رواية خلني داخل حدودك واجبر بخاطر زماني -18

رواية خلني داخل حدودك واجبر بخاطر زماني -18

حركت السياره .. وانا اسمع شهقاتها اللي تحاول تكتمهم بيدها من تحت الغطاااا...وقفت عند البيت .. نزلت قبلها وسمعتها تقفل الباب بقوة ...وقفتها بالحديقه وسحبت غطاها ..يا ويل قلبي وجهها احمر ومغسول بالدموع ... مسحت وجهها بايديها ..

قلت بجمود مصطنع : روحي فوق على طول انا اشوف حمود واجيبه لك ...

مشت عني وهي تلم عبايتها وغطاها وترميهم ...سمعت شهقاتها ما هانت علي ابد ...دخلت وراها .. ورحت المجلس شفت حمودي مغطى ونايم وامي متركيه عنده ونعساااانه بقوة ..

: يماا يماا روحي نامي خلاص اخذته ...

امي : تصبح على خير ..

: تلاقين خير ...

شلت حمودي بشويش .. وديته سريره حطيته وشلحته نعاله عزكم الله حطيتهم ع الكمودينا الصغيره عند راسه .. والتفت شفت ظلها ..اكيد جات تتأكد من وجود ولدها ..فتحت باب غرفة ساره بأدبها واعلمها درس ...التفت وهي تضم بيجامة حمودي لصدرها ...دخلت وسكرت الباب وراي اما هي تراجعت على ورى ...قربت منها من داخلي بس باخوفها واعلمها من انا .. وبينت لها اني ناوي اسوي بلاوي زرقاا .. فكيت حزام بنطلوني ..وقربت حييييييل منها وهي من كثر ما تتراجع لصقت بالجدار ...تكيت بيساري وراها و يميني على صدرها اثبت حركتها لانها حاولت تبعد وعيوني متعلقه بملامحها الخايفه .....

قالت بترجي وخوف : مالك لأ ...

غمرت خشمي بشعرها .. شـ كثر اشتقت لريحته ... حطت ايديها الناعمه على صدري وهي تحاول تدفني : مالك ابعـ ...

لصقت فيها..وقاطعتها..لازم اتمالك نفسي السالفه تخويف مستحيل اغصبها على نفسي .. هي يبيلها وقت بس وتعرف اني صدق احبها ...ابعدت عنها ومسحت شفايفها بنعومه ..

همست : هذي بس علامه عشااان تعرفين اني تاركك بمزاجي مووو ماقدر عليك فاهمه يا شاطره ...

ابعدت عنها ومشيت وانا اسحب حزامي ..لاني ببدل وانام ...التفت عليها لما فتحت الباب .. شفتها على وقفتها .. ماسكه بطنها ...طلعت عنها .. اخذت دش ..لبست بيجامتي وحطيت راسي ..تقلبت وتقلبت .. مو هاينه علي .. قمت باراضيها اذا قاعده ... رحت الجناح .. فتحت باب الغرفة بشويييييش ..ناظرتها وانا متندم الف مره .. بس عيونها كانت تحكي الخوف ..على الرغم من اني مشيت ووقفت قبالها ما تحركت .. ولا حتى رمشت ...

لمــــــــــار

مو مستوعبه..تركني..اه القولون رجع يشتغل ...وقفت قدام المغسله .. غسلت وجهي وفركت فمي بقوة .... اكرهك اكرهك ...اه حسيت اني جرحت حالي ...توضيت بمويا بارده..جلست ع السرير .. كنت اتنفس بسرعه من الخوف والحياا ...لميت شعري ونفضته بقوة .. لدرجة انه ضرب بعيني ... دمعت عيني من الوجع .. رميت بيجامة ولدي على طول يدي ..اكره نفسي مو بس اكرهه ...سمعت صوت باب الجناح...ووقفت بسرعه وانا ميييته خوووف..فتح باب الغرفة بشويش ... بلعت ريقي بخوف اكيد جاي يكمل علي ..شفت بعيونه الندم ..بس احس انو ارتبط بمخي مالك يعني غصب ...مشى لين وقف قبالي ما تحركت .. كنت اراقب حركات يده اليمين ..رفعها غمضت عيوني اكيد بيضربني او يغصبني ..رفعت يدي ومسكت يده ..

قلت له برجاا : مالك تكفى ...

همس لي وهو يحط يساره على ظهري ويبوس يدي اللي مسكت يده : على وش تكفى ..

قلت بخوف : لا تلمسني .. ما ابيك ...

قرب مني وصار يمسح على ظهري : هدي عمرك ليه خايفه انا مو بعبع .. انا احبك مستحيل أأذيك ...

دفيته بكل قوتي ..ابتعد بارادته واضح انو دفتي ما حركته ...

: بس انا ما احبك ولا ابيك .. اعتقني لوجه الله يا اخي ..

قال بتأكيد : انا زوجك مو اخوك ..

: خلاص بس كافي والله تعبتني والله ..كفاااااااايه يا مالك ارحمنييييييييي ارحمنيييييييييييي ااااااه ..

مسح دموعي وباس جبيني وطلع..رميت حالي ع السرير بعدما لبست بيجامتي ونمت بسرعه من البكي .....

|~|~|~|~|~|~بعد اسبوووووع~|~|~|~|~|~|

الجــــرح .. ماهو خاطر شوي و يروق %% الجــــــرح حتى لو تشافى يعللك

واذاك متحــــــمس متاهات وطــــروق %% انا تعبت اشد حيلي و احـــاولك

سماي ما شيّ شمـــس ورعــود وبــروق %% والريح ما هبت و لا يجــري الفلك

والقلب ناشف بحر وشقوقـــه شقـــــوق %% وشلون بيكــــــوّن سحاب ويبللك

يا ضـــــامي انا الضما ومتشبع حـــروق %% و اذاك ضامي للمواصل ..انا هلك

هلك ووقف في وجهي الاصــل والـــذوق %% و المجتمع و العرف والفقر واهلك

متعـــومس وحـــزن النـــــــبلاء مرموق %% يعني لواحتاج الك ماجيتك اسألك

اللي علي اشكي واعاتبك برفــــــــــوق %% واقــــــــولك ودي ماعاد اتـــأملك

من دورة الايام ياخوك مخنــــــــــــوق %% الوقــــــت مشاني من السلك لسلك

ازل خطوه .. بس ما ازل منطـــــــــوق %% ولو صارت ابحب خشمك واجاملك

يبقى البني ادم مجـــــــــــرد ومخلوق %% مــــلك ولكن في الحقيقه بلا مـــلك

كــــــذاب.. قايل كل مطرود ملحــوق %% سنين وانا اطردك وازريت لا اوصلك

كنـــك تطيش وكني ادور في طـــــــوق %% كل ما وصلت آخـــرك يطلعلي اولك

ليت مافي خاطري شـــــوق وحــــــروق %% ماكان حسيت ان انا بس منك والك

الشــــوق ماهو رعشه وقبضة عــــــروق %% وماهو اللي من شينك فعينك يجملك

وماهو شعور يخالج الـــــروح برفــــوق %% وماهو سحر ولا ادري والله شقول الك

كنه سحــــابة حلم وتطير بك فـــــوق %% وتطير ولا ودك انها تنــــــــــــزلك

الشـــــــوق هذا والا انا شوقي البـــوق %% ماقد حصل في شـــــوق هذي ولاتلك

تدري وش اسوي ليا اضناني الشـــــوق %% اسوي بعيوني كذاا (ـ ـ) و اتخيـلك

واقـــــربـــك واتــوق واتــوق واتــــوق %% واكثرك واحـــلف ماعـــاد اقـــللك

واصـــورك في الموق وتكبر على المـــوق %% وتطيح مع دمعي على يدي واقبــلك

هذا غــــــــــلاي اللي مع الدم مدقوق %% و لا عــاد تسأل عن شعوري ازعلك

محبــــــــــة ماهيب من طارف السوق %% لو انك تــــوكل..كــان والله لا اكلك

جيتك حقـــوق ورحت ماعندي حقوق %% وان قلت ما احبـــك ابجحد مواصلك

احبـــــــك .. الا يا بري حالي وعوق %% من كثر ما احبـــك اخاف اني اقتلك<< سعد علوش

قريت القصيده للمره الثالثه احسها مختلفه كليا ... هالمره قررت اكتب له رد مثل اول .. حتى انهم عطوني وسام كافضل قارئ سواءاً بالنسبه له او للروايات اللي بالمنتدى .. مو كفايه انه كافيني خيره شره من طلبت ..

{

الجرح ماهو خاطر شوي ويروق % الجرح حتى لو تشافى يعللك

***

سماي ما شيّ شمس ورعود وبروق % والريح ماهبت ولايجري الفلك

والقلب ناشف بحر وشقوقه شقوق % وشلون بيكوّن سحاب ويبللك

مالكـ الاحساسـ ..كما عودتنا رقي الكلمه والذائقه الرائعه ..

تعجز عند حروفك .. حروفي .. فلعل ابلغ الكلمات هي

لا حرمنا الله نزف قلمك دمت بوود ماء الذهب }

سجلت خروج وطلعت من الغرفه على تحت ... طفششش...شويات وسمعت اصوات خطوات على الرخام .. التفت على الدرج .. شفت مالك ...

قال لي : انتي هنا من متى ...

ابتسمت على جنب .. معقول شك انها انا ... رجع سأل وهو يناظرني بعجله : من متى؟

: ليه ؟ في شي ؟

مالك وهو يلتفت على الدرج ويطلع فوق : اففففففففف...

: مالك ..

التفت وهو عاقد حواجبه ..

: توي نزلت ..تامر على شي ..

ابتسم وقال : لا لا شكرا..

التفت ورجعت ناديته : ماااالك ...

لف وهو مبتسم : خير..

قربت وتكيت على درابزين الدرج : ما قلتي لي شـ حقه تسأل ...

مالك بابتسامه : سؤال حرام ...

: لاااا .. بسسسس ... اممممممم انت قبل شوي قاعد ع النت ...

بلع ريقه وقال : واذاااا ؟؟؟!!!!!

عضيت على شفتي وقلت باستعباط : عشان اعرف ..

رد : شـ تعرفين ...

غمزت بتلقائيه : على هامن يا فرعون ....... انت تدري .....

قال بضحكه : بنت عيب ...

:ههههههههه حلوه ذي بنت عيب انا لمار مو ساره ...

قرب مني وشد خشمي بخفه : ادري انك لمار يا قلبي ...

: يا الله قووول ..

قال بضحكه : وش اقووول ..

: مبين من التوقيع انك هو ...

لف عني ع اساس يرقى الدرج وهو يضحك : ضفي وجهك ...

:ههههههههههههههههههههه يا حليلك يعني كذا مستحي ...

نزل بسرعه وكتفني ..قال وانا مو قادره امسك نفسي ظليت مبتسمه وحنا بنص البيت يعني ما راح يسوي شي ..: واذا طلعت هو شـ يصير ...

قلت باستهبال : من هو؟؟؟ هو...

فتح عيونه للاخير : لماااااااااار ...

: مااااااااالك...

نفضني مثل حركته بحمودي وقال وهو يضحك : اخ منك ... الفاكهه المحرمه ...

انطفت ابتسامتي وانتبه على طول وقال : عورتك ..

همست له : لأ..

انشد : كن جميلاً وابتسم للكون تلقاه جميلا..كن سراجاً كن قمر ..كن كما الله امر ....

ابتسمت له ببرود ...وحاولت افك نفسي .. سمعنا صوت الاذان.. باسني جنب فمي بقوة .. قال : احبك ...

نزلت راسي ... رفع وجهي بحنان ..كسرت عيني ..حط جبينه على جبيني ..ومسك خصري بيد والثانيه على ظهري ...

همس : ازعجتك بكلامي اسف بس عندي قاعده انا وعمر .. اذا حبيتها علمها دااااااايم عشااان تحبك اكثر .. بس انتي غير دايما غير ...أأ..

رفعت عيني والا ابوي ماسك اذنه وقال : انت ما تستحي ما تنتخي .. ما تعرف حاجه اسمها غرفه ..

مالك مغمض عين وحده ويتوجع بجد : آآآآآي يبااااا .. فكني مو حلوه خربت برستيجي قدام المدام ...

ابوي : انت استح على دمك انت والمدام .. يا ابوك لا تعطينه وجه ..

: يبااااا انا ما اعطيته هو يتلصق ..

مالك يتعزوى : اخو ساره .. هين هين..يباا عاااد خلاص فكني .....

ابوي فك اذنه اللي صارت حمرااااااااا وضربه على كتفه : انقلع .. الله يهديك رح ألبس عدل ...

شدني مالك وانا اتشعبطت بابوي على نزلت حمود ....

مالك : تعالي معي ...

: نو واااي ..امبسبل...

مالك : مردك لي ...

حمودي : بابا انااا ..

شاله مالك .. طبع بوسه على خده : حتى وانت قاعد من النوم ...

نزله بسرعه ..وطلع فوق ...مسك ابوي يدي وهو يبتسم ويقول : الله يهدي سركم مادري ليش امك تقول انو مالك مو مرتاح ...

ما لقيت رد .. نزل مالك وهو يسكر ازرار ثوبه بيد ويمرر يده على شعره بالثانيه.. وقف عندنا .. مديت يدي على راسه وعدلت شعره ..

ابوي يضحك عليا : هذا اللي يتلصق هااا ..

: يباااااا ما تشووووف شعره منكوووش ...

مسك مالك يدي و باسها.. صرخ حمودي اللي ماسك رجلي .....كان يبي يشيله بس ..

قال ابوي وهو يضرب على يد مالك : ولد ....

مالك سحب يده بسرعه : يبااا خلااااص البرستيج راح فيها ...

ابوي وهو يشد يده ويناظر جهة امي اللي طلعت من جناحها تستغفر وابتسمت لنا : شوفي يا امه مو مرتاح بياكل البنت قدامي قليل الادب ...

اختفت اصواتهم وهم يطلعون ومع اصوات الاقامه بالمساجد القريبه ....

مـــــــــــــالك

اليوم مر شهر كاااامل على طلعتها من الغرفه ....تقهرني تصرفاتها لا صارت عند اهلي يا حلاتها تجنني بضحكها وسوالفها ولا صرنا لحالنا اف منها ما يطري عليها الا البلاوي .. فتحت المنتدى وتصفحته ... توقعت انها ماء الذهب من اسلوبها واسئلتها كذاا مره ...اقتبست ردها .. احترت شـ ارد عليها ....

{

الجرح ماهو خاطر شوي ويروق % الجرح حتى لو تشافى يعللك

***

سماي ما شيّ شمس ورعود وبروق % والريح ماهبت ولايجري الفلك

والقلب ناشف بحر وشقوقه شقوق % وشلون بيكوّن سحاب ويبللك

مالكـ الاحساسـ ..كما عودتنا رقي الكلمه والذائقه الرائعه ..

تعجز عند حروفك .. حروفي .. فلعل ابلغ الكلمات هي

لا حرمنا الله نزف قلمك دمت بوود ماء الذهب

.................................................. .......

اهلاً وسهلاً بعودتك ( ماء الذهب ) اشكر لك مرورك الكريم

لا تحرمينا ردودك المميزه .. لا اجد من حروفي ما يعبر عن فرحتي

بوجودك ثانيه فاهلاً وسهلاً بك مرةً اخرى ..مالكـ الاحساسـ }

رحت المتواجدون الآن .. هالمره مو اشراف هالمره ادورها ... شوي وسمعت صوت الباب ينفتح بقوة... قمت بسرعه ....شفت وجهها المخطوف ..

: شفيييييه ...

قالت لي وهو ترتجف : بالله ابي اروح للرياض الحينا ...

: الحينا !!!!!

قالت لي : بسرعه بسرعه الله يخليك ...

: يا الله لحظه ابدل بس ...

رحت بسرعه .. بدلت ولبست ثوب ابيض وخطفت شماغي المعفوس على الكنبه ... طلعت ....شلت حمودي منها .. ركبت السياره وانطلقت بسرعه .....لما تناصفنا الطريق ....

: خير ام احمد .. اهلك بهم شي ...

كانت ترتجف بس ما تبكي : جدتي ...

: لا اله الا الله .. طولي بالك ادعي لها دعااء المسافر مستجاب ...

همست وهي تهز رجلها وتناظر جوالها كل شوي .: يا رب ..

آآآآآآآآآخ يا راسي ...قلت لها بصبر : اشششش بطلي بطلي هز ....

نفخت بقوة وهي ترفع غطاها وتتركى بايديها على ركبها ...

: ام احمد يوجعك شي ... تعبانه من شي ...

وقفت على جنب .. رفعت راسها وقالت بانفعال : لا توقف بالله ...

حركت السياره : طيب طيب ..طولي بالك ...

ارخت غطاها .. وعدلت جلستها ... مسكت يديها الثنتين لانها قاعده تفرك فيهم بيد وحده ... التفت علي .. ابتسمت لها اشجعها ...شغلت المسجل على قران .. وانا اسمع همساتها المتكرره يا رب يارب..

دخلنا الرياض ... وانا عيوني حمررر مو قااادر افتح ... وصلنا بيت ابوها .. سمعتها تكلم

" هلا يباا ....................... يبااا ........ يبااا وينك ......... طيب افتح الباب "

نزلنا وانا شايل حمودي .... سلمت على عمي ... وعطيت حمودي امه ...

: يا عمي طمني ... ام احمد قعدتني على اعصابي ...

عمي يربت على كتفي ويمشي معي : اسفين يا ولدي مشيناك بنص هالليول ...بس امي .............. امي بغت تشوفها قبل لااااا...........

: عسى ما شر يا عم ...

عمي ودمعت عينه : امي ماتت ........

: لا حول ولا قوة الا بالله العلي العظيم ... انا لله وانا اليه لراجعون ..... شد حيلك يا عم ... احسن الله عزاكم وغفر لميتكم ...

عمي يمسح دموعه : امين يارب .. مشكور يا ولدي ارتح شوي ..

: متى بتصلون عليها وتغسلونها ...

عمي : بعد صلاة الظهر نم وارتاح ...

: اذكر الله يا عم .. محتاج شي تبي شي ...

عمي : سلامتك .. انا بروح اشوف بناتي الكبار واختي ...

: الله معاك ....

دخلت الملحق .. ارسلت لابوي رساله .. صليت الفجر بالبيت لانه الصلاه خلصت وحنا بالطريق ... نمت بسررررررررعه ...............

مديت يدي من تحت الغطا وسحبت الجوال .." الوووو

..: ووووووينك..

: يباااا انا بالرياض ...

ابوي : يعني صدق عمتي راحت ....

تركيت على يدي : اذكر الله هذاا يومها ... تبيني اجيك ...

ابوي : لالا ادور لي حجز .. لاحول ولا قوة الا بالله .... اففففففففففف

: يبااا قل لعمر يجيبك ....

ابوي : إي والله ... يللا سلام

: هلا بك "

فتحت عيوني على اصوات وصراخ ...

: بسم الله شـ صاير ...

شفت الساعه كانت ع ال10 وربع .... طلعت بسرعه ... سمعت صوتها قدرت اميزه كانت تقول ....)) بندر بسرعه وينه هات هات ..هددددددى ...هددددددى ردي عليا..

ناديتها بخوف : لماااااااااار ...

شوي ودخل مساعد .. سلمت عليه وانا قلبي بركبي ... دخلنا الديوانيه .... وانا بالي مشغول .. دقيت على لمااار ..ما ردت بعدين قفلته ..

مساعد : وين عمي ...

: والله مادري توي سمعت اصوات قعدت من النوم .. شف حالي شلون ...

مساعد : ما جبت ثياب ..

: زين جيت انااا ...

مساعد :هههه مو مشكله اجيب لك ثوب من عندي ...

: لالا يا شيخ مو مشكله الثوب عادي ..الحين اقول لابوي يجيب لي وهو جاااي ..

مساعد : ليه يجي ابوك ..!!

: افااااااا ليه مهي عمته اخت ابوه ...

مساعد : اوووووو والله نسيت .. الله يرحمها برحمته ...

دقيت على ابوي وقال لي انهم مشو خلاص ...دقيت على لمار .. مقفل .. هين يصير خير...شفت مساعد يدق وشكله ما احد رد .. شوي ودخلت ديم ...

مساعد : ميمي حبيبي روحي قولي لماما تجيب فطور هنااا..

قربت منها وشلتها وبستها : شـ اسمك يا حلوه ...

ديم بحياا : ديم مساعد ...

: يا دلبي انتي .. هذا باباتك ..

قبل لا ترد .. سمعنا صراخ حمود : بااااااااااااااباااااااااااا اناااااااااااااا

نزلتها بسرعه .. ورحت له ... شلته..حوط رقبتي وقال بغيره : بابتي...

: ههههه ياروحي انت ...

مساعد : ما شاااء الله متعلق فيك ...

: مو ابوووه ...صح حبيبي ..

حمودي : بيبي بابا ..

: عمري انت ...

مساعد وهو يوقف : ما في شي بالطريق ...

: لا والله ...

مساعد : الله كريم ...

تنهدت : وين رايح ...

رد وهو يبوس بنته ويمسك يدها : ابروح اجيب فطور مادري وينهم ...

: إي والله تسوي خير فيني..

طلع ... جلست حمودي بحضني وصار يخربط علي ..كنت معه ومو معه .... حسيت باصوات وخطوات ... قمت بسرعه .. والا ابوي وعمر ... جلسنا مع بعض ... شويااات ودخل عمي ..سلمو على بعض وعزو بعض ......

عمي : هاا يباا افطرت ..

: لا والله راح مساعد يجيب فطور ... (كلمت حمود اللي واقف بحجري ويشد شعري يلعب فيه) .. بس بابا عورتني ...

حمودي يتمصلح جلس علي وقال وهو يحضن وجهي بكفوفه الصغيره : بابا بيبي ...

: انت بيبي بس اقعد عني ...

حمودي مصر : باااابااا بيبي ...

: حمووووووود بسسسس ...

صار يبوسني وانا تكيت على ورى ..اسمع سواليف عمي وابوي ... ناظرت عمر بصعوبه بسبب حمود ... شفته عاض اصبعه يعني سرحان واضح لي انه متضايق...

: بس بابا حمود خلاص ....

حمود مصر يا قلبي لا تتعب ...مسكت يديه ... وصار يصارخ بدلع ...

: اششششششششش بس حمود ... يا الله ...

نزلته بالارض : يللا روح ماما ...

تعلق برجلي وزااد صراخه .. الكل يناظرني ... انحرجت ... دنقت عليه ..

: حمودي حبيبي بابا شااااطر يللا روح ماما ...

ما زال متنح ....

: عمي وين بندر ...

قام عمي وحاول يشيله وهو يرافس عوره ... شلته وصرخت عليه

: حمووووووود بس ...

قوس شفايفه الصغيره بزعل ... فجأه صرخ : وااااااااااء بابا

: اف منك .... خلاص وربي صدعت بي ...

طلعت عنهم ولحقني عمي ... حاول ياخذه ماقدر ..قال لي : اصبر اخلي لمار تجيكم ...

ما رديت حاولت اسكت حمود .. شوي وجاا عمي اشر لي اجي ....مشيت وراه لاننا لفينا من ورى فتوقعت انه باب خلفي للمطبخ ....شفتها لامه شعرها كله على فوق .. بشرتها باهته وعيونها ذبلانه .. اكيد ما نامت وباكيه..

انتبهت على صوت عمي :شف مرتك هناا خذ راحتك يا وليدي البيت بيتك ..

راح عمي وهي اتجهت لي وخذت حمودي نزلته ع الارض وراح داخل ركض ولا كنه صارله ساعه يبكي..التفت..مسكت يدها وسحبتها..بست راسها..نزلو دموعها مسحتهم ..ظليت حاضن وجهها بايدي..

: عظم الله اجرك ...

ردت بهمس ..: اجرنا واجرك ...

: تعبانه ...؟

تقوست شفايفها اكثر وقالت : كانت تبي تشوفني ما لحقت عليها ...

: اذكري الله .. انا شفتها كانت تعبانه حيل يمكن الموت اريح لها من المرمطه بالمستشفيات ...

ردت وهي تبكي نفس الاطفال : ابي امي ...

: امي ما جااات ...

ردت وهي تغطي عيونها : امي بدريه .....

مسكت ايديها : يا بعد عمري ... اذكري ربك والا ناويه تعذبين الموتى ...

ما ردت ..صارت تشاهق اكثر ... سحبتها لصدري وضميتها ...نزلت ايديها من على وجهها وحضنتني ..

همست لي او اني توهمت : لا تتركني ...

رصت نفسها علي وانا وقفت على جنب .. بحيث اني اشوف وجهها وهي مسندته لصدري وتشاهق ..مسحت على شعرها بحنان .. حسيت بيد على كتفي...لفيت بوجهي شفت ساره تنهدت بارتياح ...حركت شفايفها ..ما سكتت ..

: شوفت عينك ...

من دخلت ساره وحست لمار بوجودها دفنت وجهها بصدري وما قدرت اشوف وجهها ...

صــــــــــمــــــــــت

صمت قاااااتل اخترقته بشهقاتها المكتومه ووووووو

.......: اآآآآآآآآآآآآه ..

فزت لمار وانا التفت على ساره اللي متركيه بايديها على الطاوله وباين انها مو متزنه بوقفتها ...رحت لها بسرعه واسنتدتها لنفسي وجلستها ع الكراسي اللي بالمطبخ ...

: سوسو قلبي دااايخه ...

ساره تضغط على راسها بقوة ...: آآآآآآه ...

لمار بصوت باكي : ساره اش يوجعك ...

ساره : جوعانه ...

مسحت لمار دموعها بظهر كفها وقالت لي : تقدر توصلها داخل ..

: شلون و اهلك ..

لمار : غرفة الضيوف قريبه ...

: يللا بس انتبهي لاحد يطلع علينا ...

لمار : لحظه بس ..

اختفت عن انظارنا بدقايق وردت بسرعه : تعاااال ...

: يللا يا قلبي يللا عفيه دلوعتي ...

ساره شبه فاقده الوعي ... فدنقت عليها وشلتها ... طاحت عيني بعين لمار اللي ارتفع صدرها وهبط لمره وحده وقالت : تعال من هناا ..

مشيت وراها وحطيتها على السرير .. بست راسها وقلت لها

: شدي حيلك حبيبتي طيب..

ساره هزت راسها : ان شاء الله ..

: سلامتك ...

طلعت وراها مثل دخلتي ... البيت هااااااادي .... لما صرنا بالمطبخ .. قلت لها ..

: توصين على شي ..

همست لي وهي تصب عصير بالكوب وعينها له : سلامتك ..

قربت منها وحطيت يدي على كتفها : ديري بالك على حالك .. خليك عون لاهلك .. انتي ما ظليتي معها مثل عمتك .. فهمتي علي صح ..

هزت راسها بايه وهي تقاوم دموعها وارتجاف شفايفها ...

: يللا لمووو خليك القويه العاقله..ابيك تشدين من ازرهم مو تزودينها عليهم..واذا بغيتي اي شي انا هناا طول ايام العزاا ..وتذكري وراك ولد وزوج يموتون فيك ومحتاجينك بعد ..

ناظرتني وانا ابتسمت لها .. قربت منها .. بست راسها وخدها وقبل لابعد عن خدها همست لها

: احبك ..

طلعت وانا قلبي وعقلي وفكري معها .... جلست جنب عمر ودقيته بكوعي ع الخفيف .. انتبه لي وهمست له

: خير شـ بك..

عمر رد بنفس النبره : ااااااااه تذكرت ابوي الله يرحمه..

: لا اله الا الله ... اذكر الله يا اخوي قم قم صل الضحى واستغفر ربك وادعي له......

عمر : إي والله ودي اصلي بس وين ...

: شف الباب الثاني الملحق كنت نايم فيه ..

عمر: متى جيت ..

: امس بالليل ع الساعه 12 ونص مشيت ووصلت بعد الفجر ...

عمر وهو يقوم : زين يالله ..

مرت ايام العزاا بسررعه ... واليوم برجع الدمام .......

قلت لابوي : يباا ظل عند عمي كم يوم وهات معك ام احمد ..

ابوي : لا تنسى الاوراق .. وانتبه على الشركه وووو الشغاله عند جيراننا ودها لساره ووو ..

: ان شاااء الله ما يصير خاطرك الا طيب ..تامر على شي بعد...

ابوي : هالله هالله بالشغل ولا توقع شي قبل تقول لي ... وخل عمر يساعدك تراه اقدم منك ...ولا تهمل البيت اقفله قبل لا تنام ...

: ابشر ابشر ...

وصيت على حتى ع الشغاله وانا نسيتني يبااا .... دقيت على جوالها كـ محاوله يائسه مني .. مغلق ... تنهدت وناديت بندر ..

: بندر .. امممممم رح لام احمد قلها ابي اشوفها ابمشي ...

بندر : حاضر ...

راح بسرعه ... ورجع لي بعد خمس دقايق ...

بندر : تقولك دق على جوالها ما تقدر تطلع ....

: زين خلها تفتحه ..و جيب لي حمودي الله لا يهينك ...

بندر : حاااااضر .........

جاني حمودي ركض .. حضنته وبوسته ... الين جاا بندر وقال لي : تقول خلاص شغلته ...

: زين هاك حمود ودير بالك عليه هااا ..وعلى نفسك بعد ...

ابتسم : حاضر ...

: يا الله مع السلامه ...

بندر : مع السلامه ...

ركبت سيارتي وانطلقت ... دقيت على لمار وردت بعد وقت

"قلت بعتب : سلاااااام ...

لمار : احم احم هلاااا وعليكم السلام ...

: ليش ما جيتي ؟ ما تبين تشوفيني ...

لمار : والله هدى تعبانه وعمتي بعد ما قدرت اخليهم مو ذي وصيتك ...

: الله يعطيك العافيه ويرضى عليك .. امممممم انا ماشي الدمام تبين شي ..

لمار : سلامتك ..

: لمااار ..

لمار : هلاا ..

: لا تقاطعيني ردي عليا ...

لمار : ما اضمن حالي ع الجوال دااايم مهملته ...

هه بالذوق لا تدق خلص اقول وش ببالي الحين : ااااااااااا لمار ..

ردت وحسيتها ملانه ..: سم ..

: سم الله عدوينك ....................

سكت وهي ظلت ساكته .........

لمار : انت معاي ......

قلت بوله وشوق : انا احبك ........

طولت ما ردت فـ قلت : ما اوصيك هالله هالله بنفسك وبحمودي ولا تطولين الغيبه ...

لمار : ان شاء الله ....

: يالله ودعتك الباري ...

لمار : بـ امان الله .."

ليه سكرتي ودي اسمع صوتك بعد ......... اااااااااه الظاهر هالادميه ما منها رجاااااا ..........

...................

صدق من قال ..الجنه بدون ناااس ما تنداس .. لبست وطلعت دوامي .. دقيت عليها .. ما ردت .. يمكن نايمه .. ارسلت رساله لعل وعسى تحس على دمها ...

" آمانه

يا طيور الصبح .. زوريـ صاحبيـ النايمـ

و غنيـ لهـ .. آغانيـ الحبـ لينـ تفتحـ عيونهـ

و قولي لهـ

ترى عقلي متيمـ و الفكر هآيمـ

وقلبيـ .. آآهـ .. ياقلبيـ عسى الله يكونـ فيـ عونهـ

آمانه

يا طيور الحب .. قوليـ لهـ وهو قآيمـ

ترى في شخصـ يدعيـ لهـ بكلـ الخير ومايخونهـ

آمانه

يا طيور الخير طيريـ بعآلمهـ دايمـ

و بوسيـ موضعـ آقداآمهـ و خدهـ و غمضة جفونهـ "

..................

مضى اليوم الثالث وانا لحالي بالبيت .. وهي ما ارسلت ولا اتصلت ..........

مريت على ساره .. اخذت الشغاله ووديتها البيت ترتبه .. بطلب من امي ........

دقيت على لمار وانا ماشي لعمر ... برضو ما ردت .....اففففففففففففففف .. دخلت عند عمور وقعدت ........ ماني رايق له ابدددددددد...

عمـــــــــــــــــر

كنت قاعد مع مالك ندرس شروط كم صفقه .. حسيته مو معاي .. كل شوي يلبس النظاره ويرميها .. ويمسك ورقه من ملف ويرجعها .... قلت له

: شـ رايك ...

رد وهو يمسك ورقه ويتأملها : حلو حلو ...

: مالك وش اللي حلووو ...

رفع راسه : وشو اللي حلووو ....

: شفيك متأزم ....

نسف شماغه وهو يقول : من هوو ...

: يا ويل قلبي عليك من هو اللي من هو ...مالك ابعد حياتك عن شغلك هذا رزقك ورزق عيالك ...

الرجال مو معاي ابد : هلاااا شلون يعني ...

: ملوووك روح روح البوفيه اشرب كوفي وصحصح وتعال ...

........: السلام يا عيال ...

وقفنا وشفت الفرحه بعيون مالك .. سبقني وسلم عليه ... سلمت عليه ...وبعد السؤال عن الحال والاحوال ...مالك ميل على ابوه وتهامسوو وانا اشغلت نفسي بالملف اللي قدامي..

شوي وقال مالك : ليه يبااا ..

عمي بحزم : وش اسوي بك هذاا حظك اصبر الصبر يمدحونه......

مالك وقف : لمتى باظل اصبر ..افففففففف......

: احم احم مالك تراه ابوك ...

دنق مالك على راس عمي وباسه بسرعه وقال : عن اذنكم شوي وراد ...

قعدت مع عمي والشغل اللي مع مالك بيوم مع عمي بساعه ... جاا مالك بنص المناقشه وجوده مثل عدمه ... متكتف وسرحان ... كنت احاول ألهي عمي عنه لانه كل شوي يخزه..بعدما طلع عمي قعدت جنبه ...

: مالك شـ فيك ..

رد وهو سرحان يعني بدون وعي : ما جاات مع ابوي .. ما عاد لها حاجه فينا ....

: يمكن اهلها يبونها .. ألتمس لاخيك ولو سبعين عذراً ....

عض على شفته بقوة .. ونزل راسه وهو يتكي باكواعه على ركبه ويغطي عيونه ببطن كفه ..

يتبع ,,,,

👇👇👇

تعديل المقال