بداية

رواية اصبعي وهو اصبعي ان غدرني اقطعه -15

رواية اصبعي وهو اصبعي ان غدرني اقطعه - غرام

رواية اصبعي وهو اصبعي ان غدرني اقطعه -15

مشعل بعصبيه – ايهيييييه علينا خلاص اسكتوا ,, وانت ( ناظر راشد ) رد امي للبيت لاتقعد مقابله لها ترى موصاير لها شي مثل القطو بسبع ارواح والحيوانه بكره بمعرفتي بطلعها من المستشفى تراها مغير تدلع وللاسف امي مقابلتها
راشد بعصبيه – اقول انزل انزل انزل مامنك خير اذلف لابركة فيك يالتعبان دلوع ومغرور مدري وش يبون فيك عمتي وبنتها
مشعل بعصبيه وهو يفتح الباب – هه هاذا اللي قاهرك طول عمري ازين منك وانجح منك وامي تغليني اكثر منك ( وهو يرقع بالباب )
راشد فتح الشباك – ماظنتي عقب اللي سويته امي تغليك يالتعبااااااااااااااااان
( وشخط راشد بالموترعقب ماركب عبدالكريم )
طلال – وش فيه هاذا
مشعل – انجن ولا وش فيه بعد هه
عبير توايق مع الشباك شافت عبدالعزيز مع الشباك وهو واصل بسيارته عند بوابة بيتهم 00 كشرت وصكت الستاره
مي – بيت الوزير عندهم ملكه
عبير – لمين
مي – مدري بس سمعت محمد يقول ابوي انه بيروح صديقه هناك وبيملكون له على ساره
عبير – وععععع قلعتها بتتزوج فكه ,, بس الله يعين اللي بيأخذها
مي – هههههههههههههههه هههههههههههههههه ايوالله لو تشوفونه ياعبير كيف نافخه خشمها عندنا في الجامعه عشان بس بنت وزير
عبير – هه انا مدري يوم بيفنشون ابوها ويحطونه تقاعد وش بتسوي
مي بضحكه – بتنتحر
عبير- ههههههههههههههههههههههه ايوالله الخيبه صدق شكلها صدق بتنتحر
مي – الله يعينك على مقابلها
عبير – هو مقابلها وبس حتى مقابل العله اخوها
مي – حرام عليك انا سمعت انه طيب وحبوب ومحترم وخدومويحب المساكين والضعوف
عبير وتحذفها بالمخده – انا بعرف بس من وين لك هالاخبار
مي تضحك وتنحاش – ههههههههههههههههههههههه مصدر رويتزيه مي ميه






في المستشفى

تجلس بإحباط – خلاص تملك
راشد – ايه خلاص
بدريه – ماخاب ظني يوم قل السالفه مدبره
ريم – خالتي مايصير تتعبين نفسك روحي البيت ارتاحي وانا برافق مع نوف
بدريه – لا يايمه روحي لعيالك انا ماعندي شي اخافه تصحى بإي حزه وابي اكلمها واهديها
ريم – يعني كذا
بدريه – ايه بس انا بقول للخدامه ترتب لي شوية اغراض وبرسل عبدالكريم يجيبهم
راشد – اكيد يمه ماتبين ترتاحين
بدريه – ياعيون امك بس نادلي عبدالكريم ابيه يروح يكلملي المسؤول عن الحجوزات يحجزلي جناح هنا بغرفتين إن شاءالله نوف تتصحى ويجيبونها عندي
راشد – ماظني يمه هي بالعنايه المركزه بس ابشري انا اللي بحجزلك
بدريه – ماتقصر اجل وانا بكلم عبدالكريم يروح يحجيبلي اغراضي احس اني قرفت من نفسي ومن اخوك اللي يبيله إعادة تربيه من جد وجديد وابوك اللي مكبرله رأسه ومسويله سالفه بس صبرهم علي اظهر انا واللي قابعه جوى ثم اعرفهم قيمتهم
راشد – اللي تشوفينه ( وراح وخلاهم )




دنيا – الف الف الف مبرووووووووووووووك تستاهلين
ساره بضحكه وناسه – الله يبارك فيك عقباااااااااااااالك
دنيا – إن شاءالله مع حمودي تصدقين مااني مصدقه الخطه استوت بهالحرفيه
ساره – هه هاذي دواهي ساره لحد يخليني احطه في عقلي تصدقين يادنيا انا ماني مصدقه قلبي قلبييييييييييييييي
دنيا – يااااااااااااااااااي والله اني انبسطت لك
ساره بتكشيره – والزفته لسه في المستشفى
دنيا – ايه مالت عليها
ساره بكره – جعلها ماتقوم ياااااااااااااااارب
دنيا – آمييييييييييييييييييييييييين






في الاستراحه
مشعل – وهاذي كل السالفه
حمود – بس موكأنك استعجلت يمكن حد ظالمها ولا شي
مشعل – من مفتكر فيها هالقرويه حد بيناظرها اصلا
حمود – حرام عليك مشعل مهما كان ترى هي بنت عمك
مشعل – انا ماسويت شي عيب ولا حرام ترى الشرع حلل اربع
حمود – بس
مشعل يسكته – لابس ولاشي شفيك انت موفرحان لي
حمود – لااكيد فرحاااااااااااااان اها من قدك ثنتين يالماصخ وحنا عجزنا عن وحده
مشعل ويحط رجل على رجل – دبرة يدكم
حمود – هههههههههههههههههههه ههههههههههههههههههههه الله يخسك






عبدالعزيز – هاه يمه سويتوا اللي في راسكم
دلال – ايه وجهز نفسك انت بعد ملكتك الاسبوع الجاي لان ابوك عقبها بيسافر
عبدالعزيز بعصبيه – يعني لازم تفتحين هالسالفه ومصممه عليها بعد
دلال بعصبيه – ايه ترى عطينا الناس كلمه لاتفضحنا فيهم
عبدالعزيز وهويوقف ويتجه لجناحه – لو مريحه راسك ومفتكه مني وتنسين ان لك ولد كان احسن
دلال بعصبيه وتصارخ – ايه هاذا اللي تتبيه قلت لك الملكه الاسبوع الجاي وبنحطه في فندق بعد
وقف وعطاها وجهه – نعــــــــــــــــــم
دلال بعصبيه – اللي سمعته
عبدالعزيز – شوفي يايمه سويتي اللي في راسك قلنا ماشي امي وبنطم بس تمشيني على هواء دارك لا اعذريني يمه والملكه بتصير هنا
دلال بعصبيه – لااااااااااااااا هاذا اللي ناقص عشان الناس تتكلم علينا
عبدالعزيز وهو يمشي متخطيها – والله انا إنسان مااحب التبذير يكفي الزواج اللي بتحجزين فندق كامل عشان صديقاتك اللي مو من هنا وبتبذرين وبتحطين فيه شي وشويات
دلال – هذا اللي قاصر بعد تبي العالم تأكل وجهي طس طس مامنك فود وش بتزود يعني عن اخوانك اللي واحد ماكلمني من سافر إلا مره والثاني فالة على حل شعره وبيتزوجله وحده من الطبقه الوجعانه
عبدالعزيز بصوت مسموع وقوي وهو في نص الدرج وماسك الداريبزن – خافي الله يايمه لاينقلب هالعز اللي انتي عايشه فيه إلى ماضي وذكريات






خلود متوتره 00 وفي نفس الوقت ميته قهر من أهلها اللي ملكوا لاختها من دون علمها وشورها وهي في هالحاله 00 وتركي ماكمل شهرين لسه
واللي موترها زود 00 جية نايف هو وأمه والوصيه اللي يبي يقولها 00 معقوله فيه شي مخبيه تركي عنهم قبل لايموت 00 يالله بكره يطلع الصباح وتعرف






الصباح الساعه الثامنه
بدريه تقرأ القرأن بهدؤ وخشوع 00 طق الباب عليها
بدريه – تفضل ( وهي تغلق المصحف )
السستر – good morinng
بدريه - good morinng
السستر – مدام نوف خلاص يصحى
بدريه – صدق اللهم لك الحمد ,, اللهم لك الحمد ( بسرعه تلبس عبايتها وتتوجه لجناحها .. ولقت في طريقها عبدالكريم )
بدريه – انت ليش جالس هنا ياعبدالكريم
عبدالكريم يفز واقف – والله ياعمتي جيت هنا من صليت الفجر ماقدرت أنام وانتي كذا حالتك انتي والعمه نوف
بدريه – ماتقصر ياابو سعد بارك الله فيك ,, رح ارتاح ولاتشيل همي انا ونوف
عبدالكريم – ولو ياعمتي خيرك سابق مااقدر اروح بضل هنا يمكن يكتبون للعمه خروج
بدريه – يارب الله يسمع منك انا قالولي انها صحت بروح اشوفها
عبدالكريم – بروح معك ياعمتي وبنتظرك عند الباب عشان اطمنيني عليها
بدريه – إن شاءالله
وفي داخلها ( ايه يالدنيا عيالي مادروا عن هواء داري انا والمسكينه اللي جوه 00والغريب متعبل معي 00 الله يسامحك يامشعل بس انت وابوك )






طلال وعبدالعزيز في الشركه
طلال – طيب ووافقت
عبدالعزيز – مدري عن الوالده كل شوي لها رأي حنا بخير وبنعمه بس ياطلال انت تعرفني مااحب الفسق ورمي الفلوس والمظاهر
طلال – الله يعين بس وين بتسكن
عبدالعزيز – في فلتي
طلال – ليه موساكن في القصر
عبدالعزيز – لا صراحه بيحطون علي أبراج مراقبه وأنا مااحب كذا
طلال يضحك – هههههههههههههههههه ماانت بصاحي
عبدالعزيز – الا تعال سمعت ان بنت خالي في المستشفى سلامات
طلال – اييييييه اسكت ياعبدالعزيز مدري شصاير بينها وبين مشعل ومتهاوشين وضربها هه ووصلها العنايه المركزه
عبدالعزيز بصدمه – من جدددددددددك تتكلم
طلال – وهالامور فيها مزح ,, ياليت اللي اخذها انت ياعبدالعزيز كنا بنرتاح عارفين مشعل يبيله وحده قويه توقف في وجهه عشان مايتمدى بس المشكله هالمسكينه من دخلت عندنا وهي ماتفتح فمها ولا تعترض طريقها ومخليتها يسهر ويروح ويجي على كيفه وأمي عجزت فيه
عبدالعزيز – لاحول ولاقوة الابالله نصيبها بعد ياطلال
طلال – ايوالله نصيبها الله يكون في عونها حتى أمي مرابطه عندنا
عبدالعزيز – الله يقومها بالسلامه يارب
طلال – إن شاءالله




دخلت عليها العنايه المركزه 00 سمعت صوت الآجهزه عندها وارتعشت 00 تذكرت
حالة ابوها قبل لايموت
قربت منها ومسكت يدها 00واكتمت شهقتها من منظر وجهها والجروح اللي فيها والعلامات 00 فتحت نوف عيونها وشافت بدريه قدامها
نوف بتعب وبصوت غير مسموع – عمه
وبدريه اللي سرحانه في منظرها ومتألمه لحالتها
نوف بتعب – عمه
بدريه – هاه هلا هلا ياعيون عمتك
نوف بتعب – ويني فيه
بدريه – في المستشفى ياقلبي في المستفشى
وفي هاللحظه رجعت الذكريات لنوف والطق وكل شي 00 وقامت تهز رأسها رافضه اللي اتهمها فيه مشعل 00 وقامت تصرخ وتبكي
بدريه تضمها وتهديها – بس بس يايمه لاتسوين في نفسك كذا
نوف بصراخ وإستتنكار – والله اني مظلومه ياعمتي انا مظلومه مظلومه ورب البيت مظلومه
بدريه تتبكي – عارفه والله عارفه
نوف – ياعمه انا مظلومه والله مظلومه
بدريه تضمها اكثر – عارفه يانوف يايمه عارفه والله عارفه انتي مظلومه
نوف انهارت وماعلى فمها غير انا مظلومه
بدريه تضمها اكثر وتهديها – خلاص يمه خلاص انتي مظلومه وعارفه والله عارفه اسكتي ياحبيبتي ياقلب امك خلاص خلاص
نوف من سمعت الكلمه – امي امي وينهي امي ( وتبكي زياده ) امي راحت وخلتني مااحد يبيني ولايحبني ياعمه والله مشعل يكرهني والكل يكرهني مافيه حد يحبني حتى خالي يكرهني انا ماابي شي ماابي شي خذوا مني كل شي كل شي بس اتركوني اعيش اعيش
فكت بدريه وضمت نفسها وقامت تنتحب بصمت
بدريه تبكي – استهدي بالله يايمه استهدي بالله انتي حامل واللي تسوين...........
قطعت كلمتها يوم شافت نوف رفعت رأسها وبحلقت فيها بوجع ووجهها مليان دموع
نوف بإستغراب – حامل !
بدريه انبسطت انها فرحتها مسحت دموعها وابتسمت – ايه حامل حامل مبروك
نوف بصراخ وهي تضرب بطنها وتنهار – لاااااااااااااااااااا ( وتضرب بطنها) ماابيه ماابيه نزلوه نزلووووووووووووووه ماابيه ( وتزيد ضرب وبدريه تمسك يدها )
بدريه – لا لا لاتسوين كذا حرام عليك يانوف حرام
نوف وتزيد ضرب وتصرخ – ماابيه ماابيه الله يخليكم نزلوه نزلوووووه ماابيه
بدريه – هذا ضناك يايمه حرام علــ......................
نوف وتضرب نفسها في الجدار وتزيد ضرب بعدين تقترب من بدريه برجى – الله يخليك ياعمه نزلوه ماابيه ماابيه كفايه الكل يكرهني من بيحبه مين مين
بدريه – استغفري ربك كلنا نحبك وآكيد بنحبه
نوف وتصرخ – لااااااااااااااااااااااااااا ماابيـــــــــــــــــــــــــــــه
على هالصراخ السسترات دخلوا مع الدكتور 00 وهم مرتاعين بسرعه عطوها إبره مهدئه تريحها وبدريه بجنبها تنتحب بصمت على حال هالمسكينه
وتسمع اخر كلمات نوف قبل ان تستلم للنوم – نزلوه ماابيه ماابيه اكرهه ماابيه






طلعت من العنايه المركزه وهي تمسح دموعها وعبدالكريم اقترب منها – وش فيك ياعمه
بدريه تجلس على الكرسي اللي كان جالس عليه عبدالكريم – نوف نوف تعبانه بالحيل ( وهي مخبيه على الجميع عل وعسى تتقبل هالحمل ومايصير للجنين شي )
عبدالكريم – لاحول ولاقوة إلا بالله 00 عمتي عندي خبر موزين
بدريه رفعت رأسها – هات اصلا اليوم كله موزين بتجي على خبرك
عبدالكريم – الشرطي طالبك في التحقيق حاولت بكل الوسائل ومانفع وكلمت عمي راشد وهو في الطريق جاي هو والمحامي
بدريه مسكت رأسها – يااااااااااااااااااااربي صبرنا على هالمصائب ياااااااااااارب المشكله نوف تعبانه ولاكان قدرت اتكلم معها




سالم – حسبي الله عليها من بنت حسبي الله عليها من بنت فضحتنا آآآآآه يافضيحتنا
ريم – حرام عليك ياعمي البنت تعبانه
سالم بعصبيه – وانتم مصدقينها كفوكم والله
نوره – تراها الا تمثل خايفه من الطق اللي بيجيها من مشعل لحد الحين معتكفه في المستشفى وش بتكتب عنا الجرائد
ريم – ترى مشعل هو اللي فضحكم تراه ضارب في البنت لين بغت تموت
سالم وهو يوقف – عساها كان ماتت وألحقت ابوها وامها وجدتها بعد ( وهو متوجهه للباب ) بس شغل بدريه عندي انا اوريها مااتعرف انها معروفه والصحافه تتمنى تلقاها افففففففففف ( وهو يرقع بالباب طالع )




في مكتب الدكتور

المحامي – يااخوي هالعائله مشهوره 00 تبي تضرهم 00 كل اللي صار فيه سوء فهم في الموضوع
الضابط – انت لازم تقدر شغلي البنت بين الحياه والموت شف التقرير واحكم بنفسك
راشد – كم تبون وتلملمون هالسالفه حنا معروفين وهالشي بيأثر علينا واتوقع لويعرف الوزير ابو عبدالعزيز بيسوي مشكله وبتوصل لاأكبر مسؤول
الضابط ارتبك لانه الان تيقن انهم يقربون للوزير نفسه – خلاص خلاص بلملم السالفه بس إن شاءالله اللي صار مايتكرر
راشد بنص عين وبسخريه – إن شاءالله عمي
والضابط قام يقرأ في الاوراق وشهق في داخله لما عرف انهم عائلة ************
وامهم ماغيرها بنت سرور الضاحي اللي اسمها يهز الخليج هز




في الجامعه

منال – افففففففففف ياربي والله خايفه مدري ليه ماتشيل جوالها
مي – المشكله انها ماعطت أي وحده فينا خبر
منال – الله يستر لايكون صار لها شي
مي – فالك ماقبلناه يمكن غطها النوم ولاشي
منال – ياليت 00 احس قلبي مأكلني بسأل اليوم حمود إذا ماردت علي






على العصر \ في المستتشفى
بدريه وريم وراشد في الجناح 00 ونوف إلى الان في العنايه المركزه
بدريه تبكي وراشد وريم يهدون فيها
بدريه – وش اسويلها المسكينه حالتها تغمض
ريم تشاركها الدموع – الله يعينها يارب
بدريه – آآآآآآه ياشين اليتم
راشد بحزن – إلى هالدرجه يمه
بدريه وتمسح دموعها – وأكثر يايمه إذا صار للواحد شي يبي حد يكون قريب منه أمه أبوه اخو ولاأخت صحيح عندي خوات بس مايغنوني عن فقد أمي وأبوي
راشد – الله يرحم الجميع
ريم تمسح دموعها – خالتي فيه شي صار
راشد بإستغراب هو وبدريه
بدريه – وش صاير
ريم – عمي سالم اليوم على الفطور هاوش وزاعق ويقول البنت تتدلع وانا بشوف الشغل مع بدريه اللي تاركه البيت ومقابلتها والصحافه لو شمت خبر للسالفه
قاطعتها بدريه وهي تسرح ووتكلم – اييييييه هاذا سالم قلبه حديد وقاسي ومع ذلك ظالم عمره مايتغير
راشد – ليش ابوي يقول هالكلام 00 الله يسامحه بس
السستر تطق الباب 00 وتجيب نوف على السرير 00 راشد طلع اول مااتطمن انهم عطوها خروج من العنايه المركزه
بدريه انفرجت اساريرها – الحمدالله يارب
السستر – خلاص معاد تحتاج العنايه إن شاءالله الدكتور يقول لازم تتقبل الصدمه
ريم وهي تناظر الكدمات وجسمها اللي كش من منظر نوف – الحمدالله
بعد فتره صحت نوف 00 وتناظر فيهم
بدريه – الحمدالله على سلامتك يمه
ريم تبتسم – الحمدالله على سلامتك نوفه
نوف بتعب وحزن وهي تسرح – الله يسلمكم
بدريه – ريم يمه اتركيني مع نوف شوي
ريم – إن شااءلله خالتي
طلعت وتركتهم
اقتربت بدريه منها وجلست في نفس السرير ومسكت يدها
بدريه بحنان – بشريني عنك يانوف
نوف وهي سرحانه – تتوقعين اني انجنيت ولا ذبحت اللي في بطني ياعمه
بدريه – لا حشآك ياعيون عمتك بس ابي اطمن عليك
نوف – لاتخافين شي ربي اكتبه علي مابعارض فيه أبد الحمدالله على مايعطي ويريد
بدريه – الحمدالله ياحبيبتي ,, ايه ابيك كذا قويه
نوف – ابي اطلب منك طلب ( وهي تمسك يد بدريه برجا ) الله يخليك ياعمه
بدريه – آمريني يالغآليه
نوف – حد درى اني حامل
بدريه – إلى الان لا لسه مافيه حد داري
نوف برجا – الله يخليك ياعمه ماأبي حد يدري أبد الله يخليك
بدريه بخوف – ليش ماتبين حد يدري
نوف – لين يستقر وضعي ياعمه بعدين الكل بيدري بس هالحين أنا تعبانه وماأبي مشعل خصوصا يدري وأنا أبي أروح لخالي مابجلس هنا وإذا درى مشعل مابيخليني أروح
بدريه بحزن – وليش بتروحين
نوف وهي تدمع – تعبت تعبت من استقرت رجلي بهالآرض وأنا ماأرتحت أبد ولا قد ذقت يوم حلو في السعوديه
بدريه بحزن – يعني بتتركينا
نوف – ماابتركك ياعمه 00 بس انا كارهه نفسي هنا لواعيش هنا بتنجبر نفسي اني اعيش عند ناس كارهيني وكارهتهم
بدريه وتغير مسار السالفه – بما انك هديتي وارتحتي مين اللي سوى فيك اللي سواه
نوف – كل السالفه ياعمه ان دنيا طلبت مني جوالي لانها ناسيه الجوال عطيتها إياه وانتظرتها ترده لي ولاردته ( وهي تسخر ) وشفتي بنفسك كيف ردوه لي
بدريه – يعني تشكين في دنيا وساره
نوف – انا جوالي نظيف ياعمه متأكده ان مافيه أرقام غيركم وغير صديقاتي وهالحركه مابتسويها دنيا أكيد فيه حد وراها
بدريه بحذر – تتوقعين انها ساره
نوف – مدري ماأبي أظلم أحد
بدريه اللي فهمت كل السالفه وأن اللي مدبر هالسالفه دنيا وساره
وفي نفسها – طيب يادنيا بس أرد البيت 00 بس أرد البيت






ريم بحزن – ماتتخيل قد أيش ياراشد وجهها مشوه
راشد – الله يصبرها يارب
ريم – أول مره أدري ان مشعل مجرم كذا
راشد – هه وش ترتجين ورى واحد دلوع وشايف الدنيا حلا يطق اللي يبي ويضرب اللي يبي ولا هالحين بعد بيتزوج بنت الوزير ياعيني
ريم – آآآآآآآآآآه هاذا اللي قاهرني حسبي الله عليه نوف طايحه في العنايه وهو يتملك
على الزفته إلا بسألك عمتك لها قلب
راشد ناظرها بنص عين – اشوفك اخذه راحتك في السب
ريم – ليه تلومني
راشد – لا بس مالنا دخل مانبي نحاسب غيرنا
ريم بعصبيه – ايه خلك كذا والدنيا في حريقه
راشد بعصبيه – اصفقيني احسن
ريم بدلع – اووووووه رشودي
راشد ابتسم وخق معها – ياعيون رشودي
ريم – خلاص تراني استحي
راشد يضربها على الرآس – عندك تيسين وبعدك تستحين
ريم – اسم الله على عيالي ليه تسميهم تيوس
راشد – بس واقفيلي هنا ( ويأشر على بلعومه )
ريم تضربه على كتفه – ايييييه رشود تراهم عيالك
راشد ويضحك لانه طفرها – احد قال غير هالكلام






في الاستراحه
مشعل توه مصحصح هو وحمود اللي ناموا في الاستراحه ويتغدون
حمود – شفت زوجتك
مشعل – أي فيهم
حمود بضحكه – اييييه نسينا انك ابو ثنتين هههههههههههههههههه
مشعل – حمودوه اسكت عني طفرتني 00 يكفيني مغثة خوياك امس
حمود – يااخوي مبسوطين لك مستانسين
مشعل – شكرن ماقصرتوا
حمود – وش فيك هالحين طيب زعلت
مشعل – مازعلت بس انتم تكرهون الواحد حياته يعني تحسبون اني مبسوط بحط ثنتين
حمود – الله يعينك ,, ايه كنت بسألك وش اخبارها نوف
مشعل – وانت ليش تغثني فيها قلعتها يارب في حريقه إن شاءالله
حمود – لاحول ولاقوة إلا بالله
مشعل – حمود ياتنطم ولا اذلف الحق اللي طردتهم البارح
حمود – لالا ياابوك بنطم خلاص خلاص سكتنا








اليوم الثاني \ في المستشفى
دخل الدكتور – السلام عليكم يانوف
نوف وهي حاطه الغشاء على وجهها وبدريه جنبها – وعليكم السلام
بدريه – هاه يادكتور بشرني عن بنتنا اليوم
الدكتور – لا اليوم احسن بكثير صح يانوف
نوف – الحمدالله
الدكتور – بين جلسين عندنا ولانكتبلك خروج لانك اتحسنتي عن آمس بكثير حتى المراهم اللي صرفتها للندبات والجروح جابت نتتيجه سريعه
نوف – اللي تشوفه
الدكتور – على بركة الله اجل نكتبلك خروج بس لازم تراجعيني الاسبوع الجاي نطمن على صحتك وصحة الجنين
نوف – إن شاءالله
كتبلها الدكتور خروج ... وبدريه اتصلت على مشعل على الاقل يجي يطمن عليها
في الاستراحات الخارجيه \ في المستشفى
مشعل – آلو
بدريه بسخريه – حيالله المعرس اللي ماعمل حساب لو حرمته بتموت وش بيقول الناس عنه
مشعل – هه بيقولون وش هي مسويه تحمد ربي اني لين هالحين ساتر عليها
بدريه – اسمع يامشيعلوه اجل هالحساب كله لين اجلس واتفاهم مع ابوك ومعك
هالحين تعال كاتبين لزوجتك خروج تعال طلعها
مشعل – اصلا من قالك تأخذينها للمستشفى هذا اللي قاصر اجي اطلعها
بدريه بعصبيه – مشعــــــــــــــل استح على وجهــــــــــــــــــك وعيب اللي تقوله
مشعل – يمه انا مالي دخل انا هالانسانه حتى كاره اشوفها خلي الكلب اللي صاحبته
يجي يطلعها
بدريه كل اللي سوته 00 سكرت السماعه في وجهه وهي تسب وتصرخ وتحلطم من تربيته اللي للاسف هي لها الدور الكبير في تربيته بهالشكل


.

( الجزء الرابع عشر )



وقفت السياره عند البيت 00 وبدريه تساعدها على نزول
نوف – عمه بقولك شي
بدريه – آمري ياعيون عمتك
نوف – تقولين لمشعل اني ابي جوازي لانه عنده
بدريه – إن شاءالله ياروح عمتك ,, هالحين خلينا ندخل الحر ذبحنا
دخلوا البيت 00 وعبدالكريم ينزل الاغراض00 ويعطيهم الخدم يدخلونها
نوف – لحظه
وقفوا الخدم وناظروها
نوف ناظرة عمتها – ابي مفتاح غرفتي القديمه ياعمه
بدريه بحزن ومنزله رأسها على الحاله اللي وصلت لها نوف – طيب خلينا نجلس شوي ونتغداء وبعطيك المفتاح
نوف تجلس في الصاله – طيب
نزلت عليهم دنيا 00 وأول ماشافتهم ماتدري وش تسوي ودها تنحاش وارتاعت من منظر وجه نوف
بدريه شافتها – تعالي سلمي
دنيا تقرب من أمها وتسلم عليها
بدريه – قربي من نوف وسلمي عليها
دنيا طنشتها وجلست على الكنبه وحطت رجل على رجل وهي تسرح في وجهه دنيا
بدريه – ليش ماتسلمين
دنيا تبي ترقع سالفتها لانها حست ان امها كاشفتها – انا مااسلم على ناس يخونون
نوف انصدمت منها وناظرتها 00 ودنيا شتت نظرها
بدريه بعصبيه – عيب عليــــك ( وهي توقف ) الشرهه موعليك ولاعلى اخوك على تربيتي لكم اللي ماعرفت اربيكم قومي يمه نوف تعالي بنطلع فوق
وقفت نوف 00 وطلعت معها فوق 00 ودنيا مكشره موعاجبها إهتمام امها بنوف
ريم دخلت عليهم جناح نوف القديم – لالالالا من صدق خلاص طلعتي ( تتقرب منها وتبوسها ) تو مانور البيت
نوف بتعب – البيت منور بأهله
بدريه – خلاص ريم خلينا نطلع عشان نوف ترتاح
ريم – زين بقول للخدم يحضرون لها الغداء
نوف – بس ريم ماأشتهي الحمدالله
بدريه تناظرها بحنان – ليش يمه مااكلتي شي
نوف – الله يخليك ياعمه لاتغصبيني
بدريه – على راحتك بس من تصحين تنزلين تتغدين وهذاني قلت لك
نوف – إن شاءالله
طلعوا من عندها 00 عشان دموعها تنزل وتمسحهم بقوه 00
حرام عليها انا بنت عمها كيف سوت فيني كذا 00 هذا وانا اللي ساتره عليها حسبي الله الذي لا إله إلا هو عليه توكلت وهو رب العرش العظيم
يااااااااااااااارب خذلي حقي يارب 00 انت تعلم جاهر الامر وسره 00 وتعلم بواطنه
اكشف عني ضرهم ياااااااااااارب يااااااااااااااارب
مسحت دموعها وهي تقول بنفسها من اليوم انا نوف غير ماابصيح ولاابكي لين اطلع من هالبيت اللي كاتمني 00 دخلت الحمام تتحمم وتتوضأ






على العصر \ مشعل وصل البيت
جلس في الصاله – نعم يمه ازعجتيني تعال تعال تعال هذاني جيت شاتبغين
بدريه وهي توقف – امش مكتب ابوك ابيك هناك
مشعل – لازم
بدريه وهي بنص الطريق – ايه لازم
دخلوا المكتب
بدريه وهي تجلس على مكتب سالم – صكر الباب معك موحنا صار في بيتنا جواسيس
مشعل يصكر الباب ويمشي لين جلس – نعم يمه
بدريه – ايش اللي سويته في نوف
مشعل – انتي بنفسك تعرفين السالفه
بدريه – ومتأكده من برآة السالفه
مشعل – هه وش دراك
بدريه – ملعوب مسوينه بنات إبليس
مشعل بسخريه – الله يايمه قمنا نرقع لها ,, ومن هالمهمه عشان يسون فيها ملعوب
بدريه – اللي يكونون 00 اسمعني مشيعل هالبنت بالذات ماابي يصير لها شي والله ان تعرضت لها مايحصلك خير صدقني
مشعل – أصلا انا موطايق شوفتها
بدريه – يكون احسن حتى هي ماتبي تشوفك بس عطني الجواز
مشعل – أي جواز
بدريه – أي جواز يعني جوازها
مشعل عصب ووقف – هذا اللي ناقص والله لوتحب السماء ماعطيتها الجواز انتي مصدقه لايسمعك ابوي بس لايقلب عاليها واطيها هذي بتهرب لخالها عشان البيت
بدريه بعصبيه – لا اكفخني احسن
مشعل – اعوذ بالله منك ياإبليس ( ويهدئ نفسه ) يمه مااقدر افهميني
بدريه – وش عليك من ابوك انا اللي بتصرف معه بس هات الجواز
مشعل وهو يلف ظهره – لا ماابي

يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -