رواية اختلفنا من يحب الثاني أكثر-2
قامت اريج وساره كأنهم ماصدقو على الله يفتكوو من هالخنقه اللي اهم فيها وطلعووو وكملو سوالف بره
أريج حضنت ساااره : وناااااااااااسه بتجين معنااا
ساره واهي تضحك : أي بجي معكم اش فيك كبرك انا كبرك امزح معك
اريج واهي تطالعها بنص عين:ذليتينا اكبر مني بشهرين وخابتنا ..
............
وخالد بعد ماخلصت اخر أجراءات السفر عزم علي على
الغدى في مطعم(.................)
(في المطعم)
خالد: أي بشرني عنك يالطيب؟؟؟
علي واهو مبتسم: ابد اخباري نفس اخبارك..
قطع عليهم كلامهم جوال علي واهو يدق برنه حافظ صاحبها رد واهو مبتسم..
علي:هلا حياتي..هلا فيك قلبي ..في المطعم مع خالد نتغدى.هههههههه..بكره نتزوج وبصير لك لحالك...احم احم خلاص قلبي اكلمك بعدين.(واهو يطالع نظرات خالد)..فديت هالضحكه وصاحبتها...ههههه باي
خالد واهو مسوي روحه معصب: لا كان طولت زياده.. هذا توك عالبر وكذا اجل لو صار شي ماتعرفني ..
علي ببروود:كيفي ياخيي خطيبتي وكيفي.. اخ من الغيره بس.. اشوف فيك يووم..
خالد واهو مكمل: لاتقعد تقول خطيبتي وماخطيبتي لساا ماصارات ..
علي: كلها أسبوع وتصير.. اخ بس متى يخلص هالاسبوووع مو قادر اصبر ..
خالد واهو فرحاان لصااحبه: الله يهنيكم يارب.. ويغمز له
جى الوقت اللي نتعرف على علي شوي (علي 22سنه صديق خالد الروح بالروح ومتفقين يتزوج بنفس الطريقه اللي هي ان يختارون البنت بنفسهم علي لقى البنت اللي ملكت قلبه وبعد مابقوو 4 شهور تعرفو فيها على بعض عدل تقدم لها وبعد اسبوع ملكتهم علي اقل جمااال من خالد مدبدب وابيض وطوله حلو وخطيبته المستقبليه شارطه عليه يسوي رجيم عشان يضعف)
نرجع لهم في المطعم
خالد بحاالمييه :آآآآآآآآآآآآه عقباااالي
علي من كل قلبه:آآآمين
خالد واهو اشوي منقهر: وينها بس وينها تعبت وانا ادورها ..
علي : انت بعد ماصار تدور لك للحين على كثر بنات هالبلد مالقيت وحده تنااسبك ...بنشوووف نهايتها معااك..
خالد: الله كرييم..
علي: أي صح في وحده من معارف خطيبتي وكله تمدح فيها ..
خااالد فز من مكانه واهو متحمس: جد يالله على يدك.. طيب شسمها من وين كم عمرها؟؟؟
علي: ماقالت بس اذا تبي اجيب لك رقمها وشوف بس تراها مو راعيه خرابيط عشان كذا بتتعب في البدايه.. وعااد بيض الوجه ماوصييك ..
خالد واهو الفكره دخلت باله: عارف لانها لو راعية خرابيط على قولتك ماأبيهااا..
وكملووووو سوالف وبعد ساعتين مشووو
................................
وفي نهاية اليوم الدراسي كالعاده تجمعو بنات العم ومعاهم ساره
بنان واهي مكتئبه: بناااااات عندي لكم خبر سيئ
أريج واهي اشوي وتتحطم: لاااا لااا لاتقوليين عليك الله لاتقوولين على العثييم..
بنان واهي ودها تصفق اللي قدامها: أي الله يلعن بلييس تكنسلت الطلعه .. تخيلوو
ساااره واهي ماتقل عن باقي البناات :لااااااا بعد ماقنعت امي مااااابي مايصير
بنااان واهي مسويه روحها بتاواسيها: خلاص ولا يهمك لك مني وعد بعد الاختبارات طلعه على مستوى..
لان عزوز اختباراته بدت وقال ان احنا المراجعات بدت وخلوها بعد الاختبارات.. بس قهرني الكريه
ساره سكتت امرها لله: اوكي خلاص
أريج واهي الاخلااق قافله الف عندها: اجل انااا بروح البحرين افف كنت معتمده عالطلعه وكذا مارااح ياخذووني الحين ماعندي عذر..
ندى واهي تصفق واتصاارخ: واااااااااو ام الحمااس من معه؟؟اكييد فصووول وياكم انا ادري اهو قايل لي..
بنان واهي تطالع ندووش بنص عين:ماتشووفين شر اقول خلك صافطه اصلا اهو قايل لي وانا قلت لك
أريج واهي تطالعهم وتضحك:اقول انكتمي انتي وهي اصلا رشووود بيوديينا فدييت اوومه
ندى واهي متفشله: لااااا افا اجل فصوول يمزح معي
بنان: وانتي مصدقه عمرك مع ذا الفييس..
فرح واهي تتحمد عليهم: يلااااا بنات خلوناااا نمشي .. عزوز الحين اكيد جاا وبعدين انا ماصلييت وفيني نوووم
بنااان تتأفف: ان لله تكلمت عااد
ندى: وهذا احنا كل يووم شوفي لك حل عااد\
سارا أخيرا تكلمت: يالله يالله مشينا ..
باقي البنات: يلااااااا
توضيح(أريج امها بحرينيه والحبايب اللي تقصدهم ندى هم أولاد خالتها تعرفونهم في رحلة البحرين)
.................................................. ...
عند أريج في البيت
أريج واهي تصااارخ: ماااااااااامااااااااااااااااااا ياااأمي مامييييي
ام اريج واهي تقول بداخلها بديينا الازعااج: جات بصراخهاااا .. خير وشتبين؟؟؟وقصري صوتك ابوك تعبان ونايم.. وبعدين متى ان شاء الله رااح تحاولي انك تقصري الصووت
اريج واهي ساكته تسمع من هالاذن وتطلع من هالاذن..
أريج واهي زعلانه: تخيليي تخيلي .. مارح نروح العثيم اخ والله انه قهر ..بنروح بعد الاختبارات يعني بروح معكم البحرين..للاسف (وراحت للدرج واهي تتأفف)
أم اريج واهي مبسووطه لانها ماتقدر تخليها برووحها وتجلس تحاتيها يومين: وأنااا بحطك فوق راسي تعالي مارح تزيدين ولا تنقصين..وحهزي اغراضك مو لين جات حزة الحزة زي كل مره احنا بالسياره وانتي تحطين الاغرااض بالشنطه..
أريج بقهر: يعني انااا وقلتي واحد.. وبعدين كلها كم جنز وبلووزه وخلصنا ماله داعي قبل ست ساعات اجهزهاا..
أم اريج واهي فيها الضحكه على شكل بنتها: تبين الصراحه ولا بنت عمها
أريج واهي تتدلع مع ان مايليق عليها: اكيد الصراحه..واهي ترمش لامها
أم اريج مكمله الدور: أي مالك داعي..
أريج واهي وصلت حدها : يــــــــــــــــــــــــــــــــــمــــــــــــــ ـــــــــــــــه اهون عليك يعني اهوون..
أم اريج واهي مخترعه من صرختها: وصمه تصمك انشاءالله أي تهونين زين ..يالله بس روحي غيري ملابسك ونزلي تغدي
اريج: مابي سم الهاري ودامي مالي قيمه عندكم بالطقاق مانيب ماكله يمكن اموت وافتك..
ام اريج ببرود واهي راجعه المطبخ: ترا مافي احد يموت من الجوع دوري لك طريقه ثانيه تموتين فيها..
اريج وخلاص ماتقدر اكثر: ااااااااااخ الله ياخذني ان شااء الله (وراحت لغرفتها واهي تضرب رجولها بالارض بقوه وتصفع بالباب صفع قومت البيت وقعدته)
..............................................
نروح عند بنان+فرح
بعد ما تغدوو وروقوو أمهم وابوهم دخلو ينامون ساعتين
وأهم جلسو في الصاله مع عبد العزيز
بنان: أقول عزوز مارد عليها.. عزوز..معطيها اكبر طااف عزيز وعمى..
عبد العزيز واهو يلف عليها متنرفز منها: عمى اللي يعمييك قولي امين ..ألف مره اقولك اسمي عبد العزيز ماتفهمين والا ماتفهميين
بنان واهي مشتهيه تنرفزه:يوووو اخوي وابي ادلعك اش فيها حرااام ولا حرام ولاحرام..
عبد العزيز واهو ينفخ بوجهاا: لا حرام ومية حرام بعد.. قولي خلصيني
بنان : شصار على موضوعك..واهي تغمز له
تدخلت فرح: أي صح ماقلت لنااا وش صار .
عبد العزيز واهو ماله خلق: ماصار شي جديد
بنان واهي مو عاجبها الكلام: افاااااااطيب متى بيصير ابي اقول للبنات متحمسه.. والله انهم بيقوموون الدنيا ويجلسوونها
عبد العزيز واهو يلف عليها وكأنه يهدد: انتي جربي قولي واقص اللسانك..
بنان معترضه: وليش ان شاء الله ماقول ماخبي انا شي عنهم وبعدين اهم بيفرحووون لك مثلنا..
فرح: أي صج ليش مانقووول والله كل مره اشوفهم يحكني الساني..
عبد العزيز واهو يطالع فرح: وانتي شغاله لنااا بغبغاء بس ترددين كلام اختك...
فرح تناظر اختها بأستهباال: أي وانتي شغاله لنا بغبغاء..
عبد العزيز : اكلمك انتي مو اهي
فرح تتلفت حولها وتأشر على نفسها: أنااااا!!!!!!؟؟؟؟؟؟
عبد العزيز: لا جدتي أي انتي؟؟؟ وقااام واهو يقول... بنات ماوراهم الى الهم.. اقوم الاسترااحه مع الشباب احسن لي
بنان واهي تنط ورااه : انزين خلني اقول للبنات يالله عااد
عبدالعزيز : ياخي كيفي السالفه تخصني ومابيها تطلع براا والا انتو من كثره هذرتكم تدوروون السوالف اللي تبون تقولوونها..وطلع
فرح تناظر اختها وتقول واهي قايمه: أي صح بنات ماوراهم الى الهم اااف وراحت غرفتهااا
بنان: الحمد لله والشكر بيتنا استخفو واجلسو اقوم حتى انااا احسن لي
.................................................. ....
عند ندى +جوري
كانو جالسين ثنتينهم في الغرفه ندى تذاكر عندها بكره اختبار.. وجوري تطفش فيها
جوري واهي تحن فوق راسها: ندوووش تركي الكتاب وكلميني طفشااانه
ندى تتأفف من اختها هالفاضيه: اف ..عندي اختبار ماني تاركته وبعدين تراك تفيخيين الفيااخ..
جوري: وانتي تبطين البطه من الجبد تراني طفشت مسويه لي رووحها دفره ووخروو عنها..
ندى وودها تكفخها: أي دفره عندك ماانع ..
سكتت اشوي الجوووري وندووش استغربت انها هجدت لفت عليها تطالعها شافتها تلعب في شعرها ووسرحانه بعدين قالت: اقول ندى تخيليني مخطوووبه واااااي كان الحين مقابله خطيبي مو انتي وتكش عليها..وكل يوم موديني مكااان لو انااا مخطوبه كان الحين اناا جالسه معه في المجلس تحت وحاطه راسي على صدره والعب في اصابيع يده واااااااو ام الفله كان الحين افرفر وياه بالشوارع..
ندى واهي تهز راسها: ياللله تسكنهم في مساكنهم.. تخيلي تخيلي مادري متى بس يجي قيس بن الملوح على خروووفه الابيض .. اااه بس وينه يجي ويفكني منك
جوري رمت الدبدوب على ندى: اذا انااا خروف فاأنتي حمار ويخب عليك.. اقوم على المسن احسن لي
ندى واهي تضحك: كان قمتي من زمان
قبل ماتقوم جوري رن جوالها شااافت نسيم صديقتها اللي لايمكن تستغني عنها...خذت الجوال وردت بسرعه..لاتسكر بعدين من وين تدق عليها واهي ماعندها رصييد ..
جوري واهي تصارخ: مررررحبااا مداااام
نسيم: مراااحب اخبااارك؟..
جوري: تمامتاا اخبارك انتي وش علوومك..؟
نسيم: لوني أبيض من داخل كحلي هاهاهاهاهاها
جوري: كحلي ولا اعطس لي هاهاهاهاهاها
نسيم واهي تتكلم بجديه: اقول جوج
جوري : ها قولي
نسيم: اقول لاتبدين حالة التفهي فتحي مخك وسمعيني
جوري: فتحته قولي
نسيم : فتحيه زين
جوري : انزين خلصيينا لاتوطاا ببطنك..
نسيم : تذكرين البنت اللي بالجامعه
جوري عقدت حواجبهاا: أي بنت .. عااد الله تصدقييين انا ماشووف ولا بنت بالجاامعه.. يالمدمغه حدديي احنا ثنتين والا ثلاث...
نسيم تتأفف: انزين عاااد كلتييني .اسمها ريهام ال...........
جوري واهي تحاول تتذكر: أي وش فيها
نسيم: اهلي مفكريين يخطبونها لاخوي شرايك فيها
جوري سكتت
وعلى ماستوعبت الا ذيك الصرخه طالعه منها: ووووع.. وع وع اناااا احلى والله عاد اخوك قمر وااااي فديتو اخذيني له اناااا احلى
نسيم بخبث تحب تحرجها: لو بيدي خذتك بس انتي ماتبين الى قيس بن الملوح
جوري تلعثمت بس تحاول تخبي: اقول ماعلينا .. بس بذمتك مو اناااا احلى والله اني اهبببل جنبها..
نسيم : ااااكيد مايبي لهاااا.. بس ماقلتي لي شرايك فيهااا
ندى بلقاافه:هــــــــــــــــــــــــــــــــــــــــي انتي وياااااااااااهااا شتقولوووون ...
جوري واهي تلف على ندووش: انجعميي مساااعه اترجاااك تعطيني وجه والحين قاطه اذنك ذلفي.. نسوم انتظري شوي... بقوم عن هالتّبوون.
وطلعت من غرفتهم ورااحت الصاله ووكملوووو كلام وبعدها راحت جوري تكمل كلامها وندى كملت مذاااكره
واهي اللقاافه بتااكلها اكااال..
.................................................. ..
نتعرف على نسيم( صديقة جوري حيـــــــــــــــل ومايخبون شي عن بعض من حاله بقيه البنات مرجوجه وتجنن وهالبنت لها قصة تجنن تعرفونها في روايتي نسيم دايم يجونها خطاب بس اهي ترفض بحجة انها توها صغيره)
جوري بلقااافه: اقول نسوم اخبار اخر خطيب
نسيم تفكر منو اخر وااحد خاطبها: ههههههه اخر خطيب كان ولد جيراننا
جوري تحمست : اوه اوه اوه .. اكشن يازفته حولييهم علي.. وحلو ولا لا
نسيم باسف: لو حلو مافوته.. بس اخخ كلهم مايفتحوون النفس.. جوجو عمتي تناديني اشوف شنو تبي وارجع اكلمك
جوري: اوكي باي ذلفي..
نسيم: بايات ..
نرووووح لنوره اللي اهملناها
نوره سكرت الشقه واجرت لها شقه ثانيه وبعد ماشافت شريط الفيديو ماتنكر انها تأثرت شوي وتحسفت على عمرهاا لانها طاحت من عين شخص حبهااا مثل مشعل بس بعدين طنشت مو اول مره تصير لها هالحركه حاله حال غيره عادي الدنيا تمشيي ماتوقف على كذا(البنت تعودت صار عندها مناعه) وكالعاده كلمت واحد من اللي تعرفهم وجاب لها الشريط وفوقه حبة راس بس للحين حاطه ببالها خالد ومو تاركته الا لمن تجيب راسه..<<الله يستر
ــــــــــــــــــــــــــــــــــــــــــــــــــ ـــــــــــ
خالد شاف الساعه لقاها 8ونص اتصل على علي وقاله يجيه البيت عشان يتكلمون في موضوع البنت..من امس واهو يفكر بالموضووع من كثر حمااسه.. مايدري ليه فيه شي يجذبه لها..ماقدر يصبر اكثر ...
وصل علي وجلسو في المجلس
خالد يمثل الرسميه : ها وش تشرب شاي قهوه عصير..
علي مكمل: لامايحتاج خلك مرتااح
خالد بس سوا اللي عليه: براحتك..هذا جزااي اعرض عليك ..
علي: ادري انها مو من نفس فقلت اختصر عليك الطريق...
خالد : أي الحمدلله انك فاهمني ..اي المهم قولي المعلوومات..
علي طلع ورقه من جيبه:عارف انك ماجبتني حبا فيني ... خذ هذي كل معلوماتها
خالد فتح الورقه وقراها: اييي عليك نوور ..وسكت يطالع الورقه وظل يطالعها بتركييز..الاسم: ساره الـ..............
العمر: 17 سنه التخصص: علمي
المنطقه: الاحساء الـ........ عدد أفراد الاسره: 4 اخوان وامها وابوها واهي يعني 7
رقم الجوال: 05................ الايميل: ......................
خالدواهو يضحك: حشى اف بي أي مو بنت
علي مسوي روحه بيدافع: اقول عاد حدك مرتي .. هاذا واهي جايبه لك معلوماتها وتتمصخر عليها
خالد:هههههه لا شدعوه امزح ... دخل الورقه في جيبه
علي واهو يطالعه بنص عين: مارح تكلمها الحين
خالد بدون مايلف عليه: لاطبعااا.. بعد ماتذلف ان شاء الله..
وظلو يسولفون....
عند نسيم بعد ماسكرت من جوري نزلت تحت لعمتها لقتها جالسه ومو عارفه وشو يدور ببالها بس ماتدري ليه متوتره مع انها عادي ميانه مع عمتها..دخلت وسلمت..
نسيم بتوتر واضح: هلا عمتي أمري بغيتي شي
العمه واهي تطالعها: أي جلسي ابيك.. بكلمه راس.
نسيم بعد ماجلست: هلا تفضلي
العمه بعد لحظاات من السكووت: بقولك شغله..
نسيم بدت تتوتر:أي تفضلي.. في شي عمه..ترا خوفتيني..
االعمه ببرود: لالالالالا لاتخافين السااالفه ومافيهااا..
ــــــــــــــــــــــــــــــــــــــــــــــــــ ـــــــــــــ
شرايكم نروح لساره اول بعدين نرجع نعرف سالفة نسيم(*_^)
ساره بصرااخ: أيـــــــــــــــــــــــــمــــــــــــــــــــــ ـــــــن
أيمن بدون نفس: نعم وش فيك؟؟
ساره: قوم قوم روح البقاله وأشتر خبز للعشا وأشتر لي بيبسي
أيمن ببرود: السياره اليوم عند يامن مو عندي
ساره: طيب اتصل عليه وقوله بسرعه الحين ابوي بيجي
أيمن: وامي وينها
ساره: أمي معزومه على العشا عند خالتي
جى رضا يركض
رضا: ااااره ااااره (بعني ساره)
ساره نزلت لمستواه واهي مبتسمه بتموت على هالولد: ياعيون ساره شنو تبي
رضا: اااابي حلـــــــيب
ساره: من عيوني... وعطته حليب
أيمن: يقولك يامن عطيني الفلوس عشان انزلهم له
ساره: شوفهم على الطاوله
سيف:سوير ساروووه
ساره: وعمى اسمي ساره
سيف: جى ابوي
ساره: طيب
نرجع لنسيم
العمه : السالفه انتي تدري ان علاقة عمامك في بعض شبه مقطوعه صح؟؟
نسيم بأسى وكأنها عارفه الموضووع: أي عارفه
العمه واهي تطالعها بتركيز: تذكرين ولد عمك وسام
نسيم فرررحت بطاريه بس مابينت وفبالها تقوول ليه انا نسيته علشاان اذكره: أي اذكره انااا مانسيت ولا واحد فيهم
العمه بابتسامه لها مغزى: وسااام يحبك
نسيم من الفرحه ماسمعت ولا شي بعد هالكلمه ماتدري وش تسوي ودها ترقص وتصارخ ..معقوله معقوله الشخص اللي كانت بتموت عليه يطلع يبادلها نفس الشعور معقوله << ركدي بس
العمه واهي تطالعها بنظراات محرجه: نسيم ووووين رحتي
نسيم ردت بسرعه تخفي توترها: هلا هلا معك
العمه: اقولك وسااام خايف انك تروحين منه ويبي يعرف اذا تبادلينه نفس الشعور او لا
نسيم في داخلهاا اباادله وبس انااا اموت بترابه
العمه:شوفي انااا مابيك تقولين لي خذي هذا رقمه ورسلي له رساله بمشاعرك تجاهه
نسيم خذت الرقم واهي ميته حياا وتحس اشوي ويغما عليها : طيب
راحت غرفتها والفرحه مو سايعتها ظلت تطالع بالرقم وابتسامه على شفتها وتحس روحها بتطير من الفرح واهي تفكر ترسل ولا لا واذا بترسل شنووو بتكتب
ــــــــــــــــــــــــــــــــــــــــــــــــــ ـــــــــــــــــــــــ
خلونااا نروح شوي لباقي ابطالنا وبعدين نرجع لها
عند أريج... كانت أريج جالسه مع فيصل وحاسه حالهااا متضايقه .. وموطايقه ابد ولا شي
أريج بطفش: فيصل
فيصل استغرب من نبرة صوت اخته لف عليها واهو عاقد حواجبه: نعم
أريج تناااظر فيه وعيونها غرقانه دموع: أشتقت لمحمد .. وقامت تشااهق..
فيصل قام بسرعه وجلس جنب اخته: بس عااد لتبكيين اهو رايح هناك يدرس المفروض تفرحين له وبعدين كلها كم شهر ويرجع..
أريج واهي مكمله بالصيااح: انااا فرحانه له كثير بس في نفس الوقت اشتقت له وودي لو يرجع .. واهو الكريه بعد الدب مايدق ولا شي واذا دق مايفكر يقول وين اريج اكلمها..
فيصل من زمااااان ماشاف اخته تبكي بهالطريقه اللي تعور القلب لان اريج مو من النوع اللي يبكي بسهوله: خلاص اريجووه تراني على طريف لاتخليني اسمتها صيااح..يلا بكره بتروحون البحرين وتنسين شوي مع البنات وعلى هالطاري دريتي؟؟
أريج بعد ماهدت شوي وماعجبتها سالفه البحرين لانها مالها خلق هالروحه اصلا لفت وقالت: شنو
فيصل : بيت عمي بيروحون معكم البحرين
أريج فرحت: جد يعني حنان بتكون معي ... واااااااااي اكششن ايه كووذا الواحد يشتهي يرووح علشااان التهييص يصير على ااصوله
فيصل واهو اشوي يتمسخر: اللي يشوفك الحين مادري وين رايحه كلها البحرين لو انك قايله لي نيوزيلندا باريس اشوي يمكن اجاملك البحرين ولااا بعد بالصيف ..
اريج واهي رافعه حاجب : اييه ماعرفنااك ياا ... الحين اللي يشووفك رايح لوحده من ذوولا اقول احلم على قدك لو سمحت.. وبعدين مو كأن بعض الناس كل اسبووع طايرين هنااك بالخفيه الحين مو عاجبتهم.. سبحان مغير الاحووال..
فيصل واهو تصايخ :اقول لاتقعدين تهذرين حبيت ابلغك بس ..يالله بقوم انا تامرين شي..
اريج واهي تضحك: عاش مصرف عاش وتغمز له..
اما اهو يسمعها واهو ماشي حتى مالف عليها وطلع من البيت..
توضيح( حنان وأريج مو بس بنات عم اهم بنات خاله بعد عشان كذا امهاتهم ثنتينهم من البحرين)
نروح نشوف نسيم وش حالها نسيم قررت انها ترسل له لانها لو مارسلت بتندم طول عمرها انها ضيعت حب حياتها بايدها
رسلت له
مسج كتبت فيه( عشقتك مثل مايعشق شعوري ضحكت الاطفال..
عشقتك مثل ماتعشق جروحي صرخة الموال..
عشقتك مثل مايعشق طموحي لمس غاياتي..
عشقتك مثل ماتعشق عيوني حبس دمعاتي...
عشقتك مثل مايعشق غرورك رغبة الاهمال...
عشقتك مثل مايعشق خفوقي سجنك بذاتي..
(أنااا حبيتك من صغري.. نسيم))
ورسلتها وبعد ثواني جاها اتصال من رقم وسام بس خافت وماردت وبعد ماانقطع الاتصال جاتها رساله من وسام( جد جد نسيم حبيبتي انتي تحبيني تتكلمين جد ولا تمزحين)
لما وصلت الرسااااله لنسيم طاااارت من الفرح
وعند وسام كان جالس بالمقهى مع ربعه وطفشان وفجاءه جاته رسالة نسيم وطاااااار من الوناسه مو مصدق جلس يقراها فوق الخمسين مره
توضيح(وسام واهله ساكنيين بالامارات من سنين طويله
عشان كذا علاقتهم شبه مقطوعه في عمام وسام اللي بالسعوديه)
وظلو اول عاشقيين بروايتنا يتراسلون لحد الفجر طار الوقت واهم ماحسووو فيه...(الله يهنيهم)
طبعا نسيم شرطت على وسام مايكون بينهم غير رسايل بدون اتصالات...
في الصباااااح...
نسيم لانها سهرانه فا ماراحت الجامعه نايمه بالعسل..
خلوناااا نشوف احداث المدرسه وسوالف بناااتهااا
في فصل (رنااا+حنان+ندى)
كانووو الثلاثي المرح جالسين يسولفون بحكم ان ماعندهم مدرسه..
حنان: بنات سمعو
ندى+رنا: هلا
حنان واهي متشققه: عبد الرحمن اتصل البارح ابتسمت وقالت: واعتذر وحاول يراضيني
ندى من شافت الابتسامه عصبت وقالت واهي تصرخ: لا ياشييخه..وانتي اكيد رضيتي بكل سهوله صح؟؟
حنان استغربت ردة فعلها وردت: أي رضيت
ندى بانفعال وقفت : لانك حمااااره انتي شنو ماعندك كرامه كل مره يزعلك وبكلمتين حلويين ترجعين صج بقره وبعدين ترجعين تصيحين وترجع حالتك خزي وبس وينعااد المواال انااا قايله مارح اخذ على كلامك وماصدقت يوم قلتي بتتركينه
حنان والدموع في عيونها: ندى انتي مو فاهمه..
ندى تقاطعها وتقول باسخريه: انااا احبه.. صح ...مو هذا اللي بتقولينه.. فهمي فهمي احنا نبي مصلحتك مانبي واحد حماااار وحيوان مثل هذا كل يوم والثاني جارحك بكلامه ولا مزعلك بشغله انتي ماتدرين أريج شكانت ردة فعلها اخر مره اتصلت عليه وشرشحته ليمن قالت بس.. أريج اكثر وحده تتأثر اذا كنتي حزينه ولا زعلانه بس انا قايله انتي مابتفهميين ولا عمرك بتحسين ..
حنان واهي تصيح: خلاص ندى..و
ندى تقاطعها: لا مو خلاص بالله عليك ماتقولين لي وش ناقصه عشان يجي ويتقدم لك وظيفه وعنده وتكوين وكون نفسه وعنده شقه وكل شي ماتقولي لي شناقصه بس فهميها اهو مايحبك اهو يتسلى عليك بس ولاتقولين لي يبي يشوفك لانك عارفه ليه يبي يشوفك صح؟؟؟
رناا انكسر خاطرها: ندى خلاص شوفي حالها وش صار فيه؟؟
ندى واهي مو هامها ومو شايفه احد قدامها خلاص وصلت حدها: خليها خليها تتعلم يقولون صديقي من بكاني ولا ضحك الناس علي... انااا ازعلك ياحنان لمصلحتك واحد مثل هذا مايستاهل تخسرين ثقة اهلك وسمعتك ومو بعيده حتى شرفك عشااانه واهو مارح يخسر شي انتي اللي بتخسرين ياحنان ترى الرجال مايعيبه شي والبنت على اقل شي ضاعت سمعتها فهمي؟؟
حنان قامت وحضنت ندى: اوعدك اني اتركه..
ندى واهي مو مصدقتها: فكيينا زين هاذي ولا عاشر مره تقولينها
حنان: والله اني بحااول مو سهل اتركه على طوول لاني معلقه فيه
ندى واهي تطالعها بحده: بنشووف نهايتها ...
وفي نفس المدرسه بس في فصل ثاني..
(أريج وساره وشلتهم)
ساره:هههههههه الله ياخذ بليسك ياأموول
أريج واهي بتتقطع من الضحك: ههههههههههه خلاص مو قادره آآآآآه أي بطني
أمل(صديقتهم): اجل سمعو ذي مره واحد معرس مفلس خلصت فلوسه راح سوى سرواله من خيشة العيش يوم دخل على مرته بعد مافصخ ملابسه صرخت واغمى عليهااا توقعووو ليش
أريج+ساره:ليش
أمل: شافت على السروال مكتوب..أجمالي الوزن الصاافي 45 كيلو غرام.. طويل الحبه ويتكاثر
جواهر(وحده من صديقاتهم): اااااااااااااااااااااااااا ياللي ماتستحين هههههههههههههههههه
أمل: عدااال وانتي اللي تستحي لو تستحين ماكان ضحكتي معناها انها عاجبتك..
جواهر: ههههههههههه سكتي بس
ميساء:ههههههههه
أمل: فديت هالضحكه
ميساء: تفداك روحي يابعد عمري
ساره: اقول ميوووس
ميساء: قولي
ساره: شخبار الخطيب
ميساء ولعت خدودها: ليه تسألين؟؟
أريج: سويره شالسؤال شوفي خدودها احترقو
ميساء ذاااابت حطت يدها على خدودها: خدودي مافيهم شي
أريج: خلاص غيروو السالفه ... أي بناااااااات ماقلت لكم
البنات كلهم لفووو عليها: شنوووو
أريج: اليوم بروح البحرين الظهر بعد ماأطلع من المدرسه على طوووول
البنات كلهم ماعدا ساره لانها عارفه: وااااااااااااااااااااااااااااااااااااااااااو
ميسااااء: وانااا بعد بروح بس اناااا بمشي الظهر
أمل: يالخاينه وليه ماقلتي لي
ميساء: لاني بروح مع حسين وماقالي الى الفجر
البنات: اووووووووووووه
ساااره: حركاااااااات وانااااا اقول البنت ليه كلا سرحانه
تررررررررررررررررررررررررررررررررن
صرخوووو البناااااااااات: فـــــــــــــــــــــــســـــــــــــــــــحـــــ ــــــــــــــه
وطلعو كلهم كل وحده راحت مع قروبها
خلونااااااا نروح لخالد على مايخلصون فطور
خالد كااان جالس بالبيت وماسك جواله ويناااظر برقم ساره ومتردد متى يتصل... طيب بس ياخالد انت بتسافر سوريا بعد شهر واهي بتعلقها فيك وبتسافر وانت بتترك قلبك هنااا وتسافر وليه نستبق الاحداث يمكن ماتعجبني يمكن ماأحبها طيب بس ياخالد فكر بكل النواحي.. كل هذي كانت افكار خالد ليمى مل وقام واهو يتأفف وقال بيتصل العصر على الاقل تكون جات من المدرسه وروقت...
نرجع للمدرسه
تجمعو بنات العم وساره في الفسحه...وجلسو يسولفون ويضحكون واهم لافتي الانظار بضحكهم وحركاتهم
ساره صرخت: بنااااااااااات
البنات لفو عليها
ساره: تخيلوووووووو عرفتوو يحيى اخو كوثر صديقتي اللي ذاك اليوم وريتكم صورته
بنااان: اااااااااي اللي يخقق يمه فديته وش فيه؟؟لاتقووولين خطبك كان اذبحك
سااااره بحززن: تخيلو خطب بنت عمي .. اهئ
البنااااااااات: واااااااااااااااااااااااااااااو
بنان تكمل الدور: يوووه حسافه تمنيته يكون لي .. اخ بس رااح علي
ندى واهي تتهزأ: مايليق مايليق ابد .. لايق علي اكثر
بنان ناظرتها بنظرة احتقار:يرحم امك يعني انتي احسن مني خلك طافيه بس.. محد طلب رايك
أريج تناظر بنان: اايواااا ياخطير انت
جات وحده وقالت لبنان: لو سمحتي ممكن اكلمك على جنب شوي؟؟
بنان: قولي جنبهم تراي ماخبي عليهم شي وش بغيتي؟؟
البنت: لا بليز ماقدر بس شوي..
بنان راحت مع البنت
أريج واهي فيها الضحكه: شصاير لايكون معجبه
ندى: امااا معجبه كثري منها ههههههههههاااي
ساره: يمكن كل شي جايز ليه لا
ندى: لالالالا ماتخيل ابد وحده وتنعجب في بنان
فرح: طيب سكتو وانتظر وتعرفوون
رنااا: صح ياخبر الحين بفلوس بعد دقيقتين ببلاش
وبعد دقايق جات بنان
ساره: ها وتغمز لها شسالفه؟؟؟
بنان واهي فاطسه ضحك.: تخيلو جايه تقولي أنا من زمان احبك وودي لو تبادليني نفس الشعور..
أريج:هههههههههههه ..ايواا ياخطيير انتاا بكراا نشووفك ماسكه يدها وتغازلينه.. وتغمز لها..
ندى واهي تكمل: واااي .. وبعدين كل مانناديك تقولين مو فاضيه برووح مع حبي...
بنان: اقول كووولوو تبن
سارا: انزين وش قلتي لها..
بنان: قلت لها انااا علمي ونسبه وموفاضي لك وبعدين انااا ماحب هالسوالف..
ندى واهي تنحز: ااااي عفيه عليك مو مثل سويره اللي كل ماقالت لها وحده انااا احبك قالت لها واناااا اموت فيك
اريج : ههههههه اوووه انا لو اعدهم ماخلص ..
ساره: ياماما انااا اقدر المعجبات مو مثلكم
أريج: تكفين يرحم امك..اجل مادري وش خليتي مكاان لروميووو اللي مادري وينه..
سارا: لاا عاد اهو لين جاا اعطيه المكاان كله ..
تررررررررررررررررررررن
خلصت الفسحه
فرح: يلاااااااااااا على فصووولكم
بنان: بس اشتغلت الداعيه فرح انتي المفروض مايسمونك فرح يسمونك حزن
أريج واهي مسويه رووحها تداافع: حدك عاد هذي فرح
ندى: أي حدك بنت عمي
بنان: كلااب واناا طيب
ندى : حدكم عااد كل شي ولا بنون
بنان : لا تو الناس طسي
اريج: اقووول بس امشو امشو ..
رااااحوووو فصووووووولهم
في حصه من الحصص قامت ساره
أريج: وين؟؟؟
ساره: بروح (اكرمك الله) الحمام
وراحت ساره وبعد دقاااايق رجعت واهي ملامحها متغيره ومبين انهااا قرفاااانه من شي
أريج واهي عاقده حواجبها: وش فيك رحتي عسل ورجعتي بصل
ساره: شفتي البنت المسترجله اللي قلت لك انها تلاحقني من فتره
أريج: أي عرفتها وش فيها
ساره: شفتها طالعه من حمام واحد مع وحده من خوياتها وأشكلهم استغفر الله
أريج: الله يهديهم ويهدي المؤمنين والمؤمنات خليهم يولون بس انتبهي منها وحاولي قد ماتقدرين ماتبقين لحالك بالمدرسه
ساره: اللي الله كاتبه بيصير
المدرسه: ساره أريج وبعدين كل حصه هذي حالتنااا
ساره: خلاص ياأستاذه روقيناااا
وسكتو عشان ينتبهون للدرس
وفي نهاااااية الدوام
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك