بداية

رواية اختلفنا من يحب الثاني أكثر-12

رواية اختلفنا من يحب الثاني أكثر- غرام

رواية اختلفنا من يحب الثاني أكثر-12

ندى جلست العصر وشافت الجوري جالسه تحط لهاكحل...
ندى: اقول ليه مخليتني نايمه لهالوقت
جوري : ابد قلت انتي ماعنك لاصلاه ولا شي فا ليه اجلسك
ندى : وماتجلسيني الى اذا صار عندي صلاه
جوري: لان مافي شي يسوى اجلسك عشانه غير الصلاه
ندى قامت وراحت دورة المياه ولما طلعت شافت جوري تلبس عباتها
ندى : اقول اختنا في الله على وين العزم
جوري : ابد بروح عند بنان وفرح المغرب برجع لانهم بيروحون بيت خالتهم
ندى : وليه بتروحين
جوري بمزح: ابد اهيء نفسية بنان لماقابل حبيب القلب
ندى: ههههه
جوري: بتروحين؟؟
ندى: لا ماني رايحه لان احتمال تجيني أريج
جوري : متى بتجي؟؟
ندى: ماأدري والله يمكن على المغرب
جوري: طيب تعالي انااا المغرب برجع وبيت عمي مو بعيد يعني حتى اذا جات قبل يمديك ترجعين
ندى : لالا مالي مزاج اطلع بدخل اخذ لي شور
جوري: طيب براحتك سيووو ماي سستر
ندى ابتسمت لها وراحت لدولابها تاخذ لها ملابس


وعند شخصيه قديمه جداا (نوره)
كانت جالسه في شقتها وماسكه جوالها بتتصل على خالد..
خالد بضيقة خلق: الووو
نوره بدلع ومياعه: هااااي حبيبي
خالد: نعم اختي شكلك مغلطه بالرقم
نوره بنفس الدلع: اوبس ليه مو هذا رقم خالد بن علي
ال......
خالد باستغراب : أي نعم آمري وش بغيتي ومنو انتي ؟؟
نوره: افا ماعرفتني انااا حبيبتك تنسى صوتي..
خالد واهو ماله خلقها ابد: اووووف خلصيني تراني مو رايق لك منو انتي
نوره بضحكه: ههههه طيب شوف انااا اول حب بحياتك حاول تتذكر انت ماحبيت لاقبلي ولا بعدي
خالد : آسف انااا ماحبيت الى وحده بس واكيد انها مو انتي
نوره : عارفه انك تقصد ساره لاااا ياقلبي انت توهم نفسك بس انك تحبها ولا انت ماتحب غيري
خالد : اوووهوووو تراني مو رايق لك ولسخافتك ياتقولين منو انتي يا بقفل الخط
نوره :هههههه طيب حياتي لاتعصب بقولك اناااا امممم نوره
خالد في البدايه ماعرفها بس على طول تذكر الشريط وصرخ صرخه اللي بالشارع كلهم لفو عليه: ياحقيررررررره ياوااااطيه يابنت ال............. ويا...........
نوره بضحكه مستفزه : ههههههههههه هدي اعصابك ياروحي ماتسوى عليك يصير فيك شي وقالت بدلع: من لي غيرك انااا
خالد ماقدر يتحمل يسمع كلمه وحده زياده منها وسكر الخط بوجهها
وثواني ووصله مسج منها ( ههههه حبيبي انت ساره انساها انتي لي انااا وبس انت حبيبي انااا انااا قلتها لك قبل وارجع اذكرك فيها انت اذا ماكنت لي مارح تكون لغيري)


امااا عند ساره كانت عايشه حياته وتحاول قد ماتقدر تتناسى اللي صار لانها حلفت شخص مثل هذا مايستاهلها مستحيل تضيع ثانيه وحده من حياتها معه او في التفكير فيه خالد كان يحاول يوضح لساره انه مظلووووم وماله ذنب باللي صار وانه ماسوى هالشي الى عشان يبعدها عنه كان يتصل ويرسل لها وجى لبيتهم يحاول يشوفها بس خلت سيف أخوها يطلع له ويقول له انها نااايمه ومو راضيه تصحى
.................................................. .....
(بيت بورااشد..)
ارييج كانت على الاب تووب ومندمجه بالرواايه والمنااديل من حوولهاا والدمووع اربع اربع طقو البااب بس مافي رد كسروو البااب ابد البنت مندمجه فتح الباااب محمد قام يطالع فيهاا بعدهاا استووعب قاام يبووس يده وراا وقداام ..
محمد واهو يجلس جنبهاا وعافس وجهه:ماات ... لاحول ولا قوووه ..
اريج بعد ماستووعب مسحت دمووعها بسرعه: خير اش فييك انت وكاله من دوون بواااااااب
محمد: لاا بس اللي في الوكااله اشووي السمع عندهم لك علييه ..
اريج تخصرت: نعم اخونا في الله وش تبي جالس عندي وطاايح مسخره ..
محمد: افاا بس انا اتمسخر على اريييجوو .. اخباارك بس..؟
ارييج راافعه حاجب : الحمدلله .. اش عندك مسيوو محمد وش هالادب واخباارك ومادري ايش ..
محمد طقها برااسهاا: اقوول الشرهاا مو عليك علي اناا جاي اسألك..
اريج: هههههههههه ايه والله الشرهاا علييك سكر الباب ورااك..
محمد عصب منهاا: مانيب طالع عناااد فييك .. اقوول اريج اخباار ربعك ..
اريج : لاحوول انت بس تبي تسوولف اش جاب ربعي الحين ..
محمد : اسأل بس يمه منك ترا يعني مافيها شي ربعك خواتي مافي مشكله..
اريج: كلهم بخيير الا على طاري ربعي ماودك بووحده منهم ..
محمد: لا لا ربعك انتي خااصه ماابي منهم ...نااقص اناا اختي وبعدهاا يجوون ربعهاا ..
اريج: كيييفك والله يحصل لك بس..انزين توديني السوووق
محمد : امممممم اودييك بس بعد ماتجاوبيني ..
اريج: هاا اش فييه...
محمد: امممم ... يووم العزييمه كاان فييه وحده راايحه الحماام تتعدل منوو ..
اريج : لاااا احلف عااد اهم بس وحده بالبيت .. وبعدين وااجد يروحون يتعدلوون ... ليش عجبتك اللي شفتهاا..
محمد: لاا موو على بس يعني اسأل لانهااا حسيتها مو من ربعك يعني هااديه وحلووه..
ارييج شاافت مخده جنبهاا ورمتهاا عليه: اقوول طس عن وجهي صج ماتنعطى وجه منااااك...
محمد قاام يضحك عليهاا وطلع ...
طلع محمد اوهوو مو عارف كيييف يقووول المووضوووع من يومهاا موو عارف ينااام يقوول يتخيلهاا يناام يحلم فييها رغم انه مايعرف وش اسمهاا ولا شي عنهااا بس مادري ليه حاس انهاا نفس البنت اللي كلمتته يوم كاان مسااافر انتبه لروووحه واهوو واقف قداام الغرفه ولاتحرك ابتسم وقام يتلفت لايكون احد انتبه بعدهاا مشااا...
.................................................. ...........
في وسط السرررير مابيين الدببه والمخداات منسدحه وعيونهااا علىى السقف تفكر بحالها لوين وصل وللحين تنتظر أي رده فعل تعكس الجرم اللي سووته ارتجفت من فكره ان ابووهاا يعرف حست الحين وبهالدقييقه قد اييش الغلطه كبييره كبييره مايشييلهااا أي احد دمعت عينهااا امي شلووون لوو درت سلطاان ليه للحين ماسواا شي سكووته يتعبني طييب كييف احط عيني بعيينهم ربعي هل بيرجعون لي والاا مارااح يجيبوون لي خبر ارييج ااه يابنت عمي قد اييش اناا ابيك جنبي ....قطع عليهاا افكارهاا صوت البااب ..
حناان تعدلت بجلستهاا ومسحت دمووعهاا : ميين..
ام حناان: اناا يابنتي فتحي اش فيك قافله على نفسسك من الصبح..
حناان غمضت عيونهاا وبلعت ريقهاا: طيب يمه الحين اغسل واطلع لك
ام حناان ابتسمت : يالله ياقلبي انتي طلعي اناا بحط لك شي تاكليينه..
خدت حناان نفس وراحت غيرت ملابسهاا غسلت وجهها بمااي باارد وطلعت لامهاا بالصااله...
.حناان : هلا يمه وش طابخه لناا اليووم..
ام حناان واهي عاجبهاا تعاامل بنتهاا معاها اليوم: اللي يحبه قلبك ...
حناان: تسلم يدك الله يخليك لناا يارب ..
ظلت تطالع بامهاا مو عارفه وش تقوول ولا وش تسووي ماحست برووحها الا واهيي حاظنه امهااا وتحاول ماتبكي...
استغربت امهاا اش فييهاا قامت تسمي عليهااا وتقراا عليهاا : اش فيك ياحناان صاير لك شي..
حناان وصووتها فييه بحه: لا يمه بس من زماان ماحظنتك ...
.................................................. .....
(في البحرين..)
راكاان كان جالس بغرفته يرااسل اريج من الظهر (يالدبه ....اقوووووووولك ثوور تقولي لي احلبوووه ..اقوولك مثلا احد خطبك تقوليين مااحد بيخطبني استرييح..)
ارسلهاا واهو مرتفع ضغطه منهاا من الظهر واهو يسحب منهاا كلام على الفااضي..
.................................................. ....
بنفس الوقت عند ارييج بالصاله وصلت لها الرساله فتحتهاا واهي متحمسه قرتهاا وانفجرت ضحك :هههههههههههههههههه الحين وش ارد عليييه بالله وش هالسؤااال سؤااله زي خشته ..
(لوووو خطبني وااحد مزيوون وعااقل وواحد انا مقتنعه فييه وزييين بواافق وبس يالله ارسل رساله عن موضووع ثاني والااا بجييك وبتوطاا ببطنك لووعت كبدي من هالسيره...والا اقول لاترسل بقووم اناام لي اشووي يالله بااي..) سكرت جوالهااا ومشت لغرفتهاا دخلت وراحت عند المراايه بترفع شعرهاا طالعت رووحهاا فتحت عينهاا سلاماات اش فيني مبتسمه يووه ليكون جاني شي بس ماخبري احد كلمني وابتسمت لا لا مووب صاحييه انا اوه اش فيني اكلم رووحي اروووح اناام ابرك لي ...
..................................................
عند ندى وبغرفتها بالتحدييد وعلى سريرهاا ومااسكه الاب وجالسه تسوولف مع عبدالله على الايميل ..
لاقلت شرقااويه صاارخوو لبييه: اممم بخيير ماشي حالي اخبارك انت..
لجل الوعد: تمااام اسأل عنك ... الا انتي وينك هاليوومين مالك خبر ولا اشووفك شاابكه..
لاقلت شرقااويه صاارخوو لبييه:ابد بس تعرف الحين اختي زواجها وروحه وجيه مافيه وقت..
لجل الوعد: امممم طييب ندووش بسألك..
لاقلت شرقااويه صاارخوو لبييه: اسأل..
لجل الوعد: للحين انتي .. يعني.... تحبينه ندى..؟
لاقلت شرقااويه صاارخوو لبييه:........
ضلت سااكته وماترد ماتدري وش تقول اصلا ملت من كثر مايسألهاا ماردت علييه ولاا كلفت على نفسهاا تقول له اعفيني من الجوااب طلعت من المسن وطفت الاب بكبره وقاامت....
.................................................. .....
من جهه عبدالله كاان ينتظر ردهاا تعب ينتظر منهاا جوااب دليل يدل انهاا ماتبي احد ولاتفكر بأحد ماانتبه الاا بعلامه تسجييل الخرووج عصب وقفل الشااشه بقووه << زين مانكسر الاب هع
شال مفااتييحه وركب سياارته ومشى لكووفي يرووق له شوووي..
.................................................. ........


كانت جالسه مع اخوانها وامها في الصاله يسولفون ويضحكون ..
يامن : لا وسمعي هذي يقولك في واحد قزم اهله مانعينه يدخن في البيت ليه؟؟؟
ساره بابتسامه من بعد الضحك: ليه؟؟
يامن : يخاافون يحرق السجاده
ساره وامها واخوانها: هههههههههههه
ايمن: يامن يامن مثل سويره
ساره وقفت ضحك وكشرت وطالعتهم بحقد : نعم ...عيد اللي قلته
ايمن يسوي روحه خايف: يمامي لا خلاص اسحبها
سيف: اوووه اوووه طلعت اختي قويه
يامن: تلايط
سيف مسكين خاف وسكت
ايمن : سمعو سمعو انااا بقول نكته هالمره
ساره ابتسمت: قووول
ايمن : في عجوز في محو الاميه سألتها المدرسه : اعطينا جمله فيها ادغام بغنه؟؟ قالت العجوز: عمن يعميك
ساااره والباقي: ههههههههههههههه
ساره: والله انها عجوز مخرفه طيب سمعو انااا بقولكم لغز
أيمن ويامن: قولي
لفو كل واحد يطالع الثاني بعدين لفو على ساره
ساره بضحكه : شنو المدينه اللي ماينطحن فيها الطحين ولا يموت فيها الميت؟؟
ايمن ويامن ثنينهم كشرو بوجهم
يامن: ياملقك واحنا شعرفنه في الجغرافيا
ايمن سكت دقايق وبعدين قال: كلهم
يامن لف على ايمن وقاله: ياثور شلون كلهم الحين احنا مايموت عندنا ال وسكت ولف على ساره وقال بعد ماستوعب اللغز: الميت مايموت ولا الطحين ينطحن
ساره وايمن:ههههههههههههههههههههه
ساره: الحمد لله على السلامه ياذكي..
قطع عليهم ضحكهم وسوالفهم صوت الباب كلهم سكتو لما شافو ابوهم داخل وكان واضح عليه انه سكران كالعاده..
قامت له ام ساره: جيت مبكر اليوم تبيني احط لك عشى؟؟
ابو ساره دفها بقوه لحد ماطاحت على الارض وقال: لا ماأبي سم روحي جهزي لي الحمام بتروش وبنام
قامت ساره وخذت اخوانها ودخلتهم داخل وطلعت لامها وراحت لها واهي تشوفها لسى على الارض وعلى غير المعتاد مابكت مثل كل مره (الظاهر انك تعودتي يايمه)
ساره: قومي يايمه قومي ياحبيبتي انااا بروح اجهز له الحمام
ام ساره بابتسامه: لا مايحتاج الحين يعصب زياده خليني انااا اروح
سكتت ساره واهي تشوف امها تقوم وتروح لجهة غرفتها ..




عند اريج كانت على سريرها تحاول تنام بس فجأه فزت واهي تشوف الوقت لسى الساعه 8ونص واهي مواعده البنات تروح معهم السوق على الساعه 9 بس حست روحها مكسله مسكت جوالها واتصلت على ندى..
ندى : هلا جوجو يلا احنا في الطريق
أريج: لا ندوووش انااا احس مالي مزاج بروح بكره مع
فيصل
ندى: يلا عاااد بلا مصاخه قومي روحي معنا
أريج: منو اللي بيروح
ندى: اانااا والعروسه بس
أريج: ليه وبنان وفرح مارح يروحون
ندى : لا معزومين في بيت الحبايب
أريج: هههههه بيروحون بيت خالتهم؟؟
ندى : أي.. ويلا بتروحين ولا لا
أريج : لا ماني رايحه بنام
ندى: شعندها دجاجة البيت
أريج: ههههه لا بس مادري شفيني مكسله وحاسه ان فيني النوم
ندى بتريقه : مبروووك يامدام حامل
أريج: هاها تنكتين
ندى: لا استخف دمي
أريج : ياملقك
ندى ضحكت وسكرت..


بيت ام عبد الاله (خالة بنان وفرح)
اليوم عبد الاله من عرف ان بيت خالته بيجونهم قرر يكلم بنان بأي طريقه
عشان كذا ماطلع من البيت...
كان جالس في غرفته يفكر (معقوله اللي احسه يكون صح وبدت تميل لي ولا اناا من كثر ماأحبها صارت تتهيألي اشياء مو موجود آآآآآآآآآآه يابنان طيرتي لي عقلي صرت اخاف احد يدخل علي وانااا نايم ويسمعني اهلوس باسمك اليوم لازم اعرف مشاعرها تجاهي اذا كانت فعلا تغيرت او اللي احسه غلط))
في نفس البيت بس في الصاله تحت كانو توهم واصلين وبنااان تدعي من كل قلبها انه مايكون موجود ماتدري ليه هالمره ماتبي تشوفه مع انها كانت مشتاقه له ( لا يا بنان وش هالأفكار المنحرفه وش مشتاقه ما مشتاقه اناا بس مو طايقه اشوفه ان شاء الله مو موجود)
ولا شعوريا طلع السؤال منها
بنان: فطووم اخوك وابوك هنااا
فاطمه : لا ابوي مو هنا بس عبد الاله موجود في غرفته
بنان (ياالله يوم اللي ماأبي اشوفه يطلع محيح في البيت ) ابتسمت لفاطمه عشان ماتحسسها بشي
بنان كانت سرحانه وماحست الى بالمخده على وجهها
بنان بصراخ: فطيس وعمى
فاطمه بابتسامه : ساعه اناديك موجايه تسمعين
بنان : وهذا انااا سمعت وش بغيتي
فاطمه : قومي جيبي لعبة الطاوله من فوق
بنان :توك تقولين اخوك فوق شلون اروح وحتى لو مو موجود ماني رايحه للحين ماحطوني شغاله لك
فاطمه : يلا عاد بلا مصاخه وبعدين اخوي نايم مارح يجلس الى بعد ساعتين ا و اكثر
بنان : انااا مصاخه زين دوري احد غيري يروح لك
فاطمه نطت وجلست جنب بنان وباستها على خدها : يلااا بنووون
بنان : اصغر عيالك بنون وبعدين انتي الصغيره..صغير القوم خادمهم.. وهذا بيتكم روحي انتي
فاطمه كشرت : اوووووووووهووو ابد ماتسوين شي
شوي وسمعو صوت عبد الاله ينزل من على الدرج
بنان نزلت راسها ورفعت الغطا عليه وحاولت تلهي نفسها بالجوال (وفطيم الخايسه تقول مارح يجلس الى بعد ساعتين )
عبد الاله نزل وعيوونه على بناان ...ابتسم لفرح : هلا فرح شخبارك
فرح بابتسامه ناعمه : هلا فيك انااا الحمد لله كيفك انت؟؟
عبد الاله: ابد نزقح لاجديد... لف على بنان
عبد الاله : بناان شخبارك شدعوه كل هذا حب في الجوال شكلك توك شاريته
بنان كشرت في وجهه: انااا اخباري صارت تسد النفس من شفتك وبعدين توي شاريته توي بايعته مو شغلك
عبد الاله (بدايه ابد ماتشجع) : طيب طيب اعصابك كل هذا كره فيني
بنان سرحت بالكلمه ( كره!!! انااا اكرهك !!! ان شاء الله يكون كلامك صح مع ان ثورة المشاعر والاحاسيس اللي تبدأ من أشوفك واحاول اغطيها بالأسلوب اللي انت تسميه كره ماتقول اني اكرهك) صحت على صوته
عبد الاله : ياااهوو وين رحتي بنوووون ؟؟
بنان بعصبيه خفيفه :اووهوو قلت لكم الف مره انااا مو اصغر عيالكم تقولون لي بنوون ... وقامت واهي معصبه من مشاعرها اللي مو قادره تضبطها لدرجة انها ماتقدر تحط عينها في عينه...
عبد الاله باستغراب: فرح شفيها اختك معصبه انااا وش قلت لها انااا دلعتها ماسبيتها..
فرح (الله يعينك على قلبك يابنان ): والله مادري عنهااا يمكن على نسبة الجامعه اللي طلعت البارح مع انهااا حلوه وتدخلها اللي تبي
عبد الاله بلهفه : والله!! طلعت نسبتها طيب قولي كم؟؟
فرح : المجموع الكلي 85%
عبد الاله بفرحه : الف الف الف مبروك عقبالك السنه الجايه..
فرح بابتسامه :آآآمين يارب
عبد الاله بعد مالقى له عذر يشووفها : بقوم ابارك لها اكيد الحين هدت اعصابها...
طلع لها في الحديقه وشافها شاف البنت اللي سرقت كيانه واحساسه البنت اللي حبها ورفضت حبه بدون سبب او عذر مشى لها لحد ماصار وراها مباشره..
بنان حست بأحد طلع للحديقه من سمعت صوت الباب بس مالفت وجهها تشوف منو بس لما حست في انفاسه لفت وشافت عبد الاله ارتبكت من نظراته لها ... ونزلت راسها وقالت: نعم بغيت شي... بس صوتها هالمره كان طبيعي وهادي مو مثل كل مره عصبيه ومتنرفزه
عبد الاله ابتسم لهدؤها : جيت ابارك لك على النسبه اللي ترفع الراس بيضتي وجهنا
بنان رفعت راسها وقالت بعصبيه : جاي تتمصخر حضرتك
عبد الاله باستغراب : لا والله من جد نسبتك حلوه تدخلك حتى صيدله
بنان نزلت راسها بأحراج وركضت لداخل
عبد الاله كان بيطلع بس (لا مارح اطلع اناا قايل بجلس في البيت اليوم لازم اقولها ).. وراح للمجلس..


عند خالد..
كان جالس بغرفته من يوم صار اللي صار واهو ماطلع الى لبيت اهل ساره بس مثل مارح رجع بدون فايده... جالس على سريره ماسك جواله ويحاول يكلمها وكل مره كان ينقطع الخط بدون جواب منها كان ينقطع قلبها معه رسل لها اكثر من 100 رساله بس ولا رساله نالت شرف الرد من ساره...
اتصل واتصل واتصل ودموعه اللي عمرها مانزلت نزلت على ساره اللي تركته اتصل على امل انها ترد (آآآآه ياساره علقتيني فيك وتركتيني ذبحتي قلبي وذبحتيني عذبتنيني وجننتيني سرقتي عقلي وكل مافيني انااا مالي ذنب تكفين بس عطيني فرصه اشرح لك اللي فيني انااا مااالي ذنب صدقيني تكفين عشان خاطري وخاطر ايامنا الحلوه كلميني ليه صدقتيهم ورفضتي حتى تسمعيني)) اتصل عليها للمره المليون رن ورن ورن ورن بس انقطع الخط وصوت ساره ماوصل لمسامعه صوت حبيبته ومعشوقته صوت اللي تسوى عنده ليلى وعبله وجوليت وفي اتصاله المليون لهاا فجااءه انفتح الخط ماصدق انها ردت عليه..
عند ساره
كانت جالسه بغرفتها وتطالع الجوال بشروود تشوف اللي حبته واللي ملكها يتصل بدون توقف او انقطاع واهي مو قادره حتى تمسك جوالها وترد عليه مشتاااقه له كثير مشتاقه لصوته لهمسة أحبك بصوته لضحكته بس اللي سواه فيها مو قليل ابد مو قليل ومستحيل تسامححه بهالسهوله كان بالنسبه لها احلى من قيس وعنتر وروميو بس اهو اللي خرب على نفسه ...
مسكت الجوال واضغطت على الزر الاخضر وانفتح الخط ووصلها صوته صوته بس غيررر حزين ومكسورر ومجروح كانت تسمعه بس مو قادره ترد
خالد بلهفة عاشق ولهان: ساااره حبيبتي ساره تكفين تكفين لاتسكرين الخط بس اسمعيني ساره تكفين ردي علي انتي تسمعيني..
ساره :.................
خالد بنفس اللهفه : طيب انااا راضي لاتتكلمين بس اسمعين انااا خالد كيف تصدقين انااا ماأسويها كان سألتي عن اسبابي سمعي انااا بقولك كل شي وانتي احكمي لاتسكرين سمعيني
ساره دمووعها كانت تنزل بدون توقف تنزل على صوته اللي يترجها (لا ياخالد احنا مو لبعض اللي سويته مو سهل مارح اسامحك):...............
خالد كان يحكي لها كل شي عن نوره من يوم عرفها لحد ماطلعت من حياته بعد اللي صار في الشقه :ساره انتي سمعتي مني الحين كل شي بس تأكدي اني مستحيل اتخلى عنك لو مهما يصير حتى لو مابغيتيني ببقى احاول واحاول واحاول لحد ماأرضيك..
ساره ماقدرت تسمع صوته اكثر من كذا تحس انها بتضعف في أي لحظه فا سكرت الخط بوجهه ...


نرجع لبنااان
بعد مادخلت..
فاطمه: بنون لاتدخلين روحي جيبي لعبة الطاوله طلعت في المجلس مو في غرفتي..
بنان بعصبيه مكبوته رمت غطاها على الكنبه: انااا ابي اعرف احد قالك انهم حاطيني شغاله لك
فاطمه بابتسامه : لا بس مرة اخوي واحبك
بنااان : مرة اخوك طل قال مرة اخوي قال ترى للحين ماقلت الرجال
ام عبد العزيز واهي داخله: وولد اختي باسم الله عليه شيخ الرجال كلهم..
بنان طلعت بعصبيه وراحت تجيب اللعبه من المجلس..
دخلت المجلس واهي معصبيه وتتحلطم بصوت شوي عالي: انااا ابي اعرف غصب بيلزقوني فيه غصب يعني مادري شعاجبهم هالعبد الاله فيه .....
قطع عصبيتها صوته : وانتي شنو اللي مو عاجبك فيني
لفت مخترعه : انت من وين طلعت جني انت جني
عبد الاله بنبره غطاها الحزن ابتسم: ماجاوبتيني يابنان شنو اللي مو عاجبك فيني
بنان بارتباك من نظرته : كل شي مو عاجبني
عبد الاله : وشنو هالكلشي قوليهم
بنان وتوترها وارتباكها يزيد : مادري مادري ... وطلعت تركض... بس يد عبد الاله كانت اسرع من رجولها مسك يدها
عبد الاله غمض عيونه وقال بغصه : انااا احبك يابنااان انتي حب حياتي انتي نصفي الثاني والشمعه اللي منوره دربي اذا تركتيني بضيع وضياااعي بيموتني ... فتح عيونه اللي ملاها الدمع ولف عليها وقال: تبيني امووت يابناان
بنااان صدمتها الدموع اللي رفضت تنزل من عيونه وصدمها اكثر كلامه كانت تدري بحبه بس ماكانت تدري انه هالكثر قالت بعد صمت كان طويل بالنسبه لعبد الاله : محد يتمنى لقلبه الموت .... وسحبت يدها وطلعت تركض...


...............................................
بعد عدة ايااام (زواج الجوري)
صحت الصباح واهي تحس ان حياتها انتهت اليوم بيكتبون موتها تقدر ترفض بس ماتقدر تنزل راس ابوها وعمامها وخوالها (خلاص ياجوري هذا قرارك وانتي لازم تتحملين كل نتايجه) قامت من على السرير بكسل واهي تشوف الساعه صارت 9 والساعه 10 لازم تكون في المشغل خذت لها دش بارد وسريع وبعد ماطلعت لبست وراحت لغرفة ندى تصحيها دخلت عليها الغرفه
وشافتها صاحيه ومتروشه ولابسه وجالسه ترتب اغراضها...
جلست على السرير..
ندى بغصه: صباااح الخير ياعروس
جوري : صباح النور... ليه ماصحيتني؟؟
ندى :...................
جوري: نديو أكلمك..ليه ماصحيتيني؟؟
ندى:..............
جوري قامت من على السرير راحت لندى وحطيت يدها على كتفها ولفتها جهتها.: ندى تصيحين؟؟؟
ندى رمت نفسها بحضن اختها : بفتقدك
جوري توها تفكر بندى اختها وتحس انها من جد بتبتعد عنها ونزلت دموعها..
ندى رفعت نفسها من حضن جوري وابتسمت ابتسامه تحمل جزء صغير من الفرح وباقيها كله حزن : يلا قومي لانتأخر باقي نص ساعه بس ...وبعدين لاتصدقين اني بشتااقلك (وطلعت لهاا لساانها ولفت تكمل شغلهاا)
جوري: طييييط بااين الصحيييح ..اناا جاهزه واغراضي من البارح مجهزتها يلا خالي زهير تحت .... طلعت من عند ندى ونزلت دموعها من جديد
وندى نفس الشي بمجرد ماسكرت جوري الباب رجعت تصيح...


وعند بنااان وفرح...
فرح دخلت غرفة بنااان مستعجله وعصبت واهي تشوفها توها مخلصه شاور
فرح بعصبيه: توك تخلصين يلاااا ندى وجوري بيمرونا بعد ربع ساعه اتصلت ندى تقول انهم طلعو من البيت...
بنان ببرود غطاها من يوم اللي اعترفت لعبد الاله بحبها بس بشكل غير مباشر: اناا جاهزه نزلي والحقك...
فرح سكرت الباب وطلعت...


وعند أريج
الوضع ابد ماكان مختلف صحت بدري وتروشت وجهزت اغراضها وجالسه تفطر على ندى ماتمرها عشان يروحون المشغل..
دخلو محمد وفيصل وراشد اللي كان توه راجع من الخبر البارح..
لفت عليهم وابتسمت لأشكالهم اللي ابد مافي وجه شبها بينها من حيث الترتيب.. فيصل كان النوم مغطي وجهه ونازل بالبيجامه وباين ان حتى وجهه ماغسله.. ومحمد غاسل وجهه ومرتب بس بالبجامه.. وراشد ارتب واحد فيهم مغسل وحالق ولابس جينز وكاشخ ومع النظارة الطبيه معطته هيبه...
أريج: صباااح الخير..
فيصل : ارد عليك بعد ماأفطر
محمد: صباح النور
راشد بابتسامه : صباح الورد والجوري
جلسو يفطرون ...
محمد : اقول اختنااا في الله اذا زواج بنت عمك بتروحين من 10 الصباح اجل اذا واحد من اخوانك بيتزوج متى بتروحين الساعه 6
فيصل بضحكه : واذا زواجها بتروح قبل بيوم هههههه
محمد لف عليه وضحك : ههههه حلوه منك
فيصل : من جد؟؟
محمد : أي جد
فيصل : روح رقمهااا ههههه
محمد : هاهاها اخااف ماتعطيني وجه
راشد : شالملاقه من الصبح انت ويااه
أريج : صدقت.. بس تدري في ناس الملاقه طبع فيهم
فيصل : مثلك صح؟؟
راشد : بس انت وياها
دق جوال أريج وردت
هلا ندى .... طيب...خلاص الحين انزله... أي ..... البس واطلع طيب....باي..
قامت من السفره وقالت: محمد تراك انت اللي بترجعني
محمد : وتعطي اوامر بعد
اريج سمعته واهي رايحه لفت وابتسمت له وارسلت له بوسه في الهوا
فيصل حط يده على كتف محمد : الله يعينك اخوي وتدري بعد ماتقدر ترفض دام البرنسيسه عطت الاوامر
راشد بابتسامه : صح ولا تسوي فيك مثل فيصل ذاك اليوم تذكر فصيل وش سوت فيك
محمد : ههههههه اااي مسوي فيها رجااال ويقولها ماني موديك واعلى مابخيلك ركبيه وتروح تتصل على ابوي وتقوله ويتصل على فصيل ويهزءه ويخليه يوديها
راشد: هههههه المشكله انها بالليل يعني ظامنه بنت اللذين ان ابوي مارح يقول اوصلك لان خبرك ابوي مايسوق بالليل..
دخلت أريج و سمعت كلام راشد
أريج بأبتسامه واهي تضرب كتف راشد : طالعه عليك ياأخوي ماأسوي شي الى محسوب ميه بالميه
راشد : عفيه عليك
فيصل قام واهو مكشر من هالسالفه : مليقين
أريج: ههههههههه شقال اخونااا
محمد واهو يقلده : مليقين هههههه
راشد :هههههه ..... منو بتروحين معه؟؟
أريج: مع البنات بيروحون مع زهير خال ندى وجوري وبيروحون معنا فرح وبنان بنات عمي
راشد كشر : لاتروحين معهم انااا اوديك
أريج : اوكي مو مشكله اكلمهم الحين ...وطلعت تقول لندى انهاا بتروح مع راشد
محمد: ليه ماخليتها تروح معهم الرجال انااا اعرفه
راشد : مو حلوه بحقناا جالسين ثلاث رجال واختنا تروح مع رجال غريب بعد لو واحد من عيال عمي مشيتها بس خال بنت عمي لا بعيده وبعدين انااا ماأرضاها لا على نفسي ولا على اختي
محمد : صدقت... بس المشغل اللي بيروحونه بعيد ويبيله مشوار
راشد: اناا فاضي اوديها..
دخلت اريج..
أريج: يلااا راشد ماأبي اتأخر
راشد واهو قايم : يلااا اغسل بس ... رمى مفاتيح السياره عليها : شغليها وركبي الحين جايك
أريج خذت المفاتيح وطلعت..
تفاجأة بخالتها (أم طالب) وراكان وطاهر وعلى غير العاده طالب مو معهم...
أريج بفرحه بانت بأبتسامتها : هااااااااااي
أم طالب: منو قالك ان بنجي اكيد طاهر اللي ماينام شي على لسانه
طاهر بقهر : يمـــــــــــــــــــــه
ام طالب : وصمه تصم اذانك ليه تقول لها اناا مو قلت لك بسويها لهم مفاجأه
أريج واهي تضحك وتروح تحضن خالتها : ههههه لا ياخاله محد قالي اساسا انااا تفاجأة بشوفتكم بس كنت طالعه للمشغل تدري اليوم زواج بنت عمي
ام طالب : ااي الله يوفقها..لفت على راكان...وعقبالك ياأريج عقبال ماأفرح فيك مع عيالي بيوم واحد
أريج استغربت بس سلكت للموضوع وابتسمت: آمين
راااشد: هلااا والله وانااا اقول الشرقيه منوره أثاري اهل البحرين زايرينا
ام طالب: وشنسوي اشتقنا لكم وقلناا بالمره نجي نحضر زواج جوري بنت عمكم
راشد : حيااكم ... عذريني ياخاله انااا لازم اوصل أريج المشغل
أم طالب بخبث : انااا مشتااقه لك وودي اجلس معك خل راكان يوصلهاا اهو اساسا رايح لصديقه اللي هنااا
رااكان انصدم وطالع امه بس لماا استوعب ابتسم وقال : أي ياراشد خلها اناا واصلهاا على طريقي
راشد : بس المشغل بعيد واخاااف تضييعه
أريج بطيبه <<على نياتها : انااا ادله اوصفه له
راشد : براحتكم ...تفضلوو ليه واقفين البيت بيتكم
أريج : راااشد ... لمااا لف عليها رمت عليه مفاتيح سيارته...
دخلت أم طالب وطاهر وراشد .... وطلعت أريج وراكان
أريج مو اول مره تركب مع راكان لحالهم فكان الوضع عندها ايزي..
امااا راكان كل مره كانت أريج تركب معه لحالهم كان يتوتر بس هالمره كانت بزياده..


عند ساره...
كانت نايمه بس جلست مفزوعه وبدت تصيح من الحلم اللي شافته كانت خايفه على خالد بس كبريئها يمنعها تتصل تتطمن عليه مهما كان الجرح اللي داخلها لسى مابرى ....
وفي نفس اللحظه شافت جوالها يدق وارتاحت لمااا شافت خالد يتصل تنفست براحه لما تأكدت انه بخير...تركته يرن..ونزلت تحت... شافت امها في الصاله راحت لها وباست راسها..
ساره: صباح الخير يمه
ام ساره : صباح النور حبيبتي تاخرتي في النوم اليوم قرب يأذن الظهر
ساره : احسن عشان اليوم اصير مصحصحه ..
ام ساره : أي عشان زواج جوري
ساره: أي يمه
ام ساره : الى منو بيوديك
ساره بصدمه : شنو منو بيوديني اكيد واحد من اخواني..
ام ساره باستغراب : ليه ايمن ماقالك البارح
ساره بخوف: وش يقولي؟؟
ام ساره : سيارتهم اختربت وودوها الورشه ومارح تطلع الى بكره
ساره بصدمه: هاااا شنوووو شلون ومنو يوديني ؟؟
ام ساره : بسم الله عليك اتصلي على خالد يوديك مارح يقول لا..
ساره (هذا اللي ماحسبت حسابه شلون يعني ماأروح لازم اروح ) تركت امها وراحت المطبخ تجهز لها فطور..
بعد دقايق طلعت واهي ماسكه كاس العصير..
ام ساره : ساره تعالي بقولك شي..
ساره : هلا يمه ..جلست جنبها
ام ساره : تدرين من كنت اكلم
ساره : باستغراب (من متى امي تسأل ): منو


يتبع ,,,,


👇👇👇
تعليقات
    حجم الخط
    +
    16
    -
    تباعد السطور
    +
    2
    -