رواية اختلفنا من يحب الثاني أكثر-14 البارت الاخير

رواية اختلفنا من يحب الثاني أكثر-14

بعد ساعتين ..

وصل الخبر لكل من اهل خالد واهل فارس ..

فهد (أخو خالد ) والدمعه طاحت على خده : ها يبه كلمت ابو ساره

ابو فهد : لا والله ماأقدر اعصابي يالله تشيلني انااا بروح لأمك أحااول اهديها وانت كلم ابو ساره

فهد راح بعيد شوي واتصل على ابو ساره بس كان جواله مقفل فا مالقى حل غير انه يتصل على ساره اللي كان رقمها عند خطيبته .. اتصل على خطيبته وخذ رقم ساره بعد ماقال لهااا اللي صار..

اتصل في ساره وردت عليه بسرعه من خوفها على امل انه يكون خالد او أي خبر عنه..

ساره بلهفه : الوو

فهد : الو هلا ساره

ساره باستغراب : نعم مين معي

فهد : انااا فهد اخو خالد

ساره بعدم تصديق: فهد فهد الحقني خالد صار له ثلاث ساعات مايرد علي انااا خايفه عليه

فهد : ساره انااا مادري وش اقولك

ساره : انت تعرف وين خالد صح قولي وينه تكفى

فهد: خالد صار له حادث واهو رايح البحرين ..

ساره بانهيار: لااااا انت كذااب انت ماتدري خالد راح البحرين يجيب بشته لزواجنا

فهد : هدي اعصابك احنااا في مستشفى .........

ساره سكرت وراحت تركض تصحي ايمن عشان يوديها..

ام فارس واهي تصيح : يمه عليك ياولدي مالحقت تتهنى بزواجك توك بليلة عرسك

زهره ودموعها على خدها : كلا منها وجه النحس اهي السبب ولا في وحده عاقله تخلي زوجها يطلع يوم عرسهم للبحرين انااا قلت لكم ماطعتوني

ابو فارس : مكتووب يابنتي مقدر ومكتوب .. ولف على ورده .. : اتصلي على جوري وخليها تجي

راحت ورده بعيد شوي واهي تبكي واتصلت على جوري اللي ردت بسرعه..

جوري بهدؤ: الوو

ورده : هلا جوري

جوري: ورده وش فيه اتصالك غريب اكيد فيه شي فارس فيه شي..

ورده بصوت مبحوح : جوري تعالي لمستشفى ...... فارس صار له حادث واهو في طريق البحرين

سكرت جوري وحتى ماسألت عن حالته واتصلت على خالها زهير بس مارد واتصل على ابوها ونفس الشي ومالقت نفسها الى واهي تتصل على تركي اللي رد عليها مو مصدق ..

تركي بلهفه : جوري

جوري بغصه : تركي ممكن تجيني بفندق .......

تركي بخوف : ليه وش فيك ؟؟

جوري : فارس صار له حادث واهو الحين بالمستشفى ومافي احد يوديني له

تركي : طيب انتي اهدي دقايق وانااا عندك

وصلو الثنتين للمستشفى..

وكل وحده حالتها اسوأ من الثانيه..

وقفت ساره عند فهد اللي واقف بالسيب..

ساره :فهد وين خالد ؟؟

فهد رفع راسه وماعرف يرد

ساره:فهد تكفى وين خالد

فهد : جلسي ياساره واقولك كل شي

جلست ساره وعيونها متعلقه بفهد بخوف كبير واضح بدموعها وصوتها..

فهد : خالد الحادث اثر فيه كثير وسبب له كسور في يده وحوضه بس الضربه جات اقوى على راسه

ساره تطالعه ودموعها كل ثانيه تزيد..

فهد : خالد دخل في غيبوبه ماندري متى يطلع منها وشنو تأثير الحادث عليه..

ساره طاحت على الارض فاقد الوعي..

فهد صرخ على النيرس الواقفه وجات شالتهاا ودخلوها غرفه وبعد نص ساعه طلع الدكتور من عندهاا..

فهد : ها دكتور طمني عليها..

الدكتور : والله اخوي فهد انت دكتور وعارف ان الصدمه ماكانت قليله عليها وللأسف سببتها لها بكم هستيري وفقدت النطق بس ان شاء الله راح يرجع لها مع الوقت اذا تحسنت نفسيتها اهم شي الحين انهاا تبعد تمام عن الزعل واي شي يضايقهاا

وعند جوري كانت تمشي مثل الام اللي تدور ولدهاا وصلت عند اهل فارس ووقفت قدام امه المنهاره..

جوري : خالتي وين فارس وكيف حالته الحين

ام فارس نزلت راسها وزاد صياحها..

جوري لفت على ورده وسألتها مره ثانيه : ورده وين فارس..

ورده رمت نفسها بحضن جوري : فارس مات ياجوري مااات راح وخلانااا تركنااا ياجوري وراح

جوري انشلت حواسها وماقدرت تتكلم او تنطق بحرف ..

تركي كان واقف وراها ولماا سمع الخبر انصدم خاف من تأثير الخبر على جوري توها بأول يوم زواجها يمووت زوجهااا....

جوري لماا استوعبت كلاام ورده بعدتها بقوه عن حضنها ودخلت لغرفة العمليات اللي فيها فارس على ماتخلص اجراءات نقله لثلاجه وبعدها اوراق الوفاه

طاحت على ركبها لما وصلت لسريره اللي مخلينه عليه.. مسكت يده البارده وعيونها على وجهه الخالي من الملامح وتكلمت والصدمه للحين مارحت منها..

جوري : فارس انت مامت صح انت نايم انت قلت لي بتروح تخلص شغله وبترجع بترجع لي في الفندق مو في المستشفى فارس يلاا قوم نرجع الفندق اول يوم عرسنا وتخليني ازور المستشفى حرام عليك حبيبي يدك بارده اكيد تبيني ادفيك صح حياتي انااا احطك بعيوني وادفيك بس لاتخليني لاتتركني بعد مابديت احبك واتعلق فيك....

قطع كلامها يدين تركي لما استقرت على اكتافها..

جوري : تركي فارس متى بيجلس..؟؟

تركي طاحت دمعته.. ورفعها وطلعها من المستشفى كله..

واهي تمشي معه وكل شوي تسأله ..(تركي ليه خلينااا فارس هنااا ابي اخذه معي... رجعني له))

وصلها لبيت اهلها بس اول ماوقفت السياره .. لفت عليه..

جوري : ليه جبتني هناا ودني للفندق الحين يجي فارس ومايلقاني

تركي بألم على حاله وحالها : جوري فارس ماااات خلاص

جوري بصراخ: لاتقول مات انااا محد يعرفني ويموت اهو بيرجع ودني للفندق

تركي بصرااخ واهو حاط عينه بعينها:خلاص تكفين فارس مااات راااح ومارح يرجع....رحميني خلاص ...ماقدر اشووف دمووعك نزلي لبيت ابوك وريحييني

جوري بعصبيه واهي تنزل من السياره : انت واحد كذاب بقول لأبوي يوديني الفندق وبقوله على اللي سويته انت وانك ماجبت زوجي معي..

أريج كانت جالسه في غرفتهااا بعد مارجعت من بيت عمها الصباح مع عبد العزيز وفرح وبنان وسرحاااانه (اوافق على راكان ولا ماأوافق طيب اذا وافقت طالب وش ردة فعله اخاف يسوي شي يخرب علينااا لالا هذا اخوه مارح يخرب سعادته ... الحين انااا افكر كأني وافقت بس انااا هالفتره احس اني دايم محتاجته ابي اشوفه على طول صايره اشوفه من ناحيه ثانيه غير انه ولد خالتي البنات يقولون ان هذا حب اخاااف بس اعجاب بس لا اهم قالو الاعجاب مايطول كذا اكيد اني احبه ... اوووه ياأريج انتي تموتين فيه زين مو بس تحبينه ....)

قطع تفكيرها صوت الباب ..

أريج : ادخل

دخل محمد : السلااااام

أريج : وعليكم السلام

جلس قبالهاااا

محمد : عندي لك خبر بس قبله بسألك انتي ليه انقطعت علاقتك بحنان

أريج باستغراب من سؤاله اهي كانت ناسيه حنان..: هواش بنات عادي وشو الخبر

محمد واهو يطالعها بتفحص : حنان انخطبت ووافقت واشرطت انه ماتبي عرس وبتملك اسبوع الجاي وبتروح معه

أريج كانت تسمع الصدمه ورى الثانيه ومو مصدقه كانت عارفه ليه حنان ماتبي عرس بس ماتوقعت يصيركل هذا وبهالسرعه...

صحت من سرحانها على صوت محمد

محمد وتأكد ان فيه شي : ياااهووو وين رحتي

أريج مسحت الدمعه اللي طاحت بدون ماتحس: معك وش كنت تقول

محمد واهوو يقرص خشمهاا : كنت اقول يلا نزلي الغداء وبتسمعين الخبرالثاني تحت...ابتسم لها وطلع

أريج ماكانت مهتمه لكلامه فا راحت تبدل ملابسها وتلبس عباتها الكتف وتنزل....

امااا ندى كانت توها بتنام بعد مامشو البنات بس انصدمت بدخول جوري عليهاااا..

ندى بصدمه : جوري وشفيك؟؟وش صاير؟؟

جوري ودموعها تنزل بدون ماتحس: ندى قولي لي انهم يكذبون يقولون لي ان فارس ما مات قولي انهم يكذبون

ندى ماعرفت وش تقول ولا وش تسوي من صدمتها جلستها على السرير وحضنتها وبعد دقايق حست انها نامت بحضنها غطتها وطلعت من الغرفة..

اتصلت على اهل فارس اللي اكدو لها صحة الخبر..

وعند أريج سمعت الخبر على الغداء اللي كانت اوردي مجهزه نفسها له (خطوبتها من راكان)..

عند ساره في غرفتها في المستشفى..

دخل عليهاا ابوها وشافها جالسه على السرير الابيض مثل الملاك الحزين ونظرهاا على الجدار جلس على طرف السرير ودموعه تطيح..

ابو ساره: ساره حبيبتي سامحيني تكفين يابنيتي سامحيني اوعدك اني اتغير بس رجعي لي مثل قبل تكلمي سمعيني صوتك العذب لاتقطعين قلب امك عليك هناك اهي برى ميته صياح عليك تكلمي تكفين....

بعد مرور ستة أشهر ....

الاحداث اللي صارت بهالسته شهور كثيررره لأبطالنا...

منها..

نواف خطب هيفا بعد ماتأكد انها حبيبته اللي تركته بدون سابق انذار..

هيفا حبها لنواف غلب خوفا ووافقت والحين اهم مخطوبين من شهرين..

سامي خطب ياسمين بنت عمه على امل انه ينسى ساره حب طفولته..

ياسمين وافقت على سامي عشان تهرب من خواتها وظلمهم وحياتها مع سامي بارده لأبعد الحدود وخطوبتهم صارت مع هيفا&نواف..

ميساء عطت حسين فرصة ثانيه واثبت لها ان تغيير وتزوجو والحين اهم في شهر العسل..

حسين لمااا ميساء رجعت له عاملها كأنها ملكة وترك خياناته اللي قبل..

أمل حبها البريئ لمحمد كبر مع الايام بصمت وخطبها محمد ووافقت وخطوبتهم بعد شهر

محمد عرف بحب امل له من أريج وطار من الفرح انها تبادله الشعور وفرح اكثر يوم وافقت عليه..

جواهر عماد لمااا خطب اخت صديقه حست بالندم بس بعد فوات الاوان تذكرت تحذير اهلها لها وانها سدت اذانها وخذته وبطنها كبر وانتقلت لشقته بدون زواج بعد ماعرفو اهلها..

عمااد استهتار تخطى كل الخطوط الحمراء..

ندى حزنها على اختها نساها نفسها..

عبد الله احترم حزنها وانتظر عدة جوري تخلص عشان يتقدم لها وتقدم لها ووافقت بعد اصرار جوري بس رفضت تسوي خطوبه كبيره ..

جوري الحزن غطاها وعزلها عن الناس كلهم ندمت على كل يوم ضيعته بدون فارس ..

تركي حزنه زاد على جوري ووضعها بس حس بالأمل يتجدد بداخله فأنها تكون له ..

حنااان تزوجت وسافرت اسبوعين ورجعت مطلقه مثل ماقاال لهاا سلطاان اخوهااا ..

بناان حست بالدنيا تمشي عكسها لماا سمعت من فاطمه ان عبد الاله خطبها بس ابوه مو راضي..

عبد الاله نفس احساس بنان وكل ماقدم خطوه الدنيا رجعته عشر وحاول طول السته شهور الماضيه انه يقنع ابوه بس بدون فايده..

فرح كرست حياتها لدراستها ومستقبلها وخاصة انها السنه ثالث ثانوي..

أريج فرحت بخبر خطوبتهاا وحزنت على بنت عمها وصديقتها وزواجها تحدد بعد سته شهور بس رفضت فترة الخطوبه بحجة انه ولد خالتها..

راكااان طااار من الفرح بموافقة أريج وحزن على ردة فعل اخوه طالب..

طالب لماا عرف بلخبر هاجر لأستراليااا وأخذ معه قلبه المكسور..

طاهر حس انه يبادل بنت خاله المشاااعر ..

فيصل مشاكله مع فاطمه كل يوم تزيد لحد ماوصلت للأنفصال..

فاطمه من انفصلت عن فيصل وحالتهااا تكسر الخاطر..

راشد عزابي العايله أخيرا قرر الزواج بس حط شروط تعجيزيه ( بحرينيه_دكتوره أو مهندسه_شعرها ناعم وطويل لتحت خصرها_طول أريج_وحلوه_من عيله راقيه ومحترمه ومعروفه)

نسيم حزنت كثيررر على صديقة عمرهااا بس الضروف كانت اقوى منها ملكت على وسام وسوو خطبة مؤقته ثلاث اياام وبعدها باسبوعين سافر وساام..

وسام مرت عليه ايام خطبته من نسيم من أحلى اياام حياااته..

ابو ساره تغير حاله من بعد طيحت بنته 180 درجه صار رجاال ملتزم ومتدين ..

ساره &خالد نعرف احداثهم في الجزء الجاي

الجزء الأخيرررررررررر.......

ساره طوال السته شهور كانت ساكته وماتكلم احد بسبب انها فقدة القدرة على النطق واللي زاد حالتها خالد اللي لسى ماصحى من غيبوببته كانت تزوره كل يوم على امل انه يصحى ..

وصلت المستشفى ونزلت من سيارة أيمن وخلته ينتظرها في الاستقبال ...

دخلت العناايه عند خالد مسكت يده ونزلت دموعها عليه كان ودها تتكلم على امل انه يسمعها ويصحى بس صوتها خانها ومارضى يطلع بكت وبكت وبكت لحد ماتعبت وفقدت الامل انه يصحى طبعت بوسه على يده وطلعت...

شافت أيمن يتكلم مع الدكتور المختص بحالة خالد..

بعد مامشى الدكتور شاف علامة الاستياء على وجه أيمن..

أشرت له بيدها بمعنى (شنو كان يبي)

أيمن بتردد كبير قال : يقولون ان حالة خالد مافيها أي تطور او امل ويبون توقيع المسؤول عنه عشان يفصلون الاجهزة و و ويموت طبيعي ..

انهارت ساره وطاحت على ركبها تصيح بألم وعذاب واهي تهز راسهاا بالنفي (شلون يبونها توقع على موت حبيبها موت خطيبها موت خالد كل دنيتهاااا ... مارح اسمح لهم ياخذونك مني انت لي وبتبقى لي على طول لسى قدامناا مشوار طويل واكيد انك مارح ترضى علي اني اكمله لحاااالي قدامنااا زواجنااا وعيااال بنجيبهم انت مارح تسمح لهم ياخذونك مني واسوي زواج واجيب عيال من غيرك ) قامت بسرعه ورجعت لغرفة خالد...

رمت نفسهااا في حضنه واهي تصيح بقووه ... في وسط صيااحهااا حست بيد على ظهرهااا رفعت راسهاا بقوه وخلال ثواني ملأ وجهها علامات الاستياء لماا شافت ايمن واقف وحاط يده على ظهرها ..

أيمن : خلاص ياساره هذا امر الله ولازم نرضى فيه ..

ساره ودموعها تنزل هزت راسها بالنفي

أيمن مسك يدهاا ومشووو لمااا وصلوو عند الباب لفت ساره وسحبت يدها من ايمن وركضت لحضن خالد ...

حضنته واهي تصيح .. رفعت نفسها من حضنه ومسكت يده واهي تطالعه بعيون ملاها الدمع فجأه حست بيد خالد تشد على يدهااا ماكانت مصدقه لفت على أيمن واهي تبتسم وتأشر على يد خالد بلهفه ..

أيمن نقل نظراته ليد خالد وشافها واهي تشد على يد ساره وطلع يركض للدكتور ..

بعد اقل من ثواني دخلو الممرضات والدكتور وطلعو ساره وأيمن من العنااايه ..

بعد ساعه ونص.. من الانتظار القاتل.. طلع الدكتور وعلى وجهه احلى ابتسااامه تبشر بالخير..

طارت ساره وأيمن للدكتور.. وقبل مايتكلمون ويسألون..

الدكتور: الحمد لله المريض خالد صحى من الغيبوبه وجميع الفحوصات تأكد ان سليم ومافيه شي بس يحتاج لعلاج طبيعي لرجوله وايدينه بسبب انه ماكان يحركهم لمده سته شهور فا يحتاج فتره عشان يرجع مثل قبل ..

ساره رفعت يدهاا تحمد ربهااا وتشكره على انه استجاب دعوتهاا ورجع لهاا خالد ( الحمد والشكر لك يارب على هالنعمه الحمد والشكر لك يارب)

بعد ستة شهور زيااااده ...

هيفااا&نواف حبهم كل يوم يزيد ويكبررر...

ياسمين & سامي كل واحد حاول انه يتأقلم مع وضعه الجديد ويحب الثاني ...

جواهر& عماااد كل واحد عايش حياته بعيد عن الثاني عمااد مع زوجته الثانيه ومشاكلها وجواهر مع ولدها..

ميساء &حسين احلى زوجين واسعد زوجين وخاصة مع حمل ميساء ...

أمل &محمد حب بريئ صافي خالي من احقاد الدنياا وبلاويهاا..

فيصل & فاطمه كل واحد لقى حياته وعاشها بعيد عن الثاني ..

راشد اللكل يتزوج ويتغير الى اهو الدنيا تمشى من حوله واهو واقف..

عبد الاله &بناان بعد محاولات كثير من جميع الاطراف وافق ابو عبد الاله وانخطبو لبعض قبل ثلاث شهور وعبد الاله لسى مو مصدق ان حلمه تحقق..

فرح خلصت ثالث ثانوي وطلعت لهااا بعثه لأمريكااا وبتسافر بعد زواج بناان اللي اهو بعد شهر..

جوري & تركي تركي رجع خطب جوري ثلاث مرات وكل مره كانت ترفض بس اخر مره وافقت بس رفضت انهاا تسوي زواج كبير..

ندى & عبد الله ندى لقت الحنااان والحب اللي تدوره طول حياتهااا ونست الماااضي مع عبد الله وعاشت معه الحااضر والمستقبل وزواجهم قبل بناان بأسبوعين..

طاهر حجز بنت خاله وحبهاا مع الوقت..

طالب لسى في استراليااا ومقاطع الدنيااا كلهاا..

حناااان عزله مالهااا آآخر متى بتنتهي محد يدري..

ساره & خالد تزوجووو مع علي ولمى بعد ماخلص علاج خالد وسافروو شهر العسل وهنااك رجع النطق لساره لان نفسيتهاا تحسنت ورجعو قبل شهر ...

أريج & راكااان اليوووم زواجهم الزواج الاسطوري اللي الكل ينتظره...

أريج كانت في المشغل مع ساره وبنااات عمهااا ..

أريج : بناات انااا خايفه ..

بنااان : منو اللي خايفه انتي اشك بصراحه..

أريج واهي جد متوتره : ورى ماتاكلين هوا اصلاا مادري شلاقي فيك عبد الاله اللي ميت عليك كذا ..

بنااان بدلع : ياااربي نااس الغيره ذابحتهم ..

أريج نفخت رووحهاا وطالعتها من على جنب: انااا الغيره ذابحتني لا ياماما اناا الشبااب يركضون وراي وانتي اكثر وحده عااارفه..

ساااره بتسووي خير هع: خلااااااص انتي واياااهاا

ندى : بس تكلمت ام صويت انتي لو ظاله بدون صوت مو احسن..

أريج رمت عليهاا رووج من اللي جنبهاا: اسم الله على صديقتي ان شاء الله اللي يكرهونهااا

ساره بابتسامه : فديتك انااا

مررر الوقت بسرعه لحد ماجات الساااعه خمس العصر في البحرين..

راكاان فتح عيونه وتلفت حوله وتذكر اللي صار وبسرعه فز من النوم لمااا تذكر انه في البحرين وان اليوم زواجه .. كان سهران مع (طاهر وفيصل ومحمد وراشد وقرايبهم الشباب وأصدقاءه )

راكان بصرخه رجت المكااان :قووووووووووموووووو

الاغلبيه من الشباب فتحو عيونهم بكسل ماعدى فيصل وطاهر اللي كانو رايحين في النووم .. راح لهم ورفسهم لحد ماصحوو

راكان بصراخ : قووموو ياخيس اليوم زواجي واحناا لسى في البحرين زين اني حلقت ونعمت البارح ولا كان توهقت بسببكم..

فيصل: ياربي رباااه وش فيك انت محد عرس غييرك..

طااهر واهوو يتغطى : قال زواجه قال انت بتعرس والا حناا ..

محمد واهو يضحك:ههههههههههه الاخ مطيوور ماينلااام..

راكاان فارت اعصاابه زياده ولانه كان متوتر اصلاا فمايبي له شي يزيد عليه: خمس دقااااايق كل واحد بسياارته ...

قامو كلهم ونزلو وكل واحد ركب سيارته بسرعه ...

امااا عند البنااات خلصوو من المشغل وراحو القاااعه وعلى الساااعه 9 ونص انزفت أريج على شعر مألفه راكان فيهاا ومسجله بصوته ودامجه مع موسيقى رايقه وحلوه وهاديه ...

كانت تمشي بخطوات هاديه وثابته بفستان مفصل على جسمها وعشانها بس وتسريحه مسويه بأيدين وحده خبيره ومكياج رايق وهادي يناسب جمااال ملامحها وحدتهاا وباقتها اللي كانت هديه من ساره وصلت لكوشتها اللي كانت هديه من البنااات..

نرجع للساعه خمس ونص عند الشباب ...

كانووو يمشون من البحرين ..

راكان طلع راسه من النافذه يكلم فيصل في السياره اللي وراه ..

راكااان : فصيل كم باقي ونوصل؟؟

فيصل : باقي ساعه ونوصل بس انت انتبه لطريقك....

ماكمل كلامه الى وسياره راكان داخله في الشاحنه اللي قدامه..

فيصل : راااكااااااااااااااااااااااااااااااااان

وقفو السيارات ونزلوو الشباب شالو راكان وركبوه في اقرب سياره وكانت سيارة فيصل وطااارو فيه على اقرب مستشفى ...

نرجع للحريم..

ام طالب كانت تدور في القاعه وتتأكد ان كل شي مضبوط.. حست بجوالها يهتز في يدهاا .. طلعت برى وردت ..

ام طالب: هلااا فيصل

فيصل بصوت مبحوح: هلا خالتي..

ام طالب : قول لراكاان ان بعد ساعه بندخله ..

فيصل واهو يرمي القنبله على خالته غمض عيونه: خالتي راكان مااااات..

ام طالب عفست وجههاا: فيصل مو وقت مزحك الثقيل بسم الله على ولدي ...

فيصل بجديه : خالتي راكان صار عليه حادث اليوم العصر واحناا راجعين من البحرين وصار عنده نزيف داخلي ومااات..

ام طالب : فصيل ترى جد مو رايقه لك وبديت اعصب واتنرفز بلا مزحك الثقيل هذا

فيصل وصووته غلق خلااص : خالتي افهميني انااا ماأمزح واذا مو مصدقه تعااالي المستشفى ال...... احنااا هناااك

طاح الجوال من يد ام طالب ودخلت واهي مصدومه مو مصدقه ودموعها تنزل بدون شعور كانت تشوف أريج على الكوشه وحولها بنات عمهااا ومو مصدقه انها صارت ارمله وان ولدهاا راااح بدون رجعه ..

أريج انتبهت لخالتهااا واستغربت الدموع اللي على خدودها واللي تنزل بغزاره وبدون توقف .. حست بنغزات في قلبهاا ...

أريج واهي تلف على بناان : بناان خالتي وش فيهاا تصيح..

بنان باستغراب : تصيح؟؟ اكيد من الفرحه اول ولد تزوجه ولمين لبنت اختهاا اكيد بتفرح..

أريج : بس احس ان نظراتها نظرات حزن مو فرح .. تكفين روحي سأليهاا..

بناان : لاتصيرين موسوسه مافيهاا شي.. مالي داعي اسألها ليش تصيحيين

أريج وتحس اطراافهاا بدت ترجف: عشان خاطري روحي سأليهاا.... يالله بنوون عمرياا.

بنااان : اوووووف طيب.. ومشت متجهه لأم طالب..

لمااا وصلت عندهاا ..

بنااان ابتسمت لهاا: خاله وش فيك ..

ام طالب ماصدقت احد يسألهاا وحضنت بنااان وبدت تصيح بقووه ...

ام طالب : ولدي مااات راكااان مااات راح العزيز راااح الغاااالي ......

بنااان انشلت كل حواااسهاا وماقدرت تتكلم او تتحرك..

ساره كانت ماره مع ام راشد من جنبهم وسمعوهم ووقفو مصدومين..

ام راشد على طول سحبت ام طالب وطلعتها برى بسرعه قبل ماتنتبه أريج ..

بنااان كانت واقفه بحيث ان أريج تشوف ظهرها ..

امااا ساره فا أريج تشوف جنبهاا يعني نص وجهها..

أريج طول الوقت نظراتهاا عليهم وخايفه من اللي صاير (اكيد صاير شي كبير اللي امي سحبت خالتي برى بسرعه وخالتي تصيح .. وليه حضنت بنااان واهي ماتعرفها الى بالأسم اكيد اللي صاير مو قليل.. اللهم لا اسألك رد القضاء ولاكني أسألك اللطف فيه)

ساره راحت لأريج واهي ترسم ابتسامه مزيفه على وجهها عشان ماتخرب هالليله على أريج وماكانت تبيها تعرف قدام الناااس..

لمااا وصلت لعندهااا..

أريج بخوف : ساره شنو صاير شنو فيهاا خالتي ..

ساره بابتسامه : مافيهاا شي بس من الفرح

أريج : لاتكذبين علي انااا اكثر وحده عارفتك لماا تكذبين وبعدين خالتي ليه تحضن بناان ...

ساره بتصريفه : بديناا بالغيره خلاص اللحين اقولهاا واخليهاا تحضنك

أريج بنرفزه حاولت تكتمهاا : سويره لاتصرفين بسرعه قووولي حرقتي اعصااابي ..

ساره واهي تطال المسكه اللي بيدهاا مو عارفه تحط عينها بعين اريج : وش فيك مافيه شي..

أريج وعيونهاا امتلت دمووع خدت نفس : شوفي اناا اوعدك ان مارح اسوي شي مهماا كانت قوة الخبر

ساره بتردد :أريج انتي اول هدي اعصاابك

أريج : اعصاابي هاديه قولي..

ساره : راكاان صار عليه حادث واهو جاي من البحرين لين هنااا.......

وسكتت لمااا شافت عيون أريج امتلت بالدموع..

ساره مسكت يد اريج : اريج احناا ماأتفقناا على كذا انتي وعدتيني تكونين هاديه على الاقل قدام الناااس..

أريج واهي متجاهله كلام ساره : وش صار فيه

ساره واهي ترفع فستانهاا : مارح اقولك الحين بنقول للمعازيم ان المعرس مارح يدخل وبنزفك للغرفه واقولك هناااك ...

مشت قبل ماتسمع كلمه من أريج..

وبعد نص ساعه كانت أريج بالغرفه ...

ساره طلبت من اللكل يطلع واهي بتوصل الخبر لأريج..

وبعد مافضت الغرفه جلست ساره عند ركب أريج وحطت ايدينهاا على فخوذ اريج ..

ساره والدمعه تسيل على خدها بحراره : أريج حبيبتي اللي بقوله لك تأكدي ان كلناا بنكون معك فيه ......

قطع كلامها أريج واهي تقول : ساره ماله داعي هالمقدمات راكان وش صار له..

ساره نزلت راسهاا ودموعها تنزل على أختها وصديقة عمرها توهاا صغيره حرام اللي يصير لهاا ..

ساره : أريج راكااان لماا صار له الحادث صار عنده نزيف داخلي و و ومااات

أريج حست بكل الاصوات والازعاااج اللي حولهاا يختفي ودمعتها طاحت بسرعه وبدون شعور على خدهاا...

أريج وعيونهاا تطااالع في الفراغ اللي قدامهااا بدون هدف او معنى كأن اللي سمعته كذبه او احد يمزح معهااا وبعد ربع ساعه من الصدمه ...

لفت على ساره ..

أريج : طلعي برى

ساره : حبيبتي أريج هدي اعصابك.......

قطعت أريج كلامهااا : لاتخافين بغير ملابسي...

طلعت ساره بدون ولا كلمه ...

أريج قامت بصعوبه وغيرت الفستاان الكبير والفخم بفستاان القصير اللي كانت جايبته معهااا واتصلت على فيصل يجي ياخذهاا وقال لهاا انه برى عند القاعه ...

ولبست عباتهااا وطلعت ومشت وبنات عمهاا وساره وامها وخالتها كانو يمشون وراهاا يحاولون يعرفون وين بتروح ...

طلعت وركبت سيارة فيصل .. وماتكلمت غير بكلمة وحده بس...

أريج : ودني لراكاان ....

فيصل ماعرف يتصرف في هالمواقف وماعرف وش يقول ولا وش يسوي فا وداهااا المستشفى بدون مايتكلم...

امااا الباااقي فا راحو بسيااارات متفرقه ..

ساره مع خالد وخذت معهاا جوري وندى ...

وام راشد راحت مع محمد وخذت معهاا فرح وبناان وام طالب...

وبعد اقل من ربع ساعه وصلو المستشفى ...

أريج راحت تركض بدون شعور على الاستقبال وسألت عن راكان وسمعت الخبر اللي تمنت تموت ولا تسمعه أكدو لهاا خبر وفاة حبيبهاا وخطيبهااا واللي المفروض اليوم يجلس جنبهاا على الكوشه بس الموت خذه قبل..

راحت تركض لثلاجة الجثث وصارت تدور على اسمه بينهم لعلا وعسى ماتلقاه ويطلع الخبر كذب للحين عندهاا امل انه يكون مامات بس انمحى هالأمل لمااا لقت اسمه وفتحتهاا وشافت بوجهه الشاحب الخالي من أي حياااه مسكت يده وخلال اقل من ثانيه شالتهاا لمااا حست ببرودة يده ......

انتهى كل شي بالنسبه لأريج ... راح الحبيب راح الغالي راح اللي ذوب قلبهاا بحنانه راح اللي غطاها بحبه.. راح راكااان ...

فقدتك يا اعز الناس

فقدت الحب والطيبه

وانا من لي في هالدنيا سواك ان طالت الغيبه

رحلت ومن بقى وياي يحس بضحكي وبكاي

وحتى الجرح في بعدك يغزيني واهلي به

انا من لي بها الدنيا سواك ان طالت الغيبه

تصدق قد ماحنيت

اشوفك في زوايا البيت

واسولف معاك عن حزني

واحس ان انت تدري به

انا من لي في ه الدنيا

سواك ان طالت الغيبه

شسوي ب الالم والاه

لكن البقاء لله

يصبرني على بعادك

وذا حظي وراضي به

انا من لي في ه الدنيا

سواك ان طالت الغيبه

بعد مرور سنتين على هالأحدااث ....

ساره كانت في شقتهااا تركض ورى فيصل ولدهااا اللي توه مكمل السنه..

ساره : فصيل وقف تعاااال ...

وفيصل يركض واهوو يضحك بضحكات بريئه

ساره : خااالد مسكه ابي البسه تاخرناا اليوم العيد واحناا لسى ماخلصناا..

خالد واهو يوقف قباالهاا ويحااوط خصرهاا بأيدينه : حبيبتي رووقي بنخلص بس انتي هدي أعصاابك وطبع بوسه ناعمه على خدهاا وحضنهااا واهوو يقول : احبك

ساره بابتسامه واهي تضمه اكثر : واناا اكثررر

اختلفنااا من يحب الثاني أكثرر..

وأتفقناا ان اناا اكثر وانت أكثررر..

وعند أريج كانت الدمووع ماليه عيونهاا من حملت واهي صايره حساسه كثيررر..

حضنهاا محسن زوجهاا وصديق اخوهاا اللي حبهاا بس من بعيد حضنهاا من وراهااا وحط يد على بطنهاا ويد مسح فيهااا دموعهاا..

محسن : ليه الدمووع ياقلب محسن؟؟

أريج بدلع : الفستاان احسه مو حلو علي

محسن مسك يدها ولفها له : أحلى من هالقمر وش تصيرين تطيرين عقلي اكثر خلي شوي لبنتنااا..

أريج : جد طالعه حلوه..

محسن : أقولهاا قمر تقولي حلوه..

أريج بابتسامه : أحبك

محسن : وانااا اكثرر..

من عدد الصحاري ... من المطر اكثر واكثر

كيـف نخفـي حبنـا والشـوق فـاضـح

جوري كانت جالسه على سريرها وماسكه فستانها بحضنها وسرحانه ..

جى تركي وجلس قباالهاا وقطع سرحانها..

جوري ابتسمت بحزن ونزلت راسهاا : لين متى بتظل صابر علي..

تركي : ماخلصناا من هالموضوع افهمي يابنت النااس اناا احبك واموت في ترابك ومامهمني العيال قد ماتهميني انتي..

جوري : انت صبرت علي سنتين لانك ماكنت تعرف من مين العيب والحين عرفت ان العيب مني لين متى بتصبر؟؟

تركي حضنهااا : انااا احبك وماأبدلك بمليون ولد..

جوري : واناا اكثر...

وفـي ملامحنـا مـن العشقـ مـلامـح

شاعـريـن ونبضـنـا طـفـل حـنـون

بنااان كانت حيل تعبااانه عندهاا بنت والحين حااامل ..

كانت جالسه تلبس بنتهااا ودخل عليهاا عبد الاله ..

عبد الاله : ماخلصتي يالبطه..

بنااان بعصبيه : كله منك انااا قايله لك ماأبي عيال ورى بعض اجل يرضي مين حالي هذا بنتي توها سنه وانااا بطني شكبره

عبد الاله واهو يشيل بنته ويجلسها بحضنه ويبتسم لبناان : يرضيني انااا ..

بنااان : اووووف منك

عبد الاله : حبيبي بنون قومي لبسي..

بنااان : كريه..

عبد الاله باأكبر ابتسامه : احبك ..

بنااان ر مت عليه المخده:اووف وانااا اكثر

لو تزاعلنا يسامح .. الهـوي شـيٍ مقـدر

هننـي يالـلـي جميـعـي لــك هـنـا

ندى كانت تحط آخر لمساااتهاا على الميك أب دخل عبدالله ووقف وراهاا ..

عبد الله : اقول ندى ..

ندى بابتسامه : قول حبيبي..

عبد الله : متى بيكبر بطنك ..

ندى :هههههههه توى الناااس توني شهرين ..

عبد الله: أحبك ..

ندى ووجهها أحمر : انزين

عبدالله عصب: وشوو انزيين وش هالرد انتي ووجهك

ندى كاتمه ضحكتهاا : يعني وش اقولك اني اموت فيك مثلا طييط

عبدالله قرب منهااا وبااسهااا في خدهاا ورفع رااسه يطالعها بالمرايه: ماستاهلهاا مثلاا

ندى ابتسمت له: لاا بس بقولك انتي اعشققك ..

حـطـنــي بــأخـــر مـــــداي

طيـرك الـلـي مايـبـي غـيـرك انــا

نسيم كانت توهاا واصله من نيوزيلاند اهي ووسام قبل شهرين وكانت جالسه تسكر أزرار ثوب وسام ووسام مبسوط ومحاوط خصرها بأيدينه ..

نسيم : ريحت العطر حلوه متى غيرته ..

وسام : توني البارح شاريه مخصوص للعيد..

نسيم واهي تبعد عنه شوي لورى : كذا شكلك قمررر..

وسام واهو يقربهاا منه : أحبك..

نسيم : وانااا أكثر..

ضـمـنــي انــــت فــضـــاي

صدق اني فيك مغـرم فيـك مغـرم فيـك

والساعه 6 المغرب كانو بناات العم مجتمعات مع ساره ونسيم في بيت أهل بناان ..

بنااان : اممممممم ريحت مشاوي

أريج : تشمين من عيونك انتي مادري مين مسوي لك مشاوي اول يوم العيد...

جوري : تصدقين بنون شهيتيني على المشاوي ..

ندى : انااا اشتقت لفرررح ..

ساره : صدقتي واناا اكثرر منك فاقدتهااا بالحيل..

سمعوو صوت الباااب وخلال ثواني شافوو فررح واقفه قدامهم وبعد دقيقه من الاستيعاااب نطوو كلهم عليهااا بصراااخ ...

فرح كانت تدرس برى وجايه في ايجااازه وباقي لهاا سنتين زياده وتخلص...

امااا باقي ابطااالنااا ...

هيفااا ونواف عندهم بنت عمرهااا شهرين..

ياسمين وسامي تأقلمو مع بعض وكل واحد صار يحب الثاااني ولسى ماجابو عياال ...

جواهر وعمااد عمااد نصبت عليه خطيبته الثانيه وخذت فلوسه اللي كانت حاطها في بنك ومايصرفها الى على وناسته وعلمته ان الله حق اماا جواهر تطلقت منه وخذت ولدهاا معهاا وحرمته من شوفته بأذن من المحكمه لانه دايم مسافر او سكران..

حنااان تزوجت واحد كبير في السن ومتزوج قبلهاا ثنتين بس يعدل بينهم وكاان يمووت فيها واهي حاولت تتأقلم مع وضعها الجديد..

ميساء وحسين من أحسن مايكون كل واحد يموت بترااب الثااني وعايشين في عسل وسكر..

أمل ومحمد روميو وجوليت بس في عصرناا الحاالي حبهم بدى بريئ وانتهى بريئ بزواج مافيه الى المحبه والاخلااص ..

طالب رجع بعد ماسمع خبر مووت اخوه وبعد سنه من وفاة اخوه تقدم لأريج بس رفضته بحجة انه يذكرهاا براكان..

طاهر خطب بنت خاله من شهرين وعيشهاا في حب مااله آخر..

فيصل خطب وحده تعرفهاا رنااا بنت عم أريج وحبهاا ونسى فاطمه وأياامهاا ...

عبد العزيز أخو بنان وفرح تزوج فاطمه أخت عبد الاله ويموت في التراب اللي تمشي عليهااا واهي للحين تستحي منه مع انه مر على زواجهم سنه..

راشد أكبررر عزابي للحين أهله مالقو له البنت اللي تتوفر فيها شروطه واهو تكرم عليهم وتنازل عن كونهااا طول أريج ..

إختلفنـا ... مـن يحـب الثانـي اكـثـر

واتفقنـا ..إنـى اكـثـر وانــك اكـثـر

من عدد الصحاري ... من المطر اكثر واكثر

كيـف نخفـي حبنـا والشـوق فـاضـح

وفـي ملامحنـا مـن العشقـ مـلامـح

شاعـريـن ونبضـنـا طـفـل حـنـون

لو تزاعلنا يسامح .. الهـوي شـيٍ مقـدر

هننـي يالـلـي جميـعـي لــك هـنـا

حـطـنــي بــأخـــر مـــــداي

طيـرك الـلـي مايـبـي غـيـرك انــا

ضـمـنــي انــــت فــضـــاي

صدق اني فيك مغـرم فيـك مغـرم فيـك

والحياة وش الحيـاه الا مشاهـد ناظريـك

يانهـار لـو تغيـب الشـمـس واضــح

يمك دروبي وكل الناس يدروبي وانـا دري

وكل قلب له حبيبه وانت محبوبي وتـدري

من عيونك .. صعب تسرقني سواليف البشر

وانـا النظـر .. وانـت فعيونـي النظـر

الهيام اللي سكـن فينـا .. تعدانـا وكبـر

مثـل الشجـر ولاينحـنـي ولاينكـسـر

صــار مـثــل الـريــح جـامــح

................ النـــــــــــهـــــــاايــــــــــه..............

خلف الكواليس..

توضيح اسم (وحده من الناس) مو لي بس ماقدرت أسجل ونزلت بهالأسم ..

أنااا أسمي أميرة زماااني كاتبة الروايه ..

فحوطه اهي اعز صديقاتي واهي المشرفه على الروايه

ولهااا الفضل بعد الله في نجاحهااا ..

أنااا جسدت شخصية ساره ..

وفحوطه جسدت شخصيه أريج ..

مثل ماوضحت في ردي ان أغلب الشخصيات من ارض الواقع..

أماا الشخصيات الخياليه فهي فارس وعبد الرحمن ونواف

وعمااد ...

اتمنى تكون الروايه أعجبتكم ..

هذي اول تجربه لي في الكتااابه وأكيد فيهاا أخطأء

وانتقادات..

اتمنى اسمعها منكم عشان احسنهااا في روايتي الثانيه

بأذن الله ..

في الختاام ..

أشكر كل من دعمني في كتاابة الروايه وبالأخص (شلة شبيشل)

وأشكر المنتدى وكل قرآء روايتي ومتاابعيهااا..

تحياتيـ أميرة زمانيـ..

تجميع زهور حسين

منتديات غرام | أقلام لا تتوقف عن الإبداع

تعديل المقال