رواية الكفيفه -10
ترى سعادة القلب بعدك قلبـي نساها
ماأحس الشوق إلايوم اكون
وياك
وحياه من دونك مع غيرك قلبي
مايبها
احبك واحب نبضك وهمسك واسمك ومن سماك
دنيتـي معاك حبيبي وش كثر
حلاها
كل الحكي فيني عنك وعن كثر غلاك
غلاك بعيوني اكبر من النور
بضياها
أشتاق لشوفك لوطرف عيني
سهاك
ومن شاف لعيوني شاف اشواقـي وقراها
ياخذني الحكي عنك يوم اسـولف عن حلاك
أحس شوقي لك اكبر من الدنيا
بمناها
يوحشني كلامك ويوحشني
نجواك
شوق روحي لك مثل هم(ن) في غيابك طغاها
سؤالي فيك وعنك وعن عيشتي بدنياك
ترى دنيتي ياعنى القلب غيرك
ماسلاها
ماعرفت الرجا من عرفتك صرت
اترجاك
عزة النفس فيني منك شافت رجاها
فداك جفني وعيني اللي تسكنه
تفداك
ابيات شعري غيرك ماوصل
مستواها
أهواك ياريحة الورد ياغلا الروح
أهواك
ماتشتاق روحي غيرك ملكت كامل هواها
قالت كلماتها ومحمد يهديها ودموعه تذرف :مريم بس حرام عليك رحمي حالك ولدك بخير وبنتك ماتت خلاص انسي انسي
مريم وعيونها غرقانه دموع تناظر محمد بصمت وعينها تكمل حكيها
محمد حط يده على خدها :حبيبتي
مريم طاحت على صدره وغمى عليها
محمد :مريم مريم ردي علي ســــــامـــي بسرعه عطني المويه
سامي جاء يركض ويده ترجف والمويه تنقط من الكاس :تفضل يبأأهـ
كاتبة الروايه :فديت اسمي (Ebtihal)
توقعااااتكم
وقفت هاني ودفاعه عن هبه بدايه النهاية لمعانات هبه ولا بدايه لمعاناه جديده لحياتها .؟
سقوط مريم اعلان لي نهايتها ولا بداية امل لعودت اغلا شخصين لقلبها .؟
سميره وفتحي راح تتحسن معاملتهم مع هبه ولا بتزداد اسواء .؟
هيثم بعد العناا بيرجع لي امه ولا بتزيد القسوه بقلبه ويبتعد اكثر .؟
سكوت الهنوف بيطول ولا بتكشف الاوراق وبتتكلم .؟
الباارت ال14
كاتبة الروايه :فديت اسمي (Ebtihal)
الهنوف تطل بالصاله وتأشر لفيصل: فيصل يلا
فيصل : يلا هيثم بسرعه ماحد حولنا
هيثم وفصل يطلعون من البيت بكل هدؤؤ
في الصاله
سميره : تصدق يا فتحي ولدك صار له فتره ماهو ولدي الي عرفته دايم يجلس معها ويدافع عنها ويبيها
فتحي :وش الي تبين توصلين له
سميره : انا اشك في ولدك ماهو طبيعي
فتحي : قصدك ..
سميره : ايه دايم اشوفهم سوا وغير كذا وش تفسر الي صار الحين اموت اعرف وش الي بينهم
فتحي : هو بغرفته الحين معها صح
سميره : ايه اخذها معاه
فتحي قام من مكانه وفز لعند غرفة هاني
في غرفة هاني
فتحت عينها وحست ان الدنيا ضلام:هاني انت هنا
هاني ابتسم :ايه وش فيك انا بجنبك
هبه :ليه طفيت النور
هاني ضحك : حرام عليك توني مشغل النور ماطفيته
هبه : تكذب علي يا هاني الدنيا ظلام
هاني استغرب وجلس قدامها وحرك يده قدام وجهها : هبوي تشوفيني
هبه : لا ماشوف شي
هاني استغرب وقام وطفا الانوار وجلس قدامها : والحين
هبه : اي الحين اشوفك واضح
هاني عقد حاجبه : بس الان ظلام كيف تشوفيني في الظلام وفي النور ماتشوفيني
هبه مستغربه :لا اشوفك
هاني : مو قلتي من شوي ماتشوفيني
هبه :الا بس مو واضح الحين اوضح
هاني :انتي مو طبيعيه لازم اوديك المستشفى
الا بصوت الباب
فتحي : هااني افتح الباب قبل اكسره فوق راسك
هاني فتح الباب وهو ماسك هبه وطالع
فتحي يناظر : تعال وين رايح
هاني : هبه تعبانه بوديها المستشفى
فتحي : تعال تعال من يقول توديها
هاني :يبه البنت تعبانه حرام عليكم رحموها خلاص ومشى وماعطى ابوه اهتمام
فتحي وقف يناظر هاني ويتذكر كلام سميره : بجد هذا الولد مو طبيعي صدقتي يا سميره
هاني ركب السياره وركب هبه بجنبه
سميره شافت فتحي واقف يكلم نفسه راحت لعنده: وش فيك
فتحي ناظرها : انتي قلت لي ولدك من متى على هذا الحال
سميره : فيك شي
فتحي : لا والله ولدك الي فيه
سميره : بسم الله على ولدي بعدوينه ان شاء الله
في السياره
الهدؤ ونظرات تئمل وسكون ودموع على الخد مثل السيل
فيصل كل ثانيه يف ويناظر فيه ويحاول ينطق لجل يهديه لكن يخاف ان حالته تزيد حط يده على يد هيثم وشد عليها : خلاص يا هيثم لاتسوي في نفسك كذا
هيثم يحاول يكتم الي بقلبه ببتسامة الالم :فيصل
فيصل : عيون فيصل
هيثم : الله يخليك تعب قلبي من الهم الي فيه تكفى نسيني مافيني
فيصل ابتسم: ايوه هذا هيثم الي اعرفه ولا يهمك الان انسيك همك ومد يده واخذ سي دي : هذا اخر البوم لراشد عليه اغاني فضيييعه مرره
هيثم : على ان مالي نفس بس سمعنا يلا
فيصل :طيب ويشغل الاغنيه
ابتدا الصيف والصيف إن بدا فيه عاده
قلت الوصل والضيقه وبعد الحبايب
آه ياقلبي اللي فارقته السعاده
كل ماقلت طاب لا ماهو طايب ..
لاتذكر هوى باله وغاية مراده
هاب لو كان بالشدات ماهو بهايب
لكن البعد مثل الموت لا جا حصاده
مايرده سموم ولا ترده نوايب ..
ليت محبوب قلبي مايغادر بلاده
ونجتمع ماعلينا من سموم الهبايب
اتصبر على الفرقا ولا لي جلاده
واتعزز وانا قلبي من البعد ذايب ..
لاتذكر هوى باله وغاية مراده
هاب لو كان بالشدات ماهو بهايب
لكن البعد مثل الموت لا جا حصاده
مايرده سموم ولا ترده نوايب ..
لا تلومون قلبي يوم عاش النكاده
لا تقولون كثر الدمع ماله سبايب
صدرو لي بعد فرقا حبيبي شهاده
بعد فرقاه مالي غير عوج النصايب ..
لاتذكر هوى باله وغاية مراده
هاب لو كان بالشدات ماهو بهايب
لكن البعد مثل الموت لا جا حصاده
مايرده سموم ولا ترده نوايب ..
هيثم كان يسمعها وسرح في كلماتها وعينه تستمر في سيلها وهام في فكره بعيد وذكريات الطفوله مع اخته هدى بكل لحظه لهم سوا وقطع عليه افكاره شي غريب لحظه في فيصل
فيصل وقف السياره على جنب وحط راسه على الدركسون
هيثم لف وناظره ومسح دموعه :فيصل وش فيك
فيصل ماارد عليه
هيثم طفى المسجل وحط يده على فيصل وقام يهزه : فيصل فيصل فيك شي
في المستشفى
واقف عند العنايه رايح جاي على اعصابه موقادر يثبت نفسه او يخفي خوفه
في بيت محمد
رن التلفون
:الو
:هلا حبيبي وين ماما
ودموع تسبق الكلمه:خالتي امي تعبانه طاحت علينا واخذها ابوي المستشفى
عبير : هاا وش قلت اختي وش فيها
سامي : ماادري والله
عبير : طيب في اي مستشفى
سامي : مااعرف
عبير : طيب طيب حبيبي لاتخاف ماما مافيها الا الخير
سامي بكاا : طيب
عبير : انتبه على نفسك حبيبي طيب
سامي :طيب
عبير :يلا مع السلامه
سامي سكر التلفون
عبير قامت تنادي :تــــركـــــي
تركي نزل بسرعه وراح لعندها :وش فيك تصرخين فيك شي في الاولاد شي
عبير : لالالا يا تركي
تركي وقف :اشووه الحمد لله اجل ليه تصرخين
عبير :اختي يا تركي اختي
تركي :وش فيها اختك
عبير :طاحت والحين هي بالمستشفى
تركي : لاحول ولا قوة الا بالله
عبير : وديني لها الحين
تركي : اذكري الله مافي الا الخير ان شاء الله ولبسي عباتك وهدي لا تفجعين العيال
الهنوف كانت واقفه وسمعت وراحت تركض :يمااه يبااه اجي معكم
تركي : لا حبيبتي خالتك مافيها شي خلك بالبيت وانتي يلا البسي
وطلعوا ركبوا السياره
راحت الهنوف تركض واخذت الجوال
في السياره
هيثم :فيصل رد علي انت فيك شي
رفع راسه وعيونه غرقانه دموع :معليش هيثم دخلت جو بالاغنيه
هيثم : من جدك عن العياره قول وش السالفه
فيصل يمسح دموعه وابتسم:يؤؤ هيثم وش فيك بجد دخلت جوو
هيثم : اسمع بتقول ولا بنزل
فيصل مسك يده : وانت هذا الي شاطر فيه
هيثم ابتسم:اجل قول
فيصل : مابي ازيد همك على الي فيك
هيثم :قول همي اذا عرفت ان فيك هم وانا اخر من يعلم
فيصل نزل راسه :ذكرت اشياء قديمه
هيثم : والله وفي ذكريات وانا ماادري فيها
فيصل : لما اشوفك تبتسم اذا سمعت اسم اختي وتفرح اذا سمعت صوتها انا ان سمعت اسمها قلبي يتألم واتمنى بس اسمع صوتها مو بس اشوفها بجد اتعذب في كل لحظه اذكرها فيها الانسانه الي حبيتها حب طفوله حب بريء صادق افقدها في كل لحظه لذكرت لعبنا سوا افقدها في كل لحظه اشوفك عيونك تبتسم لذكرت اختي ساعات احسدك مع ان مصيبتك اكبر من مصيبتي انا فقدت حبيبه وبنت عم قريبه وانت فقدت اخت وانا ادري مافي اغلى من الاخت
هيثم مسح دمعته ومسك يد فيصل : فيصل الله يخليك يكفي لا تزيد المواجع انا ادري بهمك وحزنك وكل الي بقلبك
فيصل : قلت لك بس انت الي اصريت
هيثم ناظر فيه : فيصل لو كانت اختي عايشه تتوقع تحبك
فيصل ابتسم : اكيد بتحبني مثل ماختي تحبك
هيثم : وانت مصدق نفسك ترا اختي ذوق ماتناظر اي حد
فيصل : ياااسلام وش قصدك يعني
هيثم ضحك:يافالح اختي طالعه علي مااتختار اي شي
فيصل : انا اي شي لالا وبعد اي حد يااااهوو ترا انا ولد عمهاا لا و ولد خالتها بعد وغير كذا ياذووق البنت الي تحبها اختي هاا ترا اقدر اقلبها عليك انا اخوهاا لي كلمه عليها
هيثم :لالالا والي يرحم ولديك والله امزح معك وهذا راسك ابوسه
فيصل ضحك : غصب عنك مو رضا منك
هيثم : انطم بس نطم ويلا ودينا نشوف العالم مو موقفنا في نص الطريق مدري وش تورينا
فيصل : هااا وش قلت
هيثم : هاا لالا اقول ياحبيبي ياحياتي يلا خلينا نطلع نتمشى بدال الوقفه بنص الشارع
فيصل : اي فكرة بعد
بالمستشفى
:دكتور انا مو فاهم وضح لي هي وش فيها
الدكتور :اختك تعاني من مشكله
هاني : وش تقصد
الدكتور :انا الي ابفهم هي وش صار معها بضبط
هاني :وش الي بيصير يعني
الدكتور :تدري ان اول مره تمر علينا حالة مثل حالة اختك بجد حالتها غريبه فعلا
هاني :طيب ايش حالتها بضبط
الدكتور :اجلس عشان تفهم
هاني جلست :جلست قول
الدكتور :الي باين مع اختك ان شبكة عينها تعبانه مره والحاله الي تصير فيها هذه بداية لعمى اختك ماتشوف في النور لكنها تشوف في الظلام وهذه البدايه لازم تخضع لعلاج مكثف عشان ترجع تشوف من جديد لازم تهتموا فيها وتنتبهوا عليها لان اي ضربه او اي شي بسيط يمكن يفقدها بصرهاا نهائياا
هاني :يعني اختي بتصير عميه
الدكتور : اذا سارعت بالعلاج راح ترجع بتشوف
هاني :يعني ممكن ترجع تشوف
الدكتور : طبعا
هاني : كم يكلف العلاج
الدكتور : على حسب الجلسات
هاني :خلاص انت حدد موعد وانا راح اجيبها على طول تتعالج
الدكتور اخذ ورقه وعباها بينات وعطاها هاني
وفي غرفه ثانيه بالمستشفى
دخل تركي وعبير في غرفة مريم كان محمد واقف
عبير اول مادخلت جلست بجنبها وحضنتها :كذا يا مريم تخوفينا عليك
مريم :لا تلوميني هذا قطعه مني انا كل يوم اتقطع لذكرت اسمها وتقطعت اكثر لما زعل الغالي
تركي :يابنت العم طولي بالك هذا الاولاد يزعلون ويرضون وان شاء الله يرجع وتفرحين فيه
محمد :قولها يا تركي خليها تعرف ان ماورا حزنها غير المرض
في بيت تركي
تقلب الجوال ورايحه جاي :ياربي اتصل ولا ماتصل بتصل وبقول له يمكن يحن قلبه ورفعت الجوال
في السياره
رن جوال فيصل
فيصل :هثووم تتوقع مين الي متصل علي
هيثم لف عليه :يعني مين الحول الي غلط بالرقم
فيصل ضحك : حول بعينك هذه اختي هنوو
هيثم : هاا بجد رد رد شوف وش تبي
فيصل : ايه برد وبقول لها وش قلت
هيثم : صدق واحد سخيف مااله دااعي
فيصل :اسكت بس خليني ارد عليها ورفع الجوال : الو هلا
الهنوف :فيصل انت وينك
فيصل : ليه في شي صاير
الهنوف :هيثم معاك
فيصل يناظر في هيثم:اي معاي وش فيك
الهنوف :فيصل خالتي طاحت ودوها المستشفى وهي الحين مره تعبانه كلم هيثم خليه يروح لخالتي يمكن لشافته تطيب حرام والله تكسر الخاطر
فيصل :هنوو انتي تتكلمين بجد
الهنوف :فيصل بذمتك هذا كلام يمزحون فيه توه ابوي وامي راحوا لعندها المستشفى ولا رضوا ياخذوني معاهم تكفى فيصل اذا بتروحون خذوني معكم الله يخليك
فيصل :زين زين يصير خير يلا اكلمك بعدين
هيثم :في شي الهنوف فيها شي
فيصل : ماادري وش اقولك بصراحه
هيثم :قول خلصني ترا طيرت قلبي
فيصل :اختي مافيها شي بس
هيثم : بس ايش
فيصل : اصبر علي خليني اتكلم
هيثم :طيب طيب قول اسمعك
فيصل : موعارف كيف اقولك بصراحه يا هيثم انت لازم تروح تشوف امك
هيثم :يؤؤ يافيصل ورجعنا لطير يالي انت منت ناوي تخليني ارتاح ولا ...
فيصل قاطعه :هيثم هيثم اسمعني انت فاهم الموضوع غلط
هيثم :وش فاهم مافاهم انت وش فيك ماتفهم قلت لك لا تفتح هاا السيره خلاص
فيصل :بس الموضوع مومثل مانت فاهم هيثم امك تعبانه محتاجه تكون بجنبها صدقني ياهيثم انا ماكذب عليك
هيثم فز قلبه وقام يناظر فيصل :وش فيها امي
فيصل :اليوم امك طاحت وودوها المستشفى روح الله يخليك يمكن لشافتك تخف وترجع حرام عليك يكفيها الي فيها واذا على الكلام الي قالته لك انت تدري انها ماكانت في وعيها حرام عليك تعذبها يكفيها العذاب الي فيها ياهيثم لا يصير قلبك قاسي انت والزمن عليها
هيثم يناظر وهو مصدوم :فيصل انت تمزح معي صح
فيصل :خبل انت خبل وش امزح معك وانت تشوف ان هذا موضوع حد يمزح فيه لللاسف لا ماامزح
هيثم سكت لحظه ولف وعينه غرقانه بالدمع :وديني لي امي بسرعه يافيصل ابي اشوف امي
فيصل :طيب طيب هدي لا تصرخ
في السياره
ساره :اسمع انا بننزل السوق اول ماخلص راح اتصل عليك تجي تاخذني فاهم
السايق :يس مدام
ساره نزلت السوق وقامت تتسوق لحالها
في المستشفى
هاني ماسك يد هبه :ماتشوفي شر حبيبتي
هبه : هاني انت مصدق الكلام الي قاله لك الدكتور
هاني : لا تخافي هبويه انا مراح اخليك
هبه : هاني بس انا اشوف والله اشوف
هاني :ادري انك تشوفي انتي تشوفيني في نور خافت او بظلمه بس
هبه : هاني لا تقول كذا لا تخوفني
هاني : حبيبتي لا تخافين خليك واقفه هنا بروح اوقع الاوراق وجيك طيب
هبه :طيب بس لا تتاخر وراح لعند الدكتور عشان ينهي الاوراقها للعلاج
وتمت هبه واقفه في سيب المستشفى
دخل هيثم وفيصل يركضون حايرين مايعرفون وين يرحون
فيصل :هيثم انتظر طول بالك خليني اسأل
هيثم :بعد عني ابي اشوف امي وراح يركض
هبه كانت تمسك بزوايه خايفه تطيح باي لحظه
هيثم كان يركض بدون احساس كل همه يشوف امه وكان حاس بغشاوه على عينه لدرجه انه ماعاد يشوف الي قدامه
هبه كانت تنتظر وتتمسك بالزوايه:ياربي تأخر هاني وين راح يا الله انا خايفه
هيثم بدون احساس صدم في هبه وطيحها على الارض
فيصل كان واقف من بعيد وشاف منظرهم وراح يركض لهيثم
هيثم قام ورفع عينه المليانه دموع:اسف اسف ماكنت اقصد سامحيني اختي ممكن اساعدك
رفعت راسها والتقت عيونه بعيونها :ااه
فيصل جا يركض :سلامات هيثم وش سويت الله يهديك اختي سامحينا مكان يقصد
هبه : لا عادي ماصار شي
هيثم من شاف وجهها وهو مو قادر يبعد عيونه حس بشي غريب :ياالله هذه مو غريبه علي احس اني اعرفها
فيصل مسك هيثم :هيثم وش فيك
هيثم لف راسها :هاا
فيصل :يلا قوم خلينا نشوف خالتي
هيثم :طيب وقام وهو يناظرها
فيصل كان يكلم هيثم ولا ناظرها ابدا
هيثم مد يده : ممكن اساعدك اختي
طلع هاني من الغرفه وشافها طايحها على الارض وراح يركض : هبه وش صار
فيصل : اسفين اخوي ماكنا نقصد اعذرنا
هاني شاف هيثم ماد يده لي هبه بدون شعور مسك يده وبعدها :لا تساعدها انا اساعدها
هبه مسكت يد هاني وقامت : هاني ترا ماكان يقصد
هاني : يلا تاخرنا خلينا نرجع البيت
هبه :طيب ومشيت مع هاني
هيثم وقف مكانه يناظرها وهي رايحه
فيصل مسك يد هيثم :وش فيك يلا خلصنا وسحبه ومشى
هيثم مشى مع فيصل لكن عيونه كانت تتبع هبه
آآآآآآهــ يأأأ قسوووتك يــأأ زمــان يووم التقينا من بعد غيبه نسيتني ونسيتها من نكون من يوم الفرقا مانسيت ملامح وجهها وضحكتها ونظرت العين ورسمة الجفون والحين وقت القااء ماعرفنا بعضنا ماعرفت من تكون وماعرفتني من اكون يازمن اثرك قاسي كذا فرقت بين ام واطفالها وبين اخوان كانوا يلعبون وينها اول تناديني ياخوي تعال نلعب سويا وبغلبك وبكون انا الفايزه وانا ارد واقول اتحدا حد يغلبني ياختي المصون كنت طماع واناني كانت تحبني وتضحك عشاني كانت تجيني كلها وله اخوي وش رايك نلعب سوا وانا دايم اردها واقول عيب يابنت هذا الكلام انا ولد ومايصح تلعبي معاي نسيت اني طفلا صغير بحساس اناني كبير ضربتك وقسيت عشان ماتشاركيني في لعبتي وامي تدلعكي وانا ازيد غيره واقول والله لوريك لكبرت لحبسكي بقفص طير واخذ منكي امي وابوي وتكوني لحالك ويكونوا لي ولما فقدك حسيت فيك حبيتك اشتقت لك وميت لجل شوفت عينك وينك ياختي هذا انا اخوك ينتظرك وجايب لعبته تعالي مابيها ابيك انتي اغلا من العابي كلهم انتي عطري انتي كل الي تبين انا احبك ماكرهك وكل الي قلت كان مزح سامحيني وارجعي خلينا نلعب للفجر واذا جاء وقت نومتك تعالي بحضني وخذي قلبي مفرشك بس دخيلك لا تبعدين يوم التقينا ماعرفتي من اكون وللاسف انا بعد ماعرفت من تكوني آآآآآآآآآه يااقسوتك ياااازمن
كاتبة الروايه :فديت اسمي (Ebtihal)
توقعاااتكم
معقوله هبه مااعادت تذكر هيثم .؟
معقوله بتصاب بالعمه وتصر كفيفه وتكون هي المعنيه بالعنوان .؟
هاني بيتم واقف معاها ويساعدها لي الاخير ولا .؟
هيثم وفيصل معقوله بعد هذا القاء مااعرفوهاا هي مين .؟
مريم راح تبداء من جديد وتنهي رحلة احزانها .؟ ولا بتستمر باحزانها ومعناتها .؟
البااااااارت ال15
كاتبة الروايه :فديت اسمي (Ebtihal)
فيصل :هيثم هي وين رحت ترا البنت راحت خلاص
هيثم :هاا اي بنت
فيصل : ماادري عنك كانك نسيت اختي
هيثم :لالا بس حسيت اني اعرفها
فيصل :لا يتهيء لك
هيثم :وين امي مااوصلنا لغرفتها لساا
فيصل :الحين ذكرت امك هذا احنا قربنا هذه غرفتها
هيثم راح يركض ودخل الغرفه وهو يصرخ :يــــــــمــــآآآآآهـ
كل الموجودين التفتوا يناظرونه
هيثم راح يركض ورمه نفسه بحضن مريم
مريم جلست وحضنته :حبيبي وين رحت وخليتني
هيثم : امي سامحيني وربي ماكنت ادري ان بيصير فيك كذا انا اسف والله مااعيدها اوعدك مااتركك دايم بكون بجنبك
مريم :حبيبي انت ماتعرف غلاك عندي انا اموت لصار فيك شي انت واخوك غالين علي واخاف عليك
هيثم باس راس امه ولف يناظر ابوه وباس راسه :اسف يا يبه سامحني
محمد : هيثم انت وين كنت ماتم مكان مادورناك فيه وين رحت
هيثم :بصراحه ماادري وش اقول بس توعدني يابوي اذا قلت لك ماتعصب
محمد :بعد اعصب اكيد مسوي شي
هيثم : لا و مسوي شي بس اخاف تعصبون علي
محمد : قول وين كنت فيه
هيثم : طيب اوعدني انت وعمي
تركي : قول ولك الامان مني
هيثم : بصراحه كنت معاه
تركي : مع مين
هيثم لف ناحيت الباب
فيصل :احم كان معي يايبه
تركي : هاا مو انا سألتك وقلت لي ماتدري عنه
هيثم : انا قلت له اذا قال لحد مراح يشوف وجهي
فيصل دخل ومسك يد ابوه وعمه : تكفون سموحوني تووبه مااعيدها
عبير : حسبي الله على بليسكم طار قلبنا عليك وانت في بيتنا واحنا اخر من يعلم
هيثم : اسف
عبير : وش تنفع الحين شوف وش سويت بامك
مريم : خلاص حصل خير بس ولدي بيوعدني انه مايكررها
هيثم جلس بجنب امه :اكيد تووبه وربي تووبه مااعاد اعيدها ابد
في السياره
هاني : وش فيك ساكته
هبه : ماادري خايفه
هاني : من ايش
هبه : ماادري
هاني : هبه الشباب الي من شوي اذوك
هبه : لا بس ماادري لما كان يعتذر مني حسيت ان صوته مو غريب علي مو اول مره اسمع هذا الصوت مع اني بحياتي ماطلعت من البيت
هاني : انتي شفتيه
هبه :لا مااشفته كان على عيني ضباب ماقدرت اشوف
هاني :لا تخافين راح ترجعين تشوفين وبنسبه لي الشباب صدقيني يتهيء لك
هبه :يمكن ماادري وبخاطرها :بس الاسم مو غريب علي انا متاكده اني اعرف هذا الشخص
في بيت فتحي
سميره : فتحي ولدك طول مره
فتحي : صبرك الحين يجي
في بيت محمد
سامي جالس عند الباب على اعصابه مو عارف وش يسوي ياقايم ياقاعد : الله وش اسوي تأخرو مره اقول خليني اروح بيت عمي يمكن طلعوا من المستشفى وراحوا هناك ونسوني
في بيت تركي
الهنوف جالسه على الدرج مقابله الباب نتظر اي ظل يمر بس يطمنها وكلها عشر دقائق ورن الجرس قامت تركض لباب :مين
: هنوو افتحي انا سامي
الهنوف فتحت الباب : هلا سموو طمني اخبار خالتي
سامي :ليه هم ماجوا عندكم
الهنوف : لا انا جالسه انتظرهم
سامي : ياالله انا بموت مافيني صبر
الهنوف :سموو اقول ادخل خلينا نتظرهم داخل بلا مانوقف عند الباب
سامي دخل وسكر الباب
الهنوف جلست على الدرج
سامي :ليه جالسه هنا
الهنوف : عشان اول ماايدخلون اشوفهم
سامي قام يناظر الباب والدرج : اي صح وجلس بجنبها يناظرون الباب ويترقبون دخول اي شخص
في السوق
كانت تتسوق وماخلت شي حلو بسوق مااخذته رن جوالها ووقفت تطلعه من الشنطه : هلا والله
: هلا حبيبتي خلصتي ولا
ساره : ماما توني نازله السوق ماا مداني اشوف شي
نور : طيب حبيتي لا تطولين مااتعودت على البيت من دونك كل خمس دقائق طمنيني عليك انتي الله يهديك نزلتي السوق لحالك لو عمك مهند معاك ارتاح بالي شوي
ساره : لا تخافين على بنتك ياامي تراها عن عشر رجال الحين اخلص واكلم السايق يجيني لا تخافين
نور : طيب حبيبتي لا تطولين
ساره : ان شاء الله ماما
سكرت من جوالها مامداها تدخله الا رن من جديد : هلا ماما وش فيك
ضحك : هلا حبيبتي سارونه
ساره : يؤؤ بابا مهند هلا اسفه فكرتك ماما
مهند : لا عادي حياتي
ساره : تسلم بابا
مهند : حبيبتي ساره انتي ناقصك شي تبين شي تبيني احولك فلوس زياده قولي يااعمري لا تستحين كل الي املكه لك
ساره : لا بابا الفلوس الي عندي تكفيني والله كثيره علي مرره
مهند : لا حياتي انتي اي شي تبينه لا تترددين تقولين لي انا وكل مااملك لك
ساره : تسلم يابوي بس وربي مو ناقصني شي
مهند : طيب بس اوعديني اي شي ينقصك تتصلي علي وتقولي لي على طول
ساره : ان شاء الله بابا
مهند : حياتي يلا اخليك
في الصاله
جالسين على اعصابهم ينتظرون واول مافتح الباب لفوا ناحيته يناظرون
دخل وهو ماسك يدها ومتجه لغرفته ولا كانه شايف حد
فتحي قام من مكانه : لحظه لحظه انتظر انت وياها وين رايحين
هاني : باخذها ترتاح للغرفه
سميره : ياعيني على الي بترتاح انا من اول كنت شاكه ان في شي بس قلت لا يمكن اوهام عينك عينك تاخذها لغرفتك
هاني : وش قصدك يمه
فتحي : انت فاهم قصد امك زين
هبه وقفت مو عارفه وش تقول
هاني :يمه يبه اختي هبه تعبانه مره لازم ترتاح
سميره : ايه هذا الي ناقص والله ترتاح واحنا نخدمها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك