رواية الكفيفه -18
فيصل خاف ولف بسرعه :انتي وش جابك هنا
الهنوف :انا طلعت مع هيثم ادورك
فيصل لف يناظر هيثم
هيثم :كنا ندورك وثاني شي انا مااسويت شي غلط كنت طالع مع بنت عمي وقرب من اذنه وهمس:وخطيبتي عندك مانع
فيصل : خير وش
هيثم : الي سمعته
فيصل لف يناظرها : وانا توني ادري
هيثم ابتسم: ايه مااصار شي بس توني امس فاتح الموضوع مع اهلي
فيصل ابتسم وصد بوجهه :عقبالي يارب
هيثم ابتسم
فيصل نط وره وجلس بجنب اخته
الهنوف : فيصل وش فيك
فيصل :تعبان يااختي تعبان
الهنوف :لهذه الدرجه يافيصل قولي وش تبيني اسوي والله لسويه عشانك بس
فيصل حط راسه على حضنها :هيثم شغلي اغنيه مرت سنه خاطري اسمعها
في غرفة هاني
ناثر صورها والجرايد ويتذكر ايامه معاها وهو حاط ال ام بي ويسمع
مرت سنة والعين يعشقها السهر
ومرت سنة والشوق باقي ما انمحى
ومرت سنة والقلب ذابحه الهجر
ومرت سنة والهجر عيّا ما استحى
ومرت سنة ومرت سنة وأنا أنتظر
ومرت سنة والوصل نايم ما صحى
ومرت سنة ما جا من الغالي خبر
ودارت على حّب المحبّين الرحى
ومرت سنة صابر وعذري بالصبر
شماتت أصحاب الشوارب واللحى
وعيونه السود وشفايفه الحمر
وجديل يضى في فوق متنه لا انتحى
وصدرِ يسد الليل من نور القمر
وخدِ يسد الصبح من شمس الضحى
ومرت سنة واخاف لا يروح العمر
وأنا أنتظر والشوق باقي ما انمحى
فيصل وهاني بنفس الحظه كانوا يسمعون نفس الاغنيه ويتذكرون نفس الشخص وكل واحد فيهم ماكان عارف حقيقة شعوره ناحية هبه
في الكافيه
محمد : وش قلت يا خوي
تركي ابتسم :وش اقول يعني اكيد موافق هذه بنتنا وهو ولدنا من يعافه
محمد ابتسم :يعني نقول على البركه
تركي :اكيد وعقبال فيصل وسامي
محمد ضحك : امين يارب
مرت ثلاث ايام وفيصل حابس نفسه في غرفته ورافض يطلع ويقابل حد
هيثم و الهنوف بس الي كانوا يعرفون ايش الي بخاطره
دخلت الهنوف غرفة فيصل
الهنوف :فيصل لمتى بتتم على هذا الحال
فيصل جلس ومسح دموعه :لين ترضا علي
الهنوف جلست جنبه:فيصل خلاص حرام الي تسويه بنفسك
فيصل : هنوف انا مابي اكلمها خلاص اذا هي تخاف مني مراح اقربها خلاص بس بعطيها هذه الورقه
الهنوف اخذت منه الورقه :خلاص فيصل انا راح اوصل هذه الورقه بس انت لا تسوي بنفسك كذا
فيصل عدل جلسته :صدق والله بتعطينها اياه
الهنوف :عشانك بس
فيصل :اجل يلا قومي اوصلك
الهنوف :لا ماينفع توصلني انت اخاف يسون فيك شي كلم هيثم يوصلني احسن
فيصل اخذ جواله وعطاه الهنوف : خذي كلميه الان
الهنوف : ليه مااتكلمه انت
فيصل :ماراح يرضا تكفين كلميه
الهنوف اخذت الجوال
هيثم اول مارن الجوال راح يركض وانسدح على السرير : هلا والله فصوول اخبارك
الهنوف : هلا
هيثم جلس :مين حبيبتي هنوف
الهنوف ابتسمت :هيثم ممكن اطلب منك طلب
هيثم :عيوني لك
الهنوف :ابيك توديني عند بيت هبه
هيثم :هبه وش تبين فيها
الهنوف : انت وديني وبقولك السالفه بعدين
هيثم : مع اني مو مقتنع بس فرصه اكون معك
الهنوف ابتسمت :طيب انا انتظرك
: كيف الحال
:الحمد الله بخير
مهند : في قضيه قديمه مر عليها حوالي 14 سنه
:14 سنه هذه قضيه قديمه ماظن نقدر نفتح ملفاتها من جديد خصوصا اذا مافي اي معلومات جديده تستحق فتحها
مهند: الا في انا عندي معلومات كثير عن خاطف البنت
: بس بدون ادله
مهند :البنت بنفسها موجوده وغير كذا خاطفين البنت اعترفوا بنفسهم المشكله بس اهل البنت مو عارف كيف القاهم
: اذا كانت كل هذه المعلومات عندك تقدر تناقش باقي القضيه
في بيت بو خالد
بو خالد : هاا وش صار معك
هاني :والله الا الان مافي اي خبر على حطت يدك
بو خالد :يلا كل تأخيره فيها خيره
هاني :بس انا خايف امي كل يوم حالتها اسوء من الي قبله
بو خالد : لا تخاف ان شاء الله تتحسن وترجع مثل اول لا تيأس من روح الله وغير كذا ام خالد ماتقصر معاها راح تهتم فيها لحد ماتقوم وتوقف على رجليها
هاني هز راسه : ان شاء الله
في بيت نور
كانت جالسه لحالها في الصاله تفكر
دخلت وجلست بجنبها : هلا هبوويه
هبه : هلا سارونه
ساره : اخبارك اليوم ياحلوه
هبه : الحمد الله احسن
ساره :يعني من بكره بتداومين
هبه : ان شاء الله افكر
دخلت وجلست تناظرها وهي تتكلم :هبه
هبه :هلا امي
نور : بنتي هبه لو رجعوا لك اهلك وقالوا يبون ياخذونك ترجعين لهم
هبه نزلت راسها ودمعة عينها
نور جلست بجنبها : حبيبتي انتي بنتي مابي افقدك
هبه مسكت يدها :لا تخافي يمه ماحد ياخذني منك
نور :طيب انتي ماشتقتي لي اخوك هاني
هبه : الا اشتقت بس ماابي ارجع لي امي سميره وابوي فتحي
نور : انتي بنتي مااحد بياخذك مني
عند الباب
مسك يدها :انتظري قولي لي وش بتسوين بالداخل
الهنوف :اخوي فيصل تعبان وانا مااقدر اشوفه كذا واسكت لازم اشوف له حل
هيثم : يعني وش بتسوين
الهنوف : بعتذر منها يمكن لعرف اخوي انها سامحته تحسن حاله ويرجع مثل اول
هيثم :طيب انا انتظرك هنا
في داخل البيت
رن الجرس قامت تركض :مين
الهنوف : انا
ساره فتحت الباب :تفضلي
الهنوف :السلام عليكم
ساره : وعليكم السلام
الهنوف :انتي اخت ساره
ساره :ايوه نعم انا ساره
الهنوف ابتسمت : اختي ممكن اقابل هبه
ساره بتعجب :هبه
الهنوف هزت راسه
ساره :تفضلي
الهنوف دخلت وسلمت عليهم
ساره : هبه في وبنت جايه تقابلك
نور اول ماسمعت قامت تناظرها ومسكت يد هبه
هبه : انا هبه خير ان شاء الله
الهنوف : انا الهنوف اخت فيصل
نور وقفت :مين فيصل
ساره اول ماشافت امها قامت مسكت يدها : يمه انتظري شوي نسمعها
الهنوف وقفت وجلست قدام هبه :هبه الله يخليك اسمعيني هذا اخوي مالي غيره تكفين سامحيه اخوي تعبان حابس نفسه في غرفته من ثلاث ايام لا ياكل ولا ينام بس همه تسامحينه
هبه ماردت عليها
الهنوف : طيب براحتك انا استأذن تكفين سامحيه وحطت ورقه بيدها وقامت
ساره وصلتها لعند الباب
في بيت محمد
كانت نايمه من التعب
دخل الغرفه وجلس بجنبها وحط يده على جبينها
فزت من نومها خايفه
محمد :بسم الله عليك وش فيك خوفتيني
مريم حطت يدها على قلبها : حلمت حلم
محمد :اللهم اجعله خير وش شفتي
مريم : شفت بنتي هبه جالسه على كرسي من ذهب ولابسه فستان وشعرها كان طويل كانت حلوه اول ماشفتها رحت اركض وحضنتها وهي رفت يدها وحطتها على وجهي وتسألني وتقول انتي مين محمد بنتي مااعرفتني
محمد مسك يدها :حبيبتي هذا حلم مو حقيقه وش فيك
مريم : محمد بنتي عايشه ما ماتت صدقني عايشه انا امها واحس فيها
محمد :ياالله منك يامريم مرت سنين على موتها وانتي لا الان تقولي بنتك عايشه خلاص انسي
في غرفة فيصل
فيصل : وش صار معاكم
هيثم : ماصار شي
فيصل : كيف يعني مااصار شي
هيثم : ماادري اسأل اختك
فيصل قام من مكانه وقف عند الباب وينادي الهنوف
الهنوف جات تركض :هلا فيصل الحمد الله ياربي انت طلعت من غرفتك
فيصل : وش قالت لك هبه
الهنوف : مالت عليك وانا طاير قلبي قلت اخوي تحسن حاله
فيصل : خلصينا قولي وش صار
الهنوف : ابد ولا شي بس قلت لها الي قلت لي وعطيتها الورقه وطلعت
فيصل :وهي وش قالت
الهنوف :مااردت
فيصل تسند على الباب وسكت
الهنوف : وش فيك فيصل
فيصل :مافيني شي بعدي هناك ودخل الغرفه
هيثم : وش فيك
فيصل جلس على السرير : لا بس دايخ
هيثم قام وحط يده على راسه : حرارتك زينه مافيك شي
فيصل : هيثم انا من اول ماشفتها كنت احس بحساس غريب بس الحين عرفت وش هذا الاحساس عرفت الحين اني احبها يا هيثم
هيثم :ايش قلت تحبها
فيصل : ايه احبها وبتزوجها قصب عن الكل
هيثم : بس هي ...
فيصل : لا مو هي انا العمي مو هي
هيثم : فيصل انت تعبان وجالس تخبص نام بس
في بيت نور
جالسه بالغرفه
دخلت عليها :ممكن ادخل
هبه :تعالي
ساره جلست بجنبها : حبيبتي لا تشيلي هم ولا تزعلي كلنا معاك
هبه :ساره ممكن اطلب منك طلب
ساره :عيوني لك
هبه عطتها الورقه :ممكن تقرينها لي
يتتتبع......
ساره اخذت الورقه :
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون
تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
دمعة عين هبه من كلماته الجارحه ولما انتبهت لها ساره وقفت و احضنتها :خلاص حبيبتي لا يهمك وهذه الورقه راح اقطعها لا تشيلي هم
هبه : لا ساره تكفين كملي عادي لا تهتمين كملي انا اسمع
ساره :بس
هبه :لا يهمك كملي
ساره :
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون
يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟
ساره خنقتها العبره وحضنت هبه
هبه متلخبطه بحساسها كانت مبسوطه لانها عرفت ايش الي كان يبي منها فيصل بضبط : خلاص يا ساره انا مو زعلانه بالعكس انا ارتاح بالي مع اني حاسه اني ظلمته
ساره : لا تفكري فيه خلاص انسيه واحمدي ربك ان السالفه كانت بس كذا
هبه بنفسها " ماادري ليه رغم خوفي احس برتياحه من ناحيته
نزل يركض وينادي :يممه يباااه وينكم
كان جالس بالصاله ولما سمع صوته :وش فيك وش صاير
هيثم مسك يده :وش فيك روق مو وقته
تركي : وش الي مو وقته تعالوا جلسوا قولوا وش صاير
فيصل جلس: يباه اسمعني بكلمك بموضوع
تركي : اسمعك تكلم
فيصل : بصراحه يا بوي مابي الف ولا ادور بعطيك اياها على طول
تركي : طيب قول
فيصل : بصراحه ابي اتزوج
تركي ابتسم : على البركه مين سعيدة الحظ
فيصل : مااعرف من اهلها بضبط بس الي اعرفه اني شفتها واعجبتني وابيها واذا مااخذتها مراح اخذ غيرها
تركي ضحك : طيب طيب بالهون وش فيك مستعجل فهمني بالهون وين شفتها وكيف عرفتها
فيصل : مااعرف غير ان اسمها هبه شفتها صدفه واعجبتني وعرفت وين تسكن وابيها
تركي حط يده على ولده : طيب ليه تصرخ انا مااقلت لك ان مااراح اخطبها لك بس سؤالي هنا مدامك مااتعرفها كيف عرفت اسمها
فيصل ناظر ابوه وهيثم وسكت
هيثم : انا بقولك يا عمي السالفه ومافيها ان فيصل ......
تركي ناظر فيصل : انت مجنون كيف تسمح لنفسك تلحق بنات لو اختك الي ملاحقينها بترضا حط نفسك بالموقف وثاني شي انت باي حق تحكم على الناس قبل لا تعرف
فيصل قام يبكي :يبااه الله يخليك انا مااسويت كذا الا لاني احبها
تركي قام عن ولده وطلع برا البيت
فيصل :شفت كيف ياهيثم كيف تركني وراح
هيثم : طول بالك بس وقوم ارتاح
في بيت محمد
مريم : كيف حال عروستنا
عبير : هذه مااعليها هي واخوها مزعجينا بالبيت
مريم ضحكت : اذا قلتي فيصل انا معاك اماا الهنوف مااشاء الله عليها شيخة البنات
بعد ثواني نزل محمد
مريم لفت : محمد وين بتروح
محمد : بروح اشوف تركي متصل علي يبي يطلع
مريم : طيب بتتعشون برا ولا نحسبكم بالعشاء
محمد : ماادري اذا بنتعشاء برا بتصل عليك
مريم : طيب
في غرفة الهنوف
: هذا وش في يصرخ كذا انا مو قادره اصبر بروح اشوف وش فيه وطلعت من غرفتها تركض
في السياره
:هلا اخوي وش فيك حاس انك مو طبيعي
تركي ابتسم : لا مافيني شي بس متضايق شوي من اولادي
محمد : افاا ليه وش صاير
تركي : فصيل كل يوم يطلع لي بشي اخر شي توصل له يبي يعرس
محمد ضحك : على البركه وليه تزعل بالعكس هذا شي يفرح
تركي : انت مو عارف مين الي يبيها
محمد : مين
تركي : يبي وحده عميه ماتشوف
محمد : وش قلت عميه ولما استدرك الوضع واستوعب سكت لحظه وبعدها حط يده على يد تركي : اسمع لا تضغط على ولدك عشان ماايعاندك سايسه وبين له رايك يمكن يقتنع ويشوف غيرها
تركي :بس اخاف يصر علي رايه
محمد :في هذا الوقت خليه على راحته لا تمنعه هذا اختياره وهو راح يتحمل نتيجته
تركي : يعني انت رايك اني
محمد هز راسه : ايه لا تضغط عليه اذا كان هو يبيها ومصر عليها
نزلت تركض ومحتاره مو عارفه وش تسوي
صراخ باعلى صوته :هنووف اتصلي على عمي بسرعه
الهنوف اخذت التلفون وحطت يدها على راسها : نسيت الرقم
هيثم :فيصل خلاص صدقني ماحد بياخذها غيرك يا مجنون
فيصل : قصب عنكم كلكم انت فاهم
هيثم : اكيد فاهم والله فهم بس لا تسوي بنفسك شي وافتح الباب ولف ينادي : هنووف يلا بسرعه
الهنوف : طيب لحظه بس تذكرت واتصلت على ابوها
في السياره
رن جوال تركي
محمد : تركي جوالك
تركي : هذا تلفون البيت
محمد : زين رد
تركي : الو نعم
الهنوف :يبأأهـ انت وينك
تركي : وش فيك
الهنوف :يبأأهـ اخوي فيصل حابس نفسه بدورة المياه ومو راضي يفتح يصرخ انا مو عارفه ايش اسوي
تركي : طيب طيب الحين جاي
محمد : وش صاير
تركي : فيصل حابس نفسه بدورة المياه
في مكتب مهند
:اليوم راح اجي عندكم وافتح الموضوع مع البنت لازم تعرف كل شي عن نفسها
: بس انا مامهدت لها الموضوع
مهند : كلميها على مااجي
نور :طيب انت بتقول لها اسمها وكذا
مهند :انتي قولي لها عن هاني وانا وهاني راح نقولها القصه كامله
نور : خلاص الحين بفاتحها بالموضوع
مهند : طيب وانا جاي بالطريق
سكرت التلفون ودخلت الغرفه : هاا بنات بينكم اسرار
ساره : لا اي اسرار بس نسولف
نور : طيب ممكن ادخل
هبه : اكييد
دخلت وجلست قدام هبه وحطت يدها عليها : هبه ابي اقولك شي
هبه ابتسمت
نور : هبه في شخص تعرفينه كان يدور عنك وتوه لقاك عندنا وهو مصر يقابلك يعرف اخبارك
هبه رفعت راسها بسرعه : مين هاني
نور : ايه هاني وش قلتي تبين تقابلينه ولا لا
هبه قمت تبكي :يممه تكفين مابي ارجع لهم واللهكانوا يعذبوني
نور حضنتها : لا حبيبتي مراح ياخذك هاني بس يبي يشوفك ويكلمك مو انتي قلتي ان هاني ماله ذنب وانه طيب كان دافع عنك
هبه : ايه هو طيب ويحبني ومايرضا علي بس انا اخاف من امي وابوي
نور : لا تخافي انا بكون معاك وش قلتي
هبه هزت راسها : خلاص الي تشوفيه
نور : طيب انا رايحه اجهز القهوه
ساره ابتسمت وجلست قدامها : ماشتقتي لي اخوك
هبه :الا شتقت له ماتصورين قد ايش ياساره هو الشخص الوحيد الي كان يحبني ويدافع عني كان يساعدني ويلعب معي تدرين هو الي علمني كيف اكتب اسمي وكيف اقراه
ساره كانت تسمعها وتبتسم ومبسوطه عشانها : لهذه الدرجه كان طيب معاك
هبه : هو احسن اخو بالدنيا كلها
ساره ضحكت : شوقتيني لشوفته
كاتبة الرواية :فديت اسمي (Ebtihal)
توقعاااتكم
ممكن فيصل يحقق الي يتمناه ويتزوجها ولا هبه حلم بعيد مستحيل يوصله .؟
ايش تفسير حلم مريم معقوله تكون لحظة رجعتها قربت .؟ وراح يعرف الكل بالحقيقه .؟
سميره حالتها يوم بعد يوم تسؤا اكثر بتلتقي بهدى وبتسامحها ولا لحظه الموت اقرب .؟
بيقدر مهند يوصل لي اهل هدى ويكشف الاوراق .؟
هدى ايش بتكون ردت فعلها لعرفة الحقيقه الي بنتظارها مع هاني .؟
معقوله فيصل يسوي بنفسه شي لجل يقنع ابوه بختياره لي هدى .؟
البارت ال25
كاتبة الروايه :فديت اسمي (Ebtihal)
في بيت تركي
عند دورة المياه بغرفة فيصل
تركي : ابوي فيصل اسمع الكلام وافتح الباب
فيصل جالس عند الباب ولا كانه يسمع
محمد : فيصل خلاص لك الي تبي بس افتح
فيصل ولا كانه يسمع
تركي : فيصل خلاص انا موافق والله ماياخذها غيرك افتح
فيصل : مراح افتح الا لما تخطبها لي
تركي : خلاص بكره يصير خير بس افتح
فيصل : والله لشرب كل المنظفات الي هنا
محمد :لالالا خلاص اليوم اليوم نخطبها افتح
فيصل : وانا وش ياكد لي انكم ماتجاملوني
تركي : والله العظيم اني بخطبها لك اليوم بس لا تسوي بنفسك شي اطلع خلاص
فيصل وقف قدام المرايه يناظر نفسه ويتبسم وفتح المويه ودخلها داخل عيونه وطلع على انه يبكي
تركي اول ماشافه حضنه : ياالحيوان مايتاج تسوي بنفسك كذا انت لو تطلب عيوني مااتغلى عليك
فيصل : اجل يلا نروح نخطبها
محمد : المجنون مستعجل انتظر نكلم امك وخالتك يروحون يخطبونها وبعدين نروح احنا
فيصل : مالي شغل الحين يعني الحين ولا والله اذبح نفسي
تركي : الحين بنروح خلاص انا وعدتك
محمد اخذ الجوال : الحين اكلم الحريم يجهزون ونروح نخطبها لك
فيصل كان طاير من الفرحه وابتسامته شاقه وجهه ويناظر هيثم مبسوط
هيثم ناظر فيه وابتسم : ماادري وش اقولك بس على كلا مبروك
فيصل : من قلب
هيثم : اكيد يلا تجهز بس
في بيت محمد
رن جوال مريم
مريم : هلا محمد اجهز العشاء
محمد : لا اسمعيني ابيك تكلمي عبير تجهز نفسها عشان نروح نخطب لولدها
مريم : مين
محمد :فيصل نبي نروح اليوم نخطب
مريم :طيب بس احنا ماعندنا خبر
محمد : الحين صار عندكم خبر بالموضوع يلا تجهزو
مريم بعصبيه : محمد انت وش فيك تخططون لكل شي وتقررون واحنا اخر من يعلم
محمد : مريم مو ناقصينك انتي الثانيه كافي القلق الي صاير عندنا
مريم : محمد وش فيك مو فاهمني انا معليش بس امه كيف ابلغها بالموضوع
محمد :شوفي يا مريم لا تقلقينا الموضوع انتهى خلاص اجهزوا ويلا سلام
عبير : مريم وش الي صاير
مريم : ماادري وش اقولك زوجك وزوجي جاين بالطريق
عبير : وايش المشكله يعني
مريم : يبون ياخذونا مشوار
عبير :طيب
مريم :نخطب لولدك فيصل
عبير : خير ولدي يبي يتزوج وانا اخر من يعلم ماكلفوا انفسهم يبلغونا قبلها بيوم على الاقل
مريم جلست بجنبها : عبير اهدي انا بعد توني اعرف بالموضوع اذا جو نفهم منهم كل شي
في بيت نور
نور جالسه بعبايتها تسمع
مهند : كلميها يانور ساعديني شوي
نور : هي تعرف الموضوع انا مهدت لها وقلت لها ان هاني يبي يشوفها وكذا
مهند لف على هبه : يعني انتي عرفتي
هبه : ايه
مهند : طيب قالت لك عن ابوه وامه شي
هبه قامت تاكل اظافرها من التوتر : الله يخليكم لا ترجعوني لهم
مهند جلس جنبها ومسك يدها : بنتي اسمعيني انتي فاهمه غلط مااحد بياخذك
هبه : طيب ليه تقولوا لي عنهم
مهند ماعرف وش يرد عليها مسك يدها : خلاص هبه اخوك بيجي يقابلك وبتعرفين منه كل شي
في بيت محمد
دخل فيصل بكشخته وابتسامته الساحره وراه ابوه وعمه وهيثم
اول ماشافته عبير وقفت معصبه
تركي ابتسم عشان يسلك الموضوع : هاا يا مرأه انتي جاهزه
عبير راحت لفيصل وتمت تناظر فيه : لا مو جاهزه ولدي يبي يتزوج ومجهز نفسه بيخطب وانا اخر وحده تدري مثل ماخططتوا لكل شي بدون علمي روح اخطبها بعد بدون علمي ليه جاين على نهاية الوقت تبلغوني راي مو مهم
تركي مسك يدها : عبير اسمعيني انتي مو فاهمه الموضوع
عبير : اي موضوع ان ولدي بيتزوج وانا اخر وحده تدري وتقولي مو فاهمه طيب راي لهذه الدرجه مو مهم
تركي : عبير خلاص
عبير :لا مو خلاص وبنسبه لي الخطبه انساء انا مو موافقه عليها
فيصل وقف قدام امه ومسك يدها : يمه تكفين لا تخربين فرحتي
عبير : اوص ولا كلمه بعد عني هناك
فيصل : امي حتى ابوي ماكان يدري بالموضوع انا توني اليوم قلت له اني ابتزوج واليوم بعد واذا موافقتي والله راح اذبح نفسي
عبير ناظرت فيصل وصفعته ومشيت
فيصل وقف في مكانه مو عارف ايش يسوي
هيثم وقف بجنبه ومسك يده
تركي راح ورا عبير وسحبها : لحظه اسمعي
عبير :اتركني يا تركي
تركي : اسمعيني طيب
عبير : اسمعك
تركي : ولدك تعبان ومن شوي قوم البيت علينا بالموت قدرنا نهديه المجنون كان بيشرب المنظفات كل هذا عشان يتزوج
عبير : ايه قص علي قص
هيثم : اقول اركد وعن الجنون
فيصل ضربه : بعد عني هناك وراح يركض للمطبخ
محمد الحقه : فصييل انتظر تعال
في المطبخ
:عمي بعد عن طريقي
محمد : مجنون انت عطني الي بيدك يلا
فيصل : عمي قلت لك بعد عن طريقي
تركي ترك عبير وراح يركض
عبير لحقته : وش صاير
فيصل :يمه اذا ماازوجتيني اياها بركز هذه السكين بقلبي
عبير تناظر :تركي اسمع ولدك وش يقول
تركي : مااقلت لك من البدايه
محمد صرخ :هـــي انت وياها مو وقته بس انت خلاص عطني السكين قلنا لك بنروح خلاص
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك