رواية خلني داخل حدودك واجبر بخاطر زماني -16

رواية خلني داخل حدودك واجبر بخاطر زماني -16

عمر يضرب راسه بيده وهو يستند للكنبه : يا لييييييييييييل .

ثاني يوم

مــــــــــــالك

جلست جنب ساره..وقلت لها

: بسك يا قلبي مو رايح يحارب هو ..

عمر مسح دموعها وهمس لها : خلاص سوسو قطعتي قلبي ...

ناظرت الساعه لازم نطلع الحين.. وقفت وقلت وانا ادنق على راسها وابوسه

: عشان خاطري كفايه دموع .. دلوعتي ما تبين تقعدين عندنا ...

ساره بدلعها : الاااااا بس خلووو عمر هنااااا...

حسيت اني مالي داعي .. فأشرت لعمر اني بالسياره وطلعت ...ركبت سيارتي .. اخذ ربع ساعه وطلع ...ركب جنبي وهو يتنهد ..على طول حركت السيارة ..

: سكتت ..؟؟

عمر بدون نفس : يا اخي تقهههر ...

: افا يا ذاا العلم ...

عمر : لعلمك من امس وانا امهد لها ولو اني داري من قبلها كان ما قصرت بس هي احيان تخربها.. خصوصا انها صايره عصبيه مره وما تبيني ابعد عنها بسبت الحمل ......

سبحان الله .. نفس الاعراض ... عصبيه وتحب عمر ...

عمر : مالك لا تروح بعيد تراك تسوق ..

: خايف على عمرك ...

عمر : الروح غاليه وانا اخوك...

: معك حق ...

شغلت المسجل .. وطلع شريط حن الفؤاد ... انشودة معنى الامل .. بسرعه طفيته ...

عمر : شفييييييك..

: هاا .. لا ولا شي متى ترد ان شااء الله ....

عمر : امممممممم يوم الجمعه ان ربي رااد...

: الله من الاربعا للجمعه ......

عمر : عااد شـ اسوي ..

: انشد...

ضرب عمر كفي بكفه ..وضحكنا مع بعض ..........

عمر : صاير دمك خفيف ...

: قال السماءُ كئيبةً وتجهمـــــــــــا * قُلت ابتسمْ يكفي الـتجهمُ في السماا

قال : الصبا ولى فقلت له : ابتســــم * لن يُرِجع الأســـــفُ الصبا المتصرما

قال التي كانت سمائي في الهـــــــوى * صارت لنفسي في الغـــــــرامِ جهنما

خانت عهودي بعدما ملكتــــــــــهــا * قلي فـ كيــــــــفَ أطيقُ ان اتبسما

قلت ابتسم واطرب فلو قارنتهــــــــــا * قضيت عمركَ كله متــــــــــــألمـااا

قال العدا حولي علت صيحــــــــاتهم * أأسرُّ و الأعداء حولي في الحمــــى ؟

قلت ابتسم لم يطلبوك بـــــــذمهــــم * لو لم تكن منهم أجلَّ وأعظمـــــــــا

قال الليالي جرعتني علقمــــــــــــــا * قلت ابتسم ولئن جُرعت العلقمــــــا

فلعل غيرك ان رآك مرنمــــــــــــــــاً * طرح الكآبة جانباً وترنمـــــــــــــا

اتُراكَ تغنمُ بالتبرمِ دِرهمـــــــــــــــــاً * ام انت تخسرُ بالبشاشةِ مغنمـــــــا

يا صاح لا خطرٌ على شفتيـــــــــك أن * تتلثما والوجه ان يتحطمـــــــــــاا

فاضحك فان الشهب تضحكُ والدجــى * متلاطمٌ ولذا نحب الانجمــــــــاااا

عمر: الله الله تكلم مالك الاحساس...

: هذا لايليا ابو ماضي ...

عمر وهو ينزل من السياره لاننا وصلنا خلاص .: الااا علمت المدام انك مالك الاحساس..

هزيت راسي بلأ ... وصلنا الشباب فهد و حمود و عادل و غانم مدير الفرقه شخص حازم لابعد درجه .. سلمت عليهم ..جلست عندهم الين طارووو ..........

رجعت البيت .. باشوف ساره .. شفتها مبوزه وجالسه عندها لمار .. لابسه تيور جينز وبلوزه احمر نص كم ... يا حلاة الاحمر عليها يجنن ... جلست جنب ساره بعدما سلمت ..

: سوسو قلبي .. حبيبت اخوها زعلانه ...

ساره هزت راسها بايه ... قرصت خدها .. وبستها على راسها ..

: خلاص دلوعتي .. قومي معي بامشيك ...

ساره قامت بزعل ودخلت داخل : مابي....

مديت يدي ع الكنبه وقلت للمار : تكفين لا تخلينها تبكي ... شفيك...

رفعت راسها : هلا .. وشو ..

: يوجعك شي..

هزت راسها بلأ وقامت ...ناديتها : ام احمد

لفت علي وهي تتكتف : نعم ..

: الله ينعم عليك ويرحم والديك .. الحين ساره موجوده شلون ..

ابتسمت على جنب ونزلت عيونها .. وقفت قدامها ورفعت وجهها ..

: خايفه تنامين عندي..

ابعدت يدي وقالت ببرود: قلت لك تنرحم ...

لفت عني ..مسكت ذراعها : انا اللي راحمك واللي خلقك والله وربي اني اقدر اسوي الي ابيه واخليك تمشين مثل مابي بسسسس مابي اغصبك على شي........

زميت شفايفي وطلعت غرفة ساره .. دخلت عليها .. شفتها ممسكه بطنها وتتلوى ع السرير.. بسرعه حضنتها وانا اسمي عليها

: دلوعتي شفيك .......

ساره بين اسنانها : بطني بطنييييييييييي ااااااااه ...

: اوديك الطبيب..

..: ما يحتاج ..

رفعت راسي لها ... وقلت : شوفيها شلون تتلوى ...

مسكتها وخلتها تتمدد على السرير .. وقالت لي : خلها ترتاح .. الانفعالات الزايده يأثرون عليها ..ارتاحي ساره ما في يستاهل هـ اللي تسوينه ..

: شلون نتركها كذاا ...

ردت بتفهم : خلها تنام وبس تصحى شوف شـ يصير ...

: مو تاركها ..

تنهدت وهي تفتح المكيف وتخفف برودته..سكرت الستاير عشان تظلم الغرفه وطلعت ...........

جلست عند راسها وظليت امسح على شعرها .. نامت زي اول لما يخانقها يوسف تجي تبكي عندي الين تنام ......... ظليت على هالحال الين سمعت اذان المغرب ..

: سارونه ... دلوعتي .. قومي ..

شفيها ذي قبل افتح الباب توعى والحين مو راضيه توعى ......فتحت الستاير .. قربت هزيتها بخفه .. فتحت عيونها بكسل وجلست ...ابتسمت لها .. وابتسمت لي...

: اذن المغرب ...

ساره : مسااء الخير ..

: يا مسااااء الخيرات والليرات ..يالله قومي صلي صايره كسووووله...

ساره :هههههههه حرام عليك ....والله صاير نومي ثقيل من الحمل .......

: يا بعد عمري والله .. يا الله سلام ...

أشرت لي مع السلامه بيدها وهي تبتسم ...........

طلعت من الغرفه .. والا بــ لمار داخله نظراتها نظرات مبهمه .... ابتسمت لها وانا اطلع ........وهي بعد ردت الابتسامه ببرود.........

رجعت من الصلاه .. شفت ساره تلاعب حمودي وامي جالسه عندها ..سلمت وجلست جنب ساره ..ميلت عليها ..وبوست حمودي...فتعلق برقبتي..

ساره : يا الله مالك ما صدقت يجيني..

: حمودي نانا ..

حمودي متنح : هأأأأ بااااااباااااا

: يا عيووون ابوك يالغالي .....

ضربته ساره على كتفه ع الخفيف : دب

حمودي زعل ورد وهو يتمسك فيني خنقني : ااااااااااب

:ههههههههههه يا قلبي عليك حمودي خنقتني ...

حمودي فك عني وجلس بحضني ..

: ها يماا شلون عمتي والبنات وماجد..

امي بابتسامه : يا ربي لك الحمد ماعليهم ...

: ليه ما راحت معك لمار ...

امي : كان عندنا عمر وهي ما تبي ...

لصقت ساره فيني وامي تتكلم ... بعد ما خلصت امي جملتها لفيت على ساره ...ابتسمت لها ........

ساره بدلع : حبيبي اخويا الغالي ...

: قوولي ...

ساره : ابييي نجدد الشقه باسبوع ...

عقدت حواجبي : ليه.. عمر قال لك..

ساره وهي تلعب بكمي : لالا ما قال باسويها مفاجأه....

: حلوووو .. الصبح نروح نفتر للي تبين ...

باستني ساره على خدي بدخلت لمار ..حضنت يدي ...: حبيبي يا اخوي ...

التفتنا على لمار :ههههههههههه انتبهوا حمود مشغل الضو الاحمر ....

ناظرناه .. مبوز ومعصب ... صارت ساره تعلق عليه وتقرص خدوده وامي تسولف عليهم .. انا غبت عن العالم ... تعلقت عيني بعينها .. وانتي ما غرتي .. ما عدت اعني لك شي ...كسرت عينها بعد مده .. وهي تسأل امي عن ابوي ... ياااه كذاا كانت فاطمه .. ما تغار ابد ما اعني لها شي ابد .. مجرد زوج تأكله وتنومه..انا ابي زوجه .. تعطي مثل ما تاخذ .. وتاخذ مثل ما تعطي ...

...: مـــــالك..

رديت وانا انزل حمودي اللي انطلق يلعب بكورته :هلا ...

ساره : اسمع ابي ..... ابي نعتق البيت يصير...

: يصير ليه ما يصير ...ألبسي نروح نختار اللون وكل شي ومن بكره يبدوون ...

باستني على خدي بقوة وقامت .. كانت عيوني مع حركاتها .. بس لمار جالسه قبالي .. طاحت عيني عليها ..تنهدت وانا اسند ظهري لورى ...وهي بعد تنهدت وردت على ورى..

امي : ههههههههههه اشكالكم شي ...

: ليه ..!!

لمار بضحكه : ليه يعني لاننا شيييييي..

ابتسمت والا بدخلت ساره : يا الله ...

: يا الله ...تأمرون على شي يا جماعه .........

امي : سلامتك ...

ناظرت لمار .. رفعت حواجبها بمعنى لأ...

: سلام........

طلعت من المجلس وتعلق حمودي فيني .. شلته بس عياا ينزل ..

: حبيبي بابا ..انزل شااطر حمودي ..

تنح : هأأأأأأأأأ

: اففففففف حمودي .. عفيه بابا شااطر روح ماما ..

تعلق برقبتي لان الهبله ساره واقفه ولابسه عبايتها ..

قلت لها : استنيني برااا ثواني بس..

قالت : خلاص انا بـ اقعد بالحديقه ..

: طيب ...

كلمت حموودي: بابا عفيه شااطر ...

حمودي يتدلع : بابا ...

طلعت لمار وقالت : ما رحتو ...

: شوفت عينك ...

قربت وحاولت تسحبه بس متشعبط بقوة .... لصقت فيني وصارت تكلمه ..تحاول فيه بس هو يا قلبي لا تحزن ... آخر شي نزلت وقفته بس هو راكب راسه ..جلست لمار نفس جلستي .. وتسولف وتسولف بان عليها انها بدت تقفل معها .. اخر شي.. سحبته بقوة ..

وقفته وهي تصرخ : بس بس خلاص ..رح ما عليك منه..

: حرام عليك يبكي ...

لمار بدون نفس : فكنا بالله من حنانك الزايد ..خله يبكي بكيفه ...رح ساره تنتظرك..

تكلمت بين اسناني وانا امسك ذراعها لاحظت انها ألتمت على حالها جبانه بس عنييييده : ام احمد لا تكلمتي معي تكلمي عدل .......

طلعت ورزعت الباب وراي ......... رحت مع ساره .. واختارت الالوان والرسومات .. وبعدها رحنا لمحلات اثاث واختارت غرفة نوم خيااااااااااال ...لها اعمده وستاير واشيااء روعه .. حجزناها ع اساس انو اول غرفه تتعتق غرفة النوم.. دفعنا العربون وعطيناهم العنوان .. بنفس المحل اشترت طقم للسرير .. عنابي بوردي جناااااااان...رحنا بعدها كم محل اثاث .. ذوقها مو صعب بسرعه اختارت كنب للمجلس .. والديوانيه ..برضو دفعنا العربون ......

رجعنا البيت حيلنا مهدوووود... جلست ساره بسرعه وهي تفك غطاها .. وانا جلست على الكنبه مابي احرجها وابين تعبي..

ساره : يعطيك العافيه وربي تعبتك..

: تعبك راحه يالغاليه ...

امي : خلصتي اللي تبين ..

ساره: امممم خلصت .. وين لمار ..

امي : راحت تحط العشااا..

: إي والله جيعااااااااااان .....

ساره : وانا بعد ميته جوووع ما تغديت اليوم ..........

رحت المطبخ اشوف لمار .. كانت تقول للشغاله وهي متكيه على الطاوله ..: لا تنسين الملاعق..

الشغاله : هزاا ملاعق مدام ..

لمار بأمر : وديهم ...

: بْسسسس

التفت علي وهي تركي بذراعها ع الكرسي اللي جنبها : نعم...

: الله ينعم عليك .. ليه جالسه لحالك..

لفت عني ورجع تكت بايديها على الطاوله ... جلست جنبها ..كنت بتركى على الطاوله بس

قالت بصوت عالي : لالا انتبه ..

: وشوووووو

لمار : الطاوله كلها لبن ...

: خرعتيني ..

لمار : بسم الله عليك ...

: وانتي ليش متكيه عليها ...

بوزت وهي توريني بلوزتها والبقعه البيضاا عليها : شوف حمود شسوى بي..

ما قدرت امسك نفسي :ههههههههههههههه يا حليلك .. روحي غيري ..

لمار : مابي متكاسله ارقى الدرج..

: في مصعد ..

لمار: ليه حطيتوه ..

: عشان لا كب حمودي عليك لبن تروحين تغيرين ..

لمار : ها ها ها دمك خفيف ..

: طالع عليك ..

وقفت ووقفت معها ... مسحت على البقعه بطرف اصبعي بمكان خطييييييييير ..

قلت : شلون كبه كذاا..

ضربت يدي بنعومه وقالت وخدودها يحمروا

: مو شغلك .. ياللقافه ...

: هههههههههههه يا حلاتك ... احبك ...

لفت عني بقوة .. يا ربي تذوبني هالحركه من زمان عنها ... قربت منها ومديت يدي بامسك خصله من شعرها .. كنت ابي اشمه اموت بريحته ... بس سمعنا صوت عند الباب..طلعت بسرعه .. شفت الشغاله عند الباب .. تنهدت براحه اهم شي مو امي ... جلست ع الكرسي حقها جنب حمودي وبوسته .. وهو على طوول صار يسولف .. كنه يعاتبني ..جلس ابوي وساره وامي .. وانا على قعدتي انتظرها ...

شوي وسمعت امي ..: يماا مالك كل ..الشوربه حلاتها وهي ساخنه ...

جلست بمكاني .. انتظرتها انتظرتها ما جت ... وقفت والا هذه هي .. شافتني واحمرت خدودها .. يا حلاتك يالعنيده اموووت فييييك ..جلست جنبي .. وحطت بصحني ..غصب عن عين امي اكلت الصحن كله .. ضربت رجلها برجلي .. لفت علي ببرود .. عقدت حواجبي ..رفعت حاجبها وحطت لي بصحني ..

المكتب

: يبااا شلووون .. انت كذاا تحملني المسئوليه

ابوي بحزم : اكيد باحملك اياها مو هذي عمايلك ...

: يباااااااا انا قلته اقتراح مو امر.. بعدين لسى السالفه ما انتهت ...

ابوي بعصبيه : المكتوب مبين من عنوانه ..تنسحب منها والخساير تتحملها ...

: السالفه مي بالخناق .. خلنا نتفاهم معهم نشوف شيصير...وبعدين لسى ما انتهت المده ...

ابوي : مالك .. خلاص انتهى الكلام تلغي هالصفقه وانت اللي تتحمل تكاليفها ..

: اسمح لي يباا .. موب ملغيها.. وهذا انت قلت انا اتحمل الخساير .. يومين بس ان ما صارلك اللي تبي سوى اللي تبيه...

ابوي : نشوف ...

طلعت من مكتب ابوي على فوق ...كل شي مالك المسئول مالك الكبير مالك الي يتحمل .. افففف

جلست ورى مكتبي .. دقيت على لمار .. شوي وسمعت صوتها

" نعم ..

: تعالي مكتبي "

سكرت بسرعه عشان ما تناقشني ..اقل من دقيقتين ودخلت .. مبين مو راضيه ..

لمار : نعم ..

: ابيك تساعديني عندك مانع ...

ظلت واقفه .. قلت باكبر طاقه من الصبر : تفضلي ..

جلست قدامي قلت لها : مو ماكلك تعالي جنبي بـ اشرح لك ذي مو سواليف الارشاد ...

تكتفت وقالت : افهم من مكاني عاادي ..

صبرا جميل والله المستعان ... بديت اشرح لها عن الصفقه والاشياء اللي ابيها تدونها .. والحسابات اضطرت انها تجلس جنبي عشان الملفات اللي ع الاكسل ..اندمجت بسرعه وافادتني كثير ... كنا مندمجين بالشغل .. انا اكتب على يدي .. وهي ع اللاب توب تبعي اللي وصلته بالطابعه ..

لفت علي وقالت : كذاا اوكي ..

قربت منها وناظرت الصفحه ..هي جالسه على كرسي عااادي..ناظرت الورقه واشرت لها ..

قلت لها : شوفي هالرقم غلط ترى كل شي يأثر هالحسابات دقيقه لا تطبعين قبل اشوفها..

قالت لي : احسه كذااا صح مادري الرقم اللي عندك احسه موووو ضابط على الشروط ..

ابعدت ولفيت على المكتب : لالا ارجعي اكتبي مثل ما هو مطلوب ..

تنهدت وقالت : آز يو لآيك ..

بعد ربع ساعه من اصوات طقطقه الكيبورد والاقلام ..قالت : هممم كذاا اوكي..

لفيت الكرسي الدوار ناحيتها وقربت منها فلصق ظهرها بصدري لاني مسكت الفاره وناظرت الصفحه كلها وأشرت على امر بالطباعه ...

: اوكي يعطيك العافيه .. ما قصرتي ...

دنقت وشميت شعرها ..حسيتها تشنجت.. تقدمت عن الكرسي اكثر ولفيت وجهها .. قامت وقفت .. مسكت يدها

همست : لا تروحين ...

ردت: تأخرت لازم تنام بكره وراك دوام ولازم تراجع ذولااا بدري ...

: نامي بالغرفه والله ما اقرب لك ..

فكت يدها ومشت ............

: لمااار ..

وقفت ولفت علي وقالت : بنام عند حمود .. ساره نومها ثقيل من الحمل لا نامت ما قامت فلذلك تطمن ما رح تحس بشي ..

عقدت حواجبي : شلون تعرفين اللي افكر فيه وانتي ما تحبيني ..

حمرت خدودها وهمست : اتوقع اللي قلته شي بديهي ..تصبح على خير..

: وانتي من اهله ..لمااار

لفت وتنهدت ..فقلت : شفيك متضايقه ..

ابتسمت من دون نفس وخدودها احمرو زياده : شوي .. عن اذنك..

: الله معاك ..

اصبر ... ما وراي شي .. ان الله مع الصابرين .. مصيرك بتعرفين قدرك وغلاتك عندي يا لمار ...

^

^

$

...: قلت لك بس انت وراسك اليابس هذي النتيجه ..

: يبااا والله في غلط مستحيل نخسر بهالبساطه .. انا بظل اتتبع الموضوع ..

ابوي بعصبيه : اقووول انقلع عن وجهي يللا و من اليوم ورايح ما تحضر معي اجتماع الا كـ مستمع فااااااهم..

بلعت ريقي : شلون يعني !!

ابوي: يعني القرارات الاداريه مسحوبه منك .. انقلع كمل شغلك ..

: حاضر ..

طلعت لمكتبي اف يا ربي ... اخذت الملف وحطيته على جنب .. وبديت بملف ثاني ... دق جوالي " مالك يتصل " رديت وانا اخذ نفس

" : هلا بـ دلوعتي ..

ساره : سلام

: وعليكم السلام .. ليه صوتك كذاا بك شي..

ساره : توي قاعده من النوم ..

: افااا توووك..

ساره : ملوووك هاا وديت العمال ..

: ههههههههه تصرفين هاا مو مشكله .. ع العموم لا لسى ..اااااا بعد الدوام اتغدى واخذ المفاتيح واوديهم ..

ساره : اوووووكي سلام

: مع السلامه "

ناظرت الساعه ..اف بتقيم الصلاه وهي توها قاعده ..

من دخلت البيت على طول بدلت ملابسي نزلت .. جلست جنب ابوي .. وحطيت بصحني شوي رز .. شفت ابوي يناظر لامي لانها ملتفته لساره ..فبادرته

: يباا تبي سلطه ...

قال بدون نفس يعني نظرته كنه متقرف : مابي منك شي ..

حسيت وجهي احتقن بالدم ..

: ليه يباا ..

ناظرني بغضب وقال بنبره فيها عصبيه واضحه : بدون ليه بس كذاا كنك ما تعرف ...

ناظرت امي اللي غمزت لي عشان ما انفعل ونقلت عيني لساره وقلت بقهر

: حبيبتي روحي جيبي المفاتيح ...

ساره بصدمه وعيونها تنتقل بيني وبين ابوي : ما اكلت ...

وقفت : وينهم انا اجيبهم ..

وقفت لمار وقالت تكلم ساره : انا اروح اجيبهم انتي كملي اكلك ..

طلعت وانا طلعت وراها وقفت عند باب البيت شفتها تنزل من الدرج وهي منزله راسها ..كنها تعد خطواتها رفعت راسها وتعلقت عيني بعينها .. ضميني تكفين .. حطت المفاتيح بيدي ..مسكت يدها .. تنهدتْ وانا بعد تنهدت مالي غير هواا ربي يفرج عني ... سحبت يدي وطلعت ...

طلعت وانا افرغ شحنات غضبي بالسياره سكرت الباب بقوة ورحت لبيت ساره بعدما مريت العمال عشان يلحقوني .. دخلتهم .. ظليت على روسهم الين خلصو غرفة النوم .. وطلعتهم وقفلتها ..ما صارت الساعه 10 بالليل ..الا وهم مخلصين الصاله وجزء من المجلس .. طلعتهم ورديت البيت ..تروشت ونمت..

ثاني يوم

طلعت العمال وقفلت بيت ساره وطلعت .. حوطت بالسياره ..دق جوالي ..

": هلا والله

عمر :سلام ..

: وعليكم السلام..

عمر : انت دااق علي ..

: إيه وينك عن الجوال..

عمر : بموقع المهرجان ..

: اها..

عمر : شعندك ..

: الحين ما ادق الا عندي شي مالت عليك ..

عمر : اووو مالك شفيك احيان احسك غثيث..

: مشكور يالغالي يجي منك اكثر ..

عمر : افاا امزح معك .. شفيك ملووك تكلم ..

: متضايق ..

عمر : ماورى الضيق الا الفرج الصبر بس ..

آه يا عمر منين اجيب الصبر ..

عمر : الووو انت معي ..

: معاك ، وش سويتو بالمهرجان ..

عمر : ما صار شي بكره ان شاااء الله نبدى ..

: ان شااء الله ..

عمر : انت تسوق ..

تنهدت : إي ليه فيها شي يعني ..

عمر : لا بس يالله سكر سكر بدق على اختك اشتقت لها..

: ها ها ها ياااااا بيخك ..

عمر : وين البياخه بالسالفه ..

: السالفه على بعضها باااااااااااايخه اوريك يا معفن .."

سكرت الجوال ودسيته بجيبي .. دق جوالي وطلعته " عمر يتصل " ..رديت وانا نازل من السياره ..

" خير

عمر : ليه تسكر بوجهي وبعدين منو المعفن يا معفن

: اولاً بكيفي ثانياً انت المعفن والا هذي سالفه تنقال..

عمر : ماااالك لا تعقدها اختك حرمتي وشي طبيعي اشتاق لها ..

فتحت باب البيت : اففففف عمر اذا ما انت حااب اسكر بوجهك سكر انت ..

عمر : ول عليك شـ هـ النفس الخايسه ...

رفعت راسي وطاحت عيني على لمار المبتسمه لولدها وهي طالعه من المجلس وتقول له : لا ماما عيب ..

حمودي يتدلع : ماما هوووباا ..

لمار نزلت لمستواه وقرصت خدوده : يا ربي يدنن وسو ماما ..

حمودي مصر : ماما بيبي ..

رفعت راسها وهي تقول له : انت حبيبي والله..

قالتها وهي ترفع عينها ..ناظرتني ببرود وانا ابتسمت باسى تخيلت هالجمله لي اناا ...

..: الوو الووو مالك ..

: هلا هلا ..

عمر : صار لي ساعه اناديك وش هالاصوات عندك ..

: هذا حمودي ..

عمر :اففف رفعت ضغطي مع السلامه ..

قلت بعتب : مع السلامه يالغالي "

: السلام ..

لمار وهي ممسكه ايدين ولدها اللي مازال يردد.. ماما بيبي ..: وعليكم السلام .. يعطيك العافيه ..

: الله يعافيك ...

قلتها وعيوني تتنقل بتفاصيلها.. ابتداءاً من تنورتها الملامسه للارض الين بلوزتها الماسكه على جسمها النحيف الين ملامحها الفاتنه .. شفايفها الحمر وخدودها بعد وعيونها السود الوساع ورموشها الكثيفه ...لمسات الخجل واضحه بخدودها وعيونها الخجوله ..احب خجلها ...محتاج لها وابيها بسسسسسس..

حسيت باحد يشد بنطلوني..نزلت عيني لحمودي وابتسمت له,هو يسولف مادري شيقول,نزلت لمستواه وهمست وانا امسح على شعره الاسود الناعم الشي الوحيد اللي طلع له من امه

: بعدين حبيبي ...

مشيت عنه وطلعت فوق ..نزلت اغراضي ودخلت اخذت دش سريع .. وانا نازل .. شفت ساره مبتسمه وهي تكلم بالجوال وتصعد الدرج .. ابتسمت لها وهي اصلا مبتسمه..

وقفت قدام المجلس .. وانا اسمع صوتها : يماا ما يصير كذاا والله حرام عليه ابوي كذاا يحرجه ويحرجنا معه ..

امي بتنهيده : وش اسوي به يا ما تكلمنا بهالموضوع بس ما يسمع من احد ..

لمار : معليه يماا بس ولو الا ما في طريقه تقنعينه بها .. يعني قولي له اذا اخته وامه متعودات انا زوجته وووو ما احب اشوفه ينكسر قدامي ...

غمضت عيوني بفرحه ..دخلت وسلمت وعيني لها .. جلست جنبها.. يا ربي مشتاق لها لي ثلاث ايام ما احتكيت فيها ..

قربت حيل لدرجه اني لما همست باذنها كانت شفايفي ملامسه لشحمة اذنها

: انتي يا بتذبحيني يا بتذبحينيي ...

امي قامت لحمودي ومسكت يده : تعال نروح جدك احسن لنا ..

حمود يتمصلح : ماما هوبا ..

شالته امي وطلعو ...رجعت ناظرت لمار .. شفتها مبوزه وخدودها حمممممر ..

: شفيك ..

عقدت حواجبها : مايصلح نقعد حنا الاثنين بمكان واحد لانك متهور..

قربت منها اكثر ومديت يدي ع الكنبه والثانيه مسكت فيها خصله من شعرها ..

همست: صح عليك..في اماكن لازم مانكون بس اثنين فيها وفي اماكن لازم نكون اثنين بس..

احمرت خدودها ولفت بقوه .. لصقت فيها اكثر ناسي نفسي ..

همست : يا ربي تكفين لا تستحين مني والله اذووب ..

ابعدت عني بسرعه وقالت : شفيك مانت صاحي ..

كان عطرها وقربها وضيقتي وعنادها اسباب تخليني ارد بوله

:مجنون صح ..

نزلت يدي من ع الكنبه وحضنت اكتافها ولصقتها فيني ..

قالت بخوف واضح وهي تحاول تلفت للباب : مالك ..

همست بوله وشوق وانا تايه بسواد عينها الخجوله الخايفه ..

: والله ما انلام فيك لانك على بعضك.. فتنه..فتنه .. الله يصبر قليبي على عنادك اللي .........

.....: مالك ..

لفيت على ابوي اللي يناظرني بحده : خير ان شااء الله ما عندك غرفه وش هالحركات ..

قامت لمار فقلت لها بسرعه لان خطواتها سريعه : لمار نادي ساره ابيها ..

جلست امي جنب ابوي وبحضنها حمودي اللي صار يسولف عليهم ..

جت ساره وجلست جنبي وهمست باذني : مالك شسويت للمار ..

: وش سويت بعد ؟!

ساره بنفس الهمس : كنت اكلم بالجوال ودخلت علي تبكي وتقول انك تبيني صار شي بالشقه ..

: لأ بس ابي اقولك انوووو بكره بياخذون الاثاث بوديك الصبح ع التسعه تاخذين الملابس والاشياء ذياا عشان يجيبون الغرفه .. نادي لمار لا تخلينها بروحها ..

ناظرت ابوي اللي قوس شفايفه ولف عني وهو يكلم امي وصارو يلاعبون حمود .. هذا انت يباا مصلحتك وراحة بالك اولاً .. تماماً مثل يوسف الله يرحمه ..

لفيت على ساره : يللا حبيبتي روحي ناديها..

ساره بهمس : تبكي اقولك ..

: اففففف طيب شوي وراجع لك ..

رحت فوق وفتحت باب غرفة ساره وشفتها .. واقفه جنب الدريشه ومستنده للجدار وبايين اثر الدموع على وجهها..

ان كان هذا زعل علمها يالغالي ،‘،‘، ما كان قصدي ورب البيت ازعلها

علمها واللي يخلي قلبك الخالي ،‘،‘،عن ضيقتي وين وصلت من تجاهلها

: غسلي وجهك وتعالي ..

ناظرتني بجمود وهمست : مابي انزل ..

: تكفين لا تبكين والله تعذبيني ..

حطت ايديها الثنتين على راسها : تعبتني يا مالك والله تعبتني ..

وقفت قدامها ومسكت ايديها وهمست : ضميني........ تكفين ..

هزت راسها بلأ و ابعدت : اتركني ..

: ما تبيني ..

رددت وانا حسيت دموعي متحجرات بعيوني : اكره تصرفاتك اكرهها .. اكرهك ..

تنهدت : مشكوره ..

زفرت بآآه وهي تجلس على ركبها.. تركت ايديها ونزلت لمستواها ..

: لا تضايقين عمرك يا عمري انتي .....

غرست اصابعها بشعرها وتأففت : اففففف اطلع من راسي يابن الناس اطــــــــلع...

وقفت وطاحت عيني على ساره الواقفه ودموعها تنزل بهدوووء .. قربت منها ومسحت دموعها

: افااا بنتي بعد تبكي تبوا تذبحوني انتوا .. يللا يا بعد روح اخوك .. يللا دلوعتي .. روحي خففي عنها مثل ما تسوين لي اول ..

ابتسمت لها وطلعت ..سكرت الباب استندت عليه وانا اسمع صياح لمار وصوت ساره :بس لمار والله عذبتيه وعذبتي عمرك صدقيني ما طلب يضمك الا وهو متضايق..

سمعت صوت لمار المتقطع : خلوه يتزوج ويتركني بحالي يا ليتني اقدر اعيش بدون ام مره ثانيه والا ما ارد هنا ابد بس ماقدر ماقدر ..

رحت غرفتي ملاذي .. اول ادق على عمر يكلمني ينصحني وهالحين لما ادق عليه وشعندك وشتبي والا مشغول وبكره وبعدين مثل اول ما دخل الفرقه كل ما ادق عليه مشغووول واذا ما هو مشغول اطلعله ويدق علي لاتمرني مدير الفرقه طلبني الين استقرت اوضاعه ..فتحت المنتدى تصفحته .. طرت علي مطلع قصيده فتحت صفحه جديده بالوورد عشان انسقها وانزلها ..

الضيقة اللي دايماً تالي عصير ..

.. وش حيلتي وأردها لا تجيني

لا طال ظل العود حزة عشى الطير ..

.. كنها على سجن الحديد تحديني

يضيق صدري كل ما جات وأسير ..

.. ولايخفف سوج رجلي حنيني

لا حولنا مشراف ولا اقدر اطير ..

.. يالله قسمة خير لا تبتليني

وعقارب الساعة توقف عن السير ..

.. ولاكن في (الشرقيه) سواتي حزيني

والعبره اللي تاصل الحلق وتحير ..

.. يا قربها لو قيل لي .. عويني

أمل شوف الناس ورد ومصادير ..

.. واللي يقول اشفيك كنه يهجيني

يعني على ما قيل من باب تصوير ..

.. (لاحدٍ أبي قربه ولا أحدٍ يبيني)

أروح أدور خط مابه دواوير ..

.. وأدور اللي هادها تهتديني

وآخذ مع الهاجوس سجة وتفكير ..

.. وأراجع اللي فات بيني وبيني

وأحسب ذنوبي وأدور التكفير ..

.. عساي ما قصرت في والديني

وعساي ما قارنت من ينفخ الكير ..

.. واللي يحمل المسك جعله قريني

ويطري علي يوم الحشر وأطلب مجير ..

.. ما أعطى كتابي في شقيقة يميني

وإلا طرالي واحد كانه اصغير ..

.. أم أصغر بيومين ولا سنيني

دريت وش قومي وعينت تفسير ..

.. للضيقة اللي من زمن تعتليني

حبه بصدري سالفة سر في بير ..

.. وكن الفواد يقول هذا زبيني

أشفق على علمٍ يجي منه من غير ..

.. لا يسمع اللي سولفوا به ونيني

يا كثرهم غيره ولكن خبر خير ..

.. ما غير شوفه في الوجود يهنيني

رايي كذا يا عاشقين الغنادير ..

.. ماله على وجه البسيطه وزيني

العام أجيهم من حساب المسايير ..

.. واليوم حال عداي وينه وويني

خطاي تعليق الأمل في المدابير ..

.. الين راح وشفت حقري بعيني

صبرٍ جميل وخابر إنها مقادير ..

.. والله على تخفيف حزني عويني

ذي حالتي لين اتغيب الشمس واصير ..

.. معطى سراحي عقب مانا سجيني

واذا امتلى جوف الشجر بالعصافير ..

.. طلبت من رب العباد يهديني

يعتقني المذن عقب ضيقة عصير ..

.. اللي على سجن الفراق اتحديني<<ابن فطيس

الســــــــــــــلام على من اتبع الهدى ودين الحق ليظهره على الدين كله ...

(( صلــــــــــو على محمــــــــــــــــــــــــــــــد ))

اللهم صلي وسلم وبارك على محمد وعلى آله وصحبه أجمعيــــــــــن

الجزء الحادي عشر

{.. و انهياااار ..}

يتبع ,,,,

👇👇👇

تعديل المقال