بداية

رواية اختلفنا من يحب الثاني أكثر-3

رواية اختلفنا من يحب الثاني أكثر- غرام

رواية اختلفنا من يحب الثاني أكثر-3

المدرسه: ساره أريج وبعدين كل حصه هذي حالتنااا
ساره: خلاص ياأستاذه روقيناااا
وسكتو عشان ينتبهون للدرس
وفي نهاااااية الدوام
عند بنات العم
بنان بصراخ: بناااااااااااااااااااااااااااااااااااااااااااااااا اااااااااااات ماقلت لكم
ندى: شنووو
بنان: عززززوووووزززز خطب
البنات: وااااااااااااااااااااااااااااااااااااااااااااااااا اااااو منو؟؟
ندى واهي تتخصر: نعم نعم
اريج تكمل : لا كان استنيتو لين تسوون الدعواات وتعطوونا الكرووت مره وحده..
ندى: مالت عليك انتي واخووك وهذا وانا اقول اخوي واخوي صج حركااتكم وصخه
اريج: ومنو المسعده ان شاء الله
بنان : بل بل اش فيكم كلتووني..
ندى : لا ابد سلامتك .. بس لاني اول وحده ادري يعني
اريج واهي تتمسخر : هههههههههههه حلفت عليها ماتعلمك اليوم بس مارضت
بنان : ان لله ترا توناا ماصار شي
ندى: أي حتى ولووو شلوون اخوي ومادري ..
سارا: اقول انتي وياهاا وراا ماتنكتموون .. واهي تكلم بنان ومنو اللي داعيه لها امها..؟
بنان: فطووم ال..
ساره: واااااي بس مو كأنها صغيره يعني توها ثاني متوسط
بنان: تدرين القلب ومايهوى اليوم بيروووحووون يسون التحاليل
ساره: من جد انتووو ناس تشوفون القمر وتدورون النجوم الحين انااا قبالكم تروحون تخطبون له فطوم
بنان راحت حطت يدها على كتف ساره: لاتزعلين ياسوسو احنا كنا ناويين نخطبك بس اهو قال يبي فطوم ساره: ماعنده نظر وحركة شعرها بدلع
بنان ضربتها على راسها: اقول عاد عطيتك وجه بزيااااده..
ندى: ترا انا زعلانه ماعلي منكم
اريج: أي وانا بعد..
بنان : عسااكم مارضيتوو..
اريج : يالله اجل عالبركه..
ندى: مبرووك بس يصبر عزييز الكريه..
فرررح: أي تفاهمي معاه بعديين .. بس يالله قوموو
حنان:يلا جد قومو
قااااموووووووووو البنات


أريج رجعت البيت وجهزت نفسها ومشو للبحرين
خلونا نروح نشوف خالد شوي على ماتوصل أريج للبحرين...


عند خالد..
خالد ماقدر يصبر للعصر واتصل اول ماالساعه جات على الوحده ونص...
والخط يرن ويرن ويرن وعلى آخر رن وصل صوت ساره الناعم لخالد..
ساره بصوتها الناعم:الوووو
خالد:.........
ساره: الووووو
خالد لازال ساكت:
ساره: من معي الووووو
ساره يأست وقفلت الخط
خالد لازال الجوال على أذنه صوت ساره لازال يرن في أذنه مو مصدق نفسه مو مصدق الصوت اللي سمعه
خالد جى صوت أمه وصحاه من حلمه
أم خالد: خاااالد حبيبي يلا أنزل تغدى
خالد ساكت وسرحان
أم خالد قربت منه: خالد حبيبي فيك شي
خالد واهو لسى مو مصدق:هلا
أم خالد حطت يدها على كتف ولدها: خالد لاتخوفني عليك وش فيك؟؟
خالد: ها لا مافيني شي بغيتي شي يمه
أم خالد: انزل تغدى
خالد: لا مالي نفس
أم خالد: براحتك.. وراحت
نروح لأريج بعدين نرجع
أريج وصلوو اهم وبيت عمهم البحرين اهم متعودين كل مره يباتون بيت خالتهم( ام طالب) بتعرفونهم بعدين
نزلو بيت خالتهم ونزلو الاغراض ولقو احلى ترحيب من خالتهم وزوجها وعيالهم نتعرف عليهم
(أم طالب خالة أريج وحنان ماعندها بنات وتعتبر أريج وحنان بناتها_ طالب 24 سنه يشتغل في شركه ويمووووت في أريج_ راكان22 سنه يدرس آخر سنه جامعه واهو بعد يموووت بتراب أريج ودايم خناق مع اخوه طالب بسبب أريج_طاهر 19 سنه يدرس سنه أول جامعه والصديق الصدوق لأريج وأريج تعتبره اخو وصديق أكثر من أنه ولد خالتها) *جننتيهم ياأريج وشكلك بتفرقين بين الاخوان الله يستر منك*
كانو في أستقبالهم الاخوان الثلاثه
أريج: طاااااااااااااااااااااااااااااااااهررررررر اشتقت لك يالدب
طاهر: ااااارريجووو الدبه وانااا اكثر
أم أريج تقول لام طالب: مادري متى بيعقلون
أم طالب: ليمن نعرسهم
طالب دخل عرض: يلا يمه على يدك
أم طالب: منى عيني أزوجك انت بس أشر
طالب بصوت عالي: خلاص يمه انااا ابي اريج
أريج: يؤ ياحليل لقيت لك وحده على اسمي حلفتتك تخيليني اشووفها..
طاهر مات ضحك:ههههههههه لقط وجهك هههههههه
طالب: اكل تبن
راكان اخيرا تكلم: أريج لي اناااا
أريج: خير سلامات شايفيني لعبه عندكم.. لا ياعيووني توي صغيره
طاهر:هههههههههه قايل لكم أريج ماتبيني الى انااا صح جوجو
أريج بابتسامه عشان تقهر اخوانه: أكيد .. بس انت خلص السمستر وانا من يدك هاذي ليدك هاذي
وراكان وطالب متعودين عليهم فضلوو ساكتين..
أم أريج: عقلي يابنت استحي
أم طالب: يلاااا عاد تفضلوو بتضلون واقفين على الباب
دخلووو داخل
أم طالب: اقووول راشد ماسمعنااا صوتك
راشد:سوالفهم تافهه ماحب اتناقش فيها.. يلا اناااا ماشي
أم طالب: والله ماتمشي
طالب: على وين
راكان: خلك معنا
طاهر: أجلس تغدى
أريج قامت ومسكت اخوها من ثوبه: رشوود حبيبي ماشبعت منك خلك شوي انااا بلموت ماشوفك الى كل اسبوع
راشد يطالع اخته من جد اشتاق لها ولهبالها من زمان ماجلس معها فتره: ولووو لعيونك بجلس قالها بصوت واطي...على صوته وقال: خلاص خاله عشان الحلف الللي حلفتيه بجلس للغدى
أم أريج: والله ياوليدي لو تريح عمرك وتاخذ ايجازه يومين وتجلس معنا في البحرين تونس نفسك شوي
اتصل على المدير واشوف... وقااام يكلم مديره
طالب واهو يناظر أريج: اموووت واعرف وش قلتي له عشان رضى يجلس
أريج بلامباله: اجل موووت لاني مارح اقولك
طاهر قرب يمها: وانااا
أريج: ثواني طاهر وطلعت جوالها وكتبت الكلام اللي قالته لراشد واللي اهو قاله لها وعطته طاهر
وراكااان وطالب بيموتون من القهر والغيره من قرب اخوهم الصغير من سارقة قلوبهم أريج...
طاهر بعد ماقرء اللي في الجوال ناظر أريج وقالها: والله انك مو هينه
أريج: افااا عليك اناااا اريج
راكان يقول بداخله( صدقتي يكفي انك سرقتي قلبي وقلب اخوي)


راكان قام

أم طالب: راكان وين مابتتغدى
توه بيتكلم الى جى راشد
راشد: عندي لكم خبر
أريج: قول ان اللي في بالي صح
راشد ابتسم: أي بظل في البحرين هاليومين
أريج بصراخ قامت وانطت على اخوها واهي تحضنه: وااااااااااااااااااااااااااااااااااااااااااااااااا ااااااو
طالب في داخله( ليتني مكانك ياراشد)
راكان طلع على غرفته بسرعه
أم طالب في داخلها( الله يهديكم ياعيالي)




نرجع لخالد...
خالد كان تفكيره منحصر في البنت اللي سمع صوتها(ساره) من يومها واهو مو على بعضه.. كان دايم يحلم ببنت تمر من جنبه ويمسك يدها وفجاءه يسمعون صوت شي ينكسر وتختفي البنت...كان صوت البنت في الحلم نفسه صوت ساره..
خالد رجع أتصل على ساره الساعه 6 المغرب
رن ورن ورن ورن بس محد رد على خالد
ورجع اتصل وطلع انتظار.وقال بيدق عليها بعد شوي..


ساره كانت تكلم أريج وماأنتبهت للخط الثاني
ساره:شخباااااارك ياااابطه؟؟؟
أريج: واااااااااااي ياسويره لو تدرين وش صاااار
ساره: اكيد وحده من حركاتك اللي مال امها داعي
أريج عفست وجهها:..سوير عيب انااا ماأسوي حركات كلا ظانه فيني ظن السوء
ساره:هههههه ولووو فاهمتك طيب قولي شصاااار
أريج بنذاله كعادتها: مارح اقولك روحي طسي..
ساره: افاااا جوجو انااا سارونه تخبين عني
أريج: مشكلتك فاهمتني لساني يحكني اذا ماقلت لك ..
ساره:ههههههه فديتك وفديت لسانك طيب قولي
أريج بصراخ وحماس: راااااااشد بيبقى معناااا في البحرين والله لا أفلها فل دام البنك المتحرك معي فديته اخوي والله انه يجنن..فديته انا مادري ليش احب هالولد ..
ساره : مسكين هالراشد يعني مو لله تبينه..
أريج بترقع السالفه: لا وربي لعدة اسباب منها اني مشتااااقه له ولا فلوسي قليل وعلشاان الطلعاات يعني مايصير اظل بدوون اخووي يافديته والله..
ساراه: يعني كم عندك ...
أريج ببراءه: 500 ريال بس
ساره شهقت: بس؟؟والله انك تراها كلها ليومين واكيد هالخمس ميه مو محسوبه منها لا الاكل ولا الشرب ولا الالعاب
أريج: أكــــــــــــيــــــــــــــد ..
ساره: يعني شبقى بس االاسواق اقول خلك طافيه انتي اصلا الله يعين اللي بياخذك كان امه داعيه عليه ليل ونهار اكيد امه قالت له روووح جعلك وطلعتي في وجهه بتفلسين فيه من اول شهر
أريج تقاطعها : هي هي هي هي كلتيني عيش بلا ملح الله واكبر عليك وش فيك بالعه فلفل من صباح ربي شوي شوي علي وبعدين انتي وش حارك خليني.خليني اخذ راحتي على كيفي .
ساره تذكرت سالفه..: اااي اريج ماقلت لك
أريج تحمست: شنووو وشوو شوو بسرعه قولي ..يالله عااد
ساره تتأفف: انزين عاد انتي انكتمي خل انطق..في رقم صار له من جيت من المدرسه واهو يدق بس مايتكلم يظل ساكت
أريج استانست: لايكون واحد معجب فيك لا لا اكيد معجب انا ادري
ساره: اقول سكتي بس
أريج : مادري عنك عادي لاتردين ولا حوليه على ابوك والا شرايك تحولينه علي هووع
ساره تنرفزت اشوي:لا ياشيخه اقول ذلفي جزاتي داقه عليك ومخسره عمري يالله باي..
أريج:اوكيك قلبو لاتعصبين علي ريلااكس شوبيك
ساره ودها تنط لها من السماعه: باي
اريج: هههههههه بباي
بعد ماسكرت ساره شافت ثلاث مكالمات من الرقم نفسه
مسحته وطنشت..
وبعد ثواني اتصل واهي معطته اكبر طاف
اشوي الا وجات لها رساله خلتهااا تصيح وترتجف بشكل مو طبيعي...واهي تقول في داخلها(يارب يارب لا شنو هالمصيبه يارب اللهم لاأسألك رد القضاء ولا كنني أسألك الطف فيه)
وعلى طول رجعت اتصلت على أريج واهي تصيح
أريج واهي تتحرطم عليها:لاااحول ماأمداك تشتاقيين لي
ساره واهي تشاهق: أريج لحقي علي أريج
أريج على طول قامت واهي ميته خوف على صديقتها: ساره وش فيك حبيبتي وش فيك وش صاير
ساره حكت لأريج عن اللي صار
أريج: طيب اهدي وقولي لي نص الرساله
ساره: مكتوب (هلا ساره انااا عارف عنك كل شي انتي عمرك 17 صح؟؟؟ وعددكم في البيت 7 بليز ساره ياليت تردين علي)
اريج ماتعرف تتصرف في هالمواقف كلش: هدي ماتدرين يمكن وحده من صديقاتك مسويه لك مقلب عاادي تصير
ساره: لا طبعا انتي عارفتني وعارفه ان صداقاتي كثيره صح بس ماأعطي رقم جوالي الى اللي واثقه فيهم وكل يعرفون اني ماأحب هالحركات وأخاف منها
أريج احتارت:طيب شوفي ردي عليه بس مو وانتي تصيحين وبيني انك قويه لاتضعفين ولاتطولين معه
وشوفي وش يبي وسكري بسرعه
ساره: اوكي
أريج: وطمنيني وش يصير معك..أوكي
ساره:طيب باي
أريج:باي


ساره بعد ماسكرت
مرت ثواني...دقايق...عشر دقايق...ربع ساعه
ورن جوال ساره
خلوناااا نروح شوي بعدين نرجع نشوف ساره وهل ردت ولا لا ولو ردت شبيصير معهااا






عند نسيم
كانت رايحه لجوري
جوري كانت ماسكه جوال نسيم وتقرأ رسايل وسام
لانهم متفقين حتى الرسايل مايخبونها على بعض
جوري: أي دى شنو ذى عيب يابنت هذا وماصار شي وودي اضمك واحطك بين احضاني اجل لو يصير شي وش بتكون رسايلكم
نسيم : اقووول عقلي عني وقالت بدلع واهي تحرك شعرها ترى اعلم عليك وسووومي ههههه
جوري تناظرها من فوق لتحت:مالت عليك ثم مالت عليك واهي تقلدها وسوومي وع لا اهو ولا دلعه حلو .. قالو لك اللي عندي ..
جاااات ندى
ندى واهي فيها الضحكه على هالهبلات: يعطينا اللي فالجدر مثل ماعطاكم في الملاس(مثل حساوي)
جوري : خلاص انااا اكلم ترووكي ونسوم تكلم وسام يدورون لك على رجل
ندى تناظرها باحتقار: والله اذا ماجى لحاله وقال ابي ندوش بالاسم مابيه
نسيم: يحصلك واحد اماراتي مثل وسومي
جوري: ولا سعودي وسيم مثل تروكي
ندى: مالت عليك انتي واهي انااا مادري ليه جايه يمكم
اقوم احسن لي وقامت
جوري: كان سويتيها من زمان
جوري لفت على نسيم
جوري بشوية جديه: نسوم
نسيم: هلا
جوري: وسام ماقالك متى بيتقدم لك
نسيم: اهو الحين يدرس انتي تدرين
جوري: أي ادري.. يقالك قايله شي جديد
نسيم: قدم على بعثه ولسى ينتظر اذا طلعت وانقبل بيتقدم قبل مايروح واذا ماأنقبل بيدور له وظيفه
جوري: اهااا ومتى بتطلع أسماء القبول
نسيم واهي تفكر: بعد شهرين يعني قولي في شعبان
جوري فتحت عينها: الله يعني بدري ..
نسيم: انتظرته طول عمري ماأنتظره شهرين
جوري واهي تصفر: وااااااو وينه وينه بس والله لو يسمع كلمه من اللي قلتيها يكنسل ام البعثه ويجييك
نسيم عصبت:كوولي هواا زين.. وانتي شصار على تركي.. وتغمز لها..
جوري واهي تكع على رووحها: ولا شي .. مالت على حظي بس
نسيم: هونيها وتهون انتي تدرين انه يحبك
جوري :انزين يحبني وبعدين يرحم امج بس امه تكرهني واهو مايقدر يعصيها خليني ساكته بس
نسيم:خلاص حبيبتي هونيها
جوري برجه: ابد مو لايق دور الحنونه عليك
نسيم: مالت عليك يالخايسه هذا جزااتي انا اقوم بيتنا احسن لي..
جوري:ههههههههه
ندى بعد ماراحت غرفتها شافت جوال جوري يرن
خذته وشافت تركي يتصل وردة عليه
ندى: الووو
تركي: هلا ندوش شلونك؟؟
ندى باستهباال: ابيض من داخل كحلي هاهاهاهاها
تركي: كحلي ولا أعطس لي هاهاهاها
تركي اشوي مستحي : اقول ندووش..وين جوري
ندى هبت فيه : انزين عاد جامل ياخي مابي شي بس جامل..
تركي تفشل اشوي : افا بس انتي الاصل
ندى:أي أي عدل لرووحك.. ماعلينا جوري جايتها نسيم وجالسه تحت معها
تركي: طيب ودي لها الجوال وبدق عليها بعد شوي
ندى بنذاله:مانيب موديته وبعدين اقولك مع نسيم يعني دق عليها بعد ساعه مو الحين
تركي تأفف وتنرفز منها: انزين انزين انسه ندى ...الغلط مو عليك..على اختك اللي تاركه جوالها عندك
ندىبضحكه: هههههههه أي ماردكم لي والايام بينا ..
تركي: طيب انقلعي خلاص مالت عليك
ندىواهي ميته ضحك:هههههههههههه وعليك وسكرت في وجهه
نتعرف على الشخصيه الجديده تركي(هذا ولد خال ندى وجوري وبيموووت في جوري وبعد فتره جوري رحمته وقررت تعطيه وجه لانها كانت تحبه بس تتغلى وماتبي تقوله(^_*)يدرس بالتقنيه اخر سنه ويبي يتزوج بس مايبي الى جوري وامه ماتبيها)


نرجع لسااااره
ساره تركته يرن واهي تطالعه واهي خايفه ليمى سكت ورجع يرن وبعد فتره رفعته بس ماتكلمت
خالد:الووو
ساره:.............
خالد: ساره
ساره قوت نفسها وقالت:نعم من معي
خالد: معك خالد الـ..................
ساره: وشنو تبي ومن وين عرفت اسمي وجبت رقمي
خالد: شوي شوي علي وانااا بقولك كل شي وتأكدي اني مارح اضرك ابد والقرار يرجع لك انتي
ساره: طيب قول بس بسرعه لاني مارح اطول
خالد عجبته شخصيتها وثقتها بنفسها:شوفي معلوماتك طلعتها بطرقي الخاصه وانااا كنت مقرر من قبل اني ماأخلي امي تدور لي البنت اللي بتزوجها وبدورها بنفسي اناااا كانت تجيني احلام
غريبه عن بنت وحكى لها الحلم وصوت البنت في الحلم مثل صوتك حتى لاحظتي اني في البدايه كنت ساكت لاني كنت مصدوووم مو مصدق اناا قلت لك اسمي خالد وعمري 22 سنه وراح تتعرفين علي اكثر اذا وافقتي على اللي بقوله لك الحين اولا انااا مارح اغصب على شي ولا راح اضرك بشي اذا رفضتي وثانيا كل اللي ابيه الحين انك تبقي معي فتره شهرين اوثلاثه واذا تفاهمنا وعجبتك شكلا ومضمونا راح اتقدم لك
فكري عندك من اليوم الى السبت يعني ثلاث ايام أضنها كافيه صح؟؟
ساره مو مستوعبه الكلام اللي تسمعه كانت دايم تتمنى تتزوج بعد قصة حب اسطوريه بس كانت عارفه ان هالشي مستحيل فا قالت: اوكي السبت ارد لك خبر باي
وسكرت
خالد قال بداخله شكلها جد مو راعيه خراااابيط
ساره على طول اتصلت على اريج
أريج واهي قافله معها: يااااااخايسه سبع مرات اتصل عليك هاذا وانااا اقولك لتطولين معه قولي تكلمي وش صار ليه ساكته منو طلع وشنو يبي
ساره تقاطعها: شوي شوي علي ماأمداني اتكلم وانتي وش صار وليه ساكته اولا كلها ربع ساعه ماطولت
أريج بحماس: ربع ساعه ساعه نص ساعه..خلصي علي قولي وش صار
ساره حكت لها المكالمه بالتفصيل الممل
أريج بصرخه: واااااااااااااااااااااااو وشنو بتسوين
ساره: مادري متردده خايفه شهرين او ثلاثه مو قليله
أريج : الى قليله وبعدين شكله ولد ناس ولو يبي يضرك كان سواها من زمان ماأنتظرك
ساره تفكر: معاك حق على العموم انااا بفكر واشوف وانا مارح ارد عليه الى السبت الظهر يعني انتي بتعرفين قراري قبله
أريج: أكيد ولا اذبحك..يلا سوير اسمعهم ينادوني بروح واكلمك وقت ثاني واي شي يصير على طول تتصلين فاهمه
ساره: ولو اكيد يلا باي
أريج:باي


أريج راحت لطاهر اللي يناديها
طاهر: وينك انتي صار لي ساعه اناديك
أريج: كنت اكلم سوسو ليه وش فيك.. خير
طاهر: ياذا السوسو اللي راجتنا فيها أي تعالي معي الغرفه بوريك آخر العروض اللي سويتها
أريج هزت راسها واهي تنزل: أوكي بس أول بنزل أخذ لي عصير واجي لك
طاهر: طيب
نزلت أريج واهي في نص الدرج جى طالب أريج مرت والوضع عادي عندها بس اهو سمع الكلام اللي بينها وبين طاهر وعصب ولما مر من جنبها مسك أيدها
أريج انصدمت وقالت واهي ماسكه نفسها: خير سلامات من متى الميانه أترك أيدي..
طالب واهو قافله عنده:صح الميانه بس مع طاهر لو انااا اقولك تعالي مع الغرفه حتى لو كان بس عشان أوريك عروض بتجين؟؟
أريج طالعته بنظرتها لمعتاده: طاهر ماينظر لي غير أخت اما انت فانظرتك لي غير عشان كذا لا مارح اجي وبعدين سلامات طاهر مامره تجرأ ومسك ايدي..
طالب ساكت ويطالعا:....
أريج عته وجه: يعني كيف اش رايك بعد اجيب شاي وحب اترك ايدي اففف..تركها..
طالب واهو رافع حاجب : وش ناقصني عشان ماتحبيني؟؟
اريج واهي ماسكه روحها للحين: انااا أحبك بس كأخ وبعدين سلاماات حب وماحب وين احنا توك وانا توي
طالب لفها عليه بقوه وصار وجهها مقابل وجهه: بس انااا مابي كأخ أريج أناا ماقدر اعيش بدونك حسي فيني...مرر يده على وجهها واهو يناظر ملامح وجهها وقال: اناااا ابيك لي انااا وبس
أريج سرت رعشه بجسمها وسحبت يدها بهدوء وراحت تركض للغرفه اللي كانو ينامو فيها لما يجون البحرين وظلت تصيح بصمت لدقايق معدوده واهي ودها تتطلع له الحين وتوريه على هالحركه اللي سواها ..هدت اشوي وحاولت تنسى الموضووع وبعدها قامت غسلت وجهها وعدلت الشيله .. وراحت لطاهر
طاهر واهو يطالع وجهها وحاس فيه شي: شنو هذا كل ذا تجيبين عصير لو بتجيبين الثلاجه كلها كان وصلتي من زمان
أريج ومزاجهاا مو لهنااك : بلا هذره زايده ووخر خلني أشوف الابداعات..
وظلت تسولف وتضحك مع طاهر ونست اللي صار..


وعند ساره
ساره كان بالها مشغول بخالد اللي اقتحم حياتها فجاءه وماهي عارفه وش تسوي هل تخون أهلها وثقتهم فيها وربها وتكلمه ولا تتركه وتترك الامنيه الخياليه اللي تمنتها وفي النهايه قررت وعلى طولت نفذت اللي في بالها
اتصلت على وحده من صديقاتها
ساره: الووو هلا ياسمين
ياسمين: ساره اهلين
ساره: ياسمين ابي منك خدمه سريعه ممكن
ياسمين: آمري لك عيوني
ساره: تسلم عيونك أنااا ابي اكلم أبوك
ياسمين: هااا وش قلتي
ساره:لالالالا لاتفهميني غلط انااا ادري ان ابوك شيخ وابي اسأله عن شغله خاصه شوي ممكن تعطيني رقمه
ياسمين: اذا كذا من عيوني سجلي عندك 055..........
ساره: تسلمين مشكوووره كثير
ياسمين: ولووو العفو بس تراه نايم الحين
ساره: شدعوه مارح اتصل هالوقت ادري انه متأخر
ياسمين: اوكي انااا بعد بروح انااام...باي
ساره: باي
ساره قررت تسأل شيخ عن حكم الحب بين الشاب والبنت وعلى الحكم اللي بيقوله لها راح يكون قرارها
.................................................. ..


خالد كان خايف ومتوتر ان ترفضه وخاصة انه حس انه تعلق فيهاااا كثيرررر مع انه ماكلمها الى مره وحده بس سحرته
...................................
وعند بنان+فرح
بنااان راجه البيت رج
بنان بصراخ: اووووووووووووف منكم قووووووووووومووو طلعووووو خلونا نشم هواااا نستانس كل جالسين الاختبارات قربت خلو نفسيتنا تنفتح قبل الاختبارات
جات أمها وصرخت عليها: قووومي هاذا الباب مفتوح طلعي قومي
جى عبد العزيز وحب راس أمه: خلاص يمه هدي أعصابك ماتسوى
بنان بصراخ: أنااا ماأسوى ولا انت محسوب علي اخو على الفاضي انت اللي المفروض تطلعنا تمشينا مو بس شاطر تتغزل في جولييت وبتسوي وبتفعل لهاااا سوى لنااا اول احنا خواتك احنا اولا
عبد العزيز جلس وحط رجل على رجل وقال بكل هدوء: انااا ابي اعرف ليه تتكلمين بصيغه الجمع ترى فرح ماجابت طاري انها تبي تطلع ولا تبي تطل اصلا شوفيها شحلاتها جالسه تذاكر مو انتي
بنان لسى تصارخ: أي لو الانسه فرح طالبه شي كان سويتوه على طول بس انااا لاني بنت البطه السوده
عبد العزيز رحمها: خلاص بنووون قومي لبسي عباتك
بنان: هااا
عبد العزيز: مو وقت تفههين ولا بهون
بنان: لالالالا خلاص بقوم وراااحت تركض
راحت بنان ومرت على فرح ودخلت واهي تصرخ: فرووووح قومي عزوز بيطلعنا قومي بسرعه
فرح: والله حلفي الحين البس عباتي
ولبسووو ونزلو لعبد العزيز اللي كان بينظرهم بالسياره


في البحرين..

راكان كان توه طالع من غرفته خلونا نشوف اول تصميم البيت بيتهم كان مكون من طابقين الارضي يتكون من صاله في وسطها الدرج للطابق الثاني وغرفة طعام وغرفه للضيوف ومطبخ وثلاث دورات مياه ومجلس والطابق الثاني يتكون من صاله واربع غرف نوم وثلاث دورات مياه غرف الطابق الثاني غرفتين مقابلتين بعض لشباب وحده لطاهر وطالب ووحده لراكان والغرف الثالثه لام وابو طالب والغرفه الرابعه لام اريج وابوها اذا جاو او ام وابو حنان والبنات في غرفة الضيوف اللي تحت


راكان بعد ماطلع من غرفته شاف غرفة اخوانه شبه مسكره وصوت ضحك أريج وطاهر واااصل لاخر الدنيا حس بالقهر وندم اه اعترف لها بحبه كمل طريقه واهو ساكت وطلع بهدوء زي مادخل بهدوء.. وطلع من البيت..
عند طاهر وأريج..
أريج وعيونها تدمع من الضحك: أي طهوور ماقلت لي بعد اخبار بنات الجامعه
طاهر واهو رايح فيها: آآآآآآآآآآآآآآآآآآه ياهم يخبلون الواحد ومايخلون فيه عقل
أريج بشبه همس: وانت بعد في بنات ماخليت فيهم عقل
طاهر: شنو قلتي من أي بنات
أريج : أي بنات انت الثاني من قال بنات مصدق عمره الاخ..
طاهر: اريجووو قولي من هالبنات لايكون انتي؟؟؟ ويرفع لها حاجب وينزله
أريج بشبه صرخه: أنااااااااا وووع وع وع ومالقيت الى انت تركت كل هالمعجبين واطالعك انت.. مشكله الثقه..
طاهر اهو مكمل الدور بمزح: مو من قلبك هالكلام صح؟؟
أريج واهي رافعه حاجبها: ابوووك يالثقه.. أنزين ولا يهمك بس لاتزعل علينا..
طاهر: فديتك أناا
أريج واهي تناظر الساعه: اووووه الساعه صارت 11 انااا بقوم انااام اوكي
طاهر: وانااا بعد تعبت من الجلسه وبقوم انااام
أريج: ماشي تصبح على خير
طاهر: وانتي بالف خير
اشوي ورجعت فتحت الباب وطلت براسها اذا جيت تروح الجامعه خل الشغاله تجلسني اوك..
طاهر: اوكيك
راحت اريج تشوف حنان اللي من جااو واهي نايمه
دخلت اريج الغرفه اللي كانت لها ولحنان شافت حنان نايمه قربت منها ورفعت البطانيه عن وجهها
أريج: حنان حنون قومي بس نوم انتي من العصر نايمه والحين الساعه 11
حنان بصوت تعباااان: اتركيني اموت تعبانه
أريج خافت على بنت خالتها: حنان حبيبتي وش فيك شنو يألمك
حنان: قلت لك مافيني شي تركيني
أريج ابد مو عاجبها حال هالبنت بس شتسوي تعبت معها تركتها وراحت تناااام


نروح لجوري+ندى
جوري كانت على المسن تكلم تركي
جوري(دلوعه حبيبها)
تركي(هلالي)
دلوعه حبيبها: مرحبااا
هلالي:مرااحب
دلوعه حبيبها: كيفك؟؟؟
هلالي:دام انتي بخير انااا بالف خير
دلوعه حبيبها: يسلمووو..
هلالي: واخبارك انتي ؟؟
دلوعه حبيبها: تمااام اسأل عنك
هلالي:غريبه شابكه هالوقت ماعندك جامعه بكره
دلوعه حبيبها: الى بس الظهر الساعه12
هلالي: أهااا
دلوعه حبيبها:وشخبار امك؟؟
هلالي: جوجو لاتبدأين خلينا لو مره ننهي المحادثه على شي حلو
دلوعه حبيبها: بس انااا اول مره افتح هالموضوع معك صح ولا؟؟
هلالي: الى صح
دلوعه حبيبها: وانااا ماقلت شي سألت عن اخبار مرت خالووو مافيهاا شي ..
هلالي: لا مافيها شي على العموم اهي تمام
دلوعه حبيبها: وماجابت طاري لي
هلالي: لا ليش
دلوعه حبيبها: لا ولاشي.. بس من كم يوم كانت عندنا وتقول انها لقت لك وحده وبتخطبها لك
هلالي: بس هالموضوع مو جديد
دلوعه حبيبها: صح المهم ماعليناا
هلالي (تضايق من امه وطريقتها): خلاص جوجوبعد هالسمستر انا بكلم ابوي
دلوعه حبيبها:طيب يصير خير
هلالي: الله كريم ياجوجو الله كريم اليوم
دلوعه حبيبه:طيب ممكن تقفل السالفه..
هلالي: طيب بسحطي في بالك اني مستحيل اخذ غيرك اوكي..
دلوعه حبيبها: اوكي
هلالي: يلا ياجوجو قومي نامي واكلمك بووكرا..
دلوعه حبيبها: اوك ..
هلالي: ايلا تصبحين على خير

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -