفه كبيره ومهمه..
ونتعرف على باقي الشخصيات خلال الرواية..
الجزء الأول
صحت مها من النوم على ازعاج اخوها ريان..
ريان : مهااااااااا يلا قومي للمدرسسسسسسسسسسسسسه !!
مها : يووه ريان خلاص مش لازم..
ريان : الااا ماما تقول لازم !!
مها : طيب طيب خلاص روح
وراح ريان.. ومها قامت وراحت تتجهز للمدرسه ونزلت تحت..
أم عبدالله : يلا بسرعه افطروا عشان ما تتأخرون عن المدرسه..
العيال : ان شاء الله يمه
فطروا وراحوا المدرسه.
مها في المدرسه : هلاا ساره
ساره : اهلين كيف الحال ؟
مها : والله تمام، اليووم في بالي افكااار ولا اروع !!
ساره : يلا نورينا يا أم الافكار
مها : أول شي علميني وش اول حصه علينا ؟
ساره : رياضيات
مها : وعععععععععععععع خلاص اجل وش رايك ننحاش من الفصل ؟
ساره : أي والله جات على بالي ..!
مها : يلا اجل وش الخطه ؟؟
ساره : عاد الخطه عليك انتي .. انا ما اعرف اخطط مثلك !
مها : طيب ننحاش ونروح أي مكان واذا خلصت الحصه نرجع وكأن احنا تونا جايين !!! وش رااايك ؟؟
ساره : لالا وش رايك نخليها الى بعد الفسحه ؟؟
مها : لالا وشو الى بعد الفسحه ؟؟ على الاقل ننحاش لمدة حصتين بس..
ساره : خلاص اتفقنا..
وشالوا اغراضهم واتصلوا على سواق مها وراحوا الراشد..
تمشوا وجلسوا بـ كوفي.. ويوم شافوا الساعه بسرررعه كلموا السواق ورجعوا المدرسه..
طبعا خذوا لهم تهزيئه من الأبلات على التأخير بس اهم شي عندهم انهم انبسطوا وضيعوا الحصص..
يوم رجعوا البيت،
مها دخلت البيت وشافت امها جالسه في الصاله تطالع تلفزيون..
مها : السلام عليكم
الأم : وعليكم السلام.. تعالي تعالي،، وش عندك اليوم، مكلميني المدرسه يقولون متأخره !!
مها ارتبببببببببببكت وقلبها قام يدق بقوه وهي مو عارفه أي شي غير ان امها بتعاقبها عقاب مريع لوول : ااااا.. يمه يمكنهم غلطانين انا ما تأخرت شفتيني يوم اطلع اليوم الصبح.. رحت بدري !!
الأم : لاا ؟ علي انا ؟؟ يلا بتعلميني السالفه ولا كيف ؟
مها شافت ان ما في مفر.. وقالت لأمها كل السالفه
الأم بدون أي مقدمات : معاقبه من الطلعه لمدة اسبوع واذا عدتيها حسابك مع ابوك !!
مها عرفت ان مافي مجال للمناقشه فـ اعتذرت وطلعت لغرفتها..
جلست على النت شوي بعدها راحت عند فهود اخوها.. واقرب واحد لها من اخونها..
في غرفة فهد،
مها دقت الباب ودخلت..
شافت فهد جالس على السرير ويفكر بصمت وحتى ما حس فيها يوم تدخل !!!
مها استغلت الفرصه وراحت عند اذنه وصرررختتت !!!
طبعا هو فززز من مكانه وهو مرتاع وهي ميييته ضحك على شكله..!!
هو عصب : يا حماا..... تشوفين والله مردوده..! وبعدين وش تبين جايه غرفتي ؟؟
مها : بس كذا طفشانه وابي اسولف !!
فهد : طيب وانا ما عندي سوالف !!
مها : طيب وش عندك جالس تفكر وسررحاااان ؟؟
فهد : مالك دخل
مها : انت تحب ؟؟
فهد ارتاع من الفكره هذي..: لااا وش احب ؟ اخر شي افكر فيه ! بس احاتي وش اقول لابوي عن نتيجتي !!
مها : يووه ليكون ما جبت كويس بالاختبارات ؟؟
فهد : ايوا علاماتي زفففت !!
مها : توقعت، كالعاده !!
فهد : اقول لا يكثر وساعديني.. بما ان افكارك دايم خطيره اكيد يا اختي العزيزه بتلقين لي فكره..!
مها : ايه الحين امدحني !!
فهد : اخلصي بس !
مها : طيب طيب !! بسييييطه وانا اختك، صلح العلامات بالكمبيوتر !!!
فهد وكأنه عجبته الفكره : اصلح العلامات بالكمبيوتر ؟؟ والله جبتيييييها !! مشكوووره يا احلى اخت !
مها : ايه يالمصلحجي روح روح بس صلح علاماتك يالفاشل !!
فهد : يلا يلا برا !! خوات اخر زمن !!
مها طنشته وطلعت
أما ساره،
راحت البيت تغدت ونامت وقامت على أذان العصر صلت ونزلت تحت..
شافت امها وجدتها يسولفون سلمت عليهم وجلست
ساره : يمه طفشاااانه مرررره
الأم : شسوي لك ؟ شوفي لك أي شي يشغلك..
ساره : مثل ايش يعني ؟
الأم : ذاكري
ساره : لااااااااااااااااا يمه وش اذاكر بعد ؟ جديده هذي !!
الأم : ما يكفي انك منحاشه اليوم ؟ روحي شوفي الدروس اللي فاتتك !!!
ساره خافت ان امها تفتح الموضوع من جديد فـ راحت فوق بس طبببعا ما ذاكرت ولا شي !!
اليوم اللي بعده.. في المدرسه ساره كانت غايبه.. طبعا بدون سبب بس عشان تبي تنام اما مها مستحيل تغيب بما ان امها صااارمه.. للأسف.
في المدرسه مها طفشتتتتتتتتتتتت وفي الفسحه كانت تتمشى لحالها مسكينه !! خخخخ فجأه جاتها بنت كانت دايم تراقبها من بعيد.. هذي البنت بويه !! ومها مااا تحب هالاشكال وتخاف منهم !! والبويه لقبها سلطاان !! جات عند مها.. ومها مو منتبه جلست جنبها..
سلطان بصوت خشن : هلا يا حلوه
(على فكره مها كانت بنت تهبببببببببببل بمعنى الكلمه.. كانت بيضه وشعرها اسسسسود وطويل وناااعم يوصل لنص ظهرها.. وعيونها غامقه وواااسعه.. مشالله عيونها بس تسحر اجل كيف باقي شكلها.. كان جسمها روووعه كانت رشيقه وطولها مناسب لعمرها.. وشفايفها صغار وورديه وخشمها سل سييف !! مااا شااء الله..)
مها ارتاعت قامت تتلفت تشوف مين تكلم البويه يوم استوعبت انها تكلمها ردت وهي تطالع الدرج..: هلا..
البويه : كيفك ؟
مها لفت عليها وارتاعت من شكلها كان شعرها بوي ومرفعه اكمامها وكأنها في مصارعه وكانت طويييله.. ملامح وجهها جذابه نوعًا ما.. بس للأسف هي ما استغلت هذا الشي وشوهت وجهها وجمالها..!
مها : تمام.. بس انا ما اعرفك وش تبين مني..؟
البنت : ههههههههههههههههههههههههههه ابييك يا قمر
مها بعدت عنها بخطوات سريعه وراحت الفصل بما ان الفسحه انتهت من حسن حظها !!
رجعت البيت بعد المدرسه وهي تفكر بهالبنت اللي كانت تلاحقها وتفكر بالكلام اللي قالته وكانت مررره خايفه..
انتهى الجزء الأول وابي ردودكم عليه ورايكم بالروايه..
وتواقعتكم عن اللي ممكن يصير..
الجزء الثاني
يوم رجعت مها البيت.. على طووول كلمت ساره وعلمتها عن اللي صار..
ساره ببرودها المعتاد : طنشيها....
مها انقهرت شوي من برود ساره بس حاولت ما تدقق واجد : طيب.. بحاول !
اليوم اللي بعده، ما صارت احداث مهمه في المدرسه لكن يوم رجعت مها من المدرسه وتغدت كانت جالسه على اللاب توب في غرفتها الواااسعه والروعه اللي كل بنت تحلم انها تصير فيها !! كانت جالسه تحوس في منتداها اللي دايم تدخله.. فجأه جاتها مكالمه من رقم غريب.. ردت،
مها : الوو
....: هلا
مها ارتعات،، هالصوت مو غريب عليها بس ميييين ؟؟ فجأه تذكرت ان هذا صوت البويه اللي شافتها اليوم
مها : مين ؟؟
البنت : ما عرفتيني ؟؟
مها : انتي...... ااا
البنت : ايوا انا، وش فيك خايفه ؟؟
مها : وش تبين مني ومن وين جايبه رقمي..؟!
البنت : لا تساليني من وين جايبه الرقم.. بس حبيت نتعرف..
مها : وانا ما يشرفني اعرفك ولا اعرف أي وحده من اشكالك !!
وسكرت في وجهها الجوال وهي خايفه ومو عارفه وش تسوي دقت على ساره على طوووول !!
مها وهي تتكلم بسرعه بطريقه تضحك : هلا ساره شلونك شخبارك ليه غايبه لحقي وش صاااار !!!!!
ساره : شوي شوي قسم بالله ما فهمت شي وش صاير ؟؟
مها قالت لساره السالفه،
ساره : لالا عاد هذي مشكله..! انتي ما تضمنين وش يسوون هالاشكال..!!
مها : وانا داقه عليك عشان تروعيني ؟ انا ابي منك مساعده او حل !!
ساره ببرود يقهررر : طنشيها !!
مها ودها تعطيها كف !! : تبين تسمعين صوت قطار ؟؟
ساره فهمت وش تقصد مها : بلا سخا.... طوط طوط طوووط !!! << مها قطعت الخط في وجه ساره !
ساره انقهرت بس طنشت كعادتها.. أما مها راحت تفكر بالسالفه لكن سرعان ما نست هالمخرفه وراحت تزعج اخوانها !! لوول
اليوم اللي بعده في مدرسة فهد،
فهد طبعا واحد ما همه دراسه ولا شي.. بس يروح غصب عنه !! ومستواه بالدراسه كان دايم يتهزء عليه بس مو مهتم !! الى اليوم اللي قالت له مها عن تزوير الشهاده وصار ما ياكل هم العلامات !!
كان طبعا يتمشى في ارجاء المدرسه ويحوس بجواله !! طبعا الجوالات ممنوعه بالمدرسه بس مستحيل يتبع فهد القوانين !! شافه استاذ ماسك جواله... فـ راح له..
الاستاذ : يا ولد
فهد ولاااا هامه وقاط الميانه مشالله : هلااا استاذ كيف الحاال ؟؟
الاستاذ : انا معلم ومش طالب عشان تسولف معاي،، وبعدين وش هالجوال..؟ انت ما تدري ان الجولات ممنوعه بالمدرسه ؟؟
فهد : هاه ؟ الا والله داري.. بس هذاااا.. << ما عرف وش يقول.. هذا بس كذا يعني..!! << ههههههههههههههه عااش مصرف
الاستاذ : عطني عطني ويلا على مكتبي..
طبعا فهد وقع تعهد.. وكان التعهد الثالث له بما انه واحد كل شوي طايح في مشكله !! وبما انه التعهد الثالث كان لازم يكلمون ابوه..
ويوم رجعوا البيت،
مها راحت غرفتها بعد ما تغدت.. ونامت
اما فهد يوم دخل شاف ابوه.. وهو عارف طبعا وش بيصير !!
ناداه ابوه لمكتبه..
وفي المكتب،
الابو : ممكن تفسر لي سبب هالمشاكل اللي انت طايح فيها كل يوم والثاني..؟
فهد : والله يبه عااادي انا بس جبت جوالي وش فيها ؟؟
الأبو : يا غبي الجوالات انت عارف انها ممنوعه وغير كذا كنت برا الفصل ومنحاش عن الحصه، فسر لي هذا.. ومشتكين لي الاساتذه عن مستواك انه نازل.. اجل وش سالفة ذيك الشهاده اللي وريتني اياها ؟!
هنا فهد خااف من ابوه وعرف ان مافي مفر..: هاه يبه ؟ كيف وش شهادته ذي ؟
الابو اكتشف ان مزور الشهاده وهنا عصب..! وفهد طلع وهو ماكل له تهزيء وعقاب لمدة شهر من الطلعه ومن الجوال عشان ما ياخذه المدرسه وقال للمعلمين ينتبهون له ويحطونه "تحت المراقبه" خخخخخخخخخخخخ
اما فهد فـ راح على طوول فوق وعلى غرفة مها.. صحاها من النوم غصب،
فهد : قومي كله منك !!
مها قامت بكشتها وشكلها يموت ضحك : هاه ؟ وش السالفه شصاير ؟
فهد : اللي صاير انك ورطتيني بسالفة هالشهاده كله منك انتي اللي اقترحتي الفكره !!
مها : وش دخلني انت بغيت مساعده وانا عطيتك مين قال لك تسمع كلامي ؟؟ والحين يلا برا لا أنادي عليك ريانوه !!
فهد ارتاع من طاري ريان وتوه بيطلع الا ريان عند الباب !! هههههههه
ريان: ليش تقولين ريانوه انا اسمي ريان !!
مها : اشوفكم تجمعتوا عندي يلا برااا
وطلعوا كلهم اما مها دبة النوم نااامت وما صحت الا اليوم الثاني..!
انتهى الجزء الثاني.. والحين ابي ردودكم عشان انزل الجزء الثالث !
الجزء الثالث
عبدالله ما تكلمنا عنه من بداية الروايه !! هذي بعض المعلومات عنه..
(عبدالله انسان غامض بعض الشيء.. دايم يا في غرفته او طالع ولا يدري عن احد من افراد عائلته وحتى ما يهتم اصلًا !! وهو طبعًا في ثالث ثانوي.. ما عنده مشكله في مستواه الدراسي مثل فهد.. مع انه مو ذاك الزود ذكي.. بس يهمه مستقبله عشان كذا يشد حيله في دراسته..)
(عبدالله مش حلو كثير بس فيه شوية جمال.. وشعره شوي طويل ومعطيه شكل حلو.. عبدالله انسان غامض وهادي.. لكن في قلبه مشاعر كثير.. صحيح ما يجلس مع اهله واجد بس اكيد يحبهم.. هم مرات يتوقعونه ما يجلس معهم لانه ما يحبهم.. بس هو كذا طبعه غريب.. ورومانسي بعد !)
(عبدالله يحب بنت عمه، اسمها ريم.. ومحد يدري عن حبه ابدًا لأنه يحتفظ بمشاعره في قلبه ولا يحب يطلعها لأحد.. ولكنه داايم يروح للبحر وكأنه يبي يطلع اللي في قلبه للبحر.. البحر كان بئر اسراره دايم..)
وكان بهذا الوقت يتمشى عند البحر ويفكر في ريم..
عائلة ابو عبدالله كانوا يعيشون في الدمام.. لكن كل اقربائهم في الرياض.. ولا يشوفونهم الا قلييل ونادر.. وكانوا يسكنون في الدمام عشان شغل ابوهم وامهم.. وعاجبتهم مدينة الدمام اكثر من الرياض.. وما كانوا يتواصلون مع اقربائهم الا ناااادر..
عند ساره،
كانت في غرفتها على اللاب توب.. ساره مو من النوع اللي تكلم شباب بس كانت دايم تدخل منتدى وتقرى فيه مواضيع.. وكان في عضو في المنتدى عاجبتها مواضيعه وشخصيته بس ما كانت تحبه.. كانت بس تتكلم معاه..
كانت على المسن معاه،
(طنش تعش) < نك نيم ساره
(FoFo) < نك نيم فيصل..
طنش تعش :
هلا
(FoFo) :
اهلين
طنش تعش :
كيف الحال ؟
(FoFo) :
والله تمام وانتي ؟
طنش تعش :
وانا بعد تمام.. فوفو انت وش اسمك ؟
(FoFo) :
فيصل وانتي وش اسمك ؟
طنش تعش :
عاشت الاسامي يا فصيل.. وانا نهى < ما كانت تبي تقول اسمها الحقيقي..
(FoFo) :
الله, نهى اسم حلو..
طنش تعش :
تسلم والله..
(وكملوا سوالف وبعدها ناموا..)
اليوم اللي بعده,
كان يوم الاربعاء.. ومها مبسوطه عشانها بتغيب ولأنهم هالويك اند بيروحون الرياض.. مع انها ما تهتم لأقربائهم اللي في الرياض بس مبسوطه انها بتغير جو.. مع انها متى ما تبي تسافر على كيفها.. بس هي ما تشتهي تسافر واجد.. اما هالمره اشتهت تروح الرياض وفعلا بيروحون هذا الويك اند..
مها قامت بدري على غير عادتها.. جهزت اغراضها ونادت الشغاله تنزلهم.. ونزلت تحت فطرت وعلى طول مشو.. وصلوا على الظهر وراحوا بيت اهل امهم.. والابو راح بيت اهله.. وراح معاه عبدالله.. وحتى فهد راح معهم لانه يزهق عند اهل امه مافي اولاد هناك ! ومشتاق لعيال عمامه..
انتهى الجزء الثالث.. ابي رايكم في القصه بكل صراحه وابي ردووودكم عشان اقدر اكمل.. اذا ما شفت آرائكم ما اقدر اكمل بصراحه !!
الجزء الرابع
في بيت اهل الأم، سلموا بكل شوق وجلسوا يسولفون.. الجده والأم ومها.. اما نواف جالس يشوف سبيس تون !!
فجأه دخلت الخاله عبير،
الخاله عبير ما عندها اولاد بس بنتين..
سميره و وداد..
سلموا على بعض وجلسوا.. سميره اكبر من مها بسنتين يعني كبر فهد.. في اولى ثانوي.. اما وداد فهي كبر مها.. في ثاني متوسط..
مها كان عندها خاله وحده وخال واحد بس.. وخالها هذا اسمه ناصر.. هو يدرس الجامعه في بريطانيا ومش متزوج عمره 22 سنه..
مها ووداد عاديه علاقتهم.. يعني مو صديقات واجد بس لهم ذكريات كثير مع بعض.. اما سميره فهي ثقيلة دم بشكل غير طبيعي تموت في عبدالله وما تدري انه يحب ريم.. ولا تدري انه اصلًا ما يطيقها !! وهي ما تجلس مع اختها ومغرووره بعكس اختها وداد اللي متواضعه وطيوبه.. كله مسويه روحها كبيره وما تجلس مع وداد ومها.. اما وداد فهي ودها تخلي اختها تحبها بكل الطرق الى ما يئست وصارت تطنش اختها وما تكلمها كثير..
راحوا مها مع وداد يسولفون.. وفي نفس هذا الوقت كانوا عبدالله وفهد مع ابوهم في بيت جدهم.. سلموا على عمامهم وعماتهم..
التعريف بالعمام والعمات :
عندهم 3 عمام وعمتين.. منيره وجوهره.. والعمام، العم سعود والعم فيصل.. ابو مها اسمه محمد وهو الإبن الأكبر من بين عمامهم..
عمتهم منيره، عندها رغد 17 سنه.. ونايف كبر عبدالله.. وجوري 20 سنه..
و عمتهم جوهره، عندها 3 بنات وولد واحد اسمه عبدالعزيز كبر فهد.. والبنات، حصه عمرها 20 في ثاني جامعه.. ولماء كبر مها ثاني متوسط.. ومشاعل توأم عزيز..
العم فيصل متزوج الخاله عبير !! وتعرفنا على بناته طبعًا.. وداد وسميره.. (سميره هي صديقة مشاعل الروح بالروح وكلهم نفس الغرور ونفس ثقالة الدم !!)
والعم سعود عنده بنتين وولد، وفاء كبر حصه 20 سنه.. ورييييييم (واخييرًا) 17 سنه.. }اصغر من عبدالله بسنه{. وبندر كبر نواف اخو مها.. يعني 8 سنوات..
انتهى الجزء الرابع..
معليش اسمحوا لي ادري ان الجزء الرابع كان كله تعريف بالشخصيات بس بعدين انزل لكم الجزء الجزء الخامس بإذن الله..
الجزء الخامس
مها كان ودها تروح تسلم على أهل ابوها.. وقالت لوداد تجي معها.. بما انها تصير بنت عمها بعد !! فـ قالت سميره انها بتجي معهم (طبعًا عشان تشوف ست الحسن والدلال مشاعل)
راحوا كلهم سوا لبيت جدهم.. وسلموا وراحوا شلة مها (مها, وداد، ولماء) راحوا يسولفون بما انهم من زماااان ما شافوا مها.. مها شافتهم كبروا كلهم من زماان ما شافتهم.. وهي ما كانت مهتمه لهم من قبل.. لكن بهذي اللحظه بس.. صار ودها لو كانت تسكن في الرياض معاهم..! بس هي عارفه ان مااا في امل يسكنون في الرياض ابدًا..
(ريم كانت بنت حلوه وخجوله شوي وبريئه على الرغم من انها في اولى ثانوي بس لازالت فيها براءة الطفوله.. وكانت تحب الكل وانسانه متفائله.. وتجلس مع الكل الصغير والكبير.. بس ان الشخصين الوحيدين اللي كانت تكرههم هم سميره ومشاعل.. لانها ما تحب الغرور اللي فيهم.. ولا تحب تحش في الناس عشان كذا ما صارت تجلس معهم..) راحت مع شلة مها وقامت تسولف معهم..
شلة مها اللي انضمت لهم ريم ورغد، ناموا في بيت الجد بعد اصرار واقناع من مها.. وصحوا اليوم الثاني.. بعد الفطور.. كانوا سميره ومشاعل اللي قطوا وجيههم غصب، يخططون كيف يلفتون انتباه الاولاد !! مشاعل كانت تحب نايف اللي كان كبر عبدالله.. يعني سبحان الله..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك