رواية خلني داخل حدودك واجبر بخاطر زماني -19

رواية خلني داخل حدودك واجبر بخاطر زماني -19

رد وهو سرحان يعني بدون وعي : ما جاات مع ابوي .. ما عاد لها حاجه فينا ....

: يمكن اهلها يبونها .. ألتمس لاخيك ولو سبعين عذراً ....

عض على شفته بقوة .. ونزل راسه وهو يتكي باكواعه على ركبه ويغطي عيونه ببطن كفه ..

: اذكر الله ...

همس وهو على نفس الوضعيه : لا اله الا الله ...لا اله الا الله ...

وقف وقال : ابروح اشوف امي ..

: الله معك ...

قال باستفسار : خلص الدوام ...

: باقي خمس دقايق .. يعني خلص ...

تنهد وطلع ........ رتبت بعض الاوراق وحطيتهم بملف جديد .. طلعت من المكتب وقفلته...

سكرت الباب .. خايف من سناريو كل يوم ... اكيد نايمه المشكله على طول تمسك بطنها من الخوف ماقدر افش غلي واهاوشها .... تحركت ببطء باتجاه المطبخ ...ونااااااااسه في ريحة طبخ ....وقفت عند الباب..شفت بعد عمري .. جالسه ع الطاوله وحاطه راسها عليها ... جلست جنبها ومع كل الاصوات اللي طلعت ما تحركت من مكانها ...

: قلبي ...

مسكت كتفها وهزيتها : قلبي نايمه ..

سمعت همسها : رااااااااسي....

: لا حول ولا قوة الا بالله .. تبين اوديك الطبيب...

رفعت راسها وقربت مني حطت راسها على كتفي ...وقالت باستهبال : ابي حناااااااان ...

: ابشري .. خلص الغداااااا ..........

ابعدت وهزت راسها بايه ... قرصت خدودها المتورده : حطيه مييييت جووووع .. اهلك وصلو تدرين ...

حضنت ذراعي : توديني لهم صح ...

: يللا حطي الغدااا ...

وقفت واختل توازنها فـ مسكت الطاوله ..

: بسم الله عليك دايخه ..

بللت شفايفها الورديه وقالت : شوي بس ...

: اصبري..هه

حطيت شماغي على الكرسي اللي جنبي ورفعت اكمامي ...

ضحكت بخفه : شـ بـ تسوي ...

: اساعدك يعني شـ بـ اسوي ...

مـــــــــالك

اخذت اكبر قدر من الهوا وقلت باخر طاقات الصبر عندي ..

: طيب ليه ما ترد على جوالها هاه ...

امي بصبر : يا ولدي اذكر ربك البنيه اختها تعبانه وعمتها بالحيل نفسيتها مترديه .......

: وانا شـ علي ابـ افهم انا الحينا جوالها ليه ما ترد عليه ......

امي : والله لمار من يوم يومها وهي مهمله هالجوال تبيها رح لها بكره خميس ما في شغل .......

اروح يعني بتطلع لي والا بتتحجج ....اااااااااااه يماا ما تدرين ........

: الا يمااااا غدير شـ فيها ...

امي : بسم على الله ع البنيه ما بها شي..

: توك تقولين اختها .......

امي : هدى .. طاحت من اول ايام العزاا ومعها نزيف ...

تذكرت صراخهم ذاااك اليوم... تنهدت بعمممممممق ........ قمت دخلت جناح ساره .......جلست على سرير حمودي ... شميت ريحته .. حسيت عيني بتدمع ... الفاصل بس مده اشوف احتمالي معك وصبري وين بيودوني ... وبعدها يا لمار .......... بعدها بتحديني ع اشياء ما ابيها ....... وانتي اول الخسرانين .........دخلت امي علي ارتبكت ........ جلست جنبي ......حطيت راسي على رجليها ....

الجمتني الصدمه لماا سمعت امي تقول : اسمع يا مالك .. لمار مالها رجعه للبيت الا اذا دخلت غرفتك وسلمتك حالها..

كنت باقوم بس رصت امي على كتفي بيدها بالثانيه تمسح على راسي ...

امي : من زمان استغرب تصرفاتكم كنت اطلع بنص الليل أتأكد انها تدخل نفس الغرفه ارتاح اقول مشاكل عاديه بعد ما جت لما قدرت امشي طلعت لغرفة ساره لما مشيتو الرياض ووو شفت اغراضها يا مالك انت تعذبت وصبرت عليها بما فيه الكفايه يا انها تجي عندي بنت لي معززه مكرمه وازوجك .... اوووو تطلقها....

قعدت بسرعه : لا يماا مابي اطلقها انا احبها ..........

امي : عذبتك ......

: يماا انتي ما تدرين حتى انا عذبتها ........

امي : هذا ما يعطيها الحق تمنعك عن نفسها .........

: يمااااا .......

امي : اشششششششش انا ما راح اسوي شي ولا راح ابين شي الين انت تجي تقول لي اخطبي لي ........ اسألك باللي خلقك .. لمستها .......

انحرجت قلت لها : إي يمااا ....

امي : لا تكذب يا مالك انا امك لا تستحي مني يا وليدي ........

: يمااا ايه ايه لمستها ومتى ما ابيها اقدر عليها بس انا مابي اغصبها .......

امي : قلبك بيوديك بداهيه يا مالك .......

لمـــــــــار

يا ربي هالجوال وينه .. افففف ...لالا .....ناظرت حمود اللي واقف عند غدير وهي تأكل ...

: لا حمودي لااااااااا .......يا ربي منك افففففففف.........

طلعت جوالي وفكفكته بسرعه ومسحته عن الزيت حطيته ع الدريشه ورحت لعمتي .. تطمنت عليها ... ورحت لهدى اللي تحسنت بشكل ملحوظ وبكره بتروح بيتها......

هدى : هلا لموو تعالي ...

: شلونك ..

هدى : حمدلله احسن اليوم بكثير ..

: الحمدلله ....

هدى : طولتي على اهلك متى تبين تروحين .....

: مو قبل ما اتطمن على عمتي ....

هدى : يا لمار ترى الرجال بيزهق ويتزوج عليك .....

سكت .. حسيت عظامي ترتجف ...

فقالت لي : لا تقولين احلف عليه ما يسويها .....

: الا احلف انه بيسويها وقريب بعد ......

قالت لي وهي ترص على يدي : انتي طمووح >> زعلانه...

: لاااااااااا لااااااا بس اتوقع كذااا ... حتى لو سواها انا بظل عند اهل ولدي .. هم اهل لي بعد ...

حطت يدها على صدرها وقالت : اشوى حسبت بعد ...

: المووهيم شلون دوويم معك ...

تنهدت : خليها على الله جننتني ...

: طولي بالك عليها .. قومي معي نروح لابوي ...

ردت : يالله .......

جلسنا جنب ابوي مثل زمان .. غدير وبندر حوالينا وعمتي بهدوئها ووقارها ..خذتنا السوالف والذكريات ..الين قال ابوي : شـ رايك عواطف نروح نعتمر...

: واااااااااو ... حتى انا .. حتى انا .. الله يخليك يبااا .....

ابوي : اصبري .. ها عواطف شـ قلتي ..

عمتي : والله يا ليت ..تاخدين حمود ...

: اجللللل لازم اخذه معي ابخليه يشوف الكعبه ......... حموووووودي ..

حمودي جاني ركض حضنته وقلت له : حبيبي قوول كعبه

حمودي : تعبه ...

لصقت خدي بخده : يا عمري يا حياتي يا كل كلي يا هلي يا نصف ربعي يا خديني يا بلادت حسي وقمت حنيني...

الكل :ههههههههههههههههههههههه

مــــــــــالك

اسبوع وقلنا عزااا واسبوع وتعبانات اختها وعمتها..وهالاسبوع بيخلص وهي ما جاات شفيه بعد..دقيت على جوالها مقفل كالعاده..كنت ماشي لغرفتي بس غيرت رايي ورحت لابوي

: سلام يباا ..

ابوي : اهلين ...

: يباا ابي اروح لاهلي اشتقت لحمودي ...

ابوي : تروح وترد بنفس اليوم عندنا شغل كثير ...

: تامر يباا .....

اخيراً عطاني الضو الاخضر ... ركبت سيارتي وانطلقت لما وصلت المحطه نزلت جبت عصير الفونسو مانجو من المراعي وجلكسي كراميل .. اموووت فيهم ما يروقني غيرهم ...طول الطريق ومره اكلم عمر ومره ساره ومره امي ومره مسجل انواع التسالي ..........

ترجلت من سيارتي والاااااا ... حمودي ماسكه بندر وعمي واقف عند سيارته والسياره مشغله ... قربت وسلمت على عمي وشلت حمودي من بندر وسلمت عليه ....ضميت حمودي بقوة وبوسته على خدوده وانا ملاحظ ان الجو توتر ....

: هاا يا عم عسى ما عطلتكم..

عمي : والله اني مستحي منك .. بس حنا ماشين مكه ...

: ما شااء الله ...

ترددت بس قلت : وام احمد بتروح معكم ........

عمي : إي والله هي اول من ركب من وناستها بس اذا تبي ........

قاطعته : روحو الله معاكم .. دير بالكم على حمودي وامه وادعولنا.....

عمي : غالي والطلب رخيص ......

ناولته حمودي: يا الله اجل انا ماشي بالتوفيق...

عمي وهو يركب : مع السلامه ........

ركبت سيارتي وشغلتها ورجعت على ورى وانا افرغ عصبيتي فيها لدرجة ان الكفرات سوت صوت عالي ........

: طرطور عندها انااااااااااااا مالي راي ولا كلمه هين يا لمار خل تشوفك عيني بس ..........

رفعت جوالي ودقيت عليها .. مقفل هين هين .........افففففف..........

وصلت الدمام بوقت قياسي..كانت خطواتي متباعده كني افرغ شحنات غضبي فيها ..رميت ثوبي وطبيت بالمسبح ... سبحت وسبحت .. سمعت اصوات تناديني ...

: نعععععععععم .......

سمعت صوت ساره وعمر وامي يسولفون وبعدها امي قالت : اطلع يا ولدي برد عليك .....

جلست على طرف المسبح ...وصرخت

: شتبون فيني .. شتبوووووووون اتركووووووووني بحالي .......

طلعت غرفتي حافي ومبلل .......اخ ما كسرني غيرك ....دخلت تحت الدش وحسيت بدفى الموياا يتسلل لجسمي البارد..........لفيت الروب على جسمي ووقفت قدام مرايه التسريحه .. قلت بصوت عالي

: يوسف ما تبيني اقهرها شف شـ سوت فيني ...

حطيت يدي على صدري : حرقت قلبي يا اخوي حرقت قلبي .......اااااااااه يا يوسف ذبحتني وذبحتها بوصيتك ......

جلست ع السرير .. وشوي وسمعت صوت طق خفيف ع الباب وطلت علي ساره ......

ساره : مالك .اشـ......

: اطلعييييييييي برااااااااااا ........

ساره بصدمه : مالك .....

: براااااااااا اتركوني يا ساره فكوني منكم ............

طلعت بسرعه ............حطيت وجهي على السرير ........ليش دموعي ما تطلع ليش ما تفضي عني شويااا ... جمعت قبضتي وضربت السرير ...

: كلهم مثلك جمااداات ما تحس فيني ابد ...........

.............: مالك ..

رفعت راسي : انت شـ جايبك هنااا ...

رد : افااا ما تبيني وانا اخوك ........

: اتركني يا عمر خلوني بروحي شوي .............

عمر : لا مو مخليك قوم معي صل ركعتين لله وادع ربك يفرجها ...

: اتركني يا عمر ...

عمر: قلت لك مو طالع حتى تقوم معي ...

: ابي ألبس ..

عمر : انا هنا عند الباب ......

لبست بسرعه وطلعت له .. شفت عمر متكي و يهمس لساره اللي تبكي بهدوء ويدها على بطنها البارز .......

: انت خذيتو بعض مني .. ويوسف مات ... ووو

ضمتني ساره وهي تبكي وتقول : بس يا مالك وين قوتك وايمانك كذاا تخوف امي عليك ......

مسكت ايديها وانا ابعدها : شفتي دلوعتي شفتي .. ما قلتي شـ مزعلك منو كسر خاطرك شايله هم امي قلت لكم اتركوني بحالي ...

طلعت من الجناح على جهة المسبح اخذت اغراضي وطلعت من البيت بكبره.. لفيت ولفيت لين داار راسي..الوقت صار على نص الليل.....رديت البيت...بسرعه نمت من التعب ...

الجزء الثاني عشر

{..هـــــــــــــو >< ♦√●♯ ><هــــــــــــي..}

يمر الوقت ..... وتمشي الايام ... يوم ورى يوم ورى يوم .........

هي عنه صار لها شهر الا كم يوم بس ......

هو عن الدنياا من كم يوم مو داري .......

..............

هي ... دخلت الغرفه بهدوووء .... قربت منه ... هزها الشوق فـ تجرأت وحطت يمينها على راسه تمسح عليه وانفجعت من حرارته...خدوده حمر وتحت عيونه هالاات غاااااااامقه ...

هو ... حس بوجودها .. لامست اصابعها السمر راسه .. فاستجمع بقايا قوته وفتح عيوونه بصعوبه ... همهم بحروف اسمها : ل م ا ر ...

لمار ....... شفته يحاول يفتح عيونه بصعوبه وبعدها نطق اسمي ... قربت منه وبوسته على راسه ... : مالك تسمعني ...

مالك ..... مو مصدق عيوني .. اكيد انا اهذي... همست ببقايا صوتي ..: انتي هناا ...

لمار ...... كانت حرارته عاليه مره حتى اني حسيتها انتقلت لشفايفي ... مسكت يده فـ رص على يدي بووهن ... قلت له : مالك تسمعني ..

مالك ..... حسيت الدنيا ضبااااااب .. فـ غمضت عيوني .. غالبني النوم ....

لمار ...... قمت عنه وجبت مويا بارده وكمادات بدل اللي امي حاطتهم ... كان نايم بغرفة حمودي .. متمدد على الكنبه الملونه وشكله كسير .. حسيت بحقارتي .. شلون قدرت اجرحه وهو شاعر وحساس ... باعوضك ع قد ماقدر يا مالك هذاا ان سمحت لي ...مسحت وجهه وصدره العاري بالمويا البارده .. كررتها كذاا مره .. جبت دفايه ع الكهرب وشغلتها عنده ..

دفيت الغرفه مضبوط وطلعت تحممت بحمام ساره ولبست لي لبس عادي لان البرد بالشرقيه يخلي الجو رهييييب.......طلعت وفتحت عيوني للاخير .. شفت امي تقفل باب غرفة حمودي .. ابتسمت لها وهي ابتسمت لي من دون نفس ..

مسكت يدي وهمست : تعالي معي ..

رحت وراها وانا ميته خوف ...قعدنا بالصاله الزجاجيه ... قالت لي : يا بنتي انتي غاليه ويشهد الله عليا .. بس انتي ادرى قلب الام ...

استحيت منها : يماا انتي تدرين عن علاقتي بمالك ..

امي : الله يرضى عليك اذا ما تبينه قولي لي والله ان تضلين معززه مكرمه ام احمد ومرت الغوالي وهي بتكون لك اخت ......

قلت بخوف واستغراب ودهشه : من تقصدين ؟؟

وقفت وكملت : لا يماا عطيني فرصه انا اجايه اصلح غلطتي ومثل ما تخانقنا نرجع نتصالح واذا احتاج الامر انا بروح معك ...

امي باستغراب : تخانقتو ..

جلست جنبها : يماا اذا تذكرين حلمك قبل كم شهر .....

امي : حلمي !!!!!

: تبع الهديه اللي رماها مالك .....

امي باستفسار: رماك رمى عشرتك .....

دمعت عيني : رمى ولدي ......

امي مستغربه ......كملت كلامي وانا امسح دمعتي بطرف اصبعي

: كنت حامل .. وخلاني اسقط وكرهته كرهت عمري .. يماا لوما شفت جنيني والله تهون .. بس شفته بعيني وما قدرت اسامحه ما قدرت ..

امي ابتسمت وقالت : اخليكم على راحتكم .. وووو نشوف شلون يصير حالكم .....

: راضيه عني يماا ..

امي : اذا يهمك رضاي خليه يرضى عليك .......

: انا متأكده انه ما زعل مني ...

امي وهي توقف : الله كريم ... انا ابروح اشوف ام ماجد انا وابوك ..

: الله معاكم ........

دقيت على ساره من جوال مالك .. مسجلها " مالك " .. اول ما ردت قلت بمرح

": سلاااااااااااام ...

ما ردت شوي وسمعت ضحكتها وخرفشه ناظرت الجوال موجوده رجعته على اذني : الوووووو الووووو

ساره : الو ..

: ساااااااره قلبي شلونك اشتقت لك .......

ساره بفرحه واضحه : يالدبااااااااااا متى جيتي ..

: ما صار لي متى تجين ..

ساره : توي راده من اهلي ..

قلت بخيبه : بالله عليك ... الا صحيح تو ليش ما رديتي مثل الناس هاه ..

ساره : انت تلقفين وتدقين من جوال مالك ليه يعنني ميانه..

: غصب عنك ...

ساره : لمووووووو ...

: سوووووسووووو..

ضحكنا مع بعض وقالت لي : تدرين تو عمر هو اللي رد .. يقول في بسه ع الطرف الآخر ..........

: هيييييييييي هههههههه وجع سويره تتمهزأين بصوتي ...

ساره :هههههههههه والله هو قال كذااا .......

: يوه عااد هو صوته حلوو والا كان قلنا ........الموووووووهييييييم ... استناك بكره يا ويلك ما تجين .......

ساره : من عنوني يا عنوني...

: يا قلبي يالله عاااد اسلم عليك طولت على جوال مالك ..سلاااااام

ساره : مع السلامه "

سكرت الجوال ورحت جناحي ... رتبته ونفضت الغبره ... جاني ولدي فمسكته العابه وكملت شغل ... رتبته وبخرته ... وقفت برضاا كل شي اوووووووكي .......

رحت لمالك ... شفته معرق و يتنفس بصعوبه ... مسحت راسه ورقبته .. خفت عليه ..مادري شسوي ... اممممممم.. ساره .......رجعت دقيت عليها ....سمعت صوت عمر وارتبكت

" هلااااا يا غالي ...

ظليت ساكته ... قال : الووووووو ملوووك الو ...

قلت بتلعثم : سـ ـ ـ ـ ـاره...

بسرعه سمعته يقول : اوووو لحظه ...ساااااااااره.....ساااااااااره..جواااالك .....

ساره : هلااا ...

: سارونه بالله تعالو ودو مالك المستشفى ...

ساره باندفاع : ليه شفيه وين ابوي..

:مادري والله مسخن حيل ومعرق .. وابوي مع امي راحو لعمتي مافي غير انا والشغاله بالبيت ...

ساره : زين مسافة الطريق وجايين .."

الله يستر بستره ... قعدت مع ولدي بالصاله الزجاجيه بانتظارهم ... شفت سيارتهم توقف بسرعه .. رحت بسرعه لبست عبايتي ونزلت فتحت الباب ..دخلت ساره : وينه ..

: فوق بغرفة حمود ...

ساره التفت على ورى : تعال ..

دخل عمر بدون ما يتلفت وتخطى الدرج بسرعه وهو يقول : اي غرفة ...

ساره : جناحي بالمكتب ...

يا رب يا رب ... شوي ونزل عمر مسنده على كتفه ومالك مو بوعيه خدوده حمر وجفونه بعد .. كانت ساره مسنتدته على كتفها بعد .. طلعو من قدامي دمعت عيني عليه ...

: ساره طمنيني جواله معاي ..

ما ردت ... يا رب يا رب الطف به يا رب ... حمودي صار يبكي يبيه ... وخايف من شكله .. قعدت بالمجلس على اعصابي ... نام ولدي وجت امي .. ما قلت لها .. راحت تنام ..

دقيت على ساره مرتين ولا ردت .. شوي ودق جواله " عمر يتصل " يا ربي ارد والا لأ ... رديت وظليت ساكته سمعت صوت ساره

" الووو

: ساره وينكم وش صار..

ساره : تطمني ما في شي بس حرارته مرتفعه حطو له مغذي وبكره بيطلعونه ....

: ليه بكره طيب ..

ساره : حرارته مرتفعه بيتطمنون عليه وبس ...

: خير ان شااء الله طمنيني هااا ..

ساره : ان شاااء الله ولا يهمك ...تصبحين على خير ..

: وانتي من اهله "

قضيت ليلتي صلاة ودعااء نمت مع ولدي بغرفته بمكان مالك ... صحيت على صوت الاذان ... صليت ونمت ...

ثاني يوم

قلت لامي اني باسوي مفاجأه لمالك عشان ما تقول له وحمودي خليت الشغاله تلاعبه بالحديقه الخلفيه..راح ابوي يجيبه وانا لبست وتجهزت وأول ما دخل البيت بعد صلاه المغرب٠٠ دخلت الجناح ٠٠ وقفت عند المغسله دخل بهدوء ٠٠ وتمدد على الكنبه وغطى عيونه بذراعه.. عذبتك يا مالك٠٠ماني قد المواجهه قررت أتراجع ٠٠مشيت بخطوات خفيفه ومسكت مقبض الباب٠٠ماحسيت ألا بيده الساخنه على كتفي٠٠ خفت ٠٠

مـالك ......

جتني امي وتطمنت علي و اكلتني..

رحت غرفتي ..تمددت ع الكنبه .. الظاهر حلم ما جت ولا شفتها ..وليه تجي ما في شي يربطها بي .... غمضت عيوني وأنا أغطيهم بذراعي حسيت بحركه بالغرفه ..

فتحت بشويش ..

شفتها ...

مو مصدق عيوني .. مسكت مقبض الباب ... قمت بسرعه .. مع ان جسمي يعورني ..مسكت كتفها ... حسيت بجسمها ينتفض ... قلت لها ..

جابك الله من غياب ٍ ضيّــق صـدور المبانـي :::: قبل لا الوحشه تزعزع بيتـك الصلـب وتبيـده

بيتك اللي من رحلـت وكـل جدرانـه تعانـي :::: ماتحمـل ينتظـر شهريـن وعيونــــك بعـيـده

الله العالـم لـو إنـك جيـت متأخــــر ثوانـي :::: ماتشوف إلا بقايـا مـن حصـاه ومـن حديـده

من عرفتك وأنت تايه من موانـي لـي موانـي :::: وتارك ٍ قلبي مولّـع مـن وقيـده فـي وقيـــده

ضاعـت سنينـي أحـد بهاليالـي وتحـدانـــي :::: وأنت ماتشبع غيـاب ولاتخـاف مـن النقيـده

ودي أتحمـد لـك الله بالسلامـه , مامـدانــي :::: كل ماتوصـل برحلـه ترجـع برحلـه جديـده

دام تدري كــل وجـه ٍ غيـر وجـه الله فانــي :::: ياخي أكسبلك ثواب وخاف ربـك فـي عبيـده

كان فينـي عيـب قلي:فينـي العيـب الفلانـي :::: كان هرجي مزعلـك فـي شـي قلي : لاتعيـده

عيب تصغر في عيوني وأنت برقــــاب الغوانـي :::: كيف تستسهل طعوني وأنت خابرنـي وليـده ؟

أنت منت اللي عشقته أنت أكيـد انسـان ثانـي ::: ليه صرت بـ هالبـرود وبهالاحاسيـس البليـده ؟

وين حبك للزعـل . ويــــن العنـاد الأولانـي ؟ :::: وين حنّية زمـان وفرحـــــة العمـر الرغيـده ؟

واحد ٍ مـن جابـه الله بـــس يامـر ويعصانـي :::: الوحيد اللي أخافه غصب وأمشـي معـه سيـده

( مابغيت أطيـح بيـده ) ليـن ماربـي بلانـي :::: ولا أنا لو هي بكيفـي (مابغيـت أطيـح بيـده)

ذاك بس اللـي يامـن جيتـه يلخبــط كيانـي :::: اللـي بنظـره ينشـف دم قلبـــي فـي وريـده

أمدحه و أنـا أدري أنـه لـو تباطانـي نسـانـي :::: أنطحه وانا أعرفـه مجنــون وأفكـاره عنيـده

من يسوي بي سواتك يالرهيـف (الاسمراني) ؟ :::: منهو من الناس غيرك غلطته ترفـع رصيـده ؟

من يقص(جناح طيرك)وأنت أعز أنسان جاني ؟ :::: ليه أخاف(رماح غيرك)وأنت ضرباتك سديده ؟

ان تبعتك .أتبعك مـن طيبـي وواســع بطانـي :::: و الا أنا لا جيـت أكيـد انسـان عـز الله بكيـده

أقدر أنزع لك ثيابـي وألبـس ثيـاب الأنـــانـي :::: وأقدر أطلع من عذابي والعب بـــدورك وأجيـده

ومستعد أكسب رهاني لو بغيت أكسـب رهانـي :::: وأخدعك باحساس كاذب وأتحـدى مـن يصيـده

أبك أنا لي شفت خلّي حط غيـري فـي مكانـي :::: والله إني لتركه وأن صـد لعشـق سيـد سيـده

جيت مابيك تحقرني جيت أبيـك تعـز شانـــي :::: جيت أبي فزعة ضلوعك من مشاعـرك البليـده

((خلني داخل (حدودك) وأجبـر بخاطـر زمانـي)) :::: أكذب بباقي (وعودك) وأصدق بلحظـه سعيـده

أنتشلني مـن (بـرودك) لـو تولّـع بالمحـــــانـي :::: عطني أحساس (بوجودك) وأخذ كل اللي تريـده

تكفى واليا قلت :تكفى بيـع خلـق الله عشانـي :::: لاتضيّع مـــــــن يدينـي فرصـة العمـر الوحيـده

يعلم الله شفـت منـك ومـن غيــــابـك ماكفانـي :::: كـان ماتقـدر تخفـف هــــــم قلبـي !! لاتزيـده

شـــف غيابك وش يسـوي بالصـدور وبالمبانــي :::: وأنت تدري كيف كانت صدمت غيابـك شديـــده

والله أنك لـو وصلـت البيـت متأخـر ثــــوانـي :::: مالقيت إلا بقايـا مـن حصـــاه و مـــن حديـــده...

كنت انزل يدي بشويش وامررها على يدها .. من كتفها نزولاً لين استقرت يدي بآخر القصيده على كفها..ظلينا ثواني .. بس هي حركت اصابعها وشبكت ايدها بيدي... فرحت من كل قلبي.. تبيني تبيني ...رفعت يدي وحضنتها من ورى ... رفعت يميني و لميتها بها بعد ... وغمرت وجهي بشعرها .....فكت ايدي ولفت علي ........ تعلقت عيني بعينها ...فتحت فمي باتكلم ما لقيت كلام ...

" قمة الحب .... ان يجبرك الصمت على الكلام................فيعجز الكلام عن التعبير .... فتصمت"

ضميت شفايفي ومررت اصبعي على وجهها الناعم ... غمضت عيونها ... مسكت يديها بس هي ..فلتتني وضمتني ...........غرست اصابعي بشعرها اللي اموت فيه ...

: اااااااااه يا روحي ...

همست لي : سلامتك ...

: اشتقت لك ...

ابعدت عني وهمست وحمرة الخجل تعلوو خدودها : ما توقعت افقدك كذاا..

: تحبيني ...

لماار ...... سكتني سؤاله ما لقيت رد .. للحين مو متأكده من مشاعري تجاهه قلت له

: وان قلت مادري ..

ابتسم لي وقال : ما في زعل بعد اليوم ...

: ان شااء الله ..

ردد : ان شااء الله ..

مرر اصبعه على خدي ولعب الخصله النازله على خدي ...

همس : عذبتيني لك عندي عقاب ...

ابتسمت بخجل : عاقبني استاهل ...

ابتسم وسحبني لصدره ضميته ..

همس : احبك احبك احبك احبك ...

ابعدت عنه وحطيت اصبعي على فمه ... باس اصابعي برقه ..

قلت له : شلونك الحين ...

قال : الحين .. امممممممم اسعد مخلوق بالكون ...

: دوم ان شااء الله ....

مسك يدي و ابعدني .. كان يناظر فستاني .. كنت لابسه فستان احمر عليه دوائر بيضاا متفرقه ... قصير للركبه ولاول مره البسه ..ومن تحت في طبقه شيفون تخليه لتحت الركبه بشوي ... بدون اكمام وموديله من عند الصدر .. قلابي مزدوج وثلاث ازرار بيضا كبيره ..كان مطلعني نونو ...خصوصا انه مزموم من عند الخصر وبعدها يتوسع ...

قال لي بصوته التعبان : روعه .. اول مره تلبسين كذاا ...

حبست انفاسي لما قرب مني وباسني على خدي ..تنقلت عيونه بملامحي وانا احس خدودي ولعوا .. رجع وباسني على خدي ....

تنهد بتعب وقال : ما احب اشوف بعيونك نظرة لوم وعتاب مع اني ميت عليك ..

: بسم الله عليك باعوضك عن كل اللي تبي ..

قال لي وهو يمرر اصبعه من خدي الى رقبتي الى قبة الفستان الى الازرار : اكيد بدون زعل ...

مسكت يده بجرأة ورصيتها ففتح الزر معه وهجم علي ...

سمعنا طقات خفيفه واصوات عاليه .. قدرت اميز صوت ولدي ....لاننا واقفين عند الباب ... مد يده وهو على نفس الحال ..تك ...كان صوت قفل الباب ..

ســـــــــــاره ><>< عمـــــــــر

ساره : يا ربي عمووري هذي خامس مره اقول لك ...

عمر .......... والله مو مصدق نفسي .. ابعدتها وقلت : تكفين آآآآآخر مره بلييييييييز حبي ...

ساره ......... كان شكله وهو مستانس ومو عارف شيسوي يجنن ... ضحكته عليه وسحبت يده من على ظهري وحطيتها على بطني ورددت للمره السادسه : ثنييين توووم ...

عمر ......... حضنتها بقوة ...: احبك احبك احبك ....

ساره ....... استانس لما يقول لي احبك بس عورني ..فقلت له : حتى انا احبك بس ان ظليت على هالحال بتفعسني انا وعيالك ......

ابعد عني بسرعه : بسم الله عليكم ....

قلت بدلع: يللا دللني بقوة ...

قال : اموت فيك ...

قلت بتمصلح : احبك ...بس ابي اروح لاهلي...

رد بلهفه : ابشري يا عيوني بنروح نتطمن على ملوووك ...

: يالله بروح البس ...

عمر : حتى انا بـ ابدل ...

تخصرت : شـ قصدك ...

عمر وهو يسحب يدي : تعالي اقولك ...........

وصلنا بيت اهلي .. سلمت على امي وعلمتها استانست..قالت لي انو مالك فوق و لمار ما نزلت من الظهر ... رحت فوق وجاا معي حمودي وحتى امي معاي عشان نشوف مالك ..دخلنا جناحه .. وحنا نسولف ونضحك .. وحمودي مسوي لجججه .. طقيت الباب بخفه .. سمعنا ... صوت قفل الباب ... قلت يعني فتح خلاص ..

مسكتني امي وقالت : تعالي نروح غرفتك ...

: يماا اصبري فتح الباب ..

امي جرتني بسرعه : تعالي معي ...

رحنا غرفتي ... السرير مرتب واللاب توب الابيض تبع لمار مو موجود .. امي اتجهت للكبت وفتحته ... كان فيه كم لبس لي .. بس .. بس ... يعني لمار راحت لمالك ..

استغربت : يماا انتي تدرين عنهم ...

امي مبتسمه : عفيه بنت رامي عز الله انها لي بنت ...

قلت باستغراب ودهشه : يمااا..

امي : ادري ليه مادري هو ولدي وهي بنتي ...

استانست : يعني خلاص ان شااء الله .. ما بيتزوج مالك عليها ...

امي وهي تلمني من كتوفي وتمشيني معها : هههههههههههه إي هين يتزووووج ولو تقولين له ما تجيب عيال لا يضل عليها ......

: بسم الله عليها يماا ..........

امي بفرحه : إي والله بسم الله عليها ...... تعالي وين حمودي ...

رحت جناحهم وطليت بغرفة القعده ... مطلع العابه ويلعب .. شلته وصار يتدلع علي .. نزلنا مع بعض ... اذن العشااا وهم من بعد اذان المغرب ما نزلو ... شوي ونزلو مع بعض ..

كانت لمار لابسه طقم تنوره لحمي ... وفاكه شعرها كالعاده وحاطه مكياج خفيف ... خدودها حمر بقوة ...

مالك لابس ثوب ابيض وباين على وجهه التعب .. خدوده متورده .. وعيونه ذبلانه ....

عطورهم وصلت قبلهم ........كانو شابكين ايديهم ببعض .. وعلى شفايفهم بقايا ضحكه ...سلمت عليهم وجلسنا ... مالك جنب لمار وبحضنه حمودي .. وانا جنب امي .. كنا نتأمل مالك وهو يضحك بخفه لحمودي ويبوسه ... ولمار تلعب بخاتم باصبعها و منزله راسها ..

قلت اقطع الصمت واطلع لمار من خجلها : لمووووو ملووووك اناااا اناااا ...

مالك بابتسامه : وشو انتي ...

قلت باستهبال : انا حامل ...

الكل : هههههههههههههههههههههههههههه

لمار : حلوه بس لا تعيدينها ..........

: انتو اسمعو للاخير ......انا ..... حااامل ....... بتووووووم .......

ابتسمت لمار ومالك وناظرو بعض ... فزت لمار وباستني على خدي : مبروووووووك متى عرفتي ........

: العصر بموعدي .......

مالك : مبروووك دلوعتي بيصير عندها دلوعين ... عااد لا يجون ثنينهم عيال .. شنقول لعمر ...........

الكل : ههههههههههههههههههههه

: شال همه اخوي ...

مالك : اكيد مو هو عمرررر...

قلت بغيره : إي إي عشان عمر الله يرحم ايام الدلع ....

قام وجلس جنبي .. هش على خشمي وقال : دلوعتي امزح لاتصيرين زعول ....

سويت نفس حركته وقلت بدلع : ما ازعل منك يالغالي ......

ضحك علي وقام : ما سمعت الاقامه بروح للمسجد قبل لا تروح علي الصلاة ...

طلع.. وانا عيني تتبع عيون لمار اللي كانت تتبع حركات مالك ........

تكلمت امي : هاا لمار صافي يا لبن ...

نزلت راسها وخدودها يحمروا اكثر...

قلت لها : حليب يا ئشطه مامي ..

ضحكنا انا وامي على شكلها اللي يشوف شكلها يقول ذي عروس .... الله يديم السعاده .......

لمار....?? ? & ? ??....مالك

سحبت سحاب بيجامتي وانا اناظر الباب .. شفيها تأخرت ... تعطرت من رويلتي اللي هجرته من هجرتني ... فتحت الباب... البيت هاادي .. امي وابوي ينامون بدري ...رحت غرفة حمود وفتحت الباب بشوييييييش... شفتها معطتني ظهرها ومتركيه ...

تهمس : بس ماما بسسس نام نام حبيبي نام ...

رجعت سكرت الباب بشويييييش ... ورحت الصاله الزجاجيه ...قعدت ومديت يدي ع الكنبه ووانا اسند راسي ع الكنبه ...ما هي الا ثواني وسمعت اصوات الابواب.. حستها واقفه قريب..بس ليش ما تحركت .. التفت لها .. كانت حاضنه وجهها بكفوفها .. وخدودها حمررر ...ابتسمت على شكلها ..

لمار ......... نام ولدي اخيراً .. بس والله اني مستحيه .. مادري شسوي ... ظليت متركيه واناظره .. سمعت صوت الباب ..سويت حالي انومه

: بس ماما بسسس نام نام حبيبي نام..

سمعت صوت الباب يتسكر بهدوء .. جلست بسرعه .. وي وي فشيله..يا ترى رح ترجع حياتي مثل

يتبع ,,,,

👇👇👇

تعديل المقال