رواية اصبعي وهو اصبعي ان غدرني اقطعه -11

رواية اصبعي وهو اصبعي ان غدرني اقطعه -11

منال جالسه وطفشانه 00 تمنت تروح لابوها تزوره 00 بس المشكله حمود موفيه

عشان يوديها

دقت عليه تخبره – هلا حمود

حمود – هلا منول

منال – حمود وينك

حمود – في الاستراحه ليه تبين شي

منال – ايه ابي اروح اشوف ابوي

حمود – منول انا هالحين موفاضي مشعل جالس معي اخيرا رد ( وهو يناظره ) الزوجه بعدته عنا شهر كامل وماصدقت اشوفه

منال بقهر – طيب متى اشوفه

حمود – بكره بكره يالله باي

منال بطفش – باي

حمود وهو يتكي – ايه واخر علومك

مشعل اللي مقابله وهو يقلب في جواله – مثل ماانت شايف

حمود ويسوي نفسه خايف – بكل صراحه اشوفك مبسوط ومستانس لا ومتنت بعد

مشعل اللي ترك الجوال من يده وهو يناظر جسمه – من صدقك

حمود يضحك – لا من عمي

مشعل – حمودوه انا موفاضيلك قول الصدق انا متنت

حمود – شوي موكثير

مشعل – ايييييييه اشوى

حمود – طيب انبسطت هناك

مشعل يرد لجواله – يعني اكثر حد ونسني هناك ريتا

حمود بصدمه – ايشششششششششش ماطلقتها

مشعل – لا رديتها لعصمتي ابيها تونسني ( وهو يضحك لماتذكرها ) وتغيض وحده دبلت كبدي

حمود – حرام عليك مشعل

مشعل – تطمن المهبوله الثانيه يوم شافت حلاها هجت كل يوم تبكي على راسي من شافتها كل يوم وتسأل احلى انا ولاهي وكل يوم اقول انتي انتي انتي لين رآسي عورني من تكرار سؤالها عاد اخر يوم قلت لا هي عشان تصكت عني هجت ولاادري وين ارضها

حمود وماط عينه – من صدقك

مشعل وهو مركز عيونه على الجوال – ايه شفيك انت

حمود وياخذ الجوال من يده – مشيعلوه تراك سندرت راسي قر الله يصلحك قلي هي ساكنه معكم في فلتك اللي هناك

مشعل وياخذ الجوال من يده مره ثانيه ويركز نظره فيه – ايييييييييه

حمود بعصبيه – وقدام بنت عمك المسكينه

مشعل – ايه وش فيها

حمود بعصبيه – فيها ياللي مافيها حرام عليك حريت كبد وحده توها في الحياه الزوجيه

مشعل وهو لسه مركز على الجوال ويكتب – انت مصدق ان هالبلوه بتهتم ولاتقول شي مالت عليها بس هالقرويه

حمود – حرام عليك ,, بعدين انت شاقاعد تسووي انت وهالجوال بيدك

مشعل – وحده ناشبتلي إلا ترسل رسايل مع اني تارك هالسوالف بس عجزوا يفهمون ,, اقولهم يوم صار لي اللي صار قبل سنتين وانا تائب بس عجزوا يفهمون

حمود – مالهم لائم والله واحد طاق الكشخه ولبس جديد وسياره جديده وساعه جديده وكل يوم في التحليه ولاالعليا ماخليت شبر فيها وهم مايصدقون على الله

مشعل – اصكت عاد شف نوافوه ومحيميد وسعيدان

حمود – من زين ذوليك اصلا ان ناظرنا وتمعنا شفنا محيميد على قولك املح شوي شوي اما الباقين وجه البومه من يناظرهم عاد انت كلن يبي منك نظره

مشعل ويطيح على بطنه – ههههههههههههه هههههههههههههههههههههه

حرام عليك

حمود – وانا صادق عاد خويلد تقطعوا عنده هه من يقدر يطول ولد وزير وهو خبر خير مشاءالله عليه رجال سنع

مشعل بنص عين – شكلك تعاير هآه

حمود – وش اعاير فيه وانا صادق حمود عاقل ورزين ومايحب هالسوالف اصلا كل اسبوع يغير رقم جواله وهم مدري كيف يجيبون رقمه

مشعل – انا بعد تركت هذا كله

حمود – والله ماايندرى عنك

مي – افففففففففف طفش ومحمد مدري ليش كل مادخلت عليه لقيته جواله بإذنه مايتعب هاذا

عبير اللي تقرأ كتاب في الصاله طلعت ناظرتها – صادقه امممممم اكيد اخوك يغازل

مي بصدمه – شنهـــــــــــــو

عبير- استنتاج كبير اصلا هو متغير علينا صاير عصبي وشكاك اعرفي ان اللي دائم يشك عنده شي مسويه غلط في حياته هم اصحاب الافكار السوداء هم اللي يشكون في أي انثى تصير امامهم عقولهم تجيبهم وتوديهم شك

مي وهي تجلس – صادقه وربي ياعبير وحده من صديقاتي تقول اخوها ذابحهم شك ودائم يراقبهم وذبحهم وحبس حريتهم وتدرين شاطلع في النهايه اكبر مغازلجي في الرياض

عبير – ماقلتلك ( وهي توقف ) بطلع اجهز شنطتي

مي – خلاص بتسافرين بكره لجده

عبير- ايه خلاص الاجتماع قدموه مدري ليه يقولون التاجر الكبيرصاحب الشركه الآمريكيه رد من امريكا وطلب يعجلون بالاجتماع

مي – وااااااااااااااااي من يكون تتوقعين يكون آمريكي ولا عربي

عبير – اكبر همي شدراني عنه يالله تصبحين على خير

مي – وانتي من آهله

عند دنيا وساره اللي جالسين في الصآله اللي فوق 00 بتفرجون على فيلم

وساره اللي بتنام عندهم عشان اهلها بجده وابوها سافر للاجتماع اللي مقره بمراكش المغربيه لوزراء العرب

ساره – مشتاقه لمامي

دنيا توطي على الصوت – ماقالوا متى بيردون

ساره – لا

دنيا – وخلود بتحد هناك

ساره بعدم مبالآه – مدري عنها ,, الا اقول مشعل متى يرد

دنيا – مدري اكيد على وجه الفجر

ساره اللي راسمه خطه محكمه عشان تشوفه – آه

دنيا تتثاوب – اقول ساره امشي ننام خلاص عيوني بتسكر

ساره توقف – يالله امشي

نوف اللي في جناح مشعل 00 ومن اليوم تتنتظر متى يطلعون عن الصاله عشان تروح لجناحها القديم 00 بسرعه تسللت له وهي خايفه 00 بس انصدمت انه مقفل

نوف – اففففففففففف لااااااااا قهر

ورجعت لجناح مشعل وهي متأكده انها بتسمع مسبه 00 وهوش وصراخ 00من مشعل 00 جلست على الكنبه في صآلة الجناح وهي مطنقره وميته قهر من حياتها

رجعت مره ثانيه تشيل كل اللي بالشنطه 00 تدور على رقم خالها 00 بس ماله وجود 00

وفجأه من دون سابق انذار بكت قهر وغبن من حياتها عند هالناس 00 انتحبت عند شنطتها وهي كارهه هالحياه بكل مافيها 00 جلست تدعي على خالها اللي عمره مافكر فيها 00 هذا وهو دائم يقول انتي بنتي 00 انتي بنتي 00 وامج موصيتني عليج 00 طلع يخرط عليها 00 انتحبت بشده ومن كثر مابكت نامت جنب شنطتها وهي موحآسه من التعب

نواف – لاياشيخ احلف

مشعل – قد خرطت عليك عشان احلف يالله ضف وجهك من يوم شفتني وانت احلف احلف

نواف – معاد نعرف صدقك من كذبك

مشعل – عاد صدقت كان بها ماصدقت شي راجعلك

سعيد وهو يصك جواله ويتأفف – اففففففففف

حمود – انت بعد شفيك

سعيد – ادق على حميد ياما مشغول ولايعطيني مشغول التيس

مشعل – وانت شاتبي فيه

سعيد – بعرف ليه مجاء وغير اني ابيه يقولي نتيجة المباراه كم

حمود – وليه انت ماتابعتها

سعيد – لا امي تعبت شوي وخذيتها للمستشفى ورديتها للبيت وهاذي جلستي عندكم

مشعل – سلامتها إن شاءالله

سعيد – الله يسلمك

مشعل وهو ويوقف – يالله شباب عن إذنكم برد انام والله تعبااااااااان الطياره دوخت راسي

حمود بضحكه خبيثه – ايه صادق النوم زين وراحه

مشعل اللي فهم قصده – يالله عاد انت بعد ضف وجهك ورح لااختك المسكينه ماغير مطيح في الاستراحه قبل اختك عندها حد هالحين هي لوحدها

حمود فز مرتاع – ايوالله صادق مع السلامه ياشباب

مشعل يناظرهم – وانتم

نواف – لاحنا بنسهر شوي ماورانا شي ( وهو يبتسم ) ويمكن ننام هنا

مشعل – بكيفكم اجل بس اهم شي قولوا للحارس لايسكر عليكم الباب ويروح عند الحراس اللي جنب الاستراحه تراهم يلتمون هناك

سعيد – لااطمن باكلمه

كل شوي تفتح الباب توايق ومرات تنزل تحت 00 ومره من المرات صادفتها بدريه

سالتها 00 وقالت اشرب مويه

خلاص بتنزل تحت تنتظره 000 خافت يجي وماتشوفه 00 وتخرب خطتها

نزلت تحت وجلست على الكنبه اللي في الصآله 00 وفي الظلام بس نور خفيف

هو اللي موجود

اخيرا انفتح الباب وهو يدندن ويغني 00 واخيرا شافته وابتسمت ووقفت بسرعه

وهي تتقن الخطه مضبوط وتسوي نفسها خايفه – ميين مين اللي جاء

مشعل اللي سمع له صوت حد يسأل من – انا من فيه

ساره وهي تتقن الخطه مضبوط – مين مشعل

مشعل اللي شغل اللمبات اللي بجنبه وشاف ساره وانصدم من لبسها 00 بسرعه طفئ اللمبات وهي تضحك ضحكه خبيثه

مشعل بخوف انها احرجها – انا اسف

ساره اللي مستانسه – لاانا اللي اسفه الغلط مني بس كنت خايفه والي اعرفه ان دنيا قالتلي ان كلكم رجعتوا

مشعل – حصل خير بس ليش جالسه هنا لوحدك وينهي دنيا عنك

ساره – بكل صراحه دنيا نايمه بس انا حلمت لي حلم خوفني ونزلت تحت اشرب مويه وجلست مكاني

مشعل – حصل خير اجل لاتسهرين ارجعي نامي ( وهو يطلع فوق )

ساره اللي وقفته – مشعل

مشعل اللي مالف راسه وظل يناظر قدام – هلآ

ساره – آسفه خوفتك

مشعل ابتسم – وهم انا اسف خوفتك يالله تصبحين على خير

ساره الي تنهدت من ابتسامته اللي بينت على النور وغمازاته اللي وضحت – وإنت من آهله يارب

( طلع وخلاها 00 وهو ناقد على لبسها اللي لابسته 00 ونازله ابيجامتها 00 كيف ماخافت ان حد يشوفها من إخوانه 00 هز رأسه وطلع جناحه )

فتح الباب عشان ينصدم من المنظر اللي قدامه 00 وطنقر من القرويه اللي نايمه على الارض 00 لاوبجنب شنطتها بعد خايفه حد يسرقها

دائم يتفشل منها ومن منظرها 00 دائم تفشله عند اخوانه 00 وصار يعقد مقارنات بينها وبين حريم اخوانه 00 المشكله انه هو الوحيد بالذات من بين اخوانه 00 المهتم في الموضه وخطوطها 00 وماتوقع في يوم انه بيتزوجله وحده شعرها دائم لافته كعكع 00 ولاتحط شي على وجهها00 واللي قاهره اكثر جلابيتها اللي حفظها صم من كثر ماتلبسها 00 هزها برجله وهو واقف – هييييييه هيه انتي قومي

نوف لاحياة لمن تنادي – هيييييييييييه قومي فشلتيني الله يفشلك انتي وهالجلابيه والله لااحرقها بس اصبري ( وهو يرد لذاكرته بجامة ساره الحرير الورديه

وشعرها الاسود الحريرالمدرج ) مات قهر اكثر وآكثر وهو يزيد بضرب رجله 00 اللي خلاها تقمز واقفه وهي تحك شعرها – همممممم شافيك

مشعل بعصبيه – اشفيني قولي اشامفيني انا بعرف متى بترحمينا من هالجلابيه المعفنه

نوف بخوف – انت شافيك خلاص خلاص بغيرها

مشعل بعصبيه – وبحرق فيها عشان اضمن ماتردين لها وبعدين ليش نايمه عندي انقلعي لجناحك

نوف بحزن – والله العظيم مقفول

مشعل – اسمعي هي هالليله ومن عقبها لو اشوفك هنا قصيت رقبتك

نوف بقهر – طيب

مشعل – وهالحين اذلفي انقلعي ونامي هناك في الصاله ويويلك يويلك لوجيتي الغرفه هنا

نوف بضعف – إن شاءالله

خذت لها مخده ولحاف من السرير

شافها وعصب – هييييييييه رديهم مكانهم انقلعي للمخزن وخذي لك مخده مناك يالله

نوف بقهر وغبن وظلم راحت من دون صوت 00 وقف في الغرفه ينتظرها تطلع

خذت المخده واللحاف وتمشي وهي ماسكه غصب عنها الدمعه

هو بعصبيه – عجلي بسرعه على قشر بيض تمشين

هي ولاردت عليه طلعت وخلته 00 عشان يقابلها صوت ارتطام الباب بقوه وهو يسب ويخانق 00 كشت على الباب وهي ميته قهر 00 وتفلت عليه بعد 00 توجهت على الكنبه 00 وهي تسوي المخده واللحاف وتضبطهم 00 حطت راسها وخذ يانومه 00 ولاكأنها قبل شوي كانت بتبكي 00 كل شي حطته ورى ظهرها

الظهر في مطار الملك خالد

وقفت مع ابوها تنتظر رحلتها مع ان مديرة قسمها واقفه مع المندوب ومدير الشركه اللي تشتغل فيها ,, مديرة قسمها مغربيه بس تتكلم سعودي تمآم ومع ذلك اخلاقها زفت والسبب لكل هذا مدير الشركه اللي متزوجها في السر 00 طقت كبدها لين نادوا على الرحله 00 ودعت ابوها اللي صدمها لما قال

ابو محمد – على فكره يابوك كلمت عبدالعزيز الله يحفظه وهو بيحجزلك فندق هناك

عشان ترد عليه بنرفزه – حرام عليك يبه البعثه كلها حاجزيلها

ابو محمد – يابوك وانتي موأي حد كيف استأمنك مع مديرتك المفصخه

عبير بزعل – ولو يايبه بتفشلني معه 00 ماأبي قوله شكرن هالعائله بالذات ماابي منها شي

سعيد بزعل – ولو عيب يايبه وعلى فكره هو صاحب الشركه اللي بتتعاقدون معها وترى الشركه شركته

هي اللي بدورها انصدمت – شنهو

ابو محمد – اللي سمعتيه ياالله روحي ياابوك لاتفوتك الرحله

هي وبغصه وهي تزفر – فمان الله يالغآلي ( باست يده ) ومشت بإتجاه الطياره

من يوم صحت 00 وهي تنتظره يصحى وميته قهر وجوع ولاحتى غسلت 00 والحمام جوه عنده 00لو علاقتها زينه في دنيا كان راحت لها بس دنيا ماتطيقها00 سمعت طق خفيف على الباب 00 راحت صوبه 00 لقتها الخدامه تقول الغداء

هي بتفكير – مالي غير اصحيه

توجههت للغرفه 00 وهي تفتح الباب بهدؤ ومالفحها غير الثلج والصقيع اللي عنده وشوي شوي تمشي 00 على آطراف اصابعها 00 شافته نائم والمكيفات كلها مشغله 00 بسرعه جمدت 00 وقامت ترجف

قربت منه وهو نائم على بطنه 00 ومدخل يدينه تحت الوساده 00 والوساده الثانيه بجنبه 00 سمت بالله وقرأت الآدعيه عشان تقدر تصحيه

بصوت واطئ ويرجف خوف وبرد – م مممم شعل

ماتحرك وردت تصحيه مره ثانيه بصوت واطئ – مشعل مشعل

مشعل – همم

نوف بخوف – الغداء

مشعل ومغمض عيونه – زين

فجأه رفع رأسه بسرعه وهو يناظرها وعيونه حمراء – وش قلتي

نوف اللي ردت ورى خطوه من فزته السريعه – ال الغداء

مشعل وهو يجلس – طيب فهمنا فيه شي ثاني ( وهو يحط عينه في عينها)

نوف – لا ( وبتردد ) اب اب ابي الحمام

مشعل وهو يرد ينسدح – زين انقلعي وإذا خلصتي صحيني

نوف بذل – طيب

منال اللي مسويه حلويات والقهوه وهي تغلفهم 00 دخل عليها حمود

حمود – شاتسوين

منال وهي مشغوله – شوف عينك ألف الحلا

حمود وهو يقرب – هالله الله والله يافديت اختي بس موكأنك رايحه للصبوحه وابوتس السكران

منال – حمودوه موكأنه ابوك وجالس تسبه

حمود – ماقلت شي تراه يسكر ماجبت شي من عندي الله يصلحه بس

منال وهي تخلص – آمين ,, يالله خذ ودهم للسياره بلبس عبآيتي والحقك

حمود وهو يبتسم ويأشر على خشمه – على هالخشم وصاحبه

طلعت من الحمآم وكان نفسها تتحمم بس هالهمجي المعقد 00 توجهت لشنطتها تسحب لها تنوره وبلوزه عشان مايصارخ عليها وعلى جلابيتها 00 توجهت للحمام تلبسهم بسرعه 00 وهي تتوجه له تصحيه مره ثانيه عشان يفز وهو يسب ويشتم 00 كشت عليه

مالت عليك 00 صدق مالت 00 ( وهي تتنهد ) موحيآه اللي جالسه تعيشها تبي تهج من هالانسان اللي لاطايقته ولاطايقها 00 تكره وهو يكرها 00 ومافيه شي يدل على تقبلهم لبعض 00 زفرت باآلم وهي تلعن السآعه اللي عرفته فيها00 وتترحم على جدتها اللي ورطتها بهالبيت اللي تحسبها نفعته فيها 00 بس متدري انها ضرتها

توجهت على التسريحه 00 وهي تلبس برقعها وجلالها 00 قبل يطلع ويسب ويهاوش وهي خلاص مومتحمله كلمه وحده

وآخيرا وصلت الطيآره 00 وهي منطقره وتسب وتصارخ وتهآوش 00 من حركات مديرة قسمها العوجى اللي آثارت انتباه كل الرجال اللي في الطياره 00 بلبسها الماصخ 00 وضحكتها الرنآنه 00 لو تدري ماركبت جنبها 00 وهي تمشي عشان تشوف ذاك الواقف بهيبته وفخامته الطآغيه يناظرها 00 عشان تكره حيآتها 00 وتنقهر من حركة ابوها اللي مال امها داعي

.

( الجزء الحادي عشر )

تذكرته هو ماغيره الواقف بهيبته 00 تكرهه كره العمى 00 وتكره عآئلته

المشكله يناظرها وكأنه عارفها00 اقترب منها

عبدالعزيز وهولاف رأسه ويناظر الفراغ – السلام عليكم .. هلآ فيك معك عبدالعزيز ابو محمد وصاني عليكم وش رأيك تروحين للوالده وخواتي ولا تروحين للفندق

في نفسها ( وعععع مولايق عليك اللباقه 00 مصدق روحه 00 وتقلد صوته معك عبدالعزيز وتراب 00 من حلاتك انت وامك )

شافها صاكته وحس انها مستحيه – تفضلي معي ( وهو يمشي وكأنه يقول امشي وراي ,, كرهت هالحركه 00 عشانه ولد وزير يستقوي على العآلم 00 مصدق نفسه بمشي وراه .. اتجهت عند مديرة قسمها ووقفت عشان تفأجاها – اها ماقلتي لنا انك تعرفين عبدالعزيز والله ونفعتينا ياعبير ليه ماخبرتينا

عشان تنصدم – وانا شعرفني فيه هذا اللي ناقص اعرف ناس بهالشكل مغرور ومتكبر

عشان يفاجأها صوته – لوسمحتي اختي بتتفضلين ولا اروح تراني مشغول موفاضي لحضرتك

انصدمت الا انصقعت اكيد لامحاله سمعها لفت رأسها عشان تشوف نظرات ناريه موجهه صوبها 00 وشكله المرعب

عبير تسيطر على رجفتها – أسفه اخوي انا بطلع مع البعثه عطلتك ماتشوف شر

عشان تصدمها المديره الواقفه معهم وتستغل معرفة عبير بامدير الشركه اللي يحلمون يوقعون معها – آسفه استاذه عبير ماحجزنا لك

عشان ترد عليها بعصبيه – وليه ماحجزتوا لي

المديره – لان والدك كنسل إقامتك معنا

عبير تبلع ريقها وميته حياء كيف تركب معه عقب مافشلته – خلاص انا ادبر نفسي

شكرن لك وآسفه عطلتك

عبدالعزيز وهو مستحقرها – براحتك

عشان توقفه المديره – اخوي كيف تدبر نفسها ترانا مانعرف حد هنا انت لك معارف وتقدر تدبر لها إقامه

عبير بقهر – لوسمحتي اسكتي انا ادبر نفسي

عبدالعزيز وهو يتكتف – يالله امشي قدامي العم سعيد وصاني عليك تفضلي ياأخت قدامي

بلعت ريقها مره ثانيه – هآآآآه ,, طيب

ومشى وهو تاركها تحآول تلحقه وتجآري العآصفه اللي ثارت من كلآمها

نزلت تحت على الغداء وشافت الكل متجمعين 00 بدريه ابتسمت لما شافتها

بدريه – هلآ نوف حيآك

نوف اللي بدورها ابتسمت – الله يحيك عمتي

سالم وطلال وراشد ,, ريم ودنيا وساره وبدريه اللي ملتمين على الغداء

سالم – وين مشعل

نوف وهي تجلس في اخر الطآوله جنب ريم – بينزل الحين عمي

عشان يفأجاهم بشعره اللي ماليه جل ولبسه التي شيرت الاخضر اللي مبرز عضلآته 00 والبرموده الرصاصيه وهو يبتسم – مساؤ على آحلى حلوين

عشان تذوب ساره في مكانها وتتنهد بصوت مسموع مادرت انه طلع 00 وعشان تبلع نوف غصه مكبوته قهر من هالانسان المعقد

الجميع – هلآ حيآك

بدريه وهي تحط رجل على رجل وتتكتف وتسند ظهرها – انت وينك ماتنشاف متى رديت

مشعل وهو يجلس مقابل لدنيا وساره وجنب راشد وهو يبتسم

وتبان غمازاته – امممم ليه الغآليه تسأل

بدريه – مدري عنك انا سألت ليه تلف وتدور

مشعل وهو يمسح على رقبته – ممكن استفهم بالضبط ام طلول وش تبي من هالسؤال

طلال – اصغر عيالك طلول

الكل ضحك غير نوف اللي منزله رأسها وتاكل بصمت بالملعقه اللي ماتعودت عليها بس بتجاريهم عشان مافيه حد يضحك عليها خصوصا دنيا وساره

مشعل وهو يرفع حاجب – مو بالصيغه اللي انت فهمتها سلك سلك نبي ندلع الماما

بدريه بصوت قوي – مشعـــــل

مشعل بإبتسامه تذوب – ياعيون مشعل

ساره تناظره وهي غاصه فيه

بدريه – انت موتوك عريس وعروستك تخليها في أول ليله لكم بالرياض

عشان يلف عينه بعصبيه لنوف ويخلي ساره تتضايق من كلام بدريه وعينه اللي راحت لنوف – ليه فيه حد شكى لك

بدريه بعصبيه – لااااا بس مو من الذوق اللي علمتك إياه والمدارس العآلميه اللي دخلتك فيها تطلع تسهر إلى هالوقت

مشعل بعصبيه – يمه اجلي هالكلام موقدام حد تبين تكلميني على راحتك بس موعند ناس ماابيهم تحاسبيني بهالصوره قدامهم

سالم – ابي اعرف لإيش يرمز كلامك يابدريه

بدريه بعصبيه – مدري عن ولدك

مشعل بعصبيه وهو يوقف – الحمدالله انسدت نفسي مشكوره يمه ( وهو يطلع بعصبيه من المكان )

نوف اللي وقفت وبتلحق مشعل – الحمدالله

ساره اللي انقهرت من بدريه 00 ونوف اللي طلعت وراه

فتح السواق السعودي له الباب – تفضل طآل عمرك

وقف جنب الباب وهو ينتظرها تطلع له 00 وهو ميت قهر من هالآنسانه اللي شايفه نفسها عليه من تكون لولا ابوها وغلآه عنده ولامكان عبرها

وآخيرا طلعت من البوآبه وهي تناظره وعينها فيه 00 ركب السياره عقب مااطمن انها عرفت مكانه 00 وهو مقهور من شوفة نفسها بهالشكل

بيده أشر لواحد من البادي كاردات اللي واقفين حول السياره انه يفتح لها باب السياره وعبير منصدمه من إشكالهم 00 فتح لها باب السياره وهو مركز بنظراته على عمه اللي خايف يصير فيه شي من الاعداء

ركبت خلف مرتبة عبدالعزيز اللي يملئ ريحة السيآره عطره 00 أمر السايق يتوجه على بيت اخته خلود 00 مهما كان في نظره تظل مثل اخته وبنت عآئله ونآس وصعب يتركها في فندق لوحدها 00 توجهوا على الفله التابعه لخلود وقفوا فيها عشان تنصدم عبير وتموت غيظ منه 00 وفي قرارة نفسها اطمنت انها بتشوف خلود افضل انسانه في هالعائله

آخيرا وصلوا لبيت ابوهم اللي انبسط في شوفتهم

منال بحزن من منظر ابوها – كيفك يبه

غازي بضعف – الحمدالله ياابوك

حمود عشان يخفي الحزن الطآغي على المكان – وينهي الصبوحه

غازي – طالعه مع ولد اخوها

منال بقهر – وكيف تطلع وتترك بهالحآله

غازي وهو يسند رأسه على المركى بتعب – إذا اقرب ناس لي تركوني كيف ماتبينها تتركني راحت ترزق الله

حمود بقهر – يبه حنا مستعدين نرجع بس اترك الشرب عنك

غازي ويرفع رأسه – والله ياابوك تركته واسأل صباح

حمود واللي اشرحت اساريره ووجهه استبشر – صدق يبه

غازي – صدق يايبه

منال اللي باست راسه بفرح – احلى خبر سمعته وآخيرا يايبه وآخيرا بس

غازي وكأنه مايبي شي يكدرهم – بس شنهو يايبه

منال – تخليني ادرس يايبه

غازي اللي سكت – شوفي صباح

حمود بقهر – وحنا شايخصنا في صباح مابقى غير هي تحكم اختي وانا وانت عايشين يبه

غازي – بكيفكم مااني معارض

منال اللي زغرتت بونآسه – كللللللللللللللللللللللوش ياربي مستانسه

وحمود وغازي يضحكون منها

وقفت خلفه مباشره 00 وهي تشوفه معطيها ظهره 00 خافت يهاوشها ويفضحها قدامهم 00 ولولا وصايا جدتها اللي حفظتها إياها 00ومنظرها قدامهم وغير انها ماتبي تبين عندهم شي00 كان ماطلعت وراه 00 ولافيه وحده عندها ذرة كرامه ويسوي فيها اللي سواه هو فيها 00 وتراضيه وهي مالها خص في زعله 00 غمضت عينها وهي تتذكر جدتها

( اسمعيني زين يانوف يابنت صالح يوم بكره تزوجين لاتعآندين رجلتس وتزعلينه 00 حآولي وانا امتس تحتوينه 00 ترى الرجل يبيله حرمة تحتويه 00 إذا هي تبي رضى ربي ثم رضاه 00 وبكره لزعل عليتس ولا حد زعله اقربي منه وكوني له ستر وغطاء 00 شوفي خاطره واستسمحي منه 00 تراه يمتس مثل طفل صغير )

ابلعت ريقها وهي تفتح عيونها وتجلس جنبه – عارفه انك اخر وحده تبي تشوفها هي انا بس ماحبيتك تزعل واكون مااني حولك يمكن تكون كارهني بس مومن شي فرضه ربي علي انك تكون زوج لي واكون بعيده عنك مثل لحظه مثل هاذي

هو ابتسم بسخريه – جايه تشمتين

لفت رأسها بسرعه له – معاذ الله بس

مشعل وهو يقاطعها – لابس ولاشي تبين شي

نوف بخوف منه ومن تأثير اللي بتقوله – مشعل غلط ترد على امك كذا

هو يوقف بعصبيه ويناظرها وهي تفرك يدينها من وقوفه بهالصوره وتنتظر الصاعقه اللي بيقولها

وهو شاد على شفايفه – اسمعيني زين وحطي اللي بقوله حلق في أذنك طال الزمن ولاقصر انتي بالذات بالـــــذات ماابيك تتدخلين في أموري

نوف وهي تبلع غصتها – طيب

راح وخلاها داخل وهو يسب ويهآوش ويصارخ

وهو يدخل داخل البيت ويسب ويصارخ – هاذي اللي زوجتوني إياها جايه هالحين هالقرويه بتعلمني الصح من الغلط كله منكم كله منكــــــــــــــــم

( وهو يطلع الدرج ويصارخ )

ابتسمن بشماته وهن مبسوطات 00 ومع نظرات بدريه المقهوره من تصرفاته الطائشه 00 وتربيته التعابنه 00 لوتدري انه بيصير غير مبآلي كذا كان مادلعته بس هاذي غلطتها

كفكفت دموعها 00 الجرح في الصميم يوجع 00 الكلام اللي سمعته اكبر من كل اهآنه تلقتها من هالآنسان 00 هالمره بالذات مابتسكت 00 وبتقلب عآليها وآطيها

بالطقاق فيهم 00 دخلت داخل وهي معصبه 00 مابتسكت ولو على قص رقبتها

نوف وفي قلبها – كافي اهآنه كاااااااااااااااااااافي

عبدالعزيز وهو ينزل وهي تفتح بابها وتنزل

عبدالعزيز – تفضلي انا خبرت امي وخواتي بوصولك تقدرين تدخلين لهم من ذيك البوآبه تراهم ينتظرونك

عبير باإرتباك جديد عليها واول مره تحس بفشيله قدام هالشخص – شكرن لك اخوي

كل اللي رد عليها فيه انه عطاها ظهره وأمر سايقه يطلع فيه ولا حتى عبرها باي كلمه

عشان تموت قهر وغيض من غروره وتكبر هالانسان 00 قادتها رجليها للبوآبه وهي متفشله كثير من موقفها بينهم 00 وتلعن وتسب في مديرتها البلشه اللي ورطتها في ذي الرحله وهالمؤتمر

دخلت داخل وهي مثل جبل شامخ 00وهي ابعد من هالجبل بس امامهم بتمثل هالدور لازم ولازم ماتضعف 00 الضعف يذبحها ويمسخرها قدامهم 00 تسمع وشوشتهم وضحكهم 00 ونظرات بدريه المشفقه هي وريم

بس هي عمرها مكانت ضعيفه 00 ولابتكون ضعيفه توجهت مع الدرج وهي تسابق خطوآتها 00 عشان تدخل مثل عآصفه هايجه 00عليه الغرفه وهو يناظرها وماط عيونه ومنصعق من دخولها بهالشكل وبذا الصوره

هي وعينها النآريه معلقه في عينه وبعصبيه – عطني رقم خالي بدق عليه يجي ياخذني مثل منت عايف قلتلك انا هم عايفه ولو تكرمت طلق

دخلت عليهم وهي متوتره 00 وتغطي على توترها بإبتسامه باهته مالها شكل ولون

دلال وهي توقف – هلا حيآك ياعبير

عبير وهي تدخل تسلم عليها هي ونوره – الله يحيك

نوره – كيفك إن شاءالله تمآم

عبير- تمآم انتم وش اخباركم

هم – بخير

عبير تناظرهم – وين خلود

دلال بقهر – فوق معتكفه في غرفتها هي وأولادها

عبير معجبتها النبره اللي تحكي فيها – اها ايه احسن الله عزاكم

دلال ونوره – جزاك الله خير

عبير – آسفه جيت في ظروف شوي صعبه الله يعدي هالازمه

دلال اللي عجبها ستايلها ونبرة كلامها وأسلوبها الجخ المحترم – تسلمين يارب

( وهي تتمعن فيها زين وبنظرات تفحص )

كل اللي سواه عقب اللي سمعه منها انه طاح في موجة ضحك عارمه 00 عشان تناظره بعصبيه وبنظرات لوكانت تقتل قتلت

مشعل – ههههههههههههههههه هههههههههههههههههههههه يالله ياحليلك تصدقين تعرفين تنكتين

هي بقهر وهي تشد على شفايفها بقهر – انا ماقلت شي يضحك ولو سمحت ابي رقم خالي

جلس على الكرسي وهو يهدأ من هالموجه اللي صارتله – وانا شادخلني فيك وفي خالك

نوف بقهر – رقم خالي ضاع مني ابي رقمه ابي اسافر له

عشان يوقف ويناظرها بعصبيه – ومن سمحلك تسافريله

نوف – انا

مشعل وهو يقترب منها ويمسك عضدها ويشدها لين وصل باب الغرفه ودزها وهو يوقف على الباب – شكل صاير في عقلك شي انا كم مره اقول لك عقب سنه اخليك تنقلعين بطلق وسوي اللي تبين 00 وكم مره فهمت عقلك التعبان تراني عايف عايف تعرفين شامعنى عايف

هي بإنكسار وتلم روحها بيدينها وتنزل راسها في حضنها – ايه

هو كل اللي سواه قرع الباب بااقوى ماعنده 00 عشان ترفع راسها من صوت الهزه اللي استوت وفي عقلها ( انا مااقدر عليه مااقدر 00 كيف اتظاهر بالقوه قدام هالانسان اللي يخوفني 00 صعب صعب والله صعب )

يتبع ,,,,

👇👇👇

تعديل المقال