رواية اختلفنا من يحب الثاني أكثر-1 

رواية اختلفنا من يحب الثاني أكثر 

الكاتبة : أميرة زماني 

منتديات غرام | أقلام لا تتوقف عن الإبداع 

أقدم لكم روايتي الأولى وأرجو ان تنال أعجابكم... 

تأليف: أميرة زماني

أشراف: فحوطه

(اختلفنا من يحب الثاني أكثر)

صحى خالد من النوم على صوت ازعاج الجوال شاف المتصل لقاها(نوره) تافف بينه وبين نفسه رد عليها واهو مو طايق روحه..

خالد واهو ابد ماله خلقها:هلا نوره

نوره:هلا حبيبي خالد شخبارك ليه ماترد علي خوفتني عليك؟؟؟

ياذا النشبه..خالد:انااا تمام..سوري كنت نايم

نوره:خالد وش فيك ليه تعاملني كذا ليه مو حاس اني احبك؟؟

خالد:الى حاس بس أنا ماأحبك..

نوره واهي بتبكي:طيب ليه؟؟

خالد:سمعي أولا لأنك قاطه نفسك علي وأنا ماأحب هالنوع من البنات ثانيا انتي أكبر مني ثالثا انتي مافيك مواصفات البنت اللي ابيها خلاص وقفي اتصالاتك هذي رابع شريحه اغيرها بسببك..

نوره واهي تبكي من كلامه الجارح:خالد خلاص أنا بتركك براحتك بس قبل لازم اشوفك آخر مره تعال لي الشقه..

خالد:أنتي عارفه اني ماأطلع مع بنات في شقق

نوره وهي تترجى:خالد بليزأول وأخر مره..

خالد وهو يقاطعها لانه طفش منها: خلاص خلاص أشوفك ساعه 8 ومارح أطول هاذا انا اقولك

نوره فرحت:طيب طيب باي

خالد: باي(سكر خالد واهو ابد موعارف هالبنت وش تبي ووش وراها كان متردد هل يروح لها والا.. بس قال بينه وبين نفسه يارجال رووح وبعدها بتفتك منها ومن اذيتها)..

نتعرف على جزء من أبطال روايتنااا شوي

خالد: شاب وسيم عمره 22سنه طالب جامعي آخر سنه ومقرر يكمل دراسته بره مثقف طيوووب كثير عاشق رومانسي بس مو لاقي البنت اللي تستحق قلبه اهو نص سوري ونص سعودي أمه سوريه وأبوه سعودي أبوه لما سافر سفرة شغل لسوريا شاف أم خالد وحبها وتزوجها ولساتهم يموتون في بعض على الرغم من السنين اللي مرت خالد عنده اخو واحد بس عمره 30 سنه ويشتغل دكتور جراح في مستشفى (..........) أسمه فهد خاطب بنت سوريه من معارف أمه اسمها شجون صيدليه عمرها 22سنه كبر خالد

نوره:بنت قرويه عمرها 24 سنه شافت خالد مره في السوق مع ولد عمها(مشعل) وسألته عنه وعطاها كل المعلومات عنه مشعل يموت فيها بس اهي مو معبرته يشتغل في الاتصالات عشان كذا كل مره يجيب لها رقم خالد ..بتموت في خالد بس اهو مايحبها حقوده أنانيه جمالها متوسط وحالتهم الماديه على قدهم بس اهي مبينه العكس..

<<< الله يعيين خالد عليهاا

..........................................

أريج وأهي تصارخ: حمووووووود حميد قووووووم

محمود واهو ماله خلقها يعرفها لزقه لو تمووت ماتهده نايم: قلت لك ماني رايح لاتحنين

أريج:حمودي حبيبي قوووم بليززز

في نفس الوقت دخل فيصل

فيصل: وش فيك وانتي كل يوم صراخ أريج تراني جاي مصدع لاتصارخين بليز

أريج: فصولي شوف محيميد مو راضي يقوم يشتري لي بيبسي

فيصل: الحمدلله والشكر كل هالازعااج على بيبسي يالله لك الحمد بس وبعدين انتي فيك الكلى والبيبسي مو زين لك..

طول ماهو يتكلم واهي تهز راسها ..اريج:لاحووول ياذا الاسطواانه اللي تنعااد يومياا.. ترا صار لي اسبووع ماشربت. واحد مارح يضر..

فيصل عرف ان مافي فايده عنييده واللي براسها تسوويه رحم اخووه وقال اجلسه لاتتوطا ببطنه:محيميد قوم أشتر لها

محمود يخاف فيصل ويحترمه كثير عشان كذا مايرد له طلب

محمود:أن شاء الله ..يكلم أريج واهو حاقد عليها..قومي جيبي فلوسك

فيصل طلع من جيبه عشره ريال وعاطها محمود

وأريج قامت تتطلب ماخلت شي زين منها خلت ثلاثه ريال اكراميه لمحموود

أريج وهي تبوس فيصل:مشكور حبيبي يابعد هالدنياا والله انا قايله مافي احسن منك ..

فيصل ابتسم على خبال اخته:ولو انتي اريجوو مايهون علي اترك شي بنفسك .. بس عااد لاتطمعيين ترا الميزاانيه محدوده ,,لاصار صاحبك عسل لاتلحسه كله..

نتعرف على الشخصيات الجديده

أريج:عمرها 17 سنه في ثاني ثانوي/علمي مرجوجه موهامها بالدنيا شي ورااح تعرفوونها في التكمله تمووت على فصووول واهو مدلعها عالاخر ..

وفيها خبال حلو بس قلبها كبير ولا يمكن تشيل بقلبها على احد جماااالهاااا خيااال اهي واخوانها الشباب..

عيال خالتها بيموتون عليها بس اهي تتبع مقولة(لا للحب)

فيصل: عمره 22 سنه يحب بنت خالته بس دايم بينهم مشاكل حنون ودمه خفيف ويموت في اريج اخته اهي اقرب وحده له من اهل بيتهم

محمود: آخر العنقود عمره 13 سنه وكلا خناق اهو وأريج من كثر ماهي ناشبه له يتمنى لها المووت<< لا لا امزح

وعندهم اخويين زياده محمد وراشد ..محمد يدرس في امريكا وعمره 25 حنون ومن راح امريكا على قولة اريج تغير شوياات.. وراشد يشتغل في الخبر وعمره 32سنه ولساته عزابي وشعاره (اترك الزواج وخلك عزوبي) طبعا اريج البنت الوحيده بينهم ومدلعه آخر دلع ماتطلب شي الى تلقاه تحت رجولها

........................................

نرجع لخالد..

من بعد اتصال نوره ماعرف يناام من أزعاجهاوحنتها اللي خربت مزاجه شاف الساعه لقاها الساعه 4العصر قام وتروش ونزل تحت لقا امه وابوه يشربون قهوه مع الحلى ..

أم خالد:هلا خلود حبيبي صحيت؟؟

خالدواهو مبتسم لامه: هلا يمه أي توني صاحي

وراح حب راس امه وابوه وجلس

أم خالد بحنيه: حبيبي جوعان تبي اخلى ريناد*اسم الشغاله* تحط لك غدى؟؟

خالد: ياليت لاني ميت جووووع

أم خالد: يخسى الجوع حبيبي... ريناااااد تعااالي

جات ريناد: نعم مدام

أم خالد: حطي غدى لخالد

ريناد: حاضر مدام...

جابت ريناد الغداا<<<والله ماهيب هينه خووش اسم

وبعد ماتغدى وروق طلع غرفته غير ملابسه وتعطر وكشخ وطلع..

_________________

نوره كانت توها واصله شقتها اللي مخليتها لصياعتها مع الشباب وكانت لابسه فستان أحمر كات وقصير لنص فخذها يعني يطلع اكثر مما يستر وزينة الشقه بالشموووع والورد المجفف وصار شكل الشقه خياااااااااال.. واهي متونسه عاللي بتسوبه ومفكره فيه.. شوي الا سمعت صوت الباب يندق راحت شافت واحد من الشباب اللي يجونها حست انها تورطت بس قالت تطنش ليما يمل ويروح بس يقولون من حفر حفرة لأخيه وقع فيها في نفس الوقت جى خالد وراح لناحيه شقتها وشاف اللي عند الشقه وقف منصدم وعرف ماوراا هالبنت الا البلاوي ..ووحده صااايعه ..سلم عالرجاال وخططو خطه يأدبوون فيها هالبنت.. في البدايه خالد مارضى طبعا.. بس بعدين وافق عشان يعلمها ان موخالد اللي ينلعب عليه وبيعلمها شلوون الاصووول

راح الشاب بعد مأتفقوو ..

وبعد ماطلع الرجال من عندها ارتاحت لانها خايفه لايجي خالد ويشووفه عندها .. دقايق سمعت نوره الباب يندق مره ثانيه وراحت وشافت خالد وفررررحت كثيرررر وطالعت روحها بالمرايه وتعدلت واهي راضيه على نفسها وعلى شكلها بللت شفايفها اللي بارزتها باللون الاحمر الصارخ...

وفتحت البااااب واهي مبتسمه ..

نوره:خلووووووودي حبيبي انت جيت وحضنته بقوه<< كأن الدنيا عيد

وخالد كان مثل الجمااااد مو عارف وش يسوي اهو اصلا ماخلت له مجال بتكلم يعني أي رجال مكاانه تجيه بنت كذا وتحضنه مايدري وين علوومه فيه..

نوره خذت خالد اللي من فتحت الباب واهو مافتح فمه ولا بكلمه وجلسو بالصاله

ونوره كانت طول الوقت تتميع وتدلع وكل ماقربت منه خالد يبعد واهي ابد وتحضن فيه وخالد قرفااان منها ماكان متخيل انها بهالحقاره عمره ماشاف بنت كذا سمع بس ماكان يصدق والحين شاف بعينه وياليته ماشاف..

بس ماكانو لحالهم في عيون تراقبهم وعيونه مانزلت ولا ثانيه ولا رمشت وتحترق من داااخل ونار الغيره مو مخليته يصيطر على روحه اكثر وده يدخل ويشيلها من جنب خالد ويادبها .. أكيد عرفتو مين؟؟

بعد مانوره صارت شبه عاريه لعل وعسى خالد يلين ويقرب منها او حتى يعطيها النظره اللي تستاناها من زمان بس خالد ماكان حاس فيها ابد وطول ماهو جالس واهو يتعوذ من ابليس ومرتبك وده هالمهمه تخلص بسرعه ويحس الوقت مافي ابطأ منه وبعد نص ساعه من محاولات نوره الفاشله خالد ماقدر يكمل عطاها وجه بما فيه الكفايه قام واهو قرفان حاله من نوره طلع بدون ولا كلمه وخلى وراه نوره تحترق مكانها..

نوره قامت وغيرت ملابسها ..واهي متحطمه على الاخر ومنقهره ولو الود ودها تقتل هالانساان الجامد اللي ماحركت فيه ولا شعره واهي عارفه نفسها مافي احد قدر يقاومها قبله (اعظم جرح ممكن ان تتلقاه الانثى هو ان ترفض انوثتها من قبل شاب) بعد نص ساعه دخل شاب واهو معصب عالاّخر تفاجئت نوره منه واستغربت وجوده هالوقت

نوره وعلاماات التعجب تكسوها.: مشعل ..!

مشعل وعيونه حمرا من العصبيه:أي مشعل يانوره مشعل اللي مايرفض لك ولا كلمه مشعل اللي يمووت عاللحظه اللي يقعد ويتكلم معاك فيها مشعل اللي منا عينه يكوون معااك طوول العمر مشعل الللي يحبك ويمووت في التراب اللي تمشين عليها .. واستغليتي حبه وطيبة قلبه وحنانه عليك عشان تاخذي حاجتك واذا خلصتي من حاجتك ناويه ترمينه حاله حال عشر غيره.. بس الحين انتي اللي بتجين وتترجيني عشان ارجعلك وارجع مشعل اللي عارف اني لو طلعت من حياتك بتصيرين ولا شي وبتتمنين يرجع مشعل اللي يحبك ويمووت فييكومايرفض لك ولا شي لو انه على حساب سعادته ..

نوره وهي تضحك وباستهزااء:ههههههههه انااا اترجاك (واهي تأشر عليه بصبعها باحتقاار)انت ههههههه احلامك عاليه كثيرررر يامشعل .

مشعل وهو مبتسم بسخريه وبخبث: رمى عليها شريط فيديو وعطاها نظره وبعدها مشىوهو يضحك بصوت عااالي وضحكته ترن بالشقه..

نوره وعلى وجهها اكبر علامه استفهام وبدت تتوتر ودقات قلبها تتسارع خايفه من محتوى هالشريط ومن نظره مشعل الواثقه وكأنه واثق انها بتترجااه ظلت فتره تطالع بالشريط ومو عارفه اش ورااه..

توضيح(الشاب اللي شافه خالد اهو مشعل واتفق مشعل مع خالد ان يصورون نوره واهي تتدلع عليه وبعدها خالد يترك نوره ومشعل بياخذ الشريط)

.................................................. .....

بعد ماطلع خالد والدنيا ضايقه فيه ويلووم نفسه اش اللي خلاه يروح للشقه اتصل على صديق عمره علي وتواعدو يلتقون في مقهى..

في المقهى كانت اصوات الشباب عاليه مابين ضحك وسوالف واللي يستهبل واللي بس يستمع ..

خالد كان جالس ينتظر ..بعد دقايق دخل علي واهو يدور عن خالد بين الطاولاات لين اشر له خالد وقرب منه..

علي: هلااااا خلوود..

خالد ونفسه في خشمه: أهلين..

علي واهو رافع حاجبه.: اف اف اف شفيك بيعناااا بالسوق وانااا اخوك ترا الدنيا ماتسواا ..

خالد ابتسم لرفييقه اللي فاهمه : لاشدعوه نشتريك بالغالي..

علي: طيب وش فيك شايل الدنيا فوق راسك..؟

خالد ماصدقعلى الله يفتح قلبه ويشكي: (حكى له سالفة نوره)

علي: خالد بقولك شي بس لاتزعل..

خالد عاقد حواجبه: قول انت عارف اني مازعل منك

علي ابتسم: تسلم وفجاءه اختفت ابتسامته وقال..

شرايكم نروح لاريج وبعدين نرجع

..............................................

أريج كانت نازله عليها حالة دفاره صار لهااا ثلاث ساااعات واهي تذاكر.. رن الجوال وقطع دفااارتهااا

أريج بصرااخ: ووووووووحــــــــــشتيني يالدبه

بنان:وانتي ا كثررررررررر ياروحي وربي اشتقت لك مووووت

أريج: شخبااااااااااارك وشخبار فرررروحه

بنان : نسأل عنك وعن اخبااارك

أريج: تسأل عنك العاااافيه ..

فــــــــــــــــــجاااااااااااءه ينفتح البااااب

أريج واهي ترمي الجوااال وتصرخ:قلبوووووووووووووووو وقااامت تركض وحضنتهم

:هههههه حبيبتي انتي

أريج :أشتقت لك اشتقت لك اشتقت لك يالدوووبه

: وانااا اكثر بكثيررررررر

: واناااا بعد ولا نسيتوني

اريج واهي تحضنها: افاا عاد كول شي ولا فروووح عوومري انتي..

وجلسووو يسولفون

اللي دخلووو بنااان واختهاا فرح نتعرف عليهم بعد شوي

أريج: بنات بنات شرايكم نتصل على باقي الشله لايذبحوناااا والله وش يفكنا من لساانهم لين عرفووو..

فررررح: أي والله وخاصة جوري بتقول

بنان+أريج: أي رحت الجامعه ونسيتوني أي ماتقولون لي شي اخر من يعلم ....

البنااات:ههههههههههههه

أريج : فديتهاا هالبنت والله اشتقت لها التبنه من زماان عنها من يوم الاربعااء يوم جمعتناا..

الحين ادق عليها..

فرح: وانااا بدق ع حنان

بنان: واناا ع رنااا

فرح : وقولي لها تجيب معهااا ندوووش ..

أريج : أكيد مايبيلها كلام

نخليهم يتصلووون ونتعرف عليهم شوي

(بنان وفرح خوات بنان 18 سنه ثالث ثانوي/علمي؛ فرح 17 سنه ثاني ثانوي/علمي_جوري وندى خوات جوري 19 سنه اول جامعه؛ندى 16 سنه اول ثانوي_

حنان 16 سنه اول ثانوي_رنا 16 سنه اول ثانوي) وطبعااا كلهم بناااات عم ومسمين شلتهم (بنات شبيشل) وشعارهم ( ارمي كل شي وراك واضحك للدنيا)

نروح لخااالد...

علي ابتسم: تسلم وفجاءه اختفت ابتسامته وقال.. أناا كنت ادري ان شقتهااا لصياعه

خالد انصدم: شنووووو تدري وانااا مافكرت فيني ليه ماقلت لي؟؟؟؟

علي: ماكنت ابي اضااايقك

خالد واهو مو عاجبه تبرير علي: تضايقني؟؟ انت عارف اني ماأطيقهاا على الاقل كان ممكن اخذه سبب عشان اتركها

علي: خلاص خاااالد انااا اسف من جد ماكنت اقصد

خالد أبتسم: لا ولا يهمك وحده حقيره ماتستاهل نتهاوش عشانها..

علي براحه: صدقت

............................

عند البناات

بعد ربع ساعه تجمعوووو وسوااالف وضحك

الى وحده ساكته وسرحااانه في عالم ثاني والحزن مبين بعيونهااا

بعد ثواني قامت حنان

أريج : وين حنووون

حنان ابتسمت ابتسامه باهته وتحاول تبين على طبيعتها بس على مين ياحنون: شنو تحقيق اهو بروح الحمام( اكرمكم الله)

بعد ماراحت حنان

أريج: بنااات ماتلاحظون ان حنان فيها شي

فرح +جوري+بنان: أي والله موعلى بعضها

ندى: انااا اعرف شفيهااا

رناااا: وانااا بعد

باقي البنات:تعررررفووووون

ندى تطالع في رنااا

رنااا: أي نعرف

أريج : طيب وش تنتظرون قووولووو

ندى :متهاااوشه مع عبد الرحمن وبيتركون بعض

أريج: كنت عارفه ان اهو السبب الحقير الواطي

بناان: يامااا حذرناها وقلنااا لها تتركه

جوري :اهو من دخل حياتها واهي ماضاقت يوم حلووو

أريج تسأل ندى: وش سوى لهااا اللي مايتسمى

: طلب يطلع معي

أريج وهي تشوف الدموع في عيون بنت عمها: واهو مايمل أنااا اوريك فيه النذل..

بنااان: وبعدين ليه تصيحين لاتصيحين ولا تنزلين ولا دمعه عليه

الكلام اللي قالته بنان كان الشراره اللي ولهت البانزين

حنااان انفجر بالبكى

أريج راحت وحضنتهااا: خلاص حبيبتي خلاص مايسوى ومايستاااهل

حنان واهي حاضنه اريج ومتمسكه فيها بقوه: حبيته مشكلتي حبيته

راحت فرح وخذت حنان من حضن أريج وحضنتها: خلاص حبيبتي تنسينه الايام تنسيك

بعد لحظات هدت الاوضاع وحاولت حنان تندمج معهم بالسوالف والضحك الى الساعه 11 وبعدها كلن راح لبيتهم عشان الدوامات بكره

توضيح( بنات العم كلهم في نفس المدرسه و رنا وحنان وندى في نفس الفصل)

............................

عند خالد

بعد ماطلع من المقهى راح البيت وناااااااااااام بعمق

.................................................. ........

اليوم اللي بعدوووو الساعه 9 صباحا

خالد: علي وينك

علي: الناس تصبح وتسأل عن الاخبار بعدددددين تسأل (واهو يقلد صوت خالد) وينك

خالد وهو يضحك:ولاتزعل صباح الخير

علي مبتسم: صباح النور

خالد: شخبارك؟؟

علي: ههههه تماااام

خالد : اخلص وينك؟؟

علي: هههههههه اناااا بالسياره بروح الجامعه

خالد: اجل نلتقي هناك سلام

علي:مع السلامه

..................................

وعند اريج

كالعاده جايه متأخر<< بوطبيع مايجووز عن طبعه

ساره(صديقة أريج): صباح الخير آنسه أريج

أريج ومزاجها مروق بعد سهرت البارح: صباح النور والسرور على احلى سوسو

ساره: المزاج مروق روقينا معك

أريج مبتسمه: أقولك بعدين

المدرسه: أريج ساره الناس تقول يالله صباح خير مو يالله صباح سوالف

ساره: خلاص ياأبله روقينااا

ومشى اليوم الدراسي مابين سوالف وضحك ودراسه وهم ..وطبعااا أريج قالت لساره عن سهرة البارح مع حذف سالفة حنان لانها تعتبر سر من أسرار شلة (بنااات شبيشل) وأسرار الشلة ماتطلع

.................................................. ....

في نهاية الدوام المدرسي..

تجمعو بنات العم ومعاهم ساره..

بنااان واهي شاقه الضحكه: بناااات بناااااات عندي لكم خبررررر بمليون

ساره بضحكه: قولي ياأم المليون

بنان واهي تلف على سارا : سووويررره خلك طافيه

ساره ابتسمت: طيب يلا قولي

بنااان واهي تصفق وتصاارخ: عزوووز بيودينااا العثيم في الويك اند وبمر على الشله كلهاا وسويره تقول لأهلها اذا وافقو بنمر عليهااا

البنااات كلهم: وااااااااااااااااااااااااااااااااااااااااااااااااا او

ندى بعد الحمااس: شعندى عزوز متكرم وبيودينااا

بناان واهي تضحك: خبر اذا صار بتعرفونه بعد يومين

أريج والفضوول يذبحهاا: بنااانووو بلا مصاخه وقولي

بناان واهي مستنذله : نونونونو .. مارح اعلم لو تموتيين حلبي لبن بس

أريج تكلم ساره: سااارونه اليوم تقولين لأهلك واذا مارضو اكلم ماما واتكلم امك اوكي.. وتلف عالبنات والله لنفلها فل ..

ساره : خلاص صار

فرررح : يلااا بنااات قووومووو نمشي عشان نلحق نصلي

اريج: بس هالمطيوره مايمديينا نجلس الا قالت قوموو

فرح: أي علشاان بصلي وبرووح موعد للاسنان ..

باقي البنات قاموو بأستسلام: يلاااا

توضيح( عبد العزيز اخو بنان وفرح عمره 20 خبل على خواته ..يدرس في كليه المعلميين قريب من خواته مره ويعتبر بنات عمه ندى وجوري خواات له ..

وعند خااالد

كان توه طالع مع علي من االجامعه وبيروحو يخلصو باقي اوراقهم لان السنه ماباقي شي وتخلص واهم مقدمين على بعثه وأنقبلووو ..

...................................

الساعه 4 العصر

ساره جالسه مع امها في المجلس

ساره بدلع: ماما شلي عندك

ام ساره بابتسامه: لك عيوني المركبه

ساره ابتسمت واهي تقول في داخلها (بدايه اتطمن): ماما تعرفين ام راشد الـ.........

ام ساره ابتسمت: أي اعرفها تبين تروحين عند اريج صح..

ساره تحطمت :لالالالا ماما

ام ساره استغربت : اجل شنو

ساره واهي متردده وخايفه من رد امها: اهي وبنات عمها بيروحو العثيم في الويك اند ويبوني اروح معهم ممكن؟؟؟

أم ساره سكتت اشوي بعدها قالت: طيب ومين بيوديهم..؟

ساره واهي تبلع ريقها خايفه من الرد: عبد العزيز ولد عم اريج

أم ساره واهي مو داخله برااسها : بس ماتحسين يابنتي ياساره انها فشله كلهم بنات عمه الى انتي لا لا مايصير

ساره بدت تترجاها لعل وعسى ترضى: ماما اهم اصروو علي حتى قالت اريج انك اذا مارضيتي بتقول لامها تكلمك بليييز مامي بلييز( واهي تسبل بعيونها )

أم ساره ماهان عليها بنتها : خلاص حبيبتي اليوم اكلم ابوك وارد لك خبررر بس ماضمن لك..

ساره بفرح: قامت وباست راس امها: الله يخليك لي ياأحلى ام في الدنيا وحتى اذا مارضى ابوي مارح ازعل يكفي انك حاولتي عشاني

أم ساره واهي تضحك: ويخليك لي يابنتي..

...............................................

وعند اريج نفس الحال

بعد ماصحت من النوم العصر غسلت وشافت جدولها وشوو عليها .. نزلت تحت وفبالها بتقول لامها على الطلعه ..<< تمشي خطوه قداام وترجع خطوه وراا<< خايفه تتحطم

أريج واهي تنط عالدرج : ماما بليز بليز طلبتك طلبه

أم اريج واهي تطالع بنتها :انزين اشوي اشوي مانيب طايره لاتطيحين علينا..

اريج جلست يم امها : يمه ترا بطلع انا هالويك اند..

ام اريج تطالعها بنص عين: ويعني غريبه هذا انتي كل اسبووع بيت وحده وش الجديد

اريج واهي تستجمع قواها: لا لا هالمره برووح مع عزوز والبنات العثيم..

ام اريج واهي تهز راسها: رجال طويل وعريض عزوز من متى الميانه ان شاء الله اسمه عبدالعزيز .. وبعدين منو بيرووح..

أريج واهي تمثل الذراابه علشان امها ماترفض: عادي يمه.. كلناااا شلتنااا وساره يعني البنات كلهم.

أم اريج : ساره بنت ام أيمن..؟

أريج واهي صبرها بدا ينفذ: أي يمه.. اشرايج عااد

أم اريج واهي مبتسمه: والله ان هالبنت تنحط على الجرح ودي اخطبهاا لواحد من اخوانك

أريج واهي تناطط : جد ماما وناااااسه سويره بتصير معي في نفس البيت واااااااو ام الفله والحمااس ...يالله يمه انا معك خطبيها وانا ورااك

الا دخل فيصل بعد ماسمع الحواار..

فيصل واهو عاقد حواجبه: منو سويره؟؟هاللي راجتنا عليها.. راح سلم على امه وجلس جنب

ااريج..

أريج واهي لافه عليه: احترم نفسك اسمها ساره مو سويره.. من متى الميانه ان شاء الله

فيصل طلعت عيونه: انتي اللي قايله سويره واناااا شدراني ان اسمها ساره

أريج مكمله: أي ولوو .. بس انااا اللي اقول سويره

فيصل ضرب اريج على راسها بخفه: انزين اكرمينا بسكووتك

أريج واهي تصاارخ: آآآآي.. وجع ان شاء الله

فيصل واهو مطنشها: أي يمه منو هذي وهو يغمز لامه

أم اريج واهي تتحمد على هالبنت : هذي صديقة اختك وبنت تجنن ومفكره اخطبها لواحد منكم

فيصل فتح عيونه عالاخر وقال واهو مندفع:شنووووو؟؟؟ اكيد مو انااا؟؟؟ شوفي غيري

ام اريج واهي تطالعه: وش فيك قمت كانك مقروص يالله لك الحمد بس..

فيصل حس لرووحه وهدأ اشوي: لا ولا شي.. بس يعني انا توي مابي اعرس لاتفكرين تخطبينها لي ..

ام اريج واهي تطالعه بنص عين: لا مو لك انت عارفه قلبك مع مين.. بخطبهااا لمحمد بعد مايرجع من امريكا.. لاتخاف على عمرك

بعد ساعه ونص

ام اريج كانت مغيره ملابسها ولابسه جلابيه حمرااا ومتعطره ومسويه الشعر وكاشخه<< -_*

فيصل كان جالس مع اريج بالصاله الا انتبه لامه داخله ..

فيصل واهو يصفر ويصفق : ايووووو ياأحمرررر.. عطنااا وجه.. اش هالزين اش هالزين .. لا لا وين بو راشد عنك

ام اريج مطنشه ومو معطيته وجه ..

فيصل واهو عاجبه انه يحرج امه: نظره ولو جبر خاطر

فيصل: شدعوه عاد طيب اخذ الكرت.. ومد لها كرته.. مو لازم الرقم ايميل عن خاطري ..

أم اريج واهي مستحيه من هالولد اللي كل ماكبر دبر: اعقل ياولد..هوو

أريج واهي فاقعه ضحك على فصووول : شدعوه ياأم راشد لاتعصبين ولدك ويتغزل فيك حراام ولا عيب..عادي تقبليها بروح رياضيه والا بس بوراشد يتغزل فيك ..وغمزت لها

أم اريج واهي تخز اريج: قص فلساانك صج ماتستحيين صفي مع اخووك صفي من عدالته الحين اهو وكلامه..

فيصل بطريقه مسرحيه: اذا حبي لك جريمه فاليشهد الزمن على اني اكبررر مجرم.. ويغمز لها..

أريج واهي ابد مو قادره : ههههههه حلوه حلوه حبتين عليك

أم اريج قامت منحرجه اكثر من ماهي معصبه: عيااال مامنهم رجى..

فيصل قام ورى امه وحضنها من وراها وحبها ع خدها: لااااخلاااص كلشي ولا حلوووم ..

توضيح( ام راشد اسمها حليمه)

أريج واهي عاجبتها تكمل تعصيب امها : تكفى عاااد حليمه بولند على غفله.. هووع

ام اريج بس وصلت حدها: ايااا قليلة الادب الحين انااا تتمصخرين علي ياقليلة الخاتمه ولا في روحه للعثيم .. وانطقي هنا واشووف مين بيعطييك وجه ..ومشت بتطلع

أريج اشهقت وضربت جبهتها و قامت تررركض: لالالالالالا تكفين .. الا..

طررررررررررااااااااااااااااااااااااااااااااااااخ

طاحت اريج من السرعه

أم اريج واهي ابد مو عاجبها حال بنتها وتهز راسها على : شفتي رجتك وش سوت.. مابتعقلين الا لمن تشوفين روحك باحد هالمستشفياات مكسره..

أريج واهي فيها الصيحه: آآآآآآآآآه هاذا بدل ماتقولين قومي يابنتي.. بس انا قايلتها محد حابني بهالبيت

فيصل يكمل بأستهباال واهو مو قادر يسكت من الضحك: اسم الله عليك يابنتي قومي قومي ..

أريج طالعته بنظره واهي معصبه: أي تشمت فيني

أم اريج واهي مو معطيتها وجه: قومي بس بلا هذره وساعديني بالعشا .. يالله قدامي

أريج واهي تتأفف دوبها ودووب المطبخ : يمه توهااا الساعه6 وش عشاااه هالوقت .. دجاج حشااا

أم اريج: أي يالله يمدينااا نخلص

أريج واهي تقوم امرها لله علشان تكسب رضا امها وتخليها تطلع مع البنات: طيب

نتعرف على عيلة ساره

(ساره 17 سنه ثاني ثانوي/علمي البنت الكبيره والوحيده؛؛ يامن وأيمن توأم 14 سنه ثاني متوسط؛؛رضا 10 سنوات خامس ابتدائي؛؛ سيف 3سنوات آخر العنقود وحبيب ساره)

.................................................. .....

اليووم اللي بعدووو في المتعسه

ساره: أريج ماقلت لك

أريج لفت عليها والاخلاق قافله : وشووو

ساره واهي متونسه عالاخر: ماما وافقت

أريج صرخت وتحمست: وااااااااااااااااو حلفي .. حبتييين

المدرسه واهي تلف عليهم للمره الالف: أريج ساره

أريج واهي متفشله : آسفه ياأستاذه

ساره قالت كلمتها المعتاده : خلاص ياأستاذه روقينااا

المدرسه بعصبيه: قومو طلعو بره

قامت اريج وساره كأنهم ماصدقو على الله يفتكوو من هالخنقه اللي اهم فيها وطلعووو وكملو سوالف بره

أريج حضنت ساااره : وناااااااااااسه بتجين معنااا

ساره واهي تضحك : أي بجي معكم اش فيك كبرك انا كبرك امزح معك

اريج واهي تطالعها بنص عين:ذليتينا اكبر مني بشهرين وخابتنا ..

يتبع ,,,,

👇👇👇

تعديل المقال