رواية اختلفنا من يحب الثاني أكثر-13
بعد دقايق طلعت واهي ماسكه كاس العصير..
ام ساره : ساره تعالي بقولك شي..
ساره : هلا يمه ..جلست جنبها
ام ساره : تدرين من كنت اكلم
ساره : باستغراب (من متى امي تسأل ): منو
ام ساره : خالد..
ساره باستغراب وخوف: خالد ؟؟؟ ليه وش يبي
ام ساره : اناا اللي كلمته وقلت له يوديك لانك مستحيه تقولين له
ساره بصدمه (ليه سويتي كذا يايمه ): ليه؟؟ كان خليتيني انااا اكلمه؟؟
ام ساره : خلاص يابنتي انااا كلمته ووافق وبيجيك الساعه 9 ونص خلك جاهزه
ساره بعصبيه حاولت تكبتها قامت : بقوم اصلي أذن ..
وراحت غرفتها تركض ... فكرت تتصل عليه وتقوله انها ماتبي تروح معه .. بس منو بيوديهاا..؟؟ وخطرت على بالها فكره وعلى طول سوتها ومسكت جوالها واتصلت... وبعد ثلاث رنات انرفع الخط..
ساره : هلا والله باللي مايسألون
قاسم : افااا انااا ماأسأل ولا انتي
ساره : بالله عليك كم مره ارسل لك وابد ماتعبرني اصلا غريبه الحين رديت علي
قاسم : هههههه لا شدعووه
ساره : اقول عمي
قاسم : آمري
ساره : بغيتك بطلب
قاسم : عيوني لك قولي
ساره : تسلم لي عيونك يارب .. اممم اليوم زواج صديقتي وسياره يامن وأيمن مختربه في الورشه وابوي في البحرين وماعندي غيرك ممكن توديني؟؟
قاسم باستغراب: غريبه ماأتصلتي على حبيب القلب مازولا
ساره : ههههه مشغول مايقدر وبعدين انااا ابيك انت من زمااان ماشفتك
قاسم : والله يابنت اخوي كان ودي بس سيارتي عند سامي وماأدري متى بيرجعها
ساره بخيبة امل : اممم طيب مشكوور كان ودي اشوفك بس مو مشكله فرصه ثانيه
قاسم : عزميني على غدى ولا عشا ولا بنت اخو على الفاضي
ساره : ههههه ولووو من عيوني كم قاسم عندي
قاسم : ماعندك الى واحد .. أي وبالمره عزمي خالد من يوم شبكتكم ماشفته وودي اشوفه
ساره : ابشر ماطلبت تعال بكره على العشا
قاسم : خلاص اوكي نلتقي بكره
ساره: اوكي باي
قاسم : باي
سكرت واهي تقول بداخلها (مكتوب علي اشوفك )
الشخصيه الجديده قاسم (عم ساره ..20 سنه .. لسى مخلص الثانويه لانه رسب ثلاث سنوات في اول ثانوي وسيم .. طوله عادي يعني مو طويل جسمه حلو نوعا ما مملوح وشعره ناعم وكثيف وعيونه وساع وخشمه طويله وضعيف شفايفه مليانه شوي وطالعه حلوووه كثيررر على ملامحه بالنسبه لساره اهو اقرب عم لها))
في سيارة راكان..
أريج: ماودك تشغل لنااا شي نسمعه..
راكان : فتحي الدرج واختاري اللي تبين..
أريج فتحت الدرج : واااو غريبه من متى تسمع لزايد ..وخذت الشريط وشغلته
راكان : مو لي هذا لأخوك فيصل
أريج : اهااا .. اسكت اسكت امووت في هالأغنيه
مشـــكلتي اهـــواه وحبه هو مجننـــي
والمشــكلة عـن هوايــا ماهــو بـدراي
أخــاف أبــــوح بهوايــا لا يخجلنـــي
وأخاف يزعــل علي ويزيــد فـي ناري
محتار مدري شســوي حيل شـــاغلني
مليت أفكــر ولاهي نافعــه أفكــاري
ما ادري اعذرة عشانه ماهو فاهمني
ولاّ الومـــــه عشـــــانه ســـبة مراري
ساعات أرضى وأقول كافي يكلمني
كافي إنه يسأل علي وياخذ أخباري
ساعات اطمع ابيه كل يوم يقابلنــــي
جنني حبــــــه ولا هو بحالتــي داري
راكان (جبتيها على الجرح) : اريج بقولك شي
أريج : من متى الادب؟؟ قول
راكان : انااا بس حبيت يكون عندك خبر وتسمعين مني احسن من غيري..
أريج رفعت رجولها وتربعت ولفت علييه : ايييه الحين تقدر تتكلم ..
راكاان التفت عليهاا وابتسم على جلستهاا واهي تحووس بالاشرطه تستنااه يتكلم..اريج:تكلم اش جااك انكتمت فجأه اسمعك..
راكان رفع يده ونزل القبعه اللي لابسهاا وخد* نفس : احنا مو جايين لان مشتاقين مثل ماقالت امي ااا اقصد ان احنا اكيد مشتاقين لكم بس مو هذا السبب الرئيسي.. بصراحه احناا جيناا عشان امي تخطبك لي..
أريج سكتت من الصدمه وحمدت ربها انهم وصلو وفتحت الباب ونزلت بدون ولا كلمه والصدمه للحين شاله لسانها..
الساعه 9 ...
في المشغل كانو البنات خلصو كلهم وينتظرون عبد العزيز يجي ياخذهم..
بناااان : يلاااا هذا عزوز وصل بس سيارته مارح تكفي الى لوحده منا مع جوري بس
نزل عبد العزيز من السياره ...
عبد العزيز: يلااا مو ناوين تركبون
بنااان : السياره ماتكفي
عبد العزيز : ليه ماتكفي هذا انتو اربع بس وحده قدام وثلاث ورى..
فرح : وجوري؟؟
عبد العزيز: جوري ماراحت ؟؟
أريج : لا ماراحت يلااا عاد شلون
عبد العزيز سكت شوي : سمعو انااا باخذ جوري ووحده منكم وبتصل على عبد الله بيتهم قريب من هنااا يجي ياخذكم
ندى لمى سمعت اسمه توترت : لااا خلاص نتصل على خالي زهير..
عبد العزيز : لاتتذيكين الحين تدرين ان هالمشغل بعيد يعني يبيله أقل شي ساعه على مايجي ونص ساعه على ماتوصلون يعني بتتأخرون كثيررر تبون تروحون 11 اتصلي على خالك
ندى بأحباط : طيب اتصل على خويك بسرعه ..لفت على البنات ... وانااا اللي بروح مع جوري
طلعت جوري من المشغل : منو قال؟؟ انااا ابي بنااان تجي معي
ندى طالعتها بقهر لانها عرفت ان جوري ماقالت كذا الى لانها سمعتهم : خايسه
جوري : ماجبتي شي جديد ... ومشت واهي ماسكه يد بنان وركبو السياره ...
وبعد خمس دقايق جات سيارة عبد الله وكانت سبورت يعني ماتكفي الى لثنتين ورى ولازم وحده تركب قدام وماأستوعبت الى وفرح وأريج راكبين ورى واضطرت تركب قدام...
عبد الله اول ماقاله عبد العزيز ان وحده بتروح معه اهي والعروس توقع 99% ان ندى اهي اللي بتروح مع عبد العزيز لسببين الاول : انها اخت العروس والاقرب لها
والثاني واهو الاهم : انها ماتبي تشوفه..
اول ماركبت جنبه حس الهوى اختفى من حوله وتنفس بعمق وفتح النافذه يمكن يقدر ياخذ انفاسه ..
امااا ندى فالعنت نفسها مليون مره على هالموقف ...
السكون كان مخيم على السياره ماتنسمع فيها غير اصوات انفاس ندى & عبد الله المضطربه والغير مستقره...
امااا ساره كانت جاهزه تتنتظر خالد يجي كان ودها تشوفه وفي نفس الوقت ماودها ... قطع افكاره صوت امها واهي تقولها ان خالد وصل لبست عباتها ويدها ترتجف وطلعت شافته يطالعها كانه ينتظر شخص ماشافه من سنين يطلع من الباب وفعلا هذا كان احساس خالد من اول ماوقف عند باب بيتهم واهو عيونه متعلقه بالباب ينتظرها تطلع واول ماشافها طلعت نزل من السياره وعيونه مانزلت من عليها وفتح لهاا االباب امااا ساره حست بهالحركه انها *أميرة زمانها* وركبت واهي حتى مالفت عليه او قالت (شكرا).. خالد سكر الباب وراح لمكانه وركب وحرك السياره ..
جوري وبناان وصلو وبعدهم على طول وصلت سيارة عبد الله نزلت ندى عشان البنات ينزلون بس ماتحركت من عند الباب حتى لمااا نزلو البنات كانت بترجع الكرسي لمكانه بس ماحست الى ويد عبد الله ساحبتها لداخل السياره وسكر الباب ومشى ... وندى للحين مو مستوعبه الصدمه ماستوعبت الى لما وقف على بعد اميال قليله من القاعه ..
ندى للحين مصدومه: انت وش تسوي رجعني؟؟
عبد الله بقهر : انااا مليت وتعبت لازم الحين تريحيني..
ندى : وشوو انت وش تقول مجنون انت ..
عبد الله بضحكة ساخره : لايروح فكرك لبعيد... وطالعها بنظرات جريئه.. انااا قايل من زمان ان افكاارك منحرفه بس ماصدقتي.
ندى استحت وعصبت في نفس الوقت ولفت جهة النافذه وقالت بلهجة امر : رجعني قبل ماأتصل على عبد العزيز واقوله..
عبد الله : سمعي انااا قلت لك جاوبيني وارجعك .. انتي للحين تحبينه؟؟
ندى : الف مره بجاوبك على هالسؤال .. اذا انت ترضى تكمل مع وحده شفتها في يوم ف حضن غيرك وبتظل تحبها في ذاك الوقت بقولك أي
عبد الله ابتسم براحه : طيب وانااا وش موقعي في حياتك..
ندى والدمعه واقفه على رمشها : انت كل حياااتي بس انت مو عارف تطلعني من التجربه القديمه دايم تذكرني فيها مو معطيني حتى مجال اني انسى واداوي جروحي
عبد الله ماعرف وش يقول وبعد صمت ثواني: انااا بتقدم لك هالأسبوع واذا كان كلامك صح بأني كل حياتك راح توافقين وبتنسين وانتي معي ... وشغل السياره ومشى
في القاعه ..
أريج وفرح اول مادخلو لفو وراهم وماشافو ندى توقعو انهااا لسى برى فا كملو طريقهم لداخل وفي غرفة العروس كان ابو جوري موجود..
ابو جوري : الملاك الحين عند الباب بس قولي من ورى الباب انك موافقه
جوري بانكسار : طيب
قامت جوري جهت الباب بس ماسمعت الى صراخ.. صراخ شخص حافظه صوته ومستحيل تنساه كان صوت (تركي) اللي كان طول الفتره اللي راحت يتعذب بصمت بس الصمت الحين انفجر..
عند الباااب ..
جاهم تركي لمااا سمع من عبد العزيز ان ماملكو وبيملكون اليوم ...
تركي بصراخ وعيونه حمره من السهر والتعب وقلة النوم والدموع اللي ماوقفت : لاااا ياعمي تكفى لاتذبحني لاتزوجها لغيري انااا بس اكون نفسي واجي اخطبهااا انتظروني انتظريني يااجوري انااا عارف انك تسمعيني لاتروحين لغيري ...
جى عبد العزيز ومسك اكتافه وقال بصوت مخنوق على حال صديقه : بس ياتركي مالك نصيب فيها
امااا عريس جوري ( فارس ) كان عارف انها كانت محجوزه لولد خالها بس ماكان يدري انه يحبها لهادرجه بس اهو بعد وده فيها ومارح يتركها له ..
فارس بحزم : اسمع ياتركي البنت اختارت ولو كانت تبيك ماأختارتني خلاص ماله داعي تذل نفسك اكثر..
تركي بعصبيه : انت اخر واحد يتكلم انت اللي اخذتها انت ... وقطع كل هالصراخ صوت جوري
جوري من ورى الباب وبغصه : خلاص ياولد خالي انااا اخترت طريقي واليوم بروح فيه وانت الله يوفقك مع غيري اكيد بتلقى اللي تسعدك ..
تركي سكت وبعد ايدين عبد العزيز عنه ووقف ..
عبد العزيز كان بيرجع ايدينه على كتوف تركي عشان مايتهجم على فارس بس تركي قال واهو ماسك ايدين عبد العزيز وبهدوء يختلف تمام عن العصبيه اللي من شوي : لاتخاف ماني مسوي شي.. وراح عند الباب وقال بهمس ماسمعه غير جوري : انتي حبيبتي الاولى والاخيره وبعدك مافي بنت تستاهلني وتستاهل مشاعري.. الله يوفقك يابنت عمتي..ومشى
عند ساره ..
بعد مامشت السياره حست بيد خالد على يدها كانت بتسحبها بس يده كانت ماسكتها بقوه..
ساره بهدوء : اترك ايدي
خالد بنفس الهدوء : ليمتى ياساره ؟؟
ساره : خلاص ياخالد انااا ابي ورقة طلاقي
خالد : احلمي فيهاا..
ساره فرحت انه متمسك فيها بس مابينت فرحتها وسكتت وخلت يدها وسط ايدينه..
وبعد صمت دقايق تكلمت ساره : عمي قاسم اناا عازمته بكره على العشا وطلب اني اعزمك لانه ماشافك من يوم الشبكه ويبي يشوفك...
خالد : وانتي ماتبين تشوفيني؟؟
ساره : بتجي ولا اقوله انك ماقدرت؟؟
خالد : تبيني ولا لا؟؟
ساره وحست ان الجو كاتمهاا : ماأقدر اذبح نفسي واقووول لا
خالد ماأستوعب وبعد ماأستوعب ماصدق اللي سمعه ووقف السياره على جنب ولف عليهااا وقال بلهفه : ساره وش تقصدين؟؟
ساره بابتسامه : اللي يحب لازم يسامح اللي يحبه ولا مارح يكون يحب من جد
خالد سحبها في حضنه وحضنها بقوووه وهمس لها : احبك واوعدك اني ماأخبي عنك شي بعد اليوم..
ساره : واناا واثقه من هالشي.. بس بسرعه لاني تأخرت
بعدها عن حضنه وكمل طريقه واهو وده يطير من الفرح..
خالد لف عليهاا والابتساامه شاقه الوجه : شرايك نطلع اناا وانتي وبلا عرس
ساره شهقت : نعم عرس صديقتي ومأروح لا ابي اروح
خالد : هههه طيب طيب ياحبكم للعروس.. رفع يدها وطبع عليها بوسه..: وياحبي لك..
وعند حناااان..
كانت كالعاده جالسه في غرفتها حتى زواج جوري رفضت تروح له .. وفجأه دخل عليها سلطان بكل قوه وسكر الباب ..
حنااان كانت متوقعه أي ردة فعل تطلع منه ولا راح تلومه على أي شي يسويه وقال في داخلها ( جى وقت الانفجار اللي كنت احترق على مايجي )
سلطان بكل عصبيه وعيونه تطلع منها الشرار : لين متى ؟؟ لين متى ؟؟ تكلمي قولي لي وش اسوي ماني قادر اتكلم ولا اسوي شي ..
حناان واهي اعصاابهاا باارده ولا كأن شي صااير : سو اللي تبيه ..
سلطان راح لها ورفع يده وعطاها كف حاار وقوي لدرجه ان اثار اصابعه طبعت على خدهااا
حنان ماتحركت ولا قالت شي لان في اعتقادها هذا اقل شي ممكن يصير لهاا
سلطان بنفس العصبيه وبصراخ : انااا رحت للواطي اللي كنتي معه والحمد لله اني ماأبتليت فيه لان رب العالمين عاقبه قبلي حبيب القلب اللي سلمتي له نفسك انشل وجاه الايدز لانك ماكنتي الاولى والاخيره كان في قبلك مليون وبعدك ملايين .. سكت دقايق بعدين قال..: سمعي خلال اسبوع بيجي واحد يخطبك وراح توافقين ولا والله لاأخلي فضيحتك على كل لسان وبعد مايخطبك بأسبوعين بيكون زواجك وبتروحين معه وبعد كم شهر بيطلقك ..وكمل باستهزاء.. : لان محد يرضى على نفسه ياخذ وحده رخيصه.. وطلع وسكر الباب وتركها
حنان ماكان يفرق معها أي شي يصير وراحت تروشت ونامت..
وصلت سيارة عبد الله للقاعه ونزلت ندى منها تركض بفستانها التركوازي الحريري اللي كان عباره عن لف من ورى الرقبه والظهر عاري نهايته شكل سبعه وماسك على جسمها بشكل خيالي مع تسريحتها الناعمه ومكياجهااا..
واول ماوصلت لغرفة العروس شافت أريج بفستانها الابيض الحرير كات مع شريطه حمره تحت الصدر مربوطه بشكل فيونكه كبيره عند الظهر وشعرها الطويل مسويته تسريحه على جنب ومكياجها قمه في الروعه والنعومه وبنان بفستانها الفوشي كان عباره عن قطعه حرير سيور وفوقها قطعه ثانيه شيفون نهايتها طوق اسود وفصوص صغار باللون الاسود على الخصر واطرافه بالشيفون الاسود وشعرها رافعته بتسريحه ناعمه وحلوه ومكياجها الرايق وفرح بفستانها الاسود المخملي بفتحته النازل من عند الصدر والحزام اللي على خصرها باللون الكحلي واكتافها العاريه كانت باينه فيه قمه في الروعه واقفات برى..
ندى : وشفيكم مادخلتو؟؟
بنان : عمي داخل اهو اللي قال انتظرو برى لانهم بيملكون الحين..
أريج : الى وين كنتي؟؟
ندى بتردد : ها اااا كنت في دورات المياه
أريج طالعتها بنظرات تفحص : متأكده
ندى : اوووه اقولكم بعدين..
أريج : وانااا بعد في شي بقوله لكم
بنان : وانااا بعد..
فرح : خلاص اليوم احنا بنرجع مع ندى بيتهم ونتكلم هناك سكرو هالمواضيع الحين..
انفتح الباب وبانت جوري اللي رمت نفسها على اقرب وحده فيهم وكانت أريج..
جوري كانت تحاول قد ماتقدر تمسك دموعهااا ماتبي تصيح صاحت كثيررر يكفي ..
دخلو للغرفه .. وثواني وجات أم جوري و ام فارس وبناتها الثنتين واهم يزغرطون بأعلى اصواتهم..
ام فارس: ياحظ ولدي فيك قمرر قمرر ماشاء الله عليك..
ورده (اخت فارس 20 سنه) : صدقتي يايمه .. وراحت تسلم على جوري ..: مبروك الف الف مبروك
جوري ببرود: الله يبارك فيك
زهره (اخت فارس الثانيه 17 سنه ) راحت تسلم على جوري وقالت بحقد ومن غير نفس : مبروك
جوري باستغراب من اسلوبها بس سلكة الموضوع : الله يبارك فيك ..
وراحت لها ام فارس وحضنتها وبوستها واهي تردد: مبروك الف الف مبروك الله يهنيكم ويوفقكم...
وبعد دقايق ..
ندى واهي داخله :يلا ياجوري الحين بتنزفين ..
طاحت دمعه من جوري ومسحتها بسرعه وضبطت شكلها وطلعت..
في احدى كفيهات الخبر..
عماااد (خطيب الجوهره) كان رايح للخبر مع اثنين من ربعه والحين جالسين في كافي ..
عمااد : طلبو لنااا شي ..
رائد واهو يأشر للقرسون : لو سمحت..
القرسون واهو جاي لهم : نعم أي خدمه؟؟
رائد : ها وش تبون
عمااد : انااا ابي عصير برتقااال طازج بااارد
ماهر : اناا ابي اكسبرسو
رائد : وانااا جيب لي كابتشينو
ماهر : اناا لازم بكره ارجع.. انتو متى ناويين ترجعون
رائد : انااا باقي هناا ثلاث ايام زياده
عماد : اناا مادري متى ماطقت في راسي رجعت.. ليه تبي ترجع بكره
ماهر : ابد اختي في ناس جايين يخطبونها
عماد باستغراب : ليه مو قبل كم اسبوع كانو جايين يخطبونها
ماهر : أي بس دلع البنات بس قال ايش قال مو حلو ماعجبها ورفضته
عماد بخبث : طيب انت طالعني على انك بنت بتشوفني حلو ولا لا
ماهر باستغراب : وش ذا السؤال
عماد : انت جاوب
ماهر : أي حلوو وتجنن بعد واللكل يشهد
عمااد : طيب واذا قلت لك ارفض اللي متقدمين لأختك توافق
ماهر : وليه ارفضهم؟؟
عماد : انااا بخطب اختك
ماهر باستغراب : هاا ليه مو انت خاطب
عماد : الشرع حلل اربع
ماهر : بس انت ماتزوجت الاولى تروح تخطب ماتخاف خطيبتك تتركك
رائد بضحكه : هههههه تتركه اهي الخسرانه .. يضرب كتف عماد بخفيف : عمااد ضامن انها مارح تتركه عشان كذا بيخطب اختك
ماهر : وليه ماتتركه؟؟
عماد : باختصار لانها حامل ههههه
ماهر : صدق اللي قال الذيب مايهرول عبث
عماد : وش قلت تعطيني اختك
ماهر : اعطيك ليه لا ههههه
( ماهر شخصيته ضعيفه ودايم يمشي ورى عماد عشان كذا مستحيل يرفض له طلب لو يطلب عيونه)
انزفت جوري على شعر بأسمها كان اهداء من فارس كانت تمشي بفستانها الفخم الابيض ومكياجها الفخم الثقيل اللي يخبي ملامحها وكان بحسب طلبها وتسريحتها اللي يزينها التاج الملكي وباقة وردها الغريبه المليانه ورد طبيعي بلونين الاحمر والابيض وداخل فيها لمبات صغيره بلون الازرق وصلت لكوشه وجلست وبدو المعازيم يجون باركون لها وبعدها انشغلت بالتصوير لحد مادقت الساعه على ال12 تعلن وقت دخول المعرس جوري كان شعورها عكس شعور أي بنت في هالموقف ماكانت متوتره ولا خايفه ماكانت تحس بأي شي كانت تحس ان كل الاحاسيس اللي داخلها ماتت دخل فارس يزفونه امه وخواته وصل لهااا واهوو مبهوور ماتوقعها بهالجمال سمع انها حلوه بس ماكان متصور ان حلاها يوصل لهالدرجه وقال في داخله ( ماألومك ياتركي يوم انك تصيح وتقلب الدنيا عشانها ) رفع طرحتها وطبع بوسه على جبينها وحاوط خصرها بيده ومشو لحد الكوشه وجلسو وصورو كم صوره وفارس ماقدر ينتظر اكثر وقال لأمه انهم بيمشون وطلعوو وركبو السياره وكل هذا وجوري كانت مثل المخدره تمشي وبس.. اول مامشت السياره فارس مسك يدها ورفعها وباسها ..
فارس : مبروك ياعروس
جوري ببرود : الله يبارك فيك..
وصلو للفندق اللي كان حاجز فيه فارس لان كلها يومين ويسافرون شهر العسل ..
جوري باستغراب : ليه وقفت؟؟
فارس : وصلناا للفندق..
جوري :فندق .. بس امي قالت ان بنسكن في بيت اهلك في جناح لنا هناك
فارس بابتسامه تذوب: صح ياروحي بس اللي ماقالوه لك ان بعد يومين بنسافر شهر العسل عشان كذا بنبقى هاليومين في الفندق..
جوري فتحت الباب ونزلت .. نزل فارس وراها وصلو للجناح اللي كان فارس حاجزه .. دخلو قرب فارس من جوري وحاوط خصرها بايدينه وتوه بيقرب رفعت جوري يدها وحطتها على شفايفه وقالت : لو سمحت بلاها اليوم خلها بكره..
فارس استغرب بس قال اكيد انه خوف بنات طبيعي وبعد ثواني قال: طيب قلبي انتي فيك النوم
جوري : لا
فارس : طيب شرايك تتروشين وتبدلين واناا بطلب لنا عشا ونجلس نتكلم تدرين لا اناا اعرف عنك شي ولا انتي تعرفين عني شي ..
جوري اعجبها اسلوبه وتفهمه للموضوع : طيب
امااا في القاعه ..
ساره اتصلت على خالد وجى خذها ..
ندى تحاول تقنع أريج : تعااالي معناا واعطيك من بجاماتي ..
أريج : لا بروح البيت اتروش وابدل واجي لكم
ندى : طيب ليه؟؟
أريج : أمووول مشت عنها ميساء وبوصلهاا ..
ندى : وسويره وينهي؟؟
أريج : ندى شفيك الله يهداك قبل ساعه مسلمه عليك وماشيه
ندى : يووه نسيت.. يلا احنااا بنمشي نستناك مو تتأخرين
أريج : اوكي ساعه وجايتكم.. وتلتفت لأمل اللي جالسه تلبس عباتها..أموووول يلاااا
أمل : يلااا الحين جايه ..
وطلعت أريج وأمل وركبو في سيارة محمد ...
أريج اول ماركبت : مساء الخير
أمل : السلام ..
محمد : وعليكم السلام .. ولف على أريج : مساء الورد والجوري
أريج : ههههه اقول اخونا في الله روح عند مدرسه ابتدائي اللي عند بيت عمي ابو سلطان عشان نوصل امول صديقتي
محمد : من عيوني..
أريج : اقول قلبووو
محمد : هلا
أريج : متى بتنااام
محمد : ماأدري بس مو الحين .. ليه ؟؟ اكيد عندك مشاوير
أريج : ههه فديت اللي فاهمني .. امم اول شي ابي البقاله وثاني شي بعد ساعه من توصلني البيت ابي اروح بيت عمي ابو جوري انااا قلت لأبوي ورضى
محمد : سمعي ياوخيتي ياحبيبتي الاول بقالة رجلك اللي فاتحه هالوقت والثاني نص ساعه مافي غيرها لاني ابي انااام
أريج : طيب الاول في بقالة فاتحه 24 ساعه وانت تدري لاتستهبل والثاني أمري لله نص ساعه نص ساعه ليه لا..
وقف عند البقاله ..
محمد : وش تبين..
أريج : انتظر اطلع ورقة وقلم لاني ابي اشياء كثير
محمد : اهااا خلصي
أريج تلف على امل اللي جالسه وراها : امول تبين شي
امل بصوت واطي : لا
أريج تلف على محمد : انزل البنت تستحي تتكلم وانت موجود
محمد : هذا اللي يقول البيت بيت ابونا والقوم طردونا ماني نازل .. وقال لأمل بجرأه : اختنااا في الله اللي جالسه ورى ترى قولي عادي لاتستحين
أمل : لا ماأبي شي
أريج : طيب على الاقل بيبسي
أمل باستسلام : طيب .. وفتحت شنطتها وطلعت خمس وعشرين ريال ومدتهم لأريج ..: وابي بطاقه سوا بعشرين
محمد بنرفزه خفيفه : رجعي فلوسك يابنت الناس ولا اناا مو مالي عينك
أمل انحرجت ورجعت فلوسها وقالت : سوري ماكان قصدي بس مو متعوده اخذ شي من
قطع كلامها محمد : اعتبريها هديه من صديقتك .. ولف على أريج : وانتي ماخلصتي قائمتك
أريج : الى بس شوي يلا خلصت .. ومدت له الورقه وخذها ونزل ..
أمل : الله ياخذك قولي آمين فشلتيني..
أريج : وليه فشلتك وش مسويه لك انااا؟؟
أمل : ماعليناا اقولك هذا الأمريكي..
أريج : هههه أي اهو اللي جاي من امريكا مو امريكي..
أمل ( آآآه اخير شفته لا ومطيح الميانه بعد فديته وفديت جرأته والله انه قمر معقوله يكون عرفني ولا لا؟؟ لا ماأتوقع صحيح انه سمع صوتي مره في التلفون وشافني مره بس ماأتوقع انه ذاكرني ولا حتى لو احد يقوله الموقف بيذكر آآآه يامحمد سرقت قلبي وتركتني بدون قلب )).. وماحست الى بالسياره تمشي وأريج تمد لها البيبسي والبطاقه ومعهم جلكسي..
أمل باستغراب : بس انااا ماقلت ابي جلكسي..
محمد : اااي ادري بس بصراحه اشتهيته لك
أمل بحيا : يسلموو مشكور
محمد بابتسامه تذوب : ولوو حق وواجب ربي يسلمك ..
أريج : ياناس ياعالم نحن هنااا تراني موجوده
محمد : ورى ماتنثبرين وتاكلين تبن..
أريج : لالالا مستحيل حمووود وش هالألفاظ أنت ارقى من كذا من متى وانت تقول هالألفاظ..
محمد تركها وسرح بأفكاره ( آآآآه ماني مصدق اني عرفت من اهي ولقيتها الصوت نفسه عيونها اللي باينه من النقاب نفسها الطول والجسم صحيح مو باين كثير من العبايه بس باين انه نفسه وأسمها امل اسم على مسمى انتي اللي جددتي الامل فيني.. بس ياترى عرفتني ذكرتني ولا ماطريت على بالها آآآه قلبتي كياني ))
وصلوو امل لبيتهم وراحوا اهم على البيت وبعد نص ساعه وصل محمد اريج لبيت عمه ابو جوري ورجع البيت ونام بعد ماتعب من التفكير فيها ..
نرجع لورى كم ساعه عند ساره ..
اتصل عليها خالد وطلعت من القاعه وركبت معه السياره ..
خالد بلهفه : تأخرتي علي كثير اشتقت لك موووووووت
ساره ضحكة بدلع : حرك السياره
خالد بهيام : من عيوني ياعيوني
ساره : تسلم لي عيونك
وبعد نص ساعه وقفت السياره عند بيت اهل ساره ..
خالد : حياتي انااا اليوم بمشي البحرين وراجع بكره
ساره باستغراب : البحرين ليه ؟؟
خالد : بروح اجيب بشت عرسنااا ولا نسيتي ان ماباقي على زواجنااا الى شهرين
ساره : لا مانست بس الحين الشرقيه كلها عرضها وطولها مافيها بشوت عشان تروح تجيب من البحرين
خالد : هذا عرسي مو أي عرس ومو على أي وحده على سارونه حبيبتي اللي ظفرها يسوى الكون كله ..
ساره بابتسامه خجل : تسلم لي ياروحي ..وفتحت الباب ونزلت قبل ماتذوب من الحيا ..
اماا عند العرسااان..
جوري ارتاحت لفارس كثيرر وقررت انها دامها اختارت قرارها مارح تظلم فارس معها ومارح تحسسه بشي .. كانو جالسين بالصاله بعد ماخلصو عشا يسولفون وكل واحد يحاول يكتشف اكبر قدر ممكن من شخصية الثاني ..
فارس : اقول قلبي عندي لك خبر
جوري : قول..
فارس : انااا بعد كم ساعه رايح البحرين عندي شغله صغيره وراجع بكره
جوري بزعل : في يوم عرسنا؟؟
فارس : حياتي انااا مارح اتأخر يعني ثلاث او اربع ساعات وراجع اهي بس مسافة الطريق
جوري : طيب امري لله
فارس : لاتزعلين ياروحي بس صدقيني لو اني مو مضطر ماكان رحت..
جوري بابتسامه : لا مازعلت بس ماكان ودي انك تروح بهالوقت ..
عند باقي البنات ..
كانو جالسين على سرير جوري..
ندى : اليوم لما افتقدتوني كنت مع عبد الله .. وكملت اللي صار لها مع عبد الله ..
بنان : واناا من كم يوم اعترفت لعبد الآله اني احبه .. وقالت لهم موقفها معه..
أريج : وانااا راكان خطبني .. وقالت لهم اللي صار بالسياره ..
فرح : واناا ماصار معي شي .. لفو عليها البنات وضحكو ..
.................
الساعه 4 الفجر ..
تحركت سيارتين متوجهين للبحرين سيارة خالد وسيارة فارس..
خالد كان ماسك الجوال ويكلم ساره ..
وفارس كان ماسك الجوال ويكلم جوري ..
خالد: حياتي اناا الحين عند الجسر اذا خلصت رجعت كلمتك..
ساره : اوكي ياقلبي بس انتبه على نفسك
خالد : من عيوني
ساره : تسلم لي عيونك .. لاتتأخر علي
خالد : واناا اقدر
فارس : طيب انتي الحين روحي نامي لاني قربت عند الجسر
جوري : مارح انااام بنتظرك
فارس : طيب حبيبي
فارس كان النوم والتعب هالكه من بعد دوشة العرس والفندق والحين ماسك خط البحرين ماكان مركز على الطريق وصل عند الجسر في الوقت اللي خلص خالد اجرأته ومشى .. وبعد ربع ساعه حرك السياره وزاد سرعته عشان يوصل بسرعه ويخلص شغله ويرجع ولان النوم كان مغطي عيونه ماأنتبه لسيارة خالد اللي قدامه وصدم فيها وانقلبت وجات شاحنه واصدمت في سيارة فارس وعدمتها ..
ساره كانت تنتظر خالد يرجع يدق عليها واتصلت بس كان جواله مقفل وبدى الخوف يسري لقلبها لان خالد عنده شاحن لجواله في السياره ..
وجوري كانت على السرير تتقلب مو قادره تنام حاسه بضيقه لان فارس مارجع دق عليهااا...
بعد ربع ساعه من الحادث كانو الشرطه والاسعاف موجودين الاسعاف شالت خالد وفارس..
والشرطه كانت تحقق مع سائق الشاحنه..
الشرطي بعد ماخلص تحقيق يكلم زميله: ها وش صار على المصابين انشاء الله عايشين..
زميله : والله للأسف فقدنا واحد منهم لان الضربه جات على راسه وسببت له نزيف داخلي ومااات
الشرطي بأسف : لاحول ولا قوة الى بالله الله يصبر اهله
زميله : اللهم آمين..
بعد ساعتين ..
وصل الخبر لكل من اهل خالد واهل فارس ..
فهد (أخو خالد ) والدمعه طاحت على خده : ها يبه كلمت ابو ساره
ابو فهد : لا والله ماأقدر اعصابي يالله تشيلني انااا بروح لأمك أحااول اهديها وانت كلم ابو ساره
فهد راح بعيد شوي واتصل على ابو ساره بس كان جواله مقفل فا مالقى حل غير انه يتصل على ساره اللي كان رقمها عند خطيبته .. اتصل على خطيبته وخذ رقم ساره بعد ماقال لهااا اللي صار..
اتصل في ساره وردت عليه بسرعه من خوفها على امل انه يكون خالد او أي خبر عنه..
ساره بلهفه : الوو
فهد : الو هلا ساره
ساره باستغراب : نعم مين معي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك