رواية الكفيفه -11
سميره : ايه هذا الي ناقص والله ترتاح واحنا نخدمها
هاني :يمه هبه اختي مااتقدر تشتغل خليها ترتاح طول عمرها تشتغل مثل الخدامه لنا لو خدامه مااتحملتنا كذا وانتي على شربت الدواء والمويه لها جالسه تقولي نخدمها ليه هي ماتستاهل على الاقل خلوها ترتاح يوم انا بخدمها وبخدمكم بدالها بس خلوها ترتاح
فتحي : لا والله وش هاا الكلام الجديد الي اسمعه
هاني :يبه انا كنت في المستشفى تدري وش قالي الدكتور
سميره تخصرت :اي وش قالك ياعيوني
هاني : اختي هبه عندها مشكله في النظر صارت تشوف في ظلام وماتشوف في النور واي ضربه حتى لو خفيفه جايز تأثر فيها وتعمى عماا كلي تدرون من السبب بالي فيها انت ياا يبه انت وامي انتم الي كنتم تضربونها على راسها لليل ونهار وتفرحون اذا لسعتوها بالكهرباء وهذه النتيجه اختي بتفقد بصرها
سميره : ايش تقول
هاني : الي سمعتيه يمه
فتحي : اقولك اطلع فوق تحرك يلا فوق
هاني مسك يد هبه : يلا تعالي
فتحي : وين تاخذها انت بس تحرك يلا
هاني : لا مراح اطلع من دونها
فتحي مسك هاني وسحبه للغرفته وقفل عليه الباب
وهاني يصرخ : يباااااه تكفى الله يخليك افتح الباب ابي هبه يبااااه الله يخليك
سميره : لا والله يابعدي يعني الحين بتكسرين خاطري بعد الكلام الي قاله هاني انتي وش مسويه لولدي ساحرته ياام السحر والطبوب ماتستحين على وجهك احنا الي عزيناك ورزيناك اخرتها تسوي فينا كذا يلا اطلعي براا بيتي يا الساحره
هبه : يمه حرام عليك وين اروح
سميره : ومصمه انا مو امك روحي دوري امك الي قطتك في الشارع وجينا احنا بكل حسن نيه اخذناك وربيناك لو ندري انك بتسوين كذا مااخذناك
هبه :بس انتي امي مالي غيرك يايمه وين اروح من بعدك
سميره : انا مو امك امك رمتك من صغرك واحنا ربيناك يالي ماتستاهلين اقولك طلعي برا يلا هذا الي ناقصني من بعد ماكنتي تخدميني اجي اخدمك لا والله ومااقالت بعد انا اخدم خدامتي براااااا ومسكتها ورمتها في الشارع
هب طايحه عند باب البيت تصرخ يممممه الله يخليك دخيلك لا تتركيني طلبتك افتحي الباب انا بنتك الله يخليك
في المستشفى
محمد : والحين الحمد الله انتي مافيك الا العافيه ونقدر ناخذك البيت
عبير :اي والله اختي تدلع شفت يا هيثووم قد ايش امك تحبك من شوي كانت تعباانه ومو قادره تنطق من شافتك وهي صاير حصان ماشاء الله لا اله الا الله
مريم تضحك : الله يقطع سوالفك ياختي يعني ماترفين غلاة الضنا
تركي : لا تعيدها يا هيثم ترا قلب امك طاير عليك
هيثم يضحك : هذا امي وانا مالي غناا عنها لو تزعل علي العمر كله بضل اراضيها
محمد : بارك الله فيك
مريم : الله يحفظك لي ويعوضني فيك انت واخوك على الي فقدته ويرزقكم الجنه
فيصل : يمه يبه عمي خالي بنطول بالمستشفى تراا انا جعت يلا خلونا نطلع ابي اكل شي معدتي بتتقطع
تركي : وانت ماهمك الا بطنك
هيثم : جد والله حتى انا من اصباح ماكلت شي
عبير :يااقلبي على اولادي ليه
فيصل :اسأليه يمه لا تسأليني مااخلاني اتهنا بلقمه طول الوقت يصرخ ويبكي امي امي
مريم : يااقلبي عليك ياحبيب امك يلا محمد خلينا نرجع ابي اسوي لولادي عشاهم
محمد : تركي لا حظ قالت اولادي يعني لا انا ولا انت محسوبين الي يسمعك يقول انا فتحت لقمه بحلقي من الصبح وانا ماكلت شي حالي من حالهم
تركي : اي والله حسوا فينا شوي خلوا العيال عنكم
فيصل :يعني الحين انتم غيرانين
محمد عاقد الحواجب: والله ماقالت تغار منكم على ايش
هيثم يناظر ابوه ويبتسم
محمد انتبه رفع حاجه : وش عنده الاخ
هيثم ضحك : لا ولا شي بس اول مره اشوفك كذا
محمد ضحك : زين يلا قوم خلينا نرجع البيت وطلعوا من المستشفى
هاني يصرخ ويبكي ويضرب الباب:يبااااااه افتح الباااب
فتحي : وش سويتي فيها
سميره : طرتها من البيت
فتحي : احسن ريحتينا من شرها
سميره : اي والله هذا الي ناقص تبيني انا وولدي نصير خدم لها اشوف بس افتح التلفزيون خلينا نتابع المسلسلات
لما يأست قامت تمشي حايره مو عارفه وين تروح كان العالم حولها كله ضباب كانت الصور متشوشه ماكانت تشوف واضح
نور جالسه على اعصابها تنتظر ساره وكل ثانيه اتصلت عليها
ساره : طيب ياماما انا الحين كلمت السايق وقال ثواني وراح يجي
نور : طيب حياتي انا انتظرك
سامي والهنوف ناموا من التعب على الدرج
تمشي ضايعه مو عارفه وين تروح تهيء لها حد يلاحقها خافت من ظلها وصوت خطواتها تتسابقة خطواتهاا من الخوف
:واخيرا وصل السايق ماكان في ديره وحده على هاا التاخير الي يشوفه يقول جاي من الصين وركبت :يلا تحرك على البيت بسرعه
ساره تناظر من لنافذه لمحت بنت من بعييييد
هبه تركض وتعثرت على الارض ولا قدرة تتحرك
ساره شافت الموقف : انتظر وقف هنا لحظه
سايق وقف : ايش في مدام
ساره : انتظر خلك واقف هنا راح ارجع ونزلت من السياره وراحت تركض لها : سلامات اختي فيك شي
هبه ماتحركت
ساره مسكتها وحاولت تصحيها
هبه فتحت عينها : مين امي
ساره : اختي انتي كنتي تمشين وطحتي وانا جيت اصحيك
هبه : انتي مين .؟ انا مو شايفه حد
ساره : هذا انا قدامك كيف مو شايفتني
هبه : لا والله مااشوف
ساره :يعني انتي
هبه : لالا والله من شويه كنت اشوف
ساره : طيب قومي معي اختي خليني اوديك المستشفى
هبه : لا انا مافيني شي توني راجعه منها قالوا مافيني شي
ساره : معليش اختي خليني اتطمن عليك
هبه ماكان بيدها حل ثاني وقامت مع ساره وراحت للمستشفى وبنفس الحظه الي تركت فيها سيارة ساره مرت سيارة بوهيثم وبو فيصل بجنبهم
بعد نص ساعه
في بيت نور
نور جالسه على اعصابها: يااويلي الوقت تأخر وهاا البنت مارجعت ولا ترد على الجوال ليكون صار فيها شي ياربي وش اسوي اكلم مهند لالا هذا هي جايه بطريق لا ستعجل وازعج الرجال خليني اصبر وجلست على الكرسي تنتظر
في المستشفى
ساره تركض ناحية الدكتور : دكتور دكتور لوسمحت طمني على حالتها
الدكتور : للاسف مااقدرنا نتلحق عليها
ساره :يعني شنوو مااتت
الدكتور : وش الي ماتت لا
ساره : اجل
الدكتور : هي تعرضت لصدمه ادت لفقدها لبصرها
ساره :بس هي قالت لي انها تشوف
الدكتور : كانت تشوف الان اصبحت عميه
ساره : والحل
الدكتور : الحل بيد الله سبحانه
ساره : مسكينه الله يعينها مشكور ماقصرت دكتور وراحت عند هبه
هبه سمعت صوت حد دخل ولفت : مين مين هنا
ساره : انا
هبه : من انتي
ساره : انا ساره الي جابتك هنا
هبه سكتت ومتكلمت
ساره اجلست بجنبها : الحمد الله على سلامتك
هبه :وش قال الدكتور
ساره توهقت وقامت تغير السالفه :اسمعي انتي عرفتي اسمي وانتي وش اسمك
هبه : الله يخليك قولي وش قال
ساره سكتت
هبه : وينك وين رحتي
ساره : قال انك خلاص ماعاد تشوفين مره ثانيه
هبه انهارت وقامت تبكي بحرقه
ساره احضنتها : هدي خلاص اختي حرام تسوي في نفسك كذا
هبه : بس انا كنت اشوف والله كنت اشوف
ساره : طيب اختي قومي معي خليني اوصلك لعند اهلك
هبه ضحكت ضحكة حيره والالم : اهلي وينهم اهلي انا ماعندي اهل
ساره انصدمت : كيف يعني ماعندك اهل
هبه : امي اطردتني من البيت
ساره :كيف امك تطردك من البيت
هبه :قول انا مو بنتها اذا ماكانت امي مين هي امي قولي لي مين امي
ساره احضنتها : هدي خلاص الله يخليك والله مراح اخليك باخذك معي اعتبريني اختك وقوليلي كل الي الي بقلبك
هبه حست باالامان بحضن ساره اول مره من 12 سنه من يوم انخطفت اول مره تحس بالامان
هبه تحط يدها على جهها تمسح دموعها : مشكوره بس انا مابي اتعبك معي
ساره : اسمعي ياا....
هبه : هبه اسمي هبه
ساره ابتسمت : تشرفنا يا هبه
هبه تبسمت
ساره : انا وامي عايشين لحالنا في البيت ماعندنا حد لا ابو ولا اخوان يعني انا وهي بس وانا الوحيده طول عمري كنت اتمنى ان يكون لي اخو او اخت العب معهم بس ربي كتب
هبه :ليه وين ابوك عنكم
ساره نزلت راسها وحبست دمعتها وبصوت مخنوق: ابوي متوفي من سنين
هبه : اسفه ماكنت قصد
ساره تخفي الي بداخلها: لا عادي ماعليك المهم انا اقولك وش رايك تكوني اخت لي وتعيشي معي انا وامي وتصير امك بعد انتي
هبه : بس ...
ساره : هبه مو تقولي انتي ان مالك حد خلاص خلينا نصير خوات ونعيش سوا ويكون لك حد
هبه : بس اخوي هاني بيجي ياخذني هو وعدني مايخليني
ساره : هبه انا مااقدر اتركك وثاني شي اخوك هذا وينه لما كنتي طايحه بشارع وماحد يدري عنك
هبه بكت : امي وابوي احبسوه بالغرفه عشان ماايجي وياخذني
ساره : هبه ان اسفه بس ممكن اعرف قصتك كامله
هبه سكتت
ساره : وش رايك نطلع سوا وتقولي لي قصتك كامله يمكن اقدر اساعدك
هبه هزت راسها
ساره : طيب تعالي معي نتكلم على راحتنا في البيت ماينفع اتكلم ان وياك في مستشفى ماانقدر ناخذ راحتنا وقفت قدام هبه : وش قلتي
هبه :طيب
ساره مسكت يدها واخذتها لسياره
كاتبة الروايه :فديت اسمي (Ebtihal)
توقعاااتكم
هاني يتخله خلاص عن هبه .؟ ولا بيرجع يدورها لين يلقاها .؟
هبه بتعيش عند ساره ولا .؟
اذا عاشت عند ساره معقوله يتعرف عليها مهند وترجع لي اهلها .؟
بتستمر فرحة مريم وبتزداد برجوع بنتها ولا بيطول انتظارها .؟
البااارت ال 16
كاتبة الروايه : فديت اسمي (Ebtihal)
في بيت محمد
عبير : الحمد الله على سلامتك توه منور بيتك
مريم : منور بوجودك
عبير :تسلمين حياتي
مريم : محمد وين سامي .؟
محمد : ماادري اكيد بغرفته هيثم روح شوف اخوك وينه
هيثم : حاظر يبأه وطلع لغرفة سامي ودخل الغرفه : غريبه هذا مو في غرفته وين راح خليني اتصل عليه
في بيت تركي
الهنوف وسامي نايمين على الدرج وقطع عليهم نومهم صوت جوال سامي
سامي فتح عينه وقام يتلفت : ياالله كيف نمت كذا الجوال يرن ان شاء الله امي طلعت من المستشفى يارب ويمد يده ويطلع الجوال : غريبه هذا هيثم يمكن عرف بسالفه خليني ارد عليه واشوف واذا ماعرف اقوله :الوو هلا هيثم
هيثم:سامي انت وينك فيه
سامي : هيثم دريت وش صار
هيثم : وش فيك
سامي :امي
هيثم ابتسم : سمووي امي ماافيها شي وهذا هي بالبيت تسأل عنك
سامي وقف : كيف امي طلعت من المستشفى
هيثم : ايه
سامي : وانت وش دراك
هيثم : انا موجود بالبيت الا انت وينك .؟
سامي :هاا انا في بيت عمي انتظركم جالس مع الهنوف
هيثم ابتسم لما سمع اسمها : طيب سموي اجي اخذكم
سامي : هاا لالا مايحتاج البيت قريب بجي انا وياها بسرعه الحين
هيثم :هاا طيب براحتك
سامي سكر الجوال ولف على الهنوف وقام يحركها : هنو هنو قومي
الهنوف : هاا سامي بشرني اخبار خالتي
سامي : امي طلعت من المستشفى والحين هي في بيتنا وكلهم هناك قومي خلينا نروح لهم
الهنوف :صدق
سامي : ايه وش فيك يلا قومي بسرعه خلينا نروح لهم
الهنوف : طيب بس دقيقه واكون جاهزه
سامي :طيب انا انتظرك
في بيت نور
تعد الوقت لحظه بلحظه : لا مو معقوله انا مااقدر اصبر هذه ماترد على جوالها بكلمه يمكن يقدر يتصرف اخاف البنت صاار فيها شي
في السياره
السايق : مدام جوال انت مافي اسكت انت في خلي شنطه في سياره وجوال كل شويه ترن ترن
ساره : يؤؤ نسيت امي خليني اكلمها
نور توها بتتصل على مهند الا يرن جوالها ترد بالهفه : الووو سويره وينك قطعتي قلبي عليك
ساره : اسفه ماما سامحيني كنت تاركه جوالي بالسياره اسفه وربي اسفه الحين انا جايه بطريق وبقولك كل الي صر معي
نور : ساره حبيبتي فيك شي
ساره : سلامتك ماما بس اذا جيت بكلمك كلها ثواني وانا اكون عند الباب
نور : طيب بشوف اخرتها معك
ساره : باي وسكرت الجوال
هبه : وين بتوديني
ساره : بنروح البيت
هبه سكتت
ساره :هبه اعتبري نفسك في بيتك ترا امي طيبه مره وراح ترحب فيك وبتشوفين
هبه :مشكوره
في بيت محمد
نزل هيثم وجلس بجنب فيصل
محمد : هيثم وين اخوك
هيثم : في بيت عمي تركي الحين يجي هو والهنوف
تركي : اي والله نسيت بنتي الهنوف بالبيت لحالها
فيصل : لا تخاف عليها يبأأه هذه اختي عن عشر
هيثم : اصلا هي ماهيب باحالها معها اخوي سامي
عبير : اي والله عاد سامي ماشاء الله عليه على انه صغير بس رجال يعتمد عليه
محمد ابتسم وناظر هيثم : اي والله رجال
هيثم : وش تقصد يبااه يعني انا مو رجال
محمد : افااا من يقول هذا الكلام انت رجال ونص وانا ابوك
هيثم : اشووه الحمدالله
مريم ضحكت : اصلا انت واخوك تسون رجال الدنيا كلهاا
فيصل : احم عاد الدنيا كلها مره وحده اذا هم كذا انا وين رحت
هيثم : تغار انت وجهك
فيصل : من زينك اغار منك
مريم ضحكت : وانت بعد رجال الدنيا ولا شي بنسبه لك انت تسواهم كلهم
فيصل :احم خالتي احرجتيني بصراحه
تركي : محمد شف لا يفوتك
محمد : اي والله اني شايف
تركي : يقول انحرج
محمد : ماشاء الله اجل انحرجت هاا.؟
تركي : اصلا يافالح انت وياه انتم لولا الله ثم انا واخوي الي جالس بجنبي هنا مااصرتم رجال البركه فينا الي ربيناكم وكبرناكم لحد ماصار لي كل واحد فيكم لسان اطول من ثاني وكل واحد يطلع مراجله على الثاني بالسانه
محمد : اي والله ترا الرجال مو اقوال الرجال افعال ومواقف وانا ابوك لو انتم رجال مثل ماقلتم ورونا مرجلتكم في درسكم وفلحوا ترا هاا لسنه اخر شي لكم
فيصل : في هذا اعتمد امتياز من الان
تركي : اي نشوف مانبي كلام نبي شهاد نبي فعل نبي رفع راس
هيثم : ابشر بعزك مدمت انا ولدكم وتربيتكم بشروا بعزكم
محمد : ايه ورونا مراجلكم
عبير : شوفي الحين كل واحد بيتميلح علينا لصبح وبيبرد العشاء وهم يتميلحون
مريم تضحك : اي والله اقول قومي بس خلينا نشوف عشاهم
عبير : وين وين انتي جلسي وانا بقوم اشوفه
مريم جلست : طيب اساعدك بس
عبير : ولا مساعده ولا شي انا الحين اجهز كل شي
كلها ثواني الا سامي والهنوف دخلوا واول مادخلوا راحوا يركضن عند مريم
سامي جلس قدامها وباس يدها: الحمدالله على سلامتك يمه
مريم : الله يسلمك حبيبي
الهنوف تبوس راس خالتها : الحمد لله على سلامتك خالتي كذا خوفتيني عليك
مريم تبتسم : الله يسلمك حبيبتي بسم الله عليك من الخوف
هيثم من دخلت وهو ماشال عينه عنها
الهنوف حظت نظراته نزلت عيونها من الحياه منه
هيثم في كل لحظه يشوفها تتكلم فيها وتبتسم يبتسم معها
فيصل لحظ نظرات هيثم ومد يده ونقز خصره
هيثم : اه وجعه وش تبي
فيصل : قم ابيك بسالفه
هيثم : بعدين
فيصل : هيثم اقولك قوم ابيك بسالفه
هيثم :يؤؤ فصييييل هي احكمت
فيصل : بتقوم ولا لا
هيثم : قلت لك بعدين
فيصل : زين انا اوريك ويقوم بسرعه ويقف قدام الهنوف : قومي ابيك
الهنوف : وش فيك
فيصل : تعالي بقولك سالفه بيني وبينك
تركي :وش فيك على اختك
فيصل : لا يبااه ابيها بسالفه
تركي : وش سالفته
فيصل : موضوع بيني وبينها
تركي : موضوع بينك وبينها وش موضوعه
فيصل : يبااه بعدين اقولك
تركي :طيب روحي انتي شوفي اخوك وش يبي منك
الهنوف : طيب وقامت
فيصل سحبها للمطبخ
الهنوف :يؤؤ فصيلووه وش فيك
فيصل :شوفي هذه الي بالمطبخ مين
الهنوف لفت : امي وش فيك نسيت امك
عبير : وش فيكم ياا اولاد
فيصل : مافي شي ولف على الهنوف :يلا ساعديها ولا تطلعي من المطبخ لييين تخلصي شغلك
الهنوف :فصييل انت وش تبي
فيصل : الي قلت لك
الهنوف : انا جيت المطبخ من شوي وقالت لي امي انها ماتبي مني شي الحين
فيصل : هننييييف لا تخليني اعصب
عبير : هيي انت وياها انا قلت وش صاير وش فيكم
فيصل : هاا لا مو صاير شي بس الهنوف تبي تساعك بالمطبخ وانا جاي معها
عبير : مايحتاج تساعدوني اذا السالفه فيها زعاج طلعوا عني هناك يلا
الهنوف : شفت الحين عاجبك
فيصل : اسمعي لك الي تبين بس مااتطلعي في وجهه
الهنوف :في وجه مين
فيصل : انتي عارفه مين اقصد
الهنوف : فصيل انت مجنون وش هاا الكلام اصبر والله لقول عليك ابوي والله ماخليك انت تحتاج تأديب
فيصل مسك يدها وسحبها وهمس في اذنها : اسمعي ياخبله وفهمي قصدي زين انا مااقصد الي في بالك بس انا اعرف الي في قلبك انتي وياه انتي اختي وهو ولد عمي واعز اصحابي كل الي ابيه منك انك تتجاهلينه شويه بس عشاني
الهنوف بتوتر: اصلا صلا هو مايهمني هو ولد عمي وبس مو شي ثاني
فيصل : علي انااا هاا الكلام هااااا .؟
الهنوف استحت واحمرت اخدودها :انا مااعندي غير الي قلته
فيصل ابتسم : اي واضح عاش مكابر بس المهم ماعلينا اذا صدق الي تقوليه وريني كيف ابيك تحقريه ابيك تحسسيه وتحسسيني بصدق كلامك
الهنوف ترددت :هااا وسكتت شوي : اي وش علي هو اصلا مثلك مثله مافي فرق انت وياه اخواني
فيصل : طيب يلا وريني كيف
الهنوف : طيب اذا سوت الي تبيه وش الي بتعطيني
فيصل : كل الي تبينه وتتمنينه واولهم ابثبت لك اذا كان يحبك ولا لا .؟
الهنوف : قلت لك انت وياه اخواني
فيصل : طيب
الهنوف : تعال بس نعتذر لي امي ونساعدها
فيصل : اي هذه هنوو الي اعرفها
عبير : هاا وش عندكم بعد
فيصل : ماما نبي نساعدك
عبير : انتوا مو طبيعين اليوم والله
فيصل : ماما احنا نبي نساعدك بس
عبير : طيب طيب
الهنوف: امي وش اسوي
عبير : بس صفي الصحون
الهنوف : طيب يلا فيصل وريني مراجلك وساعدني
فيصل ناظرها بنص عين :عطيني
في بيت نور
ماسكه يدها وتجلسها على الكرسي : اجلسي هنا ارتاحي هبه اعتبري البيت بيتك عطيني لحظه بس بكلم امي ولفت ووقفت بجنب نور
نور : ساره مين هذه
ساره : ماما تعالي الغرفه بقولك شي وخذتها للغرفه وسكرت الباب
نور:الحين احنا بالغرفه يلا قولي
ساره :امي هذه مسكينه تكسر الخاطر اهلها اطردوها من بيتهم
نور :ايش اطردوها من بيتهم
ساره : امي صبري خليني افهمك
نور : وش تفهميني ساره انتي صاحيه اكيد
ساره حطت يدها على شفت امها : لالا امي حرام تحطي بذمتك انا شفتها مسكينه تمشي بشارع وطاحت كسرت خاطري اخذتها ووديتها المستشفى قالوا لي انها صارت عميه مع انها كانت تشوف لما سألت كيف قالوا تعرضت لصدمه عصبيه لما تكلمت منها قالت لي ان امها اطردتها من البيت لانها مو بنتهم
نور : كيف يعني مو بنتهم
ساره : تقول انهم أخذوها من الشارع وربوها لما كبرت ولما كبرت رموها مرا ثانيه بشارع
نور : مسكينه خنت حيلي تكسر الخاطر ليه سوا فيها كذا مو هم الي ربوها خلاص هي بنتهم
ساره : ماادري يمه حالتها النفسيه مره تكسر الخاطر قطعت نفسها من البكي
نور : اي والله مسكينه والحين وش راح تسوي
ساره : ماادري انا قلت لها تجي تسكن معنا ماعندها حد بدنيا كسرت خاطري
نور سكتت شوي
ساره :يمه وربي البنت حبوبه مره اجلسي معها وراح تعرفيها خليها تجلس عندنا لين ربي يفرجها عليها
نور : الله يعينها ويجرها على مصيبتها
ساره :يعني ياامي انتي موافقه
نور : موافقه خلينا ناخذ اجر فيها
وطلعوا جلسوا بصاله
جلست بجنب هبه : هبه اعرفك على امي امي هذه صاحبتي واختي الجديد هبه
نور : نورتي حبيبتي اعتبري نفسك ببيتك وبين اهلك انا امك وساره اختك
ساره : مشكوره خالتي مااتقصرين
نور : حبيبتي ساره دخلي اختك غرفتها خليها ترتاح على ماأجهز العشاء
ساره: ان شاء الله ماما هبه قومي خليني ادليك غرفتك
هبه ابتسمت وقامت وهي ماسكه يد ساره
في بيت محمد
يناظر فيها ومستغرب ليه كل مانظرتني سوت كذا وش فيها علي
فيصل يناظرهم ويضحك ومبسوط من اخته
الهنوف كرهت هيثم وشككه بنفسه من زود ماحتقرته
هيثم لف على فيصل : فيصل حبيبي
فيصل بدون نفس :خير
هيثم يمسح على راس فيصل:حبيبي
فيصل : اخلص وش عندك
هيثم : وش قلت لي اختك
فيصل لف عليه: وش قصدك
هيثم : ماادري عنك انت وش قلت لي اختك احس انها كارهتني
فيصل : وانا وش يدخلني تستاهل اكيد مزعل اختي
هيثم : طيب انا اوريك سويتها يانذل
فيصل ناظر فيه وصد:ياشين الجوع بس
هيثم :جوع ايه زين اكل بس اكل ولف يناظر الهنوف
الهنوف كانت جالسه تاكل وبجنبها سامي
الهنوف حست بنظرات هيثم وتجاهلتها :سمو
سامي لف عليها :هلا
الهنوف :ممكن تعطيني مويه من عندك
سامي ابتسم وقام اخذ كاس مويه وعطاها
هيثم كان يناظر كل حركه
الهنوف لما حست انها بتفشل قامت
هيثم :الهنوف ماكلتي شي
فيصل يناظر فيها ويغمز
الهنوف تناظر فيصل :هاا الا اكلت وشبعت الحمد لله
هيثم انتبه لحركت فيصل وناظر فيه
فيصل :خير
هيثم :الخير بوجهك
فيصل :غصب عنك مو رضا منك
هيثم :طيب طيب مردوده
فيصل :مردوده ولا معاده وهو يضحك
هيثم يناظر فيها وهي قايمه :بايخ وقام وراها
مريم :حبيبي وين رايح ماكلت
هيثم :هاا
مريم :تعال جنبي حبيبي
هيثم :هاا طيب بس بجيب شي وبجي
مريم :طيب
سامي :اجي انا يمه بعد
محمد ضحك :الغيره الي ذابحتكم بس
مريم :اكيد حبيبي تجي تعال ياقلب امك
في بيت فتحي
هاني :حرام عليكم وش سويتوا عذبتوها خليتوها خدامه عندكم وتسبتوا فيها ولما صار الي صار رميتوها ولا كانها شي على الاقل قدرو حسو بحساسها انا وين القاها في بذمتكم وحده مثل حالتها وين تروح امي ردي علي مو هي بنتك كيف سمحلك قلبك ترمينها كذا
سميره :اقول لاتزعجني وصعد غرفتك يلا حفظ لنا كلمتين من كم مسلسل وجاي يطبقهم علينا روح يلا روح
هاني :يمه انا مو مصدق انتي انسانه ثانيه
سميره :ثانيه ولا ثالثه عن الهذره الزايده وخليني اتابع الفلم
هاني :واختي بنتك مو خايفه عليها
سميره :خوف يشيلها ماتقعد منه بموت ياخذها وانت اصلا مصدق انها اختك انا ماعندي غيرك هذه بنت شوارع لا هي بنتي ولا اعرفها
هاني :حرام عليك يايمه طول عمرها عايشه خدامه عندك مامره شكت او قالت شي
سميره :حرمة عليها عيشتها اوص ولا كلمه هذه مغيرتك علي لعبه فيك لعب هاالساحره خذا الله روحها
في بيت محمد
في المطبخ
دخل وراها وسكر الباب
لفت بسرعه :بسم الله هيثم وش فيك
هيثم: انتي الي وش فيك
الهنوف: هيثم بعد هناك خليني اطلع
هيثم : ماراح تطلعين الا لما اعرف وش فيك وش الي صار وغيرك فجأه
الهنوف :هيثم بعد عن الباب
هيثم :انتي وش خسرانه قولي وش فيك واخليك تطلعين
الهنوف :هيثم لا تصير سخيف خليني اطلع
هيثم وقف ساكت ورفع عينه بهدؤ :الهنوف انا الحين صرت سخيف
في الصاله
فيصل لما حس ان اخته تاخرت قام بسرعه للمطبخ
في المطبخ
هيثم :ايه جد انا سخيف تدرين ليه لاني اهتميت فيك وحاولت افهم احساسك صدق اني سخيف تركت كل الي جالسين هناك وجيت متعني اسأل وش فيك تدرين انا مابي اقلقك معي بسخافتي لذالك انا اسف على سخافتي وعن اذنك انا رايح اخاف اعاديك وتصيري سخيفه مثلي
الهنوف كانت ساكته مو عارفه وش تقول لما شافته رايح :هي ثم
هيثم ولا كانه يسمع يفتح الباب بيطلع
وبنفس الحظه فيصل واقف بيفتحه عشان يدخل
كاتبة الرواية :فديت اسمي (Ebtihal)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك