رواية خلني داخل حدودك واجبر بخاطر زماني -11

رواية خلني داخل حدودك واجبر بخاطر زماني -11

ساره ترفع كتفها : حتى اناا

: انتي ناويه على نفسك..صح ؟

ساره بدلع: نو . نو

شهقت وانا أأشر ع الكنبه : هييييييييييي وش ذاا

ناظرت تحت .. وانا بسرعه .. مسكتها وكتفتها .. ناظرتني برجاا : عــــــمــــر

: يا قلبه .. يللا بنروح نفطر..

عقدت حواجبها وبوزت : مابي اروح .. خلهم يجيبونه ..

: وه بس ابشرررررررررري ..

غمزت لها وانا اعض شفتي : ونكسب وقت بعد

فتحت عيونها للاخير..ولفت عني.......احبها احبها..لميتها من كتوفها ..ومشيت معها ... لين تيلفون البيت..دقيت ع المطعم .. وقالو ربع ساعه ..جلسنا وهي حاطه راسها على صدري ..رصيتها علي فرفعت راسها وابتسمت لي ..حطيت جبيني على جبينها وقلت :

عشقت وعشقي يفوووق الجنوووون

فلا تعجبو من دموع العيووون

و لاتسألونيي ماذا جنيت

واين الحبيبة

من ستكووون

ساره بهمس : حلو صوتك

نزلت راسي بحركه بسيطه : انتي احلى يا قلبي

كيك وعسل لكن ماهو فـي الصحـون &*& ودعاك من عين الحسود اغطـاك لـه

الله لا يعطيـه نـاس س ينضـلـون &*& ويستر عليـه مـن النحـل لا ياكلـه

نبهنا صوت الجرس..

همست لها : اطنشه

همست لي : حرام عليك جوعانه

: خسى الجوع وانا ولد سعد ..

مــــــــــــــــــالك

جلسنا نشرب شاي بعد الغداا .. بس انا والست لمار لانو ابوي وامي راحو يقيلون بدري .. لاحظت انها فوق ما الشاي حالي جابت سكر وحطت بكاستها ..

: ارحمي حالك

رفعت راسها ..

: بسك سكر ..خلاص

زودت بكاستها ورشفت منها وهي تقول : يم يم لذييييذ

استغربت تصرفاتها احسها مو طبيعيه..رميت كاستي..وانا عيني لها ..دق جوالي ..ما احب ارد وعندي لجه بس لمار هاديه وحمودي نايم فوق..رديت وانا عيني لها ..

" هلاااا..

حسين : مرحبا الشيخ ..

: اهليييييييييين وسهليييييين ومرحبتين بنور العين سبت واحد وتنين

حسين :ههههههههههه تسلم تسلم يا ابو مشعل ...هاااا بكره الوعد ان شااء الله لا تنسى

: ابشررررروا من عيوووووووووني

حسين : شكلك رااايق وااناا ميت واناام سلملم

: نوم العوافي مع السلامه يا هلا "

صراحه شكل لمار وهي تناظرني وااااضح انها ..غيرانه بقووووووة .......

: هههههههههه شـ فيك..

حطت رجل على رجل : مالك انت تغازل..

:هههههههههههههههههههههههههههههههه مو شغلك..

قمت عنها ... موووووتي قههههههر ..لحقتني ومسكت ذراعي ..التفت عليها ..

: نعم ..

عضت على شفتها بشقاوة وقالت : تعال اقعد ابسألك سؤال..

قلت باستهزئ : عشان سؤال تبين اقعد لا مو بـ قاعد..

ترجتني بعيونها وهي تقول بدلع ..انا صراحه فتحت حلقي ..يا هي متقلبه ..: بالله مــــالك ..بلييييز

رجعت مكاني غصب عن عيني..قعدت وحطيت رجل على رجل ..وانا اناظرها بانتظار تتكلم ..طولت قاعده وهي تناظرني مبتسمه ..

ابتسمت غصب : شـ عندك ..

قالت لي بدلع : اول توعدني تتكلم..

: يعني انتي باعتقادك اني رح اجاوبك ع الصامت..

تغير وجهها .. استندت للكنبه اللي وراها ..تنهدت ...

: هه تقولين ليش اقولك زعول ما تشوفين نفسك..

قامت وقالت بين اسنانها : بطلت اسألك....

:ههههههه اقعدي اقعدي بالطيب ..

جلست وهي مبوزه ..يا حلاتها ..

: تكلمي

شبكت اصابعها ببعض وقالت بصوت واطي : اول اوعدني ترد على سؤالي

قمت استهبل لاني اعرفها ان استحت ما تقدر تعلي صوتها : ايش ايش ما سمعتك

رفعت راسها وعضت على سبابتها بطريقه طفوووليه ..ابتسمت وقمت جلست بجنبها ..وميلت عليها..

: عيدي شـ قلتي

صارت تتكلم بهمس من الاحراج : اول توعدني انك ترد

: ان شاااااء الله .. آمري تدللي

صدت الجهه الثانيه بقوة .. لفيت وجهها وقلت : قولي

نزلت عيونها : اخاف تزعل

: اذا ما عجبني ما ارد وما رح ازعل وهذاا وعد

ابتسمت ووخرت يدي وقالت : امممممممممممم انت ......... اممممممم تكتب

: إي اعرف اكتب انا مُدرس

مسكت اطراف الكنبه ونزلت راسها عشان شعرها يغطي وجهها ..: لا مو كذااااا

طبعا انا استهبل بس ابي اكسب وقت وانا اكلمها ..: وشوووو

قالت لي بتردد وهي على نفس الوضعيه : تكتب شعر يعني ..

انفلت صمامات الامان ونطقت واناا امرر يدي على شعرها :

(ولك)..يسعد أبو ترثة هلك قلي .. وش اكتب فيك ؟؟

..... مادام الشعر من فرحة خفوقي صابته سكته

طبيعي .. مثل ماقلبي تحرّك نبضته..... .طاريك

.... مسار الشعر في حكمك تقلّ وتكثر.. حركته

مثل مااغليك و افرح بك بعد... يفرح بك و يغـليك

..... لذا أرجوك تستحـمل عبط شعري وصعلكته

( فشر ) (يئدر) بشر يحكي علينا (هيك) والا (هيك)

... شياطين الحكي تخرس اذا حضْرت ملايكـته

انا اكره ماعلي اكتب غزل لكن عشان ارضـيك

.... أبدخل مملكة غيري واباخذ عرش مملكته

عشانك بـ احرق اشباه القصيد بصاعـقه واسقيك

... زلال الشعر في قلبك عسى الله يطرح بركته

( تفشخر ) شاعرك جزل المعاني واعتقد..يكفيك

....تملّك ذوقك الفاخر وفـ الآخر... تملّكـته

لأنك تمتلك فوق المزايا..... موهبة... تكـتيك

... قدرت تصيد لك طيرٍ يخمّ النقل .. بشبكته

ولأنك.. مختلف ..جداً..... ولا أية شعر يغريك

.... زرعت الخوف في قلب القصـيد وفعلا اربكته

ولأنك جيت شاريني قبل عرفي...... لزوم اشريك

.....هلابك بالخفوق اللي من الوحـشه... تداركته

(أحبك)....... كثر ماودك تعرف شـ كثر افكر فيك

.... كثر مالنوم من عيني على ماقيل ..... جمركته

أنا من غير مااكتب بك قصايد ربنا......... حـاليك

........ معاك الشعر يستسلم قبل لااخوض معركته<< خلف مشعان

اوووووووووووبس..شـ سويت يا مالك .........عضيت على شفتي.. رفعت راسها وهي تلف علي ..وابتسمت ..

قلت ابي اتدارك نفسي : هذااا لواااحد مادري من هو قريت له.... اااااا

مسكت يدي بيديها الثنتين وقالت : يعني انت مالك الاحساس

: لالالالا مو بـ انا .. منهو ذااا

لمار على نفس الوضع ..غمزت لي : مــــــــــــــــالك

حطيت يدي على ايديها ولصقتها فيني وهمست : انتي تجنين على نفسك .. بطلي حركات..

نزلت راسها و لانها لاصقه فيني ما احتجت الا اني انزل راسي وشميت ريحة شعرها ..حلللوه ..ريحته

...: في حاجه يقولون لها غرفتكم ..ابك انت ما تستحي..

ابتعدنا عن بعض .. بسررررررعه.......قامت لمار بسرعه ودخلت .. وانا من الربكه ما اعد اقدر اسولف ..

: هـ هـ ـلا ليش جيت ..اووه اقصد متى قعدت..

ابوي وهو يجلس قبالي قال : والله اذن العصر وقمت ..في ماانع ... عيب يا ولدي كل ساعه نطب عليكم حركه شكل استح على وجهك..

حكيت راسي وقلت باحراج : والله يباا ما اتعمد هي كذاا تجي فجأه..

ابوي : الله يرحمه يوسف ... اللي يشوفه ما يدري انه متزوج ..حتى ولده ما يشيله .. وانت لاصق بالمره والولد .. الله يهنيكم ويرضى عليكم ..ويبلغني بشوفة عيالك آآمين يا رب..

بلعت ريقي بتوتر ..طلعت للمسجد ..

بعد الصلاة

جلسنا كلنا بالمجلس ..وحمودي بحضني ..قطعته تبويس .. تدرون ليش لان لماااار تغااااار ......خخخخخخخخخخ

لمار بدون نفس : بسك تبويس بالولد قطعته

حطيت خدي على خده : كيفي حبيبي واحبه ..صح بابا

حمودي منخنق قال بانزعاج : باابااا

نفضته وقلت بابتسامه : من هو بااباا..

حمودي : ات بابا

: يللا قوول .. احمد

حمودي يردد : احبد

: احمد

حمودي مصر : احبد

: يللا وش اسمك

حمودي : احبد

: شـ اسم بابا

حمودي : بابا

: لاااا ..يوسف قووول يوسف

حمودي : توتف

: يللا قول ..احمد يوسف

حمودي يردد : احبد توتف

حضنته بقوة : يا لبى قلبه يا ناااس .. احبد توتف...

رفعت عيني للمار ..تناظرنا بابتسامه ..ابتسمت لها ...تلفت بعيني ..شفت ابوي يتقهوى وامي سرحانه ..رجعت ناظرتها وغمزت لها ..يا حووول خخخخ حمرن خدودها ولفت بقوة ..

....: السلام عليكم

ما شفنا غير لمار ناطه ولمت اللي دخلت علينا..انا ما استوعبت الا لما

حمودي : نااااااانااااااا

لمار : يا بعد عمري حمدلله على سلامتك يا قلبي ..اشتقت لك اشتقت لك اشتقت لك اشتقت لك ..

مسكت لمار وابعدتها عنها : خلااااص يا بنت الاوادم ..شلونك ساره

ما قربت على طوول خفت انها تخاف مني ..بس هي ابتسمت لي .. والله حليانه بقوة ...قربت ومسكت يديها ..ما قالت شي ..سحبتها وحضنتها ...

: ااااه اشتقت لك حمد الله ع سلامتك يالغاليه ..

ابعدتها وانا اناظر بوجهها بشوووق : شلون دلوعتي ..شخبارها بنتي ..

ابتسمت بخجل وقالت : حمدلله ..

تحركت وانا اشوفها عينها لامي اللي دموعها ..ماخذات مجراهم على وجهها ...راحت لعند امي وسلمت على راسها ويديها ...

ساره بهدوووء : شلونك يماا..

امي تمسح دموعها : انتي يماا شلونك ..وشلون رجلك معاك يا عمري

ساره بهمس :ما في منه يمااا .. حمدلله اللي عوضني خير ..

لفت على ابوي ..اللي عيونه مغرررقه دموووع ...ابتسمت له وهو بعد ..مشو لبعض وسلمت على ايديه ..وراسه ..وهو حضنها ..

ابوي : شلونك يباا حمدلله على سلامتك يا بنيتي

ساره : حمدلله يباا ..الله يسلمك ..

ناظرتني وقالت بابتسامه : اممممم عمر براا

ابتسمت لها ..وهي بعد ابتسمت لي ...يا بعد عمري ..لحظه لمار وينها .. ناظرت حولي ..ما في احد حتى حمودي مو هناا..طلعت لعمر ..وانا بالي معها .دخلت الملحق لقيته جالس ..متكتف ..

: سلاااااااااام

وقف وهو يبتسم ..: وعليك السلااااااام والرحمه

صافحته وسلمت عليه ..وقفنا قبال بعض ..وبعدها ضمينا بعض ..تداخلت اصواتنا..اشتقت لك ..حمدلله على سلامتك يالغالي..

ابتعدنا وحنا ممسكين بذراع بعض ... جلست جنبه ..

: شلون الرحله..

عمر : تجنن ..

: استانستو صدق ..

عمر : الحمد لله ..يا رب لك الحمد ..الرحله تجنن..

ابتسمت وقلت له : حلياااان

عمر يغمز لي : وانت احلف عليك انك عشقان

:ههههههههههه يا حليلك عمووووور ...بعدك دلخ..بس ولووو تفهمني...

ضربني على رجلي ع الخفيف : وجعععع

:هههههههههههههه .. شلون ساره معك عذبتك

غرقن عيونه دموع ..ولف عني ..قال بصوت مخنوق : تصدق .. خفت انك ما تسأل عني ..بسسسسس

حطيت يدي على كتفه .. ناظرني وهو يبتسم وقال : الله لا يحرمني منك..

: شـ بك قالب رومنسي من كثر ما تستهزئ فيني.. ربك بلاااك

عمر وهو يرص على عيووونه :ههههههه اااااااه يا مالك .. الله ياخذ والله يعطي ..

عقدت حواجبي باستغراب وهو كمل : الله سبحانه ..اخذ ابوي وامي وانا صغير .. والله سبحانه عطاني ابو وام واخوووو وزوجه ..عندياهم بالدنيااا

ضربت راسي باطراف اصابعي ..: ما خليتك تسلم على امي .. قم قم

وقفنا والا بدخلت ابوي .. تقدم عمر وسلم على راسه ..ودنق على ايديه ..بس ابوي رفعهم عنه ..وحضنه ..طلعنا لامي .. بس وقفت بنص الطريق ..

: اووو عمووور نسيت زوجتي

عمر التفت علي وغمز : زوجتك

ابتسمت له : يوم دخلت انا دخلت

مسك يدي : قل قسم

انحرررجت : هي مره ومنها لا تفرح يا قلبي

رفعت جوالي بسرعه ودقيت عليها .. طووولت ما ردت..كنت ابي اسكر بس ردت ..

" نعم

: عمر بـ يسلم على امي ..

لمار : انا فوق

: تمااام تمااام ..سلام "

: يللا

عمر : سرينااا

لمــــــــــــــــــار

طلعت بسرعه لما مالك بدى يتكلم مع ساره .. حسيت قلبي ولع .. ارسلت الشغاله تلاعب حمودي بالحديقه وسويت قهوه للرجال وجهزت الصينيه وطلعت فوق .. سمعت نغمه جوالي رديت بلهفه لما شفت "مالك يتصل"

": نعم

مالك: عمر بـ يسلم على امي ..

: انا فوق

مالك: تمااام تمااام ..سلام "

وقفت ..انا وساره اللي طلعت لي أول ما طلع مالك..متركيات على درابزين الدرج..شفنا مالك وهو يدخل ..وعمر يتنحنح ..ساره مسكت ذراعي ورصت عليه

قالت :ياااه ما توقعت اني خوفي ينلغي بهالسهوله

ربت على كفها ..: ربك كريم يا ساره

وقفت ساره على جنب متركيه على الدرج : لمااار

: همممم

ساره : تحبينه

التفت عليها ..بلعت ريقي بتوتر..: مادري

ساره : اااااااه يا لمار ..انا حبيته وماني متخيله حياتي بدونه ..شلون متحملني ..وطريقته اللي خلتني اشوف بعيني واصدقها .......

: الله يهنيك ويتمم عليك يا قلبي

ساره : اممممممممممم لموووور ..انا اناااا اتوقع اتوقع ..يعنيييي انييييييي

مسكت ايديها : من جدك والله

ساره : مادري صارلها يومين ما جااات

: يعني انتي..ياااااااااااااااي

ضميتها بقووووة ... وشديتها وانا امشي ..

: تعالي نقول لامي

ساره : يا عجلك اصبري

نزلنا وحنا بنص الدرج..طلع مالك وناظرنا ولف على طووول وقاال : اصبر اصبر..

شهقت ورجعت بسررررعه ... حتى ساره تركتها .. اخخخخخخ بطني .........دخلت الغرفه .. ورميت حالي ع السرير.. اااااااه يوجع .. يا ربيييييييي..

مـــــــــــــــــــالك

بعض العرب حبـه يـوردك الجنـون \|\|\|\ ولا يوصف لـه غـلاه احكـاك لـه

الموت جـاك وهـو تقلبـه الضنـون \|\|\|\ ولا لك الا الصبر....وش وداك لـه؟

قهرتني هالخبله نازله ..لا ومتشققه .. طليت ثاني مره شفت ساره واقفه بنص الدرج وحاطه يديها على خصرها ومبوزه ..

: يللا عمر

طلع عمر وانا دقيته بكوعي ..خليته يشوف ساره..اتسعت ابتسامته وقال : يا عيني ع الحلاوه والجمال ..

: عمووور وجع احترمني

عمر معطيني اكبر طاااف ..ناظرت ساره ..متعلقه عيونهم ببعض وهي تنزل الدرج بحركة دلع تعودتها منها .. تمسك اصبعها الخنصر ..وتنزل الدرج بشوووويش ..

: عمرررر

عمر : يا اخي صف على جنب..

التفت عليها وانشد :

هلا ياللي تمنيتك نصيبي ...

هلا يا فرحي وسعدي وطيبي ...

هلا يا نصفي الثاني هلا بِك ...

هلا باللي أناديها بحبيبي ...

هلا باللي أناديها بحبيبي ...

جمعنا ربي العالم بحاليّ ...

جمعنا الخير ودعوات الأهاليّ ...

وأنا والله يا أم العيال ...

شكرت الله بإنك لي نصيبي ...

أنا كملت نِص ديني يا حبي ...

لقيت اللي يماشيني بدربي ...

لقيت الطيب وإخلاص وتفاني ...

لقيت اللي بإيدها دائي وطبيبي ...

عليم الله يا أجمل وأطهر ...

وأشرف حب يحي بي ويكبر ...

بأنك في وجودي شئ أكبر ...

من أني آخذ أنفاسي وريقي ...

تقدم عمر ومسك يد ساره .. اللي واقفه ..ومبتسمه .. نظراتهم واااضح فيها الحب .. الله يهنيهم ...صفقت له وساره دنقت ..وهو حضن اكتافها ..

: ما شاااء الله لايقين لبعض الله يهنيكم .. روحو خلو امي تشوفكم مع بعض...

دخلو المجلس.. وانا طلعت فووق ..دورت لمار ..لقيتها بغرفة النووم ..لقيتها منسدحه بعرض السرير..وماسكه بطنها..تقدمت بسرعه ..حطيتها بحضني بحيث صار راسها على كتفي..

: ام احمد اسم الله عليييك شـ فيك شـ صابك..

لمار بصوت مخنوووق : يعوووووووور..

: اش يوجعك ..قولونك..

ناظرتني واحمرت خدودها بس قالت بسرعه :إي إي افففففف..

عدلت نفسها ورجعت رمت حالها علي : اخ يعوور كله منك..

: اناااا ؟؟..انتي الله يهديك مروحه وانتي تدرين عندنا رجااال ..

ضربتني على صدري بنعومه : لأ لأ مو كذااا..

استغرررربت: وشو يعني!!

لمار : هااا اخ مادري ...رح عني الحينا..

: يا بعد تسبدي .. تسنعي بالاول .. ابعدي عني..

رفعت راسها .. وهي تمسك ثوبي بقبضتها الناعمه: عطرررك ذاا مو ساره شرته لك زمان..

:هههههه الا وش به مو عاجبك..

كنها صحصحت ..جلست وقالت وهي تقرب وتشم بطريقه غرررريبه : الاااااا ...هذاا ذووقي ..

استانست : عشاان كذاا..

لمار : ايووووه .....آآآآآآآه ... وشو عشاان كذااا..

غمزت لها وانا ألصق فيها : حبيته ..هديه من دلوعتي ..وذوق حبيبتي..

عصبت : انا مو حبيبتك..

: غصب عنك قلبي اختارك..

لمار : قلبك احووول وما عنده سالفه ..آآآآآآآه..

:هههههههههههههآآآآآآآي .. ادري بس شـ اسوي فيه ..قلبي..

لمار : طيب طيب رح عني الحين .......

: حاضر عمتي ............

قمت عنها .. لما جيت باطلع ..نادتني بدلع ..

لمار : مـــالك ..

: عيون مالك..!!

نزلت راسها وقالت : يهون عليك تتركني كذاا...

ابتسمت بقوة وقربت منها : افااا .. انتي تقولين رح عني ..

وقفت وحطت يدها على راسها : اخخخ ..بطني يعورني..

: هههههههههههه بطنك تحت موب فوق...

عقدت حواجبها ومازالت ملامح الشقاوه مرتسمه على وجهها الملائكي ..: تعورني..

قربت منها وحطيت يدي على راسها : يوووه شكل فيوزاتك ضاربه بالمره ..

ابعدت يدي وهي تقول بدون نفس : ها ها ها ما تضحك ..

تعدتني بس انا سحبتها ولفيتها علي.. اختل توازنها وطاحت على صدري ..

قالت بلهجه طفوليه : يا الله منك ..

: انا ما قصدي كنت باخفف عنك الوجع ..وينه بالضبط وريني ..

اشرت على نهاية بطنها .. وهي تقول : هنااا ..بسبت ........

رفعت عيني وقلت : بسبت ايش ..!!

تلعثمت وقالت وهي تحاول تفك نفسها مني : هاا .. بسبتك انا قلت لك..

: والله ماني فاهم عليك بس يا الله بعديها لك ..

لفيتها وخليتها ظهرها لصدري..وانا حطيت يدي اليمين على بطنها واليسار على خصرها ..

قلت : بسم الله بسم الله بسم الله ..اعذيك بعزة الله وقدرته من شر ما تجدين وتحاذرين..

كررتها سبع مرات ..لاحظت انها ما تحركت ولا مانعت كونها واقفه ملاصقه لي ..لفت علي..

همست : مشكور..

ابتسمت لها وبستها على راسها ..بس هي حطت راسها على صدري وقالت : اسفه مالك ..

: اسفه !!!!على ايش ..!!

ما ردت ..حسيت انها تبكي..مررت ايدي على ظهرها .. رفعت راسها .. يا حلاة عيونها .. يعجبني سوادهم .. قربت منها بستها على خدها ..دق جوالي..كانت تبي تبعد بس رصيتها علي ورديت ..وانا العب بشعرها..

" هلاااا

عمر : يا اخي منت ناوي تنزل لي والا اضف قشي واخذ مرتي واروح..

: لالالا لاتروح الحين نازلين هه

عمر : الحين نازلين ؟؟ ليه انتو من..

: مو شغلك يا اللقافه ..باي

عمر :ههههههههه مع السلامه"

: نسينا عمر وساره ..يللا تنزلين..

البنت رايحه وطي..وجهها احمممممر..ابعدت ..اتجهت للمرايه ..رتبت شكلها .. وراحت للباب على طوول .. يا حبي لك والله ..طلعت وراها .. نزلت من الدرج .. خطواتها البطيئه مكنتني اوصلها بسهوله ..حوطت خصرها ..فـ التفت علي بسرعه وهي تتلفت ..

قالت بعتب : مـــالك..

انا رايح فيها : يا عيونه..

قالت : يعني الا يضربك ابوي عشان ترتاح..

قلت بوله : يا لبى قلبك وانتي تقولين ..( قلدتها )..ابوي..

بوزت ولفت عني .. يا حلاتها .. قالت لي بهمس وهي تميل علي: انا مو لك ..قلت لك اسفه..

رديت بسرعه : بس انا لك ..واسفك مو مقبول ..

ابعدت يدي ودخلت المجلس.. طلعت لعموور ..شفته يسولف مع ابوي اللي عطاني نظره بالصميم ..بلعت العافيه..وقعدت ..قام ابوي وطلع على طوول ..

عمر يحط يده على رجلي بدفاشه : هاااااا ووووينك ابو الشباب..

: اسكت عموور في تطورات والله ..

عمر ابتسم : قلت لك .. بس يبي لك صبر..

تنهدت : إي والله يبيلها صبر ..وصبر ..

عمر : المووووهييييييم ..العشا عندكم تو عمي حلف عليا ..

: حيااااكم الله آل عمر..

عمر : يا لييييت والله نصير آل ..

: توك يا اخوي ..

عمر : اسمع بالله ابشوف ساره ..اذا تبي مشغل والا شي..بعد اذنك ..

: هير يو آر ...

عمر : ثنكيوووو ..يالله ..

: وشووو .. دق عليها ..

عمر : يا ويل قلبي سبك الرجال ..رح نادها والا عطني رقم البيت ..

: خخخخخخخ يالله باناديها لك ..

دخلت بسرعه ..رحت للمجلس..شفت ساره جالسه جنب امي وحاضنتها ..ولمار جالسه عند رجليها ......

: احم احم

لمــــــــــــار

قعدنا عن امي وسواليف ووناسه ..اخذت وقت وتذكرت ..

: يمااا ساااااره ..يمكننننن

امي لفت عليها : صدق يماا

سااره : مادري ماني متأكده

امي دمعت عينها ..قامت ساره حطت راسها على صدر امي ..وانا قمت جلست عند رجل امي..اهديها..

...:احم احم ..

التفت للباب لاني الوحيده المعطيته ظهري...

مالك : شـ عندكم ..

امي : ما في شي يماا ..بناتي ويبن يدللني ..

مالك : احلى يماا ..حركات ..امممممم ساره عمر يبيك ..

عقدت ساره حواجبها :شـ يبي ..

مالك : بنت قومي شوفي رجلك شـ يبي..

ساره : هههههه طيب بدت العنصريه..

مالك : اخو ساره .. لا اذا فيها وما فيها ..اوقف مع عمر..خخخخ

:هههههههه يا حرام سوسو لقطي وجهك...

مالك : وين حمودي ..

: ارسلته مع الشغاله ..تلعبه بالحديقه..

مالك : يللا ساااره قووومي..

ساره مبوزه ..ذبلت ابتسامتي لماا ..جلس جنبها ومسح على شعرها : زعلت عليا دلوعتي ..

هزت راسها بايه ..

قال لها : يا قلب اخوك ..افااا بنتي الغاليه ..لعبتي تزعل مني ..

ساره تتغلى ..صدت عنه ..لفها عليه وقال :يللا دلوعتي .. ترى الحين بيزعل عمووور علينا ...

هش على خشمها برقه ..قال : صدقتي يا هبله ..اذا هو صديقي واخوي ..انتي شوفي..(بدى يعد على اصابعه )..دلوعتي..اختي..بنتي..لعبتي .. غاليتي ..حبيبتي ..

مسكت يده بضحكه : بس بس وش خليت للمار..

ناظروني وانا صراحه بيطق عرق بمخي من الغيره ..انا على جلستي بالارض ..ابتسم مالك على جنب وانا والله نفسي اصفقه باي شي عشان يحرم هـ التلصق بخلق الله ..

ساره : حفظاً للسلامه العامه..انا طالعه وماخذه امي معاي ..هههههههههه

مالك وامي :هههههههههههههههههه

قمت وقعدت جنب امي ....دق جوال مالك ..

مالك : هه هذاا عمر كلميه يا مدامتو..

اخذته ساره وردت وهي مبتسمه " اهلين...................ههههه ........ طيب طيب ...... يالله طالعه .......طيب .."

مدت الجوال لمالك .." هااا .. توجعك يالدب... اييييييييش ....هههههههههههههههههههههههههه ....اوريك ... خلاص انقلع مو طالع ........يا ويل حالي جاااي ..سلام "

قام وعينه لي ..بس انا نزلت راسي.......قال وانا متأكده انه متعمد يعلي صوته : يالله يا جماعه انا بروح مع عموور ومرتوو ..اممم ساعه بالكثير و راجع

رفعت راسي وشفته يطلع بس رجع وناظرني وهو عاقد حواجبه : تبين تروحين مشغل شي ..

قلت بدون نفس : لأ مو رايحه السالفه عشااا بس..انا اعدل نفسي..

انا متأكده ان امي متعمده تنزل راسها ..ناظرها وناظرني وغمز وهو يهمس : ما يحتاااج تهبلين بدون شي....

خدودي ولللعن بس قلت بدلع عشان ارفع ضغطه وبصوت واضح بعد : ادرررري

مالك بضحكه : يا مغرووووووووره هههههههههههه

التفت عنه بسرعه..... وانا اسمع ضحكته الرنانه ......

امي ناظرتني وقالت : الله يهدي سركم يماا ويبلغني بشوفت ضناكم ...يماا حلمت خير والصلاة على النبي..

: علية الصلاة والسلام ...

امي تكمل : شفتك تعطين مالك يدك ..وشوي وانتو واقفين قدام بعض ومعك هديه صغيره مغلفه باحمر انتي مسكتك للهديه مي ثابته ومالك مسكك مره وصرتي ماسكتها باطراف اصابعك ومره ثانيه مسكها بيده ورماها بعييييد...

: والله يماا ما اعرف بالاحلام بس ان شاااء الله خير ..........

امي : ان شاااء الله بس والله اشك انها رؤيااا لاني فتحت عيوني ع الاذان ..

: خير يماا لا تشغلين بالك ...عن اذنك بـ ألبس ولدي ..

علقت بالغرفه ..بعد ما روشت ولدي ولبسته .. ارسلته للشغاله ..وتروشت..ساعه اختار لبس ..اخيرا طلع معاي ثلاث تيورات ..موف ووردي تبع ملكة فاطمه وونحاسي ..كنت راميتهم ع السرير ..وواقفه قبالهم ..

سمعت صوت مالك بحركه حلوه عشان ما يفزعني : بْسسسسس

التفت عليه .. قال لي : شـ عندك متأزمه ..

تنهدت وانا اناظر التنانير...قرب منهم وسحب النحاسي ...

قال : روووعه هاللون .. ألبسيه اشوفه عليك ..

قلت خليني اجرب ..رحت لبسته .. كان تيور كلوش بس قماشته نااعمه وفيها لمعه روعه والقميص هاي نك باكتاف عاريه بتطريز مذهب من عند الرقبه والخصر...طلعت ناسيه وجود مالك ..دخل مالك على طلعتي من الحمام عزكم الله ..كان لاف المنشفه على وسطه لانو روب الحمام تبعه بالحمام الداخلي...تنفست بصعوبه ..وانا اشوفه يبتسم لي ... لفيت عنه ..وهو راح لبس كنه ما يبي يحرجني ..

شويات وسمعته يصفر ويقول : رووووووعه ..يهبل عليك ذااا ..بسسسس عاااري ...

وقفت قداام المرايه ..وهو وقف وراي يعدل شماغه .. ناظرت اكتافي فعلاً عااري مررره .. طاحت عيني بعين مالك اللي كانت عيونه على جسمي .. متتتت من الاحراج .. راح الكبت ....شوي وحسيت بحاجه ناعمه على كتفي ...شااااال ....رفعت عيني لمالك وابتسمت بامتنان ...لفني ناحيته ..طبعاً انا عيني لزقت بالارض مو قادره ارفعها ... مسك يدي وبدى :

يا بياع الخواتممم ..

بدي خااااتم لازردي

لفني بحيث يدي اليسار بيده اليمين والثانيه على خصري وظهري له ...

هديييه للعروساااا ..

حطووو بـِ علبه وردييييه

الليله ست الحلوييين ...

لفني وصرت مواجهته ومسك يدي الثنتين ........

واللهي ويا ما احلاها

حوريهِ من زيها مييييين

والله ابتسمت دنياها

طلع من جيبه علبه صغيره ..فتحها بيد وحده ولبسني خااااااتم لازردي .......

االليله ورد ويااسمين

بدر العالي هناهااااا

رفع يدي وباسها بشغف ........

مالك بهمس : مبرووووك عليييك..

بلعت ريقي وهمست : ليه يا مالك ..

رفع راسي برقه ..قال بصوت هادي : يرحم امك لا تقلبينها نكد.........

يتبع ,,,,

👇👇👇

تعديل المقال